ថ្លែងក្នុងពិធីបើកសម្ពោធជាផ្លូវការផ្សារ ម៉ាក្រូ សាខាទី ៣ ជ្រោយចង្វារ របស់អ្នកឧកញ៉ា លី យ៉ុងផាត់ នៅព្រឹកថ្ងៃទី១៤ ខែធ្នូ ឆ្នាំ២០២២ លោក ហ៊ុន ម៉ាណែត បានថ្លែងថា នៅសល់ ១៥ថ្ងៃទៀត នឹងដល់គម្រប់ខួបទី ២៤ ឆ្នាំ នៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយជោគជ័យនូវនយោបាយឈ្នះ-ឈ្នះ។ ហើយតាមរយៈគោលនយោបាយឈ្នះ-ឈ្នះនេះ, ប្រជាជនកម្ពុជាទាំងមូល បានទទួល និងរីករាយជាមួយនឹងសុខសន្តិភាព-ស្ថិរភាពពេញលេញ។

បើតាមលោកលោក ហ៊ុន ម៉ាណែត រាជរដ្ឋាភិបាលកម្ពុជា តែងចាត់ទុកការរក្សាសុខសន្តិភាព ដែលខិតខំស្វែងរកបានដោយលំបាកនេះ ជាអាទិភាពចម្បងបំផុត និងជាបុរេលក្ខខណ្ឌដែលមិនអាចខ្វះបាន សម្រាប់កិច្ចអភិវឌ្ឍប្រទេសជាតិ។ តាមរយៈស្ថានភាពអំណោយផលនៃសុខសន្តិភាព ប្រជាពលរដ្ឋ ដែលជាវិនិយោគិន, ធុរជន, អាជីវករ និងពាណិជ្ជករទាំងក្នុងស្រុក និងក្រៅប្រទេស អាចផ្តោតការយកចិត្តទុកដាក់ចំពោះគម្រោង ឬសកម្មភាពវិនិយោគ, ធុរកិច្ច, អាជីវកម្ម និងពាណិជ្ជកម្មរបស់ខ្លួន ប្រកបដោយជំនឿទុកចិត្ត និងសុខុមាលភាពផ្លូវចិត្តនឹងនរដោយគ្មានការព្រួយបារម្ភ ។

លោកថ្លែងបន្ថែម៖ «ការកសាង និងអភិវឌ្ឍគ្រួសារមួយ មិនមែនជាកិច្ចការសាមញ្ញ និងងាយស្រួលនោះទេ រីឯការកសាងសហគមន៍ និងប្រទេសមួយពីបាតដៃទទេ គឺរឹតតែពិបាក និងរមែងជួបប្រទះនូវបញ្ហាប្រឈម, ភាពរកាំរកូស និងការរអាក់រអួលខ្វះខាតមិនខានឡើយ។ ទោះបីជាយ៉ាងណាក៏ដោយ, ក្រោមការដឹកនាំរបស់ សម្តេចតេជោនាយករដ្ឋមន្ត្រី, កម្ពុជា បាន និងកំពុងស្ថិតនៅលើមាគ៌ានៃការអភិវឌ្ឍមួយដ៏ត្រឹមត្រូវ និងច្បាស់លាស់»។

បេក្ខភាពអនាគតនាយករដ្ឋមន្រ្តី លោក ហ៊ុន ម៉ាណែត បានគូសបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ ទូទាំងប្រទេសកម្ពុជា ជាពិសេសរាជធានីភ្នំពេញ មានការវិវឌ្ឍរីកចម្រើនយ៉ាងលឿនស្ទើរមិនគួរឱ្យជឿ ដែលប្រជាជនកម្ពុជា ដៃគូអភិវឌ្ឍន៍ និងបណ្តាប្រទេសនានានៅលើសកលលោក អាចមើលឃើញជាក់ស្តែង និងបានកោតសរសើរគ្រប់ៗគ្នា។

លោកបន្ថែមទៀតថា ពិតណាស់ កម្ពុជាដែលធ្លាប់តែជាប្រទេសក្រីក្រ បានប្រែក្លាយខ្លួនយ៉ាងលឿនដល់ចំណុចមួយ ដែលមានទាំងឆន្ទៈ ព្រលឹង អត្តសញ្ញាណ ការប្រឹងប្រែង សមត្ថភាព និងធនធានគ្រប់គ្រាន់ប្រកបដោយភាពម្ចាស់ការក្នុងដំណើរការកសាង និងអភិវឌ្ឍប្រទេសទាំងក្នុងពេលបច្ចុប្បន្ន និងសម្រាប់អនាគតដ៏វែងឆ្ងាយ ក៏ដូចជាការចូលរួមដោយស្មើសិទ្ធិ និងស្មើភាពជាមួយប្រទេសដទៃទៀតក្នុងកិច្ចការតំបន់ និង សកល។

សូមជម្រាបជូនថា រដ្ឋាភិបាលកម្ពុជា ថ្មីៗនេះ បានបន្តបញ្ជាក់ថា សេដ្ឋកិច្ចកម្ពុជាត្រូវបានព្យាករថា នឹងសម្រេចបានអត្រាកំណើនក្នុងរង្វង់ ៦,៦% ខណៈដែលឆ្នាំ ២០២២នេះ សេដ្ឋកិច្ចមានកំណើនក្នុងអត្រាប្រមាណ ៥,៤%។ សេចក្តីព្រាងច្បាប់ថវិកាឆ្នាំ២០២៣ កំណើនសេដ្ឋកិច្ចកម្ពុជានឹងត្រូវពឹងផ្អែកទៅលើវិស័យមួយចំនួនដូចជាវិស័យឧស្សាហកម្ម វិស័យសេវាកម្ម និងវិស័យកសិកម្មជាដើម។

