ថ្លែងក្នុងពិធីបើកវគ្គសិក្ខាសាលា លោក គុណ ញឹម រដ្ឋមន្រ្តីប្រតិភូអមនាយករដ្ឋមន្រ្តី បានបញ្ជាក់ពីគោលបំណង ក្នុងការរៀបចំសិក្ខាសាលានេះឡើង គឺដើម្បីលើកកម្ពស់ការយល់ដឹងដល់គ្រប់ភាគីពាក់ព័ន្ធពីការសម្រេចថ្មីៗរបស់រាជរដ្ឋាភិបាល ក្នុងការកែសម្រួលអត្រាពន្ធគយនិងអាករលើមុខទំនិញមួយចំនួន ដែលនឹងចូលជាធរមានចាប់ពីថ្ងៃទី១ ខែកក្កដា នេះតទៅ។ កន្លងមក អត្រាពន្ធនិងអាករលើមុខទំនិញនាំចេញ-នាំចូល តែងត្រូវបានកែសម្រួលជាបន្តបន្ទាប់ ដើម្បីឆ្លើយតបនឹងការប្រែប្រួល ស្ថានភាពសេដ្ឋកិច្ច ព្រមទាំងដើម្បីរក្សាបាននូវតុល្យភាពនៃការជំរុញសកម្មភាពពាណិជ្ជកម្ម ទាក់ទាញវិនិយោគ និងការប្រមូលចំណូលចូលថវិកាជាតិ។

លោកមានប្រសាសន៍ថា «រាជរដ្ឋាភិបាលកម្ពុជា តែងតែយកចិត្តទុកដាក់តាមរយៈការលើកទឹកចិត្តផ្នែកពន្ធនិងអាករបន្ថែមទៀត សំដៅជំរុញសន្ទុះអភិវឌ្ឍន៍វិស័យអាទិភាពនានារួមមាន វិស័យកសិកម្ម, វិស័យអប់រំ, វិស័យសុខាភិបាល, វិស័យឧស្សាហកម្ម និងផលិតកម្ម, វិស័យដឹកជញ្ជូន, ការរួមចំណែកក្នុងការការពារបរិស្ថាន និងការសម្រួលដល់ជីវភាពប្រចាំថ្ងៃរបស់ប្រជាជន ជាពិសេស ក្នុងបរិបទដែលកម្ពុជាបាននិងកំពុងរងនូវផលប៉ះពាល់ខ្លាំងបណ្តាលមកពីវិបត្តិនៃជំងឺកូវីដ-១៩, អតិផរណា និងការថមថយកំណើនសេដ្ឋកិច្ចសកល»។

ឧកញ៉ា កែវ មុំ នាយិកាក្រុមហ៊ុនផលិតនំស្រួយលីលី មានប្រសាសន៍ថា «បើសិនជារាជរដ្ឋាភិបាលមានការលើកទឹកចិត្តឱ្យរួចពន្ធអាករសម្រាប់ឧស្សាហកម្មនៅក្នុងស្រុកគឺពិតជាជួយខ្លំាងមែនទែនទៅដល់សហគ្រាសធុនតូចនិងមធ្យមនៅកម្ពុជា(SME)ឱ្យពង្រឹងនិងពង្រីកខ្លួនបានយ៉ាងលឿនបានធ្វើឱ្យកំណើនសេដ្ឋកិច្ចជាតិកើនឡើងរហ័ស ដោយយើងមិនចំាបាច់ពឹងផ្អែកនាំចូលផលិតផលពីប្រទេសផ្សេងៗចូលមកកម្ពុជា»៕
អត្ថបទ៖សារេត

The post កម្ពុជាត្រៀមកែសម្រួលពន្ធអាករលក្ខណៈទ្រុងទ្រាយធំទៅលើមុខទំនិញជាង១៤០០បន្ទាត់ពន្ធ appeared first on .

