ការលើកទឹកចិត្ដរបស់លោក​ វង្សី វិស្សុត ធ្វើឡើងនៅក្នុងអញ្ជើញចុះពិនិត្យរោងចក្រកែច្នៃដំឡូងមី កៅស៊ូ និងគម្រោងវិនិយោគកែច្នៃកសិ-ឧស្សាហកម្មចម្រុះ នៅក្នុងភូមិសាស្រ្តខេត្តកំពង់ធំ កាលពីថ្ងៃទី២៦ ខែតុលា ឆ្នាំ២០២៥។

តាមការបញ្ជាក់ឱ្យដឹង ក្នុងដំណើរចុះបំពេញបេសកកម្មនេះ លោកឧបនាយករដ្ឋមន្រ្តីប្រចាំការ វង្សី វិស្សុត និងប្រតិភូអមដំណើរបានអញ្ជើញ​​ចុះពិនិត្យរោងចក្រចំនួន៤ មានដូចជា៖ ១,រោងចក្រកែច្នៃដំឡូងមី ស្ថិត​នៅឃុំបល្ល័ង្ក ស្រុកបារាយណ៍ ២,គម្រោងវិនិយោគ​របស់ក្រុមហ៊ុន អេ.វី.ស៊ី អ៊ិនវេសម៉ិន ឯ.ក និងទី៣ក្រុមហ៊ុន ស៊ី​.​អ.ស៊ី.ខេ​.២ អភិ​វឌ្ឍន៍​ កៅ​ស៊ូ​ ឯ.ក និងទី៤ ក្រុមហ៊ុន បៀន​ ហៀក​ អ៊ិន​វេស​មេន ឯ.ក ក្នុងភូមិសាស្ត្រ​ស្រុកស្ទោង។

ថ្លែងនៅក្នុងឱកាសចុះពិនិត្យនេះ លោកឧបនាយករដ្ឋមន្រ្តីប្រចាំការ វង្សី វិស្សុត បានលើកឡើងថា ការចុះមកដល់ទីតាំងរោងចក្រកែច្នៃដំឡូងមី និងកៅស៊ូ ព្រមទាំងទីតាំងគម្រោងសាងសង់រោងចក្រកែច្នៃកសិ-ឧស្សាហកម្មចម្រុះនាពលនេះ គឺក្នុងគោលបំណងជួយដោះស្រាយ​បញ្ហាប្រឈមនៅនឹងកន្លែង និងបញ្ហាពាក់ព័ន្ធផ្សេងៗទៀតរបស់អ្នកវិនិយោគ អ្នកផលិត សហគមន៍ និងប្រជាកសិករ ដើម្បីបង្កើនសមត្ថភាពផលិត តម្លៃបន្ថែម និងការប្រកួតប្រជែង ព្រមទាំង​លទ្ធភាពធ្វើឱ្យកាន់តែប្រសើរឡើងនូវការទាក់ទាញវិនិយោគ និងធុរកិច្ច ក្នុងមូលដ្ឋានខេត្តកំពង់ធំ ក៏ដូចជាដើម្បីលើកកម្ពស់ជីវភាពប្រជាជន តាមរយៈការបង្កើតការងារ​ មុខរបរ និងប្រាក់ចំណូលបន្ថែមជូនពួកគាត់ ដែលនឹង​ចូលរួមចំណែកក្នុងការអភិវឌ្ឍសង្គម-សេដ្ឋកិច្ចជាតិ ស្របតាមទិសដៅ និងអនុសាសន៍ណែនាំដ៏ខ្ពង់ខ្ពស់បំផុតរបស់​សម្ដេចមហាបវរធិបតី ហ៊ុន​ ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា។

លោក វង្សី វិស្សុត បានលើកទឹកចិត្ត និងជំរុញឱ្យក្រុមហ៊ុន អេ.វី.ស៊ី អ៊ិនវេសម៉ិន ឯ.ក ឱ្យធ្វើការសិក្សា​ពីការអនុវត្តល្អៗ​ពី​រោងចក្រ ឬក្រុមហ៊ុន​ផ្សេងទៀត ដែលកំពុងដំណើរការបានល្អ ព្រមទាំងធ្វើការសិក្សារៀបចំផែនការ​ឡូជីស្ទិក និងការ​ប្រើប្រាស់ប្រភពថាមពល ដើម្បីកាត់បន្ថយថ្លៃដើមផលិតកម្ម។

ទន្ទឹមនេះ លោកក៏បានលើកទឹកចិត្តដល់ក្រុមហ៊ុនឱ្យគិតគូរអំពីផងដែរ អំពីការប្រមូលទិញកសិផលពីសហគមន៍ និងប្រជាកសិករ តាមរយៈការធ្វើកសិកម្មតាមកិច្ចសន្យា (Contract Farming) ដោយរួមទាំងលទ្ធភាពនៃការផ្ដល់ទុនបង្វិល ពូជ និងបច្ចេកវិទ្យា ក្នុងការដាំដុះ ដើម្បីបង្កើនខ្សែចង្វាក់ផ្គត់ផ្គង់ក្នុងស្រុក និងផលិតកម្មក្នុងស្រុក ក៏ដូចជាដើម្បីបង្កើនសមត្ថភាពនាំចេញផងដែរ។

គួរបញ្ជាក់ដែរថា​ ខេត្តកំពង់ធំ គឺជាខេត្តមួយដែលមានសក្តានុពលខ្ពស់ ក្នុងវិស័យកសិកម្ម និងកសិ-ឧស្សាហកម្ម។ ជាក់ស្តែង បច្ចុប្បន្នខេត្តកំពង់ធំ មានផ្ទៃដីដំណាំដំឡូងមីប្រមាណជាង ៥៤ ០០០ ហិកតា ដោយទទួលបានទិន្នផល​ប្រមាណ ១,២លានតោន ក្នុង១ឆ្នាំ និងមានផ្ទៃដីដំណាំកៅស៊ូប្រមាណ ៧៣ ០០០ ហិកតាផងដែរ៕

The post លោក វង្សី វិស្សុត លើកទឹកចិត្ដក្រុមហ៊ុនមួយនៅខេត្ដកំពង់ធំប្រមូលទិញកសិផលពីសហគមន៍ និងប្រជាកសិករ តាមរយៈការធ្វើកសិកម្មតាមកិច្ចសន្យា appeared first on .

