មហាព្រឹត្តិការណ៍ប្រណាំងម៉ូតូត្រៃ ដណ្ដើមពានរង្វាន់ជើងឯក «ENEOS Championship ឆ្នាំ2026» ដើម្បីផ្សាភ្ជាប់ជាមួយវិស័យទេសចរណ៍នេះ រៀបចំដោយគណៈកម្មការរៀបចំការប្រកួតម៉ូតូត្រៃ សហការរៀបចំដោយក្រុមហ៊ុនប្រេងម៉ាស៊ីន ENEOS ប្រចាំកម្ពុជា ក្រោយការអនុញ្ញាតពីសហព័ន្ធកីឡាយានយន្ដកម្ពុជា។

ថ្លែងក្នុងឱកាសនោះ លោក ពេជ្រ សុខា អ្នករៀបចំការប្រណាំងម៉ូតូត្រៃ បានបង្ហាញក្ដីសោមមនស្សរីករាយដែលបានរៀបចំព្រឹត្តិការណ៍ប្រកួតនេះ ដោយអះអាងថា មហាព្រឹត្តិការណ៍ប្រណាំងម៉ូតូត្រៃ ដណ្ដើមពានរង្វាន់ជើងឯក «ENEOS Championship ឆ្នាំ2026» ជាព្រឹត្តិការណ៍ធំជាងគេក្នុងឆ្នាំ២០២៦នេះ។ បើតាមលោក ពេជ្រ សុខា ក្នុងនាមជាកូនខ្មែរ បានបង្ហាញមោទនភាពយ៉ាងក្រៃលែង ដែលកម្ពុជាមានឱកាសរៀបចំការប្រកួតនេះ ហើយកាន់តែអស្ចារ្យ គឺកីឡាករដែលចូលរួមមានចំនួន១៨១នាក់។

ជាមួយគ្នានេះ លោកឧកញ៉ា សូ សុខប៊ុនលីម អគ្គនាយកក្រុមហ៊ុន Professional Trader (Cambodia) និងក្រុមហ៊ុនប្រេងម៉ាស៊ីន ENEOS ប្រចាំកម្ពុជា ការរៀបចំព្រឹត្តការណ៍នេះឡើង មិនត្រឹមតែជាការរៀបចំកម្មវិធីកម្សាន្ដសប្បាយនោះទេ ពោលជាការចូលរួមចំណែកយ៉ាងសំខាន់ ក្នុងការលើកស្ទួយវិស័យកីឡាយានយន្ត ក៏ដូចជាវិស័យកីឡាប្រណាំងម៉ូតូត្រៃ ឲ្យកាន់តែមានភាពរីកចម្រើនទាំងថ្នាក់ជាតិ និងអន្តរជាតិ។ ជាពិសេសគោលបំណងសំខាន់ គឺផ្សាភ្ជាប់រវាងកីឡាយានយន្ត និងទេសចរណ៍ ដើម្បីលើកស្ទួយវិស័យទេសចរណ៍នៅក្នុងប្រទេសកម្ពុជា តាមរយៈការចូលរួមប្រណាំងពីសំណាក់កីឡាករអន្តរជាតិ ក៏ដូចជាការផ្សព្វផ្សាយយ៉ាងទូលំទូលាយតាមរយៈប្រព័ន្ធផ្សព្វផ្សាយនានាផងដែរ។

លោកឧកញ៉ា សូ សុខប៊ុនលីម បានអះអាងថា ដើម្បីលើកកម្ពស់វិស័យកីឡាប្រណាំងម៉ូតូត្រៃនេះ ក្រុមហ៊ុន Professional Trader (Cambodia) ក៏ដូចជាក្រុមហ៊ុនប្រេងម៉ាស៊ីន ENEOS ប្រចាំព្រះរាជាណាចក្រកម្ពុជា នឹងបន្តគាំទ្រ និងចូលរួមរៀបចំមហាព្រឹត្តការណ៍ប្រណាំងម៉ូតូត្រៃ នេះជាបន្តបន្ទាប់ទៀត នាពេលអនាគត។

សូមជម្រាបជូនថា ក្រុមហ៊ុន ENEOS Corporation គឺជាក្រុមហ៊ុនថាមពលវ័យចំណាស់មួយ និងជាប់ចំណាត់ថ្នាក់លេខ១ ក្នុង ប្រទេសជប៉ុន ហើយបានធ្វើពាណិជ្ជកម្ម ផលិតផលប្រេងម៉ាស៊ីនម៉ាក ENEOS ដែលជាផលិតផលមួយក្នុងចំណោម ផលិតផលជាច្រើនមកកាន់ពិភពលោក។

ផលិតផលប្រេងម៉ាស៊ីនម៉ាក ENEOS ត្រូវបាននាំចូលផ្តាច់មុខដោយក្រុមហ៊ុន Professional Trader (Cambodia) Co., LTD សម្រាប់ទីផ្សារកម្ពុជាតាំងពីឆ្នាំ២០១៦កន្លងមក ហើយបានចែកទៅកាន់២៥ខេត្ត-ក្រុង តាមរយៈអតិថិជនលក់ដុំ និងរាយជាង២,០០០កន្លែង៕

The post មហាព្រឹត្តិការណ៍ប្រណាំងម៉ូតូត្រៃ នៅប្រទេសកម្ពុជា ដណ្ដើមជើងឯក «ENEOS ឆ្នាំ 2026» ដើម្បីផ្សាភ្ជាប់ជាមួយវិស័យទេសចរណ៍ របស់លោកឧកញ៉ា សូ សុខប៊ុនលីម បានបិទបញ្ចប់ដោយជោគជ័យ appeared first on .

