សេចក្តីជូនដំណឹងនេះ ចាត់ទុកជាការអញ្ជើញចូលរួមដោយសេរីក្នុងព្រឹត្តិការណ៍ «TSI OPEN DAY» របស់យើង ដើម្បីទទួលបាននូវការតម្រង់ទិសជំនាញ ការចែករំលែកបទពិសោធន៍ពីនិស្សិត ទស្សនកិច្ចអគារសិក្សា បរិក្ខាបច្ចេកទេស ព័ត៌មានអាហារូបករណ៍ ការដាក់ពាក្យប្រឡងជ្រើសរើសនិស្សិតជំនាន់ទី៣ និងសិក្សាស្វែងយល់ពីឱកាសការងារទៅតាមជំនាញនីមួយ នៃវិស័យសាធារណការ និងដឹកជញ្ជូន។

#TSIOPENDAY #ទស្សនកិច្ច #ប្រឹក្សាយោបល់ #ស្វែងយល់អំពីជំនាញសិក្សា

The post មករៀនជំនាញកំពុងមានតម្រូវការទីផ្សារកម្ពុជាទាំងនេះ នៅវិទ្យាស្ថានតេជោសែន សាធារណការ appeared first on .

ពិធីចុះហត្ថលេខាធ្វើឡើងកាលពីថ្ងៃទី២២ ខែកក្កដា ឆ្នាំ២០២២ ក្រោមវត្តមានលោក ហឿន សំនៀង នាយកវិទ្យាស្ថានតេជោសែន សាធារណការ និងដឹកជញ្ជូន បណ្ឌិត ស៊ីន ម៉េងស្រ៊ុន សាកលវិទ្យាធិការរងនៃសាកលវិទ្យាល័យបញ្ញាសាស្រ្ដកម្ពុជា។

លោក ហឿន សំនៀង បានឲ្យដឹងថា ការចុះអនុស្សរណៈយោគយល់នេះនឹងបើកឱកាសឱ្យមានកិច្ចសហប្រតិបត្តិការកាន់តែជិតស្និទ្ធជាមួយគ្នា ផ្តល់អត្ថប្រយោជន៍បន្ថែមទៀត និងបំពេញរាល់កង្វះខាតជូនភាគីទាំងសងខាងពាក់ព័ន្ធនឹងការសិក្សាអប់រំ ស្រាវជ្រាវ ព្រមទាំងគម្រោងកម្មវិធីផ្សេងៗ ដោយផ្អែកលើគោលការណ៍ ពិគ្រោះយោបល់ ឯកភាព សមភាព យុត្តិធម៌ និងផ្ដល់អត្ថប្រយោជន៍ដល់គូភាគីទៅវិញទៅមក។

សូមជម្រាបជូនថា អនុស្សរណៈយោគយល់នេះ បានឯកភាពជាគោលការណ៍ កិច្ចសហប្រតិបត្តិការអភិវឌ្ឍន៍ការអប់រំ និងការស្រាវជ្រាវរួមមាន៖ សហការបណ្តុះបណ្តាលលើជំនាញបច្ចេកទេសផ្សេងៗ ផ្លាស់ប្តូរមន្ត្រី សាស្ត្រាចារ្យ អ្នកស្រាវជ្រាវ និងបុគ្គលិក សហការលើការស្រាវជ្រាវ និងការអនុវត្តគម្រោងរួមគ្នាក្នុងវិស័យពាក់ព័ន្ធ សហការផ្តល់ជំនួយបច្ចេកទេសលើការអប់រំ និងកម្មវិធីបណ្តុះបណ្តាលផ្សេងៗ ផ្លាស់ប្តូរព័ត៌មាន និងឧបករណ៍បច្ចេកទេសផ្សេងៗ ប្រើប្រាស់ឧបករណ៍ឧបករណ៍ សម្ភារៈសំណង់ និងធនធានរួមគ្នា ផ្តល់ឱកាសដល់និស្សិតដើម្បីផ្លាស់ប្តូរបទពិសោធន៍សិក្សា ផ្តល់ជូនវិញ្ញាបនបត្រនៃការបណ្តុះបណ្តាលបច្ចេកទេស និងជំរុញអនុវត្តសកម្មភាព ស្របតាមស្មារតីនៃអនុស្សរណៈនៃការយោគយល់គ្នានេះ៕

The post សាកលវិទ្យាល័យបញ្ញាសាស្រ្ត និងវិទ្យាស្ថានតេជោសែន ចាប់ដៃគ្នាបណ្តុះបណ្តាលធនធានមនុស្សក្នុងវិស័យដឹកជញ្ជូន appeared first on .

វគ្គបណ្តុះបណ្តាលបច្ចេកទេសយានយន្តរបស់វិទ្យាស្ថានតេជោសែន សាធារណការ និងដឹកជញ្ជូន ក៏មានការចូលរួមពីតំណាងក្រុមហ៊ុន អ អិម អេ ខេមបូឌា ភីអិលស៊ី តំណាងមូលនិធិអភិវឌ្ឍន៍ជំនាញក្រោមក្រសួងសេដ្ឋកិច្ច និងហិរញ្ញវត្ថុ ព្រមទាំងថ្នាក់ដឹកនាំ និងមន្ត្រីរាជការ នៃវិទ្យាស្ថានតេជោសែន សាធារណការ និងដឹកជញ្ជូន។

លោក ហឿន សំនៀង បានលើកឡើងថា វគ្គបណ្តុះបណ្តាលបច្ចេកទេសយានយន្តនេះ គឺជាវគ្គបណ្តុះបណ្តាលជំនាញមួយក្នុងចំណោមវគ្គបណ្តុះបណ្តាលជំនាញ ចំនួន៤ផ្សេងទៀត ជាមួយក្រុមហ៊ុន អ អិម អេ ខេមបូឌា ភីអិលស៊ី សំដៅលើកកម្ពស់ធនធានមនុស្ស ក្នុងវិស័យបច្ចេកទេសយានយន្ត ដើម្បីចូលរួមចំណែកក្នុងការលើកស្ទួយដល់សេដ្ឋកិច្ចប្រទេសជាតិ។ទន្ទឹមគ្នានេះ លោកក៏បានជំរុញឱ្យសិក្ខាកាមទាំងអស់ខិតខំសិក្សាក្នុងវគ្គបណ្តុះបណ្តាលនេះ ដើម្បីទទួលបានចំណេះពិត ប្រាកដមួយ ដើម្បីអនាគតរបស់ខ្លួនឯង។

