លោកស្រី ឆាយ ស៊ីលីន ប្រធានសមាគទេសចរណ៍កម្ពុជាមានប្រសាសន៍ថា៖ «ទាក់ទងទៅនិងរាជរដ្ឋាភិបាលថ្មីដែលនឹងត្រូវបង្កើតឡើងនៅពេលខាងមុខនេះគឺយើងមានក្តីរំពឹងទៅលើការដឹកនាំដោយលោកបណ្ឌិត ហ៊ុន ម៉ាណែត និងយកសមត្ថភាព ចំណេះដឹងដើម្បីមកធ្វើការដឹកនាំ។ ដូចនេះថ្នាក់ដឹកនំាកំពូលៗដែលនិងមកជំនួសនេះនិងផ្តោតទៅលើជំនាញ ពិសេសជំនាញទេសចរណ៍ក្រសួងនឹងធ្វើការផ្តោតការយកចិត្តទុកខ្លាំង។ មកដល់បច្ចុប្បន្ននេះថ្នាក់ដឹកនាំយល់កាន់តែច្បាស់ ពីវិស័យទេសចរណ៍ហើយត្រូវការគិតគូរចម្បងមុនវិស័យផ្សេងៗ អីចឹងយើងរំពឹងថារាជរដ្ឋាភិបាលថ្មីលោកនឹងមានការគិតផ្តោតមកលើវិស័យទេសចរណ៍មុនគេ»។

លោកស្រីលើកឡើងថា សម្រាប់វិស័យឯកជនក្នុងវិស័យទេសចរណ៍យើងមានផែនការសកម្មភាពជាហូរហែរដើម្បីបម្រើទៅដល់ទេសចរនៅក្នុងស្រុក ក៏ដូចជាទេសចរក្រៅស្រុក ហើយទេសចរក្រៅស្រុកនេះគឺយើងមានផ្តោតខ្លាំង ដោយសារយើងបានប្រមើមើលឃើញនូវលំហូរភ្ញៀវទេសចរនៅតាមបណ្តាប្រទេសនៅក្នុងតំបន់ ហើយយើងកំពុងតែគិតថាត្រូវធ្វើរឿងជាច្រើនផ្សេងទៀតដើម្បីឱ្យវិស័យទេសចរណ៍កម្ពុជាបានដើរទាន់គេ ក្នុងនោះផ្នែកធនធានមនុស្ស ក្រសួងបានរៀបចំថ្នាលបណ្តុះបណ្តាលជាហូរហែរនៅពេលកន្លងមក ហើយនៅពេលថ្មីៗនេះក៏កំពុងពង្រឹងទៅលើការបណ្តុះបណ្តាលជំនាញនេះផងដែរ។

យោងតាមរដ្ឋមន្ត្រីក្រសួងទេសចរណ៍ លោក ថោង ខុន កន្លងទៅថ្មីៗនេះបានបញ្ជាក់ថា «ចាប់តាំងពីការបង្កើតគណៈកម្មាធិការជាតិអ្នកជំនាញទេសចរណ៍ ឆ្នាំ២០១១ កម្ពុជាបានចូលរួមចំណែកក្នុងកំណែទម្រង់ការអប់រំជំនាញវិជ្ជាជីវៈនៅកម្ពុជា ដែលបានផ្តល់នូវការបណ្តុះបណ្តាល និងវាយតម្លៃសមត្ថភាពអ្នកជំនាញទេសចរណ៍ស្របតាមក្របខណ្ឌគុណវុឌ្ឍិជាតិ និងអាស៊ាន ក្នុងនោះយុវជនកម្ពុជាទទួលបានចំណេះដឹង ជំនាញ និងមានឱកាសសម្រាប់ការងារនៅក្នុងតំបន់។ លើសពីនេះទៀត ដោយមានយន្តការទ្រទ្រង់គ្រប់គ្រាន់ ដៃគូពាក់ព័ន្ធជាតិនិងអន្តរជាតិក៏បានចូលរួមគាំទ្រយ៉ាងសកម្ម»៕ អត្ថបទ៖សារេត

The post វិស័យឯកជនមានក្តីរំពឹងថា រាជរដ្ឋាភិបាលថ្មីនឹងធ្វើការគិតគូរទៅលើវិស័យទេសចរណ៍ជាចម្បងមុនគេ appeared first on .