យ៉ាងណា សេចក្តីព្រាងច្បាប់ថវិកាឆ្នាំ ២០២៣ បញ្ជាក់ថា ប្រទេសកម្ពុជានៅត្រូវបានហ៊ុមព័ទ្ធដោយភាពមិនប្រាកដប្រជាខ្ពស់ ជាពិសេសបញ្ហាប្រឈម ឬហានិភ័យដែលបង្កឡើងដោយភាពមិនអំណោយផលនៃកត្តាខាងក្រៅមួយចំនួន ដែលអាចធ្វើឲ្យកំណើនសេដ្ឋកិច្ចកម្ពុជាមិនសម្រេចបានតាមការគ្រោងទុក ឬក៏បន្ទុយបង្អាក់ដល់កំណើន។ កត្តាទាំងអស់នោះ រួមមានការបន្តកើនឡើងនូវសម្ពាធអតិផរណា ការរឹតបន្តឹងកាន់តែលឿន និងកាន់តែខ្លាំងជាងមុននូវគោលនយោបាយរូបិយវត្ថុរបស់ប្រទេសអភិវឌ្ឍន៍ ជាពិសេសការតម្លើងអត្រាការប្រាក់នៃធនាគារកណ្តាលអាមេរិក។

លើសពីនេះ ការថមថយកំណើនសេដ្ឋកិច្ចចិន ភាពតានតឹងនៃភូមិសាស្ត្រនយោបាយ ជាពិសេសការអូសបន្លាយសង្គ្រាមនៅអ៊ុយក្រែន​ និងបញ្ហាតៃវ៉ាន់ ការបែងចែកប្លុកសេដ្ឋកិច្ច ពាណិជ្ជកម្មសកលលោក នៅក្នុងសង្គ្រាមពាណិជ្ជកម្ម និងបច្ចេកវិទ្យា ជាដើម ក៏សុទ្ធសឹងជាកត្តាដែលគួរឲ្យព្រួយបារម្មណ៍ពីការបង្អាក់ល្បឿនកំណើនសេដ្ឋកិច្ចកម្ពុជា៕

The post លោក ហ៊ុន ម៉ាណែត អះអាងថា កត្តាសុខសន្តិភាព បង្កើតបរិយាកាសគ្របដណ្តប់សម្រាប់វិនិយោគ និងអាជីវកម្ម ធ្វើឲ្យកម្ពុជាមានកំណើនសេដ្ឋកិច្ចខ្ពស់ appeared first on .

លោកបណ្ឌិត ហ៊ុន ម៉ាណែត បានបន្តថា សមត្ថភាពជំនាញរបស់​​ប្រជាពល​រដ្ឋ​ម្នាក់ៗ អាចជួយដល់ ការ​ពង្រឹង​លទ្ធភាព​ប្រកួ​ត​​ប្រជែងរបស់ប្រ​ទេសជាតិក្នុងបរិបទ​សាកលភាវូបនីយកម្ម ​និងការចា​ប់យក​​នូវ​​ឱកាស​​សក្តានុពលនានា ដើម្បី​ឈាន​ទៅ​កាត់​បន្ថយគម្លាតនៃការអភិវឌ្ឍ តាមរយៈការទាក់ទាញ​វិនិ​យោគ​​​​កម្រិត​ខ្ពស់ដែលប្រើប្រាស់បច្ចេកវិទ្យាទំនើប ហើយ​ជា​ពិ​សេស គឺការធានាបាននូវភាព​ឯក​រាជ្យ​​ម្ចាស់​​ការ​លើគ្រប់​វិស័យប្រកបដោយមោទនភាព​ជាតិសម្រាប់​អនាគត​ដ៏វែងឆ្ងាយ។

លោកបណ្ឌិត ហ៊ុន ម៉ាណែត បានបន្តទៀត​ថា ចាប់តាំងពីការដាក់ចេញយុទ្ធសាស្រ្តចតុកោណ​​ដំណាក់​​កាលទី៣មក រាជរដ្ឋា​ភិ​បាល​​​បានកំណត់យក «មនុស្ស» ជាអាទិភាពចម្បង ក្នុងចំណោម​​អាទិភាព​ច​ម្បង​ទាំង៤ «មនុស្ស, ផ្លូវ, ទឹក និងភ្លើង» ដើម្បី​ដើរឱ្យទាន់គេ និងចូលរួម​​ប្រកួតប្រជែង​​ជាមួយគេបាន។ ការ​​​កំណត់​អាទិភាពចម្បងនេះ មិ​នមែនជាកា​រចៃដន្យនោះទេ ពីព្រោះ​ស្ថា​នភា​ពសង្គម-សេដ្ឋកិច្ចកម្ពុជា បាន​វិវដ្តដ​ល់ចំណុចរបត់មួយដែលខុសប្លែកពីស្ថានភាពដៃទទេ កាលពីកម្ពុជា​ទើបបញ្ចប់​ស​ង្រ្គាម​ស៊ីវិល។

បន្ត​ទៅមុខទៀត កត្តា “មនុស្ស” ក៏នៅតែជាអាទិភា​ពចម្បងបំផុត ហើយ​ទន្ទឹមនឹងនេះ ហេដ្ឋា​រចនា​សម្ព័ន្ធ​ទឹក ភ្លើង ផ្លូវ ក៏នៅ​បន្តក​សាង​ស្តារ ដើម្បីបូករួមផ្សំបម្រើឱ្យការអភិវឌ្ឍ​សេដ្ឋកិច្ចជាតិ​ប្រកប​​ដោយ​​និរន្តរ​​ភាព។ នេះបើតាម​ការលើកឡើង​​បន្ថែ​ម​​របស់ លោក​​បណ្ឌិត ហ៊ុន ម៉ាណែត ៕

The post លោក ហ៊ុន ម៉ាណែត៖ ធន​ធាន​មនុស្ស គឺជា​ទ្រព្យ​ដ៏​សំខាន់ និងចាំ​បាច់​បំផុត​សម្រាប់​ដំណើរកា​រកសាងអ​ភិវឌ្ឍប្រ​ទេស appeared first on .

