នាឱកាសនោះ លោក កៅ គឹមហួន អគ្គលេខាធិការអាស៊ាន បានលើកឡើងថា ក្រោមការដឹកនាំរបស់ សម្ដេចតេជោ អតីតនាយករដ្ឋមន្ត្រី កម្ពុជាបានចូលជាសមាជិកអាស៊ាននៅថ្ងៃទី៣០ ខែមេសា ឆ្នាំ១៩៩៩ ដែលមកដល់ពេលនេះគឺជាខួបលើកទី ២៦ឆ្នាំ ដែលកម្ពុជាបានចូលជាសមាជិកអាស៊ាន។

លោកបានរំលេចថា ចាប់តាំងពីកម្ពុជាបានចូលជាសមាជិកអាស៊ានមក កម្ពុជាបានចូលរួមចំណែកយ៉ាងសកម្មនៅក្នុងការងាររបស់អាស៊ាននិងដោះស្រាយបញ្ហារបស់អាស៊ាន តួយ៉ាងដូចជាកម្ពុជាបានធ្វើជាប្រធានអាស៊ានចំនួន៣លើក គឺនៅឆ្នាំ២០០២ ឆ្នាំ២០១២ និងឆ្នាំ ២០២២ ដែលតួនាទីរបស់កម្ពុជាជាប្រធានអាស៊ានបានចូលរួមចំណែកយ៉ាងសំខាន់ក្នុងកាតដោះស្រាយបញ្ហាប្រឈមរបស់អាស៊ាន នាពេលកន្លងមកក៏ដូចជានៅថ្ងៃអនាគត។

បន្ថែមពីនេះ លោក កៅ គឹមហួន ក៏បានរំលេចតួនាទីដ៏សំខាន់របស់កម្ពុជាជាពិសេស សម្ដេចតេជោ ដែលបានជួយគាំទ្រដល់ទីម័រឡេស្តេឱ្យបានចូលជាសមាជិកពេញសិទ្ធិអាស៊ាន ជាពិសេសនៅក្នុងឆ្នាំ២០២២ កន្លងទៅនេះ នៅពេលដែលកម្ពុជាធ្វើជាប្រធានអាស៊ាន សម្ដេចតេជោបានជួយឱ្យ ទីម័រឡេស្តេ បានចូលជាសមាជិកអង្កេតការណ៍របស់អាស៊ាន ហើយសូមបញ្ជាក់ថា ទីម័រឡេស្តេ នៅពេលនេះគឺជាសមាជិកអង្កេតការណ៍ របស់អាស៊ាន។ ហើយសម្ដេចតេជោកំពុងតែខិតខំជំរុញឱ្យ ទីម័រឡេស្តេ បានចូលជាសមាជិកពេញចិត្តរបស់អាស៊ាននៅឆ្នាំ២០២៥នេះ។

 ជាការឆ្លើយតប សម្ដេចតេជោ ហ៊ុន សែន បានថ្លែងអរគុណលេខាធិការដ្ឋានអាស៊ាន។ សម្តេច បន្តថា កម្ពុជាកាលពី២៦ឆ្នាំមុន នៅមុនពេលកម្ពុជាចូលជាសមាជិក អាស៊ាន និងទីម័រឡេស្តេបបច្ចុប្បន្នគឺស្ថានភាពរបស់ទីម័រឡេស្តេគឺប្រសើរជាងកម្ពុជាឆ្ងាយណាស់ ។ សម្ដេចសង្ឃឹមថាទីម័រឡេស្តេ នឹងអាចចូលជាសមាជិកអាស៊ាននៅឆ្នាំ២០២៥នេះពីព្រោះវត្តមានរបស់ទីម័រឡេស្តេនៅក្នុងអាស៊ាននឹងធ្វើឱ្យអាស៊ានពង្រីកខ្លួនកាន់តែធំនៅក្នុងកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងកិច្ចសហប្រតិបត្តិការអន្តរជាតិថែមទៀត។