ថ្លែងក្នុងសន្និសីទសារព័ត៌មាន ​កាលពីថ្ងៃទី៥ ខែតុលានេះ លោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គនាយកដ្ឋានគយ និងរដ្ឋាករកម្ពុជា បានលើកឡើងថា រាជរដ្ឋាភិបាលតាមរយៈក្រសួងបរិស្ថាន និងក្រសួងសេដ្ឋកិច្ច បានបង្កើតក្រុមការងារ​សិក្សាពីការប្រើប្រាស់រថយន្តនៅកម្ពុជា ក្នុងគោលបំណងកាត់បន្ថយការនាំចូលរថយន្តចាស់ៗ និងជំរុញលើកចិត្តឱ្យមានការប្រើប្រាស់រថយន្តថ្មី ព្រមទាំងរថយន្តអគ្គិសនី ដើម្បីជួយដល់បរិស្ថាន និងកាត់បន្ថយការចំណាយ​។

លោកបញ្ជាក់ថា ទីផ្សាររថយន្តថ្មីនៅកម្ពុជា ក្នុងរយៈពេលចុងក្រោយឃើញថាមានការកើនឡើង ខណៈដែលកម្ពុជាមានរោងចក្រដំឡើងរថយន្តនៅក្នុងស្រុក។

ពីមួយឆ្នាំទៅមួយឆ្នាំ គេមើលឃើញថា វិស័យ​ឧស្សាហកម្ម​យានយន្ត ប្រទេសកម្ពុជា ទាក់ទាញក្រុមហ៊ុន​​ធំៗជា​បន្ត​បន្ទាប់​មក​បោះ​ទុន​វិនិយោគ​ទឹកប្រាក់ជាច្រើនពាន់លានដុល្លារ សង់រោងចក្រ​ដំឡើង​​រថយន្ត នៅតាមបណ្តាខេត្តនានា និងរាជធានីភ្នំពេញជាដើម។ បើគិតមក​ដល់​ឆ្នាំ ២០២២ ​ក្រុមហ៊ុន​សរុបទាំងអស់ចំនួន៧ ដែលកំពុងបើក​ដំណើរការ​រោងចក្រ​ដំឡើង​រថយន្ត​រួចមកហើយ។ ថ្មីៗនេះមានក្រុមហ៊ុន Toyota មួយទៀតទើបនឹងបង្ហាញពីគម្រោងច្បាស់លាស់ថា មកបោះទីតាំងបង្កើតរោងចក្រដំឡើងរថយន្តដ៏ធំមួយ នៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ សម្រាប់​ផ្គត់ផ្គង់​ទីផ្សារ​ថែមទៀត។

បើតាមក្រុមប្រឹក្សាអភិវឌ្ឍន៍កម្ពុជា(CDC) បានឲ្យដឹងថា មកទល់ពេលនេះ កម្ពុជាមានក្រុមហ៊ុនដំឡើងរថយន្តមួយចំនួន៧ កំពុងធ្វើប្រតិបត្តិការ ក្នុងនោះរួមមាន៖ ១៖ ក្រុមហ៊ុន DAEHAN Auto (Cambodia) Co., Ltd ដំឡើងរថយន្តម៉ាក Ssangyong, Daehan, Sino ជាដើម។២៖ ក្រុមហ៊ុន Xuzhou XCMG Auto Manufacturing Co., Ltd ដំឡើងរថយន្តម៉ាក SINOTRUK និងម៉ាកផ្សេងៗ។៣៖ ក្រុមហ៊ុន Camko Motor Company Ltd ដំឡើងរថយន្តម៉ាក Hyundai។៤៖ ក្រុមហ៊ុន HGB Motors Assembly Co., Ltd ដំឡើងរថយន្តម៉ាក KIA ។៥៖ ក្រុមហ៊ុន RMA Automotive (Cambodia) Co., Ltd។ ៦៖ ក្រុមហ៊ុន E M Automobile Co., Ltd , ៧៖ ក្រុមហ៊ុន K (CAMBODIA) CO., LTD. (ISUZU)។

ប្រមុខរដ្ឋាភិបាលកម្ពុជា សម្តេច ហ៊ុន សែន ធ្លាប់បានលើកឡើងថា រាល់ការវិនិយោគរបស់ក្រុមហ៊ុនដំឡើងរថយន្តទាំងនេះ គឺជាការលើកទឹកចិត្តបន្ថែមទៀតសម្រាប់វិនិយោគបរទេស និងទាក់ទាញក្រុមហ៊ុនដទៃទៀត ដែលសំឡឹងឃើញថា កម្ពុជាជាប្រទេសមានសក្តានុពលក្នុងការវិនិយោគ៕

The post មន្រ្តីរដ្ឋាភិបាល លើកទឹកចិត្តពលរដ្ឋប្រើរថយន្តថ្មី ​កាត់បន្ថយការប្រើប្រាស់ឡានមួយទឹក appeared first on .

