នេះគឺជាកំណត់ត្រាថ្មី នៃចំនួនចូលទស្សនាបាល់ទាត់ក្នុងលីគដ៏ច្រើនបំផុតមិនធ្លាប់មាននៅកម្ពុជា ដែលនេះបង្ហាញ ពីភាពរីកចម្រើននៃវិស័យកីឡាក្នុងស្រុក និងការចូលរួមរៀបចំពីក្រុមហ៊ុន វឌ្ឍនៈ ប៊្រូវើរី ដែលមានលក្ខណៈសម្បូរបែប ទាក់ទាញឲ្យអ្នកចូលរួម ដែលក្នុង នោះមានដូចជាឈុតឆាកសម្តែងពិសេសពីកញ្ញារ៉ាប៊ី និងកីឡាករបាល់ទាត់ Nick Taylor ក្នុងវគ្គពាក់កណ្តាលការប្រកួត និងពូឃ្លាំង លោកណាន វីសារ និងលោកប៉ប់ (BOB) នៅវគ្គបញ្ចប់ការប្រកួត ក៏ដូចជា ការរៀបចំទីតាំង Fan Zone ដែលមានការប្រគំតន្រ្តីពីម៉ាកសញ្ញាគ្រុឌ ស្តង់ម្ហូបអាហារចម្រុះ ស្តង់ហ្គេមកម្សាន្ត និងស្តង់តាំងបង្ហាញឯកសណ្ឋានរបស់ក្លិបនីមួយៗផងដែរ។

អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប៊្រូវើរី បានមានប្រសាសន៍ថា « ក្នុងនាម ជាម្ចាស់ឧបត្ថម្ភធំ នៃកម្មវិធី និងជំនួសមុខឲ្យខេមបូឌានព្រីមៀរលីគ យើងសូមអរគុណអ្នកគាំទ្រទាំងអស់គ្នាដែលបានចូលរួមទស្សនា និងចូលរួមលើកទឹកចិត្តកីឡាករ និងកីឡាបាល់ទាត់កម្ពុជាយើង។ នេះជាភាពប្រសើរ និងជឿជាក់លើវិស័យកីឡា ស្របតាមចក្ខុវិស័យរបស់ក្រុមហ៊ុន វឌ្ឍនៈ ប៊្រូវើរី ជាក្រុមហ៊ុនរបស់ខ្មែរ មានឆន្ទៈលើកមុខមាត់ប្រទេសកម្ពុជា ដែលចក្ខុវិស័យនេះផងដែរ ស្របទៅនឹងគោលដៅរបស់ខេមបូឌានព្រីមៀរលីគ ក៏ដូចជាសហព័ន្ធកីឡាបាល់ទាត់កម្ពុជា ក្នុងការអភិវឌ្ឍ និងលើកកម្ពស់គុណភាពវិស័យកីឡាបាល់ទាត់នៅកម្ពុជាឲ្យកាន់តែរីកចម្រើនទៅមុខលើឆាកអន្តរជាតិ និងជំរុញឲ្យប្រជាជនកម្ពុជាចូលរួមគាំទ្រ និងលេងកីឡាឲ្យកាន់តែច្រើន។ ដើម្បីឲ្យក្រុមជម្រើសជាតិរបស់យើងកាន់តែរឹងមាំ និងធ្វើបានកាន់តែល្អ ពិតណាស់យើងត្រូវតែមានលីគបាល់ទាត់ដ៏រឹងមាំសម្រាប់ហ្វឹកហ្វឺន និងអភិវឌ្ឍកីឡាករបាល់ទាត់ប្រកបដោយគុណភាព ហើយយើងនឹងធ្វើដំណើររួមគ្នា ដើម្បីគាំទ្រកីឡាបាល់ទាត់នៅកម្ពុជា។ ចូលរួមអបអរសាទរដល់ក្លិបភ្នំពេញក្រោន ដែលក្លាយជាម្ចាស់ជើកឯកពានរង្វាន់ “គ្រុឌ ខេមបូឌាន ស៊ូបភើខាប់ ឆ្នាំ ២០២៣”។

លើសពីការចូលរួមចំណែកសហការឧបត្ថម្ភជាមួយខេមបូឌានព្រីមៀរលីគ ក្នុងការប្រកួតដណ្តើមពានរង្វាន់ក្នុងលីគ ក្រុមហ៊ុន វឌ្ឍនៈ ប៊្រូវើរី ក៏បានធ្វើការឧបត្ថម្ភទៅតាមក្លិបបាល់ទាត់ផ្សេងៗដូចជាក្លិបបាល់ទាត់ព្រៃវែង ក្លិបបាល់ទាត់គិរីវង្សសុខសែនជ័យ ហើយកាន់តែពិសេសនោះ គឺវឌ្ឍនៈ ប៊្រូវើរី ក៏ជាដៃគូឧបត្ថម្ភធំផ្លូវការដល់សហព័ន្ធកីឡាបាល់ទាត់កម្ពុជាផងដែរ។ ការចូលរួមឧបត្ថម្ភទាំងផលិតផល និងថវិកា ទាំងក្នុងក្លិប ទាំងនៅក្នុងលីគ ទាំងក្នុងសហព័ន្ធកីឡាបាល់ទាត់កម្ពុជា គឺពិតជាធំធេងណាស់សម្រាប់ក្រុមហ៊ុន វឌ្ឍនៈ ប៊្រូវើរី ដោយយើងជឿជាក់ថា ការចូលរួមចំណែកនេះ នឹងអាចជួយលើកស្ទួយគុណភាពវិស័យកីឡានៅកម្ពុជា ឲ្យកាន់តែរីកចម្រើននៅលើឆាកអន្តរជាតិ៕

The post ការប្រកួតពានរង្វាន់ “គ្រុឌ ខេមបូឌាន ស៊ូបភើខាប់ ឆ្នាំ២០២៣” បំបែកកំណត់ត្រាការប្រកួតបាល់ទាត់ក្នុងលីគ មានអ្នកទស្សនាច្រើនជាងគេមិនធ្លាប់មាន appeared first on .