ការចូលរួមរបស់ប្រេងម៉ាស៉ីនលំដាប់កំពូលរបស់ជប៉ុន ENEOS ឆ្នាំ២០២៦នេះ គឺជាលើកទី២ ពោលកាលពីព្រឹត្តិការណ៍ពិព័រណ៍រថយន្ដលើកទី២ ឆ្នាំ២០២៥ ប្រេងម៉ាស៉ីន ENEOS ក៏បានបង្ហាញវត្តមានចូលរួមម្ដងរួចមកហើយ។

លោកឧកញ៉ា សូ សុខប៊ុនលីម អគ្គនាយកក្រុមហ៊ុន Professional Trader (Cambodia) ដែលនាំចូលប្រេងម៉ាស៉ីនលំដាប់កំពូលរបស់ជប៉ុន ENEOS ផ្ដាច់មុខប្រចាំប្រទេសកម្ពុជា បានអះអាងថា ដើម្បីបង្ហាញពីការគាំទ្រដល់វិស័យកីឡាយានយន្ដនៅកម្ពុជា ក្រុមហ៊ុនប្រេងម៉ាស៉ីន ENEOS ក៏មានការលក់បញ្ចុះតម្លៃពិសេសក្នុងការព្រឹត្តិការណ៍នេះ រយៈពេល៣ថ្ងៃពេញ។

ការផ្ដល់ជូនយ៉ាងពិសេសនោះ គឺបញ្ចុះតម្លៃ១០ភាគរយ រាល់ការជាវប្រេងមួយឈុត (៤លីត្រឡើង)។ សម្រាប់អតិថិជនដែលទិញរថយន្ដ ឬម៉ូតូក្នុងព្រឹត្តិការណ៍ពិព័រណ៍នេះ គឺទទួលបានប្រម៉ូសិន៣៦ភាគរយ ក្នុងការទិញប្រេងម៉ាស៉ីនមួយឈុត។ ព្រមទាំងមានការផ្ដល់ជូនអាវយឺត ឆ័ត្រ មួក និងដបទឹកផងដែរ។

សូមជម្រាបថា ENEOS គឺជាពាណិជ្ជសញ្ញា នៃផលិតផលរបស់ក្រុមហ៊ុន ENEOS Corporation ដែលជាក្រុមហ៊ុនថាមពលវ័យចំណាស់ មួយបង្កើតឡើងក្នុងឆ្នាំ១៨៨៨ និងជាប់ចំណាត់ថ្នាក់លេខ១ ក្នុងប្រទេសជប៉ុន ក្នុងការផ្គត់ផ្គង់ផលិតផលជាច្រើនដូចជា ថាមពលអគ្គីសនី ឧស្ម័ន ប្រេងឥន្ធនៈ ផលិតផលគីមីឥន្ធនៈ រ៉ែធម្មជាតិ និងប្រេងម៉ាស៊ីន។ ក្រុមហ៊ុន ENEOS Corporation តែងតែយកចិត្តទុកដាក់ក្នុងការអភិវឌ្ឍផលិតផល ENEOS ឲ្យកាន់តែទំនើបជាមួយនឹងបច្ចេកវិទ្យា និងនវានុវត្តន៍ថ្មីនៃពិភពលោក៕

The post ប្រេងម៉ាស៉ីនលំដាប់កំពូលជប៉ុន ENEOS នាំចូលដោយក្រុមហ៊ុន របស់ លោកឧកញ៉ា សូ សុខប៊ុនលីម ចូលរួមព្រឹត្តិការណ៍ពិព័រណ៍រថយន្ដលើកទី៣ ឆ្នាំ២០២៦ appeared first on .

ថ្លែងក្នុងពិធីពិសាភោជនាហារសាមគ្គីប្រចាំឆ្នាំនៃមហាគ្រួសារ ENEOS ប្រចាំប្រទេសកម្ពុជា ឧកញ៉ា សូ សុខប៊ុនលីម មានប្រសាសន៍ថា៖ “ពិធីនៅថ្ងៃនេះជាពិធីជួបជុំប្រចាំឆ្នាំលើកទី៨ ចាប់តាំងពីក្រុមហ៊ុនបានប្រតិបត្តិការលក់ផលិតផលប្រេងម៉ាស៊ីន ENEOS អស់រយៈពេល ៩ឆ្នាំកន្លងទៅ។ ការប្រារព្ធពិធីជួបជុំនេះ មានគោលបំណងដើម្បីថ្លែងអំណរគុណដល់ការគាំទ្ររបស់អតិថិជនទាំងអស់ ចំពោះប្រេងម៉ាស៊ីន ENEOS ក៏ដូចជាបង្កើតឲ្យមានបរិយាកាសនិងទំនាក់ទំនងស្និតស្នាលរវាងអតិថិជន និងអតិថិជនរបស់ក្រុមហ៊ុនផងដែរ។”

