សេចក្តីសម្រេចចំនួន៧ទំព័រដែលចុះហត្ថលេខាដោយលោក អូន ព័ន្ធមុនីរ័ត្ន ប្រធានគណៈអចិន្ត្រៃយ៍ក្រុមការងារគណបក្សប្រជាជនកម្ពុជាចុះមូលដ្ឋានខេត្តកណ្តាល បានចាត់តាំងសមាសភាពប្រធាន អនុប្រធា សមាជិកចំនួន១១៨រូប ក្នុងនោះមានឧកញ៉ាចំនួន ៦រូប។

ឧកញ៉ាដែលស្ថិតក្នុងសមាសភាពក្រុមការងារគណបក្សចុះមូលដ្ឋានស្រុកស្អាង រួមមាន៖ ឧកញ៉ា លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយកកំពង់ផែស្វយ័តក្រុងព្រះសីហនុ ជាអនុប្រធានទទួលបន្ទុកជួយស្រុក, ឧកញ៉ា ហ៉ី បាវី ប្រតិភូរាជរដ្ឋាភិបាល ទទួលបន្ទុកអគ្គនាយកកំពង់ផែស្វយ័តភ្នំពេញ ជាអនុប្រធានទទួលបន្ទុកជួយស្រុក, ឧកញ៉ា ឡាវ វ៉ាន់ រដ្ឋលេខាធិការក្រសួងសាធារណការ និងដឹកជញ្ជូន ជាអនុប្រធាន និងជាប្រធានក្រុមករងារចុះមូលដ្ឋានឃុំខ្ពប, ឧកញ៉ា លី តាក់ អនុប្រធាន ទទួលបន្ទុកជួយស្រុក, ឧកញ៉ា ចិត្រ សេរីសុភ័ក្រ្ត, ឧកញ៉ា ស៊ីវ ថា អនុប្រធាន ទទួលបន្ទុកជួយស្រុក។

ក្នុងពិធីប្រកាសសមាសភាពក្រុមការងារគណបក្សចុះមូលដ្ឋាន ស្រុកស្អាង នាព្រឹកថ្ងៃសៅរ៍ ទី១៦ ខែមីនា លោក ប៉េង ពោធិ៍នា បានលើកឡើងថា ក្រុមការងារដែលមានឈ្មោះក្នុងសេចក្តីសម្រេច សូមអនុវត្តភារកិច្ចប្រកបដោយសា្មរតីបុរសកម្ម និងទំនួលខុសត្រូវខ្ពស់។

បន្ថែមពីនេះ លោកបានស្នើដល់ថ្នាក់ដឹកនាំ និងសមាជិក សមាជិកានៃក្រុមការងារគណបក្សទាំងអស់ សូមបន្តបំពេញសេចក្តីត្រូវការរបស់ប្រជាពលរដ្ឋឱ្យបានជាអតិបរមា ហើយត្រូវបន្តដំណើរតាមមាគ៌ាដ៏ត្រឹមត្រូវរបស់គណបក្សប្រជាជនកម្ពុជាយើងបន្តទៀត ដើម្បីរួមគ្នាថែរក្សាសុខសន្តិភាព និងការអភិវឌ្ឍប្រទេសជាតិឱ្យកាន់តែមានការរីកចម្រើនទាំងក្នុងអាណត្តិទី៧ ក៏ដូចជាអាណត្តិជាបន្តបន្ទាប់ទៀតផងដែរ៕

The post លោក អូន ព័ន្ធមុនីរ័ត្ន ចាត់តាំងឧកញ៉ា៦រូបជាអនុប្រធានក្រុមការងារចុះជួយមូលដ្ឋានស្រុកស្អាងខេត្តកណ្តាល appeared first on .

