លោក ឈួន ដារ៉ា គូសបញ្ជាក់ថា «ជាក់ស្តែង វេទិកាជំរុញធុរកិច្ច វិនិយោគ និងទេសចរណ៍ កម្ពុជា-ចិន(ក្វាងស៊ី)គឺជាសកម្មភាពជំរុញកិច្ចសហប្រតិបត្តិការពាណិជ្ជកម្ម និងវិនិយោគរវាងកម្ពុជា និងចិន ក្រោមក្របខ័ណ្ឌតំបន់ ភាគីទាំងពីរបានចូលរួមបង្កើតកិច្ចព្រមព្រៀងពាណិជ្ជកម្មសេរីអាស៊ាន-ចិន និងជំរុញឱ្យសម្រេចបាននូវកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) ដែលបានត្រួសត្រាយផ្លូវសម្រាប់ភាពជាដៃគូយុទ្ធសាស្ត្រគ្រប់ជ្រុងជ្រោយ និងជំរុញកិច្ចសហប្រតិបត្តិការ វិស័យសេដ្ឋកិច្ច ពាណិជ្ជកម្ម និងវិនិយោគរវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិន»។

បើតាមលោក ឈួន ដារ៉ា ក្រៅពីនេះ កម្ពុជាបានបន្តជំរុញលើកកម្ពស់ និងធ្វើពិពិធកម្មការនាំចេញរបស់ខ្លួន ដោយខិតខំទាញយកអត្ថប្រយោជន៍ពីកាលានុវត្តភាពដែលមាន នាពេលបច្ចុប្បន្ន និងចាំបាច់ត្រូវរៀបចំធានានូវភាពអំណោយផលពីទីផ្សារថ្មីៗ ព្រមទាំងត្រូវពង្រឹងភាពប្រកួតប្រជែងបន្ថែមទៀត ជាពិសេស សម្រាប់ការនាំចេញទៅបណ្តាប្រទេសក្នុងតំបន់ ដែលផ្តល់សក្តានុពលដល់ធុរជន និងវិនិយោគិនក្នុងនិងក្រៅប្រទេស ជាពិសេសធុរជន និងវិនិយោគិនចិន។

លោក Mao Qingwang អភិបាលរង នៃតំបន់ស្វយ័តជនជាតិជាំងក្វាងស៊ីបានលើកឡើងថា រាជរដ្ឋាភិបាលកម្ពុជា យកចិត្តទុកដាក់ដល់ចចំណងមិត្តភាពត្បូងពេជ្រដែលមិនអាចបំបែកបានរវាងកម្ពុជានិងចិន ដែលបានបង្កើតឡើងដោយថ្នាក់ដឹកនាំជំនាន់មុន និងបានពូនជ្រុំបន្ថែមដោយថ្នាក់ដឹកនាំបច្ចុប្បន្ន នឹងនៅបន្តជាអមតៈជាច្រើនជំនាន់បន្តទៀត ទោះបីជាប្រទេសយើងទាំងពីរមានជួបឧបសគ្គអ្វីក៏ដោយ តែកម្ពុជានិងចិននៅតែរួមគ្នាដោះស្រាយ។

លោក Mao Qingwang មានប្រសាសន៍ថា «កម្ពុជា និងចិនបានបង្កើតមូលដ្ឋានគ្រឹះដ៏ល្អសម្រាប់កិច្ចសហប្រតិបត្តិការលើវិស័យដូចជាសេដ្ឋកិច្ច ពាណិជ្ជកម្ម វិនិយោគ ទេសចរណ៍ វប្បធម៌ កសិកម្ម ផលិតកម្ម និងហេដ្ឋារចនាសម្ព័ន្ធ។ គោលបំណងនៃវេទិកានេះ គឺដើម្បីទទួលបានការយល់ដឹងកាន់តែស៊ីជម្រៅ ផ្លាស់ប្តូរបទ ពិសោធន៍ និងស្វែងរកមធ្យោបាយដើម្បីធ្វើសមាហរណកម្មកាន់តែប្រសើរឡើងជាមួយនឹងការអភិវឌ្ឍវិស័យពាណិជ្ជកម្ម វិនិយោគ និងឧស្សាហកម្មរបស់កម្ពុជា។ លោកបានបន្ថែមថា ចិន និងកម្ពុជា គឺជាមានមិត្តភាពត្បូងពេជ្រ ដែលមានភាតរភាពជាមួយគ្នាទៅវិញទៅមក ហើយប្រទេសទាំងពីបានជំរុញកិច្ចសហប្រតិបត្តិការរក្នុងវិស័យផ្សេងៗកាន់តែត្រូវបានពង្រឹង និងពង្រីកបន្ថែមទៀត»។

សូមបញ្ជាក់ថា ក្នុងវេទិកាខាងលើនេះ មានការចុះអនុស្សារណៈនៃការយោគយល់គ្នាចំនួន៦ រវាងក្រុមហ៊ុនឯកជនមកពីប្រទេសកម្ពុជា និងក្រុមហ៊ុនឯកជននចិន ដែលផ្ដោតលើផ្នែក៖ ថាមពលអគ្គីសនីថ្មី ជំរុញការលក់និងវិនិយោគ ស្ថាបបត្យកម្ម និងពាក់ព៎ន្ធលើការសិក្សា ស្រាវជ្រាវ និងផ្សព្វផ្សាយ៕ អត្ថបទ៖ សារេត

The post កម្ពុជា-ចិន រៀបចំព្រឹត្តិការណ៍ជាច្រើនដើម្បីជំរុញកិច្ចសហប្រតិបត្តិការវិស័យពាណិជ្ជកម្ម វិនិយោគនិងទេសចរណ៍ appeared first on .

