លោក គួច វែងស្រ៊ុន បានលើកឡើងដោយមានខ្លឹមសារទាំងស្រុងថា៖ «បងប្អូនមួយភាគធំ​ និងបណ្តាញសង្គមពេលនេះ​ កំពុងជជែកច្រើនលើប្រធានបទក្តៅ​ ក្រោយអនុវត្តបទឈប់បាញ់​ តែពួកគាត់ទាំងពីរនេះ​ មិនទាន់បានសម្រាកសោះឡើយ។

ស្ត្រីទីមួយយកចិត្តទុកដាក់ជាប្រចាំវីរកងទ័ពទាំងពលី​ កំពុងសម្រាកព្យាបាល​ ព្រមទាំងជនភៀសសឹក​ ហើយនឹងកិច្ចការមនុស្សធម៌ជាច្រើនផងដែរ។ ជាមួយនេះសម្តេចធិបតី​ មមាញឹកមួយរយលានជំពូកលើកិច្ចការជាតិ​ កិច្ចការទូត​ កិច្ចការធានាឈានទៅសម្រេចសន្តិភាពពេញលេញ​ កិច្ចការស្តារឡើងវិញ​ និងព្យាយាមគ្រប់បែបយ៉ាងដើម្បីការពារជីវិត​កងទ័ព​ ជនស៊ីវិល​ និងដំណើរការប្រក្រតីភាពនៃប្រទេសទាំងមូល។

បងប្អូនមានសិទ្ធិបារម្ភ​ ការយកចិត្តទុកដាក់​ គិតគូរ​ តែសូមមេត្តាទុកពេលជូនរាជរដ្ឋាភិបាល​ ថ្នាក់ដឹកនាំ​ ដែលកំពុងមមាញឹកយ៉ាងខ្លាំងគ្មានឈប់ឈរទៅតាមនីតិវិធី​ច្បាប់​ និងគ្រប់យន្តការតាមដែលអាចធ្វើទៅបាន។ សូមបងប្អូនមេត្តាចងចាំថា​ ចោរបើគេតាំងចិត្តលួចយើង​ គេតាមយាយី​ រៀបចំផែនការសកម្មភាព​ និងមិនដែលទុកឱ្យយើងរស់បានស្រួលមួយថ្ងៃមួយនាទីណាឡើយ​ ពិសេសគ្រប់មធ្យោបាយ។

យុទ្ធសាស្ត្រ​បំបែកបំបាក់​ សាមគ្គី​ ការជឿជាក់​ តាមរយ:កម្រងរូបភាពដ៏ឈឺចាប់ជាច្រើនដែលបងប្អូនកំពុងឃើញ​ គេកំពុងធ្វើ​ គឺបានចាប់ផ្តើមរុញឱ្យបងប្អូនយើងមានមន្ទិលសង្ស័យ​ ពិតដូចពិត​ មិនពិតដូចពិត​ រួចបង្កើនចិត្តរួញរា​ យកការឈឺចាប់មកផ្អាកការជឿ​ យកភាពគគ្លើនមករុញបងប្អូនចាកឆ្ងាយពីរាជរដ្ឋាភិបាល​ និងថ្នាក់ដឹកនាំ។ ទាំងនេះ​ គឺជាចេតនាយ៉ាងជាក់ស្តែងដែលបងប្អូនបានឃើញ​ ហើយក៏បានរួមគ្នាពេលគេធ្វើទាំងមុនសង្គ្រាម​ កំឡុងសង្គ្រាម​ ពិសេសពេលនេះតែម្តង។

យន្តការច្បាប់​ និងអន្តរជាតិយើងបានធ្វើ កំពុងធ្វើ តែលទ្ធផលមិនមែនត្រឹមប៉ុន្មានថ្ងៃសម្រេចចេញរូបរាងនោះទេ​ ពិភពលោកពេលនេះ​ កំពុងស្ថិតក្នុងចលាចល​ សង្គ្រាម​ទាំងពីរលើក​ គឺបានបង្រៀនច្រើនសមល្មម​ ដែលត្រូវច្បាស់ថា​ គ្មាននរណាមកជួយយើងជាងយើងរួមគ្នាជាធ្លុងមួយជានិច្ច​ និងគ្រប់ពេលនោះទេ​ ពិសេសស្ថិតក្នុងដំណាក់កាលដ៏មហាលំបាកថ្ងៃនេះ។ យើងមិនត្រឹមតែកំពុងស្ថិតក្នុងអន្តរការនៃសង្គ្រាម​ តែយើងក៏កំពុងប្រឈមនឹងសេដ្ឋកិច្ច​ ដំណើរការនៃជីវភាពប្រជាជនទូទាំងប្រទេស​ ដែលនឹងត្រូវខិតខំរួមគ្នាចាប់ផ្តើមរស់នឹងបរិបទថ្មី​ ការពង្រឹងចលនាជាតិនិយម​ លើកកម្ពស់ផលិតផលជាតិ​ ពង្រឹងគុណភាពដើម្បីធានាការប្រកួតប្រជែងជាដើម។