សូមជម្រាបដែរថា នៅក្នុងឱកាសនោះផងដែរ សម្ដេចតេជោ ក៏បានរំលេចបញ្ជាក់ទៅកាន់អគ្គលេខាធិការណ៍អាស៊ានថាប្រទេសទាំងអស់ ពិសេសនៅក្នុងតំបន់អាស៊ានកំពុងជួបបញ្ហា ដោយជំរុញអាស៊ានត្រូវតែធ្វើការជាមួយគ្នារឹងមាំនិងខ្លាំងបន្ថែមទៀត ហើយអាស៊ានត្រូវតែក្រឡេកមើលការផ្គត់ផ្គង់ទីផ្សារនៅក្នុងតំបន់អាស៊ាន ជាពិសេសទីផ្សារដែលមានស្រាប់តាមរយៈកិច្ចព្រមព្រៀង RCEP ដែលប្រទេសនៅក្នុងអាស៊ានមិនគួរមើលរំលងនោះឡើយ៕ អត្ថបទ៖​ហ្សាលីន

The post លោក កៅ គឹមហួន៖ កម្ពុជា បានចូលរួមសកម្មនៅក្នុងការងារអាស៊ាន និងដោះស្រាយបញ្ហារបស់អាស៊ាន appeared first on .

មុនចេញទៅបំពេញបេសកកម្ម នៅប្រទេសឥណ្ឌូនេស៊ី លោក កៅ គឹមហួន បានអញ្ជើញចូលក្រាបបង្គំគាល់ព្រះករុណា ព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ និងសម្តែងការគួរសម និងជម្រាបលា សម្តេចអគ្គមហាពញាចក្រី ហេង សំរិន ប្រធានរដ្ឋសភា សម្តេចតេជោ ហ៊ុន សែន នាយករដ្ឋមន្ត្រី លោកឧបនាយករដ្ឋមន្ត្រី ហោ ណាំហុង អតីតប្រមុខការទូតកម្ពុជា សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ព្រមទាំងលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម។

ជាមួយគ្នានេះ លោកអគ្គលេខាធិការអាស៊ានរូបនេះ ក៏បានជួបសម្តែងការគួរសម និងជម្រាបលា លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក ផងដែរ។

នៅក្នុងជំនួបពិភាក្សាការងារជាមួយសម្តេចតេជោនាយករដ្ឋមន្រ្តី លោក កៅ គឹមហួន បានបញ្ជាក់ថា លោកទទួលបាននូវឱវាទល្អៗ ក្នុងការបំពេញតួនាទីជាអគ្គលេខាធិការអាស៊ាន នាពេលខាងមុខ។ ទន្ទឹមនឹងនោះលោកសូមប្តេជ្ញាខិតខំប្រឹងប្រែងឲ្យអស់ពីលទ្ធភាពក្នុងការអនុវត្តតួនាទីថ្មីនេះ ឲ្យសក្តិសមនឹងទំនុកចិត្ត និងការជឿទុកចិត្ត ដែលសម្ដេចតេជោនាយករដ្ឋមន្ត្រី ក៏ដូចជាប្រមុខរដ្ឋ/រដ្ឋាភិបាលអាស៊ានទាំងអស់បានផ្ដល់មកឲ្យលោកសម្រាប់រយៈពេល ៥ ឆ្នាំខាងមុខ។

សូមជម្រាបថា លោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី នឹងត្រូវកាន់តំណែងជាអគ្គលេខាធិការអាស៊ាន ក្នុងអាណត្តិ៥ឆ្នាំ ពីឆ្នាំ២០២៣រហូតដល់២០២៨ ក្រោយអគ្គលេខាធិការអាស៊ានចាស់ លោក Lim Jock Hoi បានចប់អាណត្តិនៅឆ្នាំ២០២២។

គួររំលឹកបន្ថែមទៀតថា សម្រាប់កម្ពុជា លោក កៅ គឹមហួន ជាមនុស្សទី២ ដែលចូលទៅកាន់តំណែងនៅអង្គការអាស៊ានមួយនេះ ខណៈដែលលោក គង់ ភោគ រដ្ឋលេខាធិការក្រសួងការបរទេស ក៏ធ្លាប់ធ្វើជាអគ្គលេខាធិការរងបានមួយអាណត្តិ៕

The post លោក កៅ គឹមហួន ចេញទៅទីក្រុងហ្សាការតា ដើម្បីទទួលដំណែងអគ្គលេខាធិការអាស៊ាន ផ្លូវការ appeared first on .