លោក សូ សុខប៊ុនថេត ជាប្រធានក្រុមហ៊ុនប្រឹក្សាភិបាលក្រុមហ៊ុន Professional Trader (Cambodia) បានបញ្ជាក់ថា៖ “ក្រុមហ៊ុន ENEOS ប្រចាំប្រទេសកម្ពុជា បានបង្កើតចាប់តាំពីឆ្នាំ២០០៩ នឹងបានប្រតិបត្តិការអាជីវកម្មរបស់ខ្លួន ដោយផ្តោតលើការចែកចាយផលិត ផលប្រេងម៉ាស៊ីន ចូលរួមពាក់ព័ន្ធក្នុងវិស័យអចលនទ្រព្យ និងផ្តល់សេវាប្រឹក្សាយល់ផ្នែកអាជីវកម្មជាដើម។​ នៅក្នុងឆ្នាំ​២០១៦​ កន្លងទៅក្រុមហ៊ុនបានទទួលសិទ្ធិចែកចាយផ្តាច់មុខនូវផលិតផលប្រេងម៉ាស៊ីនម៉ាក​ ENEOS សម្រាប់ទីផ្សារប្រទេសកម្ពុជា​ ដែលនេះជាចំណែកមួយធំនៃការគ្រប់គ្រងចំណែកភាគហ៊ុនរបស់ក្រុមហ៊ុន​។

ប្រធានក្រុមហ៊ុនប្រឹក្សាភិបាលក្រុមហ៊ុន Professional Trader (Cambodia)  បានបង្ហើបឲ្យដឹងពីគម្រោងក្នុងពេលអនាគតឆាប់ៗខាងមុខនេះ ក្រុមហ៊ុន Professional Trader (Cambodia) នឹងដាក់ឲ្យដំណើការសេវាថ្មីមួយបន្ថែមទៀត គឺការបង្កើតក្រុមហ៊ុនមេធាវីនឹងមានទីស្នាក់ការនៅក្នុងខណ្ឌសែនសុខ រាជធានីភ្នំពេញ។​ ក្រុមហ៊ុនមេធាវីនឹងផ្តល់សេវាផ្នែកច្បាប់រួមមាន ការការពារក្តីតាមប្រព័ន្ធតុលាការ ការតាត់តែងលិខិតបទដ្ឋាននានា ការតាក់តែងកិច្ចសន្យាពាណិជ្ជកម្ម កិច្ចសន្យាជួលបញ្ចាំផ្សេងៗ និងការប្រឹក្សាយោបល់ផ្នែកច្បាប់។

ជាមួយការដាក់ឲ្យដំណើការក្រុមហ៊ុនមេធាវី នឹងផ្តល់ភាពងាយស្រួលដល់អតិថិជន ក្រុមហ៊ុន Professional Trader (Cambodia) និង ENEOS Cambodia ទាំងអស់ ដោយក្រុមហ៊ុនមេធាវីនឹងផ្តល់អាទិភាព ក៏ដូចជាផ្តល់សាវាក្នុងតម្លៃពិសេស សម្រាប់អតិថិជនយើងទាំងអស់នៅពេលដែលពួកគេមានតម្រូវការសេវាផ្នែកច្បាប់។

លើសពីនេះទៀត លោកឧកញ៉ា សូ​ សុខប៊ុនលីម បានប្ដេជ្ញាចិត្តខ្ពស់ក្នុងការយកភាពជោគជ័យរបស់អាជីវកម្មប្រេងម៉ាស៊ីន ENEOS ចូលរួមជាមួយរាជរដ្ឋាភិបាលកម្ពុជា តាមរយៈសកម្មភាពដ៏សកម្មគាំពារសង្គម ការលើកកម្ពស់ការគោរពច្បាប់ចរាចរណ៍កាត់បន្ថយគ្រោះថ្នាក់ចរាចរណ៍ និងជំរុញកំណើនទេសចរណ៍។

