កិច្ចសហការនេះ ត្រូវបានចាត់ទុកថាជាជំហានថ្មីមួយដ៏មានន័យ ដែលភ្ជាប់រវាងវិស័យថាមពល និងវិស័យហាងលក់ទំនិញរាយ ដោយមានគោលបំណងបង្កើតបទពិសោធន៍ថ្មី និងលើកកម្ពស់គុណភាពសេវាកម្មសម្រាប់អតិថិជននៅកម្ពុជា។

តាមរយៈកិច្ចសហការនេះ អន​ ម៉ាត នឹងក្លាយជាដៃគូសហការផ្តាច់មុខ ក្នុងការផ្តល់សេវាហាងលក់ទំនិញរាយនៅតាមបណ្តាស្ថានីយរបស់ ភីស ភេត្រូលៀម ស្របតាមផែនការអភិវឌ្ឍរួមរបស់ក្រុមហ៊ុនទាំងពីរ។

កិច្ចព្រមព្រៀងនេះ មានគោលបំណងចម្បងក្នុងការ៖
• បង្កើតបទពិសោធន៍ថ្មីសម្រាប់អតិថិជននៅតាមស្ថានីយប្រេង
• លើកកម្ពស់ភាពងាយស្រួល និងល្បឿនក្នុងការផ្តល់សេវាកម្ម
• គាំទ្រ និងលើកស្ទួយផលិតផល និងអាជីវកម្មក្នុងស្រុក
• បង្កើតស្តង់ដារថ្មីសម្រាប់វិស័យហាងលក់ទំនិញរាយនៅកម្ពុជា

ភាគីទាំងពីរបានបញ្ជាក់ថា កិច្ចសហការនេះ មិនត្រឹមតែជាការរីកចម្រើនសម្រាប់អាជីវកម្មប៉ុណ្ណោះទេ ប៉ុន្តែជាជំហានសំខាន់ក្នុងការបង្កើតប្រព័ន្ធពាណិជ្ជកម្មទំនើប ដែលអាចឆ្លើយតបតម្រូវការរបស់ប្រជាជនកម្ពុជា និងលើកកម្ពស់ស្តង់ដារសេវាកម្មឲ្យឈានទៅកម្រិតអន្តរជាតិ។

លោក នុត តុន បានមានប្រសាសន៍ថា កិច្ចសហការនេះ គឺជាការចាប់ផ្តើមនៃការបង្កើតបទពិសោធន៍ថ្មីសម្រាប់អតិថិជន ដែលភ្ជាប់ជីវិតប្រចាំថ្ងៃជាមួយសេវាកម្មដែលមានគុណភាព និងស្តង់ដារខ្ពស់។

ជាមួយគ្នានេះ លោក ទៀ ស្យាម ក៏បានបញ្ជាក់ថា ក្រុមហ៊ុនមានបំណងលើកកម្ពស់សេវាកម្មឲ្យលើសពីការផ្គត់ផ្គង់ថាមពល និងជឿជាក់ថា អៅវ័រ នេប័រហ៊ូដ ម៉ាត គឺជាដៃគូសមស្របក្នុងការបង្កើតអនាគតថ្មីនេះជាមួយគ្នា។

កិច្ចសហការនេះក៏បង្ហាញពីការប្តេជ្ញារបស់ក្រុមហ៊ុនទាំងពីរ ក្នុងការរួមចំណែកអភិវឌ្ឍអាជីវកម្មក្នុងស្រុក និងបង្កើតមោទនភាពជាតិ តាមរយៈការផ្តល់សេវាកម្ម និងផលិតផលដែលមានគុណភាពខ្ពស់ជូនដល់ប្រជាជនកម្ពុជា។

The post ក្រុមហ៊ុន ភីស ភេត្រូលៀម (ខេមបូឌា) តំណាងដោយ លោក ទៀ ស្យាម និង ក្រុមហ៊ុន អៅវ័រ នេប័រហ៊ូដ ម៉ាត តំណាងដោយលោក នុត តុន រួមគ្នាបង្កើតបទពិសោធន៍ថ្មីសម្រាប់ជីវិតប្រចាំថ្ងៃរបស់ប្រជាជនកម្ពុជា appeared first on .