ពិធីចុះហត្ថលេខានេះត្រូវបានរៀបចំឡើងក្រោមវត្តមានដ៏ខ្ពង់ខ្ពស់របស់អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប៊្រូវើរី និងលោក Satoshi Saito នាយកប្រតិបត្តិក្រុមហ៊ុន ខេមបូឌានព្រីមៀរលីគ រួមជាមួយគណៈគ្រប់គ្រង និងមន្រ្តីពាក់ព័ន្ធពីស្ថាប័នទាំងពីរ រួមទាំងស្ថាប័នព័ត៌មានជាច្រើន។ កិច្ចសហប្រតិបត្តិការនេះធ្វើឡើងស្របតាមចក្ខុវិស័យរបស់ក្រុមហ៊ុន វឌ្ឍនៈ ប៊្រូវើរី ដែលជាក្រុមហ៊ុនរបស់ខ្មែរ មានម្ចាស់ភាគហ៊ុនជាជនជាតិខ្មែរ មានឆន្ទៈលើកមុខមាត់ប្រទេសកម្ពុជា ដែលចក្ខុវិស័យនេះផងដែរ ស្របទៅនឹងគោលដៅរបស់ខេមបូឌានព្រីមៀរលីគ ក្នុងការអភិវឌ្ឍ និងលើកកម្ពស់គុណភាពវិស័យកីឡាបាល់ទាត់នៅកម្ពុជាឲ្យកាន់តែរីកចម្រើនទៅមុខលើឆាកអន្តរជាតិ និងជំរុញឲ្យប្រជាជនកម្ពុជាចូលរួមគាំទ្រ និងលេងកីឡាឲ្យកាន់តែច្រើន។

លោក Satoshi Saito នាយកប្រតិបត្តិក្រុមហ៊ុន ខេមបូឌានព្រីមៀរលីគ មានប្រសាសន៍ក្នុងកម្មវិធីចុះហត្ថលេខានេះថា «គួររំលឹកពីអនុស្សាវរីយកាលពី ឆ្នាំ ១៩៧៨ រយៈពេល ៤៥ ឆ្នាំ ដែលក្រុមហ៊ុនភេសជ្ជៈ និងស្រាបៀរដ៏ធំនៅជប៉ុន បានចាប់ផ្តើមចូលរួមឧបត្ថម្ភធំសម្រាប់បាល់ទាត់ជប៉ុន ហើយបានធ្វើឲ្យបាល់ទាត់ជប៉ុនមានការរីកចម្រើនខ្លាំងនៅលើពិភពលោក។ គួរជាទីមោទនភាពបំផុត កាលពីប្រកួត World Cup ឆ្នាំ ២០២២ នៅប្រទេសហ្គាតា ដែលកាលនោះជប៉ុនបានយកឈ្នះប្រទេសអេស៉្បាញ និងអាល្លឺម៉ង់ ដែលជាប្រទេសខ្លាំងខាងវិស័យបាល់ទាត់ ហើយជោគជ័យនោះគឺជាផ្នែកមួយដ៏ធំកើតចេញពីការចូលរួមរបស់ក្រុមហ៊ុនឧបត្ថម្ភ»។ លោកបានបន្តទៀតថា «សម្រាប់ថ្ងៃទី ២៨ កក្កដា ២០២៣ នេះគឺជាពេលវេលាប្រវត្តិសាស្រ្ត ដែលក្រុមហ៊ុន វឌ្ឍនៈ ប៊្រូវើរី ក្លាយជាម្ចាស់សហការឧបត្ថម្ភធំផ្លូវការជាមួយ ខេមបូឌាន ព្រីមៀរលីគ ដើម្បីចូលរួមលើកស្ទួយបាល់ទាត់កម្ពុជាឲ្យកាន់តែរីកចម្រើន ឆ្ពោះទៅការដណ្តើមពានរង្វាន់បាល់ទាត់ World Cup នាពេលអនាគត។ ខ្ញុំក៏សូមអរគុណដល់ក្រុមហ៊ុន វឌ្ឍនៈ ប៊្រូវើរី ដែលបានធ្វើឲ្យស្មៅនៅពហុកីឡដ្ឋានជាតិអូឡាំពិកស្អាត ដោយការឧបត្ថម្ភម៉ាស៊ីនថែរក្សាស្មៅដែលមានគុណភាព ដល់សហព័ន្ធកីឡាបាល់ទាត់កម្ពុជា”។

អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប៊្រូវើរី បានមានប្រសាសន៍ថា «នៅក្រុមហ៊ុន វឌ្ឍនៈ ប៊្រូវើរី យើងខ្ញុំជឿជាក់ថាអាថ៌កំបាំងនៃជីវិតគឺភាពរីករាយ ហើយភាពរីករាយកើតមានឡើងនៅពេលដែលយើងជួបជុំគ្នាដើម្បីសម្រេចបាននូវគោលដៅរួម អបអរក្នុងឱកាសពិសេស ដើម្បីរក្សាភាពវិជ្ជមាន និងដើម្បីជួយគ្នាទៅវិញទៅមក។ ដូច្នេះ បេសកកម្មរបស់ក្រុមហ៊ុនយើង គឺដើម្បីនាំយក និងចែករំលែកភាពរីករាយនេះទៅកាន់មនុស្សគ្រប់គ្នានៅក្នុងប្រទេសកម្ពុជា និងពិភពលោក»។

អ្នកឧកញ៉ាបានបន្តទៀតថា «ការចូលរួមសហការនេះ គឺជាបេសកកម្មថ្មីរបស់ក្រុមហ៊ុន វឌ្ឍនៈ ប៊្រូវើរី ជាមួយ ខេមបូឌាន ព្រីមៀរលីគ ដើម្បីគាំទ្រវិស័យកីឡាបាល់ទាត់ឲ្យកាន់តែខ្លាំងក្លា។ ដើម្បីឲ្យក្រុមជម្រើសជាតិរបស់យើងកាន់តែរឹងមាំ និងធ្វើបានកាន់តែល្អ ពិតណាស់យើងត្រូវតែមានលីគបាល់ទាត់ដ៏រឹងមាំសម្រាប់ហ្វឹកហ្វឺន និងអភិវឌ្ឍកីឡាករបាល់ទាត់ប្រកបដោយគុណភាព។ នេះហើយជាមូលហេតុដែលយើងពិតជាមានកិត្តិយស និងរំភើបរីករាយដែលត្រូវបានផ្តល់ឱកាសមួយទៀតក្នុងការចាប់ដៃគូ និងគាំទ្រ ខេមបូឌាន ព្រីមៀរលីគ ដោយសង្ឃឹមថានឹងចូលរួមអភិវឌ្ឍន៍លីគឱ្យកាន់តែរឹងមាំ លើកកម្ពស់បាល់ទាត់តាមរយៈការបង្កើនការចូលរួមរបស់សហគមន៍ និងលើកកម្ពស់គុណភាពនៃកីឡាបាល់ទាត់ និងកីឡាករបាល់ទាត់របស់យើង។ យើងក៏សូមឆ្លៀតឱកាសនេះ ដើម្បីលើកទឹកចិត្តដល់ប្រជាជនកម្ពុជាទាំងអស់ឱ្យមករួមគ្នា និងគាំទ្រខេមបូឌាន ព្រីមៀរលីគ កីឡាករបាល់ទាត់របស់យើង និងខិតខំប្រឹងប្រែងក្នុងការលើកកម្ពស់វិស័យបាល់ទាត់នៅកម្ពុជា»។

លើសពីការចូលរួមចំណែកសហការឧបត្ថម្ភជាមួយខេមបូឌានព្រីមៀរលីគ ក្រុមហ៊ុន វឌ្ឍនៈ ប៊្រូវើរី ក៏បានធ្វើការឧបត្ថម្ភទៅតាមក្លិបបាល់ទាត់ផ្សេងៗដូចជាក្លិបបាល់ទាត់ព្រៃវែង ក្លិបបាល់ទាត់គិរីវង្សសុខសែនជ័យ ហើយកាន់តែពិសេសនោះ គឺវឌ្ឍនៈ ប៊្រូវើរី ក៏គឺជាដៃគូឧបត្ថម្ភធំផ្លូវការដល់សហព័ន្ធកីឡាបាល់ទាត់កម្ពុជាផងដែរ។ ការចូលរួមឧបត្ថម្ភទាំងផលិតផល និងថវិកា ទាំងក្នុងក្លិប ទាំងនៅក្នុងលីគ ទាំងក្នុងសហព័ន្ធកីឡាបាល់ទាត់កម្ពុជា គឺពិតជាធំធេងណាស់សម្រាប់ក្រុមហ៊ុន វឌ្ឍនៈ ប៊្រូវើរី ដោយយើងជឿជាក់ថា ការចូលរួមចំណែកនេះ នឹងអាចជួយលើកស្ទួយគុណភាពវិស័យកីឡានៅកម្ពុជាឲ្យកាន់តែរីកចម្រើននៅលើឆាកអន្តរជាតិ។

ការចូលរួមគាំទ្ររបស់ប្រជាជនកម្ពុជា នឹងធ្វើឲ្យវិស័យកីឡាយើងកាន់តែរឹងមាំ។ កុំភ្លេចចូលរួមទស្សនាការប្រកួតពានរង្វាន់ “គ្រុឌ ខេមបូឌាន ស៊ូបភើខាប់ ឆ្នាំ២០២៣” នៅថ្ងៃទី ៣០ ខែកក្កដា ឆ្នាំ ២០២៣ ឆាប់ៗនេះ ក្នុងពហុកីឡដ្ឋានជាតិអូឡាំពិក។

The post ក្រុមហ៊ុន វឌ្ឍនៈ ប៊្រូវើរី ក្លាយជាដៃគូឧបត្ថម្ភផ្លូវការជាមួយ ខេមបូឌាន ព្រីមៀរលីគ appeared first on .

