យោងតាមសេចក្តីប្រកាសព័ត៌មានស្តីពី ពិព័រណ៍ផលិផលរ៉ែឆ្នាំ២០២៦ របស់ក្រសួងរ៉ែ និងថាមពល បានឱ្យបន្តថា ផលិតកម្មរ៉ែមាសកំពុងដើរតួនាទីជាប្រភពចំណូលជាតិថ្មី ដែលគិតចាប់ពីឆ្នាំ២០២១ដល់ឆ្នាំ២០២៥ កម្ពុជាផលិតដុំមាសបានប្រមាណ១៨តោនតាមការដ្ឋានរ៉ែដែលស្ថិតនៅក្នុងខេត្តព្រះវិហារ ខេត្តកំពង់ធំ ខេត្ត មណ្ឌលគិរី ខេត្តរតនគិរី ខេត្តក្រចេះ និងខេត្តបាត់ដំបង។

ដោយឡែក រ៉ែថ្មនិងខ្សាច់សំណង់បានដើរតួយ៉ាង សំខាន់ក្នុងការធានានិរន្តរភាពនៃការផ្គត់ផ្គង់វត្ថុធាតុដើមគ្រប់គ្រាន់ និងក្នុងតម្លៃសមរម្យរួមចំណែកដល់ការ អភិវឌ្ឍហេដ្ឋារចនាសម្ព័ន្ធនិងសំណង់តូចធំនានានៅទូទាំងប្រទេស។

ក្រសួងរ៉ែ បានបញ្ជាក់ថារហូតមកទល់នឹងបច្ចុប្បន្ននេះទុនវិនិយោគសរុបក្នុងវិស័យរ៉ែមានប្រមាណ ២ ៨៩០ លានដុល្លារអាម៉េរិក ហើយបានបង្កើតការងារដោយផ្ទាល់ប្រមាណ ១២ ១៣០ នាក់ ក្នុងនោះប្រជាពលរដ្ឋខ្មែរប្រមាណ ១១ ៥៤៧ នាក់ ស្មើនឹង ៩៥%។ ចំណែកចំណូលមិនមែនសារពើពន្ធពីវិស័យរ៉ែនៅក្នុងរយៈពេល១០ឆ្នាំចុង ក្រោយនេះ មានការកើនឡើងគួរឱ្យកត់សម្គាល់ដោយមានកំណើនពី ១៣,១០ លានដុល្លារអាម៉េរិកនៅក្នុងឆ្នាំ ២០១៦ ទៅ ១៣៥,៥៥ លានដុល្លារអាម៉េរិកនៅក្នុងឆ្នាំ២០២៥។

លើសពីនេះទៀត ប្រតិបត្តិការធនធានរ៉ែក៏បានចូលរួមចំណែកអភិវឌ្ឍន៍សហគមន៍មូលដ្ឋានតាមរយៈ មូលនិធិរ៉ែសម្រាប់ទ្រទ្រង់កិច្ចអភិវឌ្ឍន៍សហគមន៍មូលដ្ឋាន ដែលផ្តួចផ្តើមបង្កើតឡើងដោយក្រសួងរ៉ែនិងថាមពល ក្នុងគោលបំណងបង្កើតឱ្យមានសុខដុមនីយកម្មក្នុងតំបន់ប្រតិបត្តិការធនធានរ៉ែ។ ចាប់ពីឆ្នាំ២០១៥ រហូតដល់ ឆ្នាំ២០២៥ មានគម្រោងអភិវឌ្ឍន៍សហគមន៍មូលដ្ឋានចំនួន១១៧គម្រោង (រួមមានសាលារៀន ផ្លូវដីក្រហម ផ្លូវបេតុង ស្ពាន ប្រព័ន្ធធារាសាស្ត្រ អំពូលសូឡា ស្រះទឹកសហគមន៍ អណ្តូងទឹក ។ល។) ត្រូវបានអនុវត្តបញ្ចប់ តាមបណ្តាឃុំ/សង្កាត់ដែលមានប្រតិបត្តិការធនធានរ៉ែទូទាំងប្រទេស និងគម្រោងចំនួន២០កំពុងបន្តអនុវត្តដែល ប្រើប្រាស់ថវិកាមូលនិធិរ៉ែប្រមាណ១០លានដុល្លារអាម៉េរិក៕

