តាមរយៈសារលើបណ្តាញសង្គមហ្វេសប៊ុកផ្លូវការ នាព្រឹកថ្ងៃពុធនេះ ឯកឧត្តមអភិបាលខេត្ត បានលើកឡើង​បែបនេះថា៖ “ថ្ងៃនេះ ខ្ញុំដឹកនាំប្រតិភូខេត្តតាកែវ ទៅកាន់ខេត្តហ៊ូប៉ី ក្រុងសៀងយ៉ាង នៃប្រទេសចិន ដើម្បីបង្ហាញ​សក្តានុពលរបស់ខេត្តតាកែវ ទៅដល់អ្នកវិនិយោគខេត្តហ៊ូប៉ី។ ២៦-១១-២០២៥”។

គួររំឭកថា កាលថ្ងៃទី១៥ ខែតុលា ឆ្នាំ២០២៥ ឯកឧត្តម វុី សំណាង អភិបាលខេត្តតាកែវ ក៏បានដឹកនាំគណៈ​ប្រតិភូរដ្ឋបាលខេត្តតាកែវ ទៅបំពេញទស្សនកិច្ចនៅប្រទេសចិន ដើម្បីចូលរួមកិច្ចប្រជុំ សមាគមព្រែកជីក​ពិភពលោក នៅក្រុងយ៉ាងចូវ ខេត្តជាងស៊ូ ប្រទេសចិន និងបន្តទៅទស្សនកិច្ចនៅទីក្រុងហ្ស៊ាមែន ខេត្តហ្វូចៀន  ដើម្បីសិក្សាស្វែងយល់ប្រព័ន្ធចម្រោះទឹកកខ្វក់ វិស័យកសិកម្ម ការចិញ្ចឹមសត្វ វារីវប្បកម្ម វិស័យរ៉ែ និងបង្ហាញអំពី​សក្តានុពលរបស់ខេត្តតាកែវ ដល់អ្នកវិនិយោគជនជាតិចិនផងដែរ។

សូមបញ្ជាក់ថា កាលពីពេលថ្មីៗនេះ ឯកឧត្តម វុី សំណាង បានឱ្យដឹងផងដែរថា រយៈពេល ៦ខែ ដើមឆ្នាំ​២០២៥​នេះ ខេត្តតាកែវ ទទួលបានអ្នកវិនិយោគចូលមកបណ្ដាក់ទុនចំនួន ៣១ក្រុមហ៊ុន ដែលមានទំហំទឹកប្រាក់​ចំនួនជាង ៩៧លានដុល្លារអាម៉េរិក។ ជាមួយគ្នានេះ ខេត្តតាកែវនឹងមានរោងចក្រ សហគ្រាសថ្មីចំនួន ២៣ កន្លែង ដែលបាន​បោះទុនវិនិយោគប្រមាណ ៧៥ លានដុល្លារអាម៉េរិក ហើយអាចផ្ដល់ឱកាសការងារសរុបដល់ទៅ ១៥,០០០ កន្លែង។ នេះសបញ្ជាក់ឱ្យឃើញពីសក្ដានុពលរីកចម្រើននៃវិស័យឧស្សាហកម្មនៅខេត្តតាកែវ និងតម្រូវការកើន​ឡើងឥតឈប់ឈរចំពោះកម្លាំងពលកម្ម៕

The post អភិបាលខេត្តតាកែវ ដឹកនាំប្រតិភូចេញទៅទាក់ម៉ូយវិនិយោគនៅក្រុងសៀងយ៉ាង ប្រទេសចិន appeared first on .

ក្នុងដំណើរចុះស្វែងយល់នេះដែរ លោកអភិបាលខេត្ត បានចុះទៅពិនិត្យដល់កសិដ្ឋានចិញ្ចឹមទា និងភ្ញាស់ពងទា ព្រមទាំងបានជួបផ្ទាល់ជាមួយបងប្អូនប្រជាកសិករក្នុងសហគមន៍ចិញ្ចឹមសត្វទាយកពង ដែលចិញ្ចឹមជាមួយនឹងការយកចិត្តទុកដាក់ និងប្រើប្រាស់បច្ចេកទេសចិញ្ចឹម និងថែទាំតាមធម្មជាតិ ធ្វើឱ្យពងទាកូនស្រែរនោង កំពុងផ្គត់ផ្គង់លើទីផ្សារទូទាំងប្រទេស។ នៅក្នុងឱកាសនោះ លោកអភិបាលខេត្តតាកែវ បានលើកទឹកចិត្តបងប្អូនប្រជាពលរដ្ឋនៅក្នុងសហគមន៍ឱ្យប្រឹងប្រឹងប្រែងបន្តភ្ញាស់ពងទាកូនឱ្យបានច្រើន តម្រូវទៅតាមទីផ្សារក្នុងស្រុក ដោយរក្សាទម្លាប់ភ្ញាស់ ដោយធម្មជាតិឱ្យបានច្រើន។

