បើតាម​ការ​បង្ហាញ​​​​​ត្រួសៗ​លើ​បណ្តាញ​សង្គម​ របស់​លោក​ជំទាវ​ឧកញ៉ា ​​កាល​ពី​ដើម​ខែ​ធ្នូ ឆ្នាំ២០២២ បាន​ឱ្យ​ដឹង​ថា លោកជំទាវ​កំពុង​​កាន់​កាប់​មុខ​ជំនួញ​ចំនួន ៧ ដែល​ក្នុង​នោះ​មាន​ដូចជា៖ (១)ក្លឹបកម្សាន្ត​ និងភោជ​នីយដ្ឋាន​ អេ ស៊ី អ៊ី (ACE Lounge and Restaurant) ដែល​មាន​ទីតាំង​ស្ថិត​នៅ​ខាងក្រោយស្ថានទូត​រុស៊ី​ ចំងាយ ៣០០ ម៉ែត្រ ផ្លូវលេខ ១៦៧ ភូមិ២ ខណ្ឌចំការមន រាជធានីភ្នំពេញ, (២)ភោជនីយដ្ឋានអូសក្រឡា OS KROLA – អូសក្រឡា (ឆ្នេរអូរត្រេះទី១ ក្រុង​ព្រះសីហនុ), (៣)ឆ្នោតនាគ,​ (៤)ក្រុមហ៊ុនមេធាវី អេជ អេន អេស (HNS Law Group), (៥)សារាយធម្មជាតិ NNP (NNP Cambodia Shop), (៦)ស្ករសម្រក ​និង Detox L2ME និង​​(៧)ប្រេងខ្យល់ ប្រេងកូឡា ផ្កាឈូក ផលិតនៅហុងកុង ប្រទេសចិន ដែលនាំចូលផ្តាច់មុខដោយក្រុមហ៊ុន ACE GROUP។

យ៉ាងណាមិញ នៅឆ្នាំថ្មី​២០២៣​នេះ លោកជំទាវឧកញ៉ា នឹម វណ្ណៈ ​​នៅ​មាន​​ផែនការ​ពង្រីក​អាជីវកម្ម​មួយ​ចំនួន​ទៀត ដូចជា​ សេវាកម្មជួលរថយន្ត (ឡានថែទាំបានល្អ, អ្នកបើកបរដែលមានជំនាញរួសរាយរាក់ទាក់, តម្លៃ​សមរម្យ ជំនួយការ ២៤​ម៉ោង) ដែល​​​ចាប់​ផ្តើម​ដំណើរ​ការ​ ចាប់ពី​ថ្ងៃទី​០៧ ខែ​មករា ឆ្នាំ២០២៣។

បន្ថែមពីនេះ​ លោកជំទាវឧកញ៉ា ក៏​បាន​បង្ហើប​ពី​គម្រោង​ខ្លះៗ​នៅ​ខេត្ត​សៀមរាប ដូចជា សេវាកម្ម អេចប្រេស ត្រាវែល និង ធួរស៍ (EXPRESS Travel & Tour), សេវាកម្មម៉ូតូកង់៤ និងម៉ូតូអគ្គីសនី, ក្លឹបកម្សាន្ត​ទំនើប​មួយ និង​ហាង​ អូសក្រឡា​ ​សម្រាប់​ឆ្នាំ​២០២៣ ​នេះ​ផងដែរ៕

The post ណែនាំឱ្យស្គាល់មុខជំនួញទាំង៧ របស់ជំទាវឧកញ៉ា នឹម វណ្ណៈ ម្ចាស់ក្រុមហ៊ុន ACE Group appeared first on .

លោកជំទាវឧកញ៉ា បានបង្ហោះរូបភាព និងសារលើទំព័រហ្វេសប៊ុកថា បុរី Downtown Residence ជាវីឡាទោល​ដែលស្អាតជាងគេ​ក្នុងទីក្រុងភ្នំពេញ។ មានកូនច្រើន ត្រូវសន្សំផ្ទះអោយបានច្រើនដូចគ្នា ទុកអោយកូនៗ។ អនាគតទៅមុខផ្ទះក្នុងទីក្រុងភ្នំពេញ គឺពិបាករកទិញណាស់។ ប្រទេសជាតិមាន​សុខ​សន្តិភាព នាំអោយយើងងាយស្រួលរកទទួលទាន និងវិនិយោគគ្រប់ប្រភេទ។ អរគុណសន្តិភាព។