កន្លងទៅ ក្រុមហ៊ុនបានចូលរួមយ៉ាងសកម្មជាមួយរាជរដ្ឋាភិបាល តាមរយៈសហភាពសហព័ន្ធយុវជនកម្ពុជា ក្នុងបេសកកម្មកាត់បន្ថយគ្រោះថ្នាក់ចរាចរណ៍ឲ្យបានជាអតិបរមា។ សកម្មភាពនេះជាគោលដៅយុទ្ធសាស្ត្រអាទិភាពនៃសកម្មភាពគាំពារសង្គមរបស់ក្រុមហ៊ុនតាម រយៈការចែកមួកសុវត្ថិភាពនិងរបាំងសម្រួលចរារចរណ៍ទៅកាន់សាលារៀនតាមបណ្តាលខេត្តនានាដែលនៅជាប់ដងផ្លូវជាតិ ចាប់ពីតាំងឆ្នាំ ២០១៧កន្លងមក ក្រុមហ៊ុនបានចែកចាយនូវមួកសុវត្ថិភាពចំនួន១៣,៥០០មួក និងរបាំងសម្រួលចរាចរណ៍ចំនួន៧០០ផ្ទាំង សរុបជាទឹកប្រាក់ចំនួនប្រមាណ៤០០លានរៀល ទៅកាន់ខេត្តចំនួន៤គឺ ខេត្តកំពង់ស្ពឺ ខេត្តកណ្តាល ខេត្តបាត់ដំបង និងខេត្តស្ទឹងត្រែង។

គោលបំណងចម្បងនៃគម្រោងនេះដើម្បីលើកកម្ពស់ការគោរពច្បាប់ចរាចរណ៍ ក្នុងចំណោមសិស្សានុសិស្ស ប្រជាពលរដ្ឋ សហគមន៍មូល ដ្ឋាន និងអ្នកបើកបរទូទៅ ជាពិសេសដើម្បីបណ្ដុះគំនិត នៃការពាក់មួកសុវត្ថិភាពពីកុមារភាព បង្កើតឲ្យក្លាយទៅជាទម្លាប់និងភាពស៊ាំនៃការប្រើប្រាស់មួកសុវត្ថិភាព។ ដោយឡែក ចំពោះផ្ទាំងសម្រួលចរាចរណ៍ ត្រូវបានប្រើប្រាស់ដើម្បីបង្កើនសុវត្ថិភាព ក្នុងការសម្រួលផ្នែកចរាចណ៍ ដល់សិស្សានុសិស្សធ្វើដំណើរចេញពីសាលារៀន ឆ្លងកាត់ផ្លូវដែលមានចរាចរណ៍មមារញឹក ជាពិសេសសាលារៀនដែលនៅជាប់ដងផ្លូវជាតិ។

ក្រៅពីសកម្មភាពគាំពារសង្គម ក្រុមហ៊ុនក៏បានចូលរួម ក្នុងការគាំទ្រទៅលើវិស័យកីឡាយានយន្ត ក្នុងគោលបំណងផ្សាភ្ជាប់រវាងកីឡាយានយន្ត និងទេសចរណ៍ ដើម្បីលើកស្ទួយវិស័យទេសចរណ៍នៅក្នុងកម្ពុជា​ តាមរយះការទាក់ទាញកីឡាករ និងអ្នកស្រលាញ់វិស័យកីឡាយាន្តយន្តនៅបរទេសមកចូលរួមព្រឹត្តិការណ៍កីឡានានានៅក្នុងប្រទេសកម្ពុជាផងដែរ៕

The post ឧកញ៉ា សូ សុខប៊ុនលីម ថ្លែងអំណរគុណអតិថិជនដែលគាំទ្រប្រើប្រាស់ប្រេងម៉ាស៊ីន ENEOS ក្នុងពិធីពិសាភោជនាហារសាមគ្គីដ៏អធឹកអធមប្រចាំឆ្នាំ ២០២៥ appeared first on .

មហាព្រឹត្តិការណ៍ប្រណាំងម៉ូតូត្រៃ ដណ្ដើមពានរង្វាន់ជើងឯក «ENEOS Championship ឆ្នាំ 2025» ដើម្បីផ្សាភ្ជាប់ជាមួយវិស័យទេសចរណ៍នេះ រៀបចំដោយគណៈកម្មការរៀបចំការប្រកួតម៉ូតូត្រៃ សហការរៀបចំដោយក្រុមហ៊ុនប្រេងម៉ាស៊ីន ENEOS ប្រចាំកម្ពុជា ក្រោយការអនុញ្ញាតពីសហព័ន្ធកីឡាយានយន្ដកម្ពុជា។

ថ្លែងក្នុងឱកាសនោះ លោក ពេជ្រ សុខា ប្រធានគណៈកម្មាធិការរៀបចំការប្រណាំងម៉ូតូត្រៃ បានបង្ហាញក្ដីសោមមនស្សរីករាយដែលបានរៀបចំព្រឹត្តិការណ៍ប្រកួតនេះ ដោយអះអាងថា មហាព្រឹត្តិការណ៍ប្រណាំងម៉ូតូត្រៃ ដណ្ដើមពានរង្វាន់ជើងឯក «ENEOS Championship ឆ្នាំ 2025» ជាព្រឹត្តិការណ៍ធំជាងគេក្នុងឆ្នាំ២០២៥នេះ។