ពិធីចុះអនុស្សរណៈនៃការយោគយល់គ្នានេះ ត្រូវបានចុះហត្ថលេខាដោយ លោក ទៀ ស្យាម ប្រធានក្រុមហ៊ុន PEACE Petroleum (Cambodia) និងកញ្ញា ស៊ូ មុន្នីពេជ្រ អគ្គនាយិកាក្រុមហ៊ុន ធ្យូបកាហ្វេ ព្រមទាំងមានការចូលរួមពីភ្ញៀវកិត្តិយសជាច្រើនផងដែរ។

លោក ទៀ ស្យាម ប្រធានក្រុមហ៊ុន ស្ថានីយប្រេងឥន្ធនៈ PEACE បានលើកឡើងថា នេះជាសញ្ញាបង្ហាញដ៏សំខាន់ អំពីចក្ខុវិស័យរួមគ្នារវាង PEACE Petroleum (Cambodia) និង Tube Coffee ដែលក្រុមហ៊ុនទាំងពីរ គឺជាស្នាដៃបង្កើតឡើងដោយកូនខ្មែរ ១០០% ដើម្បីបង្កើតនូវបទពិសោធន៍ថ្មីៗ និងសេវាកម្មល្អជូនអតិថិជនគ្រប់រូប។

សូមជម្រាបថា ក្រុមហ៊ុន PEACE Petroleum (Cambodia) ជាក្រុមហ៊ុនដែលបានប្រែក្លាយពីស្ថានីយប្រេងឥន្ធនៈ PTT និងហាងកាហ្វេ Amazon ដែលមានប្រភពពីប្រទេសថៃ ប៉ុន្តែក្រោយមានបញ្ហាព្រំដែនកម្ពុជា-ថៃ បានធ្វើឱ្យម្ចាស់ស្ថានីយជាច្រើនផ្លាស់ប្តូរមកជាស្ថានីយ PEACE វិញ។ កាលចុងខែសីហា ឆ្នាំ២០២៥ លោក ទៀ ស្យាម បានបញ្ជាក់ថា ស្ថានីយប្រេងឥន្ធនៈដែលបានផ្លាស់ប្ដូរជាផ្លូវការមកជាស្ថានីយ PEACE មានចំនួនសរុប ៣៥ ស្ថានីយហើយ ខណៈដែលក្រុមហ៊ុនខ្មែរថ្មីនេះ ត្រៀមសហការជាមួយក្រុមហ៊ុនប្រេងដ៏ធំ ExxonMobil របស់អាម៉េរិក លើការផ្គត់ផ្គង់ប្រេង និងឧស្ម័នគ្រប់ប្រភេទ ក្នុងពេលឆាប់ៗខាងមុខនេះ៕

The post ឧកញ៉ា ឃន ឈុនដារ៉ា ចូលរួមពិធីចុះ MOU រវាង Tube Coffee និងស្ថានីយប្រេងឥន្ធនៈ PEACE appeared first on .

តាមរយៈបណ្តាញសង្គមហ្វេសប៊ុក អ្នកឧកញ៉ា ទៀ វិចិត្រ បានលើកឡើងថា ស្ថានីយប្រេងថ្មីរបស់កូនខ្មែរពិតៗ មានឈ្មោះថា «PEACE Petroleum Cambodia-PPC» ដែលប្រែថា «សន្ដិភាព» ខ្មែរធ្វើបាន អរគុណសន្តិភាពឆាប់ៗនេះ។ អ្នកឧកញ៉ា បានបញ្ជាក់ក្នុងការបញ្ចេញមតិទៀតថា «បើចង់ឈ្នះថៃ រឿងទី១ ដែលប្រជាជនខ្មែរត្រូវធ្វើនោះ គឺឈប់ប្រើផលិតផលថៃគ្រប់ប្រភេទ បើខ្មែរអាចធ្វើបាន នេះជាជ័យជម្នះទី១»។