ក្នុងជំនួបនេះ ភាគីទាំងពីរ បានធ្វើការពិភាក្សាលើគោលបំណងក្នុងការជំរុញការនាំចេញផលិតផលកសិកម្ម និងម្ហូបអាហារកម្ពុជាទៅកាន់ទីផ្សារសហរដ្ឋអាមេរិក។

លោក ហ៊ុន ម៉ាណែត មានប្រសាសន៍ថា ប្រទេសកម្ពុជាបើកចំហសម្រាប់ធុរកិច្ចមកពីគ្រប់បណ្តាប្រទេសលើសាកលលោក ហើយមានក្តីរំពឹងថាទីផ្សារសកលលោកបើកចំហរសម្រាប់ផលិតផលរបស់កម្ពុជាផងដែរ។ ក្នុងន័យនេះ ការផ្សារភ្ជាប់នូវទំនាក់ទំនងរវាងសហគមន៍ធុរកិច្ចក្រៅស្រុក និងក្នុងស្រុក តាមរយៈការបើកឱកាសរួមគ្នាឱ្យមានការផ្លាស់ប្តូរបទពិសោធន៍ ចំណេះដឹង និងបច្ចេកវិទ្យា ដើម្បីលើកកម្ពស់លទ្ធភាពផលិតកម្ម និងកម្រិតស្តង់ដារនៃផលិតផលពីកម្ពុជា គឺជាកត្តាចម្បង។ ទន្ទឹមនឹងនេះ លោកក៏បានលើកទឹកចិត្តក្នុងការប្រមើលលើវិស័យដទៃទៀតនៅក្នុងគ្រប់ខ្សែចង្វាក់ផលិតកម្មផងដែរ ដើម្បីពង្រីកនូវកាលានុវត្តភាពនៃការអភិវឌ្ឍន៍។

គួរបញ្ជាក់ដែរថា ក្នុងដំណើរទស្សនកិច្ចប្រកបដោយអត្ថន័យនេះ គណៈប្រតិភូពាណិជ្ជករ និងវិនិយោគិនមកពីរដ្ឋកាលីហ្វរញ៉ា សហរដ្ឋអាមេរិក ក្រោមការសម្របសម្រួលដោយលោក ហួត គីមឆា កុងស៊ុលកិត្តិយសកម្ពុជាប្រចាំរដ្ឋកាលីហ្វរញ៉ា និង បណ្ឌិត ហោ សេរីវឌ្ឍន៍ ប្រធានក្រុមប្រឹក្សាសមាគម វិនិយោគិន នវានុវត្តន៍ និងអភិវឌ្ឍន៍ (IDI ) ដែលជាសហប្រធានក្នុងការរៀបចំ សិក្ខាសាលា “ការនាំចេញផលិតផលចំណីអាហារទៅកាន់ទីផ្សារសហរដ្ឋអាមេរិក” សហការ និងគាំទ្រដោយ សហគ្រិនខ្មែរ Khmer Enterprise (KE) និង សភាពាណិជ្ជកម្មសហរដ្ឋអាមេរិក (AmCHAM) នាថ្ងៃទី០៣ ខែធ្នូ នៅសណ្ឋាគារសុខា នាទីក្រុងភ្នំពេញផងដែរ៕

The post លោក ហ៊ុន ម៉ាណែត ជួបពិភាក្សាជាមួយប្រតិភូពាណិជ្ជករអាមេរិកជំរុញការនាំចេញ appeared first on .

ការជ្រើសតាំងលោក ហ៊ុន ម៉ាណែត ធ្វើឡើងដោយមហាសន្និបាតវិសាមញ្ញ មើលឃើញពីតម្រូវការជាក់ស្តែងនាពេលបច្ចុប្បន្នក្នុងដំណើរការបេសកកម្ម តួនាទី និងភារកិច្ចរបស់ខ្លួន ដោយសម្រេចអនុម័តលើវិសោធនកម្មលក្ខន្តិកៈ និងបទបញ្ជាផ្ទៃក្នុងរបស់សហភាពសហព័ន្ធយុវជនកម្ពុជា និងសម្រេចជាឯកឆន្ទជ្រើសតាំងជាប្រធានកិត្តិយស លើកដំបូង។

លោក ហ៊ុន ម៉ាណែត ជាបេក្ខភាពនាយករដ្ឋមន្ត្រីអនាគត ជាសមាជិកថ្នាក់កណ្ដាល និងប្រធានចលនាយុវជនគណបក្សប្រជាជនកម្ពុជា។ បច្ចុប្បន្នជាឧត្តមសេនីយ៍ឯក អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងជាមេបញ្ជាការ បញ្ជាការដ្ឋានជាតិកម្លាំងពិសេសប្រឆាំងភេរវកម្ម ក្រសួងការពារជាតិ។

នាឱកាសនៃពិធីបិទមហាសន្និបាតវិសាមញ្ញតំណាងទូទាំងប្រទេស សហភាពសហព័ន្ធយុវជនកម្ពុជា លោក ហ៊ុន ម៉ាណែត បានកោតសរសើរ និងវាយតម្លៃខ្ពស់ចំពោះសកម្មភាព និងសមិទ្ធផល ដែលស.ស.យ.ក. សម្រេចបានក្នុងរយៈកាលកន្លងមក។ លោកថា ស.ស.យ.ក. ប្រៀបបីដូចជាដែកឆក់ក្នុងការស្រូបទាញយុវជនក្នុងការចូលរួមសកម្មភាពដើម្បីអភិវឌ្ឍសង្គមជាតិ។