The post កម្ពុជា មានទុនវិនិយោគក្នុងវិស័យរ៉ែប្រមាណជិត៣ពាន់លានដុល្លារ បង្កើតការងារដោយផ្ទាល់ជាង១ម៉ឺន២ពាន់នាក់ appeared first on .

កាលពីព្រឹកថ្ងៃទី១៧ ខែមិថុនា ឆ្នាំ២០២៥ រដ្ឋលេខាធិការក្រសួងបរិស្ថាន លោក ទា ជុប ក៏បានដឹកនាំកិច្ចប្រជុំអន្តរក្រសួងស្តីពីការពិនិត្យ និងផ្តល់លើរបាយការណ៍វាយតម្លៃហេតុប៉ះពាល់បរិស្ថានពេញលេញ សម្រាប់គម្រោងអាជីវកម្មរ៉ែមាសនេះផងដែរ។ ដោយការប្រជុំនេះ មានការចូលរួមមកពីអន្តរក្រសួង រដ្ឋបាលខេត្តបន្ទាយមានជ័យ មន្ទីរបរិស្ថានខេត្តបន្ទាយមានជ័យ តំណាងអគ្គនាយកដ្ឋានគាំពារបរិស្ថាន អគ្គនាយកដ្ឋានតំបន់ការពារធម្មជាតិ អគ្គនាយកដ្ឋានសហគមន៍មូលដ្ឋាន លេខាធិការដ្ឋានឥណទានកាបូន នាយកដ្ឋាន EIA  និងលេខាធិការដ្ឋាន EIA ជាច្រើនរូប។

ជាលទ្ធផល កិច្ចប្រជុំខាងលើនេះ មានគោលបំណង ដើម្បីពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់បរិស្ថានពេញលេញ សម្រាប់គម្រោងខាងលើនេះ និងប្រមូលធាតុចូលពីការផ្តល់មតិយោបល់របស់អន្តរក្រសួង ដែលមានលក្ខណៈបច្ចេកទេស ច្បាប់ពាក់ព័ន្ធ និងកំណត់វិធានការកាត់បន្ថយសំដៅធានាឱ្យមាននូវហេតុប៉ះពាល់អវិជ្ជមានក្នុងកម្រិតអប្បរមា ដើម្បីឱ្យគម្រោងអាចអនុវត្តបាន ហើយធានាបានសុក្រឹត្យកម្មបរិស្ថានកិច្ច និងការអភិវឌ្ឍប្រកបដោយចីរភាព។

គួរឱ្យដឹងថា វិស័យរ៉ែកំពុងមានការរីកចម្រើនយ៉ាងខ្លាំង ដោយវិស័យនេះបានចូលរួមយ៉ាងសំខាន់ក្នុងការចូលរួម អភិវឌ្ឍន៍ប្រទេស ដែលធានាបានទាំងស្រុងនៃការផ្គត់ផ្គង់រ៉ែសំណង់ សម្រាប់ការសាងសង់ហេដ្ឋារចនាសម្ព័នផ្សេងៗ។

បច្ចុប្បន្នកម្ពុជាបានផ្តល់សិទ្ធិដល់ក្រុមហ៊ុនធ្វើអាជីវកម្មរ៉ែមាសចំនួន ១១ក្រុមហ៊ុន ប្រតិបត្តិការនៅ ៦ខេត្ត ក្នុងនោះមាន ៧គម្រោង កំពុងធ្វើប្រតិបត្តិការទាញយករ៉ែពេញលេញតាំងឆ្នាំ២០២១ និង ៤គម្រោង ស្ថិតក្នុងដំណាក់កាលអភិវឌ្ឍន៍។