គួររំឭកថា កាលពីថ្ងៃទី០៣ ខែសីហា ឆ្នាំ២០២៥ អ្នកឧកញ៉ា ទៀ វិចិត្រ និងលោក ទៀ ស្យាម ដែលជាអ្នកជំនួញបានទិញសិទ្ធិប្រេនប្រេងឥន្ទនៈ ភីធីធី ផងដែរនោះ កាលពីថ្ងៃទី០៣ ខែសីហា ឆ្នាំ២០២៥ បានជួបប្រជុំជាមួយម្ចាស់ស្ថានីយប្រេងឥន្ធនៈ ភីធីធី (ខេមបូឌា) PTT CAMBODIA ជាច្រើនរូប ដើម្បីត្រៀមរំលាយកិច្ចសន្យា និងបង្កើតម៉ាកយីហោខ្មែរថ្មីមួយជំនួសវិញ បន្ទាប់ពីមានបញ្ហាជម្លោះព្រំដែនកម្ពុជា-ថៃ។

យ៉ាងណាមិញ នៅថ្ងៃទី៩ ខែសីហា ឆ្នាំ២០២៥ លោក ទៀ ស្យាម ប្រធានក្រុមប្រឹក្សាភិបាល ភីស ភេត្រូលៀម (ខេមបូឌា) ឯ.ក បានចេញសេចក្តីជូនដំណឹងជាផ្លូវការថា ជំហានដំបូងស្ថានីយដែលបានសម្រេចចិត្តបញ្ឈប់ការធ្វើអាជីវកម្មលើផលិតផល និងប្រេនចាស់ហើយ ប្តូរមកប្រេនថ្មីដែលមានឈ្មោះថា ភីស ភេត្រូលៀម (ខេមបូឌា) Peace Petroleum Cambodia ហៅកាត់ថា PPC មានចំនួនសរុប ៣៥ស្ថានីយ ដែលក្នុងនោះស្ថានីយកំពុងដំណើរការមានចំនួន ៣១ និងស្ថិតនៅក្នុងដំណើរការសាងសង់ចំនួន ៤។ សេចក្តីជូនដំណឹង ក៏បានបញ្ជាក់ផងដែរ ក្រុមហ៊ុនកំពុងគិតគូរអំពីប្រេនកាហ្វេថ្មី ដែលនឹងមានវត្តមានក្នុងស្ថានីយ PPC ហើយក្រុមហ៊ុនត្រូវការរយៈពេលយ៉ាងហោចណាស់ ៣ខែ ដើម្បីអាចធ្វើឱ្យប្រតិបត្តិការអាជីវកម្មថ្មីដំណើរការទៅបានរលូន៕

The post អ្នកឧកញ៉ា ទៀ វិចិត្រ បង្ហាញរូបរាងស្ថានីយប្រេងឥន្ធនៈថ្មីរបស់ខ្មែរជាផ្លូវការ មានឈ្មោះថា «PPC» appeared first on .

ស្លាកយីហោថ្មី ដែលលោក ទៀ ស្យាម បានបង្ហាញមានឈ្មោះជាភាសាអង់គ្លេសថា «PEACE Petroleum Cambodia (PPC)» និងជាភាសាខ្មែរថា «ហ្គារ៉ាសសាំង សន្តិភាព»។

លោក ទៀត ស្យាម បានបញ្ជាក់ដូច្នេះថា «ឈ្មោះដែលបង្កប់ដោយរយលានអត្ថន័យ ! ពណ៌ក្រហម ជាពណ៌មួយក្នុងទង់ជាតិខ្មែរ ដែលតំណាងទឹកដីកម្ពុជា ប្រៀបបានដូចសញ្ជាតិរបស់ប្រេនដែលបង្កើតដោយកូនខ្មែរ ។ ពណ៌សរ ឆ្លុះបញ្ជាំងពីភាពបរិសុទ្ធ សុភាព ស្មោះត្រង់ និងសន្តិភាព ប្រៀបបានដូចជាអត្តចរិករបស់ប្រជាពលរដ្ឋខ្មែរដែលស្រលាញ់សន្តិភាព និងមានចរិកស្មោះត្រង់ ។