សូមជម្រាបថា រយៈពេល ០២ ថ្ងៃនេះ មហាសន្និបាតបានពិនិត្យ ពិភាក្សា និង អនុម័ត លើការងារសំខាន់ៗមួយចំនួនដូចជា ការពិនិត្យ របាយការណ៍សកម្មភាពការងារសម្រេចបាន ឆ្នាំ២០១៨-២០២៣ ពិនិត្យ ពិភាក្សា និងអនុម័ត ផែនការយុទ្ធសាស្រ្ត «យុវជនក្នុងបុព្វហេតុជាតិ មាតុភូមិ ២០២៣ ២០២៨» និងបានអនុម័តលើវិសោធនកម្មលក្ខន្តិកៈ និងបទបញ្ជាផ្ទៃក្នុងរបស់ខ្លួន។ ជាមួយគ្នានោះ កិច្ចប្រជុំគណៈកម្មាធិការកណ្តាលដែលបានប្រជុំក្នុងថ្ងៃជាមួយគ្នា បានបោះឆ្នោតជ្រើសតាំងលោក ទៀ សីហា ជាអនុប្រធាន ស.ស.យ.ក. ក៏ដូចជាបំពេញបន្ថែមសមាសភាព សមាជិកគណៈអចិន្រ្តៃយ៍ ចំនួន ០៩ រូប និងគណៈកម្មាធិការកណ្តាល ២០៣ រូបផងដែរ៕

The post លោក ហ៊ុន ម៉ាណែត បោះឆ្នោតជ្រើសតាំងឱ្យកាន់ដំណែងថ្មី appeared first on .

លោក ហ៊ុន ម៉ាណែត បានបន្តថា គិតត្រឹមខែតុលា ឆ្នាំ២០២២ ចំនួ​ន​រោងចក្រកាត់ដេរដែលចុះបញ្ជីមានចំនួន ១.៣១៣ រោង​​ចក្រ ដែលបានផ្តល់ការងារដល់កម្មករ-និយោជិតចំនួន ៩០១.៦២៩ នាក់ ។ ដោយសារស​មិទ្ធផល​ពីវិស័យ​​​កាត់​ដេរ​​ទាំង​អស់​​នេះ​​ហើយ ទើបយើងអាចសម្រេចបាននូវកំណើនសេដ្ឋកិច្ចក្នុងអត្រាជាមធ្យមប្រមាណ៧ភាគរយ ក្នុងមួយឆ្នាំក្នុងរយៈ​​ពេល​២ទសវត្សរ៍ចុងក្រោ​យនេះ និងបានកាត់​បន្ថ​យភាពក្រីក្រក្នុង​អត្រាមួយគួរជាទីមោ​ទនៈ។

ជាមួយគ្នានេះ លោក ហ៊ុន ម៉ាណែត ក៏ចូលរួមអបអរសាទរចំពោះ សមាគមរោងចក្រត់ដេរនៅកម្ពុជា ហៅកាត់ថា GMAC ដោយបាន ប្តូរថ្មី ទៅ ជាសមាគមវាយ​នភណ្ឌសម្លៀកបំពាក់ស្បែកជើង និងផលិតផលធ្វើដំណើរ នៅកម្ពុជា ហៅ កាត់ថា TAFTAC ដែលការផ្លាស់ប្តូរឈ្មោះនេះ ដើម្បីជួយពង្រីកវិសា​លភាពរ​បស់សមាគ​ម និងបង្ហាញ​ ពីគោ​លដៅរប​ស់រាជ​រដ្ឋាភិ​បាល​ក្នុងការធ្វើពិពិធកម្មវិស័យកាត់ដេរ និងវិស័យឧស្សាហកម្មជា ទូទៅ សំដៅទាក់ទាញប​ន្ថែមនូវសកម្មភា​ព​​ផលិតកម្ម​​ដែល​​មានតម្លៃបន្ថែមខ្ពស់ ដែលជាមូ​លដ្ឋានថ្មី​នៃការ អភិវឌ្ឍ សង្គម-សេដ្ឋកិច្ច ​ទៅថ្ងៃអនាគត ។

អគ្គនាយកដ្ឋានគយនិងរដ្ឋាករ ប្រទេសកម្ពុជា បាន​នាំចេញសម្លៀកបំពាក់ ស្បែកជើង និងផលិតផលធ្វើដំណើរ​នៅក្នុង​ឆមាស​ទីមួយ​​​នៃឆ្នាំនេះ មានចំនួន៦.៦ពាន់លានដុល្លារ កើនឡើង៤០ភាគរយ ពីចំនួន៤.៧២ពាន់លានដុល្លារ ក្នុងរយៈ​ពេល​​ដូចគ្នាកាលឆ្នាំមុន។ ផលិតផលធ្វើដំណើររួមមាន៖ វ៉ាលី កាបូបស្ពាយក្រោយ កាបូបយួរដៃ កាបូបលុយ និងផលិតផល​ស្រដៀង៕

The post លោក ហ៊ុន ម៉ាណែត៖ វិស័យ​កាត់ដេរ​ បាន​ដើរ​តួនាទី​យ៉ាង សំខាន់​ក្នុងការអ​ភិវឌ្ឍសង្គម​សេដ្ឋកិច្ច​កម្ពុជា appeared first on .