ជាមួយគ្នានេះ លោក ដួង ឆាយ អគ្គនាយកក្រុមហ៊ុន Downtown Development​ ក៏​បាន​​​ចូល​បញ្ចេញ​មតិ​ជា​​សេចក្តី​ថ្លែង​អំណរគុណ​ ដល់​លោកជំទាវឧកញ៉ា នឹម វណ្ណៈ និងឯកឧត្តម ដែលបាន​ជាវវីឡាទោលនៅ DOWNTOWN RESIDENCE បុរី ដោនថោន ក្នុងថ្ងៃនោះ។ លោកជំទាវឧកញ៉ា នឹម វណ្ណៈ បានត្រៀម​ខ្លួន​រួច​ជាស្រេច សម្រាប់​ដំណើរកំសាន្តទៅកាន់ទីក្រុងឌូបៃ នាឱកាសបុណ្យអ៊ុំទូកប្រពៃណីជាតិខាងមុននេះ ចេញដំណើរថ្ងៃ សៅរ៍ ទី០៥ ខែ​វិច្ឆិកា ឆ្នាំ២០២២។ លោក ដួង ឆាយ ក៏​បាន​ សូមទោស​ផង​ដែរ​ដល់​បងប្អូន ដែលបានកក់ផ្ទះជារៀងរាល់ថ្ងៃ តែ​មិនបានជួបលោក​ផ្ទាល់ ដោយសារ​លោក​ជាប់រវល់ប្រជុំ និងនៅមើល​ការដ្ឋានសាងសង់ផ្ទះគំរូ ប៉ុន្តែ​លោក​នឹងអាចជួប​ផ្ទាល់ ​ពេលមកទទួលកិច្ចសន្យា។

គួររំឭកថា កាលពី​ល្ងាចថ្ងៃទី១៨ ខែសីហា ឆ្នាំ២០២២ ​​លោក ឌួង ឆាយ អគ្គនាយកក្រុមហ៊ុន Downtown Development បានប្រារព្វពិធីបើកសម្ពោធការិយាល័យបុរីដោនថោន និងពិធីបញ្ចុះបឋម​សិលាបើកការ​ដ្ឋាន​សាងសង់គម្រោងបុរីដោនថោន និងផ្សារទំនើបដោនថោន រួម​ទាំង​ភូមិគ្រឹះ​លោក​ជំទាវ ខុង លីស៊ីអា​ណា ដែលមានទីតាំងស្ថិតនៅ​បណ្ដោយ​ផ្លូវ​២០០៤ ខណ្ឌសែនសុខ រាជធានីភ្នំពេញ ក្រោមអធិបតីភាព​លោក ហួត ហៃ អភិបាលរងរាជធានីភ្នំពេញ តំណាងលោកអភិបាល ឃួង ស្រេង។

​​លោក ឌួង ឆាយ បាន​ឱ្យ​ដឹង​ថា ការបើកការដ្ឋានសាងសង់​គម្រោងបុរីដោនថោននេះ​នឹងមានការសាង​សង់​ផ្ទះបុរី ផ្ទះអាជីវកម្ម ផ្សារទំនើប ភូមិគ្រឹះ វីឡាភ្លោះ វីឡាឃ្វីន នៅលើផ្ទៃដីសរុប​៣​ហិកតា ហើយ​ក្នុងកិច្ចការ​សាងសង់បុរីដោនថោននេះ គឺមានការគិតគូររៀបចំយ៉ាងហ្មត់ចង់ស្របតាមស្ដង់ដាអន្តរជាតិ ដែលធានាបាន​នូវគុណភាព សោភ័ណភាព ភាពស៉ីវិល័យ មិនចាញ់បណ្ដាប្រទេសដទៃឡើយ៕

The post ជំទាវឧកញ៉ា នឹម វណ្ណៈ ទិញវីឡាទោលនៅបុរី ដោនថោន របស់សេដ្ឋី ដួង ឆាយ appeared first on .

លោកជំទាវ បានបង្ហោះសារលើហ្វេសប៊ុក នៅរសៀលថ្ងៃសុក្រនេះថា៖ “មិត្តរួមហ្វេសប៊ុក​មាននឹកខ្ញុំទេ? បាត់​មុខយាយចាស់ ពេលនេះបានចូលពេទ្យ Bumrungrad នៅប្រទេសថៃ បានសម្រេចហេីយ។ ការ​វះ​កាត់តសរសៃពួរស្មា ដែលខ្ញុំដួលកង់ កាលពីខែ៦ ថ្ងៃទី២១ បានជោគជ័យហេីយ។ ខ្ញុំសុខសប្បាយទេ នឹក​រលឹកអ្នកទាំងអស់ជានិច្ច”។

គួរបញ្ជាក់ថា ក្រុមគ្រួសារលោកជំទាវ ហ៊ុន ស៊ីណាត ជានិច្ចជាកាលតែងតែជ្រះថ្លា និងចូលរួមយ៉ាងសកម្ម​ក្នុងការជួយលើកស្ទួយកសាងវិស័យពុទ្ធសាសនា ក្នុងនាមជាពុទ្ធសាសនិកនៅកម្ពុជា។ លោកជំទាវ និង​ស្វាមី ព្រមទាំងកូនៗផ្ទាល់ តែងតែចូលរួម និងដឹកនាំសប្បុរសជននានា ចូលរួមកសាង និងទំនុកបម្រុង​ដល់​ប្រជាពលរដ្ឋខ្វះខាតជីវភាព ជនពិកា និងចាស់ជរា គ្មានទីពឹងជាដើម។