គួរបញ្ជាក់ថា កាលពីមួយខែមុន ក្រុមហ៊ុន វឌ្ឍនៈ ប៊្រូវើរី ក៏ទទួលបានមេដាយមាសចំនួន ៥ ផងដែរ ពីស្ថាប័ន MONDE SELECTION ប្រចាំឆ្នាំ ២០២៣ សម្រាប់ផលិតផល ភេសជ្ជៈប៉ូវកម្លាំង គ្រុឌ ភេសជ្ជៈប៉ូវកម្លាំង គ្រុឌ​អាយស៍ ភេសជ្ជៈកីឡា វី-អាកទីវ ភេសជ្ជៈ វី-អាកទីវ ក្រហម និងភេសជ្ជៈ វី-អាកទីវ បៃតង។

ផលិតផលមានគុណភាពរបស់របស់ក្រុមហ៊ុន វឌ្ឍនៈ ប៊្រូវើរី ត្រូវបានឆ្លងកាត់ការត្រួតពិនិត្យ​វាយតម្លៃយ៉ាង​ហ្មត់​ចត់​ជាច្រើនដំណាក់កាលដោយគណៈកម្មការជំនាញខាងស្រាបៀរ និងភេសជ្ជៈជាច្រើនរូប យ៉ាងយកចិត្តទុកដាក់​បំផុតទៅលើរសជាតិ គុណភាព និងការរចនា មុននឹងត្រូវបានទទួលស្គាល់ និងផ្តល់ជូននូវជ័យលាភី។

អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី បានមានប្រសាសន៍ថា៖ “ការទទួលបានពានរង្វាន់​លំដាប់ពិភពលោកព្រមៗគ្នាសម្រាប់ផលិតផលស្រាបៀរ និងភេសជ្ជៈ របស់យើង បង្ហាញពីកិត្យានុភាពដ៏​អស្ចា្យរបស់ វឌ្ឍនៈ ប៊្រូវើរី ដែលតែងតែគិតពីកត្តាគុណភាពជាចម្បង ដែលផ្តើមចេញពីការជ្រើសរើសគ្រឿងផ្សំ វត្ថុធាតុដើម បច្ចេកទេស ដំណើរការផលិតកម្ម ដើម្បីចម្រាញ់បានស្រាបៀរ និងភេសជ្ជៈល្អឥតខ្ចោះប្រកប​ដោយគុណភាព និងរសជាតិស្តង់ដារអន្តរជាតិ។ យើងនៅតែរក្សាជំហរដ៏រឹងមាំ និងឆន្ទៈដ៏មោះមុត ក្នុងការ​ផលិត​នូវផលិតផលដែលមានគុណភាពដ៏ពិតប្រាកដ ដើម្បីធ្វើការប្រកួតប្រជែងទាំងនៅក្នុងតំបន់ និងក្នុងពិភពលោក ជាពិសេសយើងប្តេជ្ញានាំយកមោទនភាព និងកិត្តិយសជូនប្រទេសកម្ពុជា​ដែលមានផលិតផលកូនខ្មែរ​បង្ហាញ​វត្តមានប្រកួតនៅលើឆាកអន្តរជាតិ។ យើងសូមចែករំលែកភាពសប្បាយរីករាយ និងការអបអរសាទរចំពោះ​សមិទ្ធផលនេះ ជាមួយនឹងប្រជាជនខ្មែរយើង ដែលតែងតែនិយមគាំទ្រផលិតផលទាំងអស់របស់ វឌ្ឍនៈ ប៊្រូវើរី។”

គ្រប់ផលិតផលរបស់ក្រុមហ៊ុន វឌ្ឍនៈ ប៊្រូវើរី ត្រូវបានផលិតឡើងយ៉ាងសម្រិតសម្រាំងជាមួយរសជាតិ និងគុណ​ភាព​ដែលទទួលស្គាល់ជាអន្តរជាតិ ហើយបានឈ្នះពានរង្វាន់លំដាប់ពិភពលោកព្រមៗគ្នា។ គួររំលឹកជាថ្មីថា ស្រាបៀរ វឌ្ឍនៈ និងស្រាបៀរ គ្រុឌ បានឈ្នះមេដាយមាសពីស្ថាប័នគុណភាពអន្តរជាតិ MONDE SELECTION ម្តងរួចទៅហើយ កាលពីឆ្នាំ ២០២២។ ចំណែកឯស្រាបៀរ ដ្រាហ្គិន ទទួលបានពានរង្វាន់ចំនួនពីរ​ផ្ទួនគ្នាក្នុង​កម្មវិធីស្រាបៀរលំដាប់ពិភពលោក WORLD BEER AWARDS ឆ្នាំ២០២២ សម្រាប់ជ័យលាភីមាស (Cambodia Gold Lager Dark) និងជ័យលាភីស្រាបៀរទឹកខ្មៅប្រចាំប្រទេសកម្ពុជា (Cambodia Country Winner Lager Dark) ពីចក្រភពអង់គ្លេសភ្លាមៗបន្ទាប់ពីមានវត្តមានក្នុងទីផ្សារ។ រឹតតែអស្ចារ្យសម្រាប់ ឆ្នាំ ២០២៣ ក្រុមហ៊ុន វឌ្ឍនៈ ប៊្រូវើរី បានឈ្នះមេដាយមាសបញ្ជាក់ពីគុណភាពទទួលស្គាល់ជាអន្តរជាតិ សរុបចំនួន ៨ បន្ថែមទៀត សម្រាប់ផលិតផលស្រាបៀរ និងភេសជ្ជៈទាំងអស់របស់យើង ពីស្ថាប័នគុណភាពអន្តរជាតិ Monde Selection។