ពណ៌ទឹកប៊ិច ឆ្លុះបញ្ជាំងពីភាពរឹងមាំ ទំនុកចិត្ត និងនិរន្តរន៍ភាព ប្រៀបដូចជាការប្តេជ្ញារបស់ប្រេនដែលនឹងផ្តល់ជូននូវសេវាកម្មប្រកបដោយស្តង់ដា គុណភាព និងទំនុកចិត្តដ៏រឹងមាំជូនអតិថិជន។ សត្វព្រាប ឆ្លុះបញ្ជាំងពី សេរីភាព និងសន្តិភាពប្រៀបបានដូចជាការប្រកាសឯករាជ្យរបស់ក្រុមហ៊ុនPPC ។ ពណ៌មាស ឆ្លុះបញ្ជាំងពីភាពត្រចះត្រចង់ និងឧត្តមគតិដែលនឹងហោះឡើងដោយភាពរុងរឿងរបស់កូនខ្មែរ»។

សូមបញ្ជាក់ថា កាលពីថ្ងៃទី៣ សីហា ម្សិលមិញ លោក ទៀ ស្យាម បានជួបប្រជុំជាមួយម្ចាស់ស្ថានីយប្រេងឥន្ធនៈ ភីធីធី (ខេមបូឌា) PTT CAMBODIA ជាច្រើនរូប ដើម្បីត្រៀមរំលាយកិច្ចសន្យា និងបង្កើតម៉ាកយីហោខ្មែរថ្មីមួយជំនួសវិញ។ ដោយលោកសង្កត់ធ្ងន់ថា “ស្លាកត្រូវតែទម្លាក់ ផ្លូវច្បាប់ត្រូវតែគិត”។
ក្នុងស្មារតីស្រលាញ់ជាតិខ្មែរ លោក ទៀ ស្យាម ក៏សូមអំពាវនាវដល់បងប្អូនចូលរួមគាំទ្រម៉ាកយីហោខ្មែរថ្មីដែលនឹងមកឆាប់ៗនេះផងដែរ៕

The post លោក ទៀ ស្យាម ប្រកាសថាការ៉ាស់ PTT នឹងត្រូវប្ដូរឈ្មោះមកជា «ហ្គារ៉ាសសាំង សន្តិភាព» ឬ PPC ជំនួសវិញ appeared first on .

លោក ទៀ ស្យាម ម្ចាស់អាជីវកម្មដែលទិញសិទ្ធិប្រេន PTT CAMBODIA មួយរូបនៅប្រទេសកម្ពុជា បានឱ្យដឹងតាមរយៈបណ្តាញសង្គមហ្វេសប៊ុក កាលពីថ្ងៃអាទិត្យម្សិលមិញនេះថា “ស្លាកត្រូវតែទម្លាក់ ផ្លូវច្បាប់ត្រូវតែគិត”។ លោកបន្តថា ម្ចាស់អាជីវកម្មទិញសិទ្ធិប្រេនប្រេងឥន្ទនៈ ភីធីធី (ខេមបូឌា) ភាគច្រើន បានសម្រេចចិត្តប្រគល់សិទ្ធិជូនដល់លោក ជាតំណាងផ្លូវការ ដើម្បីរំលាយកិច្ចសន្យាតំណាងចែកចាយរវាងម្ចាស់ស្ថានីយប្រេងឥន្ធនៈ ភីធីធី និងក្រុមហ៊ុន PTT Cambodia ព្រមទាំងរួបរួមកម្លាំងសម្រេចចិត្តបង្កើតប្រេនថ្មី ប្រេនខ្មែរ ជាស្នាដៃបង្កើតដោយកូនខ្មែរ ដែលមានកម្រិតស្តង់ដាខ្ពស់។