ក្នុងពេលនោះដែរ លោក សាយ រតនៈ តំណាងក្រុមហ៊ុន អ អិម អេ ខេមបូឌា ភីអិលស៊ី បានលើកឡើងដែរថា ក្រុមហ៊ុន អ អិម អេ ខេមបូឌា ភីអិលស៊ី ដែលជាក្រុមហ៊ុនតែមួយគត់ ទទួលបានសិទ្ធិផ្តាច់មុខលើការនាំចូលរថយន្តម៉ាក FORD ព្រមទាំងមានដៃគូអាជីវកម្មជាមួយយីហោ ល្បីៗជាច្រើននៅក្នុងសកលលោកដូចជា៖ រថយន្តម៉ាក Jaguar, Land Rover និង Range Rover គ្រឿងចក្រកសិកម្ម ត្រាក់ទ័រម៉ាក John Deere គ្រឿងចក្រឧស្សាហកម្មម៉ាក JCB ក្រុមហ៊ុន Comin Khmere ផ្តល់ដំណោះស្រាយផ្នែកវិស្វកម្ម និងក្រុមហ៊ុនចំណីអាហារ EFG ដែលមានក្រុមហ៊ុន Pizza Company, Swensen’s, Dairy Queen, Krispy Kreme, Bar B Q Plaza និងThe Coffee Club។ ក្រុមហ៊ុន អ អិម អេ ខេមបូឌា ភីអិលស៊ី មិនត្រឹមតែនាំចូលរថយន្តនោះទេ ថែមទាំងមានផ្តល់សេវាកម្មជួសជុលផងដែរ។

គួរបញ្ជាក់ដែរថា វិទ្យាស្ថានតេជោសែន សាធារណការ និងដឹកជញ្ជូន បានប្រកាសជ្រើសរើសសិក្ខាកាម ចំនួន១២៥នាក់ ដោយផ្តល់អាទិភាពដល់បេក្ខនារីចំនួន២០នាក់ ឱ្យចូលរៀនវគ្គបណ្តុះបណ្តាលបច្ចេក ទេសយានយន្ត រយៈពេល៤ខែ នៅវិទ្យាស្ថានតេជោសែន សាធារណការ និងដឹកជញ្ជូន។

ជាងនេះទៀត ក្រោយបញ្ចប់ វគ្គសិក្សា និងការបណ្តុះបណ្តាលនេះ សិក្ខាកាមនឹងទទួលបានចំណេះជំនាញពិតប្រាកដលើជំនាញបច្ចេក ទេសយានយន្ត រួមមានជាមួយនឹងប្រាក់ឧបត្ថម្ភប្រចាំខែ (៦០ដុល្លារ/ខែ)រយៈពេល០៤ខែ ចំណេះដឹង និងជំនាញបច្ចេកទេសយានយន្តពិតប្រាកដ ឱកាសចុះហាត់ការនៅក្រុមហ៊ុន RMA Group ដោយទទួលបានប្រាក់ឧបត្ថម្ភចំនួន១០០ដុល្លារ/ខែរយៈពេល ៣ខែ ហើយក្រោយពេលបញ្ចប់ការសិក្សា ហ្វឹកហាត់ និងការបណ្តុះបណ្តាល សិក្ខាកាមនឹងទទួលបានឱកាសការងារជាច្រើននៅក្រុមហ៊ុន RMA Group ផងដែរ៕

The post កម្ពុជា ចាប់ផ្តើមបើកវគ្គបណ្តុះបណ្តាលបច្ចេកទេសយានយន្ត ជូនដល់សិក្ខាកាមចំនួន១២៥នាក់ appeared first on .

ថ្លែងក្នុងពិធីចុះកិច្ចព្រមព្រៀង ដែលធ្វើឡើងកាលថ្ងៃទី១២ ខែឧសភា ឆ្នាំ ២០២២ ឯកឧត្តម វ៉ាស៊ឹម សុរិយា អនុរដ្ឋលេខាធិការក្រសួងសាធារណការ និងដឹកជញ្ជូន បានឲ្យដឹងថា កិច្ចព្រមព្រៀងរវាងវិទ្យាស្ថាន សាធារណការ សាកលវិទ្យាល័យចិន(BJTU)និងក្រុមហ៊ុនដ៏ធំរបស់ចិន គឺដើម្បីពង្រឹងសមត្ថភាពធនធានមនុស្ស និងកិច្ចសហប្រតិបត្តិការត្រីភាគីក្នុងការ ផ្លាស់ប្តូរនិស្សិត និងការចុះកម្មសិក្សា ទស្សនកិច្ច ឯកទេសសាងសង់ ការស្រាវជ្រាវរួមគ្នា និងការបណ្តុះបណ្តាលបច្ចេកទេសផ្លូវដែក។

បន្ថែមពីនេះទៀត ឯកឧត្តម ហឿន សំនៀង នាយកវិទ្យាស្ថានតេជោសែន សាធារណការ និងដឹកជញ្ជូន ក៏បង្ហាញក្តីរំពឹងទុកថា តាមរយៈអនុស្សរណៈនៃការយោគយល់គ្នានេះ ស្ថាប័នទាំងបីនឹងធ្វើការរួមគ្នា ដើម្បីដោះស្រាយវិបត្តិកង្វះអ្នកជំនាញបច្ចេកទេសវិស័យសាធារណការ និងដឹកជញ្ជូន នាពេលបច្ចុប្បន្នផង និង នាពេលអនាគតផង។

ក្នុងឪកាសនោះដែរ លោក HUANG Taiyan លេខាធិការបក្សកុម្មុយនីស្តចិន និងជាប្រធានក្រុមប្រឹក្សានៃសាកលវិទ្យាល័យ Beijing Jiao Tong University បានលើកឡើងថា សាកលវិទ្យាល័យ BJTU នឹងរង់ចាំការពង្រឹងទំនាក់ទំនងជាមួយវិទ្យាស្ថានសាធារណការ និងក្រុមហ៊ុន Beijing Urban Construction Group ដើម្បីពង្រឹងសមត្ថភាពធនធានមនុស្ស ក្នុងការផ្លាស់ប្តូរនិស្សិត និងការចុះកម្មសិក្សា ទស្សនកិច្ច ឯកទេសសាងសង់ ការស្រាវជ្រាវរួមគ្នា និងការបណ្តុះបណ្តាលបច្ចេកទេសផ្លូវដែក។

គួរបញ្ជាក់ដែរថា តាមរយៈចុះអនុស្សរណៈយោគយល់គ្នានេះផងដែរ ភាគីចិន ក៏ប្តេជ្ញាចិត្តបម្រើការអភិវឌ្ឍនលើវិស័យដឹកជញ្ជូនរបស់ប្រទេសចិន និងបានចូលរួមយ៉ាងពេញទំហឹងក្នុងការស្រាវជ្រាវ និងការសាងសង់ផ្លូវរថភ្លើងល្បឿនលឿន ពិសេសនឹងជួយបណ្តុះបណ្តាលលើផ្នែកវិស្វកម្មសំណង់ស៊ីវិល វិស្វកម្មអគ្គិសនី សេដ្ឋកិច្ច និងការគ្រប់គ្រង។លើសពីនេះទៀត នាពេលអនាគត សាកលវិទ្យាល័យ(BJTU)នឹងស្វាគមន៍និស្សិតឆ្នើមកម្ពុជាពីវិទ្យាស្ថានតេជោសែន សាធារណការ និងដឹកជញ្ជូន បន្ថែមទៀត ដើម្បីទៅសិក្សានៅប្រទេសចិន៕

The post ចិន សន្យាជួយពង្រឹងសមត្ថភាពធនធានមនុស្សកម្ពុជាលើជំនាញសាងសង់ផ្លូវដែក appeared first on .