ទន្ទឹមគ្នានោះ កូនស្រីបង្កើតរបស់លោកជំទាវ ហ៊ុន ស៊ីណាត លោកជំទាវឧកញ៉ា នឹម វណ្ណៈ ក៏ត្រូវបាន​មហាជន​ស្គាល់ច្បាស់ថា ជាសប្បុរសជនចិត្តធម៌ដ៏សកម្ម ដែលតែងតែចេញមុខ ចូលរួមជាមួយរដ្ឋាភិបាល​ក្នុងសកម្មភាព​សប្បុរសធម៌ និងបរិច្ចាគធនធានផ្ទាល់ខ្លួនជួយសង្គម ជាញឹកញាប់មិនដែលខាន។ សព្វថ្ងៃ លោកជំទាវឧកញ៉ា នឹម វណ្ណៈ ក៏មានតួនាទីជាប្រធានអង្គការសប្បុរសធម៌កម្ពុជកុលបុត្រ ទទួលបន្ទុក​មើល​ថែ និងចិញ្ចឹមបីបាត់កុមារកំព្រា ទុរគត រាប់សិបនាក់ ដែលមានទីតាំងនៅខេត្តសៀមរាបផងដែរ៕

The post ប្អូនស្រីសម្តេចតេជោ ហ៊ុន សែន ប្រាប់ពីលទ្ធផលវះកាត់តសរសៃពួរស្មារបស់ខ្លួន នៅប្រទេសថៃ appeared first on .

លោកជំទាវ ឧកញ៉ា នឹម វណ្ណៈ បានបង្ហោះសារមួយឃ្លា យ៉ាងដូច្នេះថា៖“តើគួរសំរេចចិត្តយ៉ាងណា ម្ខាងតាមបេះដូង ម្ខាងតាមខួរក្បាល ??? Mercedes Maybach S class 2022 VS lamborghini 2022 ” ។

ខាងក្រោមនេះ គឺជាតម្លៃ និងលក្ខណៈសម្បត្តិរបស់កំពូលរថយន្តស៊េរីឆ្នាំ ២០២២ ទាំង២ ស៊េរីនោះ ដែលក្រុមការងារ Oknha News ស្រាវជ្រាវ និងទើបទទួលបាន ពីបណ្ដាហាងលក់រថយន្តទំនើបនៅក្នុងរាជធានីភ្នំពេញ។

សម្រាប់រថយន្តប្រភេទ Mercedes-Maybach S-Class ២០២២ ផលិតចេញមក មាន ២ ម៉ូដែល គឺប្រភេទ

Mercedes-Maybach S580 4Matic និង Mercedes-Maybach S680 4Matic។ Mercedes-Maybach S580 4Matic ឆ្នាំ២០២២ តម្លៃលក់នៅបរទេស​ មានចាប់​ពី ១៨៥ ០០០ ដុល្លារ​ឡើង​ទៅ​ តែចំពោះតម្លៃក្នុងស្រុកខ្មែរវិញ អាចនឹងថ្លៃលើស ៥០ម៉ឺនដុល្លារ ក្រោយពេលគិតពន្ធនាំចូល។  ដោយឡែក សម្រាប់ម៉ូដែល Mercedes-Maybach S680 4Matic មាន​តម្លៃ​ចាប់​ពី ២១៥ ០០០ ដុល្លារ​ឡើង​ទៅ ឯតម្លៃក្នុងទីផ្សារក្នុងស្រុកអាចថ្លៃដល់ជាង ៦០ម៉ឺនដុល្លារ។   

S580 បំពាក់​មកជាមួយ​ម៉ាស៊ីន Twin-Turbocharged 4.0-Liter V-8 496-hp បន្ថែម​ជាមួយ​និង​ប្រព័ន្ធ Hybrid 48 វ៉ុល ស្របពេល S680  បំពាក់​ជាមួយ​ម៉ាស៊ីន Twin-Turbocharged 6.0-Liter V-12 621-hp ហើយ​រថយន្ត​ទំនើប​ទាំង ២ ម៉ូដែល​គឺ​សុទ្ធ​តែ​ដំណើរការ​ដោយ​ប្រព័ន្ធ​បើកបរ​គ្រប់​កង់ All-Wheel Drive។

