លោក ឡោ វិចិត្រ

លោក ឡោ វិចិត្រ៖ តំបន់ភាគខាងត្បូងរាជធានីភ្នំពេញ ស៊ីវិល័យទាក់ទាញជាងគេក្នុងការអភិវឌ្ឍសេដ្ឋកិច្ច អចលនទ្រព្យ និងសំណង់

ឧកញ៉ាតូច — Tue, 30 Aug 2022 08:40:54 +0000

នៅក្នុងឆ្នាំ២០៣៥ ខាងមុខ រាជធានីភ្នំពេញនឹងពង្រីកវិសាលភាពភូមិសាស្ត្រកាន់តែធំ នៅក្នុងទម្រង់ជាកាំរង្វង់ចម្ងាយ ១០០គីឡូម៉ែត្រជុំវិញ ដែលជាប៉ូលសេវាកម្មកណ្ដាលមួយក្នុងតំបន់វាលទំនាប ហើយចំនួនប្រជាជនត្រូវបានគេព្យាករណ៍ថា អាចនឹងឡើងដល់ ៦លាននាក់ ផងដែរ។ នេះបើយោងតាមអនុក្រឹត្យ ស្ដីពី «ការដាក់ឱ្យអនុវត្តប្លង់គោលប្រើប្រាស់ដីនៅរាជធានីភ្នំពេញឆ្នាំ២០៣៥» ចេញដោយក្រសួងដែនដី នគរូបនីយកម្ម និងសំណង់។

លោក ឡោ វិចិត្រ ប្រធានសមាគមអចលនទ្រព្យសកលរាជធានីភ្នំពេញ បានលើកឡើងថា នៅរាជធានីភ្នំពេញតំបន់ដែលមានលេចធ្លោជាងគេ គឺភាគខាងត្បូងដែលរាប់ចាប់ពីមហាវិថីសម្តេចតេជោ ហ៊ុន សែន ឬផ្លូវ ៦០ម៉ែត្រទៅទល់គម្រោងអាកាសយានដ្ឋានអន្តរជាតិតាខ្មៅ ខេត្តកណ្តាល។ លោកអះអាងដូច្នេះក៏ព្រោះតែផ្អែកលើកត្តាភូមិសាស្រ្តអំណោយផលខាងប្រព័ន្ធធារាសាស្រ្ត សេដ្ឋកិច្ច ពាណិជ្ជកម្ម ហេដ្ឋារចនាសម្ព័ន្ធ និងអចលនទ្រព្យដែលនៅមិនទាន់អភិវឌ្ឍនៅឡើយ។

លោកថា សម្រាប់តំបន់ភាគខាងលិច មានសក្តានុពលខាងវិស័យឧស្សាហកម្ម រោងចក្រ សហគ្រាស ខណៈដែលកន្លងមករដ្ឋបាលរាជធានីភ្នំពេញ បានសេចក្តីណែនាំឲ្យរោងចក្រស្ថិតក្នុងតំបន់មួយចំនួន ត្រូវជ្រើសរើសទីតាំងមានចំងាយប្រមាណ ៣០គីឡូម៉ែត្រពីរាជធានីភ្នំពេញ។ លោកបន្តថា តំបន់នេះមានភាពលេចធ្លោខាងការសាងសង់ឃ្លាំង ដោយសារសម្បូររោងចក្រសហគ្រាស ហើយតម្លៃអចលនទ្រព្យនៅមានកម្រិត។ លើសពីនេះ ប៉ែកខាងលិចក៏មានផ្លូវតភ្ជាប់ទៅផ្លូវជាតិលេខ ៤ ដែលផ្តល់ភាពងាយស្រួលផ្នែកដឹកជញ្ចូនទៅកំពង់ផែផងដែរ។

ដោយឡែក តំបន់ភាគខាងកើតរាជធានី លោក ឡោ វិចិត្រ បញ្ជាក់ថា មានភាពអំណោយផលខាងសាងសង់លំនៅដ្ឋាន លក្ខណៈបុរីជាដើម។ យ៉ាងណាបែកខាងកើតនេះ បើពិនិត្យលើដងស៊ីតេប្រជាជនវិញ កំពុងប្រមូលផ្តុំមកកាន់ច្រើនឡើងថែមទៀត។