វិទ្យាស្ថានតេជោសែន សាធារណការ បានបញ្ជាក់ថា ការប្រឡងជ្រើសរើសនិស្សិតចំនួន ២០០នាក់ នៅពេលនេះ គឺសម្រាប់និស្សិតជំនាន់ទី២ ហើយវិទ្យាស្ថាននឹងមានផ្តល់អាហារូបករណ៍១០០% ដោយ​អត់​បង់ថ្លៃរហូតដល់បញ្ចប់ការសិក្សាថ្នាក់បរិញ្ញាបត្រ ចំនួន៥០នាក់ ដែលប្រឡងចូលរៀនជាប់ជាស្ថាពរ និងបានពិន្ទុខ្ពស់ជាងគេ។

ដោយឡែក សម្រាប់និស្សិតនារីដែលបានប្រឡងចូលរៀនជាប់ជាស្ថាពរ ក្នុងចំណោម២០០នាក់ នឹងទទួលបានអាហារូបករណ៍ ៥០% រហូតដល់បញ្ចប់ថ្នាក់បរិញ្ញាបត្រផងដែរ។

សូមប្អូនសិស្សានុសិស្សដែលបានប្រឡងជាប់មធ្យមសិក្សាទុតិយភូមិ សូមរួសរាន់ឡើងដាក់ពាក្យឥលូវនេះ។ ការបិទទទួលពាក្យប្រឡងចូលរៀនត្រឹមថ្ងៃទី១១ ខែកុម្ភៈ ឆ្នាំ២០២២។ សិស្សានុសិស្សអាចដាក់ពាក្យប្រឡង​និងត្រៀមភ្ជាប់ឯកសារតាមលក្ខខណ្ឌខាងក្រោម៖
១. លក្ខណ្ឌដាក់ពាក្យតាមប្រព័ន្ធអនឡាញ ឬ ស្កេន QR Code ដើម្បីចុះឈ្មោះប្រឡង៖
ចូលតាមតំណភ្ជាប់ exam.tsipwt.edu.kh
២. ឯកសារភ្ជាប់៖ រូបថត 4 x 6 (ពាក់អាវស ឬ អាវធំមានក្រវ៉ាត់ក ផ្ទៃខាងក្រោយពណ៍ខៀវ ) សញ្ញាបត្រមធ្យមសិក្សាទុតិយភូមិ, សញ្ញាបត្របណ្តោះអាសន្ន ឬលទ្ធផលផ្លូវការប្រកាសដោយ​ក្រសួងអប់រំ យុវជន និងកីឡា
៣. កាលបរិច្ឆេទបិទទទួលពាក្យ
ថ្ងៃទី ១១ ខែកុម្ភៈ ឆ្នាំ២០២២ វេលាម៉ោង វេលាម៉ោង ១៧:០០នាទីល្ងាច Join Group Telegram ខាងក្រោម ដើម្បីទទួលបានព័ត៌មានបន្ថែមអំពីដាក់ពាក្យតាមប្រព័ន្ធអនឡាញ https://t.me/tsipwt2022
៤. ព័ត៌មានបន្ថែមសូមទំនាក់ទំនងលេខទូរស័ព្ទ៖ 098 21 02 21 / 078 21 01 21

សូមបញ្ជាក់ផងដែរថា វិទ្យាស្ថានតេជោសែន សាធារណការ និងដឹកជញ្ជូន កំពុងបណ្តុះបណ្តាល​និស្សិតថ្នាក់បរិញ្ញាបត្រលើជំនាញចំនួន ០៦ ដូចជា៖ ១) ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងកំពង់ផែ ២) ជំនាញប្រព័ន្ធចម្រោះទឹកកខ្វក់ ៣) ជំនាញសេដ្ឋកិច្ច និងគ្រប់គ្រងដឹកជញ្ជូនផ្លូវគោក ៤) ជំនាញគ្រប់គ្រងភស្តុភារកម្ម និងខ្សែច្រវ៉ាក់ផ្គត់ផ្គង់ ៥) ជំនាញអ្នកបើកបរនាវា ៦) ជំនាញម៉ាស៊ីននាវា។

The post រួសរាន់ដាក់ពាក្យកៅអីមានកំណត់ វិទ្យាស្ថានតេជោសែនសាធារណការ ផ្តល់អាហារូបករណ៍ ១០០% ថ្នាក់បរិញ្ញាបត្រ ៦មុខជំនាញ appeared first on .

ក្នុង​កម្មវិធី​ផ្សាយ​ផ្ទាល់​មានការ​ចោទសួរ​ពី​អ្នក​តាមដាន​លើ​ផេក និង​តាមប្រអប់ផ្ញើសារ​។ ក្នុងនោះ​មាន​ ១២ សំនួរ​ដ៏​គួរ​ឲ្យចាប់អារម្មណ៍​ដែ​លត្រូវ​បានចោទ​សួរ​ពីមហាជន។

១. តើវិទ្យាស្ថានមានអាហារូបករណ៍១០០%ទេ?