រថយន្ត​ប្រភេទ​ S Class ទាំង ២ ម៉ូដែល​ ​មាន​ការ​រចនា​ផ្នែក​ខាងក្នុង​យ៉ាង​ប្រណីត ស្របពេល​មាន​ភាព​ទូលាយ​ផ្ដល់​ផាសុកភាព​ដល់​អ្នកដំណើរ និង​អ្នកបើកបរ ហើយ​កាន់តែ​អស្ចារ្យ ​គឺ​មាន​ប្រព័ន្ធ​ផ្ដល់​ដំណឹង​ពេល​មាន​ការ​ប៉ះទង្គិច​ផង​ដែរ។

ដោយឡែក​សម្រាប់​ការ​ស៊ីសាំង​លើ​ការ​ប្រើប្រាស់​ គឺនៅមិន​ទាន់​ត្រូវ​បាន​ទម្លាយ​ឱ្យ​ដឹង​នៅឡើយ តែ​សម្រាប់​ល្បឿន​នៃ​រថយន្ត​ទាំងនេះ គឺ​អាច​រត់​ពី ០ ដល់ ៦០mph ក្នុង​រយៈពេល ៤ វិនាទី និង ១០០mph ក្នុង​រយៈ​ពេល ១០,១ វិនាទី ខណៈ​ល្បឿន​លឿន​បំផុត​គឺ ១៣០mph ។

ចំពោះរថយន្ត​ទំនើបស្ព័រម៉ាក Lamborghini Huracan ឆ្នាំ២០២២ ដែលស្ថិតក្នុងចំណោមរថយន្តក្នុងក្ដីស្រមៃ របស់លោកជំទាវ ឧកញ៉ា នឹម វណ្ណៈ ដែរនោះ ផលិតចេញមក មាន៤ ម៉ូដែល។ ​ ដូចជា Lamborghini Huracan ម៉ូដែល Evo, Evo Spyder, Fluo Capsule និង STO ខណៈ Evo គឺ​ជា​ម៉ូដ​ពេញ​និយម​ជាងគេ និង​មាន​តម្លៃ​ធូរ​ថ្លៃ​ជាង ៣ ប្រភេទ​ផ្សេង​ទៀត។

ចំពោះតម្លៃ​របស់​រថយន្ត​ដែល​មាន​រូបតំណាង​គោជល់​ខាងលើ គឺ​ប្រភេទ Evo មាន​តម្លៃ​ចាប់ពី ២១៣ ១០៤ ដុល្លារ Evo Spyder មាន​តម្លៃ​ចាប់ពី ២៣៣ ៩៦១ ខណៈ Fluo Capsule មាន​តម្លៃ​ចាប់ពី ២៨៧ ៤៩៨ ដុល្លារ ស្របពេល STO មាន​តម្លៃ​ចាប់ពី ៣៣១ ៥៣៣ ដុល្លារ។ ដោយឡែក សម្រាប់តម្លៃរថយន្ត Lamborghini Huracan ស៊េរីឆ្នាំ ២០២២ ពេលមកដល់កម្ពុជា តម្លៃអាចនឹងលោតដល់ ជាង ៧០ម៉ឺនដុល្លារ ។  

រថយន្ត​ទំនើប​មួយ​នេះ មាន​បំពាក់​ជាមួយ​​ម៉ាស៊ីន 5.2 Liter V-10 ដែល​មាន​កម្លាំង 602សេះ​ ​ដំណើរ​ការ​ដោយ​ប្រព័ន្ធ​កង់​ក្រោយ និង 631​សេះ​ សម្រាប់​រថយន្ត​ដំណើរការ​ដោយ​កង់​ទាំង ៤ និង​ប្រភេទ STO។ យោង​ទៅ​តាម​ការ​សាកល្បង​បើកបរ​ទៅលើ​ប្រភេទ​រថយន្ត Evo ដំណើរ​ការ​ដោយ​កង់​ទាំង ៤ វា​អាច​រត់​ពី ០ ដល់ ៦០ mph ក្នុង​រយៈពេល ២,៥ វិនាទី និង​ឡើង​ដល់ ១៣៥mph ក្នុង​រយៈពេល ១០,៤ វិនាទី។

ក្រៅពីមានអាជីវកម្មមួយចំនួនក្នុងដៃ និងជាសហគ្រិនឆ្នើមមួយរូប ហើយលោកជំទាវ តែងអញ្ជើញទៅណាមកណា ដោយប្រើប្រាស់រថយន្តម៉ាក Rolls-Royce និងរថយន្តម៉ាក Mercedes G500 របស់ខ្លួន។ ដោយឡែក បើនិយាយពីការងារចុះជួយសង្គមវិញ លោកជំទាវឧកញ៉ា នឹម វណ្ណៈ ត្រូវបានមហាជនស្គាល់ច្បាស់ថា ជាសប្បុរសជនចិត្តធម៌ដ៏សកម្ម ដែលតែងតែចេញមុខ ចូលរួមជាមួយរដ្ឋាភិបាលក្នុងសកម្មភាពសប្បុរសធម៌ និងបរិច្ចាគធនធានផ្ទាល់ខ្លួនជួយសង្គម និងប្រជាពលរដ្ឋខ្វះខាត កុមារកំព្រា ចាស់ជរា ទុរគត ជាញឹកញាប់មិនដែលខាន។