អនុសាសន៍ទាំង១០ចំណុច, លោក វង្សី វិស្សុត មានប្រសាសន៍លើកឡើងថា៖ ទី១-ក្រសួងស្ថាប័នត្រូវរៀបចំផែនការអភិវឌ្ឍន៍តាមវិស័យ ផែនការយុទ្ធសាស្ត្រថវិកា និងផែនការសកម្មភាពរបស់ខ្លួន ឱ្យមានភាពផ្សារភ្ជាប់ជាមួយរបៀបវារៈគោលនយោបាយអាទិភាពដែលមានចែងក្នុងយុទ្ធសាស្ត្របញ្ចកោណ ដំណាក់កាលទី១ និងផែនការយុទ្ធសាស្ត្រអភិវឌ្ឍន៍ជាតិរបស់រាជរដ្ឋាភិបាលនីតិកាលទី៧ នៃរដ្ឋសភា។

ទី២-គ្រប់ក្រសួងស្ថាប័នពាក់ព័ន្ធត្រូវសហការរៀបចំផែនការយុទ្ធសាស្ត្រអភិវឌ្ឍន៍តាមវិស័យ ដើម្បីធានាសង្គតិភាព ឤទិភាព ដោយផ្សារភ្ជាប់ជាមួយ ផែនការយុទ្ធសាស្ត្រអភិវឌ្ឍន៍ជាតិ របស់រាជរដ្ឋាភិបាល នីតិកាលទី៧នៃរដ្ឋសភាព្រមទាំងរៀបចំកម្មវិធីវិនិយោគសាធារណៈ ឱ្យបានទាន់ពេលវេលា ដើម្បីដាក់បញ្ចូលក្នុងកម្មវិធីវិនិយោគសាធារណៈ ៣ឆ្នាំរំកិល។

ទី៣-គ្រប់រាជធានី-ខេត្ត ត្រូវរៀបចំផែនការអភិវឌ្ឍន៍រាជធានី-ខេត្ត និងត្រូវគិតគូររៀបចំកម្មវិធីវិនិយោគ ៣ឆ្នាំរំកិល ដែលបានកំណត់ដោយច្បាប់ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ។ ទី៤- គ្រប់ក្រសួងស្ថាប័នពាក់ព័ន្ធត្រូវបន្តបង្កើនការសម្របសម្រួលគោលនយោបាយជាតិ ជាមួយនឹងសហគមន៍ដៃគូអភិវឌ្ឍន៍ អ្នកផ្តល់ហិរញ្ញប្បទាន ដើម្បីជំរុញការអនុវត្តផែនការយុទ្ធសាស្រ្តអភិវឌ្ឍន៍ជាតិ រួមទាំងកម្មវិធីកែទម្រង់លើគ្រប់វិស័យ ប្រកបដោយប្រសិទ្ធភាព តម្លាភាព និងគណនេយ្យភាព។

ទី៥- សូមដៃគូអភិវឌ្ឍន៍ទាំងអស់ ទាំងពហុភាគីនិងទ្វេភាគីបន្តធានាថាក្របខ័ណ្ឌនៃជំនួយសម្រាប់ការអភិវឌ្ឍ បានតម្រឹមនិងតម្រង់ទិសដៅឱ្យស្របជាមួយនឹងឤទិភាពទាំងឡាយ នៃផែនការយុទ្ធសាស្ត្រអភិវឌ្ឍន៍ជាតិរបស់រាជរដ្ឋាភិបាល ហើយហិរញ្ញប្បទានអភិវឌ្ឍន៍ត្រូវបានតម្រឹមជាមួយនឹងកម្មវិធីវិនិយោគសាធារណៈ។ ទី៦- ក្រសួងស្ថាប័នទាំងអស់ ដែលទទួលហិរញ្ញប្បទានសម្រាប់អនុវត្តកម្មវិធីគម្រោង និងសកម្មភាពនានា ត្រូវតាមដាន ត្រួតពិនិត្យ និងវាយតម្លៃឱ្យបានជាប្រចាំ ហើយត្រូវផ្ញើរបាយការណ៍លទ្ធផលនៃការតាមដាន ត្រួតពិនិត្យ និងវាយតម្លៃ មកក្រសួងផែនការទៅតាមពេលកំណត់។

ទី៧-ក្រសួង ស្ថាប័នទាំងអស់ត្រូវពង្រឹងការប្រមូល ចងក្រង និងធ្វើបច្ចុប្បន្នភាពទិន្នន័យរបស់ខ្លួនជាប្រចាំ ប្រកបដោយសង្គតិភាព ដើម្បីគាំទ្រដល់ការតាមដាន ត្រួតពិនិត្យ និងវាយតម្លៃការអនុវត្ត ឱ្យបានពេញលេញ និងតាមក្របខ័ណ្ឌពេលវេលាដែលបានកំណត់។ ទី៨-ក្រសួង ស្ថាប័នត្រូវផ្ដល់អាទិភាពខ្ពស់ដល់ការងាររៀបចំផែនការ គោលនយោបាយ និងស្ថិតិ តាមរយៈការលើកកម្ពស់អង្គភាពនិងមន្ត្រីអនុវត្តការងារនេះ ដោយបន្ថែមអត្ថប្រយោជន៍និងការលើកទឹកចិត្ត តាមលទ្ធភាពក្នុងន័យធានានិរន្តរភាពការងារ។

ទី៩-ដាក់ចេញនូវវិធានការចាំបាច់នានា ដើម្បីឆ្លើយតបទៅនឹងបញ្ហាប្រឈមធំៗ ក្នុងការរៀបចំនិងអនុវត្តផែនការយុទ្ធសាស្ត្រអភិវឌ្ឍន៍ជាតិនិងទី១០-ក្រសួង ស្ថាប័នទាំងអស់ត្រូវបន្តអនុវត្តការងារប្រកបដោយស្មារតីបុរេសកម្ម សកម្ម និងអន្តរសកម្មបំផុត ដោយឈរលើអភិក្រម “ជវភាពនៃប្រព័ន្ធតួអង្គតែមួយ”។