លោក លូ គឹមឈន់ ទទួលបានគោរមងារ «ឧកញ៉ា» ពីព្រះមហាក្សត្រ តាមរយៈព្រះរាជក្រឹត្យលេខ នស/រកត/០៩០៣/២៨៣ នៅថ្ងៃទី១៥ ខែកញ្ញា ឆ្នាំ២០០៣ ដំណាលគ្នានឹងលោក ហ៊ីវ គឹមហេង។

លោក លូ គឹមឈន់ បានទទួលគ្រឿងឥស្សរិយយស «The Order of the Rising Sun, Gold Rays with Neck Ribbon» សម្រាប់និទាឃរដូវឆ្នាំ២០២០ ពីរដ្ឋាភិបាលជប៉ុន ជាការទទួលស្គាល់គុណសម្បត្តិក្នុងការសម្រេចបានសមិទ្ធផលដ៏លេចធ្លោ លើការបម្រើផលប្រយោជន៍សាធារណៈ និងរួមចំណែកលើកកម្ពស់ចំណងមិត្តភាពរវាងប្រទេសជប៉ុន និងព្រះរាជាណាចក្រកម្ពុជា ក្នុងវិស័យអភិវឌ្ឍន៍កំពង់ផែ។

លោក គីមឈន់ បាន​កាន់តំណែងជា​​អគ្គនាយក​កំពង់​ផែ​ស្វយ័ត​ក្រុងព្រះសីហនុ​នៅ​ឆ្នាំ​១៩៩៣ ក្រោម​ការ​ដឹកនាំ​របស់​លោក កំពង់ផែព្រះសីហនុ​បាន​អភិវឌ្ឍ​ ដោយ​ពង្រីកវិសាលភាពដឹកជញ្ជូន​ទៅ​កំពង់ផែធំ​ៗតាម​ប្រទេស​នានា។

ក្រៅកាន់ដំណែង​​អគ្គនាយក​កំពង់​ផែ​ស្វយ័ត​ក្រុងព្រះសីហនុ​ លោកក៏ជាប្រធានក្រុមការងារចុះមូលដ្ឋានស្រុកស្រីសន្ធរ ខេត្តកំពង់ចាមរបស់គណបក្សប្រជាជនកម្ពុជាផងដែរ៕

The post មេធំកំពង់ផែ​ស្វយ័ត​ក្រុងព្រះសីហនុ លូ គឹមឈន់ ទទួលងារ «ឧកញ៉ា» នៅឆ្នាំណា? appeared first on .

ឯកអគ្គរាជទូតជប៉ុន មិកាមិ ម៉ាសាហ៊ីរ៉ូ បាន​ថ្លែង​ឲ្យ​ដឹង​ថា អស់រយៈពេលជាច្រើនឆ្នាំមកនេះក្រោម​ការ​ដឹក​នាំ​របស់​ឯកឧត្តម លូ គឹមឈន់ បានពង្រឹងមិត្តភាពរវាងជប៉ុននិងកម្ពុជា តាមរយៈការអភិវឌ្ឍ និងការគ្រប់គ្រងកំពង់ផែក្រុងព្រះសីហនុ។ ក្នុងឱកាសនេះ ឯកអគ្គរាជទូតជប៉ុន​​ក៏​ថ្លែងអំណរគុណយ៉ាងជ្រៀលជ្រៅចំពោះឯកឧត្តម លូ គឹមឈន់ សម្រាប់ការរួមចំណែកដ៏យូរអង្វែង​​លើការ​ចូលរួម​អភិវឌ្ឍ​កំពង់ផែ​នៅ​ខេត្តព្រះសីហនុ​ទាំំង​ពេល​បច្ចុប្បន្ន​ និង​តទៅអនាគត។

ឯកឧត្តម លូ គីមឈន់ បាន​កាន់តំណែងជា​​អគ្គនាយក​កំពង់​ផែ​ស្វយ័ត​ក្រុងព្រះសីហនុ​នៅ​ឆ្នាំ​១៩៩៣។ ក្រោម​ការ​ដឹកនាំ​របស់​លោក កំពង់ផែព្រះសីហនុ​បាន​អភិវឌ្ឍ​ ដោយ​ពង្រីកវិសាលភាពដឹកជញ្ជូន​ទៅ​កំពង់ផែធំ​ៗតាម​ប្រទេស​នានា។