ជាចុងក្រោយ​ សូមបងប្អូនមេត្តារក្សាបានស្មារតីជាតិនិយម​ ស្មារតីខ្មែរតែមួយ​ អត់ធ្មត់​ ទ្រាំ​ សាមគ្គី​ និងជឿជាក់លើរាជរដ្ឋាភិបាល​ ថ្នាក់ដឹកនាំ​ ពិសេសវីរភាពនៃសាច់ស្រស់ឈាមស្រស់របស់វីរកងទ័ពយើង​ ដែលបានពលី​ និងលះបង់ដើម្បីបុព្វេហេតុជូនជាតិ​ និងប្រជាជនដ៏កម្សត់របស់យើង»៕

The post លោក គួច វែងស្រ៊ុន គូសបញ្ជាក់ពីភាពមមាញឹកមួយរយលានជំពូករបស់សម្ដេចធិបតី ហ៊ុន ម៉ាណែត លើកិច្ចការជាតិ​ កិច្ចការទូត​ កិច្ចការធានាឈានទៅសម្រេចសន្តិភាពពេញលេញ appeared first on .

១, ប្រើប្រាស់គ្រប់មធ្យោបាយ និងសម្របសម្រួលជូនប្រជាជនខ្មែរ និងពលករដែលត្រូវត្រឡប់មកកម្ពុជាវិញ បានទៅកាន់ស្រុកកំណើត និងជួយស្វែងរកការងារ ក៏ដូចជាគិតគូរអំពីការជួយដោះស្រាយអំពីបញ្ហាបំណុល ដែលបានគាំទ្រដោយសមាគមន៍ធនាគារ និងសមាគមហិរញ្ញវត្ថុ

២, ករណីបិទឬបើកច្រកព្រំដែន គឺបានបញ្ជាក់ច្បាស់ថា យោធាថៃជាអ្នកបិទ គឺត្រូវយោធាថៃជាអ្នកបើក ហើយកម្ពុជានឹងសម្របសម្រួល ព្រោះចំណងនេះយោធាថៃជាអ្នកចង គឺត្រូវជាអ្នកស្រាយដោយខ្លួនឯង។ កម្ពុជា ជាប្រទេសមានកិត្តិយស មានសេចក្តីថ្លៃថ្នូរ និងមានការទទួលខុសត្រូវ។ ជាមួយនេះ កម្ពុជា ក៏បានទុកឱសានវាតផងដែរ ដោយតម្រូវឱ្យថៃ បើកច្រកព្រំដែនឱ្យដូចដើមវិញ ក្នុងរយៈពេល ២៤ម៉ោង បើមិនដូច្នោះទេ នឹងប្រកាសបិទច្រកព្រំដែនជាមួយថៃ ហើយឈានទៅការបញ្ឈប់នាំចូលទំនិញថៃមកកម្ពុជា។

៣. ករណីការនាំតំបន់ទាំង ៤ ទៅកាន់តុលាការយុត្តិធម៌អន្តរជាតិ (ICJ) ព្រោះកម្ពុជា យល់ច្បាស់អំពីបញ្ហាដែលយន្តការដែលមានស្រាប់ JBC មិនអាចសម្រេចបាន ដោយតម្រូវឱ្យមានការប្រើប្រាស់ច្បាប់អន្តរជាតិនៃតុលាការយុត្តិធម៌អន្តរជាតិ ជាអ្នកកាត់ក្តី ហើយកម្ពុជានឹងទទួលយកលើសេចក្តីសម្រេចរបស់តុលាការ។ ជាមួយគ្នានេះ កម្ពុជា បានបញ្ជាក់គោលជំហរច្បាស់ គឺជ្រើសរើសច្បាប់អន្តរជាតិ និងសន្តិភាព ជាស្នូល និងប្រកាន់ខ្ជាប់បំផុត។ ព្រមជាមួយនោះដែរ សម្តេចតេជោ ក៏បានអំពាវនាវដល់ប្រទេសជាមិត្តទាំងអស់ សូមគាំទ្រកម្ពុជា ដែលជ្រើសរើសការអនុវត្តស្របតាមយន្តការច្បាប់អន្តរជាតិ និងសន្តិភាព។

សូមបញ្ជាក់ថា ការបញ្ចេញសម្លេងរាជសីហ៍របស់សម្តេចតេជោ យ៉ាងក្លេវក្លា និងមុះមុត ផ្ញើសារទៅកាន់ប្រជាជនកម្ពុជាផង និងរដ្ឋាភិបាលថៃផង លើប្រធានបទសំខាន់ចំនួន ៣ ខាងលើ ក្នុងពេលថ្លែងសារពិសេស ពាក់ព័ន្ធការផ្ញើសារទៅកាន់ពលករកម្ពុជានៅថៃ, សារពីករណីច្រកព្រំដែនអន្តរជាតិកម្ពុជាថៃ និង សារអំពីបណ្តឹងរបស់កម្ពុជាទៅកាន់តុលាការ ICJ នាព្រឹកថ្ងៃទី១៦ ខែមិថុនា ឆ្នាំ២០២៥នេះ នៅក្នុងឱកាសបើកកិច្ចប្រជុំពេញអង្គព្រឹទ្ធសភា នៅវិមានព្រឹទ្ធសភា៕

The post សម្លេងរាជសីហ៍របស់សម្តេចតេជោ បញ្ចេញសម្លេងយ៉ាងក្លេវក្លា និងមុះមុត ផ្ញើសារទៅកាន់ប្រជាជនកម្ពុជា និងរដ្ឋាភិបាលថៃ លើប្រធានបទសំខាន់ចំនួន ៣ appeared first on .