សម្តេចមហាបវរធិបតី ហ៊ុន ម៉ាណែត ថ្លែងឱ្យដឹងបែបនេះ ធ្វើឡើងក្នុងឱកាសអញ្ជើញសម្ពោធដាក់ឱ្យដំណើរការរោងចក្រផ្គុំ និងដំឡើងរថយន្ត GAC របស់ក្រុមហ៊ុន THAM នៅខេត្តកំពង់ឆ្នាំង នាព្រឹកថ្ងៃទី១៧ ខែកញ្ញា ឆ្នាំ២០២៦នេះ។

សម្តេចធិបតីបានបន្តថាក្នុងចំណោមរោងចក្រទាំងនោះ ក្នុងនោះ វិនិយោគផ្នែកកម្មន្តសាល មាន ចំនួន ២៤ជំពូក ស្មើនឹង ១០៧ចំណាត់ថ្នាក់ឧស្សាហកម្ម ដែលបានប្រើប្រាស់កម្លាំងពលកម្មសរុបប្រមាណ ១,៣៦ លាននាក់ ក្នុងនោះស្រ្តីមានចំនួនជាង ៩៥ ម៉ឺននាក់ ស្មើនឹង ៧០,១៥ ភាគរយ។ ចំណែកទុនវិនិយោគសរុបនៅក្នុងវិស័យនេះ មានជាង ២៨ ពាន់លានដុល្លារអាមេរិក កើនឡើងជាង៦ពាន់លានដុល្លារអាមេរិក ដែលស្មើនឹង ២៨,៨២ ភាគរយ បើធៀបនឹងរយៈពេលដូចគ្នាកាលពីឆ្នាំមុន។ ក្នុងចំណោមទុនវិនិយោគសរុបនេះ ទុនវិនិយោគក្នុងស្រុកមានចំនួនជាង ៤,៣ ប៊ីលានដុល្លារអាមេរិក ស្មើនឹង ១៥,៤៦ ភាគរយ។

សម្តេចមហាបវរធិបតី ហ៊ុន ម៉ាណែត បានលើកឡើងថា វិស័យឧស្សាហកម្មបានរួមចំណែកប្រមាណ ១២,៦ ភាគរយ នៃផលិតផលជាតិសរុបក្នុងឆ្នាំ១៩៩៣ ហើយបានបន្តកើនឡើងជាលំដាប់រហូតដល់ ៤៣,២ ភាគរយ ក្នុងឆ្នាំ២០២៥ ជាមួយនឹងនិន្នាការបន្តកើនឡើងទៅមុខទៀត។

ទន្ទឹមគ្នានេះសម្តេចមហាបវរធិបតី បានវាយតម្លៃខ្ពស់ចំពោះក្រុមប្រឹក្សាអភិវឌ្ឍន៍កម្ពុជា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ព្រមទាំងក្រសួងស្ថាប័នពាក់ព័ន្ធទាំងអស់ ដែលបានខិតខំប្រឹងប្រែងសម្របសម្រួល និងគាំទ្រដល់ដំណើរការវិនិយោគ។

សម្តេចធិបតីបានលើកទឹកចិត្តឱ្យគ្រប់ភាគីពាក់ព័ន្ធបន្តធ្វើការរួមគ្នា ក្រោមអភិក្រម «ជវភាពនៃប្រព័ន្ធតួអង្គតែមួយ» ដើម្បីកែលម្អបរិយាកាសវិនិយោគ និងធុរកិច្ចនៅកម្ពុជា ឱ្យកាន់តែមានប្រសិទ្ធភាព ភាពប្រកួតប្រជែង និងនវានុវត្តន៍។

សម្តេចមហាបវរធិបតី មានប្រសាសន៍ទៀតថា រយៈពេលជាងបីទសវត្សរ៍នេះ មូលដ្ឋានសេដ្ឋកិច្ចកម្ពុជា បានប្រែប្រួលពីប្រទេសដែលពឹងផ្អែកស្ទើរទាំងស្រុងលើវិស័យ កសិកម្ម បែបប្រពៃណី ទៅជាប្រទេសមានមូលដ្ឋានសេដ្ឋកិច្ចទូលាយ និងរឹងមាំ ដែលអាចចាប់យក ឧស្សាហកម្មថ្មីៗ និង មានតម្លៃខ្ពស់ តាមរយៈ ការដាក់ចេញ និង អនុវត្តយ៉ាងសកម្ម និង ទាន់ពេលនូវគោលនយោបាយត្រឹមត្រូវ មុតស្រួច និងចំទិសដៅ។ជាក់ស្តែង ការវិនិយោគដូចជាការដំឡើងរថយន្ត មិនត្រឹមតែផ្តល់ការងារប៉ុណ្ណោះទេ ថែមទាំងបានផ្ទេរចំណេះជំនាញផ្នែករថយន្តមកដល់កូនខ្មែរទៀតផង៕