បើតាមលោក ពេជ្រ សុខា ក្នុងនាមជាកូនខ្មែរ បានបង្ហាញមោទនភាពយ៉ាងក្រៃលែង ដែលកម្ពុជាមានឱកាសធ្វើជាម្ចាស់ផ្ទះរៀបចំការប្រកួតនេះ ហើយកាន់តែអស្ចារ្យ គឺកីឡាករដែលចូលរួមមានចំនួន១៨៥នាក់ មកពី១០ប្រទេស។ ក្នុងនោះរួមមាន កម្ពុជា, វៀតណាម, ថៃ, វេវ, ស្កត់ឡែន, អង់គ្លេស, បារាំង, ហូឡង់, អាហ្វ្រីកា និងអូស្ដ្រាលី។

ជាមួយគ្នានេះ លោកឧកញ៉ា សូ សុខប៊ុនលីម អគ្គនាយកក្រុមហ៊ុន Professional Trader (Cambodia) និង ក្រុមហ៊ុនប្រេងម៉ាស៊ីន ENEOS ប្រចាំកម្ពុជា បានគូសបញ្ជាក់ថាការរៀបចំព្រឹត្តការណ៍ប្រណាំងម៉ូតូត្រៃដណ្តើម ជើងឯកពានរង្វាន់​ ENEOS Championship នេះឡើងគឺ ដើម្បីចូលរួមចំណែកលើកស្ទួយវិស័យកីឡាយានយន្ត ក៏ដូចជាវិស័យកីឡាប្រណាំងម៉ូតូត្រៃនៅកម្ពុជាឲ្យកាន់តែមានភាពរីកចម្រើន។

លោកឧកញ៉ា បានអះអាងទៀតថា មហាព្រឹត្តិការណ៍នេះ គឺធ្វើឡើងដើម្បីផ្សាភ្ជាប់រវាងកីឡាយានយន្ត និងទេសចរណ៍ ដើម្បីលើកស្ទួយវិស័យទេសចរណ៍នៅក្នុងកម្ពុជាផងដែរ ខណៈព្រឹត្តការណ៍នេះ មានការចូលរួមដោយកីឡាកជាតិ និងកីឡាកអន្តរជាតិ ដែលមកពីបណ្តាលប្រទេសប៉ែកអ៊ឺរ៉ុប អាស៊ីអាគ្នេយ៍ និងអាហ្វ្រីកខាងត្បូង។

សូមជម្រាបជូនថា ក្រុមហ៊ុន ENEOS Corporation គឺជាក្រុមហ៊ុនថាមពលវ័យចំណាស់មួយ និងជាប់ចំណាត់ថ្នាក់លេខ១ ក្នុង ប្រទេសជប៉ុន ហើយបានធ្វើពាណិជ្ជកម្ម ផលិតផលប្រេងម៉ាស៊ីនម៉ាក ENEOS ដែលជាផលិតផលមួយក្នុងចំណោម ផលិតផលជាច្រើនមកកាន់ពិភពលោក។

ផលិតផលប្រេងម៉ាស៊ីនម៉ាក ENEOS ត្រូវបាននាំចូលផ្តាច់មុខដោយក្រុមហ៊ុន Professional Trader (Cambodia) Co., LTD សម្រាប់ទីផ្សាកម្ពុជាតាំងពីឆ្នាំ២០១៦កន្លងមក ហើយបានចែកទៅកាន់២៥ខេត្ត-ក្រុង តាមរយៈអតិថិជនលក់ដុំ និងរាយជាង១,៥០០កន្លែង៕

The post កីឡាករមកពី១០ប្រទេស ចូលរួមមហាព្រឹត្តិការណ៍ប្រណាំងម៉ូតូត្រៃនៅប្រទេសកម្ពុជា ដណ្ដើមជើងឯក «ENEOS ឆ្នាំ 2025» ដើម្បីផ្សាភ្ជាប់ជាមួយវិស័យទេសចរណ៍ appeared first on .

ពិធីប្រគល់និងទទួលធ្វើឡើងក្រោមអធិបតីភាព លោក ផៃ ប៊ុនឈឿន រដ្ឋមន្ដ្រីប្រតិភូអមនាយករដ្ឋមន្ដ្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្ទឹងត្រែង និងលោក សរ សុពុត្រា អភិបាលខេត្ត និងជាប្រធានសហភាពសហព័ន្ធយុវជនកម្ពុជាខេត្តស្ទឹងត្រែង និងឧកញ៉ា សូ សុខប៊ុនលីម អគ្គនាយកក្រុមហ៊ុន Professional Trader (Cambodia) ព្រមទាំងតំណាងក្រុមហ៊ុន ENEOS (Corporation) និងក្រុមហ៊ុន ENEOS (Thailand) LTD ។

លោក សរ សុពុត្រា ឡើងថ្លែងទៅកាន់អង្គពិធី ជាមួយនឹងពាក្យកោតសរសើរចំពោះសកម្មភាពគាំពារសង្គមរបស់វិស័យឯកជនដែលមានក្រុមហ៊ុន Professional Trader (Cambodia) របស់ឧកញ៉ា សូ សុខប៊ុនលីម ដែលបានយកចិត្តទុកដាក់ក្នុងសកម្មភាពគាំពារសង្គមនានា ជាពិសេសចូលរួមចំណែកជាមួយយុទ្ធនាការរបស់រាជរដ្ឋាភិបាលក្នុងការកាត់បន្ថយគ្រោះថ្នាក់ចរាចរណ៍នៅក្នុងព្រះរាជាណាចក្រកម្ពុជា តាមរយៈការពាក់មួកសុវត្ថិភាព និងផ្ទាំងសម្រួលចរាចរណ៍។