ក្នុងស្មារតីស្រលាញ់ជាតិខ្មែរ លោក ទៀ ស្យាម ក៏សូមអំពាវនាវដល់បងប្អូនចូលរួមគាំទ្រម៉ាកយីហោខ្មែរថ្មីដែលនឹងមកឆាប់ៗនេះ។

អ្នកឧកញ៉ា ទៀ វិចិត្រ ក៏បានបង្ហោះសារផងដែរថា៖ “បង ស្យាម និងខ្ញុំ យល់ពីចិត្តបងប្អូនទាំងអស់គ្នា យើងជិះទូកតែមួយ មានទស្សនៈដូចគ្នា អ្វីដែលកើតឡើងនៅថ្ងៃនេះ និងអ្វីដែលបងប្អូនកំពុងគិត ពួកយើងកំពុងគិតដូចគ្នាដែរ ដូច្នេះពេលជួបជុំគ្នា យើងនឹងសម្រេចចិត្តជាមួយគ្នាអនុវត្តតែម្តង សូមរក្សាភាពអត់ធ្មត់”។

សូមជម្រាបថា លោក ទៀ ស្យាម និងអ្នកឧកញ៉ា ទៀ វិចិត្រ ដែលជាបងប្អូនជីដូនមួយនឹងគ្នា និងជាអ្នកជំនួញបានទិញសិទ្ធិប្រេនប្រេងឥន្ទនៈ ភីធីធី ផងដែរនោះ បាននិងកំពុងដឹកនាំប្រមូលផ្តុំកម្លាំង ក្នុងការផ្លាស់ប្តូរស្ថានីយប្រេងឥន្ធនៈ PTT នៅកម្ពុជា ឱ្យទៅជាស្ថានីយប្រេងឥន្ធនៈយីហោរបស់ខ្មែរវិញ បន្ទាប់ពីមានបញ្ហាជម្លោះព្រំដែនកម្ពុជា-ថៃ។ សកម្មភាពរបស់អ្នកទាំងពីរ ទទួលបានការសាទរយ៉ាងច្រើនលើសលុប ពីសំណាក់អ្នកលេងបណ្តាញសង្គម ជាពិសេសអ្នកដែលជំរុញឱ្យប្រជាពលរដ្ឋកម្ពុជា ងាកមកគាំទ្រផលិតផលក្នុងស្រុក៕

The post អ្នកឧកញ៉ា ទៀ វិចិត្រ និងលោក ទៀ ស្យាម ជួបប្រជុំជាមួយម្ចាស់ស្ថានីយប្រេងឥន្ធនៈ PTT ត្រៀមរំលាយកិច្ចសន្យា ដើម្បីបង្កើតម៉ាកយីហោខ្មែរថ្មី ដែលមានស្តង់ដាខ្ពស់ appeared first on .

តើមូលហេតុអ្វី បានជាលោកឧកញ៉ា លាង ពៅ និងលោក ទៀ ស្យាម បង្កើតឱ្យមានព្រឹត្តិការណ៍ជិះរថយន្តឆ្លងប្រទេស​ដ៏អស្ចារ្យនេះឡើង? ហើយថាតើ តើហេតុអ្វី បានជាទីលានបើកបររថយន្តដ៏ធំខ្នាតអន្តរជាតិ នៅប្រទេសថៃ អញ្ជើញ​ម្ចាស់​រថយន្ត super car និងhyper car ល្បីៗពីកម្ពុជា ជាភ្ញៀវកិត្តិយសអន្តរជាតិលំដាប់ VIP ដល់ទីលាន?

