តាមរយៈសេចក្តីសម្រេចលេខ ២២៧ សសរ ឧបនាយករដ្ឋមន្ត្រីទាំង១២រូប ទទួលបានការប្រគល់ភារកិច្ចទៅតាមជំនាញ និងស្ថាប័នដែលខ្លួនដឹកនាំ ព្រមទាំងបេសកកម្មពិសេសផ្សេងៗទៀតដែលនាយករដ្ឋមន្ត្រីប្រគល់ជូន។ ជាមួយគ្នានេះ ឯកឧត្តមសន្តិបណ្ឌិត នេត សាវឿន ទទួលបន្ទុកជានាយករដ្ឋមន្ត្រីស្តីទី ទី១ ពេលនាយករដ្ឋមន្ត្រីអវត្តមាន, ឯកឧត្តម ប្រាក់ សុខុន ទទួលបន្ទុកជានាយករដ្ឋមន្ត្រីស្តីទី ទី២ និងឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ទទួលបន្ទុកជានាយករដ្ឋមន្ត្រីស្តីទី ទី៣។

សូមជម្រាបថា រាជរដ្ឋាភិបាលកម្ពុជា នីតីកាលទី៧ បានកែសម្រួលសមាសភាពរាជរដ្ឋាភិបាលចំនួន ៣លើកមកហើយ ខណៈដែលចុងក្រោយថ្មីៗនេះ កាលថ្ងៃទី២០ ខែវិច្ឆិកា ឆ្នាំ២០២៤ បានកែសម្រួលសមាសភាពឧបនាយករដ្ឋមន្ត្រី ២រូបទៀតគឺ ឯកឧត្តម ប្រាក់ សុខុន អនុប្រធានទី១ ព្រឹទ្ធសភានៃព្រះរាជាណាចក្រកម្ពុជា បានវិលត្រឡប់មកកាន់តួនាទីជា រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិវិញ ជំនួស ឯកឧត្តម សុខ ចិន្តាសោភា៕

The post សម្តេចធិបតី ហ៊ុន ម៉ាណែត ចេញសេចក្តីសម្រេចកែសម្រួលរបៀបរបបការងារ និងបែងចែកភារកិច្ចជូន ឧបនាយករដ្ឋមន្ដ្រី ១២រូប រួមទាំងនាយករដ្ឋមន្ត្រីស្តីទី ៣រូប appeared first on .

ជាលទ្ធផលគណៈកម្មាធិការអចិន្រ្តៃយ៍រដ្ឋសភា បានសម្រេចកំណត់កាលបរិច្ឆេទបន្តសម័យប្រជុំរដ្ឋសភាលើកទី៣ នីតិកាលទី៧ នៅព្រឹកថ្ងៃទី២០ ខែវិច្ឆិកាឆ្នាំ២០២៤ ស្អែកនេះ ដោយមានរបៀបវារៈចំនួន ៤ រួមមាន៖

១.ការបោះឆ្នោតផ្តល់សេចក្តីទុកចិត្តលើការកែសម្រួលនិងតែងតាំងបំពេញបន្ថែមសមាសភាពរាជរដ្ឋាភិបាលនៃព្រះរាជាណាចក្រកម្ពុជាចំនួនពីររូប។ តាមព័ត៌មានទទួលបាន ការផ្លាស់ប្ដូររដ្ឋមន្ត្រីក្រសួងការបរទេស និងកិច្ចសហប្រតិបត្តិការអន្តរជាតិ គឺឯកឧត្ដម ប្រាក់ សុខុន នឹងជំនួស ឯកឧត្ដម សុខ ចិន្តាសោភា វិញ។ 

២.ការពិភាក្សានិងអនុម័តលើយោបល់ស្នើសុំកែសម្រួលចំណងជើងនិងបទប្បញ្ញត្តិនៃសេចក្តីព្រាងច្បាប់ស្តីពី ការអនុម័តលុបចោលកិច្ចព្រមព្រៀងស្តីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម។

៣.ការពិភាក្សានិងអនុម័តសេចក្តីព្រាងច្បាប់ស្តីពី ការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០២៣។

៤.ការពិភាក្សានិងអនុម័តសេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២៥។

The post រដ្ឋសភា នឹងបើកកិច្ចប្រជុំកែសម្រួល និងតែងតាំងបំពេញបន្ថែមសមាសភាពរាជរដ្ឋាភិបាល ចំនួន២រូប នៅថ្ងៃស្អែក appeared first on .