ក្នុងដំណើរទស្សនកិច្ចលើកនេះ លោក Jose Ramos-Horta ចូលសម្តែងការគួរសមព្រះមហាក្សត្រ សម្តេចព្រះបរមនាថ នរោត្ដម សីហមុនី ដល់ព្រះបរមរាជវាំង និងជួបពិភាក្សាការងារជាមួយឥស្សរជនខ្ពស់កម្ពុជា មានប្រធានព្រឹទ្ធសភា ប្រធានរដ្ឋសភា និងនាយករដ្ឋមន្ត្រី។

ក្រៅពីកិច្ចការផ្លូវរដ្ឋនៅកម្ពុជានាពេលនេះ ប្រធានាធិបតីទីម័រខាងកើត ត្រូវបានសាកលវិទ្យាល័យឯកជនល្បីឈ្មោះចំនួន ២ ផ្តល់សញ្ញាបត្របណ្ឌិតកិត្តិយសលើផ្នែកផ្សេងគ្នា នៅថ្ងៃទី២១ ខែតុលា ឆ្នាំ២០២២នេះ។

ឧកញ៉ា លី ឆេង ស្ថាបនិកសាកលវិទ្យាល័យ ប៊ែលធីអន្តរជាតិ សម្រេចជាឯកច្ឆន្ទប្រគល់សញ្ញាបត្របណ្ឌិតកិត្តិយស ផ្នែករដ្ឋបាលអប់រំ និងភាពជាអ្នកដឹកនាំ (Honorary Doctorate Degree in Educational Administration and Leadership) ដល់លោក Jose Ramos-Horta ដែលផ្អែកលើលក្ខខណ្ឌ និងមានតម្លៃលើសលុបជាសកលក្នុងកិច្ចការអប់រំ និងភាពជាអ្នកដឹកនាំដើម្បីឯករាជ្យជាតិ សន្តិភាព និងការអភិវឌ្ឍសម្រាប់ប្រទេសជាតិនិងប្រជាជន និងជាគំរូសម្រាប់យុវជនជំនាន់ក្រោយ។

ក្នុងថ្ងៃដដែលនេះ សាកលវិទ្យាល័យកម្ពុជា PUC របស់រដ្ឋមន្ត្រីប្រតិភូអមនាយករដ្ឋមន្ត្រី លោក កៅ គីមហួន ក៏បានផ្តល់សញ្ញាបត្រសាស្រ្តាចារ្យឆ្នើម ដល់ប្រធានាធិបតីទីម័រឡេស្ត មួយបន្ថែមទៀត។

គួររំលឹកថា លោក Jose Ramos-Horta ជាសម្មជននយោបាយមួយរូបដែលទទួលបានពានរង្វាន់ណូបែលសន្តិភាព នៅឆ្នាំ ១៩៩៦ សម្រាប់កិច្ចខិតខំប្រឹងប្រែងដើម្បីនាំយកមកនូវសន្តិភាព និងឯករាជ្យដល់ប្រទេសទីម័រខាងកើត ដែលធ្លាប់ជាផ្នែកមួយនៃទឹកដីរបស់ប្រទេសព័រទុយហ្គាល់ និងស្ថិតក្រោមការគ្រប់គ្រងរបស់ឥណ្ឌូនេស៊ី ចាប់ពីឆ្នាំ ១៩៧៥ ដល់ ១៩៩៩។

លោកកាន់ដំណែងនាយរដ្ឋមន្ត្រីនៃប្រទេសទីម័រខាងកើត ចន្លោះឆ្នាំ ២០០៦ និងឡើងធ្វើជាប្រធានាធិបតីនៅឆ្នាំ ២០០៧៕

The post មកកម្ពុជាជើងនេះ ប្រធានាធិបតីទីម័រទទួលសញ្ញាបត្របណ្ឌិតកិត្តិយស ចំនួន២ appeared first on .

អគ្គលេខាធិការអាស៊ានបច្ចុប្បន្ន គឺលោក Lim Jock Hoi ដែលជាជនជាតិព្រុយណេ។ អាណត្តិអគ្គលេខាធិការអាស៊ានរយៈពេល៥ឆ្នាំតែម្ដងប៉ុណ្ណោះ ហើយត្រូវបានតែងតាំងដោយកិច្ចប្រជុំកំពូលអាស៊ាន ហើយត្រូវបានជ្រើសរើសតាមលំដាប់អក្សរភាសាអង់គ្លេសរបស់សមាជិកអាស៊ានទាំង១០ ដោយផ្អែកលើលក្ខខណ្ឌមួយចំនួនដូចជាសុចរិតភាព សមត្ថភាព បទពិសោធ និងសមភាពយេនឌ័រ។