The post សម្តេចបវរធិបតី៖ គិតត្រឹមខែកក្កដា ឆ្នាំ២០២៦ រោងចក្រដែលបានចុះបញ្ជីនៅកម្ពុជាមានជាង៣ពាន់រោងចក្រ ក្រោមទុនវិនិយោគជាង២៨ពាន់លានដុល្លារ appeared first on .

នាឱកាសនោះ លោក DATUK KWEK LENG SAN ប្រធានក្រុមហ៊ុន បានឱ្យដឹងថា ក្រុមហ៊ុន Hong Leong Manufacturing Group គឺមានប្រតិបត្តិការលើអាជីវកម្មលើជំនាញខាងវិស័យហិរញ្ញវត្ថុ, អចលនទ្រព្យ​, កម្មន្តសាល និងបច្ចេកវិទ្យា។ លោកថា ក្រុមហ៊ុនក៏មានប្រតិបត្តិការអាជីកម្មនៅតាមបណ្ដាប្រទេសមួយចំនួន​ រួមមាន៖​ ប្រទេសចិន ទីក្រុងហុងកុង ចក្រភពអង់គ្លេស​ ប្រទេសក្នុងតំបន់អាស៊ាន និង​​អ៉ឺរ៉ុប។

ប្រធានក្រុមហ៊ុនខាងលើ បានបន្តថា នៅកម្ពុជា​ ក្រុមហ៊ុនមានដំណើរការអាជីវកម្មខាងវិស័យធនាគារ ហើយតាមរយៈបទពិសោធន៍របស់ក្រុមហ៊ុននៅកម្ពុជាក្នុងរយៈពេលប្រមាណជាង១០ឆ្នាំមកនេះ ក្រុមហ៊ុនបានមើលឃើញពីសក្ដានុពលនៃវិនិយោគថ្មីៗជាច្រើនរបស់កម្ពុជា និងមានបំណងចង់ពង្រីកការវិនិយោគបន្ថែមទៀតផងដែរ។

ជាការឆ្លើយតប សម្ដេចធិបតី បង្ហាញក្តីរីករាយចំពោះវឌ្ឍនភាពនៃអាជីវកម្មរបស់ក្រុមហ៊ុន និងស្វាគមន៍ចំពោះបំណងពង្រីកការវិនិយោគរបស់ក្រុមហ៊ុននៅកម្ពុជា។ ដោយឡែក ពាក់ព័ន្ធគោលនយោបាយវិនិយោគរបស់កម្ពុជា សម្តេចធិបតីថា កម្ពុជាធានាបាននូវបរិយាសវិនិយោគមួយដែលមានស្ថិរភាព មានភាពប្រកួតប្រជែង មានក្របខ័ណ្ឌច្បាប់វិនិយោគទាក់ទាញ បើកទូលាយសម្រាប់វិនិយោគិន និងផ្ដល់ការលើកទឹកចិត្តជាច្រើនថែមទៀត​ ដល់វិស័យឯកជន។

សម្ដេចធិបតី បន្តថា៖«ការវិនិយោគនៅកម្ពុជាមិនត្រឹមតែសម្រាប់ទីផ្សារកម្ពុជាប៉ុណ្ណោះទេ តែក៏សម្រាប់ទីផ្សាតំបន់ និងសកលលោកតាមរយៈយន្តការនៃកិច្ចព្រមព្រៀងពាណិជ្ជកម្មសេរីរបស់កម្ពុជាជាមួយបណ្ដាប្រទេសក្នុងតំបន់ ទាំងក្របខ័ណ្ឌទ្វេភាគី និងពហុភាគី»។