បន្ថែមពីនេះ លោកជំទាវ ក៏មានតួនាទីជាប្រធានអង្គការសប្បុរសធម៌កម្ពុជកុលបុត្រ ទទួលបន្ទុកមើលថែ និងចិញ្ចឹមបីបាត់កុមារកំព្រា ទុរគត រាប់សិបនាក់ ដែលមានទីតាំងនៅខេត្តសៀមរាបផងដែរ៕

The post មកស្គាល់លម្អិតតម្លៃកំពូលរថយន្តប្រណិតលំដាប់អភិជនក្នុងក្ដីស្រមៃ លោកជំទាវឧកញ៉ា នឹម វណ្ណៈ appeared first on .

នៅថ្ងៃទី១៥ ខែកញ្ញានេះ ដើម្បីចូលរួមគាំទ្រសកម្មភាពអង្គការសប្បុរសធម៌កម្ពុជកុលបុត្រ របស់លោកជំទាវឧកញ៉ា នឹម វណ្ណៈ អ្នកឧកញ៉ា ឡេង ណាវ៉ាត្រា បានប្រកាសផ្តល់ទឹកប្រាក់ចំនួន ២០ លានរៀល អង្ករ ៥ តោន និងត្រីខ ២០០ កេស ក្នុងការជួយដល់កុមារកំព្រា ដែលស្ថិតនៅភូមិអញ្ចាញ សង្កាត់នគរធំ ក្រុងសៀមរាប ខេត្តសៀមរាប។

លោកជំទាវឧកញ៉ា នឹម វណ្ណៈ ក្នុងនាមជាប្រធានអង្គការសប្បុរសធម៌កម្ពុជកុលបុត្រ សូមថ្លែងអំណរគុណចំពោះ អ្នកឧកញ៉ា ឡេង ណាវ៉ាត្រា ដែលបានឧបត្ថម្ភថវិកា និងសម្ភារៈ ហើយលោកជំទាវក៏សូមជូនពរដល់អ្នកឧកញ៉ា ព្រមទាំងក្រុមគ្រួសារ សូមឱ្យបានជួបតែពុទ្ធពរទាំង៥ប្រការគឺអាយុ វណ្ណ: សុខ: និងពល:និងបដិភានៈកុំបីឃ្លៀងឃ្លាតឡើយ។

សកម្មភាពមនុស្សធម៌ទឹកចិត្តបរិសុទ្ធរបស់អ្នកឧកញ៉ា ឡេង ណាវ៉ាត្រា និងលោកជំទាវឧកញ៉ា នឹម វណ្ណៈ សរបង្ហាញឲ្យឃើញនូវទឹកចិត្តប្រកបដោយមេត្តា ករុណា មុទិតា និងបេក្ខា ផ្សាយដល់ជនរួមជាតិកម្ពុជារបស់យើង៕

The post ទឹកប្រាក់ ២០លានរៀល អង្ករ ៥តោន និងសម្ភារៈមួយចំនួនអ្នកឧកញ៉ា ឡេង ណាវ៉ាត្រា ផ្តល់ជូនជំទាវឧកញ៉ា នឹម វណ្ណៈ appeared first on .

ទាក់ទងនឹងការមានមហិច្ឆតាពុះកញ្រោលចង់ចេញរកស៊ី ឬបណ្តាក់ទុនវិនិយោគនៅពេលបច្ចុប្បន្ននេះ សហគ្រិនស្រ្តីកំពុងក្តោបក្តាប់មុខជំនួញប្រាក់លានជាច្រើននៅក្នុងដៃលោកជំទាវឧកញ៉ា នឹម វណ្ណៈ ប្រធានក្រុមប្រឹក្សាភិបាលក្រុមហ៊ុន អេស៊ីអ៊ី គ្រុប ឯ.ក បានអះអាងថា មុននឹងចេញរកស៊ីយើងត្រូវដឹកនាំខ្លួនឯងជាមុន មានពេលវេលាគ្រប់គ្រាន់ជាមួយផែនការច្បាស់លាស់ ទើបវិនិយោគទៅទទួលបានជោគជ័យ។