លោក Patrice Vignes នាយកគ្រប់គ្រងក្រុមហ៊ុន ឌីលីវើរី ហេរ៉ូ (Foodpanda Cambodia) បាន​​ឲ្យ​ដឹង​ថា Foodpanda គឺជាកម្មវិធីដឹកជញ្ជូនចែកចាយអាហារ និងគ្រឿងទេសធំជាងគេនៅអាស៊ី ដែលប្រតិបត្តិការនៅក្នុងទីក្រុងជាង ៤០០។

Foodpanda បាន​បើក​ដំណើរការក្នុងប្រទេសកម្ពុជាក្នុងខែវិច្ឆិកា ឆ្នាំ២០១៩ ដោយបានចាប់ផ្តើមពីការិយាល័យតូចមួយ ដោយសព្វថ្ងៃនេះ Foodpanda ដំណើរការនៅក្នុង ១៥ ខេត្តក្នុងប្រទេសកម្ពុជា។ ក្នុងរយៈពេល ២ឆ្នាំកន្លះ Foodpanda បានរីកចម្រើនយ៉ាងឆាប់រហ័ស ហើយសព្វថ្ងៃនេះ មនុស្សរាប់ពាន់នាក់ដែលរួមមានអ្នកដឹកជញ្ជូន អ្នកជំនួញ និងអតិថិជន ធ្វើប្រតិបត្តិការជារៀងរាល់ថ្ងៃនៅលើកម្មវិធី Foodpanda តាមរយៈទូរស័ព្ទSmartphone។

លោក​ឈួន ដារ៉ា រដ្ឋលេខាធិការក្រសួងពាណិជ្ជកម្ម ក៏​បាន​សម្តែងការស្វាគមន៍យ៉ាងកក់ក្តៅ ចំពោះការមកដល់នៃក្រុមហ៊ុន ឌីលីវើរី ហេរ៉ូ (Foodpanda Cambodia) ដែលជាក្រុមហ៊ុនមានដើមកំណើតនៅប្រទេសអាល្លឺម៉ង់ និងបានពង្រីកអាជីវកម្មរបស់ខ្លួននៅតាមបណ្តាប្រទេសចំនួន៤០ប្រទេសជុំវិញពិភពលោក ក្នុងនោះមាន៧ប្រទេសក្នុងតំបន់អាស៊ានរួមមាន កម្ពុជា ថៃ ឡាវ សឹង្ហបុរី ហ្វីលីពីន ម៉ាឡេស៊ី និងមីយ៉ាន់ម៉ា។

នាឱកាសសម្ពោធការិយាល័យ​កណ្តាលក្រុមហ៊ុន ឌីលីវើរី ហេរ៉ូ (Foodpanda Cambodia) កាលពីពេល​ថ្មីៗ​នេះ លោក​លោក​ឈួន ដារ៉ា បាន​ឲ្យ​ដឹង​ថា វត្តមានរបស់ Foodpanda Cambodia បាន​រួមចំណែកយ៉ាងសំខាន់ក្នុងការបង្កើនការងារ និងប្រាក់ចំណូលជូនប្រជាជន ព្រមទាំងផ្តល់សេវាកម្មដឹកជញ្ជូនម្ហូបអាហារ និងគ្រឿងទេសផ្សេងៗទៀតជូនអតិថិជនតាមរយៈទូរស័ព្ទ Smartphone បានយ៉ាងឆាប់រហ័ស ដោយអតិថិជនអាចបញ្ជាទិញទំនិញពីភោជនីយដ្ឋាន និងហាងសម្ភារៈផ្សេងទៀតបានយ៉ាងងាយស្រួល។

បើ​តាម​មន្រ្តី​ក្រសួង​ពាណិជ្ជកម្ម​រូប​នេះ​ក៏​មើលឃើញ​ដែរ​ថា ការ​មក​ដល់​របស់ Foodpanda Cambodia បាន​ជួយ​សម្រួល​ដល់ភ្ញៀវទេសចរណ៍ជាតិ និងអន្តរជាតិ ដែលចូលមកកម្សាន្តនៅក្នុង​ប្រទេស​កម្ពុជា ជាពិសេសអាចជួយកាត់បន្ថយការឆ្លងជំងឺកូវីដ-១៩ ដែលកំពុងរីករាលដាលជាសកលផងដែរ។

លោក Patrice Vignes នាយកគ្រប់គ្រងក្រុមហ៊ុន Foodpanda បាន​បន្ថែម​ថា វត្តមានរបស់ Foodpanda នៅប្រទេសកម្ពុជាបានចូលរួមចំណែក ៣យ៉ាងសំខាន់ៗ រួមមាន៖ ទី១-ការជំរុញបច្ចេកវិទ្យា ការច្នៃប្រឌិត និងឌីជីថល (Driving Tech, Innovation and Digitalization), ទី២-ការពង្រឹង និងពង្រីកប្រព័ន្ធអេកូឡូស៊ីក្នុងស្រុក (Empowering and Growing Local Ecosystem) និងទី៣-ទំនួលខុសត្រូវសង្គម (Giving Back to Local Communities-CSR)៕

The post Foodpanda ចាប់ផ្តើមពីការិយាល័យតូចមួយ​នៅ​កម្ពុជា ជាង ២ ឆ្នាំ​ ពង្រីកសេវា​ដល់​ ១៥ ខេត្តក្រុង appeared first on .