តម្លៃទឹកស្អាតនៅរាជធានីភ្នំពេញ ថោកជាងគេនៅអាស៊ី

ឧកញ៉ាមហាសម្បត្តិ — Thu, 09 Jun 2022 08:53:24 +0000

លោក ឡុង ណារ៉ូ អគ្គនាយករដ្ឋាករទឹកស្វយ័តរាជធានីភ្នំពេញបានបញ្ជាក់ថា តម្លៃទឹកស្អាតនៅរាជធានីភ្នំពេញទាបជាងគេនៅតំបន់អាស៊ី។

លើកឡើងក្នុងសន្នសីទសារព័ត៌មាននៅព្រឹកមិញនេះ លោក ឡុង ណារ៉ូ បានឲ្យដឹងថា តម្លៃទឹកស្អាតនៅរាជធានីភ្នំពេញជាមធ្យម ១៣៥០ ក្នុងមួយម៉ែត្រគូប។ បើផ្អែកតាមរបាយការណ៍របស់ធនាគារអភិវឌ្ឍអាស៊ី ឃើញថាតម្លៃទឹកនៅរាជធានីភ្នំពេញគឺទាបជាងគេនៅតំបន់អាស៊ី។

ជាមួយគ្នានេះ បើតាមអគ្គនាយករដ្ឋការទឹក រដ្ឋាករទឹកក៏បានជួយសម្រួលតម្លៃទឹកសម្រាប់ពលរដ្ឋដែលមានការខ្វះខាតលើការធានាការទទួលបានទឹកស្អាតប្រើប្រាស់ ដោយរដ្ឋាករទឹកចេញខាតជំនួស។

តម្លៃលក់ទឹកស្អាតនៅរាជធានីភ្នំពេញបែងចែកជា ៤ ប្រភេទ។ ទី១ គឺអតិថិជនជីវភាព (អ្នកប្រើប្រាស់តាមផ្ទះ) ទី២ អតិថិជនអាជីវកម្ម ទី៣ អតិថិជនជាក្រសួង-ស្ថាប័នអង្គភាពនានា និងស្ថានទូត ទី៤ តំណាងចែកចាយបន្ទប់ជួល។

លោក ឡុង ណារ៉ូ បានឲ្យដឹងថា តាមការកំណត់តម្លៃប្រើប្រាស់ទឹករបស់អតិថិជនប្រើប្រាស់តាមផ្ទះ ដែលមានជីវភាពខ្វះខាត រដ្ឋាករទឹកបានកំណត់តម្លៃទាបជាងថ្លៃដើមផលិត ធ្វើយ៉ាងណាជួយសម្រួលជីវភាពរបស់ពលរដ្ឋ។

យោងតាមតារាងតម្លៃរបស់រដ្ឋាករទឹក អតិថិជនតាមផ្ទះដែលបើប្រើក្រោម ៧ ម៉ែត្រគូប គិតតម្លៃ ៤០០ រៀល ក្នុងមួយម៉ែត្រគូប ប្រើចាប់ពី ៨ ម៉ែត្រគូប ដល់ ១៥ ម៉ែត្រគូប តម្លៃ ៧២០ រៀល ហើយតម្លៃនឹងឡើងបន្ថែមទៀត អាស្រ័យកម្រិតការប្រើប្រាស់ច្រើនជាងនេះ៕

The post តម្លៃទឹកស្អាតនៅរាជធានីភ្នំពេញ ថោកជាងគេនៅអាស៊ី appeared first on .

រាជរដ្ឋាភិបាល សម្រេចតែងតាំងអគ្គនាយករដ្ឋាករទឹកស្វយ័តក្រុងភ្នំពេញថ្មី ជំនួសលោក ស៊ឹម ស៊ីថា

ឧកញ៉ាកោះក្របី — Mon, 30 Aug 2021 11:07:38 +0000

ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន សម្រេចចេញអនុក្រឹត្យតែងតាំង លោក ឡុង ណារ៉ូ ជាអគ្គនាយករដ្ឋាករទឹកស្វយ័តក្រុងភ្នំពេញថ្មី ជំនួសលោក ស៊ឹម ស៊ីថា ដែលត្រូវដាក់ឲ្យចូលនិវត្តន៍។

The post រាជរដ្ឋាភិបាល សម្រេចតែងតាំងអគ្គនាយករដ្ឋាករទឹកស្វយ័តក្រុងភ្នំពេញថ្មី ជំនួសលោក ស៊ឹម ស៊ីថា appeared first on .

រដ្ឋាករទឹកស្វយ័តក្រុងភ្នំពេញ

តម្លៃ​ទឹកស្អាត​​នៅ​រាជធានី​ភ្នំពេញ​ ថោក​ជាង​គេ​នៅ​អាស៊ី

រាជរដ្ឋាភិបាល សម្រេចតែងតាំងអគ្គនាយករដ្ឋាករទឹកស្វយ័តក្រុងភ្នំពេញថ្មី ជំនួសលោក ស៊ឹម ស៊ីថា

តម្លៃទឹកស្អាតនៅរាជធានីភ្នំពេញ ថោកជាងគេនៅអាស៊ី