សម័យប្រជុំរដ្ឋសភាជាវិសាមញ្ញ នីតិកាលទី៧ នាថ្ងៃនេះ មានរបៀបវារៈតែមួយគឺ បោះឆ្នោតផ្តល់សេចក្តីទុកចិត្ត លើការកែសម្រួលសមាសភាពរាជរដ្ឋាភិបាលនៃព្រះរាជាណាចក្រកម្ពុជា ចំនួន២រូប ដោយក្នុងនោះ លោក ហួត ហាក់ មកកាន់តំណែងជារដ្ឋមន្ត្រីក្រសួងទេសចរណ៍ រីឯលោក សុខ សូកេន កូនប្រុសសម្តេចវិបុលបញ្ញា សុខ អាន មកកាន់ជារដ្ឋមន្រ្តីក្រសួងអធិការកិច្ចវិញ ដោយមានសំឡេងសមាជិកសភាគាំទ្រ ១០៦/១០៦។

ក្នុងសម័យប្រជុំវិសាមញ្ញនេះដែរ សម្ដេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងអបអរសាទរជូនចំពោះ លោក ហួត ហាក់ និង លោក សុខ សូកេន ដែលត្រូវបានរដ្ឋសភាបោះឆ្នោតផ្តល់សេចក្តីទុកចិត្ត ជារដ្ឋមន្ត្រីក្រសួងទេសចរណ៍ និងជារដ្ឋមន្រ្តីក្រសួងអធិការកិច្ច។

សូមជម្រាបថា ការកែសម្រួលសមាសភាពរាជរដ្ឋាភិបាលនេះ ធ្វើឡើងតបតាមសំណើរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ នេះជាការកែសម្រួលសមាសភាពរាជរដ្ឋាភិបាល លើកដំបូងសម្រាប់នីតិកាលទី៧ នៃរដ្ឋសភា ដែលបានធ្វើដំណើររយៈពេលជាង១ឆ្នាំកន្លងមក៕ 

The post រដ្ឋសភា បោះឆ្នោតផ្តល់សេចក្តីទុកចិត្ត លោក សុខ សូកេន កូនប្រុសសម្តេច សុខ អាន ជារដ្ឋមន្ត្រីក្រសួងអធិការកិច្ច appeared first on .

គួរបញ្ជាក់ថា កិច្ចប្រជុំរដ្ឋសភា វិសាមញ្ញ នា​ថ្ងៃទី២០ ខែកញ្ញា ខាងមុខនេះ ​ត្រូវបាន​គ្រោង​ធ្វើ​ឡើង បន្ទាប់ពី​មាន​កិច្ចប្រជុំ​គណៈកម្មាធិការអចិន្ត្រៃយ៍រដ្ឋសភា កាលពី​ព្រឹក ថ្ងៃទី១៧ ខែកញ្ញា ឆ្នាំ២០២៤ ដែល​ទទួល​បាន​លទ្ធផល​ដូច​ខាង​ក្រោម៖

១- បានអនុម័តយល់ព្រមលើសំណើសុំកោះប្រជុំរដ្ឋសភាជាវិសាមញ្ញ នីតិកាលទី៧ ដើម្បីរៀបចំបោះឆ្នោត​ផ្តល់សេចក្តី​ទុកចិត្ត​លើការកែសម្រួលសមាសភាពរាជរដ្ឋាភិបាល នៃព្រះរាជាណាចក្រកម្ពុជា។

២- បានអនុម័តយល់ព្រម​លើ​សំណើសុំបោះឆ្នោតផ្តល់សេចក្តីទុកចិត្តលើការកែសម្រួលសមាសភាព​រាជរដ្ឋាភិបាល នៃព្រះរាជាណាចក្រកម្ពុជា ចំនួន ២រូប។

៣- បានអនុម័ត​លើ​សំណើ​សុំ​ប្រកាសសុពលភាពអាណត្តិតំណាងរាស្រ្តថ្មី មណ្ឌលខេត្តកំពង់ឆ្នាំងជូន ឯកឧត្តម ហុឺ វីរៈ ជំនួសសម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ដែលបានទទួលមរណភាព។