នៅ​ឆ្នាំ ២០២២​ កំពង់ផែស្វយ័តក្រុងព្រះសីហនុ គ្រោង​សាងសង់ចំណតផែកុងតឺន័រថ្មី-ជំហានទី២ និងជំហានទី៣ ដើម្បីធានាដល់ការចូលចតនាវា កុងតឺន័រខ្នាតធំៗប្រចាំតំបន់អាស៊ី-ប៉ាស៊ីហ្វិក និងឆ្លើយតបទៅនឹងការកើនឡើងនៃបរិមាណកុងតឺន័រ ឆ្លងកាត់កំពង់ផែ។

ការសាងសង់ចំណតផែកុងតឺន័រថ្មី-ជំហានទី២ គ្រោងបញ្ចប់នៅឆ្នាំ២០២៨ ដោយឡែកជំហានទី៣ គ្រោងបញ្ចប់នៅឆ្នាំ២០៣០ ដើម្បីបំពេញតម្រូវការជាក់ស្តែង នៃការកើនឡើងបរិមាណកុងតឺន័រឆ្លងកាត់កំពង់ផែ៕

The post អគ្គនាយក​កំពង់ផែ​ខេត្តព្រះសីហនុ ទទួល​គ្រឿង​ឥស្សរយ​ពី​រដ្ឋាភិបាលជប៉ុន appeared first on .

កំពង់ផែស្វយ័តក្រុងព្រះសីហនុ គឺជាកំពង់ផែទឹកជ្រៅតែមួយគត់របស់កម្ពុជា និងជាដង្ហើមសេដ្ឋកិច្ចដ៏សំខាន់​បំផុតដែលបានជំរុញកំណើនសេដ្ឋកិច្ចឆ្ពោះទៅមុខជានិច្ច។ កំពង់ផែនេះមានទីតាំងនៅក្នុងតំបន់ឆ្នេរ​សមុទ្រខេត្តព្រះសីហនុ បាន​បោះ​មួយ​ជំហានទៀតទៅត​ភ្ជាប់​ទៅ​នឹង​កំពង់​ផែ​នៅ​អាស៊ី​ប៉ាស៊ីហ្វិក​ទាំង​អស់។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

កំពង់ផែ​ស្វយ័ត​ក្រុងព្រះសីហនុ ត្រូវបាន​សាងសង់​លើកដំបូង​នៅ​ឆ្នាំ ១៩៥៦ ហើយ​ចាប់ផ្ដើម​បន្ត​ប្រតិបត្តិការ​អាជីវកម្ម​ជា​ថ្មី​ឡើងវិញ​ក្រោយ​ឆ្នាំ ១៩៧៩ ដោយ​ប្រតិបត្តិការ​នៅពេលនោះ ផ្ដើមចេញ​ពី​ទ្រង់ទ្រាយ​តូច​តាមរយៈ​ការប្រើប្រាស់​កម្លាំង​កម្មក​រ ធនធានមនុស្ស​ផ្ទាល់ សម្ភារ​បរិក្ខារ និង​មធ្យោបាយ​គ្រឿងចក្រ​ធម្មតា ដើម្បី​ធ្វើ​ការលើកដាក់​ទំនិញ​កុងតេន័រ និង​បម្រើឲ្យ​ការដឹកជញ្ជូន​របស់ខ្លួ​ន។ ចាប់តាំងពី​ពេលនោះ​មក ដោយ​មាន​ការសិក្សា និង​ការធ្វើឲ្យ​ប្រសើរឡើង​ជា​បន្តបន្ទាប់ ព្រម​ទាំង​ជំនួយ​បច្ចេកទេស​ពី​បណ្ដា​ភ្នាក់ងារ​អភិវឌ្ឍន៍ និង​ប្រទេស​ជា​បងប្អូន​ជាច្រើន​ផ្សេងទៀត កំពង់ផែ​បាន​រីកចម្រើន និង​បោះជំហាន​ទៅមុខ​ឥតឈប់ឈរ ។​