ទោះជាបែបក្តីនេះ លោកបានមើលឃើញថា តំបន់ខាងជើង គឺជ្រោយចង្វារ ក៏កំពុងមានភាពលេចធ្លោខាងលំនៅដ្ឋានដែរ ដោយសារតំបន់នេះជាប់នឹងទន្លេចតុមុខស្រាប់ ហើយតាមផ្លូវជាតិលេខ ៦A កំពុងស្វាគមន៍គម្រោងលំនៅដ្ឋានជាច្រើនហើយមានភាពស៊ីវិល័យទាក់ទាញ ប៉ុន្តែសម្រាប់ដងស៊ីតេប្រជាជននៅមានកម្រិតនៅឡើយ ប្រសិនបើប្រៀបធៀបភាគនឹងខាងផ្លូវជាតិលេខ១។

ទន្ទឹមនឹងនោះ ប្រធានសមាគមអចលនទ្រព្យសកលរាជធានីភ្នំពេញរូបនេះ ក៏បានរំលេចឲ្យឃើញផងដែរ ក្រៅពីតំបន់ភាគខាងត្បូងរាជធានីភ្នំពេញ តំបន់មួយចំនួនកំពុងជួបបញ្ហាទឹកលេចនៅឡើយ នៅគ្រាដែលមានភ្លៀងធ្លាក់ម្តងៗ។ លោកបន្ថែមថា ដោយសារតំបន់ភាគខាងត្បូងមានភាពលេចធ្លោដូច្នេះហើយ បានជាអ្នកជំនាញលើកទឹកចិត្តវិនិយោគិនមកវិនិយោគ និងអភិវឌ្ឍនៅខាងត្បូងរាជធានីភ្នំពេញដែលជាជម្រើសល្អបំផុតនាពេលបច្ចុប្បន្ន និងអនាគត។

លោកបន្ថែមទៀតថា តំបន់ភាគខាងត្បូង បច្ចុប្បន្នវិស័យដីធ្លីនៅសេះសល់ច្រើនមិនទាន់ធ្វើការវិនិយោគ ឬអភិវឌ្ឍ ប៉ុន្តែមិនយូរនោះទេ តំបន់នេះនឹងអាចទាញចំណាប់អារម្មណ៍ ហើយទទួលបានគម្រោងអភិវឌ្ឍធំៗមកវិនិយោគ និងអភិវឌ្ឍ។ ដោយសារតំបន់ភាគខាងត្បូងនៅជិតព្រលានយន្តហោះអន្តរជាតិធំឈរលេខ ៩លើសកលលោកស្រាប់ ដែលភ្ជាប់ជាមួយមហាវិថីផ្លូវ ៦០ម៉ែត្រ ស្ថិតក្នុងតំបន់កំពុងអភិវឌ្ឍហេដ្ឋារចនាសម្ព័ន្ធ ផ្សារទំនើប អាគារពាណិជ្ជកម្ម ខុនដូរ និងទីក្រុងរណបជាដើម។

លោកថ្លែងថា៖ «ស្ថានភាពជាក់ស្តែងបច្ចុប្បន្ននេះ ភាគខាងត្បូងរាជធានីភ្នំពេញឆក់បានគម្រោងធំៗ ហើយកំពុងអភិវឌ្ឍន៍ខ្លួន ប៉ុន្តែលោកថា តំបន់ភាគខាងដទែទៀតក៏មានសក្តានុពលដែល គ្រាន់តែប្រើប្រាស់សម្រាប់វត្ថុបំណងរៀងៗខ្លួន»។

គួររម្លឹកបន្តិចថា អនុក្រឹត្យស្ដីពី «ការដាក់ឱ្យអនុវត្តប្លង់គោលប្រើប្រាស់ដីរាជធានីភ្នំពេញឆ្នាំ២០៣៥» របស់ក្រសួងដែនដី នគរូបនីយកម្ម និងសំណង់ បានបង្ហាញថា រាជធានីភ្នំពេញនឹងបន្តពង្រីកវិសាលភាពរបស់ខ្លួន ហើយក្លាយជាទីក្រុងនៃប៉ូលសេវាកម្មកណ្ដាលសម្រាប់ប្រជាជនចំនួន ៦លាននាក់នៅពេលខាងមុខ ហើយទីក្រុងភ្នំពេញ ក៏នឹងពង្រីកខ្លួនក្នុងកាំរង្វង់ចម្ងាយ ១០០គីឡូម៉ែត្រជុំវិញផងដែរ៕

The post លោក ឡោ វិចិត្រ៖ តំបន់ភាគខាងត្បូងរាជធានីភ្នំពេញ ស៊ីវិល័យទាក់ទាញជាងគេក្នុងការអភិវឌ្ឍសេដ្ឋកិច្ច អចលនទ្រព្យ និងសំណង់ appeared first on .