៤- បានអនុម័ត​យល់ព្រម​បោះឆ្នោតជ្រើសតំាង ឯកឧត្តម អុិត រ៉ាឌី ជាបេក្ខជនសមាជិកឧត្តមក្រុមប្រឹក្សា​នៃអង្គចៅក្រម សម្រាប់អាណត្តិទី៣ ។

៥- បានអនុម័តប្រគល់សេចក្តីស្នើវិសោធនកម្មបទបញ្ជាផ្ទៃក្នុងនៃរដ្ឋសភានៃព្រះរាជាណាចក្រកម្ពុជា។

៦- បានអនុម័តសមាសភាពលេខាធិការសម័យប្រជុំរដ្ឋសភាជាវិសាមញ្ញ នីតិកាលទី៧ ចំនួន៣រូប។

៧- បានអនុម័តសេចក្តីព្រាងរបៀបវារៈ និងកាលបរិច្ឆេទបើកសម័យប្រជុំរដ្ឋសភាជាវិសាមញ្ញ នីតិកាលទី៧ នៅថ្ងៃទី២០ ខែកញ្ញា ឆ្នាំ២០២៤ វេលាម៉ោង ៨:០០នាទីព្រឹក៕

The post រដ្ឋសភា ចេញសេចក្តីជូនដំណឹង ត្រៀមបើកសម័យប្រជុំវិសាមញ្ញ បោះឆ្នោតកែសម្រួលសមាសភាព​រាជរដ្ឋាភិបាល ២រូប appeared first on .

គណៈកម្មាធិការជំរុញការដោះស្រាយបញ្ហាវិស័យឯកជនគ មានភារកិច្ច ដូចជា ដឹកនាំសម្របសម្រួល និងជំរុញការដោះ ស្រាយបញ្ហាប្រឈម ឬសំណូមពររបស់វិស័យឯកជន លើទិដ្ឋភាពច្បាប់ បច្ចេកទេស ឬផ្សេងទៀត ដែលស្ថិតក្នុងដែនសមត្ថកិច្ចចម្រុះ ត្រូវដោះស្រាយ ដោយអន្តរក្រសួងនិង/ឬអន្តរស្ថាប័ន និងដែលលើសពីដែនសមត្ថកិច្ច ឬលទ្ធភាពសម្រេចរបស់ គណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ គណៈកម្មាធិការវិនិយោគកម្ពុជា ក្រុមការងារតាមវិស័យសម្រាប់ធ្វើជាដៃគូពិភាក្សាការងារជាមួយវិស័យឯកជន នៃវេទិការាជ រដ្ឋាភិបាល-ផ្នែកឯកជន និងយន្តការដទៃទៀត រួមទាំងយន្តការក្រុមការងារជំរុញការវិនិយោគក្នុង ខេត្តព្រះសីហនុ។

គណៈកម្មាធិការ ក៏មានភារិកិច្ច ធ្វើការពិនិត្យ តាមដាន វាយតម្លៃ និងរាយការណ៍ជូននាយករដ្ឋមន្ត្រីចំពោះរាល់បញ្ហាប្រឈម និងសំណូមពរដើម្បីជំរុញការដោះស្រាយ និង/ឬលើកកម្ពស់បរិយាកាសវិនិយោគ និងធុរកិច្ច និង ដោះស្រាយបញ្ហាប្រឈម ឬសំណូមពររបស់វិស័យឯកជន តាមករណីនីមួយៗ តាមការបញ្ជាផ្ទាល់ ពីនាយករដ្ឋមន្ត្រី។

អនុក្រឹត្យ ក៏បានកំណត់ដែរ គណៈកម្មាធិការជំរុញការដោះស្រាយបញ្ហាវិស័យឯកជននេះ មានធនធានហិរញ្ញវត្ថុ ក្រោមការគ្រប់គ្រង របស់ខុទ្ទកាល័យនាយករដ្ឋមន្ត្រី និងមានសិទ្ធិប្រើត្រារបស់ខុទ្ទកាល័យនាយករដ្ឋមន្ត្រី សម្រាប់បំពេញភារកិច្ច។ មានសិទ្ធិអញ្ជើញតំណាងក្រសួង ស្ថាប័ន ពាក់ព័ន្ធផ្សេងទៀត ដែលទទួលបានប្រតិភូកម្ម ឬមានសិទ្ធិសម្រេចក្នុងនាមប្រធានក្រសួង ស្ថាប័ន តាមការ ចាំបាច់ ដើម្បីចូលរួមបំពេញភារកិច្ចរបស់គណៈកម្មាធិការ និងមានសិទ្ធិអញ្ជើញស្ថាប័នស្រាវជ្រាវ វិស័យ ឯកជន ដៃគូអភិវឌ្ឍ និងអ្នកជំនាញការ ដើម្បីផ្តល់ព័ត៌មាននិងយោបល់នានា ពាក់ព័ន្ធនឹងការបំពេញ ភារកិច្ចរបស់ខ្លួន។