លោកជំទាវឧកញ៉ា នឹម វណ្ណៈ បានឲ្យដឹងថា ធ្វើម៉េចយើងត្រូវតែរកសុីឲ្យបានជោគជ័យខ្លួនឯងជាមុនសិន មុននឹងចង់ដឹកនាំអ្នកដទៃ ហើយវាងាយនិងរកអ្នកវិនិយោគលើមុខជំនួញរបស់យើងបន្ថែមទៀតផង។ តែបើមិនទាន់ចំណេញនៅក្នុងមុខជំនួញខ្លួនឯងនៅឡើយទេ គឺត្រូវប្រើពេលវេលាទំនាក់ទំនងសង្គមអោយបានច្រើន។

បើតាមលោកជំទាវ យើងត្រូវតែបង្ហាញអ្នកវិនិយោគនៅសក្កានុពលគម្រោង និងមានគម្រោង Master plan របស់ខ្លួនឲ្យបានម៉ត់ចត់ និងច្បាស់លាស់បំផុត ដែលទាំងនេះនឹងនាំលោកអ្នកអោយអ្នកវិនិយោគដទៃទទួលបានផ្លែផ្កានាថ្ងៃអនាគតជាក់ជាមិនខាន។

បន្ថែមលើនេះលោកជំទាវកត់សម្គាល់ថា៖ “មនុស្សធម្មតា ធ្វើរឿងធម្មតា មនុស្សមិនធម្មតាធ្វើរឿងអស្ចារ្យនិងលំបាកបំផុត ដែលមនុស្សធម្មតាមិនអាចធ្វើបាន។ បោះជំហានទៅមុខ មួយជំហានម្តងៗច្បាស់ ប្រុងប្រយ័ត្នហើយរឹងមាំជានិច្ច”៕

The post ជំទាវឧកញ៉ា នឹម វណ្ណៈ៖ បោះជំហានទៅមុខ មួយជំហានម្តងៗច្បាស់ ប្រុងប្រយ័ត្នហើយរឹងមាំជានិច្ច appeared first on .

ACE GROUP CO., LTD. ជាក្រុមហ៊ុននាំចូលនិងចែកចាយអាហារបំប៉នដ៏ល្បីហើយទទួលបានគាំទ្រជាច្រើនពីអតិថិជន ខណៈដែលក្រុមហ៊ុនដឹកនាំដោយស្រ្តីឆ្នើមរូបនេះទើបតែចុះបញ្ជីជាក្រុមហ៊ុនឯកជនទទួលខុសត្រូវមានកម្រិតនៅថ្ងៃទី៥ ខែមករា ឆ្នាំ២០២១ ដែលមានលោកជំទាវ ហ៊ុន ស៊ីណា និងលោកជំទាវឧកញ៉ា នឹម វណ្ណៈ ជាអ្នកដឹកនាំផ្ទាល់។

លោកជំទាវឧកញ៉ា នឹម វណ្ណៈ សហគ្រិនស្រ្តីដ៏ឆ្នើមប្រកបដោយចក្ខុវិស័យវែងឆ្ងាយក្នុងការគ្រប់គ្រងមុខជំនួញ និងថ្នាក់ដឹកនាំម្នាក់ដែលទទួលបានការគោរពស្រឡាញ់ពីបុគ្គលិក និងបណ្តាលអ្នកវិនិយោគិនជំនាន់ក្រោយនៅប្រទេសកម្ពុជា។ បន្ថែមលើសនេះ លោកជំទាវក៏ជាប្រធានអង្គការសប្បុរសធម៌កម្ពុជកុលបុត្រ កំពុងធ្វើការយ៉ាងសកម្ម និងមមាញឹកបំផុតក្នុងការចុះជួយដល់មូលដ្ឋានប្រជាពលរដ្ឋដែលរងគ្រោះថ្នាក់ដោយធម្មជាតិផ្សេងៗ ពិសេសវិបត្តិកូវីដ-១៩នេះតែម្តង៕

The post សភាពាណិជ្ជកម្មកម្ពុជា ប្រកាសស្វាគមន៍យ៉ាងកក់ក្តៅចំពោះវត្តមានលោកជំទាវឧកញ៉ា នឹម វណ្ណៈ appeared first on .

ជាក់ស្តែង បងប្អូនប្រជាកសិករជាប់ខេត្តព្រំដែនថៃ ដែលកំពុងមមាញឹកក្នុងការប្រមូលផលផ្លែមៀនប៉ៃលិន ឬតាង៉ែនកំពុងជួបបញ្ហាគ្មានទីផ្សារនាំចេញដោយសារអាជ្ញាធរប្រទេសថៃបានបិទច្រកព្រំដែនមិនឲ្យនាំចូល ខណៈប្រមុខរាជរដ្ឋាភិបាល ក្រុមហ៊ុន ពាណិជ្ជករ អ្នកឧកញ៉ា លោកឧកញ៉ា ជាច្រើនចេញមុខមកប្រកាសទិញតាង៉ែនពីប្រជាកសិកររាប់ពាន់តោន។