តើរាជរដ្ឋាភិបាលគួរអនុញ្ញាតឱ្យជនបរទេសមានសិទ្ធិកាន់កាប់ដីធ្លីដែរឬទេ?

ឧកញ៉ាកោះក្របី — Mon, 25 Jul 2022 03:16:03 +0000

អ្នកជំនាញ និងជាប្រធានសមាគមអចលនទ្រព្យសកលរាជធានីភ្នំពេញ លោក ឡោ វិចិត្រ បានបង្ហាញការចំណាប់អារម្មណ៍ដោយផ្អែកលើកត្តាសេដ្ឋកិច្ច ប្រទេសទាំងអស់នៅជុំវិញពិភពលោក តែងធ្វើការសិក្សា និងរៀបចំគោលនយោបាយ ដើម្បីទាក់ទាញការវិនិយោគមកកាន់ប្រទេសខ្លួនឱ្យបានច្រើន។ កម្ពុជាក៏ដូចជាប្រទេសដទៃទៀតនៅលើសកលលោក កំពុងត្រូវការទុនវិនិយោគពីក្រៅ ដើម្បីអភិវឌ្ឍសេដ្ឋកិច្ច បង្កើតការងារ កាត់បន្ថយចំណាកស្រុក។

ថ្លែងដោយផ្អែកលើការស្រាវជ្រាវ លោក ឡោ វិចិត្រ បានគូសបញ្ជាក់ថា៖ «ប្រសិនបើរាជរដ្ឋាភិបាលមានគោលនយោបាយបើកចំហឱ្យជនបរទេសអាចកាន់កាប់ដីក្នុងប្រទេសកម្ពុជា វាជាសញ្ញាល្អ ដើម្បីបង្កភាពងាយស្រួលដល់វិនិយោគិននៅក្រៅប្រទេសមកវិនិយោគទៅលើវិស័យដីធ្លី»។

លោកថា វិស័យដីធ្លី គឺជាវិស័យមួយបានបង្កើតសេដ្ឋីជាច្រើននៅក្នុងស្រុក ក៏ប៉ុន្តែសម្រាប់គោលនយោបាយបើកចំហសម្រាប់វិនិយោគិនក្រៅប្រទេស អាចកាន់កាប់ដីធ្លីនៅកម្ពុជាគួរតែសិក្សាឱ្យបានច្បាស់ ជាមួយនឹងអ្នកជំនាញក្រសួងជំនាញ អន្តរក្រសួង ដើម្បីធ្វើការសិក្សាផលប៉ះពាល់ ឬការកំណត់ថា តើជនបរទេសគួរមានលក្ខខ័ណ្ឌបំពេញអ្វីខ្លះ? ដូចជាទុនអតិបរមាដើម្បីធានាថា គោលនយោបាយនេះ មានប្រសិទ្ធភាព និរន្តរភាព និងប៉ះពាល់តិចតួច។

តែយ៉ាងណាសម្រាប់លោក វិចិត្រ មុននឹងអនុញ្ញាតឱ្យជនបរទេសកាន់កាប់ដីធ្លី រដ្ឋាភិបាលត្រូវសិក្សាលើកត្តាសំខាន់មួយចំនួនដូចជាថា តើកម្ពុជាចង់បានទុនវិនិយោគកម្រិតណាមកចាក់បញ្ចូលក្នុងសេដ្ឋកិច្ច? អ្នកជំនាញត្រូវធ្វើការសិក្សាជាមួយនឹងក្រសួងសេដ្ឋកិច្ច និងហិរញ្ញវត្ថុ ទីស្ដីការគណៈរដ្ឋមន្ត្រី ដើម្បីលម្អិតពីផលប៉ះពាល់ក៏ដូចជាសិក្សាពីលទ្ធផល ក្រោយពីអនុញ្ញាតឱ្យជនបរទេសកាន់កាប់ដីធ្លីបាន។ ផ្នែកពាក់ព័ន្ធអាចសិក្សាអំពីទំហំដី ឬតំបន់ណា ដែលអនុញ្ញាតឱ្យជនបរទេសអាចមកទិញដីនៅកម្ពុជា ហើយចាំបាច់ត្រូវមានលក្ខខ័ណ្ឌអ្វីខ្លះ ដែលកំណត់ដោយច្បាប់ដើម្បីធានាថា គោលនយោបាយថ្មីនេះមិនមានផលប៉ះពាល់មកដល់ពលរដ្ឋ។