គួរបញ្ជាក់ថា គណៈកម្មាធិការជំរុញការដោះស្រាយបញ្ហាវិស័យឯកជន មានលេខាធិការដ្ឋានមួយជាសេនាធិការ ដែលមានប្រធាន អនុប្រធាន និងសមាជិក ចំនួន៩រូបផងដែរ។ លេខាធិការដ្ឋាននេះ ដើរតួនាទីសម្របសម្រួល ផ្នែករដ្ឋបាល និងមានការិយាល័យនៅខុទ្ទកាល័យនាយករដ្ឋមន្ត្រី ព្រមទាំងមានភារកិច្ច ផ្តល់សេវាគាំទ្រ និងបំពេញការងារ សម្រាប់ប្រក្រតីភាពនៃកិច្ចដំណើរការប្រចាំថ្ងៃ ពិនិត្យ វិភាគ និងលើកយោបល់ជូនគណៈកម្មាធិការពិនិត្យសម្រេច រៀបចំផែនការសកម្មភាព និងធ្វើការតាមដាន ត្រួតពិនិត្យ និងវាយតម្លៃការអនុវត្តភារកិច្ច ព្រមទាំងរៀបចំរបាយការណ៍វឌ្ឍនភាពការងារ ៕

The post រាជរដ្ឋាភិ​បាល បង្កើតគ​ណៈកម្មាធិកា​រជំរុញ​ការដោះស្រាយ​បញ្ហាវិស័យឯ​កជន appeared first on .

ក្នុងឪកាសស្តេចយាងជាអធិបតីភាពក្នុងពិធីមីទ្ទីងមហាជន នាឱកាសខួបលើកទី៧០ នៃទិវាបុណ្យឯករាជ្យជាតិ និងទិវាកំណើតកងយោធពលខេមរភូមិន្ទ ថ្ងៃ០៩ វិច្ឆិកា ១៩៥៣-០៩ វិច្ឆិកា ២០២៣ នៅព្រះពន្លាទីនាំងចន្ទឆាយាមុខព្រះបរមរាជវាំង នាព្រឹកថ្ងៃព្រហស្បតិ៍នេះ ព្រះករុណា ព្រះបាទសម្តេចព្រះបរមនាថ នរោត្តម សីហមុនី មានព្រះរាជបន្ទូលថា «តាមរយៈ​មីទ្ទិញ យើងអាចសន្និដ្ឋានបានថា មាតុភូមិ និងប្រជាជនកម្ពុជាយើងពិតជានឹងទទួលបានអនាគតភ្លឺស្វាងក្នុងក្តីសង្ឃឹមខ្ពស់ រស់នៅក្រោមដំបូលរដ្ឋធម្មនុញ្ញតែមួយដែលធានា បានឯកភាពជាតិដ៏រឹងមាំ»។

ព្រះមហាក្សត្រ មានព្រះរាជបន្ទូលបន្តថា ក្រោមទង់ជ័យនៃមហាសាមគ្គីជាតិ ក្រោមទង់ដ៏សុខសាន្ត នៃព្រះពុទ្ធសាសនា និងក្រោមបារមី ព្រះមហាក្សត្រ ដែលជាបុព្វបុរសជាតិ ជាព្រះស្ថាបនិកដ៏ល្បាញល្បីនៃការកសាងប្រាង្គប្រាសាទដ៏ល្អប្រណីត ស្ថិតនៅស្កឹមស្កៃគ្រប់ទិសទីក្នុងទូទាំងព្រះរាជាណាចក្រកម្ពុជា មាតុភូមិដែលជា​កេរមរតកជាតិដ៏មានតម្លៃពុំអាចកាត់ថ្លៃបានរបស់យើង ពិតជាពុំអាចមានសត្រូវណាមួយរំលោភឈ្លានពានលើបូរណភាពទឹកដីបានឡើយ។