– អាហារូបករណ៍១០០%៖ ផ្តល់ជូនដល់និស្សិតឆ្នើមដែលទទួលបានពិន្ទុខ្ពស់ចំនួន៥០នាក់ (មិនគិតពីនិស្សិតប្រុស ឬស្រីទេ)។ ចំពោះនិស្សិតជានារី នឹងទទួលបានអាហារូបករណ៍ ៥០% ដោយស្វ័យប្រវត្តិ។ តម្លៃសិក្សា៦០០ដុល្លារ ក្នុង១ឆ្នាំ។ អាហារូបករណ៍ត្រូវបានផ្ដល់ជូនតែមួយឆ្នាំសិក្សាប៉ុណ្ណោះ មានន័យថា និស្សិតជ័យលាភីអាហារូបករណ៍ត្រូវខិតខំប្រឹងសិក្សា និងរក្សាចំណាត់ថ្នាក់នៃការសិក្សារបស់ខ្លួនឱ្យបានល្អ (យ៉ាងហោចណាស់៨៥% នៃលទ្ធផលសរុបប្រចាំឆ្នាំ) ទើបអាចបន្ដទទួលបានអាហារូបករណ៍នៅឆ្នាំបន្ទាប់។ ការវាយតម្លៃនេះត្រូវបានធ្វើឡើងដោយគណៈគ្រប់គ្រងវិទ្យាស្ថាន។

ក្រៅពីការសិក្សាឱ្យបានល្អ និស្សិតត្រូវមករៀនទៀងទាត់ ធ្វើជាគំរូល្អដល់និស្សិតផ្សេងទៀត មានឥរិយាបទ និងសីលធម៌ និងចូលរួមសកម្មភាពស្ម័គ្រចិត្ដនានា ដែលជាប្រយោជន៍ដល់និស្សិតដូចគ្នា។ ការធ្វើបែបនេះគឺវិទ្យាស្ថានមានគោលបំណងបណ្ដុះគ្រាប់ពូជធនធានមនុស្សប្រកបដោយសមត្ថភាព ចំណេះដឹង និងឥរិយាបទល្អ។

២. តើគ្រប់ជំនាញនីមួយៗត្រូវប្រឡងចូល ឬគ្រាន់តែទិញពាក្យអាចចូលរៀនបាន?

– គ្រប់ជំនាញ ទាំងអស់ត្រូវប្រឡងចូលរៀន មិនមែនគ្រប់និស្សិតដែលទទួលបាននិទ្ទេស A B ឬ C អាចចូលរៀនបានទេ ត្រូវឆ្លងកាត់ការប្រឡងទើបអាចចូលរៀនបាន។ ឆ្លងកាត់ការប្រឡងត្រូវការជ្រើសរើសគ្រាប់ពូជដែលល្អ ដើម្បីចូលរៀន។ ចង់ឃើញកូនខ្មែរក្លាយជាអ្នកជំនាញលើវិស័យហេដ្ឋារចនាសម្ព័ន្ធក្នុងប្រទេសកម្ពុជា ជឿថាកូនខ្មែរធ្វើបាន។

៣. តើវិទ្យាស្ថានមានជំនាញអ្វីខ្លះដែរ?

– ជំនាញទាំងអស់មានចំនួន៦ ក្នុងនោះរួមមាន៖ ១. ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងកំពង់ផែ ២. ជំនាញប្រព័ន្ធចម្រោះទឹកកខ្វក់ ៣. ជំនាញសេដ្ឋកិច្ច និងគ្រប់គ្រងដឹកជញ្ជូនផ្លូវគោក ៤. ជំនាញគ្រប់គ្រងភស្តុភាកម្ម និងខ្សែច្រវាក់ផ្គត់ផ្គង់ ៥. ជំនាញអ្នកបើកបរនាវា ៦. ជំនាញម៉ាស៊ីននាវា។

៤. សំណូមពរឱ្យវិទ្យាស្ថានបកស្រាយជំនាញនីមួយៗ៖

ក. ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងកំពង់ផែ គឺជាជំនាញដែលសិក្សាអំពីលក្ខណៈបច្ចេកទេសសំណង់ ផ្លូវថ្នល់ ផ្លូវល្បឿនលឿន -ស្ពាន ផ្លូវដែក និង កំពង់ផែធានាឱ្យគុណភាពរឹងមាំប្រើប្រាស់បានយូរអង្វែង។

ខ. ជំនាញប្រព័ន្ធចម្រោះ ទឹកកខ្វក់គឺសិក្សាអំពីការវិភាគ និងវាយតម្លៃនៃដំណើរការប្រព្រឹត្តិកម្មទឹក ព្រមទាំងប្រតិបត្តិការ ការថែទាំ ទឹក

គ. ជំនាញសេដ្ឋកិច្ច និងគ្រប់គ្រងដឹកជញ្ជូនផ្លូវគោកគឺសិក្សាពីបំលាស់ទីរបស់មនុស្ស និងទំនិញលើរយៈចម្ងាយក្នុងរយៈពេលកំណត់មួយ ដោយធ្វើយ៉ាងណាឱ្យការផ្លាស់ទីរបស់មនុស្ស និងទំនិញមាន ប្រសិទ្ធភាពបំផុត

ឃ. ជំនាញគ្រប់គ្រងភស្តុភាកម្ម និងខ្សែច្រវាក់ផ្គត់ផ្គង់ គឺជាការសិក្សាលើការសម្រប សម្រួលដល់ការផ្គត់ផ្គង់សម្ភារដល់ក្រុមហ៊ុនណាមួយ និងគឺជាការសិក្សាអំពីការផលិតនូវផលិតផល ដែលស្របតាមតម្រូវការរបស់អតិថិជន។

ង. ជំនាញអ្នកបើកបរនាវា គឺជាការសិក្សាអំពីជំនាញ ដែលពាក់ព័ន្ធនឹងការបើកបរនាវា និងកិច្ចការនៅលើកំពង់ផែ ដើម្បីសម្រួលដល់ការចេញ-ចូលនាវា ព្រមទាំងប្រតិបត្ដិការពាក់ព័ន្ធផ្សេងទៀត ជាជំនួយដល់ការបើកបរនាវា

ច. ជំនាញម៉ាស៊ីននាវា គឺជាជំនាញឯកទេសជួសជួល និងថែទាំនាវាព្រមទាំងកិច្ចការសង្គ្រោះបន្ទាន់ នៅពេលនាវាមានបញ្ហាពេលកំពុងប្រតិបត្ដិការ។

៥. តើវិទ្យាស្ថានបើកបវេសនកាលសម្រាប់និស្សិតជំនាន់ទី១ ធ្វើឡើងនៅថ្ងៃណាដែរ?

-នៅថ្ងៃទី៣១ ខែមករា ឆ្នាំ២០២២ សម្រាប់ជំនាន់ទី១។ ជំនាន់ទី២ បើកបវេសនកាល ថ្ងៃទី ០៩ ខែមីនា ឆ្នាំ២០២២ ចាប់ផ្ដើមទទួលពាក្យប្រឡងជំនាន់ទី២ចាប់ពីថ្ងៃ១៧ ខែមករា ដល់ថ្ងៃ១១ ខែកុម្ភៈ។ ប្រឡងជំនាន់ទី២ នៅថ្ងៃទី ១៤ ខែកុម្ភៈ និងចេញលទ្ធផលនៅថ្ងៃទី ១៥ ខែកុម្ភៈ ចុះឈ្មោះចូលរៀនជំនាន់ទី២ ថ្ងៃ១៥ ខែកុម្ភៈ ដល់ ថ្ងៃទី៩ ខែមីនា។

៦. តើអ្នកបាក់ឌុបជំនាន់២០១៩ និង២០២០ ឆ្នាំនេះអាចដាក់ពាក្យប្រឡងចូលរៀននៅវិទ្យាស្ថានបានទេ?