បើតាមប្រធានសមាគមអចលនទ្រព្យសកលរាជធានីភ្នំពេញ ការបើកចំហគោលនយោបាយនេះអាចមានពីរសេនារីយ៉ូ ទី១ អាចបើកឱ្យទិញលំនៅឋានជាប់ដី ទី២ អាចទិញលំនៅឋានជាប់ដីហើយ ទិញដីទៀត ដែលទាំងពីរខាងលើនេះជាលក្ខខ័ណ្ឌមួយដាច់ដោយឡែក ដែលអ្នកជំនាញក្រសួងស្ថាប័នពាក់ព័ន្ធគួរសិក្សាថា តើគួរបើកចំហទាំងស្រុង ឬជាជំហានៗ។ បើទិញដី ថាតើគាត់អាចទិញក្នុងទំហំកម្រិតទឹកប្រាក់ប៉ុណ្ណា? ប៉ុន្មានម៉ែត្រការ៉េ? តើទិញភ្លាមអភិវឌ្ឍន៍ភ្លាម ឬទុករយៈពេលប៉ុន្មានមុនពេលអភិវឌ្ឍន៍?។

សូមជម្រាបជូនថា បើគ្មានអ្វីប្រែប្រួលទេ ចាប់ពីខែកញ្ញា ឆ្នាំ២០២២ តទៅប្រទេសថៃនឹងអនុញ្ញាតឱ្យជនបរទេសអាចកាន់កាប់ដីធ្លីពេញលេញបាន។ ការអនុញ្ញាតិនេះត្រូវបានរដ្ឋាភិបាល រំពឹងថា នឹងបង្កើតការលើកទឹកចិត្ត ដើម្បីជំរុញការវិនិយោគនៅក្នុងប្រទេសថៃ។

ជុំវិញការរៀបចំសេចក្តីព្រាងច្បាប់នេះ រដ្ឋាភិបាលថៃក៏បានកំណត់លក្ខណៈវិនិច្ឆ័យសម្រាប់តែការរស់នៅប៉ុណ្ណោះ និងមិនឱ្យលើសពី ២០០០ម៉ែត្រការ៉េ កំណត់៥ឆ្នាំ មានលុយ ១លានលានបាត និងវិនិយោគបន្ថែម ៨០០ពាន់លានបាត បង់ពន្ធបន្ថែមចំនួន ២,៧សែនលានបាត ដើម្បីទាក់ទាញជនបរទេសដែលមានសក្តានុពលខ្ពស់ចំនួនរួមមាន ៤ក្រុមគឺ៖ ទី១ ក្រុមបុគ្គលដែលមានទ្រព្យសម្បត្តិច្រើន(សេដ្ឋី) ទី២ ក្រុមបុគ្គលចូលនិវត្តន៍ពីបរទេស ទី៣ ក្រុមបុគ្គលដែលចង់ធ្វើការពីប្រទេសថៃ និងទី៤ ក្រុមបុគ្គលអ្នកជំនាញ ឬឯកទេសពិសេស៕

The post តើរាជរដ្ឋាភិបាលគួរអនុញ្ញាតឱ្យជនបរទេសមានសិទ្ធិកាន់កាប់ដីធ្លីដែរឬទេ? appeared first on .

លោក ឡោ វិចិត្រ បង្ហើបប្រាប់ពីទីតាំងណាល្អ ដែលគួរអភិវឌ្ឍវិស័យខុនដូ នាពេលអនាគត

ឧកញ៉ាដែនដី — Fri, 24 Jun 2022 01:05:00 +0000

លោក ឡោ វិចិត្រ ប្រធានសមាគមអចលនទ្រព្យសកល រាជធានីភ្នំពេញ បានបង្ហើបប្រាប់ពីទីតាំងណាល្អ ដែលគួរអភិវឌ្ឍវិស័យខុនដូ នាពេលអនាគត ខណៈដែលរាជធានីភ្នំពេញនឹងពង្រីកវិសាលភាពភូមិសាស្ត្រកាន់តែធំឡើង។