ទន្ទឹមនឹងនោះ​អង្គព្រះមហាក្សត្រ ទ្រង់មានព្រះរាជបន្ទុលកោតសរសើរសម្តេចធិបតី ហ៊ុន ម៉ាណែត ជាប្រមុខដឹកនាំរាជរដ្ឋាភិបាលដ៏ឆ្លាតវៃ បានដាក់ចេញនូវយុទ្ធសាស្ត្របញ្ចកោណដំណាក់កាលទី១ និងគោលនយោបាយដ៏ត្រឹមត្រូវ ក្នុងការប្រតិបត្តិតាមមាគ៌ាដ៏ល្អប្រពៃ និងមរតកនយោបាយដ៏ថ្លៃថ្លារបស់សម្ដេចតេជោ ហ៊ុន សែន បាននាំមកនូវសុខសន្តិភាព សាមគ្គីភាព ឯកភាពជាតិ មានកិត្យានុភាពជាតិល្បីរន្ទឺលើឆាកអន្តរជាតិ៕

The post ព្រះមហាក្សត្រ អំពាវនាវរួបរួមសាមគ្គីជាធ្លុងមួយស្ថិតក្រោមដំបូលរដ្ឋធម្មនុញ្ញ និងច្បាប់រដ្ឋ ដើម្បីចូលរួមការពារ និងកសាងមាតុភូមិលើគ្រប់វិស័យ appeared first on .

នាឱកាសនោះ សម្តេច ហ៊ុន ម៉ាណែត បានឱ្យដឹងបន្ថែមថា ក្នុងរយៈពេល ៩ខែ ឆ្នាំ២០២៣នេះ ​រាជរដ្ឋាភិបាល បានចំណាយលើការជួយដល់ប្រជាពលរដ្ឋងាយរងគ្រោះ ស្ត្រីមេម៉ាយ និងកុមារតូច អស់ថវិកាជិត ៤៥លានដុល្លារ។

សម្តេចបន្តថា៖‍«តាមយៈការចំណាយនេះ ក្នុងនោះ៖ កម្មវិធីផ្តល់អាហារតាមសាលារៀន រាជររដ្ឋាភិបាលបានធ្វើតាំងពីឆ្នាំ២០១៩ ហើយយកផលិតផលពីសហគមន៍ និងបានអនុវត្តន៍លើ ១០ខេត្ត និង ៤១៧សាលា ក្នុងនោះកូនក្មេងទទួលបានផល ១១ម៉ឺននាក់ ហើយរដ្ឋាភិបាលបានចំណាយថវិកា ១៧លានដុល្លារ សម្រាប់បំប៉នអាហារដល់កូនចៅប្រជាពលរដ្ឋ ហើយរាជរដ្ឋាភិបាលនឹងនៅបន្ត និងបន្តពង្រីក»។

បន្ថែមពីនេះ សម្តេចអះអាងថា រាជរដ្ឋាភិបាល ក៏មានគោលដៅធ្វើយ៉ាងណាឱ្យបានគ្រប់ ៩លាននាក់សម្រាប់ប្រជាពលរដ្ឋបានទទួលសេវាគាំពារផ្នែកសុខភាព ហើយរាជរដ្ឋាភិបាលក៏គ្រោងចំណាយថវិកាជិត ១០០លានដុល្លារក្នុងមួយឆ្នាំ ដែលនេះជាអ្វីដែលរាជរដ្ឋាភិបាលគ្រោងពង្រីកជួយដល់ប្រជាពលរដ្ឋ។

គួរបញ្ជាក់ដែរថា បើតាមសម្តេច ហ៊ុន ម៉ាណែត បានសង្កត់ធ្ងន់ទៀតដែរថា ក្នុងរយៈពេលប៉ុន្មានឆ្នាំចុងក្រោយនេះ រាជរដ្ឋាភិបាលបានចំណាយថវិកា ក្នុងការជួយដល់ប្រជាពលរដ្ឋជួបវិបត្តិជំងឺកូវីដ-១៩ និងបញ្ហាអតិផរណា និងសង្គ្រាមសេដ្ឋកិច្ច និងការជួយកុមារ និងស្ត្រីមានផ្ទៃពោះ បានប្រើប្រាក់ថវិកាអស់១២០០លានដុល្លារ៕

អត្ថបទ៖ ពិសី

The post ៩ខែ ឆ្នាំនេះ៖ ​រដ្ឋាភិបាល បានចំណាយជិត ៤៥លានដុល្លារ លើការជួយដល់ប្រជាពលរដ្ឋងាយរងគ្រោះ appeared first on .