ក្នុងជំនួបនេះលោក ហ៊ុន ម៉ាណែត បានជម្រាបជូនលោក ង្វៀន សួនហ្វ៊ុក អំពីលទ្ធផលប្រកប​ដោយផ្លែផ្កានៃកិច្ចសហ​ប្រតិ​ប​ត្តិការរវាងកងទ័ពនៃប្រទេសទាំងពីរ ដែលសម្រេចបានកន្លងមក ហើយឆ្លងតាមជំនួបពិភាក្សាការងារជាមួយ​នឹងថ្នាក់​​ដឹកនាំអគ្គសេនាធិការ នៃកងទ័ពប្រជាជនវៀតណាម និងថ្នាក់ដឹកនាំក្រសួងការពារប្រទេសវៀតណាម លោក ហ៊ុន ម៉ាណែត ក៏បានស្នើសុំប្រធានរដ្ឋ ផ្តល់ការគាំទ្រលើទិសដៅសំខាន់ៗនៃកិច្ចសហប្រតិបត្តិការក្នុងកម្រិតកងទ័ពជើងគោក ដែល​បានឯកភាពគ្នា សំដៅធ្វើយ៉ាងណាបន្តថែរក្សាចំណងសាមគ្គីភាព មិត្តភាព ការទុកចិត្តគ្នា និងការសហការគ្នាឱ្យ​បានស្អិតរមួតបន្ថែមទៀត ដើម្បីកសាង និងការពារប្រទេសទាំងពីរ តាមរយៈការធានាបាននូវព្រំដែនសន្តិភាព និងការ​អភិវឌ្ឍរួមសម្រាប់ទាំងអស់គ្នា។

ជាការឆ្លើយតប ប្រធានរដ្ឋ នៃសាធារណសង្គមនិយមវៀតណាម បានសម្តែងនូវការវាយតម្លៃខ្ពស់ចំពោះការរីកចម្រើននៃ​ទំនាក់ទំនងមិត្តភាព និងកិច្ចសហប្រតិបត្តិការប្រកបដោយផ្លែផ្ការវាងកងទ័ពនៃប្រទេសទាំងពីរតាំងពីអតីតកាល រហូតមក​ដល់បច្ចុប្បន្ន និងបានគូសបញ្ជាក់ផងដែរអំពីការគាំទ្រចំពោះទិសដៅដែលបានឯកភាពគ្នា សំដៅធ្វើយ៉ាងណាបន្តថែរក្សា និងលើកម្ពស់កិច្ចសហប្រតិបត្តិការដែលមានស្រាប់ឱ្យកាន់តែជិតស្និទ្ធ និងរឹងមាំ ព្រមជាមួយនឹងការរួមគ្នាសំលឹង​មើលសក្តានុពលថ្មីៗបន្ថែមទៀតសម្រាប់ពេល​អនាគត។

ជាងនេះទៀត លោកប្រធានរដ្ឋ ក៏បានកោតសរសើរអំពីស្ថានភាពនៃការអភិវឌ្ឍរីកចម្រើនរបស់ប្រទេសកម្ពុជា ជាពិសេសកំណើនសេដ្ឋកិច្ចហួសពីការរំពឹកទុកក្នុងរយៈពេល ០៦ ខែដើមឆ្នាំនេះ ទោះបីជាកន្លងមកទទួលរង​ប៉ះពាល់ដោយសារការរាតត្បាតនៃជំងឺកូវីដ-១៩ ក៏ដោយ និងបានបញ្ជាក់ផងដែរថា ប្រទេសវៀតណាម នៅតែបន្តគាំទ្រដល់កម្ពុជា ក្នុងនាមជាអ្នកជិតខាងល្អជានិច្ច។

ក្នុងឱកាសនោះដែរ លោក ង្វៀន សួនហ្វ៊ុក ក៏បានសម្តែងនូវការអបអរសាទរ  និងការគាំទ្រផងដែរចំពោះ លោក ហ៊ុន ម៉ាណែត  ដែលត្រូវបានអង្គសន្និបាតគណៈកម្មាធិការកណ្តាលគណបក្សប្រជាជន កម្ពុជាលើកទី៤៣ បោះឆ្នោតជាបេក្ខភាព​នាយករដ្ឋមន្ត្រីនា​ពេលអនាគត និងបានជូនពរឱ្យការបោះឆ្នោតថ្នាក់ជាតិក្នុងឆ្នាំ២០២៣ នៅកម្ពុជា ប្រព្រឹត្តិទៅប្រកប​ដោយភាពជោគជ័យ។

The post លោក ហ៊ុន ម៉ាណែត ជួបសម្តែងការគួរសមជាមួយប្រធាន រដ្ឋនៃ​សាធារណរដ្ឋសង្គមនិយ​ម​វៀតណាម appeared first on .

លោកឧត្តមសេនីយ៍ឯក ហ៊ុន ម៉ាណែត បានរលឹកផងដែរ នូវកិច្ចខិតខំប្រឹងប្រែងរបស់ប្រទេសអូស្រ្តាលី សម្រាប់ដំ​ណើរ​​​ស្វែងរកសន្តិភាព និងការដើរតួនាទីនាំមុខក្នុងអំទ្បុងពេលបេសកម្មថែរក្សាសន្តិភាពរបស់អង្គការសហប្រជាជាតិនៅកម្ពុជា។ បន្ថែមពីនេះទៅទៀត ប្រទេសអូស្ត្រាលី បានជួយឧបត្ថម្ភយ៉ាងខ្លាំងក្លាដល់វិស័យអប់រំធនធានមនុស្ស និងការបណ្តុះបណ្តាលភាសាអង់គ្លេសកម្រិតខ្ពស់ដល់ប្រជាជនកម្ពុជា និងជាពិសេសការគាំទ្រលើវិស័យ​បោស​សម្អាត​មីន និងគ្រាប់យុទ្ធភណ្ឌមិនទាន់ផ្ទុះនៅកម្ពុជាផងដែរ។