-អាចដាក់ពាក្យបាន និងត្រូវប្រឡងចូលសិក្សាដូចគ្នា។

៧. ការអភិវឌ្ឍហេដ្ឋារចនាសម្ព័ន្ធសាធារណៈ គឺជំរុញកំណើនសេដ្ឋកិច្ចជាតិ តើវិទ្យាស្ថានមានមុខវិជ្ជា ជំនាញវិភាគលើដងផ្លូវ ដើម្បីកំណត់ល្បឿនឱ្យមានសុក្រឹតសមស្របទាំងសុវត្ថិភាពទាំងការអភិវឌ្ឍទេ?

– មានគឺមុខវិជ្ជាបច្ចេកទេសអង្កេតការដឹកជញ្ជូន និងមុខវិជ្ជាអង្កេត និងព្យាករណ៍ការដឹកជញ្ជូន។ មុខវិជ្ជានេះគឺត្រូវសិក្សានៅក្នុងជំនាញសេដ្ឋកិច្ច និងគ្រប់គ្រងការដឹកជញ្ជូន។

៨. តើវិទ្យាស្ថានមានការបណ្ដុះបណ្ដាលជំនាញអ្វីផ្សេងៗដែរឬទេ ក្រៅពីការបណ្ដុះបណ្ដាលលើជំនាញ ថ្នាក់បរិញ្ញាបត្រ?

– វគ្គបណ្ដុះបណ្ដាលមធ្យមបច្ចេកទេសជាន់ខ្ពស់ដូចជា៖ កម្មករជំនាញ កម្មករ ជំនាញជាន់ខ្ពស់ អ្នកបច្ចេកទេសយានយន្ដ អ្នកបើកបរគ្រឿងចក្រធុនធ្ងន់ ជំនាញគ្រប់គ្រងយានដ្ឋាន ជាដើម។ ជំនាញទន់ ដូចជា៖ ភាពជាអ្នកដឹកនាំ និងជំនាញទំនាក់ទំនង។

៩. តើកម្មវិធីសិក្សារបស់វិទ្យាស្ថានរៀនពេញមួយថ្ងៃឬ?

ចម្លើយ- សិក្សាពេញមួយថ្ងៃ ពីចន្ទ ដល់សុក្រពីម៉ោង៧ ដល់ម៉ោង១១ និងពីម៉ោង១ ដល់ម៉ោង៥ បើកថ្នាក់បំប៉នភាសាអង់គ្លេសថ្ងៃចន្ទ ពុធ និងសុក្រ ម៉ោង៥:៣០ល្ងាច ដល់ម៉ោង ៧:០០នាទីយប់។

១០. តើអាចដាក់ពាក្យដោយរបៀបណា?

– ដាក់ពាក្យផ្ទាល់នៅការិយាល័យសិក្សារបស់វិទ្យាស្ថាន មានទីតាំងស្ថិតនៅផ្លូវលេខ ៥៩៨ (ផ្លូវ ឯកឧត្ដម ជា សុផារ៉ា) សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ ០៩៨ ២១ ០២ ២១ និង ០៧៨ ២១ ០១ ២១ ដាក់ពាក្យតាមប្រព័ន្ធអនឡាញ តាមគេហទំព័រ exam.tsipwt.edu.kh។

១១. តើអ្វីជាលក្ខណៈប្លែកពីគេរបស់វិទ្យាស្ថាន?

ក. ជាគ្រឹះស្ថានសាធារណៈឈានមុខគេ ដែលបណ្ដុះបណ្ដាលធនធានមនុស្សប្រកបដោយជំនាញ ចំណេះដឹង និងសីលធម៌វិជ្ជាជីវៈ ដើម្បីត្រៀមខ្លួន ជាអ្នកបន្ដវេនក្នុងវិស័យសាធារណការ និងដឹកជញ្ជូននៅថ្ងៃអនាគត

ខ. អាចចុះអនុវត្ដការងារផ្ទាល់នៅ តាមការដ្ឋានសាងសង់ផ្លូវ ស្ពាន កំពង់ផែ សហគ្រាសជាតិ និងអន្ដរជាតិ ដែលជាដៃគូសហការរបស់ វិទ្យាស្ថាន។ ឆ្នាំទី២ត្រូវធ្វើកម្មសិក្សា។

គ. ជាគ្រឹះស្ថានឧត្ដមសិក្សាសាធារណៈ ដែលបំពាក់ដោយឧបករណ៍ទំនើបសម្បូរបែប សាស្រ្ដាចារ្យមានបទពិសោធន៍យូរឆ្នាំ និងអ្នកបច្ចេកទេសជាន់ខ្ពស់មកពីក្រសួងស្ថាប័ននានា និងកម្មវិធីសិក្សាស្របតាមស្ដង់ដាជាតិ និងអន្ដរជាតិ។

១២. តើរចនាសម្ព័ន្ធសិក្សានៅវិទ្យាស្ថានមានអ្វីខ្លះ?

ក. អគារសិក្សាកម្ពស់៣ជាន់៖ មានចំនួន ២៤ បន្ទប់ ដោយ៨បន្ទប់នៅជាន់ទី១ ជាបន្ទប់ដែលអាចបង្រៀនបែប HyFlex (ដែលបានត្រៀមរួចជាស្រេចសម្រាប់ទាំងការបង្រៀនក្នុងថ្នាក់ផ្ទាល់ ការបង្រៀនតាម Online និងការបង្រៀនបែបកូនកាត់)

ខ. បន្ទប់ Simulator ដែលបានបំពាក់ម៉ាស៊ីន Simulator ចំនួន០៣គ្រឿងសម្រាប់និស្សិតជំនាញបើកបរនាវា ធ្វើការហ្វឹកហាត់ និងអនុវត្ដមុនពេលធ្វើការបើកបរនាវាពិតប្រាកដ។

គ. បណ្ណាល័យ ដែលមានសៀវភៅ ជាង ១ម៉ឺនក្បាល មានបំពាក់កុំព្យូទ័រ និងមាន E-Library សម្រាប់និស្សិតចូលសិក្សាស្រាវជ្រាវ។

ឃ. មន្ទីរពិសោធន៍ កម្ពស់២ជាន់ ដែលជាជំនួយរបស់ប្រទេសកូរ៉េ ដែលកំពុងសាងសង់ ហើយគ្រោងនឹងបញ្ចប់នៅក្នុងពេលឆាប់ៗនេះ។ ៧០% នឹងបញ្ចប់មុនខែមីនា។ ពិសោធន៍សាកល្បងខែ៦ និងបើកដំណើរ ការនៅខែកក្តដា។ ជាមន្ទីរពិសោធន៍ស្រាវជ្រាវ របកគំហើញថ្មី ដើម្បីតាមទាន់នូវយុគសម័យថ្មី។