ក្នុងអនុក្រឹត្យបញ្ជាក់ថា អគ្គនាយកដ្ឋានសេដ្ឋកិច្ចឌីជីថល បំពេញមុខងារជាសនាធិការឱ្យក្រសួងសេដ្ឋកិច្ច និង ហិរញ្ញវត្ថុ លើបេសកកម្ម ដឹកនាំគ្រប់គ្រង និងអភិវឌ្ឍសេដ្ឋកិច្ចឌីជីថលនៃប្រទេសកម្ពុជា ដោយឈរលើគោលការណ៍សេដ្ឋកិច្ចទីផ្សារ និងសមធម៌សង្គម អនុលោមតាមគោលនយោបាយយុទ្ធសាស្រ្ត ផែនការច្បាប់ និងលិខិតបទដ្ឋានគិតយុត្តផ្សេងទៀតពាក់ព័ន្ធនឹងសេដ្ឋកិច្ចឌីជីថល។

អគ្គនាយកដ្ឋានសេដ្ឋកិច្ចឌីជីថល មាននាយកដ្ឋានក្រោមឱវាទចំនួន៣ រួមមាន៖ នាយកដ្ឋាន កិច្ចការទូទៅ, នាយកដ្ឋានហេដ្ឋារចនាសម្ព័ន្ធសេដ្ឋកិច្ចឌីជីថល និងនាយកដ្ឋានកម្មវិធីសេដ្ឋកិច្ចឌីជីថល។

សូមជម្រាបថា រាជរដ្ឋាភិបាលកម្ពុជា ដឹកនាំដោយសម្តេចតេជោនាយករដ្ឋមន្ត្រី ហ៊ុន សែន ចាត់ទុកឌីជីថលូបនីយកម្ម ក្នុងវិស័យសាធារណៈ និងឯកជន ជាការងារអាទិភាពដើម្បីកសាងរដ្ឋាភិបាលឌីជីថល សេដ្ឋកិច្ចឌីជីថល សង្គម ឌីជីថល និងប្រជាជនឌីជីថល ស្របតាមនិន្នាការតំបន់ និងសកល ដើម្បីលើកកម្ពស់សមិទ្ធកម្ម សង្គម-សេដ្ឋកិច្ច។

ទន្ទឹមនឹងនេះ សម្តេចតេជោ បានអំពាវនាវដល់សហគមន៍ជាតិ និងអន្តរជាតិចូលរួមជាមួយរាជរដ្ឋាភិបាលកម្ពុជា ក្នុងគ្រប់ដំណាក់ កាល នៃបរិវត្តកម្មឌីជីថល ដូចបានគូសបញ្ជាក់យ៉ាងច្បាស់ក្នុងក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥ និងគោលនយោបាយរដ្ឋាភិបាលឌីជីថល ២០២២-២០៣៥៕

The post រាជរដ្ឋាភិបាល បង្កើតអគ្គនាយកដ្ឋានសេដ្ឋកិច្ចឌីជីថល ឲ្យស្ថិតក្រោមក្រសួងសេដ្ឋកិច្ច និងហិរញ្ញវត្ថុ appeared first on .

ក្នុងនីតិកាលទី៦នេះ រដ្ឋសភាដឹកនាំដោយសម្តេចអគ្គមហាពញាចក្រី ហេង សំរិន ជាប្រធាន និងអនុប្រធាន២រូប គឺលោក ជាម យៀប អនុប្រធានទី១ ចូលកាន់ដំណែងជំនួសលោក ងួន ញិល ដែលបានទទួលមណភាព និងលោកស្រី ឃួន សុដារី អនុប្រធានទី២។

សារព័ត៌មានឧកញ៉ាញូស៍ (Oknha News) សូមណែនាំមកស្គាល់ឥស្សរជនជាប្រធានគណៈកម្មការនៃរដ្ឋសភានីតិកាលទី៦ រាប់ពីឆ្នាំ២០១៨ ដល់ឆ្នាំ២០២៣នេះ ទាំង១០រូប ដូចខាងក្រោម៖