លោក ហ៊ុន ម៉ាណែត បានធ្វើការថ្លែងអំណរគុណដល់រដ្ឋាភិបាល និងប្រជាជនអូស្រ្តាលី ដែលតែងតែជួយគាំទ្រដល់ដំណើរការនៃការអភិវឌ្ឍរបស់ប្រទេសកម្ពុជា ព្រមទាំងបានរំលឹកនូវចំណងមិត្តភាពដ៏យូរអង្វែងនៃប្រទេសទាំងពីរ កម្ពុជា-អូស្រា្តលី ដែលមានរយៈពេល ៧០ឆ្នាំ គិតចាប់តាំងពីឆ្នាំ១៩៥២ មក។

ជាការឆ្លើយតប លោកស្រី ផេននី វង់ (Penny Wong) រដ្ឋមន្ត្រីការបរទេសអូស្រ្តាលី ក៏បានថ្លែងអំណរគុណដល់ប្រទេសកម្ពុជា ដែលបាន​ជួយគាំទ្រសកម្មភាពមួយចំនួនក្នុងវេទិកាអន្តរជាតិកន្លងមក ក៏ដូចជាសម្តែងនូវក្តីរីករាយ និងការសាទរដល់ការអភិវឌ្ឍរីកចម្រើនយ៉ាងឆាប់រហ័សរបស់ប្រទេសកម្ពុជា ព្រមទាំងបានបង្ហាញនូវការគាំទ្របន្តទៀតដល់ប្រទេស​កម្ពុជា។

គួរបញ្ជាក់ថា ជំនួបសំណេះសំណាល និងសម្តែងការគួរសមរវាងឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធ ពលខេមរភូមិន្ទ មេបញ្ជាការកងទ័ពជើងគោក និងលោកស្រី ផេននី វង់ (Penny Wong) រដ្ឋមន្ត្រីការបរទេសអូស្រ្តាលី ធ្វើឡើងស្របពេលដែលលោកស្រី រដ្ឋមន្ត្រីការបរទេសអូស្រ្តាលី កំពុងស្នាក់នៅរាជធានីភ្នំពេញ ដើម្បីអញ្ជើញចូលរួមក្នុងកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ ដែលកម្ពុជាធ្វើជាម្ចាស់ផ្ទះ។

កម្ពុជានិងអូស្រ្តាលី ក៏បានបង្ហាញនូវទស្សនៈព្រមគ្នាថា កិច្ចការពារថែរក្សាសន្តិភាព ស្ថិរភាព សន្តិសុខ និងវិបុលភាព នៅក្នុងតំបន់ គឺជាកត្តាសំខាន់ដែលត្រូវតែរួមគ្នាយកចិត្តទុកដាក់ និងរក្សាឱ្យបានជាចាំបាច់។

The post លោក ហ៊ុន ម៉ាណែត រំពឹងថា កម្ពុជានិងអូស្ត្រាលី នឹងបន្តពង្រឹងទំនាក់ទំ​នង​កាន់​តែស្និទ្ធស្នាល​បន្ថែមទៀត ដើ​ម្បី​​ប្រយោជន៍​រួម appeared first on .

សម្តេចតេជោ បានគូសបញ្ជាក់ថា ការធ្វើទស្សនកិច្ចទៅប្រទេសឥណ្ឌា ដើម្បីចូលរួមពង្រីកទំនាក់ទំនងទ្វេភាគី ជាពិសេសក្នុងការប្រារព្ធខួបទី៧០នៃទំនាក់ទំនងការទូតរវាងប្រទេសទាំងពីរ។

គួររម្លឹកថា លោក ហ៊ុន ម៉ាណែត គឺមានឋានៈជាឧត្តមសេនីយ៍ឯក (ផ្កាយ៣) ដោយកាន់តំណែងជាអគ្គមេបញ្ជាការ​រងនៃកងយោធពលខេមរភូមិន្ទ ជាមេបញ្ជាការកងទ័ពជើងគោក ជាមេបញ្ជាការនៃកងកម្លាំងពិសេសប្រឆាំងភេរវកម្ម និងជាមេបញ្ជាការរងនៃកងអង្គរក្សរបស់នាយករដ្ឋមន្រ្តី។

ក្នុងគណបក្ស លោកគឺជាសមាជិកគណៈកម្មាធិការអចិន្រ្តៃយ៍ និងជាប្រធានយុវជនថ្នាក់កណ្តាលរបស់គណបក្សប្រជាជនកម្ពុជា។ លោកក៏ជាបេក្ខជននាយករដ្ឋមន្រ្តីសម្រាប់ពេលអនាគតជាផ្លូវការ តាមរយៈការអនុម័តយល់ព្រមដោយការលើកដៃ ពីអង្គសន្និបាតគណៈកម្មាធិការកណ្តាលគណបក្សប្រជាជនកម្ពុជាលើកទី៤៣ នៅថ្ងៃទី២៤ ខែធ្នូ ឆ្នាំ២០២១​ផងដែរ។

គិតមកដល់ឆ្នាំ២០២២នេះ គឺជាខួបលើកទី៧០ឆ្នាំហើយនៃទំនាក់ទំនងការទូតរវាងកម្ពុជា និងឥណ្ឌា ដែលចាប់ផ្ដើមតាំងពីឆ្នាំ១៩៨១មកម្លេះ។ ដើម្បីប្រារព្ធខួបបនៃទំនាក់ទំនងការទូតនេះ ប្រទេសទាំងពីរនឹងត្រៀមរៀបចំពិធីអបអរសាទរខួបលើកទី៧០ឆ្នាំនេះផងដែរ ក្នុងស្មារតីសាមគ្គីភាព និងកិច្ចសហប្រតិបត្តិការរវាងប្រទេសទាំងពីរ។