ង. អគារ Auditorium ដែលជាសាលសន្និបាត សាលប្រជុំ និងជាកន្លែងដែលវិទ្យាស្ថាននឹងអញ្ជើញវាគ្មិន និងអ្នក បច្ចេកទេសមកធ្វើបាឋកថា និងបទបង្ហាញនានាជូនដល់និស្សិត។

វិទ្យាស្ថានតេជោ សែន សាធារណការ និងដឹកជញ្ជូន មាន​ចំនួនមន្ត្រី និងបុគ្គលិកកិច្ចសន្យាចំនួន៤៦នាក់ សាស្ត្រាចារ្យចំនួន៤៨ នាក់ កម្មវិធីសិក្សាជំនាន់ទីមួយ និងទីពីរ ចាប់ពីថ្ងៃចន្ទដល់ថ្ងៃសុក្រពេញមួយថ្ងៃ ចំនួននិស្សិតជំនាន់ទី១មានចំនួន១៩១ និងជំនាន់ទី២ មានចំនួន២០០នាក់ ការបណ្ដុះបណ្ដាលរបស់វិទ្យាស្ថានមានកម្រិតឧត្ដមសិក្សា និងក្រោយឧត្តមសិក្សា ជំនាយបច្ចេកទេសវគ្គខ្លីៗ និងជំនាញផ្នែកទន់៕

The post ១២ សំនួរ​​ចោទ​សួរ​ជុំវិញ​ការ​បើក​ថ្នាក់​​បណ្តុះ​បណ្តាល​ជំនាញ​ផ្លូវ​ ស្ពាន​មុន​គេនៅស្រុកខ្មែរ appeared first on .

ឯកឧត្តម ហឿន សំនៀង នាយកវិទ្យាស្ថាន និងជាតំណាងភាគីហត្ថលេខីនៃវិទ្យាស្ថានតេជោសែន សាធារណការ និងដឹកជញ្ជូន មានប្រសាសន៍ថា គោលបំណងរបស់វិទ្យាស្ថានក្នុងការបណ្តុះបណ្តាលធនធានមនុស្សឱ្យមានជំនាញច្បាស់លាស់ ចំណេះដឹងទូលំទូលាយ និងមានអត្តចរិត សីលធម៌ល្អ ដើម្បីដោះស្រាយបញ្ហាកង្វះអ្នកជំនាញបច្ចេកទេសក្នុងវិស័យសាធារណការ ដឹកជញ្ជូន និងភស្ដុភារកម្មនាពេលបច្ចុប្បន្ន និងអនាគតសំដៅចូលរួមចំណែកអភិវឌ្ឍសេដ្ឋកិច្ច និងសង្គមជាតិ។

បើតាមការបញ្ជាក់របស់ឯកឧត្តម ហឿន សំនៀង វិទ្យាស្ថានបានធ្វើកិច្ចសហប្រតិបត្តិការភាពជាដៃគូជាមួយនឹងគ្រឹះស្ថានអប់រំ និងដៃគូទាំងនៅក្នុងប្រទេស និងក្រៅប្រទេស និងក្រុមហ៊ុនឯកជនក្នុងស្រុក រួចមកហើយដើម្បីពង្រីកការគាំទ្រ និងផ្តល់ឱកាសបន្ថែមទៀត សំដៅពង្រឹងគុណភាពអប់រំដល់សិស្ស-និស្សិត និងសិក្ខាកាមរបស់វិទ្យាស្ថាន។

លោកឧកញ៉ា ស៊ិន ចន្ធី ប្រធានសមាគម និងជាតំណាងភាគីហត្ថលេខីនៃសមាគមភស្តុភារកម្មកម្ពុជា បានថ្លែងថា៖ បច្ចុប្បន្នកម្ពុជានៅមានកង្វះខាតធនធានមនុស្សយ៉ាងច្រើនសម្រាប់បំពេញតម្រូវការឱ្យវិស័យភស្តុភារកម្ម ដែលបញ្ហានេះតម្រូវឱ្យសមាគមបង្កើនកិច្ចខិតខំប្រឹងប្រែងបណ្តុះបណ្តាលធនធានមនុស្សលើវិស័យនេះចាប់ពីថ្នាក់មូលដ្ឋានរហូតដល់កម្រិតមធ្យម ហើយសមាគមបាន និងកំពុងឈានមកដល់កម្រិតមួយដែលបណ្តាធុរកិច្ចជនក្នុងវិស័យភស្តុភារកម្មកំពុងតែត្រូវការជាចាំបាច់។

សូមបញ្ជាក់ថា សមាគមភស្តុភារកម្មកម្ពុជា ត្រូវបានបង្កើតឡើងនៅឆ្នាំ២០០៤ ដោយមានឈ្មោះដើមថា សមាគមភ្នាក់ងារបញ្ជូនទំនិញកម្ពុជា ដែលមានបេសកកម្មផ្តល់ការ បណ្តុះបណ្តាលធនធានមនុស្សដើម្បីផ្គត់ផ្គង់ឱ្យវិស័យឡូជីស្ទីកចាប់តាំងពីឆ្នាំ២០០៩ រហូតមកដល់សព្វថ្ងៃ ដោយប្រើប្រាស់ឯកសារបណ្តុះបណ្តាល ស្របតាមស្តង់ដារនៅក្នុងតំបន់អាស៊ានទាំងមូល និងអន្តរជាតិ។

បន្ថែមើលនេះ មានសិក្ខាកាមប្រមាណជាង៥០០០នាក់ បានទទួលការបណ្តុះបណ្តាលពីសមាគម ដោយឡែកគ្រូបង្គោលរបស់សមាគមបានទទួលការបណ្តុះបណ្តាលពីវិទ្យាស្ថានភស្តុភារកម្មអាស៊ាន ដែលមានមូលដ្ឋាននៅទីក្រុងបាងកក ប្រទេសថៃ និងធ្លាប់ចុះកម្មសិក្សាដោយផ្ទាល់ទាំងនៅក្នុងប្រទេស ក្នុងតំបន់ និងអន្តរជាតិ និងកំពុងបម្រើការក្នុងវិស័យភស្តុភារកម្មអស់រយៈពេលជាច្រើនឆ្នាំផងដែរ៕

The post ផ្លូវការ វិទ្យាស្ថានតេជោសែនសាធារណការ ចាប់ដៃសមាគមភស្តុភារកម្មកម្ពុជា ដើម្បីពង្រឹង វិស័យដឹកជញ្ជូន និងភស្តុភាកម្ម appeared first on .