ក្រុមហ៊ុន វឌ្ឍនៈ ប៊្រូវើរី គឺជាក្រុមហ៊ុនបុត្រសម្ព័ន្ធរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយ​ដែលបានបង្កើត​ការងារ​ដល់ពលរដ្ឋខ្មែរទាំងដោយផ្ទាល់ និងដោយប្រយោលរាប់ម៉ឺននាក់ និងតែងតែចូលរួមជំរុញពិពិធកម្ម​ផលិត​ផលទំនិញ និងសេវានៅក្នុងស្រុកឱ្យកាន់តែមានស្ដង់ដារ និងគុណភាពខ្ពស់ ប្រកាន់ខ្ជាប់នូវគុណតម្លៃស្នូល «គុណភាព ភាពច្នៃប្រឌិត សុខភាព សេវាកម្មល្អឯក និងមេត្រីភាពបរិស្ថាន» សម្រាប់រាល់ការវិនិយោគ​ទាំង​ឡាយនៅក្នុងប្រទេសកម្ពុជាដែលរួមមានវិស័យធនាគារ វិស័យអចលនទ្រព្យ វិស័យបដិសណ្ឋារកិច្ច វិស័យ​ម្ហូប​អាហារវិស័យទំនិញ និងសេវាកម្មព្រមទាំងវិស័យសំខាន់ៗជាច្រើនទៀត។

The post អបអរសាទរ! ស្រាបៀរទាំងបីប្រេន របស់ក្រុមហ៊ុន វឌ្ឍនៈ ប៊្រូវើរីទទួលបានមេដាយមាសពីស្ថាប័ន MONDE SELECTION ឆ្នាំ២០២៣ appeared first on .

ភេសជ្ជៈប៉ូវកម្លាំងគ្រុឌ សូមចូលរួមអបអរសាទរដល់បងប្រុស អ៊ុយ ម៉េងហួរ មានទីលំនៅភូមិធំ ស្រុកកៀនស្វាយ ខេត្តកណ្ដាល ដែលមានសំណាងក្លាយជាអ្នកឈ្នះមហារង្វាន់ រថយន្ដភីកអាប់ដំបូងគេបង្អស់ ពីភេសជ្ជៈប៉ូវកម្លាំង​គ្រុឌ។

បងប្រុស អ៊ុយ ម៉េងហួរ បានរៀបរាប់ទាំងអារម្មណ៍រំភើបថា៖ «បន្ទាប់ពីចេញពីផ្សារ ខ្ញុំមានអារម្មណ៍ថាអស់កម្លាំង រួចក៏សម្រេចចិត្តឈប់ទិញភេសជ្ជៈប៉ូវកម្លាំងគ្រុឌតាមរទេះលក់ភេសជ្ជៈតាមផ្លូវ ៣កំប៉ុង។ គាស់កំប៉ុងទី២ ខ្ញុំក៏​ឃើញរង្វាន់ធំរថយន្ដភីកអាប់នៅក្រវិលកំប៉ុង ប៉ុន្តែខ្ញុំនៅស្ទាក់ស្ទើរមិនដឹងថា​ខ្លួនឯងពិតជាត្រូវរង្វាន់ធំ​មែននោះ​ទេ។ ខ្ញុំក៏សម្រេចចិត្តទៅផ្ទះដើម្បីពិគ្រោះជាមួយបងប្រុស ទើបដឹងថាខ្ញុំពិតជាបានឈ្នះមហារង្វាន់រថយន្ដ​ពី​ភេសជ្ជៈប៉ូវកម្លាំងគ្រុឌពិតប្រាកដមែន»។

បងប្រុសក៏បានមានប្រសាសន៍ទៀតថា «ខ្ញុំជាអ្នករស់នៅជិតរោងចក្រ វឌ្ឍនៈ ប្រ៊ូវើរី ហើយខ្ញុំសង្កេតឃើញថា ក្រុមហ៊ុន វឌ្ឍនៈ ប្រ៊ូវើរី គឺជាក្រុមហ៊ុនដ៏ធំរបស់ជនជាតិខ្មែរយើង ដែលកំពុងតែលេចធ្លោនៅក្នុងឧស្សាហកម្ម​ផលិតភេសជ្ជៈប្រទេសកម្ពុជា និងទទួលបានលិខិតសរសើរពីសម្ដេចនាយកតេជោ ហ៊ុន សែន ដោយបានដាក់​ដំណើរការឧបករណ៍វាស់ចំណុះផលិតផលដែលបានផលិត ដើម្បីតម្លាភាពនៃការបង់ពន្ធជូនរដ្ឋ ដូច្នេះធ្វើឲ្យខ្ញុំ​កាន់តែមានមោទនភាពក្នុងការគាំទ្រផលិតផលរបស់ក្រុមហ៊ុន វឌ្ឍនៈ ប៊្រូវើរី»។