លោកបានគូសបញ្ជាក់ថា ផែនការយុទ្ធសាស្ត្រអភិវឌ្ឍន៍ជាតិរបស់រាជរដ្ឋាភិបាល នីតិកាលទី៧ នៃរដ្ឋសភា គឺជាឧបករណ៍គោលនយោបាយជាតិគោលតែមួយសម្រាប់ការអនុវត្តយុទ្ធសាស្ត្របញ្ចកោណ ដំណាក់កាលទី១ និងផ្តល់ការតម្រង់ទិសដល់ការរៀបចំនិងការអនុវត្តផែនការអភិវឌ្ឍន៍តាមវិស័យ សំដៅជំរុញកំណើនសេដ្ឋកិច្ច, បន្តបង្កើតការងារ, វិភាជផ្លែផ្កានៃការអភិវឌ្ឍសេដ្ឋកិច្ច ប្រកបដោយសមធម៌, ធានានូវប្រសិទ្ធភាពនៃស្ថាប័នសាធារណៈ និងរក្សាចីរភាពនៃការអភិវឌ្ឍសេដ្ឋកិច្ច-សង្គម និងជាការកសាងមូលដ្ឋានគ្រឹះ និងភាពធន់នៃការអភិវឌ្ឍឱ្យកាន់តែរឹងមាំ សម្រាប់ការបន្តដំណើរឈានទៅសម្រេចបាននូវចក្ខុវិស័យកម្ពុជា ឆ្នាំ២០៥០៕

The post លោក វង្សី វិស្សុត ផ្តល់អនុសាសន៍១០ ដើម្បីឱ្យផែនការយុទ្ធសាស្ត្រអភិវឌ្ឍន៍ជាតិរបស់រាជរដ្ឋាភិបាលសម្រេចបានជោគជ័យ appeared first on .

លោក វង្សី វិស្សុត បានបង្ហាញជំនឿយ៉ាងមុតមាំថា ចំណងមិត្តភាពដែកថែបរវាងកម្ពុជា-ចិន ដែលបានឆ្លងកាត់ការសាកល្បងជាបន្តបន្ទាប់ នឹងកាន់តែរឹងមាំជាលំដាប់ ហើយនឹងបន្តសម្រេចបានសមិទ្ធផលជាផ្លែផ្កាឥតឈប់ឈរ ដូចសុភាសិតចិនមួយពោលថា «មិត្តភាព គឺដូចជាស្រាកាន់តែចាស់កាន់តែយូរ កាន់តែល្អ»។ ផ្អែកលើប្រវត្តិនៃចំណងទាក់ទងរវាងកម្ពុជា-ចិនរាប់ពាន់ឆ្នាំរហូតមកទល់នឹងសព្វថ្ងៃនេះ បានបង្ហាញថា ចិនជាមិត្តល្អដែលកម្ពុជាអាចពឹងពាក់បាន ហើយមិត្តភាពដ៏រឹងមាំនេះមិនអាចបំបែកបានឡើយ។

លោកឧបនាយករដ្ឋមន្រ្តីប្រចាំការ បានគូសបញ្ជាក់ថា “ទំនាក់ទំនងដ៏រឹងមាំរវាងកម្ពុជា-ចិន ត្រូវបានកសាង និងវិវត្តរីកចម្រើនឈានឡើង ដោយសារកត្តា៖ ទី១)-បានចាក់ឬសយ៉ាងជ្រៅក្នុងប្រវត្តិសាស្រ្តដ៏យូរលង់នៃប្រទេសទំាងពីរ, ទី២)-ត្រូវបានគាំទ្រដោយមូលដ្ឋានគ្រឹះខាងនយោបាយដ៏រឹងមាំពីសំណាក់ថ្នាក់ដឹកនាំនៃប្រទេសទាំងពីរ ពិសេសការបុកគ្រឹះ និងពូនជ្រំក្រោមស្នាព្រះហស្តរបស់ ព្រះករុណាព្រះបាទ សម្តេចព្រះនរោត្តម សីហនុ ព្រះបរមរតនកោដ្ឋ និងថ្នាក់ដឹកនាំជំនាន់មុននៃប្រទេសចិន គឺ លោកប្រធាន ម៉ៅ សេទុង និង លោក ជូ អេនឡាយ ហើយត្រូវបានបន្តពូនជ្រំ, ថែបំប៉ន និងបានបន្ដរីកលូតលាស់យ៉ាងរឹងមាំ ដោយ សម្តេចអគ្គមហាសេនាបតីតេជោ ហ៊ុន សែន និង លោកប្រធានាធិបតី ស៊ី ជីនពីង ហើយបច្ចុប្បន្នកំពុងត្រូវបានបន្តពង្រឹងដោយ សម្តេចមហាបវរធិបតី ហ៊ុន ម៉ាណែត, ទី៣)-ត្រូវបានជំរុញដោយកម្លាំងដ៏ខ្លាំងក្លាពីខាងក្នុង ដែលជានិស្ស័យជាធម្មជាតិ និងប្រវត្តិសាស្ត្រ, និងទី៤)-ទទួលបាននូវការអបអរសាទរ និងគាំទ្រពីប្រជាជននៃប្រទេសទាំងពីរ”។

លោក វង្សី វិស្សុត មានប្រសាសន៍លើកឡើងថា រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំដ៏ឈ្លាសវៃនិងស្វាហាប់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បន្តចាត់ទុកវិស័យទេសចរណ៍ជាវិស័យអាទិភាពមួយដែលចូលរួមជំរុញការអភិវឌ្ឍសេដ្ឋកិច្ច និងសង្គម។ ក្នុងន័យនេះ តាមរយៈការសហការរៀបចំព្រឹត្តិការណ៍នានា ក្នុងក្របខ័ណ្ឌនៃ “ឆ្នាំទេសចរណ៍ កម្ពុជា-ចិន ២០២៥” នេះ យើងនឹងជំរុញការផ្សព្វផ្សាយកាន់តែទូលំទូលាយអំពីសិល្បៈ វប្បធម៌ ប្រពៃណីដ៏ផូរផង់ និងសក្តានុពលទេសចរណ៍នៃប្រទេសទាំងពីរ ក៏ដូចជាការផ្លាស់ប្តូរនូវអរិយធម៌អង្គរដ៏រុងរឿងរបស់កម្ពុជា និងអរិយធម៌ចិនដ៏សម្បូរបែបនិងល្បីល្បាញ ពិសេសខេត្តជាំងស៊ូ ដែលជាទីកន្លែងកំណើតនៃអរិយធម៌ចិនសម័យបុរាណ៕SL

The post លោក វង្សី វិស្សុត៖ ទំនាក់ទំនងដ៏រឹងមាំរវាងកម្ពុជា-ចិន មានការវិវត្តរីកចម្រើនឈានឡើងដោយសារកត្តាធំៗចំនួន៤ appeared first on .