១.លោក ស ចំរុង ប្រធានគណៈកម្មការសិទ្ធិមនុស្ស ទទួលពាក្យបណ្ដឹង អង្កេត និងទំនាក់ទំនងរដ្ឋសភា ព្រឹទ្ធសភា។ លោកចូលកាន់ដំណែងនេះជំនួសលោក ប្រាជ្ញ ចន្ទ ដែលទៅកាន់មុខតំណែងជាប្រធាន គ.ជ.ប កាលឆ្នាំ២០២១។

២.លោក ឈាង វុន ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម។ លោកមកកាន់មុខតំណែងជំនួសលោក ជាម យៀប ដែលទៅកាន់មុខតំណែងជាអនុប្រធានទី១រដ្ឋសភា។ មុនកាន់ដំណែងប្រធានគណៈកម្មការនេះលោកជាអតីតប្រធានគណៈកម្មការព័ត៌មាន។

៣.លោក ឡូយ សុផាត ប្រធានគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក។

៤.លោក កែប ជុតិមា ប្រធានគណៈកម្មការមហាផ្ទៃ ការពារជាតិ និងមុខងារសាធារណៈ ជំនួសសម្ដេចឧត្តមទេពញាណ ហ៊ុន ណេង ក្រោយមរណភាពកាលពីខែឧសភា ឆ្នាំ២០២២។

៥.លោក សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការ ឃោសនាការ និងព័ត៌មាន ជំនួសលោក ឈាង វុន ដែលទៅកាន់មុខតំណែងជាប្រធានគណៈកម្មការសេដ្ឋកិច្ច។

៦.លោក ប៉ែន បញ្ញា ប្រធានគណៈកម្មការនីតិកម្ម និងយុត្តិធម៌។

៧.លោក ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍។

៨.លោកស្រី ឡោក ខេង ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារបណ្ដុះបណ្ដាលវិជ្ជាជីវៈ និងកិច្ចការនារី។

៩.លោកស្រី និន សាផុន ប្រធានគណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់។

១០. លោក​ ប៉ែន ស៊ីម៉ន ប្រធានគណៈកម្មការអង្កេត បោសសំអាត និងប្រឆាំងអំពើពុករលួយ។

ចំណែក លោក ឡេង ប៉េងឡុង ជាអគ្គលេខាធិការនៃអគ្គលេខាធិការដ្ឋានរដ្ឋសភា ក្នុងការដើរតួនាទីសម្របសម្រួលការងារផ្សេងៗ៕

The post តើប្រធានគណៈកម្មការទាំង១០រូប នៃរដ្ឋសភានីតិកាលទី៦ ឥស្សរជនណាខ្លះ? appeared first on .

បញ្ហាប្រឈមសំខាន់ៗទំាង៧ក្នុងវិស័យស្រូវអង្ករកម្ពុជា បើយោងតាមគោលនយោបាយជាតិអភិវឌ្ឍន៍វិស័យកសិកម្មឆ្នំា២០២២-២០៣០បញ្ជាក់ថា (១) រោងម៉ាស៊ីនកិនស្រូវភាគច្រើនជួបនឹងកង្វះទុនសម្រាប់ប្រមូលទិញស្រូវក្នុងរដូវដែលប្រមូលផលច្រើន ដែលជាហេតុធ្វើឱ្យស្រូវមួយភាគធំ បានហូរចេញទៅប្រទេសជិតខាង (២)កង្វះការផ្គត់ផ្គង់ពូជសុទ្ធ ជាពិសេសពូជស្រូវក្រអូប ដែលមានតម្លៃខ្ពស់ (៣) កង្វះទឹកសម្រាប់ស្រោចស្រពដំណាំស្រូវ ជាពិសេសនៅក្នុងរដូវប្រាំង ខណៈដែលកសិករភាគច្រើនពឹងផ្អែកលើទឹកភ្លៀងក្នុងរដូវវស្សា (៤) ភាពមានកម្រិតនៃការអនុវត្តបច្ចេកទេសដាំដុះប្រកបដោយភាតរបរិស្ថានរបស់កសិករ ដូចជាការរៀបចំដី ការប្រើប្រាស់ពូជ ជីគីមី និងថ្នាំសម្លាប់សត្វល្អិតជាដើម(៥)កាលវិភាគដាំដុះពុំទាន់ត្រូវបានកែប្រែឱ្យស្របតាមលក្ខខណ្ឌនៃការប្រែប្រួលអាកាសធាតុ ដើម្បីបញ្ចៀសហានិភ័យនៃគ្រោះរាំងស្ងួត និងទឹកជំនន់ (៦) ផែនទីដាំដុះដំណាំពុំទាន់ត្រូវបានអភិវឌ្ឍឱ្យបានជាក់លាក់ ដើម្បីធានាបាននូវទិន្នផល និងគុណភាព ដែលអាចប្រមូលផលបានតាមការរំពឹងទុក និងក្នុងថ្ងៃសមស្របនិង (៧) ការផ្សព្វផ្សាយកសិកម្មនៅមិនទាន់អនុវត្តបានទូលំទូលាយនៅឡើយ។