នៅក្នុងសន្នីសីទសារព័ត៌មានលើកទី ៥ ស្ដីពីវឌ្ឈនភាពនៃការអនុវត្តការប្រមូលពន្ធលើយានយន្តគ្មានពន្ធ​នៅ​ថ្ងៃទី៤ ខែឧសភានេះ លោក​ គុណ ញឹម បាន​ក្រើនរំឮកដល់​ម្ចាស់រថយន្ត ត្រូវមកបំពេញកាតព្វកិច្ចបង់ពន្ធ ខណៈឱសានវាទ​ក្នុង​ការ​អនុគ្រោះ​នឹងផុត​កំណត់​ត្រឹម​ខែ​មិថុនា​នេះ។

បើ​តាមលោក គុណ ញឹម រថយន្តចង្កូតស្ដាំ រថយន្តស្ថិតនៅក្រោមស្លាកលេខក្លែងក្លាយ រថយន្តគេចវេសកាតព្វកិច្ចបង់ពន្ធ នឹងត្រូវ​ចាត់វិធានការយ៉ាងតឹងតែងចាប់ពីទី ១ ខែកក្កដា។

អគ្គនាយកនៃអគ្គនាយកដ្ឋានគយនិងរដ្ឋាករកម្ពុជាបាន​បញ្ជាក់ថា ចំពោះរថយន្តចង្កូតស្ដាំដែលបង្ក្រាបបាន ចាប់ពីខែកក្កដាតទៅ នឹងត្រូវដោះជាគ្រឿងបន្លាស់ ឬត្រូវកម្ទេចចោល។ ការអនុវត្តវិធានការនេះ គឺបន្ទាប់ពីការទុកពេលឲ្យម្ចាស់យានយន្តចង្កូតឆ្វេងមកបំពេញកាតព្វកិច្ចបង់ពន្ធ ជាមួយការអនុគ្រោះពន្ធពីខែកញ្ញាដល់ខែធ្នូ។ ការអនុគ្រោះនេះ ក៏បន្តសម្រា់រថយន្តចង្កូតស្ដាំ រហូតដល់ទី៣០ ខែមិថុនា រួមទាំងការអនុគ្រោះពន្ធទៅតាមសេរីរថយន្ត៕

The post រថយន្ត​ជាង ៧០០០ គ្រឿង​បាន​ចូល​ទៅ​បង់ពន្ធ ខណៈថ្ងៃ​ឱសានវាទ​​នៅ​សល់​តែ​ពីរ​ខែ​ទៀត appeared first on .

ចំណូលតាមប្រភេទពន្ធនិងអាករ រួមមាន អាករលើតម្លៃបន្ថែមមានចំនួន ៣៨.៩ភាគរយ នៃចំណូល​សរុប​ អាករ​ពិសេស​​មានចំនួន ៣៦.៨ភាគរយនៃចំណូលសរុប ពន្ធគយមានចំនួន ១៨ភាគរយ នៃចំណូលសរុប អាករបន្ថែម​​លើផលិតផល​ប្រេង​​មានចំនួន ៤.២ភាគរយនៃចំណូលសរុប និងអាករ​នាំចេញនិងកម្រៃផ្សេងៗមានចំនួន ២.២ភាគរយ នៃចំណូល​សរុប​​។ ចំពោះចំណូល​តាមក្រុមទំនិញ ឃើញថាយានយន្តនិងគ្រឿងចក្រមានចំនួន ៤២.២ភាគរយនៃចំណូលសរុប ទំនិញ​​ចម្រុះ​មាន​​ចំនួន ២៩.២ភាគរយនៃចំណូលសរុប ផលិតផលតេលសិលាមានចំនួន ២២.៨ភាគរយនៃចំណូលសរុប និងសម្ភារ​សំណង់និងកម្រៃផ្សេងៗមានចំនួន ៥.៩ភាគរយនៃចំណូលសរុប។

លោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គនាយកដ្ឋានគយ​និងរដ្ឋាករ​កម្ពុជា ​បានលើក​ឡើង​​ថា ទន្ទឹមនឹងការងារប្រមូលចំណូល អគ្គនាយកដ្ឋានគយ និងរដ្ឋាករកម្ពុជា ក៏សម្រេច​បាននូវវឌ្ឍន​ភាពល្អប្រសើរ​​លើ​​ការងារសំខាន់ៗមួយចំនួន ដែលមានចែងក្នុងផែនការ​សកម្មភាពប្រចាំឆ្នាំ២០២២ ដូចជា៖ ការបង្ការនិង​បង្ក្រាប​អំពើ​រត់​​គេច​​ពន្ធ និងការលើកកម្ពស់​អនុ​លោមភាព ការលើក​​កម្ពស់កិច្ចសម្រួលពាណិជ្ជកម្ម​​តាមរយៈ​ការធ្វើសាម​​ញ្ញ​​កម្មនីតិវិ​ធីគ​​យ​​ និង​​ការ​ប្រើប្រាស់ប្រព័ន្ធបច្ចេកវិទ្យាបន្ថែមទៀតក្នុងការងារគយ ព្រមទាំងការចូលរួម​សកម្មភាពសង្គមនានា និងការ​​អនុវត្តវិ​​ធាន​​​​​ការសុខាភិបាលដើម្បីទប់ស្កាត់ការរីករាលដាលនៃជំងឺកូវីដ-១៩ ជាដើម។

ដើម្បីធានាបាននូវលទ្ធផលល្អប្រសើរក្នុងការបំពេញតួនាទីនិងភារកិច្ចរបស់អង្គភាព  លោក គុណ ញឹម ក៏បានក្រើន​រម្លឹក​អោយ​ផ្តោតជាចំបងលើការងារសំខាន់ៗ ដូចជា ការបន្តធ្វើសាមញ្ញកម្មនីតិវិធីគយ​និងពង្រីកបន្ថែមទៀតនូវការ​​ប្រើប្រាស់​ប្រព័ន្ធព័ត៌មានវិទ្យា ការពង្រឹងប្រសិទ្ធភាពការងារបង្ការ និងបង្ក្រា​ប​​​អំពើរត់គេចពន្ធ ការពិនិត្យឡើងវិញនូវច្បាប់ និង​បទ​ប្បញ្ញត្តិពាក់ព័ន្ធនឹងគយ កិច្ចសហការ​ជាមួយ​ក្រសួង​ស្ថាប័ន និងវិស័យឯកជនពាក់ព័ន្ធក្នុងប្រតិបត្តិការការងារគយ ជាដើម​៕

The post ៣ខែដើមឆ្នាំ២០២២ កម្ពុជាប្រមូលចំណូល​ពន្ធគយចូល​ថវិកាជាតិ​​​បានជិត៦០០លានដុល្លារ appeared first on .

សម្តេច​ថ្លែង​ថា ការ​ពន្យាឱ្យដល់ឆ្នាំ​ ២០២៥ ជាឆន្ទានុសិទ្ធិរបស់​នាយករដ្ឋមន្រ្តី​​។ ទុកឱ្យធ្វើទំនើបកម្មគយឱ្យបានថែមបន្តិចទៀត ហើយ គុណ ញឹម ក៏មិនទាន់ចាស់ប៉ុន្មានដែរ។ សម្តេចក៏​ដឹងថា មានអ្នកខ្លះប្រុងរត់ការដើម្បីសុំកន្លែងធ្វើមេគយ។ អ៊ីចឹងអ្នកដែលចង់រត់ការធ្វើមេគយអីមិនបាច់រត់ទេ។ 

ក្រៅ​ពីប្រកាស​បន្ត​តំណែង​លោកគុណ ញឹម ប្រមុខ​រដ្ឋាភិបាល​បាន​ថ្លែង​ចំពោះ​ថ្នាក់ដឹកនាំ និងមន្ត្រីគយទាំងអស់ ត្រូវបន្តអនុវត្តឲ្យមានប្រសិទ្ធភាពយុទ្ធសាស្ត្រគៀងគរចំណូល លុបបំបាត់ទាំងស្រុងនូវ​អំពើរត់គេចពន្ធ ពង្រឹងសមត្ថភាពធនធានមនុស្ស និង​​គាំទ្រកិច្ចសម្រួលពាណិជ្ជកម្ម ដូចជាប្រព័ន្ធស្វ័យប្រវត្តិកម្ម ជាមួយនឹងការប្រើប្រាស់បច្ចេកវិជ្ជាព័ត៌មាន និងគមនាគមន៍​ជាដើម៕

The post ប្រមុខ​រដ្ឋាភិបាល​ប្រកាស​ពន្យាពេ​លចូលនិវត្តន៍​​​មេគយ​លោក គុណ ញឹម រហូតដល់ឆ្នាំ​២០២៥ appeared first on .