បន្ថែមពីនេះ លោក ផៃ ប៊ុនឈឿន ក៏បានថ្លែងការកោតសរសើរ និងវាយតំលៃខ្ពស់នូវសកម្មភាពគាំពារសង្គមដែលក្រុមហ៊ុន បាននិងកំពុងអនុវត្តនៅពេលនេះ ហើយលោកក៏សង្ឃឹមយ៉ាងមុតមាំថា សម្ភារៈប្រើប្រាស់ដែលជាមួកសុត្ថិភាពនិងរបាំងសម្រួលចរាចរណ៍ដែលក្រុមហ៊ុនផ្តល់ជូនមក សហភាពសហព័ន្ធយុវជនកម្ពុជានាពេលនេះ នឹងផ្តល់សារៈប្រយោជន៍ដល់ប្រជាពលក្នុងមូលដ្ឋាន ក៏ដូចជាចូលរួមចំណែកយ៉ាងខ្លាំងក្លាក្នុងសកម្មភាព នៃការកាត់បន្ថយគ្រោះថ្នាក់ចរាចរណ៍ជាមិនខាន។

ជាមួយគ្នានេះ ឧកញ៉ា សូ សុខប៊ុនលីម បានគូសបញ្ជាក់ថា ពិធីប្រគល់សម្ភារៈគាំពារសកម្មភាពសង្គមនាពេលនេះ គឺជាផ្នែកមួយនៃគម្រោងកាត់បន្ថយគ្រោះថ្នាក់ចរាចរណ៍ ដែលបាននិងកំពុងអនុវត្តដោយក្រុមហ៊ុន Professional Trader (Cambodia) ក្រោមកិច្ចសហការជាមួយក្រុមហ៊ុនសាជីវកម្ម ENEOS Corporation ដែលជាក្រុមហ៊ុនថាមពលលំដាប់លេខ១ មានស្នាក់ការកណ្តាលនៅក្នុងទីក្រុងតូក្យូ ប្រទេសជប៉ុន និង តាមរយៈក្រុមហ៊ុន ENEOS (Thailand) LTD ដែលជាក្រុមហ៊ុនបុត្រសម្ព័ន្ធ។

គម្រោងនេះមានគោលបំណងលើកកម្ពស់ការគោរពច្បាប់ចរាចរណ៍ ក្នុងចំណោមសិស្សានុសិស្ស ប្រជាពលរដ្ឋ សហគមន៍មូលដ្ឋាន និងអ្នកបើកបរទូទៅ ជាពិសេសបណ្តុះគំនិត នៃការពាក់មួកសុវត្ថិភាពពីកុមារភាព ដើម្បីបង្កើតឲ្យក្លាយទៅជាទម្លាប់ និងភាពស៊ាំក្នុងការប្រើប្រាស់មួកសុវត្ថិភាព ហើយសម្រាប់ផ្ទាំងសម្រួលចរាចរណ៍នេះ គឺដើម្បីបង្កើនសុវត្ថិភាព ក្នុងការសំរួលចរាចណ៍ដល់សិស្សានុសិស្ស ដែលធ្វើដំណើរចេញពីសាលារៀនឆ្លងកាត់ផ្លូវដែលមានចរាចរណ៍មមារញឹក ជាពិសេស សាលារៀនដែលនៅជាប់ដងផ្លូវជាតិ។ សកម្មភាពគាំពារសង្គមនេះបានចាប់ផ្តើមដំបូងនៅក្នុងឆ្នាំ២០១៧ ហើយក៏បានអនុវត្តជាបន្តបន្ទាប់ក្រោមកិច្ចសហការល្អរវាងក្រុមហ៊ុន Professional Trader (Cambodia) និងសហភាពសហព័ន្ធយុវជនកម្ពុជា ទៅកាន់ខេត្តចំនួន៣ រួមមាន ខេត្តកំពង់ស្ពឺ, ខេត្តកណ្តាល និងខេត្តបាត់ដំបង ដែលមានមួកសុវត្ថិភាពសរុបចំនួន១០,៥០០មួក និងផ្ទាំងសំរួលចរាចរណ៍សរុបចំនួន៥៥០ផ្ទាំង គិតជាទឹកប្រាក់សរុបចំនួនប្រមាណជា២៧៥លានរៀល។