ក្នុងនោះលោកជំទាវឧកញ៉ា នឹម វណ្ណៈ មិនឈរឪបដៃមើលនឹងភ្នែកឡើយ អង្រួនចិត្តនឹករលឹកដល់កសិករខំដាំដុះ លោកជំទាវឧកញ៉ា និងក្រុមគ្រួសារក៏សម្រេចចិត្តទិញយកមៀនប៉ៃលិន ឬតាង៉ែន ចំនួន ៥តោនដើម្បីចែកជូនដល់បងប្អូនរស់នៅក្នុងអង្គការ សមាគម និងអាជ្ញាធរជួរមុខក្នុងការប្រយុទ្ធប្រឆាំងកូវីដ-១៩។

លោកជំទាវឧកញ៉ា នឹម វណ្ណៈ បានថ្លែងប្រាប់គេហទំព័រឧកញ៉ាញូស៍នៅថ្ងៃនេះថា ថ្ងៃនេះលោកជំទាវចាត់ដំណាងលោក ជីវ៉ា និង លោកមេធាវី ពៅ បញ្ញា បានយកថវិការចំនួន1000$ និងមានប៉ៃលិនចំនួន ១៥០គីឡូប្រគល់ជូនខណ្ឌចំនួន៣ រួមមាន៖

១.មៀនប៉ៃលិនចំនួន ៥កេះ និងថវិកា ២លានរៀល តាមរយៈលោក សុខ ពេញវុធ អភិបាលនៃគណៈខណ្ឌដូនពេញ

២.មៀនប៉ៃលិន ៥កេះ និងថវិកា ១លានរៀល តាមរយៈលោក ឃឹម សំអាន អភិបាលនៃគណៈបាលខណ្ឌបឹងកេងកង

៣.មៀនប៉ៃលិន៥កេះ និងថវិកា ១លានរៀល តាមរយៈលោក តោ វីរ៉ូ អភិបាលរងខណ្ឌ ៧មករា

ទឹកចិត្តដ៏ប្រពៃ លោកជំទាវឧកញ៉ា និងស្វាមី ស្ដែងឱ្យឃើញពីការយល់ទុក្ខធុរៈរបស់ប្រជាកសិករ និងចូលរួមទាន់ពេលវេលា តាមការអំពាវនាវរបស់ប្រមុខថ្នាក់ដឹកនាំ ទាក់ទងនឹងបញ្ហាប្រឈម និងហានិភ័យរបស់បងប្អូនប្រជាកសិករខ្មែរ ដែលបានប្រមូលផលផ្លែមៀនប៉ៃលិនហើយ តែមិនអាចនាំចេញទៅលក់ទៅប្រទេសជិតខាងបាន។

The post លោកជំទាវឧកញ៉ា នឹម វណ្ណៈ កម្ម៉ង់ទិញមៀនប៉ៃលិន ៥តោន ជាជំហានដំបូងនាំទៅប្រគល់ជូនដល់ខណ្ឌចំនួន ៣ និងថវិកា ៤លានរៀល appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

កាលពីថ្ងៃទី ១៨ ខែសីហា ម្សិលមិញ លោកជំទាវឧកញ៉ា នឹម វណ្ណ: បានប្រកាសទិញផ្លែមៀនប៉ៃលិន របស់បងប្អូនប្រជាកសិករខ្មែរយើងចំនួនជិត ៣តោន ម្ដងរួចមកហើយ ដើម្បីយកទៅចែកជូនខណ្ឌទាំង ១២ និងចែកដល់ក្មេងៗកុមារកំព្រានៅ «អង្គការសប្បុរសធម៌កម្ពុជាកុលបុត្រ» ព្រមទាំងចែកជូនដល់សិល្បករខ្មែរយើងមួយចំនួនផងដែរ។

អានអត្ថបទ៖ លោកជំទាវឧកញ៉ា នឹម វណ្ណៈ ប្រកាសជួយទិញមៀនប៉ៃលិនជិត ៣តោន ពីប្រជាកសិករ

ទឹកចិត្តដ៏ប្រពៃ លោកជំទាវឧកញ៉ា និងស្វាមី ស្ដែងឱ្យឃើញពីការយល់ទុក្ខធុរៈរបស់ប្រជាកសិករ និងចូលរួមទាន់ពេលវេលា តាមការអំពាវនាវរបស់ប្រមុខថ្នាក់ដឹកនាំ ទាក់ទងនឹងបញ្ហាប្រឈម និងហានិភ័យរបស់បងប្អូនប្រជាកសិករខ្មែរ ដែលបានប្រមូលផលផ្លែមៀនប៉ៃលិនហើយ តែមិនអាចនាំចេញទៅលក់ទៅប្រទេសជិតខាងបាន។