លោក ប៉ែន ធីរុង្គ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ បានឱ្យដឹងថា គម្រោងលើកកម្ពស់ជីវភាពប្រជាជនខេត្តកំពង់ធំ គឺជាគំនិតផ្តួចផ្តើម និងជាផ្នែកមួយ នៃយុទ្ធសាស្រ្តរបស់ក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ ដែលបានដាក់ចេញដោយឯកឧត្តម វង្សី វិស្សុត ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ សំដៅដោះស្រាយបញ្ហាសេដ្ឋកិច្ចរបស់ប្រជាជន។

គម្រោងនេះមានគោលបំណងបង្កើនប្រាក់ចំណូលប្រជាជនក្នុងមូលដ្ឋាន និងកាត់បន្ថយចំណាកស្រុក តាមរយៈការជំរុញការធ្វើពិពិធកម្ម និងការពង្រីកមុខរបរផលិតកម្មកសិកម្ម ដែលនឹងជំរុញដល់សកម្មភាពសេដ្ឋកិច្ចនៅតាមមូលដ្ឋាន សំដៅរួមចំណែកក្នុងការកាត់បន្ថយភាពក្រីក្ររបស់ប្រជាជន និងលើកកម្ពស់កម្រិតជីវភាពប្រជាជន។

គម្រោងនេះផ្តោតតែលើផលិតកម្មកសិកម្មខ្នាតតូច ដែលអាចហុចផលរហ័ស ត្រូវការទុនតិច និងមានតម្រូវការបច្ចេកទេសកសិកម្មមិនស្មុគស្មាញ បន្ថែមលើផលិតកម្មកសិកម្មគោល ដូចជា ការដាំបន្លែ, ការចិញ្ចឹមសត្វ, ការផលិតជីសរីរាង្គ, និងថ្នាំសម្លាប់សត្វល្អិតតាមបែបធម្មជាតិ តាមរយៈការចូលរួមផ្តល់ទុនបដិភាគ (ចូលរួមជាភាគហ៊ុនក្នុងមុខរបរសហគមន៍កសិកម្ម) និងចូលរួមសម្របសម្រួល និងផ្តល់វគ្គបណ្តុះបណ្តាលបច្ចេកទេសកសិកម្ម និងការជំរុញកសាងខ្សែច្រវាក់តម្លៃកសិកម្មនៅតាមបណ្ដាមូលដ្ឋាន/សហគមន៍។

ឯកឧត្តម វង្សី វិស្សុត បានបញ្ជាក់ថា ការដាក់ឱ្យដំណើរការគម្រោងលើកកម្ពស់ជីវភាពប្រជាជនខេត្តកំពង់ធំនាពេលនេះ គឺ «ធ្វើពិត ពុំមែនសំដែងល្ខោនទេ» ។ ឯកឧត្តមបានសំណូមពរឱ្យបងប្អូនប្រជាពលរដ្ឋសហគមន៍ត្រូវចូលរួមការបណ្តុះបណ្តាលបច្ចេកទេស ឧស្សាហ៍ព្យាយាម និងត្រូវមានសាមគ្គីភាពល្អ ដើម្បីអនុវត្តគម្រោងនេះឱ្យបានជោគជ័យ។

ឯកឧត្តម ក៏បានណែនាំឱ្យក្រុមការងារលើកកម្ពស់ជីវភាពប្រជាជនខេត្តកំពង់ធំ និងក្រុមការងារវិស័យពាក់ព័ន្ធ ត្រូវរួមគ្នាដោះស្រាយបញ្ហាប្រឈមដែលសហគមន៍បានលើកឡើង ជាអាទិ៍ ដូចជា តម្រូវការបច្ចេកទេស, ការដោះស្រាយបញ្ហាទីផ្សារ, ការគ្រប់គ្រងប្រើប្រាស់និងចាត់ចែងហិរញ្ញវត្ថុ, ការត្រួតពិនិត្យតាមដានការអនុវត្តគម្រោងជាប្រចាំ និងត្រូវរៀបចំបង្កើត និងបង្កើនក្រុមផលិតឱ្យបានច្រើន ដើម្បីធានាភាពជាម្ចាស់របស់សហគមន៍ដែលអាចរស់បានដោយខ្លួនឯងនាពេលអនាគត ហើយនាពេលបន្ទាប់នឹងរៀបចំឱ្យមានការប្រឡងប្រណាំងសហគមន៍ដែលអនុវត្តគម្រោងបានជោគជ័យក្នុងខេត្តកំពង់ធំទៀតផង។

សូមជម្រាបជូនថា គម្រោងលើកកម្ពស់ជីវភាពប្រជាជនខេត្តកំពង់ធំ នឹងត្រូវអនុវត្តក្នុងរយៈពេល ៤ឆ្នាំ (២០២៥-២០២៨) ដោយផ្តល់ជាទុនបដិភាគដល់សហគមន៍កសិកម្មចំនួន ៧៥ (ដែលបានចុះបញ្ជី និងកំពុងមានសកម្មភាពផលិតកម្មកសិកម្ម ឬតាមស្ថានភាពជាក់ស្តែង នៅក្នុងបណ្តាស្រុក/ក្រុងទាំង ៩ នៃខេត្តកំពង់ធំ) និងសម្រាប់ចំណាយគាំទ្រប្រតិបត្តិការ និងការបណ្តុះបណ្តាលបច្ចេកទេសកសិកម្ម និងមានទឹកប្រាក់សរុបប្រមាណជាង ៤០ ម៉ឺនដុល្លារអាមេរិក ដែលគាំទ្រដោយថវិកាផ្ទាល់របស់ឯកឧត្តម វង្សី វិស្សុត និងក្រុមការងារ ព្រមទាំងសប្បុរសជន៕

The post គម្រោងលើកកម្ពស់ជីវភាពប្រជាជនខេត្តកំពង់ធំ តម្លៃជាង ៤០ ម៉ឺនដុល្លារ នឹងបង្កើនប្រាក់ចំណូលប្រជាជនក្នុងមូលដ្ឋាន និងកាត់បន្ថយចំណាកស្រុក appeared first on .