ឧកញ៉ា សូ សុខប៊ុនលីម បានបន្ដថា នៅក្នុងឆ្នាំ២០២៥នេះ ក្រុមហ៊ុន Professional Trader (Cambodia) បានបន្តសហការជាមួយក្រុមហ៊ុន ENEOS (Corporation) និងមានការចូលរួមគាំទ្រយ៉ាងពេញទំហឹងពីសហភាពសហព័ន្ធយុវជនកម្ពុជា ក្រុមហ៊ុនបាននាំនូវសម្ភារៈរួមមាន មួកសុវត្ថិភាពចំនួន៣,០០០មួក និងរបាំងសម្រួលចរាចរណ៍ចំនួន១៥០ផ្ទាំង សរុបជាទឹកប្រាក់ចំនួនប្រមាណ១១២លានរៀលបន្ថែមទៀត មកប្រគល់ជូនដល់សហភាពសហព័ន្ធយុវជនកម្ពុជាខេត្តស្ទឹងត្រែង។

ឧកញ៉ា សូ សុខប៊ុនលីម បានប្ដេជ្ញាខិតខំបន្តអនុវត្តគម្រោងនេះ នៅឆ្នាំបន្តបន្ទាប់ទៀត ដើម្បីចូលរួមចំណែកជាមួយរាជរដ្ឋាភិបាលកម្ពុជា ក៏ដូចជាសហភាពសហព័ន្ធយុវជនកម្ពុជា ក្នុងបេសកកម្មកាត់បន្ថយគ្រោះថ្នាក់ចរាចរណ៍ឲ្យបានជាអតិបរមាដោយសារតែគ្រោះថ្នាក់ចរារណ៍នេះ គឺជាឃាតករឈាមត្រជាក់ដែលកំពុងឆក់យកទ្រពសម្បត្តិ និងអាយុជីវិតមនុស្សជាច្រើននាក់ជារៀងរាល់ថ្ងៃ។

សូមបញ្ជាក់ថា សកម្មភាពគាំពារសង្គមនាពេលនេះ គឺជាសកម្មភាពមួយដែលមានការគាំទ្រ និងចូលរួមយ៉ាងពេញទំហឹងពីសំណាក់ថ្នាក់ដឹកនាំ ក៏ដូចជាលោកគ្រូ អ្នកគ្រូ សិស្សានុសិស្ស ហើយគម្រោងនេះពិតជាមានសារៈសំខាន់ណាស់ ក្នុងការចូលរួមចំណែកកាត់បន្ថយគ្រោះថ្នាក់ចរាចរណ៍ក្នុងព្រះរាជាណាចក្រកម្ពុជា៕

The post ឧកញ៉ា សូ សុខប៊ុនលីម ចូលរួមចំណែកជាមួយរាជរដ្ឋាភិបាលកម្ពុជា ចែកមួកសុវត្ថិភាពដល់សិស្សានុសិស្សដើម្បីកាត់បន្ថយគ្រោះថ្នាក់ចរាចរណ៍ appeared first on .

លោកឧកញ៉ា សូ សុខប៊ុនលីម នាយកគ្រប់គ្រង ក្រុមហ៊ុន Professional Trader (Cambodia) Co., Ltd បានលើកឡើងថា ពិធីជួបជុំប្រចាំឆ្នាំលើកទី៧ ចាប់តាំងពីក្រុមហ៊ុន បានប្រតិបត្តិការលក់ផលិតផលប្រេងម៉ាស៊ីន ENEOS អស់រយៈពេល៩ឆ្នាំកន្លងទៅ។ ការប្រារព្ធពិធីជួបជុំនេះ មានគោលបំណងដើម្បីថ្លែងអំណរគុណដល់ការគាំទ្ររបស់អតិថិជនទាំងអស់ ចំពោះប្រេងម៉ាស៊ីន ENEOS និងបង្កើតឲ្យមានបរិយាកាស និងទំនាក់ទំនងស្និតស្នាលរវាង អតិថិជន និងអតិថិជនរបស់ក្រុមហ៊ុនផងដែរ។

លោកឧកញ៉ា បានបន្ដទៀតថា បច្ចុប្បន្នផលិតផលប្រេងម៉ាស៊ីន ENEOS បាននិងកំពុងចែកចាយនៅទូទាំងប្រទេស តាមរយៈអតិថិជនលក់ដុំ និងរាយ ដោយកំពុងផ្គត់ផ្គង់នូវផលិតផលជាច្រើនប្រភេទ ដែលរួមមាន ប្រេងម៉ាស៊ីនសម្រាប់ម៉ូតូគ្រប់ធុន, ប្រេងម៉ាស៊ីន, ប្រេងប្រអប់លេខសម្រាប់រថយន្តទេសចរណ៍ រថយន្តដឹកទំនិញគ្រប់ធុន ព្រមទាំងប្រេងម៉ាស៊ីនគ្រប់ប្រភេទ សម្រាប់គ្រឿងចក្រធុនធ្ងន់ បម្រើឲ្យវិស័យសាធារណការ កសិឧស្សាហកម្ម និងវិស័យសំណង់។