ប្រធានសមាគមទីភ្នាក់ងារទេសចរណ៍កម្ពុជាហៅកាត់ថាCATA លោកជំទាវ ឆាយស៊ីវលីន បានឱ្យដឹងថា តាមរយៈនៃការបិទបញ្ចប់គោលនយោបាយសូរ៉ូកូវីដ១៩ ហើយប្រមុខរដ្ឋកម្ពុជាមានការស្វាគមន៍ដល់ភ្ញៀវទេសចរក៏ដូចជាបើកឱកាសឱ្យមានការវិនិយោគចំពោះភ្ញៀវទេសចរចិននិងវិនិយោគិនចិនឃើញថាកម្ពុជាទទួលបានការគំាទ្រតាមរយៈការចេញដើររបស់ភ្ញៀវទេសចរចិនចូលមកជាហូរហែ។

លោកជំទាវ ឆាយស៊ីវលីន មានប្រសាសន៍ថា នៅក្នុងដំណើរទៅទស្សនៈកិច្ចដែលខ្ញុំដឹកនាំក្រុមហ៊ុនទៅប្រទេសចិនថ្មីៗនេះសុទ្ធតែជាអ្នករកស៊ីទទួលទាននៅ ក្នុងវិស័យទេសចរបានណាត់ជួប និងក្រុមហ៊ុនទេសចរណ៍ធំៗនៅខេត្តគ័ងតុងក៏ដូចជានៅទីក្រុងប៉េកំាង ទទួលបានមានការចាប់អារម្មណ៍ច្រើន ហើយសមាគមទេសចរចិននិងសមាគមទេសចរកម្ពុជាក៏មានការជំរុញ និងជម្រើសរើសភ្ញៀវទេសចរឱ្យមកទស្សនាកម្ពុជាមានតែភ្ញៀវទេសចរដែលមានគុណភាព។ការតំាងចិត្តរបស់អ្នកទទួលទានក្នុងវិស័យទេសចរចិនហើយខាងកម្ពុជាយើងក៏មានការតំាងចិត្តផងដែរថា បម្រើភ្ញៀវទេសចរចិនដែលមានគុណភាព។
លោកជំទាវសង្កត់ធ្ងន់ថា«យើងឃើញថាការតំាងចិត្តអ្នករកទទួលទាននៅក្នុងវិស័យទេសចររបស់ចិនក៏ដូចខាង កម្ពុជាថានឹងបម្រើភ្ញៀវទេចរដែលមានគុណភាព។ខ្ញុំមានក្តីរំពឹងថានៅថ្ងៃអនាគតដ៏ខ្លីខាងមុខនេះ កម្ពុជាយើងនឹងទទួលបាននូវផ្លែផ្កាដែលយើងតែងតែទទឹងរង់ចំាជាយូរមកហើយនោះ»។

លោកជំទាវគូសបញ្ជាក់ថា«ភ្ញៀវចិនប្រកបដោយគុណភាពយើងសំដៅទៅលើភ្ញៀវទេសចរចិនដែលមិនបង្កការលំបាកច្រើន ពួកគាត់ចូលមកកម្ពុជាធ្វើការចាយវាយលុយច្រើន ហើយក៏មិនបង្ករឿង»។ជារួមភ្ញៀវទេសចរចិនចូលមកកម្ពុជា ហើយចាយលុយច្រើនប្រកបដោយភាពថ្លៃថ្នូរ។ជាក់ស្តែងតារមយៈនៅក្នុងដំណើរទស្សនៈកិច្ចរបស់ខ្ញុំឃើញថា ចិនឥឡូវគាត់ប្តូរអត្តចរិតច្រើន។ខ្ញុំមានអារម្មណ៍ថាធ្វើដំណើរទៅប្រទេសចិន ដូចជាទៅប្រទេសមួយដែលស្ងប់ស្ងាត់ អីចឹងការដើរហើរ ការប្រាស្រ័យនៅតាមទីសាធារណៈគឺមានភាពថ្លៃថ្នូរច្រើនហើយយើងគិតថាលំហូរភ្ញៀវទេសចរចូលមកកម្ពុជាយើងនឹងទទួលបានការចំណាយថវិកាពីភ្ញៀវចិនស្ថិតក្នុងកម្រិតមួយដែលអាចជួយទៅដល់សេដ្ឋកិច្ចមូលដ្ឋានក៏ ដូចជាសេដ្ឋកិច្ចរបស់កម្ពុជាបាន»។

បើតាមប្រធានសមាគមទីភ្នាក់ងារទេសចរណ៍កម្ពុជាថាតាមរយៈការជំរុញពីក្រសួងទេសចរណ៍ក៏ដូចជាសមាគមCATA ចាប់ពីខែ៣នេះទៅយើងនឹងទទួលបានជើងហោះហើរចូលមកបន្តើរៗ តែទន្ទឹមនឹងនេះ យើងទទួលបានភ្ញៀវទេសចរចិនបានកើនឡើងរួចមកហើយ ក្នុងមួយថ្ងៃយើងកើនបាន៣ជើងយន្តរួចមកហើយ។ដូចនេះចាប់ពីខែ៣តទៅនឹងមានការអនុញ្ញតឱ្យយន្តហោះចូលមកថ្មីៗទៀត៕ អត្ថបទ៖សារេត

The post កម្ពុជារំពឹងទទួលបានភ្ញៀវទេសចរមកពីចិនប្រកបដោយគុណភាព និងជាភ្ញៀវដែលចាយលុយច្រើន appeared first on .