មន្រ្តីជាន់ខ្ពស់កម្ពុជារូបនេះ ថ្លែងបែបនេះ នៅក្នុងឱកាសអញ្ជើញជាអធិបតីក្នុងពិធីទទួលស្វាគមន៍ និងជំនួបផ្គូផ្គងធុរកិច្ចគណៈប្រតិភូវិនិយោគជប៉ុននៅកម្ពុជា កាលថ្ងៃទី៤ ខែមីនា ឆ្នាំ២០២៥។

នាឱកាសនោះ លោក វង្សី វិស្សុត បានលើកឡើងថា ប្រទេសជប៉ុនក្លាយជាដៃគូពាណិជ្ជកម្មដ៏សំខាន់សម្រាប់កម្ពុជា និងមានការបន្តកើនឡើងនៃទំហំពាណិជ្ជកម្មទ្វេភាគី និងចំនួនវិនិយោគិនជប៉ុននៅកម្ពុជា។

ជាមួយគ្នា លោកបានបញ្ជាក់ថា ក្នុងបរិបទនេះ រាជរដ្ឋាភិបាលកម្ពុជាក្រោមការដឹកនាំរបស់សម្តេចធិបតី មានការប្តេជ្ញាខ្ពស់ក្នុងការខិតខំប្រឹងប្រែងគាំទ្រដល់ការវិនិយោគ និងការជំរុញកំណើនសេដ្ឋកិច្ចជាតិ ដើម្បីសម្រេចបានកំណើនសេដ្ឋកិច្ចជាមធ្យមយ៉ាងតិច ៦% ក្នុងមួយឆ្នាំ ក្នុងរយៈពេលវែងទៅមុខ ដោយបានដាក់ចេញនូវវិធានការកែទម្រង់បញ្ហារចនាសម្ព័ន្ធ ក្នុងវិស័យភស្តុភារកម្ម អគ្គិសនី ជំនាញវិជ្ជាជីវៈជាដើម ដើម្បីកាត់បន្ថយបន្ទុកចំណាយរបស់វិនិយោគិន លើកកម្ពស់ប្រសិទ្ធភាពការងារ ភាពប្រកួតប្រជែង និងបង្កើតបរិយាសកាសអំណោយផលដល់ការធ្វើធុរកិច្ច និងការវិនិយោគ។

សូមជម្រាបដែរថា បើតាមមន្រ្តីជាន់ខ្ពស់ខាងលើ បានបញ្ជាក់ថា សម្រាប់ឆ្នាំ២០២៥ កម្ពុជា រំពឹងថា នឹងបន្ដរក្សាកំណើនសេដ្ឋកិច្ចប្រមាណ៦,៣% ទោះបីជាស្ថានភាពសេដ្ឋកិច្ចសកល និងតំបន់ទទួលរងនូវភាពមិនប្រាកដប្រជាខ្ពស់ និងភាពស្មុគស្មាញកាន់តែច្រើនឡើងៗ ក្នុងទិដ្ឋភាពភូមិសាស្ត្រនយោបាយ ពាណិជ្ជកម្ម និងស្ថានភាពហិរញ្ញវត្ថុ។ យ៉ាងណាមិញ លោក វង្សី វិស្សុត ក៏បានលើកទឹកចិត្តឱ្យវិនិយោគិនអន្តរជាតិ ជ្រើសរើសយកកម្ពុជា ជាគោលដៅវិនិយោគរបស់ខ្លួនផងដែរ៕ អត្ថបទ៖ ហ្សាលីន

The post មន្រ្តីជាន់ខ្ពស់៖ រដ្ឋាភិបាល ប្តេជ្ញាខិតខំប្រឹងប្រែងគាំទ្រដល់វិនិយោគិន ដើម្បីជំរុញកំណើនសេដ្ឋកិច្ចជាតិ appeared first on .

ឯកឧត្តមឧបនាយករដ្ឋមន្ដ្រី បានបន្តថា នៅទសវត្សរ៍ចុងក្រោយនេះ កត់សម្គាល់ឃើញថា ពិពិធកម្មសេដ្ឋកិច្ចកាន់តែមានវឌ្ឍនភាពល្អប្រសើរ ដោយក្នុងនោះយើងបានសង្កេតឃើញថាកម្ពុជាមានដៃគូពាណិជ្ជកម្មកាន់តែច្រើនជាងមុន ហើយក៏មានការកើនឡើងនៃការវិនិយោគក្នុងវិស័យដែលមានសក្តានុពល និងមានតម្លៃបន្ថែមខ្ពស់ក្រៅពីវិស័យកាត់ដេរ ដូចជាក្នុងផលិតកម្មគ្រឿងបង្គុំអេឡិចត្រូនិក និងដំឡើងរថយន្តជាដើម ដែលនាំឱ្យវិស័យកម្មន្តសាលទាំង កាត់ដេរ និងមិនមែនកាត់ដេរ ក្លាយជាវិស័យរួមចំណែកច្រើនជាងគេដល់កំណើនសេដ្ឋកិច្ច។

ឯកឧត្តម បានបន្តថា «នៅក្នុងដំណើរអភិវឌ្ឍក្នុងរយៈពេលមធ្យម និងពេលវែងទៅមុខ, កម្ពុជាត្រូវតែពង្រឹង និងពន្លឿនការអភិវឌ្ឍវិស័យឧស្សាហកម្មរបស់ខ្លួននិងត្រូវធ្វើបរិវត្តកម្ម និងពិពិធកម្មរចនាសម្ព័ន្ធ និងមូលដ្ឋានសេដ្ឋកិច្ចដែលបានទ្រទ្រង់កំណើនជាង២ទសវត្សរ៍កន្លងមកនេះឱ្យស្របតាមការវិវត្តនៃស្ថានភាពសង្គម-សេដ្ឋកិច្ចបច្ចុប្បន្នអាចបន្តទ្រទ្រង់កំណើនខ្ពស់ក្នុងរយៈពេលយូរនិងកាន់តែមានភាពធន់»៕

The post ឧបនាយករដ្ឋមន្ត្រី វង្សី វិស្សុត ៖ ការនាំចេញនៅឆ្នាំ២០២៤ សម្រេចបានកំណើន ១៥,៧% appeared first on .

