រថយន្តហោះ Matrix ត្រូវបានក្រុមហ៊ុន AutoFlight ដាក់បង្ហាញជាលើកដំបូង នៅឯកន្លែងហោះហើរសាកល្បងមួយនៅក្នុងទីក្រុង Kunshan ដោយវាមានស្លាបប្រហែល ២០ ម៉ែត្រ តួខ្លួនបណ្តោយ ១៧,១ ម៉ែត្រ និងកម្ពស់ ៣,៣ ម៉ែត្រ ហើយត្រូវបានក្រុមហ៊ុននេះ សម្មត់ថាជារថយន្តហោះ eVTOL ធំជាងគេបំផុត នៅលើពិភពលោក។

មិនតែប៉ុណ្ណោះ រថយន្តហោះ Matrix នេះ ត្រូវបានរចនាឡើងជាពិសេស ដើម្បីដឹកអ្នកដំណើររហូតដល់ ១០ នាក់ ឬអាចដឹកជញ្ជូនទំនិញរហូតដល់ ១ ៥០០ គីឡូក្រាម។

យ៉ាងណាមិញ បើតាមក្រុមហ៊ុន AutoFlight បានបង្ហាញឲ្យដឹងទៀតថា រថយន្តហោះ Matrix នេះ ត្រូវបានផលិតឡើងជាពីរម៉ូដែល ដោយម៉ដែលអគ្គិសនីសុទ្ធ អាចហោះហើរបានចម្ងាយអតិបរមាប្រហែល ២៥០ គីឡូម៉ែត្រ និងម៉ូដែលអគ្គីសនីចម្រុះ Hybrid អាចហោះហើរបានចម្ងាយរហូតដល់ ១ ៥០០ គីឡូម៉ែត្រ។

ជម្រាបជូនផងដែរថា ក្រុមហ៊ុន AutoFlight ហាក់នៅមិនទាន់ទម្លាយប្រាប់ឲ្យដឹងពីតម្លៃ និងថ្ងៃដាក់លក់រថយន្តហោះ Matrix នៅលើទីផ្សារនៅឡើយនោះទេ៕​

The post ចិន ដាក់បង្ហាញរថយន្តហោះទំហំធំជាងគេបំផុត នៅលើពិភពលោក appeared first on .

យោងតាមការចុះផ្សាយពីគេហទំព័រ HypeBest បានឲ្យដឹងថា រថយន្តហោះ AirCar នេះ អាចផ្ទុកអ្នកដំណើរបានពីរនាក់ ជាមួយនឹងស្លាបអាចដកចេញបាន ខណ:ផ្ទៃកន្ទុយក្រោយអាចបត់បាន និងថែមទាំងមានប្រព័ន្ធបញ្ចេញឆ័ត្រយោងនៅពេលជួបញ្ហា ផងដែរ។

មិនតែប៉ុណ្ណោះ បើតាមក្រុមហ៊ុន Klein Vision បានឲ្យដឹងទៀតថា AirCar នេះ អាចផ្លាស់ប្តូរពីរថយន្តធម្មតា ទៅជារថយន្តហោះ នៅក្នុងរយ:ពេលតិចជាង ២នាទីប៉ុណ្ណោះ ខណ:វាអាចហោះឡើងលើដល់កម្ពស់អតិបរមា ១០ ០០០ហ្វីត (៣ ០៤៨ ម៉ែត្រ)។

ក្រុមហ៊ុនក៏បានបញ្ជាក់ទៀតផងដែរថា AirCar មានល្បឿនអតិបរមា ២០០ គីឡូម៉ែត្រក្នុងមួយម៉ោង។ នៅក្នុងទម្រង់ជារថយន្តវិញ AirCar មានទទឹងសរុប ២ ម៉ែត្រ បណ្តោយ ៥,៩ ម៉ែត្រ និងកម្ពស់ ១,៨ ម៉ែត្រ ពោលគឺមានទំហំស្រដៀងគ្នាទៅនឹងរថយន្ត Rolls-Royce Phantom ដែរ។ ជាមួយការបំពាក់មកនូវធុងសាំងចំនួន ៣ អាចផ្ទុកសរុបបានដល់ ១៦០ លីត្រ ដែលធ្វើឲ្យ AirCar មានសមត្ថភាពអាចបើកបរបានឆ្ងាយបំផុតដល់ ១ ០០០ គីឡូម៉ែត្រ។

ជម្រាបជូនផងដែរថា យោងតាម ​​IoT World Today បានបង្ហាញឲ្យដឹងថារថយន្តហោះ AirCar នេះផលិតឡើងក្នុងរោងចក្រនៅទីក្រុង Nitra ប្រទេសស្លូវ៉ាគី។ លើសពីនេះ ក្រុមហ៊ុន Klein Vision ក៏បានផ្តល់សិទ្ធិផលិត និងចែកចាយផ្តាច់មុខ AirCar ទៅកាន់ក្រុមហ៊ុន Hebei Jianxin Flying Car Technology នៅក្នុងប្រទេសចិន ផងដែរ ក្រោមកិច្ចព្រមព្រៀងអាជ្ញាបណ្ណ៕

The post ក្រុមហ៊ុនស្លូវ៉ាគី Klein Vision គ្រោងបញ្ចេញរថយន្តហោះតម្លៃ ១លានដុល្លារ វាយលុកទីផ្សារនៅឆ្នាំក្រោយ appeared first on .