បើតាមឯកឧត្តម វ៉ី សំណាង ក្រៅពីបង្កងតាកែវ ពងទាកូនស្រែរនោងរបស់ខេត្តតាកែវ មានបងប្អូនប្រជាពលរដ្ឋនៅក្នុងប្រទេសស្គាល់ច្រើនព្រោះមានរសជាតិឆ្ងាញ់ និងជារបស់ធម្មជាតិពិតៗ ដូច្នោះសូមបងប្អូន ប្រជាពលរដ្ឋក្នុងសហគមន៍បន្តភ្ញាស់ឱ្យបានច្រើន ដើម្បីផ្គត់ផ្គង់លើទីផ្សារ ហើយវាក៏បានជួយលើកស្ទួយជីវភាពរបស់បងប្អូនប្រជាពលរដ្ឋនៅក្នុងសហគមន៍ឱ្យកាន់តែមានជីវភាពល្អប្រសើរផងដែរ៕

The post អភិបាលខេត្តតាកែវ ចុះសិក្សាស្វែងយល់ពីសហគមន៍ចិញ្ចឹមសត្វទាយកពង នៅស្រុកត្រាំកក់ appeared first on .

បើតាមរដ្ឋបាលខេត្តតាកែវ បានឱ្យដឹងថា ព្រឹត្តិការណ៍សេរីភាពជិះកង់កម្សាន្ត ចម្ងាយ ៧៥គីឡូម៉ែត្រនេះ ត្រូវចេញដំណើរពីទីស្តីការក្រសួងទេសចរណ៍ចាប់ពីវេលាម៉ោង៥:០០នាទីព្រឹក ឆ្ពោះទៅកាន់ទីរួមខេត្តតាកែវ ក្នុងគោលបំណងចូលរួមផ្សព្វផ្សាយតំបន់គោលដៅ និងសន្តានុពលទេសចរណ៍ខេត្តតាកែវ និងដើម្បីចូលរួមអបអរសាទរទិវានារីអន្តរជាតិ៨មីនា ឆ្នាំ២០២៥។

ព្រឹត្តិការណ៍សេរីភាពជិះកង់កម្សាន្ត ចេញពីទីស្តីការក្រសួងទេសចរណ៍នេះ មុននឹងមកដល់ទីរួមខេត្តតាកែវ ក្រុមជិះកង់នឹងជិះទៅទស្សនាប្រាសាទតាព្រហ្ម ដែលស្ថិតនៅភូមិថ្នល់ទក្សិណ ឃុំក្រាំងធ្នង់ ស្រុកបាទី ដែលមានចម្ងាយ៣៤គីឡូម៉ែត្រពីរាជធានីភ្នំពេញ តាមផ្លូវជាតិលេខ២ និងចូលរួមឧបត្ថម្ភសម្ភារៈសិក្សាដល់សិក្សានុសិស្សនៅស្រុកបាទីផងដែរ ហើយជិះមកដល់ទីរួមខេត្តតាកែវ រដ្ឋបាលខេត្ត ក្រោមវត្តមានឯកឧត្តម វ៉ី សំណាង អភិបាលខេត្ត និងគណៈប្រតិភូ បានរង់ចាំទទួលស្វាគមន៍ក្បួនជិះកង់ នៅឯសួនច្បារមាត់បឹងតាកែវ ព្រមទាំងបានផ្តល់ជូនក្រមាម្នាក់មួយទុកជាអនុស្សាវរីយ៍ និងរៀបចំអាហារដោយបបរបង្កង និងពងទាកូន ដែលជាម្ហូបដ៏ល្បីប្រចាំខេត្តតាកែវ។

សូមជម្រាបថា ក្រសួងទេសចរណ៍ សហការជាមួយរដ្ឋបាលខេត្តតាកែវ បានរៀបចំកីឡាចំនួន ១០ប្រភេទ សម្រាប់អបអរសាទរ ព្រឹត្តិការណ៍បុណ្យទន្លេលើកទី៩ ឆ្នាំ២០២៥ ដែលខេត្តតាកែវធ្វើជាម្ចាស់ផ្ទះរៀបចំ នាថ្ងៃទី ២១-២២-២៣ ខែមីនា ឆ្នាំ២០២៥ នៅសួនច្បារមាត់បឹងតាកែវ ដោយក្នុងនោះរួមមាន កីឡាជិះកង់ចម្ងាយ ៧៥គីឡូម៉ែត្រ ភ្នំពេញ-តាកែវ ផងដែរ៕

The post រដ្ឋបាលខេត្តតាកែវ ទទួលស្វាគមន៍ប្រតិភូជាង ៣០០កង់ ធ្វើដំណើរប្រវែង ៧៥គីឡូម៉ែត្រ មកពីរាជធានីភ្នំពេញ appeared first on .