អ្នកឧកញ៉ា គិត ម៉េង ថ្លែងដូច្នេះនៅក្នុងចំកិច្ចប្រជុំលើកទី៨ នៃយន្តការភាពជាដៃគូគយ-ផ្នែកឯកជន ជាមួយនឹងលោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា នៅថ្ងៃអង្គារ​ ទី៣០ វិច្ឆិកានេះ។

គោលបំណងនៃកិច្ចប្រជុំនេះគឺដើម្បីពិនិត្យនិងដោះស្រាយនូវសំណូមពរ និងបញ្ហានានា ដែលបានលើកឡើងរបស់វិស័យឯកជន ពាក់ព័ន្ធនឹងការអនុវត្តនីតិវិធីគយ សំដៅធានាបាននូវការអនុវត្តគោលនយោបាយសម្រួលពាណិជ្ជកម្ម និងការលើកកម្ពស់អនុលោមភាពការអនុវត្តច្បាប់។

ទាក់ងទងនឹងប្រធានបទនេះដែរ លោក គុណ ញឹម បានលើកឡើងពីសារៈសំខាន់ និងសមិទ្ធផលដ៏ល្អប្រសើរជាបន្តបន្ទាប់នៃយន្តការភាពជាដៃគូគយ-ផ្នែកឯកជន សម្រាប់ផ្នែកឯកជនអាចស្វែងរកដំណោះស្រាយចំពោះបញ្ហានិងសំណូមពរនានាពាក់ព័ន្ធនីតិវិធីគយ សំដៅលើកកម្ពស់បន្ថែមទៀតនូវ កិច្ចសម្រួលពាណិជ្ជកម្ម និងអនុលោមភាពច្បាប់ ពិសេសក្នុងបរិបទនៃការងើបឡើងវិញនូវ សកម្មភាពពាណិជ្ជកម្មអន្តរជាតិក្រោយវិបត្តិកូវីដ-១៩។

ជាលទ្ធផលនៃកិច្ចពិភាក្សា ផ្នែកឯកជនបានទទួលយកនូវដំណោះស្រាយដែលលើកឡើងដោយអគ្គនាយកដ្ឋានគយ និង រដ្ឋាករកម្ពុជា ដោយភាគីទាំងពីរបានប្តេជ្ញាថានឹងអនុវត្តតាមវិធានការដំណោះស្រាយប្រកបដោយការទទួលខុសត្រូវរៀងៗខ្លួន។ បន្ថែមលើនេះ ក៏បានលើកទឹកចិត្តឱ្យ ក្រុមការងារជំនាញនីមួយៗបន្តពិនិត្យលើកឡើងនិងពិភាក្សាដោះស្រាយ បញ្ហាដែលនឹងកើតឡើងជាយថាហេតុនាពេលខាងមុខ ឱ្យបានទាន់ពេលវេលានិងមានប្រសិទ្ធភាពផងដែរ៕