ថ្លែងក្នុងកម្មវិធីបើក សន្និសីទអន្តរជាតិស្ដីពីប្រវត្តិសាស្ត្រកម្ពុជាក្នុងសម័យអាណានិគមបារាំង កាលព្រឹកថ្ងៃទី០៧ ខែវិច្ឆិកា ឆ្នាំ២០២៤ ឧបនាយករដ្ឋមន្ត្រីប្រចាំការ វង្សី វិស្សុត រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានលើកឡើងថា កម្ពុជាឆ្លងកាត់នូវប្រវត្តិសាស្ត្រសង្គ្រាមជូរចត់និងជម្លោះផ្ទៃក្នុងអស់រយៈកាលជាង ៥០០ ឆ្នាំ ហើយកម្ពុជាទើបទទួលបានសន្តិភាពពេញលេញនៅឆ្នាំ ១៩៩៨។

លោកបន្តថា ឯកសារប្រវត្តិសាស្ត្រជាច្រើនត្រូវបានបំផ្លាញបាត់បង់ដោយសារសង្គ្រាមនិងជម្លោះផ្ទៃក្នុងរ៉ាំរ៉ៃហើយជាច្រើនសតវត្សមកការស្រាវជ្រាវ និងសរសេរប្រវត្តិសាស្ត្រកម្ពុជា នៅមានកម្រិតដែលធ្វើឱ្យខ្មែរសឹងតែបាត់នៅព្រលឹងជាតិ និងអាចធ្វើមានការភាន់ច្រឡំនៃប្រវត្តិសាស្ត្រជាដើម។

ហេតុនេះ លោកថា រាជរដ្ឋាភិបាលនីតិកាលទី ៧ ក្រោមការដឹកនាំប្រកបដោយចក្ខុវិស័យវែងឆ្ងាយរបស់សម្ដេចធិបតីហ៊ុន ម៉ាណែត ក៏ដូចជារាជរដ្ឋាភិបាលមុនៗ តែងបានយកចិត្តទុកដាក់លើកទឹកចិត្តនិងណែនាំឱ្យមានការស្រាវជ្រាវនិងចងក្រងប្រវត្តិសាស្រ្តជាតិឱ្យបានស៊ីជម្រៅនិងគ្រប់ជ្រុងជ្រោយ ដើម្បីទុកឱ្យកូនខ្មែរជំនាន់ក្រោយបានសិក្សាស្រាវជ្រាវស្វែងយល់ឱ្យបានទូលំទូលាយអំពីប្រវត្តិសាស្ត្ររបស់ខ្លួន។

បន្ថែមពីនេះ លោកក៏បានវាយតម្លៃខ្ពស់ជូនចំពោះរាជបណ្ឌិតសភាកម្ពុជាដែលបានបង្កើតក្រុមការងារប្រវត្តិសាស្ត្រកម្ពុជា ដោយមានសមាសភាពចម្រុះមកពីស្ថាប័នជំនាញដែលពាក់ព័ន្ធជាច្រើន សំដៅបង្កើតឯកសារប្រវត្តិសាស្ត្រមួយដែលមាន ៥ សម័យកាលគឺ៖ សម័យបុរេប្រវត្តិ សម័យមុនអង្គរសម័យអង្គរ សម័យក្រោយអង្គរ និងសម័យទំនើបទំនើប ដែលនឹងលិចរូបរាងឡើងពីស្នាដៃនិងអ្នកស្រាវជ្រាវរបស់ខ្មែរយើងពិតប្រាកដ។

គូបញ្ជាក់ផងដែរថា សន្និសីទអន្តរជាតិស្ដីពីប្រវត្តិសាស្ត្រកម្ពុជាក្នុងសម័យអាណានិគមបារាំង បានធ្វើឡើងរយៈពេល ២ ចាប់ពីថ្ងៃទី ៧- ៨ ខែវិច្ឆិកាឆ្នាំ ២០២៤ ដែលមានការចូលរួមវាគ្មិនល្បីៗជាតិនិងអន្តរជាតិ ពីប្រទេសចំនួន ៥រួមមាន៖ អាមេរិក រុស្ស៊ី អូស្ត្រាលី បារាំង និង ឡាវ ដោយបានលើកយកប្រធានបទមកជជែកវែកញែកស៊ីជម្រៅជុំវិញបញ្ហាកម្ពុជានាសម័យបារាំងដែលរៀបចំដោយរាជបណ្ឌិតសភាកម្ពុជា។

យ៉ាងណាមិញ តាមរយៈសន្និសីទអន្តរជាតិនេះ ស្ថាប័នពាក់ព័ន្ធ ជឿជាក់ថាសន្និសីទនេះ នឹងក្លាយជាសក្ខីភាពមួយចំពោះការប្ដេជ្ញាចិត្តដល់ភ្ជាប់ខ្ជួនរបស់យើងចំពោះប្រវត្តិសាស្រ្តការរៀនសូត្រនិងការរីកចម្រើនជានិរន្ត ព្រមទាំងជាកញ្ចក់ឆ្លុះបញ្ចាំងឱ្យឃើញនៅកាឡានុវត្តភាពបញ្ហាប្រឈម និងទស្សនវិស័យសម្រាប់ជាគំនិតសម្រាប់ជាប្រយោជន៍ជាតិយើងទាំងមូល៕

The post ស្ថាប័នពាក់ព័ន្ធ រៀបចំសន្និសីទអន្តរជាតិស្ដីពីប្រវត្តិសាស្ត្រកម្ពុជាក្នុងសម័យអាណានិគមបារាំង appeared first on .

ក្រោយពីពិគ្រោះយោបល់ពេញមួយថ្ងៃនៅក្នុងសិក្ខាសាលាខាងលើ ថ្នាក់ដឹកនាំនៃក្រសួងស្ថាប័នពាក់ព័ន្ធនានា បានឯកភាពជារួម និងវាយតម្លៃខ្ពស់ លើខ្លឹមសារនៃសេចក្ដីព្រាងឯកសារក្របខ័ណ្ឌនេះ ដែលបានកំណត់អំពីចំនុចសំខាន់ចំនួន៦ រួមមាន៖