ទន្ទឹមនឹងនោះ សម្ដេចតេជោ ក៏បានអរគុណប្រទេសឥណ្ឌា ដែលបានផ្ដល់វ៉ាក់សាំងដល់កម្ពុជាដែលបានទទួលកាល​ពីនៅថ្ងៃទី១២ ខែមេសា ឆ្នាំ២០២២ ចំនួន៣២ ម៉ឺន៥០០០ដូស។

សម្ដេចតេជោ ក៏បានបញ្ជាក់ដែរថា នេះគឺជាវ៉ាក់សាំងដែលឆ្លុះបញ្ចាំងពីអ្វីដែលឥណ្ឌាចូលរួមនៅក្នុងសាមគ្គីភាព ហើយធ្វើឲ្យកម្ពុជាទទួលបានជោគជ័យ ហើយនៅពេលនេះ កម្ពុជា បានចាក់វ៉ាក់សាំងជូនប្រជាពលរដ្ឋចំនួន ៩៣,៦ ភាគរយ នៃចំនួនប្រជាជន១៦លាននាក់ ដូច្នេះដោយសារការចូលរួមចំណែករបស់ប្រទេសឥណ្ឌានេះ ធ្វើឲ្យប្រទេស​កម្ពុជា បានបើកប្រទេសឡើងវិញកាលពីថ្ងៃទី១ ខែវិច្ឆិកា ឆ្នាំ ២០២១៕

The post លោក ហ៊ុន ម៉ាណែត គ្រោងនឹងទៅទស្សនកិច្ចនៅប្រ​ទេ​ស​ឥណ្ឌា ដើម្បីពង្រីក​ទំនាក់​ទំនង​ទ្វេភាគី appeared first on .

លោក ហ៊ុន ម៉ាណែត បានលើកឡើងថា ភាពជោគជ័យនេះមិនមែនជាការចៃដន្យនោះទេ គឺសម្ដេច​​តេជោ ហ៊ុន សែន មាន​យុទ្ធសាស្ត្រ និងការសម្រេចចិត្តច្បាស់លាស់ដើម្បីចាក់វ៉ាក់សាំងជូន​ប្រជា​​ពលរដ្ឋ​​ទូទាំង​ប្រទេស​ហើយទទួល​បានប្រសិទ្ធ​ភាពក្នុងការទប់ស្កាត់នៃការរីករាលដាលជំងឺកូវី-១៩ ខណៈដែលប្រទេស​ជឿនលឿនមួយចំនួនមិនបាន​ចាក់វ៉ាក់​​សាំង​គ្រប់នៅឡើយ។

លោក ហ៊ុន ម៉ាណែត បានលើកឡើងបន្តថា សមាគមគ្រូពេទ្យស្ម័គ្រចិត្តយុវជនសម្ដេចតេជោ(TYDA) គឺជាកម្លាំងសរុបជួយ​សង្គ្រោះ​ជីវិតប្រជាពលរដ្ឋ តាមរយ:ការអនុវត្តជាក់ស្ដែងនៅតាមគោលដៅ​​មជ្ឈ​មណ្ឌលព្យាបាលជំងឺកូវីដ-១៩ ដោយមាន​ការចូលរួមពីសប្បុរសជន កងកម្លាំង អាជ្ញាធរ និងផ្នែក​​​ដែលពាក់ព័ន្ធធ្វើឱ្យយើងទទួលបានភាពជោគជ័យ​​មកដល់​ពេល​នេះ។

ជាមួយគ្នានេះ លោក ហ៊ុន ម៉ាណែត ក៏អរគុណគ្រូពេទ្យស្ម័គ្រចិត្តយុវជនសម្ដេចតេជោ សប្បុរសជន​កងកម្លាំង អាជ្ញាធរ​គ្រប់​​លំដាប់ថ្នាក់ និងផ្នែកដែលពាក់ព័ន្ធដែលបានចូលរួមប្រយុទ្ធប្រឆាំងជំងឺកូវីដ-១៩ ហាលខ្យល់ ហាល​ភ្លៀង ហាលក្តៅ រហូតធ្វើឱ្យទទួលបានភាពជោគជ័យ​ដូចសព្វថ្ងៃនេះ។ មិនតែ​ប៉ុណ្ណោះ ការចូលរួមចំណែកនេះបានធ្វើឱ្យប្រទេសកម្ពុជា​​ជាប់លំដាប់ថ្នាក់លេខ២ បន្ទាប់ពីសហរដ្ឋ​អាមេរិកនៅក្នុងការប្រកួតប្រជែងផ្នែកសន្តិសុខ និងសុខភាព។

គួរបញ្ជាក់ថា ក្រោយពីមានការអំពាវនាវរកគ្រូពេទ្យស័្មគ្រចិត្តចូលរួមប្រយុទ្ធប្រឆាំងជាមួយការរីករាល​ដាល​​នៃជំងឺកូវីដ១៩ នៅកម្ពុជា កាលអំឡុងខែមីនា ឆ្នា២០២០ តាមរយៈការអំពាវនាវនេះមានអ្នក​​ប្រកប​វិជ្ជាជីវៈ​​ពេទ្យ សិស្ស និងនិស្សិត ដែល​​បានបញ្ចប់ការសិក្សា និងកំពុងសិក្សា ក៏បានដាក់ពាក្យ​ចូលរួមសកម្មភាពប្រយុទ្ធនឹងជំងឺកូវីដ១៩ជាបន្តបន្ទាប់។

ក្រោយបានទទួលអ្នកស្ម័គ្រចិត្តហើយនោះ សមាគមគ្រូពេទ្យស្ម័គ្រចិត្តយុវជនសម្តេចតេជោ ក៏បានបើក​វគ្គបណ្តុះបណ្តាល និងបំពាក់បំប៉នបច្ចេកទេសបន្ថែមទៅលើការបង្ការ និងត្រួតពិនិត្យការចម្លងជំងឺ​កូវីដ១៩ និងបានចេញបំពេញបេសកកម្ម ដែលគិតមកទល់ពេលនេះ មានរយៈពេលជាង២ឆ្នាំមក​​ហើយ ៕

The post លោក ហ៊ុន ម៉ាណែត៖ ការចូលរួមចំណែក​ពីក្រុម​គ្រូពេទ្យ​កង​​កម្លាំង អាជ្ញាធរ និងសប្បុរសជន ធ្វើឲ្យកម្ពុជា​អាចគ្រប់​គ្រង​លើកូវីដ១៩ បានល្អប្រសើរ appeared first on .