The post អ្នកឧកញ៉ា គិត ម៉េង ជួបពិភាក្សាជាមួយមេគយ ដើម្បីរកដំណោះស្រាយនូវរាល់បញ្ហានានា សម្រាប់វិស័យឯកជន appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្នុងឱកាសខួបអនុស្សាវរីយ៍លើកទី៧០ ថ្ងៃបង្កើតរដ្ឋបាលគយកម្ពុជា កាលពីថ្ងៃទី២៩ ខែមិថុនាម្សិលមិញ លោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បានលើកឡើងនូវសមិទ្ធផលសំខាន់ៗដែលសម្រេចបាននាពេលថ្មីៗនេះ តាមរយៈការដាក់ចេញនិងការអនុវត្តប្រកបដោយប្រសិទ្ធភាពនៃយុទ្ធសាស្ត្រកំណែទម្រង់និងទំនើបកម្មគយ, យុទ្ធសាស្រ្តអនុលោមភាពនិងការអនុវត្តច្បាប់, យុទ្ធសាស្រ្តបច្ចេកវិទ្យាគមនាគមន៍និងព័ត៌មាន, ផែនការសកម្មភាពប្រចាំឆ្នាំ និងការកែលម្អលិខិតបទដ្ឋានគតិយុត្តិ ស្របតាមការវិវត្តនៃនយោបាយ សេដ្ឋកិច្ច សង្គម ប្រព័ន្ធបច្ចេកវិទ្យា បរិយាកាសធុរកិច្ច និងការអនុវត្តល្អជាអន្តរជាតិ។

សម្តេចតេជោ ហ៊ុន សែន នាយករដ្ឋមន្ត្រី ក៏បានធ្វើការវាយតម្លៃខ្ពស់ចំពោះការខិតខំប្រឹងប្រែងរបស់ក្រសួងសេដ្ឋកិច្ចនិងហិរញ្ញវត្ថុ និងអគ្គនាយកដ្ឋានគយនិងរដ្ឋាករកម្ពុជា ក្នុងការអនុវត្តតួនាទី និងភារកិច្ច របស់ខ្លួនប្រកបដោយប្រសិទ្ធភាព លើការកៀរគរចំណូល និងការកែលម្អបរិយាកាសធុរកិច្ចប្រកបដោយសមធម៌ ព្រមទាំងយកចិត្តទុកដាក់អនុវត្តគោលនយោបាយនិងយុទ្ធសាស្រ្តនានារបស់រាជរដ្ឋាភិបាល រហូតសម្រេចបាននូវផ្លែផ្កាល្អប្រសើរជាបន្តបន្ទាប់។

ជាមួយគ្នានេះដែរ លោករដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ អូន ព័ន្ធមុនីរ័ត្ន បានកោតសរសើរចំពោះកិច្ចខិតខំប្រឹងប្រែងនិងស្មារតីលះបង់របស់មន្ត្រីគយនិងរដ្ឋាករគ្រប់ជាន់ថ្នាក់ លើគ្រប់ការដ្ឋានការងារ ដូចជាកិច្ចសម្រួលពាណិជ្ជកម្ម, ការធ្វើទំនើបកម្មនិងសាមញ្ញកម្មនីតិវិធីគយតាមរយៈប្រព័ន្ធបច្ចេកវិទ្យាព័ត៌មាន, ការបង្ការនិងបង្ក្រាបអំពើរត់គេចពន្ធ និងការងារប្រមូលចំណូល ដែលទាំងអស់នេះបានរួមចំណែកយ៉ាងសំខាន់ក្នុងការអភិវឌ្ឍន៍សេដ្ឋកិច្ចជាតិ លើកកម្ពស់ឧត្តមភាពប្រកួតប្រជែង និងការធ្វើសមាហរណកម្មសេដ្ឋកិច្ចកម្ពុជាទៅក្នុងតំបន់ និងពិភពលោក។

លោករដ្ឋមន្រ្តីបានគូសរំលេចនូវសូចនាករកំណើនសេដ្ឋកិច្ចដ៏ល្អប្រសើររបស់កម្ពុជា ក្នុងអំឡុងប៉ុន្មានទសវត្សចុងក្រោយនេះ ដែលឆ្លុះបញ្ចាំងភាពជោគជ័យនៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ និងយុទ្ធសាស្ត្រចតុកោណរបស់រាជរដ្ឋាភិបាល ក្នុងបរិបទស្ថេរភាពនយោបាយ សុខសន្តិភាពពេញលេញ ដែលជាលទ្ធផលនៃគោលនយោបាយ “ឈ្នះ-ឈ្នះ” របស់ សម្តេចតេជោនាយករដ្ឋមន្ត្រី៕

The post លោក គុណ ញឹម ប្តេជ្ញាអនុវត្តយ៉ាងខ្ជាប់ខ្ជួននូវអភិក្រមទាំងប្រាំប្រការរបស់ សម្តេចតេជោនាយករដ្ឋមន្រ្តី appeared first on .