ពិធីចុះហត្ថលេខានៅថ្ងៃទី ៩ ខែកញ្ញា នេះ ក្រោមវត្តមានលោកជំទាវ ឥម នីថារ៉ា រដ្ឋលេខាធិការក្រសួងសាធារណការ និងដឹកជញ្ជូន និងតំណាងដ៏ខ្ពង់ខ្ពស់ឯកឧត្តមទេសរដ្ឋមន្រ្តី ព្រមទាំងមានការចុះហត្ថលេខា ឯកឧត្តម ហឿន សំនៀង នាយកវិទ្យាស្ថានតេជោ សែន សាធារណការ និងដឹកជញ្ជូន និងលោក ងន សាំង ប្រធានក្រុមហ៊ុន អ អិម អេ ខេមបូឌា ភីអិលស៊ីប្រចាំកម្ពុជា។

ឯកឧត្តម ហឿន សំនៀង ថ្លែងគូសបញ្ជាក់អំពីកិច្ចខិតខំប្រឹងប្រែង និងការប្តេជ្ញាចិត្តរបស់វិទ្យាស្ថានតេជោ សែន សាធារណការ និងដឹកជញ្ជូន និងក្រុមហ៊ុន អ អិម អេ ខេមបូឌា ភីអិលស៊ី (RMA Cambodia Plc) ក្នុងទិសដៅពង្រីកលទ្ធភាពផ្តល់ការបណ្តុះបណ្តាលដល់និស្សិតឱ្យបានកាន់តែទូលំទូលាយ ជាក់លាក់ និងរឹងមាំលើជំនាញ ចំណេះដឹង និងសីលធម៌ ស្របតាមតម្រូវការរបស់សង្គម។

បើតាមឯកឧត្តមនាយក កន្លងមកវិទ្យាស្ថានតេជោ សែន បានចុះអនុស្សរណៈជាមួយបណ្តាដៃគូនានាក្នុងវិស័យពាក់ព័ន្ធ ដូចជា វិទ្យាស្ថានបច្ចេកវិទ្យាកម្ពុជា សាលា Jhajaing ប្រទេសចិន និងនៅថ្ងៃខាងមុខវិទ្យាស្ថាននឹងចុះអនុស្សរណៈជាមួយសាលាភូមិន្ទរដ្ឋបាល សមាគមភស្តុភារកម្មកម្ពុជា ក្រុមហ៊ុន PPD សាកលវិទ្យាល័យ Chang An University ប្រទេសចិន ព្រមទាំងបណ្តាដៃគូផ្សេងៗទៀតក្នុងទិសដៅពង្រីកភាពជាដៃគូខាងក្រៅ ដើម្បីពង្រឹងខាងក្នុង។

ជាមួយគ្នានេះ លោកជំទាវ ឥម នីថារ៉ា បានចង្អុលបង្ហាញពីចក្ខុវិស័យដ៏វែងឆ្ងាយរបស់ឯកឧត្ដម ទេសរដ្ឋមន្ដ្រីក្នុងការបង្កើតវិទ្យាស្ថាននេះឡើង ដើម្បីបណ្តុះបណ្តាលកូនខ្មែរជំនាន់នេះ និងជំនាន់បន្តបន្ទាប់ ទៀតឱ្យមានសមត្ថភាពចេះសាងសង់ផ្លូវ ស្ពាន ឆ្លងកាត់ទន្លេមេគង្គ ទន្លេបាសាក់ ទន្លេសាប ដោយខ្លួនឯង និងមានគុណភាពជូនជាតិមាតុភូមិនាពេលអនាគតដូចបុព្វបុរសយើងនាសម័យមុន ដែលមានសមត្ថភាពកសាងប្រាង្គប្រាសាទដ៏ស្រស់បំព្រង និងមានគុណភាពជាប់បានរាប់រយពាន់ឆ្នាំ និងថែមទាំងល្បីល្បាញពាសពេញសាកលលោកទៀតផង។

លោកជំទាវថ្លែងថា៖ ការចុះអនុស្សរណៈយោគយល់នាពេលនេះគឺជាការបើកទំព័រប្រវត្តិសាស្រ្តថ្មីមួយទៀតរវាងវិទ្យាស្ថានតេជោ សែន សាធារណការ និងដឹកជញ្ជូន និង ក្រុមហ៊ុន អ អិម អេ ខេមបូឌា ដើម្បីចូលរួមចំណែកដល់ការអភិវឌ្ឍធនធានមនុស្សលើជំនាញបច្ចេកទេស និងបានបន្ថែមថា៖ ក្រុមហ៊ុន អ អិម អេ ខេមបូឌា នឹងក្លាយជាក្រុមហ៊ុនឯកជនជាដៃគូសហការរបស់វិទ្យាស្ថានដំបូងគេនៅកម្ពុជា។

គួររម្លឹកជូនថា ក្រុមហ៊ុន អ អិម អេ ខេមបូឌា គឺជាក្រុមហ៊ុនមួយមានភាពល្បីល្បាញ និងមានការ ទទួលស្គាល់លើឆាកអន្តរជាតិ និងមានឯកទេសផ្នែកវិស្វកម្មយានយន្ត បច្ចេកទេស ឧបករណ៍ធុនធ្ងន់ ក៏ដូចជាបានចូលរួមយ៉ាងសកម្មគាំទ្រដល់សកម្មភាពសង្គមទាំងឡាយផងដែរ៕

The post ក្រុមហ៊ុនល្បីខាងវិស្វកម្មយានយន្ត ចាប់ដៃជាមួយវិទ្យាស្ថានតេជោ សែន សាធារណការ និងដឹកជញ្ជូន ដើម្បីពង្រឹងគុណភាពអប់រំឱ្យសមស្របទៅនឹងតម្រូវការទីផ្សារ appeared first on .