 ១. គោលបំណង វិសាលភាព អភិក្រមនៃការរៀបចំ និងសូចនាករសមិទ្ធកម្មគន្លឹះ ២. ក្របខ័ណ្ឌស្ថាប័ន ដែលកំណត់អំពីតួនាទីនិងភារកិច្ចរបស់តួអង្គសំខាន់ៗក្នុងការតាមដាន ត្រួតពិនិត្យ និងវាយតម្លៃ  ការតាមដាន និងត្រួតពិនិត្យ ដែលបង្ហាញពីនិយមន័យនិងវិសាលភាព វិធីសាស្រ្ដ ដំណើរការនៃការ៣.តាមដាន និងត្រួតពិនិត្យ ៤. ការវាយតម្លៃ ដែលកំណត់អំពីនិយមន័យ និងវិសាលភាព ប្រភេទ និងវីធីសាស្រ្ដនិងឧបករណ៍ប្រមូលទិន្នន័យនៃការវាយតម្លៃ ៥. ការរាយការណ៍ និងការប្រើប្រាស់លទ្ធផល ដែលបង្ហាញអំពីរបាយការណ៍ ប្រព័ន្ធរាយការណ៍ការតាមដាន ត្រួតពិនិត្យ និងវាយតម្លៃ លទ្ធផលសំខាន់ៗ និង៦. ទិសដៅអាទិភាព រួមមានការរៀបចំលិខិតបទដ្ឋានគតិយុត្ដ ការកសាងស្ថាប័ននិងសមត្ថភាព ការរៀបចំប្រព័ន្ធព័ត៌មានវិទ្យានៃការតាមដាន ត្រួតពិនិត្យ និងវាយតម្លៃជាតិ។

ទន្ទឹមនេះ ដោយឆ្លងកាត់ការពិភាក្សាយ៉ាងផុសផុល, គ.យ.ប. បានទទួលមតិយោបល់និងធាតុចូលយ៉ាងច្រើន ពីថា្នក់ដឹកនាំក្រសួង ស្ថាប័ន និងដៃគូអភិវឌ្ឍន៍ សម្រាប់កែលម្អ និងធ្វើឱ្យប្រសើរឡើងនូវសេចក្តីព្រាងក្របខ័ណ្ឌនេះ ឱ្យកាន់តែមានគុណភាព និងប្រសិទ្ធភាពនៃការអនុវត្ដ មុននឹងដាក់ឆ្លងគណៈរដ្ឋមន្ត្រីនៅពេលខាងមុខ។

គួរបញ្ជាក់ដែរថា នាឱកាសនោះដែរ លោក វង្សី វិស្សុត ឧបនាយករដ្ឋមន្ត្រីប្រចាំការបានក្រើនរំលឹកនិងដាស់ស្មារតីក្រសួង ស្ថាប័ន ឱ្យបង្កើនការយកចិត្តទុកដាក់បន្ថែម លើកិច្ចការ ការតាមដាន ត្រួតពិនិត្យ និងវាយតម្លៃ ដែលជាការយកចិត្តទុកដាក់ខ្ពស់របស់រាជរដ្ឋាភិបាល ដូចបានគូសរំលេចក្នុងសុន្ទរកថារបស់ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា ក្នុងកិច្ចប្រជុំពេញអង្គគណៈរដ្ឋមន្រ្តីលើកដំបូង សម្រាប់នីតិកាលទី៧ នៃរដ្ឋសភា កាលពីថ្ងៃទី២៤ ខែសីហា ឆ្នាំ២០២៣ផងដែរ៕

The post ក្រសួងពាក់ព័ន្ធឯកភាពលើខ្លឹមសារសេចក្ដីព្រាងឯកសារក្របខ័ណ្ឌយុទ្ធសាស្រ្តបញ្ចកោណ ដំណាក់កាលទី១ appeared first on .

នៅក្នុងជំនួបជាមួយលោក វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី កាលពីពេលថ្មីៗនេះ លោក SASAKI KOJI ប្រធានក្រុមហ៊ុន MIRARTH Agri Tech បានលើកឡើងថា ក្រុមហ៊ុន MIRARTH Holding នៅប្រទេសជប៉ុនមានការវិនិយោគចម្បងនៅក្នុងវិស័យអចលនទ្រព្យ ហើយក៏មានការវិនិយោគផងដែរនៅក្នុងវិស័យថាមពល ដូចជាថាមពល ពន្លឺព្រះអាទិត្យ ហើយថ្មីៗនេះក៏បានចាប់ផ្តើមការវិនិយោគលើជីវៈឥន្ធនៈផងដែរ។

លោកបានបន្តថា កត្តាដែលជំរុញឱ្យក្រុមហ៊ុនជ្រើសរើសកម្ពុជាក្នុងការបោះទុនវិនិយោគ គឺដោយសារកម្ពុជាជាប្រទេសមួយដែលមានសក្តានុពលខ្ពស់ពាក់ព័ន្ធនឹងការដាំដុះនិងផលិតកម្មគ្រាប់ស្វាយចន្ទី ហើយ បច្ចុប្បន្នការកែច្នៃគ្រាប់ស្វាយចន្ទីនៅកម្ពុជានៅមានចំនួនតិចតួច ដែលជាឱកាសមួយសម្រាប់ក្រុមហ៊ុនរបស់លោក។

ជាមួយគ្នានោះ លោកបានគូសបញ្ជាក់ថា បច្ចុប្បន្ន រោងចក្ររបស់ក្រុមហ៊ុន MIRARTH Agri Tech ដែលទើបសម្ពោធដាក់ឱ្យដំណើរការនៅក្នុងខេត្តកំពង់ធំ មានសមត្ថភាពអាចកែច្នៃគ្រាប់ស្វាយចន្ទីបានប្រមាណ ១ ៥០០ តោនក្នុងមួយឆ្នាំ ហើយក្រុមហ៊ុនរំពឹងថានឹងពង្រីកសមត្ថភាពកែច្នៃរហូតដល់ប្រមាណ ២ម៉ឺនតោនក្នុងមួយឆ្នាំ ក្នុងរយៈពេល៥ឆ្នាំខាងមុខនេះ ដែលអាចផលិតថាមពលបានប្រមាណ ២,៥មេហ្គាវ៉ាត់។