លោកស្រី គង់ កុសល នាយកផ្នែកពាណិជ្ជកម្មក្រុមហ៊ុន វឌ្ឍនៈ ប្រ៊ូវើរី មានប្រសាសន៍ឲ្យដឹងថា «យើងខ្ញុំពិតជា​មាកភាពរីករាយ និងសូមចូលរួមអបអរសាទរ ដល់អ្នកឈ្នះមហារង្វាន់រថយន្ដភីកអាប់​ដ៏ថ្មីស្រឡាងដំបូងគេ​របស់​ភេសជ្ជៈប៉ូវកម្លាំងគ្រុឌ។ ភេសជ្ជៈប៉ូវកម្លាំងគ្រុឌ គឺជាផលិតផលក្នុងស្រុកដែលទទួលស្គាល់ដោយស្ថាប័នអន្តរជាតិ និងទទួលបានមេដាយមាសបញ្ជាក់ពីគុណភាពពីកម្មវិធី MONDE SELECTION AWARDS ប្រចាំឆ្នាំ២០២៣ នៅទីក្រុងព្រុចសែល ប្រទេសប៊ែលហ្ស៊ិក។ មិនត្រឹមតែប៉ុណ្ណោះ ភេសជ្ជៈប៉ូវកម្លាំងគ្រុឌ ក៏បានផ្ដល់រង្វាន់ដ៏ច្រើន​សន្ធឹកសន្ធាប់ដល់អតិថិជននៅទូទាំងប្រទេសកម្ពុជា»។

ភេសជ្ជៈប៉ូវកម្លាំងគ្រុឌ បានរកឃើញអតិថិជនជាច្រើននាក់ទទួលបានរង្វាន់ជាហូហែរជារៀងរាល់ថ្ងៃ ហើយនា​ពេលថ្មីៗនេះក៏បានរកឃើញអតិថិជនដែលមានសំណាងឈ្នះមហារង្វាន់រថយន្ដភីកអាប់ដំបូងគេ។

ភេសជ្ជៈប៉ូវកម្លាំងគ្រុឌ នឹងបន្តផ្ដល់រង្វាន់អស្ចារ្យដ៏ច្រើនសន្ធឹកសន្ធាប់ ដូចជារថយន្ដភីកអាប់ ម៉ូតូហុងដាឌ្រីមស៊េរី​ថ្មី រង្វាន់ប្រាក់សុទ្ធរាប់រយលានរៀល និងរង្វាន់ជាច្រើនទៀតដល់អតិថិជននៅទូទាំងប្រទេសកម្ពុជា។ ចាំអីទៀត! ទិញផលិតផលក្នុងស្រុកទទួលស្គាល់លើឆាកអន្តរជាតិ គាំទ្រការអភិវឌ្ឍសេដ្ឋកិច្ចជាតិ និងមានឱកាសឈ្នះ​រង្វាន់​កាន់តែច្រើន។ អ្នកឈ្នះមហារង្វាន់បន្ទាប់ អាចជារូបអ្នក!

ទទួលយកថាមពលជាមួយគ្រុឌ!

The post ទិញភេសជ្ជៈប៉ូវកម្លាំងគ្រុឌតាមផ្លូវ ៣កំប៉ុង ឈ្នះរង្វាន់រថយន្ដភីកអាប់ Isuzu D-Max V-Cross ដ៏ថ្មីស្រឡាងមួយគ្រឿង appeared first on .

ព្រឹត្តិការណ៍កីឡាដ៏ធំមួយនេះ ក៏មានអញ្ជើញចូលរួមរត់ប្រណាំងបណ្ដាក់គ្នាពីអភិបាលខេត្តកំពង់ធំ លោក ងួន រតនៈ មានអត្តលេខ V074 ចំណែកថ្នាក់ដឹកនាំកំពូលៗរបស់ក្រមហ៊ុន វឌ្ឍនៈ ប្រូវើរី គឺអ្នកឧកញ៉ា សំ អាង មានអត្តលេខ V001 អ្នកឧកញ៉ា ឈុន លាង V002 សហស្ថាបនិកក្រុមហ៊ុន វឌ្ឍនៈ គ្រុប ហើយកូនប្រុសបង្កើតម្នាក់ទៀតក៏បានបង្ហាញវត្តមានចូលរួមរត់ប្រណាំងបណ្ដាក់គ្នា V-Active FUN RUN អ្នកឧកញ៉ា សំអាង វឌ្ឍនៈ នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី មានអត្តលេខ V1-1 ។

ជាមួយគ្នានេះ ក្នុងព្រឹត្តិការណ៍កីឡាដើម្បីអបអរព្រឹត្តិការណ៍កីឡា ស៊ីហ្គេម ឆ្នាំ២០២៣ កម្ពុជាជាម្ចាស់ផ្ទះ នាខែកក្កដាខាងមុខនេះ V-Active FUN RUN នេះដែរក៏ឃើញមានវត្តមានលោក វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជា មានអត្តលេខ V007 និងសិល្បៈករ សិល្បៈការិនី អ្នកកីឡាករអាជីពជាច្រើនរូបទៀតផង។

សូមជម្រាបថា ព្រឹត្តិការណ៍រត់ ឬដើរប្រណាំងបណ្ដាក់គ្នា V-Active FUN RUN នេះអ្នកចូលរួមទាំងអស់រត់បណ្តាក់ក្នុងចម្ងាយចាប់ពី ៥គីឡូម៉ែត្រ រហូតដល់ ១៩គីឡូម៉ែត្រ ទៅតាមទីតាំង Stations នីមួយៗ។ ក្នុងនោះគណៈកម្មការក៏បានរកឃើញក្រុមម្ចាស់ជ័យលាភី ក្រុមលេខ១ ក្រុមលេខ២ និងក្រុមលេខ៣ ហើយក៏បានប្រគល់ប្រាក់រង្វាន់ និងកាដូលើកទឹកចិត្តដល់សមាជិកក្រុមឈ្នះផងដែរ៕

The post មកដឹងអត្តលេខស្ថាបនិកក្រុមហ៊ុន វឌ្ឍនៈ គ្រុប ជិះរថយន្តពីភ្នំពេញទៅរត់ប្រណាំងបណ្ដាក់គ្នាជាមួយអភិបាលខេត្តកំពង់ធំ appeared first on .