គោលនយោបាយជាតិអភិវឌ្ឍន៍វិស័យកសិកម្មឆ្នំា២០២២-២០៣០លើកឡើងថា ផលិតផលស្រូវបានកើនឡើងជាមធ្យមប្រចាំឆ្នាំប្រមាណ៣,១% ក្នុងរយៈពេល១០ឆ្នាំកន្លងមក(៨,២លានតោននៅឆ្នាំ២០១០ ដល់១០,៨លានតោន នៅឆ្នាំ២០១៩ និង១២,២១លានតោន នៅឆ្នាំ២០២១)។អតិរេកស្រូវ ក៏បានកើនគួរឱ្យកត់សម្គាល់ គឺបានកើនពី៣,៩លានតោន នាឆ្នាំ២០១០ ដល់៥,៧៥លានតោន នាឆ្នាំ២០១៩ និង៦,៩លានតោន នាឆ្នាំ២០២១។ ទិន្នផលស្រូវបានកើនពី២ ៩៧០គីឡូក្រាមក្នុងមួយហិកតា នៅឆ្នាំ២០១០ ដល់៣ ៤៩០គីឡូក្រាម ក្នុងមួយហិកតានៅឆ្នាំ២០២១។ កំណើនជាមធ្យមប្រចាំឆ្នាំនៃផ្ទៃដីដាំដុះដំណាំស្រូវមានប្រមាណ២,៤%( ដែលភាគច្រើនគឺកើនដោយសារការធ្វើប្រពលវប្បកម្ម) កំណើនផ្ទៃដីប្រមូលផលមាន២,២% និងទិន្នផលមធ្យមប្រចាំឆ្នាំកើនប្រមាណជាង២%។

ក្នុងរយៈពេល១០ឆ្នាំកន្លងទៅនេះ ផលិតកម្មដំណាំស្រូវ បានប្រែប្រួលទៅតាមឆ្នាំនីមួយៗ។ ផលិតកម្មដំណាំស្រូវសម្រេចបានកំណើន៥,៧២%នៅឆ្នាំ២០០៩ កើនឡើងដល់៨,៧៥% នៅឆ្នាំ២០១០ និង៥,៨៣%នៅឆ្នាំ២០១២។

ស្ថានភាពអាក្រក់នៃគ្រោះរាំងស្ងួត បានធ្វើឱ្យផលិតកម្មដំណាំស្រូវធ្លាក់ចុះ នៅចន្លោះឆ្នាំ២០១៣ និងឆ្នាំ២០១៥។ នៅឆ្នាំ២០១៦ ទឹកភ្លៀងបានធ្លាក់រាយប៉ាយល្អទូទាំងប្រទេស បានធ្វើឱ្យផលិតកម្មដំណាំស្រូវសម្រេចបាន៦, ៦% នៅឆ្នាំ២០១៧ កំណើននេះបានធ្លាក់ចុះបន្តិចវិញ ដោយសម្រេចបាន៥, ៦៩% និង៣,៣៥%នៅឆ្នាំ២០១៨។ នៅឆ្នាំ២០២១ កំណើនផលិតកម្មដំណាំស្រូវសម្រេចបាន១១,៦%។ជាការសង្កេត កត្តាអាកាសធាតុពិតជាមានឥទ្ធិពលខ្លាំងទៅលើផលិតកម្មដំណាំស្រូវក៏ដូចជាដំណាំដទៃទៀត៕
អត្ថបទ៖សារេត

The post រាជរដ្ឋាភិបាល បានកំណត់បញ្ហាប្រឈមសំខាន់៧ នៅក្នុងវិស័យស្រូវអង្ករកម្ពុជា appeared first on .