បើតាមលោក SASAKI KOJI មិនមែនមានតែសំបកស្វាយចន្ទីនោះទេ ដែលអាចផលិតជាថាមពលបាន សូម្បីតែ មែក និងសំបករបស់ដើមស្វាយចន្ទីក៏អាចផលិតជាថាមពលបានផងដែរ។ កត្តានេះបានជំរុញឱ្យក្រុមហ៊ុនត្រូវរៀបចំផែនការក្នុងការប្រមូលទិញ ឬដាំដើមស្វាយចន្ទី សម្រាប់ផ្គត់ផ្គង់ផលិតកម្មរបស់ក្រុមហ៊ុន។ លោកបញ្ជាក់ថា ក្នុងការអភិវឌ្ឍវិស័យស្វាយចន្ទី ជាការកែច្នៃគ្រាប់ស្វាយចន្ទី និងផលិតថាមពលពីសំបកគ្រាប់ស្វាយចន្ទី នឹងរួមចំណែកក្នុងការកសាងហេដ្ឋារចនាសម្ព័ន្ធ និងការអភិវឌ្ឍនៅប្រទេសកម្ពុជា។

ជាការឆ្លើយតប លោក វង្សី វិស្សុត បានឲ្យដឹងថា នៅក្នុងរយៈពេល ៤ទៅ ៥ឆ្នាំចុងក្រោយនេះ ដំណាំស្វាយចន្ទីមានការកើនឡើងច្រើនគួរឱ្យកត់សម្គាល់ ក៏ប៉ុន្តែការកែច្នៃស្វាយចន្ទីនេះនៅមិនទាន់គ្រប់គ្រាន់នៅឡើយទេ ដូចជាការកែច្នៃសំបកជាដើម។លោកក៏បានណែនាំឱ្យក្រុមហ៊ុន MIRARTH Agri Tech បង្កើនការកែច្នៃគ្រាប់ស្វាយចន្ទីឱ្យបានកាន់ច្រើន និងលឿនជាងនេះទៀត និងជាពិសេសធានាឱ្យបាននូវផលប្រយោជន៍ដល់ប្រជាជនមូលដ្ឋាន។

លោកបានបន្តថា ដំណាំស្វាយចន្ទី គឺជាដំណាំដែលមានសក្តានុពលខ្ពស់ ហើយការកែច្នៃគ្រាប់ស្វាយចន្ទីត្រូវធ្វើឡើងនៅគ្រប់ខ្សែច្រវាក់តម្លៃផលិតកម្ម ដើម្បីបង្កើនតម្លៃបន្ថែមនិងភាគលាភជូនប្រជាជន និងសេដ្ឋកិច្ចជាតិ។ លោកបានបញ្ជាក់បន្ថែមថា សមេ្តចធិបតី នាយករដ្ឋមន្ត្រីកម្ពុជា មានឆន្ទៈប្រែក្លាយប្រទេសកម្ពុជាជាប្រទេសលេខ១ នៅលើពិភពលោក ក្នុងផលិតកម្មស្វាយចន្ទី ហើយក៏បានបញ្ជាក់ផងដែរនូវឆន្ទៈគាំទ្រយ៉ាងពេញទំហឹងរបស់រាជរដ្ឋាភិបាលកម្ពុជា។

គួរបញ្ជាក់ថា ក្រុមហ៊ុន MIRATH Agri Tech ជាបុត្រសម្ព័ន្ធរបស់ក្រុមហ៊ុន MIRARTH Holding របស់ជប៉ុន ដែលកំពុងវិនិយោគលើការកែច្នៃគ្រាប់ស្វាយចន្ទី និងសំបកស្វាយចន្ទីទៅជាប្រេងជីវឥន្ធនៈនៅខេត្តកំពង់ធំ ដែលបានសម្ពោធដាក់ឱ្យដំណើរការកាលពីថ្ងៃទី៤ ខែមិថុនា ឆ្នាំ២០២៤៕

The post ក្រុមហ៊ុនមួយរបស់ជប៉ុនថា ខ្លួននឹងពង្រីកការកែច្នៃគ្រាប់ស្វាយចន្ទីកម្ពុជាពី១ ៥០០តោន ក្នុងមួយឆ្នាំ ទៅ២ម៉ឺនតោន ក្នុងមួយឆ្នាំ appeared first on .

ឧកញ៉ា វង្សី ពុទ្ធិសេដ្ឋ ជាកូនប្រុស​របស់​លោក វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួល​បន្ទុកទីស្ដីការ​គណៈរដ្ឋមន្ត្រី និងលោកស្រី​ វូ សុភៈទេវី។ លោកឧកញ៉ា ជាបញ្ញវន្តមួយរូបបញ្ចប់ការសិក្សា​ពី​ប្រទេសអូស្ត្រាលី ហើយ​លោកឧកញ៉ា ត្រូវបានគេដឹងថាជា​ CEO ក្រុមហ៊ុន V Syndicate Co., Ltd, ម្ចាស់​ភាគ​ហ៊ុន SF Group Ltd និង​ជាភាគទុនិក​ក្រុមហ៊ុន Cam F & B Services Co., Ltd។

ឪពុករបស់លោកឧកញ៉ា វង្សី ពុទ្ធិសេដ្ឋ គឺ​លោក វង្សី វិស្សុត ជាថ្នាក់ដឹកនាំជាន់ខ្ពស់មួយរូប​ក្នុងជួររាជរដ្ឋាភិបាល​កម្ពុជា ក្នុងនីតិកាលទី៧នេះ។ បច្ចុប្បន្ន​​លោក វង្សី វិស្សុត ជា​ឧបនាយករដ្ឋមន្ត្រីប្រចាំការ រដ្ឋមន្ត្រីទទួល​បន្ទុក​ទីស្ដីការ​គណៈរដ្ឋមន្ត្រី ដែលមានភារកិច្ចសំខាន់​ជួយលើការងារសម្របសម្រួលជាច្រើន​ដល់​សម្តេចធិបតី ហ៊ុន ម៉ាណែត នាយករដ្ឋមន្ត្រី។ លោក វង្សី វិស្សុត ជា​តំណាងរាស្ត្រមណ្ឌលខេត្តកណ្តាល ​​ហើយ​ក៏​​មានតួនាទីជា​ ជាប្រធាន​គណៈកម្មការ​អន្តរក្រសួងពិនិត្យ និងវាយតម្លៃលើសំណើសុំគោរមងារ និងការបញ្ចប់​គោរមងារឧកញ៉ា ផងដែរ៕

The post សមាគមឧកញ៉ាកម្ពុជា សូមចូលរួមអបអរសាទរ ឧកញ៉ា វង្សី ពុទ្ធិសេដ្ឋ ក្នុងឱកាសដែលព្រះមហាក្សត្រ​ត្រាស់បង្គាប់ផ្តល់គោរមងារជា «អ្នកឧកញ៉ា» appeared first on .