សម្ដេចក្រឡាហោម ស ខេង​ មានប្រសាសន៍ថា «ឥលូវ វ៉ី សំណាង បាន៨ឆ្នាំហើយ ខ្វះ ២៥ថ្ងៃ ហើយមិនដឹងថាជោគ​វាសនា​គាត់ទៅណាទៀត យើងមិនដឹងដែរ ទៅលើឬទៅក្រោម អាហ្នឹងច្បាប់គឺកំណត់ចឹង, ប៉ុន្តែ អាចថាអភិបាលខេត្តខ្លះគាត់ធ្វើទៅមានបញ្ហានេះបញ្ហានោះមិនអាចធ្វើតទៅទៀតបាន យើងក៏ធ្វើការសម្រួលឲ្យគាត់ដូរកន្លែង ឬក៏ផ្លាស់ប្តូរទៅខេត្តមួយទៀត ឬក៏ទៅក្រសួងជាដើម ហ្នឹងជាគោលការណ៍របស់យើង។ ចឹងទេ វ៉ី សំណាងនេះ គឺអាស្រ័យលើប្រមុខរដ្ឋាភិបាល រដ្ឋមន្ត្រីក្រសួងមហាផ្ទៃ ពេលគាត់ដល់អាណតិ្តហើយ យកគាត់ទៅណា ទុកដាក់គាត់យ៉ាងមិច អាស្រ័យលើរដ្ឋាភិបាល។ ប៉ុន្តែ ខ្ញុំសូមធានាថា ខេត្តកំពង់ស្ពឺ ត្រូវតែមានអភិបាលខេត្ត»។

ការថ្លែងរបស់សម្តេចក្រឡាហោម អតីតរដ្ឋមន្រ្តីក្រសួងមហាផ្ទៃពាក់ព័ន្ធនឹងតំណែងអភិខេត្តកំពង់ស្ពឺរបស់លោក វុី សំណាង គឺនៅចំពោះមុខរដ្ឋមន្រ្តីក្រសួងមហាផ្ទៃបច្ចុប្បន្ន គឺឧបនាយករដ្ឋមន្រ្តី ស សុខា ក៏មានវត្តមាននៅទីនោះផងដែរ។

សូមបញ្ជាក់ថា លោក វ៉ី សំណាង ត្រូវបានរាជរដ្ឋាភិបាលកម្ពុជា តែងតាំងជាអភិបាលខេត្តកំពង់ស្ពឺ ជំនួសលោក អ៊ូ សំអួន អភិបាលខេត្តកំពង់ស្ពឺចាស់ ដែលត្រូវផ្លាស់ទៅជារដ្ឋលេខាធិការក្រសួងអភិវឌ្ឍជនបទ ដែលពិធីប្រកាសផ្ទេរភារកិច្ច តែងតាំងមុខតំណែង បានធ្វើឡើងនៅថ្ងៃទី២២ ខែមីនា ឆ្នាំ២០១៦។

លោក វ៉ី សំណាង គឺជាកូនមន្ត្រីរាជការមួយស្ថិតក្នុង ភូមិព្រៃផ្តៅ ឃុំកញ្ជ្រៀច ស្រុកកញ្ជ្រៀច ខេត្តព្រៃវែង។ ដោយ​សារ​តែមើលឃើញ នូវស្នាដៃនៃការខិតខំ និងសមត្ថភាពពេញលេញលោក វ៉ី សំណាង ត្រូវបានរដ្ឋាភិបាលស្នើព្រះមហា​ក្សត្រ តែងតាំងជាអភិបាលខេត្តកំពង់ស្ពឺ នៅឆ្នាំ២០១៦ ខណៈលោកជាអភិបាលរងខេត្តកំពង់ស្ពឺជាង ១ឆ្នាំ។ មុនឡើងមកកាន់ការងារជាអភិបាលខេត្តកំពតកំពង់ស្ពឺ លោក វ៉ី សំណាង មានបទពិសោធន៍ជិត ២០ឆ្នាំ នៅផ្នែករដ្ឋបាលព្រៃឈើ ហើយជាមន្ត្រីដែលចូលចិត្តធ្វើការតំបន់ព្រៃភ្នំផងដែរ។