 គួរបញ្ជាក់ដែរថា តាមរយៈជំនួបនោះ ប្រមុខរាជរដ្ឋាភិបាល ក៏ជំរុញឱ្យក្រុមហ៊ុនពិនិត្យលទ្ធភាពវិនិយោគលើការផលិតគ្រឿងបន្លាស់យានយន្តសម្រាប់ផ្គត់ផ្គង់ទីផ្សារក្នុងស្រុក និងសម្រាប់នាំចេញទៅកាន់ទីផ្សារតំបន់ និងពិភពលោក ខណៈរដ្ឋាភិបាលបានត្រៀមជាស្រេចដើម្បីជួយគាំទ្រ​ និង​បង្កភាពងាយស្រួលដល់​ភាព​ជោគជ័យ​របស់​បណ្តា​ក្រុម​ហ៊ុន​នានា​ ដែល​បាន​និង​កំពុង​វិនិយោគ​នៅ​កម្ពុជា​៕ អត្ថបទ៖ ហ្សាលីន

The post ក្រុមហ៊ុនជំនាញខាងវិស័យហិរញ្ញវត្ថុដ៏ធំមួយ ចង់ពង្រីកការវិនិយោគលើវិស័យអាទិភាពនៅកម្ពុជា appeared first on .

លើកឡើងនៅក្នុងសន្និសីទផ្គូផ្គងការជំរុញការវិនិយោគ និងសមាគមធុរកិច្ចនៅក្រៅប្រទេស នៅសណ្ឋាគារ Tianyi នាថ្ងៃទី១៩ ខែធ្នូ ឆ្នាំ២០២៣​ ដោយមានការមានការចូលរួមពីលោក Zou Heyang សមាជិកគណៈកម្មាធិការអចិន្ត្រៃយ៍នៃមជ្ឈមណ្ឌលសេវាកម្មធុរកិច្ចខេត្ត Hunan លោក Wu Guanghua ប្រធានសភាពាណិជ្ជកម្មខេត្ត Hunan នៅកម្ពុជា និងថ្នាក់ដឹកនាំសភាពាណិជ្ជកម្ម។

ថ្លែងលើវេទិកានេះ អ្នកឧកញ៉ា លី ឃុនថៃ បានមើលឃើញថា វិនិយោគគិនមកពីហ៊ូណាន កំពុងតែផ្ដោតនិងយកចិត្តទុកដាក់លើការវិនិយោគ និងកិច្ចសហប្រតិបត្តិការនៅកម្ពុជាកាន់តែច្រើន។​ ការណ៍នេះ ព្រោះតែថា រាជរដ្ឋាភិបាលកម្ពុជា និងរដ្ឋាភិបាលចិន មានទំនាក់ទំនងល្អ ដោយមានការផ្លាស់ប្តូរយ៉ាងជិតស្និទ្ធរវាងប្រជាជន និងមិត្តភាពជាប្រវត្តិសាស្ត្រដ៏យូរអង្វែង ព្រមទាំងប្រទេសកម្ពុជាគឺជាប្រទេសដែលមានការអភិវឌ្ឍយ៉ាងឆាប់រហ័សនៅក្នុងតំបន់អាស៊ីអាគ្នេយ៍ ហើយក៏ជាសមាជិកនៃអាស៊ានផងដែរ។

ប្រធានប្តូរវេនក្រុមប្រឹក្សាកម្ពុជា-ចិន បានបន្ដថា កម្ពុជា មានស្ថានភាពនយោបាយ ស្ថិរភាពបើកចំហ គោលនយោបាយសេដ្ឋកិច្ច តម្លៃពលកម្មទាប និងគ្មានការប្តូរប្រាក់បរទេស និងជាប្រទេសមួយក្នុងចំណោមប្រទេសក្នុងតំបន់ដែលមានគោលនយោបាយវិនិយោគបរទេសបើកចំហរបំផុត។ ជាមួយ «យុទ្ធសាស្រ្តបញ្ចកោណ» របស់រដ្ឋាភិបាលអាណត្តិទី៧ថ្មី ក៏បានអំណោយផលក្នុងការ ជំរុញការវិនិយោគ ការអភិវឌ្ឍឧស្សាហកម្ម ការនាំចេញផលិតផល គោលនយោបាយលើកទឹកចិត្តមួយចំនួនដូចជា ការច្នៃប្រឌិតវិទ្យាសាស្ត្រ និងបច្ចេកវិទ្យា ក៏ដូចជាគោលនយោបាយបើកចំហរវិនិយោគ និងការពារការវិនិយោគ នឹងជួយកែលម្អបរិយាកាសធុរកិច្ចរបស់កម្ពុជា ធ្វើឱ្យសហគ្រាសដែលផ្តល់មូលនិធិពីបរទេសកាន់តែមានទំនុកចិត្តក្នុងការវិនិយោគ និង ប្រតិបត្តិការនៅកម្ពុជា និងជំរុញការអភិវឌ្ឍសេដ្ឋកិច្ច និងសង្គមរបស់កម្ពុជា។