នៅក្នុងសេចក្តីប្រកាសព័ត៌មានមួយកាលពីថ្ងៃចន្ទ ទី៥ ខែសីហាកន្លងទៅ ក្រុមហ៊ុនខ្នាយក្សរបស់ចិនមួយនេះ បានប្រកាសពីផែនការរបស់ខ្លួន ក្នុងការបង្កើតខ្សែសង្វាក់ដំឡើងរថយន្តហោះដ៏ទំនើបដំបូងគេបង្អស់របស់ពិភពលោក នៅក្នុងតំបន់អភិវឌ្ឍខេត្តក្វាងចូវ។

រថយន្តហោះនេះ ត្រូវបានរចនាឡើងដើម្បីផ្ទុកអ្នកដំណើរពី ៤ទៅ៥ នាក់ ដោយអាចបើកបរបានដោយផ្ទាល់ និងស្វ័យប្រវត្តិ។ កៅអី​ក្នុងកាប៊ីនជាប្រភេទ Panoramic អាចមើលឃើញ ២៧០ដឺក្រេ មានកង់​ចំនួនប្រាំមួយ និង​មានសមត្ថភាព​អាចហោះឡើង និង​ចុះចត​បញ្ឈរ​ស្រដៀង​ទភនឹង​ឧទ្ធម្ភាគចក្រដែរ។

គួរឲ្យដឹងថា ការដាក់បញ្ជាទិញរថយន្តហោះនេះ ត្រូវបានគេរំពឹងថានឹងចាប់ផ្តើម នៅក្នុងប្រទេសចិន ក្នុងអំឡុងត្រីមាសទី៤ នៃឆ្នាំនេះ ដោយរថយន្តនេះត្រូវបានគេដឹងថានឹងមានតម្លៃ ២សែនដុល្លារ ក្នុងមួយគ្រឿង។

ជាមួយគ្នានេះ លោក Wang Tan សហស្ថាបនិក និងជាប្រធានផ្នែករចនារបស់ Aeroht បានសម្តែងសុទិដ្ឋិនិយមអំពីបរិយាកាសអំណោយផលសម្រាប់រថយន្តហោះ ក្នុងប្រទេសចិន ដោយកត់សម្គាល់ឃើញថា តំបន់ជាច្រើន បានអនុវត្តគោលនយោបាយផ្សេងៗដើម្បីគាំទ្រដល់សេដ្ឋកិច្ចដឹកជញ្ជូនតាមផ្លូវអាកាស ខណ:ក្រុមហ៊ុន ​មាន​គោល​បំណង​លក់​ចេញ​រថយន្តហោះរបស់ខ្លួនឲ្យបានចំនួន ៥ ពាន់គ្រឿង​ ក្នុង​រយៈ​ពេល​ពីរ​ឆ្នាំ​ខាង​មុខ៕

The post ក្រុមហ៊ុនផលិតរថយន្តហោះរបស់ប្រទេសចិន ​កៀរគរ​ទឹកប្រាក់បានជាង ១៥០លានដុល្លារ appeared first on .

បើតាមការចុះផ្សាយរបស់សារព័ត៌មាន CNA បានបង្ហាញឱ្យដឹងទៀតថា រថយន្តអាចហោះហើរបាននេះ ត្រូវបានបង្កើតឡើងដោយក្រុមហ៊ុន AIR របស់អ៊ីស្រាអែល ដោយវាអាចផ្ទុកមនុស្សបាន ២ នាក់ ពោលគឺមានអ្នកបើកបរ និងអ្នកដំណើរ ហើយវាអាចហោះហើរបានចម្ងាយរហូតដល់ ១០០ ម៉ាយ (១៦០ គីឡូម៉ែត្រ) ក្នុងរយ:កម្ពស់ ៣៦៦ ម៉ែត្រ ជាមួយការសាកបញ្ចូលថ្មត្រឹមតែមួយដង។

យ៉ាងណាមិញ ជុំវិញការដាក់បង្ហាញជាលើកដំបូងនេះ នាយកប្រតិបត្តិ និងជាសហស្ថាបនិក របស់ក្រុមហ៊ុន AIR លោក Rani Plaut បាននិយាយថា ៖ ” នេះគឺជាព្រឹត្តិការណ៍ដ៏សំខាន់មួយ ដើម្បីបញ្ចេញរថយន្តអាចហោះហើរប្រភេទ AIR ONE របស់យើង ” ។​

លើសពីនេះ លោក Rani បានបន្ថែមទៀតថា ប្រភេទរថយន្តអាចហោះហើររបស់ខ្លួនមួយនេះ អាចនឹងវាយលុកទៅកាន់ទីផ្សារ នៅចុងឆ្នាំ ២០២៤ ខាងមុខ ជាមួយតម្លៃចាប់ពី ១៥០ ០០០ ដុល្លារ ក្នុងមួយគ្រឿង៕

The post អ៊ីស្រាអែល បញ្ចេញរថយន្តអាចហោះហើរបានរបស់ខ្លួន ដោយគ្រោងដាក់លក់លើទីផ្សារ ក្នុងពេល ២ ឆ្នាំខាងមុខ appeared first on .