គួររំលឹកថា កាលពីព្រឹកថ្ងៃទី១៩ សីហា នេះដែរ អ្នកឧកញ៉ា ឡេង ណាវ៉ាត្រា បានប្រកាសប្រមូលទិញមៀនប៉ៃលិន (តាង៉ែន) ពីបងប្អូនកសិករចំនួន ១ពាន់តោន ត្រៀមដាក់លក់ក្នុងផ្សារកសិផលធម្មជាតិ ឡេង ណាវ៉ាត្រា ដើម្បីជួយបំពេញ និងជំនួសទីផ្សារនាំចេញទៅប្រទេសជិតខាង និងស្របតាមគោលនយោបាយរបស់សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ក្នុងស្ថានភាពដ៏លំបាកនៃវិបត្តិកូវីដ-១៩ នេះ ៕

The post ខ្មែរជួយខ្មែរ! លោកជំទាវ ឧកញ៉ា នឹម វណ្ណៈ និងស្វាមី បន្តជួយទិញផ្លែមៀនប៉ៃលិនថែម ២តោន ទៀត សរុប ៥តោន appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្នុងនោះដែរលោកជំទាវឧកញ៉ា នឹម វណ្ណា បានមានប្រសាសន៍ថា៖ ការទិញមៀនប៉ៃលិននេះ គឺជាការចូលរួមចំណែកជួយគាំទ្រដល់ប្រជាកសិករ និងផលិតផលខ្មែរក្នុងស្រុក ឲ្យមានតម្លៃនិងជួយសង្គ្រោះផលិតផលរបស់យើង ដែលកំពុងជួបហានិភ័យ និងជួយសម្រួលដល់ជីវភាពរបស់កសិករដែលកំពុងជួបបញ្ហាក្នុងអំឡុងពេលផ្ទុះជំងឺកូវីដនេះ ហើយលោកជំទាវក៏បានធ្វើការអំពាវនាវបន្ត សូមឲ្យប្រជាពលរដ្ឋខ្មែរជួយជ្រោមជ្រែងប្រើប្រាស់ផលិតផលផ្លែឈើខ្មែរយើងគ្រប់ៗគ្នាផង ។

ទាក់ទងទៅនឹងបញ្ហាទីផ្សារដោយភាគីថៃបិទច្រកទ្វារព្រំដែននេះដែរ ក្រសួងកសិកម្ម រុក្ខាប្រមាញ់ និងនេសាទ ក៏កំពុងដុតដៃដុតជើងយ៉ាងខ្លាំង ដើម្បីជួយកែប្រែបញ្ហាទាំងនេះ ដោយក្រសួងបានធ្វើការចរចា និងស្នើសុំទៅខាងភាគីថៃឱ្យបើកច្រកព្រំដែនជាច្រើនដងមកហើយ។ បន្ថែមពីនេះ ក្រសួងក៏បានអំពាវនាវដល់អ្នកនាំចេញផ្លែមៀនប៉ៃលិននៅខ្មែរយើង បង្វែរទីផ្សារពីប្រទេសថៃ ទៅកាន់ប្រទេសវៀតណាម ដើម្បីដោះស្រាយទីផ្សារមៀនក្នុងរដូវប្រមូលផលដែលជាប់គាំង ដោយសារការបិទព្រំដែនរវាងកម្ពុជា និងថៃ កំឡុងពេលផ្ទុះជំងឺកូវីដ-១៩ នេះ។

បន្ថែមពីនេះ កាលពីថ្ងៃទី១៧ ខែសីហា ឆ្នាំ២០២១ សម្តេចតេជោ​ ហ៊ុន​ សែន​ នាយករដ្ឋមន្ត្រី​ នៃព្រះរាជាណាចក្រកម្ពុជា​ ​និងសម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ហ៊ុនសែន​ បានអនុញ្ញាតឱ្យឯកឧត្តម​ នាយឧត្តមសេនីយ៍កិត្តិបណ្ឌិត​ ហ៊ីង​ ប៊ុនហៀង​ នាយករងខុទ្ទ​កា​ល័យ​​សម្តេចតេ​ជោ​​ ហ៊ុន​​ សែន​​ ដើម្បីប្រមូលទិញនូវកសិផលរបស់ប្រជាកសិករ​ គឺផ្លែមាន​ នៅតាមបណ្តាខេត្តជាប់ព្រំដែនកម្ពុជា-ថៃ ដែលកំពុងជួបបញ្ហាប្រឈមក្នុងការនាំចេញទៅលក់នៅក្រៅប្រទេស ដែលបណ្តាលមកពីការឆ្លងរីករាលដាលនៃជំងឺ​កូវីដ​-១៩​ នៅតាមព្រំដែនប្រទេសជិតខាងផងដែរ៕

The post លោកជំទាវឧកញ៉ា នឹម វណ្ណៈ ប្រកាសជួយទិញមៀនប៉ៃលិនជិត ៣តោន ពីប្រជាកសិករ appeared first on .