លោកឧកញ៉ា លាង ពៅ ម្ចាស់រថយន្ត Bugatti Chiron ដ៏ប្រណីតបំផុតនៅកម្ពុជា មានប្រសាសន៍ថា ការសហការរៀបចំ​របស់ Cambodia Car Culture ជាមួយ REV UP Beyond Supercar ដែលផ្ដួចផ្ដើមដឹកនាំម្ចាស់រថយន្ដ super car និង hyper car ទៅកាន់ប្រទេសថៃនេះ នឹងនាំមកនូវបទពិសោធន៍ថ្មី ប្លែកដែលមិនធ្លាប់មាន។ មួយវិញទៀតការធ្វើដំណើរ​មានរយៈចម្ងាយឆ្ងាយ ចូលខ្ទង់ពាន់គីឡូម៉ែត្រនេះ ចូលទឹកដីបូរីរ៉ាំ ប្រទេសថៃ នឹងនាំយកនូវបទពិសោធន៍ថ្មី និង​អនុស្សាវរីយ៍​ល្អៗ ដល់ម្ចាស់រថយន្តsuper car និង hyper car ស្គាល់គ្នាកាន់តែច្រើន។ ជាពិសេសក្នុងចំណោម​ម្ចាស់​រថយន្ត super car និង hyper car ភាគច្រើន ពួកគាត់សុទ្ធតែជាអ្នកជំនួញ ដូច្នេះតាមរយៈការរៀបចំឱ្យមានព្រឹត្តិការណ៍​បែបនេះ ក៏នឹងអាចជាស្ពានមួយភ្ជាប់ទំនាក់ទំនងអាជីវកម្មរបស់ពួកគាត់បានមួយផ្នែកផងដែរ។

លោកឧកញ៉ា ស្ថាបនិក REV UP Beyond Supercar រូបនេះ បានពន្យល់បន្ថែមថា៖ នាព្រឹកព្រលឹម ថ្ងៃទី២៣ ខែកុម្ភៈ ម្ចាស់រថយន្ត Super Car និង Hyper Car ដែលបានចុះឈ្មោះទាំងអស់ នឹងជួបជុំគ្នានៅបរិវេនអាគារពាណិជ្ជកម្ម ជីប ម៉ុង ថោវើ រួចធ្វើដំណើរចេញពីភ្នំពេញ ទៅខេត្តសៀមរាប ដើម្បីឆ្លៀតថតរូបប្រូម៉ូតទេសចរណ៍ Super Car នៅទឹកដីដ៏អច្ឆរិយៈ​របស់កម្ពុជាយើង រួចបន្តដំណើរទៅព្រំដែនអូស្មាច់ ចូលទឹកដីបូរីរ៉ាំ ប្រទេសថៃ តែម្ដង។

លោក ទៀ ស្យាម ក៏បានបញ្ជាក់បន្ថែមថា ការធ្វើដំណើរផ្លូវឆ្ងាយបែបនេះ នឹងធ្វើឱ្យម្ចាស់ super car និង hyper car ទាំងអស់ បានរៀនសូត្រពីបច្ចេកកវិទ្យា និងចំណេះដឹង ក្នុងការបើកបររថយន្ដក្នុងទីលានប្រណាំង ដោយបើកដោយ​សុវត្ថិភាព ចំណាយពេលតិច។ ជាពិសេសនោះ គឺពួកយើងនឹងដកស្រង់បទពិសោធន៍ ដែលបង្រៀនពីអ្នកជំនាញ មុននឹង​អនុញ្ញាតឱ្យចូលបើកនៅលើ ទីលានបូរីរ៉ាំ ដែលជាទីលានបើកបររថយន្តដ៏ល្បី និងមានការទទួលស្គាល់កម្រិតពិភពលោក៕

The post ឧកញ៉ា លាង ពៅ និងលោក ទៀ ស្យាម ដឹកនាំម្ចាស់រថយន្ដ Super Car និង Hyper Car ធ្វើដំណើររាប់ពាន់គីឡូម៉ែត្រ ទៅកាន់ទីលានបើកបររថយន្តខ្នាតអន្តរជាតិ នៅប្រទេសថៃ appeared first on .