ជាមួយគ្នា អ្នកឧកញ៉ា លី ឃុនថៃ ជឿជាក់ថា តាមរយៈព្រឹត្តិការណ៍ពិភាក្សា និងផ្លាស់ប្តូរនេះ កម្ពុជា-ហ៊ូណាន នឹងអាចស្វែងយល់ពីគំរូកិច្ចសហប្រតិបត្តិការរវាងភាគីទាំងពីរ ព្រមទាំងទទួលបានឱកាសកាន់តែច្រើន សម្រេចបាននូវចក្ខុវិស័យដ៏ស្រស់ស្អាតនៃផលប្រយោជន៍ទៅវិញទៅមក និងលទ្ធផលឈ្នះ-ឈ្នះ៕

អត្ថបទ៖ សុកធា

The post អ្នកឧកញ៉ា លី ឃុនថៃ ៖ កម្ពុជា-ហ៊ូណាន មានទំនាក់ទំនងល្អ នឹងជួយទាក់ទាញវិនិយោគិនហ៊ូណាន មកវិនិយោគនៅកម្ពុជា appeared first on .

បើតាមសេចក្តីប្រកាសរបស់ធនាគារជាតិនៃកម្ពុជា តាមរយៈទំព័រហ្វេសប៊ុក នៅថ្ងៃទី១៣ ខែកក្កដា ឆ្នាំ២០២៣ បានឱ្យដឹងថា គិតត្រឹមត្រីមាសទី១ ឆ្នាំ២០២៣ វិនិយោគផ្ទាល់បរទេសនៅកម្ពុជាមាន ១៨៥,៧ ទ្រីលានរៀល (៤៥,៨ ប៊ីលានដុល្លារអាមេរិក) កើនឡើង ៩% ធៀបនឹងគ្រាដូចគ្នាកាលពីឆ្នាំ២០២២។

ធនាគារជាតិបន្តថា វិនិយោគផ្ទាល់បរទេសនៅកម្ពុជានេះ គឺមានប្រភពទុនចម្បង មកពីប្រទេស ចិន កូរ៉េខាងត្បូង សិង្ហបុរី ជប៉ុន វៀតណាម ម៉ាឡេស៊ី ថៃ និងចក្រភពអង់គ្លេស។

ធនាគារជាតិនៃកម្ពុជា បានឱ្យដឹងបន្ថែមទៀតថា លំហូរវិនិយោគនេះ គឺបានគ្របដណ្តប់លើវិស័យធំៗដូចជា វិស័យហិរញ្ញវត្ថុ កម្មន្តសាល អចលនទ្រព្យ សណ្ឋាគារនិងរមណីយដ្ឋាន កសិកម្ម វារីអគ្គិសនី និងសំណង់។

​​សូមរម្លឹកដែរថា កាលពី​ឆ្នាំ​ ២០២២ កន្លងមក ក្រុមប្រឹក្សា​អភិវឌ្ឍន៍​កម្ពុជា ​(CDC) បានអនុម័ត​លើ​គម្រោង​វិនិយោគ​ថ្មី និង​គម្រោង​ពង្រីក​ផលិតកម្ម​សរុប ១៨៦​ គម្រោង ដែលមាន​ទុនវិនិយោគ​សរុប​ប្រមាណ ៤​ពាន់​លាន​ដុល្លារ ក្នុងនោះ​ទុន​វិ​និ​យោគ​ផ្ទាល់​មកពី​ប្រទេស​ចិន​មានប្រមាណ ៩០,៥​ ភាគរយ​នៃ​កា​រវិ​និ​យោគ​ផ្ទា​ល់ពី​បរទេស​នៅ​កម្ពុជា​៕

អត្ថបទ៖​ពិសី

The post NBC៖ ៦ខែឆ្នាំនេះ វិនិយោគផ្ទាល់បរទេសនៅកម្ពុជា មានតម្លៃជិត៤៦ ប៊ីលានដុល្លារ កើនឡើង ៩% appeared first on .