ការលើកឡើងរបស់ ឧត្តមសេនីយ៍ឯក ហ៊ុន ម៉ាណែត បានធ្វើឡើងនៅក្នុងពិធីសម្ពោធ​ផ្លូវបេតុង ប្រវែង​ជិត៣គីឡូម៉ែត្រ និងសំណង់សិល្បការ្យមួយចំនួន ស្ថិតនៅភូមិអំពេង ឃុំអង្កោល ស្រុក​ដំណាក់​ចង្អើរ ខេត្តកែប កាលពីថ្ងៃទី១៣ ឧសភា ឆ្នាំ២០២២ ។

ឧត្តមសេនីយ៍ឯក ហ៊ុន ម៉ាណែត បានបន្ថែមថា មកដល់ពេលនេះ ខេត្តកែប​មានការអភិវឌ្ឍ​រីកចម្រើន​លើគ្រប់វិស័យ​គួរ​ជាទីមោទនៈ ដោយទ្បែកហេដ្ឋរចនាសម្ព័ន្ធរូបវ័ន្តនានា ក៏ត្រូវបាន​កែលម្អ​ឱ្យកាន់តែ​ប្រសើរឡើង ដោយរដ្ឋបាល​ខេត្ត​បាន​ខិត​ខំស្តារកសាង និងជួសជុលទ្បើងវិញ ដោយរួម​មានទាំង​ផ្លូវអ៊ុត​កៅ​ស៊ូ ផ្លូវបេតុង ផ្លូវក្រាលគ្រួសក្រហមជាច្រើនខ្សែ ការ​ពង្រីក​​ឆ្នេរ និងការបង្កើត​កំពង់ផែ ការរៀបចំ​ប្រព័ន្ធលូរំ​ដោះទឹកភ្លៀង អាងប្រព្រឹត្តកម្មចម្រោះទឹកកង្វក់ និងឡដុត​សម្រាម​វេជ្ជ​​សាស្ត្រជាដើម។

ឧត្តមសេនីយ៍ឯក បានសង្កត់ធ្ងន់ថា សមទ្ធិផលទាំងនេះ កើតឡើងដោយសារខេត្តកែប មានថ្នាក់​ដឹកនាំល្អ និងមានការខិតខំ​យកចិត្តទុកដាក់​បំពេញភារកិច្ចបម្រើប្រជាពលរដ្ឋពីសំណាក់មន្ត្រីរាជការ និងអាជ្ញាធរដែនដីគ្រប់ថ្នាក់ កងកម្លាំង​ប្រដាប់​អាវុធ​​គ្រប់ប្រភេទ ជាពិសេសការចូលរួមរបស់​ប្រជាពលរដ្ឋ​ផ្ទាល់​​នៅក្នុងការជ្រើសរើសអ្នកដឹកនាំមូលដ្ឋានបាន​ត្រឹមត្រូវ​​ក្នុង​​​រយៈកាលកន្លងមកនេះ។

គួរបញ្ជាក់ថា ខេត្តកែប គឺជាខេត្តមួយក្នុងចំណោមខេត្តជាប់មាត់សមុទ្រទាំង៤របស់កម្ពុជា​ដែលបាន​បង្កើតឡើងនៅឆ្នាំ​២០០៨​។ ខេត្តកែបមានសក្តានុពលយ៉ាងច្រើនសម្បូរបែបដែល​មាន​ឆ្នេរកែប តំបន់សក្តានុពលកោះ បាតសមុទ្រ ក៏ដូចជា​សក្តានុ​ពល​​​ផ្នែកទេសចរណ៍ធម្មជាតិ ទេសចរណ៍វប្បធម៌​​ប្រវត្តិសាស្ត្រ និងកសិ-ទេសចរណ៍ជាច្រើនផងដែរ។

ជាមួយគ្នានេះ ក្រសួងទេសចរណ៍កម្ពុជា ក៏បានពិភាក្សា និងសិក្សារៀបចំផែនការ​មេអភិវឌ្ឍទេសចរណ៍​ខេត្តកែបឆ្នាំ​​២០​​២១​-២០៣៥ ដែលមានគោលបំណង ប្រែក្លាយខេត្តកែប ជាគោលដៅទេសចរណ៍​​ឆ្នេរសមុទ្រធម្មជាតិសម្រាកកម្សាន្តបែប​ប្រណិត​​​កម្រិតខ្ពស់ ប្រកបដោយសុវត្ថិភាព ភាពទាក់ទាញ និងភាពប្រកួតប្រជែងខ្ពស់លើឆាកអន្តរជាតិ ៕

The post លោក ហ៊ុន ម៉ាណែត៖ រាជរដ្ឋាភិបាល មានចក្ខុវិស័យ​អភិ​វឌ្ឍន៍​​ក្រុងកែប ឲ្យក្លាយជាតំបន់​ទេសចរណ៍​​ល្អ​ប្រណីត​​កម្រិត​ខ្ពស់ appeared first on .