លោក កៅ គឹមហួន បច្ចុប្បន្នជារដ្ឋមន្ត្រីប្រតិភូអមនាយករដ្ឋមន្ត្រី សមាជិកនៃឧត្តមក្រុមប្រឹក្សាសេដ្ឋកិច្ចជាតិ សមាជិកជាន់ខ្ពស់នៅវិទ្យាស្ថាន Jeffrey Cheah ស្តីពីអាស៊ីអាគ្នេយ៍ សមាជិកនៃក្រុមប្រឹក្សាសកលនៃសង្គមអាស៊ី និងជាសមាជិកក្រុមប្រឹក្សាភិបាលនៃអ្នកគាំទ្រទូទាំងពិភពលោកសំរាប់ការអភិវឌ្ឍ (WSD)។

លោកបណ្ឌិតចូលរួមក្នុងកិច្ចការសាធារណៈ ចាប់តាំងពីលោកបានត្រឡប់មកប្រទេសកម្ពុជាវិញនៅឆ្នាំ១៩៩៣ ក្រោយបញ្ចប់ការសិក្សានៅសហរដ្ឋអាមេរិក។ លោកត្រូវបានមើលឃើញថាជាអ្នកដើរតួនាទីសំខាន់នៅក្នុងការចូលជាសមាជិកអាស៊ានរបស់កម្ពុជា នៅឆ្នាំ១៩៩៩។

លោកក៏ជាអ្នកការទូតសំរាប់កិច្ចការអន្តរជាតិដ៏ឆ្នើមមួយរូបនៅកម្ពុជា ហើយក៏ជាទីប្រឹក្សាក្រសួងការបរទេស និងសហប្រតិបត្តិការអន្តរជាតិ ពីឆ្នាំ២០០១ ដល់ ឆ្នាំ២០០៣ និងជារដ្ឋលេខាធិការក្រសួងការបរទេស ពីឆ្នាំ ២០០៤ ដល់ ឆ្នាំ២០១៣។

សម្រាប់វិស័យការអភិវឌ្ឍវិស័យអប់រំ លោកបណ្ឌិត កៅ គឹមហួន ជាអ្នកវិនិយោគមួយរូបគួរឲ្យគោរព ដែលបានបង្កើតសាកលវិទ្យាល័យកម្ពុជា (UC) នៅឆ្នាំ២០០៣។

លោកបានបង្កើតវេទិកាចំនួនពីរទទួលបានជោគជ័យគឺ វេទិកាសេដ្ឋកិច្ចអាស៊ី និងកិច្ចសន្ទនាអភិវឌ្ឍន៍ទំនុកចិត្តអាស៊ី។ លើសពីនេះ លោកបានចូលរួមបង្កើតបណ្តាញទូរទស្សន៍អាស៊ីអាគ្នេយ៍ និងស្ថានីយវិទ្យុ។

នៅឆ្នាំ ២០១៤ លោកបានបង្កើត សាលាតេជោសែន កិច្ចការរដ្ឋាភិបាល និងទំនាក់ទំនងអន្តរជាតិ នៅសាកលវិទ្យាល័យកម្ពុជា ដែលគោលបំណងផ្តល់នូវការបណ្តុះបណ្តាលកម្រិតខ្ពស់ សំរាប់អ្នកគ្រប់គ្រង អ្នកធ្វើគោលនយោបាយ និងមេដឹកនាំវ័យក្មេង។

នៅឆ្នាំ២០១៥ លោកបានបង្កើតមហាវិទ្យាល័យព័ត៌មាន និងគមនាគមន៍ នៅសាកលវិទ្យាល័យកម្ពជា ដើម្បីលើកកម្ពស់វិជ្ជាជីវៈខាងសារព័ត៌មានប្រកបដោយគុណភាព និងការអប់រំផ្នែកគមនាគមន៍ និងផ្តល់ឱ្យនិស្សិត នូវ ការបណ្តុះបណ្តាលជាក់ស្តែង នៅស្ថានីយទូរទស្សន៍ និងវិទ្យុអាស៊ីអាគ្នេយ៍ (SEATV) និងវិទ្យុ (FM 106)៕

The post លោក កៅ គឹមហួន ឥស្សរជនខ្មែរដំបូងគេត្រូវទៅកាន់តំណែងជាអគ្គលេខាធិការអាស៊ាន appeared first on .