ពិធីបញ្ចុះបឋមសិលាសាងសង់អគារមន្ទីរពិសោធន៍ ក្រោមវត្តមានលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រី ក្រសួងសាធារណការ និងដឹកជញ្ជូន នឹង លោក ហឿន សំនៀង នាយកវិទ្យាស្ថានតេជោសែន សាធារណការ និងដឹកជញ្ជូន ព្រមទាំងមានការចូលរួមពីថ្នាក់ដឹកនាំ និងក្រុមអ្នកបច្ចេកទេស ទទួលបន្ទុកការងារសាងសង់ នៅថ្ងៃទី១៦ សីហានេះ។

លោកទេសរដ្ឋមន្ត្រី បានសំដែងការអំណរគុណជូនចំពោះក្រសួងរៀបចំដែនដី ហេដ្ឋារចនាសម្ព័ន្ធ និងដឹកជញ្ជូន (MOLIT) នៃសាធារណរដ្ឋកូរ៉េ និងវិទ្យាស្ថានកូរ៉េ សំណង់ស៊ីវិល និងបច្ចេកវិទ្យា សាងសង់-Korea Institute of Civil Engineering and Building Technology (KICT) និង Korea Expressway Corporation (KEC) ដែលបានផ្តល់ជាជំនួយ ឥតសំណងតាមរយ: “គម្រោងនវានុវត្តន៍ប្រព័ន្ធសាងសង់ និងគ្រប់គ្រងផ្លូវថ្នល់ក្នុង ប្រទេសកម្ពុជាដល់ក្រសួងសាធារណការ និងដឹកជញ្ជូន ក៏ដូចជា​វិទ្យាស្ថានតេជោសែន សាធារណការ និងដឹកជញ្ជូន។

ទន្ទឹមនោះដែរ លោកទេសរដ្ឋមន្ត្រី បានណែនាំដល់ក្រុមប្រឹក្សាបច្ចេកទេស និងអ្នកសាងសង់ ធ្វើយ៉ាងណាសាងសង់ ឱ្យមានគុណភាពខ្ពស់ ដើម្បីទុកជាកន្លែង បណ្តុះបណ្តាលថ្នាលសិក្សាស្រាវជ្រាវ និងពិសោធន៍ សម្រាប់កូនខ្មែរ ជំនាន់ក្រោយៗទៀត។

ការសាងសង់អគារមន្ទីរពិសោធន៍​នេះ នឹងបម្រើដល់ការសិក្សាស្រាវជ្រាវ និងពិសោធន៍ វត្ថុធាតុដើមផ្លូវថ្នល់ផង និងជួយដល់ការបណ្តុះបណ្តាលធនធានវិស្វករ និងមន្ត្រីបច្ចេកទេសជាន់ខ្ពស់ របស់វិទ្យាស្ថាន តេជោសែន សាធារណការ និងដឹកជញ្ជូន ដែលបច្ចុប្បន្ននិស្សិតជំនាន់ទី១ ចំនួន ១៩១នាក់​ បាននឹងកំពុងសិក្សាលើ ជំនាញចំនួន៦ ក្នុងដេប៉ាតឺម៉ង់ចំនួន៣រួចមកហើយ។

សូមបញ្ជាក់ថា វិទ្យាស្ថានតេជោសែន សាធារណការ និងដឹកជញ្ជូន បានទទួលជំនួយឥតសំណងនូវ “គម្រោង នវានុវត្តន៍ប្រព័ន្ធសាងសង់ និង​គ្រប់គ្រងផ្លូវថ្នល់​ក្នុងប្រទេស​កម្ពុជា” ដែលមានទឹកប្រាក់សរុបប្រមាណជាង ៣.២០០.០០០ ដុល្លារសហរដ្ឋអាមេរិច ឬ ៣.៩២០.០០០.០០០ វ៉ុន សម្រាប់រយៈពេល ៣ឆ្នាំ (២០២០-២០២៣) ដោយផ្តោតលើ៖ ១.​​ ជំនួយឧបករណ៍ពិសោធន៍សម្រាប់វាយតម្លៃគុណភាពផ្លូវថ្នល់, ២. ផ្តល់អគារមន្ទីរពិសោធន៍បច្ចេកវិទ្យាសំណង់ សម្រាប់សិក្សាស្រាវជ្រាវ និងពិសោធន៍គុណភាពវត្ថុធាតុផ្លូវថ្នល់, ៣. រថយន្តអង្កេតផ្លូវ ថ្នល់ស្វ័យប្រវត្តិ (Automatic Survey Vehicle) សម្រាប់ប្រមូលទិន្នន័យគុណភាពផ្លូវថ្នល់, ៤. កម្មវិធីគ្រប់គ្រងផ្លូវថ្នល់ (Pavement Management System–SMS and Pavement Quality Managment System–PQMS) និង ៥. ការបណ្តុះបណ្តាល បច្ចេកទេសហេដ្ឋារចនាសម្ព័ន្ធផ្លូវថ្នល់ដល់មន្ត្រីជំនាញពាក់ព័ន្ធ៕

The post ប្រទេសកូរ៉េ សម្រេចសង់អគារមន្ទីរពិសោធន៍ដ៍ធំមួយឲ្យវិទ្យាស្ថានតេជោសែន សាធារណការ និងដឹកជញ្ជូន appeared first on .

សូមចុច Subscribe Telegram oknha_news នឹងទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

កិច្ចប្រជុំនេះធ្វើឡើងនៅថ្ងៃទី១១ ខែសីហាម្សិលមិញ ក្រោមវត្តមានលោក ហឿន សំនៀង នាយកវិទ្យាស្ថានតេជោសែនសាធារណៈការនឹងដឹកជញ្ជូន និងលោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជា ដោយមានការចូលរួមពីថ្នាក់ដឹកនាំ សមាជិកក្រុមប្រឹក្សាភិបាលនិងលេខាធិការរដ្ឋានសមាគម និង វិទ្យាស្ថានជាច្រើនរូបទៀតផងដែរ។

ការជួបពិភាក្សានេះធ្វើឡើង ក្នុងន័យរួមគ្នាក្នុងការបង្កើនក៏ដូចជាពង្រីកធនធានមនុស្សដែលកំពុងតែមានការខ្វះខាតច្រើនលើវិស័យភស្តុភារកម្ម និង ដឹកជញ្ជូនគ្រប់មធ្យោបាយ និងដើម្បីស្វែងរកកិច្ចសហប្រតិបត្ដិការរវាងវិទ្យាស្ថានតេជោសែន សាធារណការ និងដឹកជញ្ជូន និងសមាគមភស្តុភារកម្មកម្ពុជា ជំរុញការអប់រំបណ្ដុះបណ្ដាល និង ធ្វើការផ្សព្វផ្សាយនិងបង្កើនការយល់ដឹងអំពីវិស័យភស្ដុភារកម្ម ឱកាសការងារ សក្ដានុពល និងសារៈសំខាន់របស់វិស័យនេះ។

សូមបញ្ជាក់ថា វិទ្យាស្ថានតេជោសែន សាធារណការ និងដឹកជញ្ជូន និងសមាគមភស្តុភារកម្មកម្ពុជា គ្រោងនឹងបន្ដកិច្ចសហប្រតិបត្ដិការ និងពិនិត្យលទ្ធភាពចុះអនុស្សារណៈ នៃការយោគយល់ជាមួយគ្នា៕

The post វិទ្យាស្ថានតេជោសែន សាធារណការ និងដឹកជញ្ជូន ចាប់ដៃសមាគមភស្ដុភារកម្មកម្ពុជា ពង្រីកធនធានមនុស្សលើវិស័យភស្តុភារកម្ម និង ដឹកជញ្ជូន appeared first on .