ព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម ត្រូវបានធ្វើឡើងរៀងរាល់ពីរឆ្នាំម្តង ដើម្បីជួយពង្រឹងកិច្ចសហប្រតិបត្តិការក្នុងតំបន់ ការយល់ដឹង និងការឯកភាពគ្នាក្នុងសហគមន៍អាស៊ីអាគ្នេយ៍។ នេះគឺជាព្រឹត្តិការណ៍កីឡាដ៏ធំបំផុតដែលបានប្រារព្ធឡើងនៅក្នុងតំបន់អាស៊ីអាគ្នេយ៍ ទាក់ទាញការចាប់អារម្មណ៍ពីមនុស្សរាប់លាននាក់នៅក្នុងតំបន់។ ក្រុមហ៊ុន វឌ្ឍនៈ ប៊្រូវើរី មានមោទនភាព ចូលរួមជាចំណែកមួយគាំទ្រ និងឧបត្ថម្ភព្រឹត្តការណ៍ជាប្រវត្តិស្រ្តមួយនេះ ដើម្បីធ្វើឲ្យគុណតម្លៃស៊ីហ្គេម និងអាស៊ានប៉ារ៉ាហ្គេមរបស់កម្ពុជា កាន់តែធំ មានគុណភាព និងកាន់តែអស្ចារ្យក្នុងភាពជាម្ចាស់ផ្ទះរបស់យើងទាំងអស់គ្នា។

ឯកឧត្តម វ៉ាត់ ចំរើន អគ្គលេខាធិការ គណ:កម្មាធិការជាតិ រៀបចំស៊ីហ្គេម ២០២៣ បានមានប្រសាសន៍ថា “ការចូលរួមរបស់វិស័យឯកជនជាពិសេសក្រុមហ៊ុនក្នុងស្រុកដូចជាក្រុមហ៊ុន វឌ្ឍនៈ ប្រ៊ូវើរី ពិតជា មានសារៈសំខាន់ណាស់ ក្នុងការលើកកម្ពស់គុណតម្លៃរបស់ស៊ីហ្គេមរបស់កម្ពុជា ហើយខ្ញុំពិតជាមានមោទនភាពណាស់ដែលព្រឹត្តការណ៍ស៊ីហ្គេមនៅកម្ពុជា មានការចូលរួមពីភេសជ្ជៈកីឡាដំបូងបំផុតរបស់កម្ពុជា V-Active ដែលជាផលិតផលគុណភាពខ្ពស់ប្រគួតប្រជែងទីផ្សារអន្តរជាតិ ហើយនេះជាគោលបំណងរួមរបស់យើងក្នុងការលើកស្ទួយទាំងវិស័យសេដ្ឋកិច្ច តាមរយៈការផ្សព្វផ្សាយផលិត ផលរបស់កម្ពុជាទៅបរទេស រួមទាំងវិស័យជាច្រើនទៀតដូចជា ទេសចរ និងវប្បធម៌ជាដើម។ ”

លោក Steven Path ស្ថាបនិក និងជានាយកប្រតិបត្តិ Pathmazing បានមានប្រសាសន៍ថា “សម្រាប់រាល់ការឧបត្ថម្ភ ពួកយើងក៏ពិចារណាទៅលើកត្តាគុណភាព ម៉ាកសញ្ញា និងប្រជាប្រិយភាពរបស់ម្ចាស់ឧបត្ថម្ភផងដែរ ព្រោះយើងត្រូវតែប្រាកដថាផលិតផលដែលផ្គត់ផ្គង់ជូនកីឡាករ កីឡាការីនី និងអ្នកចូលរួមត្រូវតែមានគុណភាពខ្ពស់។ ពួកយើងបានសិក្សា និងវាយតម្លៃលើម៉ាកផលិតផលជាច្រើន រួចសម្រេចរើសយកក្រុមហ៊ុន វឌ្ឍនៈ ប្រ៊ូវើរី ព្រោះយើងខ្ញុំគិតថា វឌ្ឍនៈ ប្រ៊ូវើរី មិនត្រឹមតែផលិតនូវផលិតផលដែលមានគុណភាពខ្ពស់ ថែមទាំងជាម៉ាកសញ្ញាក្នុងស្រុកដ៏រឹងមាំ និងក៏ជាមោទនភាពរបស់កម្ពុជា ហើយលើសពីការឧបត្ថម្ភភេសជ្ជៈកីឡា វី-អាកទីវ ដែលពិតជាមានសារៈសំខាន់សម្រាប់ការហ្វឹកហាត់របស់កីឡាករ កីឡាការីនី តែក៏នឹងផ្តល់ការលើកទឹកចិត្តផ្សេងទៀតពី វឌ្ឍនៈ គ្រុប ផងដែរសម្រាប់ម្ចាស់មេដាយមាសទាំងអស់។ ”

