រូបិយប័ណ្ណក្នុងស្រុក បានធ្លាក់ចុះ ០,៣% មកនៅត្រឹម ៣២,២៩ បាត ក្នុងមួយដុល្លារ គិតនៅត្រឹមថ្ងៃព្រហស្បតិ៍ ទី២៤ ខែកក្កដានេះ បើធៀបទៅនឹងតម្លៃ ៣២,១១ បាត ក្នុងមួយដុល្លារ ដែលជាតម្លៃខ្ពស់បំផុត គិតចាប់តាំងពីខែកុម្ភ: ឆ្នាំ២០២២ មក។

ជាមួយគ្នាននេះ​ សន្ទស្សន៍ទីផ្សារហ៊ុនរបស់ប្រទេសថៃ​ (SET) ក៏បានធ្លាក់ចុះអស់ប្រហែល ១% ផងដែរ។

គួរឲ្យដឹងថា តម្លៃលុយបាត បានកើនឡើងជាង ៦% នៅឆ្នាំនេះ​ ដែលជំរុញដោយការកើនឡើងនៃសុទិដ្ឋិនិយមជុំវិញការចរចាពាណិជ្ជកម្ម ក៏ដូចជាការត្រលប់មកវិញនៃលំហូរចូលភាគហ៊ុនបរទេស និងតម្លៃមាសកើនដល់កម្រិតខ្ពស់ជិតបំបែកកំណត់ត្រា ។

ជម្រាបជូនថា កងទ័ពកម្ពុជា-ថៃ បានប៉ះទង្គិចគ្នាជាថ្មីម្តងទៀត ក្រោយការផ្ទុះអាវុធកើតឡើងនៅព្រឹកថ្ងៃទី២៤ ខែកក្កដា ឆ្នាំ២០២៥នេះ នៅចំណុចប្រាសាទតាមាន់ធំ ខេត្តឧត្តរមានជ័យ ដោយបានរាលដាលទៅកាន់ចំណុចផ្សេងៗទៀត នៅតាមបណ្តោយព្រំដែនកម្ពុជា-ថៃ រហូតដល់ខេត្តព្រះវិហារ។ ការប្រយុទ្ធគ្នានេះ បានកើតឡើងបន្ទាប់ពីភាគីថៃ បានផ្ទុះអាវុធមុន នៅចំណុចប្រាសាទតាមាន់៕

The post លុយបាតថៃ​ ធ្លាក់ចុះដល់កម្រិតទាបបំផុត ក្រោយផ្ទុះជម្លោះជាមួយកម្ពុជា appeared first on .

លោក ទិត្យ រំផាត់ ប្រជាពលរដ្ឋម្នាក់រស់នៅឃុំសឿ ស្រុកអង្គបូរី ខេត្តបន្ទាយមានជ័យ បានឱ្យដឹងថា ការទូទាត់មុខទំនិញធំគេគិតលុយប្រាក់បាតថៃ និងប្រាក់ដុល្លារអាមេរិក តែបើទិញម្ហូបអាហារឬការចំណាយតូចៗគេទូទាត់ជាលុយរៀល តួយ៉ាងទិញថ្នាំបាញ់ស្រូវយើងប្រើលុយរៀល។

លោកលើកឡើងថា «ការប្រើប្រាស់ប្រាក់បាតថៃ វាមានចំនួនតិចងាយស្រួលក្នុងការទុកដាក់។ចំណែកលុយរៀលខ្មែរវិញ វាមានចំនួនច្រើន។ជាក់ស្តែងម្សិលមិញ ខ្ញុំលក់ស្រូវប្រភេទOMចំនួនមួយតោន បានលុយបាតថៃ១ម៉ឺនបាត តែបើគិតជាលុយរៀលខ្មែរវិញបានជាង១លាន១៦ម៉ឺនរៀល»។

បើតាមអ្នកជំនាញហិរញ្ញវត្ថុ ការនិយមទូទាត់លុយបាតថៃនេះ មិនមែនមានតែនៅឃុំខាងលើនេះទេ ឱ្យតែខេត្តជាប់ព្រំប្រទល់ថៃ ភាគច្រើនធ្វើការទូទាត់លុយបាត ដោយសារការធ្វើទំនាក់ទំនងពាណិជ្ជកម្មជាមួយថៃមានច្រើន។លើសពីនេះ សូម្បីតែនៅតាមគ្រឹះស្ថានមីក្រូហិរញ្ញវត្ថុ ការផ្តល់ប្រាក់កម្ចីក៏បញ្ចេញជាលុយបាតថៃដែរ។

លោក ង៉ែត ជូ បន្តថា «កាលណាយើងប្រើប្រាស់លុយបាតថៃច្រើនជាងលុយរៀល ជាទូទៅយើងបាត់បង់ភាពម្ចាស់ការ ហើយយើងពឹងផ្អែកទៅលើការឡើងចុះអត្រាលុយបាតលើទីផ្សារ ធ្វើឱ្យរាជរដ្ឋាភិបាលយើងពិបាកក្នុងការគ្រប់គ្រងគោលនយោបាយសាច់ប្រាក់»។

បើតាមអ្នកជំនាញហិរញ្ញវត្ថុខាងលើ នៅតាមព្រំដែន គឺមានការពិបាកធ្វើយ៉ាងណាឱ្យមានការផ្លាស់ប្តូរការទូទាត់ពីលុយបាតថៃ មកលុយរៀលឱ្យបានលឿនណាស់ ដោយសារឥទ្ធិពលពាណិជ្ជកម្មនេះវាធំជាងអ្វីៗទំាងអស់៕

អត្ថបទ៖សារេត

The post លុយបាតថៃ នៅតែជាមធ្យោបាយទូទាត់ទំនិញដ៏ពេញនិយម សម្រាប់ពលរដ្ឋខ្មែរនៅតាមព្រំដែន appeared first on .