លោក វ៉ី សំណាង គឺជាអភិបាលខេត្តដំបូងគេដែលបានបញ្ជាឱ្យទម្លាក់ស្លាកផ្សាយពាណិជ្ជកម្មស្រាបៀរទាំងអស់ចេញ​ពីក្នុងទឹកដីខេត្តកំពង់ស្ពឺ។ យុទ្ធនាការដ៏កម្រក្នុងទីផ្សារសេរីនេះ ទទួលបានការគាំទ្រយ៉ាងពេញទំហឹងតែម្តងមិនថាប្រជាជន ក្នុងមូលដ្ឋានខេត្តកំពង់ស្ពឺ និងមហាជនទូទាំងប្រទេស៕ អត្ថបទ៖ អក្ខរា

The post សម្ដេច ស ខេង៖ ជោគវាសនាអភិបាលខេត្តកំពង់ស្ពឺ នឹងទៅជាយ៉ាងណារងចាំការសម្រេចពីរដ្ឋាភិបាល appeared first on .

តាមរយៈទំព័រហ្វេសប៊ុក នៅថ្ងៃទី១៦ ខែសីហា ឆ្នាំ២០២៣ លោក វ៉ី សំណាង អភិបាលនៃគណៈអភិបាលខេត្តកំពង់ស្ពឺ បានលើកឡើងថា ក្នុងដំណើរបំពេញទស្សនកិច្ចរបស់គណៈប្រតិភូខេត្តកំពង់ស្ពឺ នៅខេត្តក្វាងចូវ សាធារណរដ្ឋប្រជាមានិតចិន ដែលដឹកនាំដោយរូបលោកផ្ទាល់ គឺទទួលបានលទ្ធផលគួរឱ្យកត់សម្គាល់។

ដោយលោកបានបន្តដូច្នេះថា៖« នៅចុងឆ្នាំ២០២៣ ឬយ៉ាងយូរដើមឆ្នាំ២០២៤ រោងចក្រចំនួន២៥ នឹងបើកដំណើរការ ហើយជាជំហានដំបូងនេះ មានតម្រូវការកម្លាំងពលកម្មប្រមាណ ២៣,០០០កន្លែង ដែលនឹងត្រូវមានវត្តនៅខេត្តកំពង់ស្ពឺ លើតម្រូវការសរុបប្រមាណជាង៥០,០០០កន្លែង»។

សូមរម្លឹកដែរថា កាលពីពេលថ្មីៗនេះ លោក វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានដឹកនាំប្រតិភូថ្នាក់ខេត្ត អញ្ជើញទស្សនកិច្ចនៅខេត្តក្វាងទុង និងខេត្តក្វាងចូវ នៃសាធារណរដ្ឋប្រជាមានិតចិនក្នុងគោលបំណងបង្ហាញសក្តានុពលសេដ្ឋកិច្ចរបស់ខេត្តកំពង់ស្ពឺ ក៏ដូចជាព្រះរាជាណាចក្រកម្ពុជាយើង ដើម្បីកៀរគរអ្នកវិនិយោគ មកបោះទុនរកស៊ី បង្កើតរោងចក្របន្ថែមទៀត ដើម្បីបង្កើនឱកាសការងារជូនបងប្អូនប្រជាពលរដ្ឋអ្នកខេត្តកំពង់ស្ពឺ៕

អត្ថបទ៖ ពិសី

The post លោក វ៉ី សំណាង៖ រោងចក្រចំនួន២៥ នឹងបើកដំណើរការនៅខេត្តកំពង់ស្ពឺ យ៉ាងយូរដើមឆ្នាំ២០២៤ appeared first on .

នេះបើយោងតាមលិខិតជូនដំណឹងរបស់រដ្ឋបាលខេត្តកំពង់ស្ពឺ ចេញផ្សាយនៅថ្ងៃទី២៤ ខែឧសភា ឆ្នាំ២០២១នេះ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

The post អាជ្ញាធរខេត្តកំពង់ស្ពឺ ទុកពេលឱ្យម្ចាស់អាជីវកម្ម ១សប្ដាហ៍ រុះរើស្លាកផ្សាយពាណិជ្ជកម្មស្រាបៀឱ្យអស់ appeared first on .