អ្នកឧញ៉ា សំអាង វឌ្ឍនៈ នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី មានប្រសាសន៍ថា “នៅវឌ្ឍនៈ ប្រ៊ូវើរី យើងខ្ញុំជឿជាក់ថាអាថ៌កំបាំងនៃជីវិតគឺភាពរីករាយ ។ ការស្រាវជ្រាវបង្ហាញថា ភាពរីករាយ ធ្វើឲ្យប្រសើរឡើងនៃប្រព័ន្ធភាពស៊ាំ ប្រយុទ្ធប្រឆាំងស្ត្រេស និងអាយុយ៉ឺនយូរ។ ហេតុនេះ ខ្ញុំ និងក្រុមការងារវឌ្ឍនៈ ប្រ៊ូវើរី បាននិងកំពុងបំពេញបេសកកម្ម ដើម្បីនាំយក និងចែករំលែកភាពរីករាយ ការជួបជុំ និងអំណរសាទរទៅកាន់ប្រជាជនកម្ពុជា និងភ្ញៀវអន្តរជាតិដែលមកកម្សាន្ត និងវិនិយោគនៅកម្ពុជា។ កីឡានាំមកនូវការជួបជុំ ហើយការនាំមកនូវការជួបជុំ និងភាពរីករាយនេះហើយ ក៏គឺជាឆន្ទះរបស់ វឌ្ឍនៈ ប្រ៊ូវើរី ក្នុងនាមជាក្រុមហ៊ុនដែលមានម្ចាស់ភាគហ៊ុនជាជនជាតិខ្មែរ ហេតុនេះយើងខ្ញុំពិតជាមានកិត្តិយស និងមោទនភាពដែលបានចូលរួមជាចំណែកមួយ និងគាំទ្រដល់ព្រឹត្តិការណ៍កីឡាស៊ីហ្គេម និងប៉ារ៉ាហ្គេម ជាអ្នកឧបត្ថម្ភធំ (Premium Tier) លើផលិតផលស្រាបៀរ និងភេសជ្ជៈ។ បន្ថែមពីលើការឧបត្ថម្ភជាសាច់ប្រាក់ និងផលិតផល យើងនឹងផ្តល់ការស្នាក់នៅរយៈពេល 3 ថ្ងៃ 2 យប់នៅសណ្ឋាគារ Rosewood Phnom Penh ដល់ម្ចាស់មេដាយមាសកម្ពុជាទាំងអស់ ។ យើងសង្ឃឹមថាការឧបត្ថម្ភរបស់យើងនឹងជំរុញ និងលើកទឹកចិត្តដល់អត្តពលិករបស់យើងឲ្យសម្រេចបានជោគជ័យកាន់តែច្រើន។ យើងខ្ញុំនឹងបន្តចូលរួមចំណែកដល់ការអភិវឌ្ឍន៍វិស័យកីឡានៅក្នុងប្រទេសកម្ពុជាតាមរយៈបណ្តាញទីផ្សារ និងការផ្សាយរបស់យើង ហើយក៏សង្ឃឹមថាដែរថាប្រជាជនកម្ពុជាទាំងអស់គ្នានឹងរួបរួមគ្នាលើកទឹកចិត្ត គាំទ្រដល់អត្តពលិករបស់យើង និងចូលរួមអបអរសាទរទាំងអស់គ្នាក្នុងឱកាសដ៏អស្ចារ្យនេះ។ ”

វឌ្ឍនៈ ប្រ៊ូវើរី គឺជាក្រុមហ៊ុនបុត្រសម្ព័ន្ធមួយរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយមានក្រុមហ៊ុនជាច្រើន វិនិយោគលើវិស័យផ្សេងៗដូចជា វិស័យទំនិញ និងសេវាកម្ម អចលនទ្រព្យ សួនឧស្សាហកម្ម ធនាគារ ទីលានវាយកូនហ្គោល បដិសណ្ឋារកិច្ច សំណង់ ម្ហូបអាហារ និងវិស័យអប់រំ។ វឌ្ឍនៈ ប្រ៊ូវើរី ក៏ជាក្រុមហ៊ុនដែលកំពុងតែមានភាពលេចធ្លោខ្លាំងក្នុងឧស្សាហកម្មផលិតស្រាបៀរ និងភេសជ្ជៈនៅកម្ពុជាដែលមានគុណភាពខ្ពស់ និងឈ្នះរង្វាន់ធំៗពីស្ថាប័នអន្តរជាតិជាច្រើន។ វឌ្ឍនៈ ប្រ៊ូវើរី ក៏បានរួមចំណែកគាំទ្រលើវិស័យជាច្រើនទៀតដូចជា សិល្បៈ វប្បធម៌ សង្គម និងសេដ្ឋកិច្ចដោយទទួលបានលិខិតសរសើរពីសម្តេចតេជោ ហ៊ុន សែន នាយករដ្ឋមន្រ្តី ដែលបានក្លាយជាក្រុមហ៊ុនក្នុងស្រុកគំរូដំបូងគេបង្អស់ស្ម័គ្រចិត្តចូលរួមសហការបំពាក់ឧបករណ៍វាស់ចំណុះស្រាបៀរ និងភេសជ្ជៈគ្មានសុរា ដើម្បីតម្លាភាពចំណូលពន្ធអាករជាតិ និងចូលរួមចំណែកយ៉ាងពិតប្រាកដក្នុងការពង្រឹង វប្បធម៌បង់ពន្ធជូនរដ្ឋយ៉ាងសន្ធឹកសន្ធាប់ សម្រាប់ជំរុញកំណើនសេដ្ឋកិច្ចជាតិ៕

The post ក្រុមហ៊ុន វឌ្ឍនៈ ប៊្រូវើរី បានក្លាយជាដៃគូសហការឧបត្ថម្ភធំនៃព្រឹត្តការណ៍ស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ appeared first on .