ក្នុងបទសម្ភាស៍ជាមួយឧកញ៉ាញូស៍ កាលពីថ្ងៃពុធ ទី២២ ខែមិថុនា ឆ្នាំ២០២២ លោក ឡោ វិចិត្រ បានលើកឡើងថា ទីផ្សារខុនដូ ជាទីផ្សារសម្រាប់ពេលអនាគត រយៈពេលពី៣ឆ្នាំ ទៅ៥ឆ្នាំខាងមុខ។ ដូច្នេះយើងត្រូវមើលទីតាំងណា ដែលនឹងមានការកកស្ទះចរាចរណ៍ខ្លាំង នាពេលអនាគត ហើយស្ថិតនៅកណ្តាលក្រុង ប៉ុន្តែមិនមែនកណ្តាលក្រុងនាពេលបច្ចុប្បន្ននោះទេ ពោលគឺត្រូវមើលឱ្យឃើញថា តើ៣ឆ្នាំឬ៥ឆ្នាំខាងមុខ តំបន់ណានឹងក្លាយជាចំណុចកណ្តាលក្រុង។

លោកបានបញ្ជាក់បន្ថែមថា៖ «បច្ចុប្បន្ននេះ បើយើងនិយាយពីកណ្តាលក្រុង គឺយើងនឹកឃើញតំបន់បឹងកេងកងមុនគេ តែបើនិយាយពី៣ឆ្នាំ ឬ៥ឆ្នាំទៀត កណ្តាលក្រុងនឹងស្ថិតនៅតំបន់មហាវិថីសម្តេច ហ៊ុន សែន (ផ្លូវ៦០ម៉ែត្រ) ដោយសារមានព្រលានយន្តហោះថ្មី ព្រោះពេលភ្ញៀវចុះពីយន្តហោះមុនគេ នឹងឆ្លងកាត់តំបន់នេះ ដូច្នេះតំបន់ផ្លូវ៦០ម៉ែត្រ នឹងក្លាយជាទីក្រុងរណបថ្មី។ រាជរដ្ឋាភិបាល ក៏បានកំណត់យកតំបន់ទិសខាងត្បូង (ខណ្ឌមានជ័យ) ដើម្បីពង្រីកទីក្រុងផងដែរ»។

គួររម្លឹកថា នៅក្នុងឆ្នាំ២០៣៥ ខាងមុខ រាជធានីភ្នំពេញនឹងពង្រីកវិសាលភាពភូមិសាស្ត្រកាន់តែធំ នៅក្នុងទម្រង់ជាកាំរង្វង់ចម្ងាយ ១០០គីឡូម៉ែត្រជុំវិញ ដែលជាប៉ូលសេវាកម្មកណ្ដាលមួយក្នុងតំបន់វាលទំនាប ហើយចំនួនប្រជាជនត្រូវបានគេព្យាករណ៍ថាអាចនឹងឡើងដល់ ៦លាននាក់ ផងដែរ។ នេះបើយោងតាម អនុក្រឹត្យ ស្ដីពី «ការដាក់ឱ្យអនុវត្តប្លង់គោលប្រើប្រាស់ដីនៅរាជធានីភ្នំពេញឆ្នាំ២០៣៥» ចេញដោយក្រសួងដែនដី នគរូបនីយកម្ម និងសំណង់៕

The post លោក ឡោ វិចិត្រ បង្ហើបប្រាប់ពីទីតាំងណាល្អ ដែលគួរអភិវឌ្ឍវិស័យខុនដូ នាពេលអនាគត appeared first on .

លោក ឡោ វិចិត្រ

តើ​​​​រាជ​រដ្ឋាភិបាល​គួរ​​អនុញ្ញាត​ឱ្យ​ជន​បរទេស​មាន​សិទ្ធិ​កាន់​កាប់​ដីធ្លីដែរ​ឬទេ​?

លោក ឡោ វិចិត្រ បង្ហើបប្រាប់ពីទីតាំងណាល្អ ដែលគួរអភិវឌ្ឍវិស័យខុនដូ នាពេលអនាគត

តើរាជរដ្ឋាភិបាលគួរអនុញ្ញាតឱ្យជនបរទេសមានសិទ្ធិកាន់កាប់ដីធ្លីដែរឬទេ?