មកដល់ពេលបច្ចុប្បន្ននេះ កំពង់ផែ មានផ្ទៃដីសរុប ​៧០​ហិកតា ​សម្រាប់​ធ្វើ​តំបន់​សេដ្ឋកិច្ច​ពិសេស ហើយមានសមត្ថភាពទទួល​​នាវាបាន​ចំនួន ៨​ចំណត ដែល​បំពាក់ដោយ​ឧបករណ៍​លើកដាក់​ទំនើប​ទាន់សម័យ​។ ក្នុង​រយៈពេល​៥​ឆ្នាំ​ចុងក្រោយ​នេះ​ បរិមាណ​ទំនិញ​ឆ្លងកាត់ឧបករណ៍​លើកដាក់​មាន​ការកើនឡើង​ជាមធ្យម​១១%ក្នុងមួយឆ្នាំ។ នៅឆ្នាំ២០១៥ កំពង់ផែមានប្រាក់ចំណូលសរុបប្រមាណជា៤៩លានដុល្លារអាមេរិក​ដែលកើនឡើងជិត ១៨ភាគរយធៀបទៅនឹងឆ្នាំ២០១៤គិតជាប្រាក់ចំណេញប្រមាណជា៩លានដុល្លារ។

ជាមួយកំណើនទឹកប្រាក់ចំណេញរាប់សិបលានដុល្លារអាមេរិក ដែលបានពីកំពង់ផែស្វយ័តមួយនេះ ក៏មានឥស្សរជនឆ្នើម និងជាអ្នកដឹកនាំដ៏សំខាន់ម្នាក់ក្នុងការទទួលខុសត្រូវ​អភិវឌ្ឍ​វិស័យកំពង់ផែ ដែលជាដង្ហើមសេដ្ឋកិច្ចដ៏សំខាន់​បំផុតជំរុញកំណើនសេដ្ឋកិច្ចកម្ពុជាឆ្ពោះទៅមុខជានិច្ច។

លោក លូ គឹមឈន់ ប្រតិភូ​រាជរដ្ឋាភិបាល​កម្ពុជា ទទួលបន្ទុក​ជា​ប្រធាន​អគ្គនាយក កំពង់ផែ​ស្វយ័ត​ក្រុងព្រះសីហនុ។ លោកមានស្រុកកំណើតនៅស្រុកស្រីសន្ធរ ខេត្តកំពង់ចាម។ លោក លូ គឹមឈន់ ចាប់​ផ្តើម​ធ្វើជា​អគ្គនាយក​នៅ​ឆ្នាំ​១៩៩៣ មកដល់ពេលបច្ចុប្បន្ន។

ការចូលកាន់តួនាទីនេះ គឺ​ជា​មោទនភាព​របស់លោកណាស់ ខណៈដែល​​សម្តេច​​តេជោ​ហ៊ុន​ សែន នាយករដ្ឋមន្រ្តីបានផ្តល់សេចក្តីទុកចិត្តឲ្យលោកក្នុងការ​អភិវឌ្ឍ​កំពង់​ផែទឹកជ្រៅ។ លោកគឺជាថ្នាក់ដឹកនាំដែលមាន​​ចក្ខុវិស័យ​ច្បាស់​លាស់ រួមនឹង​ថ្នាក់​ដឹក​នាំ​ផ្សេងទៀត ដើម្បីការ​អភិវឌ្ឍ​កំពង់​ផែ​ដែលមាន​សារៈ​សំខាន់សម្រាប់​ភ្ជាប់​និងបម្រើ​ឲ្យ​ការ​អភិវឌ្ឍ​វិស័យ​សេដ្ឋ​កិច្ច​របស់​ប្រទេស​ជាតិ​យើង៕

The post មកស្គាល់ឥស្សរជនម្នាក់នៅពីក្រោយភាពជោគជ័យនៃកំណើនប្រាក់ចំណេញ របស់កំពង់ផែ​ស្វយ័ត​ក្រុងព្រះសីហនុ appeared first on .