លោកឧកញ៉ា សូ សុខប៊ុនលីម បានអះអាងថា ដោយសំឡឹងឃើញនូវកំណើនតម្រូវការ នៃប្រេងម៉ាស៊ីនម៉ាក ENEOS ក្នុងប្រទេសកម្ពុជា ក្រុមហ៊ុន Professional Trader (Cambodia) បានធ្វើការនាំចូលបន្ថែមនូវផលិតផលប្រេងម៉ាស៊ីនម៉ាក ENEOS រួមមាន៖ ENEOS X Prime កម្រិត 5W30 និង 0W20 សម្រាប់រថយន្តប្រើប្រាស់សាំង។ ENEOS X Prime នេះត្រូវបានអភិវឌ្ឍន៍ឡើងដោយវិស្វករវិទ្យាសាស្ត្រឯកទេស ផ្នែកប្រេងម៉ាស៊ីនរបស់ក្រុមហ៊ុន ENEOS Corporation ជាមួយនឹងបច្ចេកវិទ្យាចុងក្រោយបង្អស់របស់ជប៉ុន។

ជំនួសមុខឲ្យក្រុមហ៊ុន ENEOS Corporation, ក្រុមហ៊ុន ENEOS (Thailand) Ltd និងក្រុមការងារទាំងអស់របស់ក្រុមហ៊ុន Professional Trader (Cambodia) លោកឧកញ៉ា សូ សុខប៊ុនលីម បានថ្លែងអំណរគុណយ៉ាងជ្រាលជ្រៅចំពោះការគាំទ្រ ដល់ផលិតផលប្រេងម៉ាស៊ីនម៉ាក ENEOS។

ជាមួយគ្នានេះ លោក តូស៊ីយ៉ា មាត់ស៊ូអូកា (Toshiya Matsuoka) នាយកគ្រប់គ្រងក្រុមហ៊ុន ENEOS (Thailand) Ltd បានសម្ដែងនូវការចំពោះភាពជោគជ័យដ៏ត្រចះត្រចង់កាលពីឆ្នាំចាស់ ក៏ដូចជាសម្ដែងនូវអំណរគុណទៅកាន់ក្រុមគ្រួសារប្រេងម៉ាស៊ីនទាំងអស់។ លោកក៏សូមថ្លែងអំណគុណយ៉ាងជ្រាលជ្រៅដល់ក្រុមហ៊ុន Professional Trader (Cambodia) ចំពោះការគាំទ្រ និងសហការរៀបចំពិធីដ៏មានអត្ថន័យនារាត្រីនេះ។

លោក តូស៊ីយ៉ា មាត់ស៊ូអូកា បានបង្ហាញក្ដីជឿជាក់យ៉ាងមុតមាំថា ប្រេងម៉ាស៊ីន ENEOS នឹងបង្កើតបាននូវភាពជាដៃគូរដ៏រឹងមាំបំផុតដែលជំរុញដល់ការភាពរីកចម្រើន និងភាពជោគជ័យរួមគ្នារវាងអតិថិជន និងក្រុមហ៊ុន Professional Trader (Cambodia) ហើយក៏អាចចូលរួមដើម្បីភាពរីកចម្រើន ព្រមទាំងបង្កើតបាននូវបណ្តាញ ENEOS ដ៏រឹងមាំបំផុតក្នុងប្រទេសកម្ពុជា។

បន្ថែមពីនេះ លោក ស៊ីរ៉ូ អារីម៉ូតុ នាយក នៃនាយកដ្ឋានផ្នែកលក់ និងទីផ្សារ នៃផ្នែកគ្រឿងយន្តរបស់ស្នាក់ការកណ្តាល នៃក្រុមហ៊ុនសាជីវកម្ម ENEOS នៅប្រទេសជប៉ុន បានថ្លែងថា ENEOS ត្រូវបានទទួលស្គាល់ថា ជាក្រុមហ៊ុនដែលឈានមុខគេក្នុងវិស័យថាមពល។ ENEOS ក៏បានចូលរួមក្នុងការធ្វើពាណិជ្ជកម្មផ្សេងៗទៀត ដូចជាអាជីវកម្មប្រេងម៉ាស៊ីន ប្រេងឥន្ធនៈ ថាមពលកកើតឡើងវិញ ថាមពលអុីដ្រូសែនជាដើម។

លោកបានបង្ហាញនូវមោទនភាព ជាមួយប្រេងម៉ាស៊ីន ENEOS ចំពោះវិសាលភាពនៃផលិតផលរបស់ខ្លួនទូទាំងពិភពលោក ដែលអភិវឌ្ឍន៍ឡើងដោយគុណភាពរបស់ជប៉ុន និងបច្ចេកវិទ្យាដែលល្អឥតខ្ចោះ។ លោកថា ENEOS នឹងខិតខំប្រឹងប្រែងដើម្បីផ្តល់នូវផលិតផល និងសេវាកម្មដែល្អឥតខ្ចោះជូនអតិថិជន៕

The post ប្រេងម៉ាស៊ីនលំដាប់កំពូលរបស់ជប៉ុន ENEOS បន្ដភាពជោគជ័យរបស់ខ្លួនលើទីផ្សារកម្ពុជា ជាមួយការជួបជុំអតិថិជនប្រចាំឆ្នាំលើកទី៧ appeared first on .