ក្រុមហ៊ុនដែលមានប្រតិបត្តិការលើអាជីវកម្មរ៉ែមាសនៅខេត្ត៦នោះ រួមមាន ខេត្តមណ្ឌលគិរី, ខេត្តព្រះវិហារ, ខេត្តរតនគិរី, ខេត្តក្រចេះ, ខេត្តកំពង់ធំ, ខេត្តបាត់ដំបង៕

The post ក្រុមហ៊ុនមួយគ្រោងវិនិយោគអាជីវកម្មរ៉ែមាស លើផ្ទៃដី ៣.០០០ហិកតា ក្នុងតំបន់ការពារទេសភាពអាងត្រពាំងថ្ម ខេត្តបន្ទាយមានជ័យ appeared first on .

នេះបើតាមការថ្លែងឱ្យដឹងពីរដ្ឋមន្រ្តីក្រសួងរ៉ែ និងថាមពល នៅថ្ងៃទី២០ ខែឧសភា ឆ្នាំ២០២៤ ក្នុងពិធីសម្ពោធបើកឱ្យដំណើរការជាផ្លូវការ រោងចក្រផលិតស៊ីម៉ងត៍ នៅស្រុកឱរ៉ាល់ ខេត្តកំពង់ស្ពឺ ក្រោមអធិបតីភាព សម្តេចធិបតី ហ៊ុន​ ម៉ាណែត នាយករដ្ឋមន្រ្តីកម្ពុជា។

លោក កែវ រតនៈ រដ្ឋមន្រ្តីក្រសួងរ៉ែ និងថាមពល បានឱ្យដឹងថា បច្ចុប្បន្នកម្ពុជាមានការដ្ឋានរ៉ែជាច្រើនសម្រាប់ផលិតផលរ៉ែ ជាពិសេសការផ្គត់ផ្គង់ក្នុងស្រុក និងបាននាំផលិតផលរ៉ែទៅក្រៅប្រទេសបន្ថែមទៀតផងដែរ។

លោកបានបន្តថា នៅក្នុងឆ្នាំ២០២៤កន្លងទៅនេះ ក្រសួងរ៉ែ និងថាមពល បានប្រមូលចំណូលមិនមែនសារពើពន្ធពីវិស័យរ៉ែជូនរដ្ឋបានប្រមាណជិត១០០លានដុល្លារ ហើយមានការកើនឡើងប្រមាណ៧៦% ធៀបនឹងឆ្នាំ២០២៣។ ដោយឡែកសម្រាប់ខេត្តកំពង់ស្ពឺ ប្រមូលចំណូលមិនមែនសារពើពន្ធពីវិស័យរ៉ែបានប្រមាណ៥លានដុល្លារអាមេរិក ក្នុងឆ្នាំ២០២៤ និងប្រមាណ១លានដុល្លារ នៅក្នុងត្រីមាសទី១ ឆ្នាំ២០២៥ ហើយផ្តល់ការងារដោយផ្ទាល់ជូនបងប្អូនប្រជាពលរដ្ឋប្រមាណ១ ៦០០នាក់ ពីការដ្ឋាន៧៦ក្នុងខេត្តកំពង់ស្ពឺ។

ជាមួយគ្នានេះដែរ បើតាមរដ្ឋមន្រ្តីក្រសួងរ៉ែរូបនេះ បានគូសបញ្ជាក់ផងដែរថា ក្នុងឆ្នាំ២០២៥ ក្រសួងរ៉ែ និងថាមពលកំពុងពិនិត្យ និងវាយតម្លៃការស្នើសុំប្រើប្រាស់មូលនិធិរ៉ែសម្រាប់អនុវត្តន៍គម្រោងថ្មីចំនួន៩គម្រោងបន្ថែមទៀត  ដោយគ្រោងចំណាយថវិកាជាង១លានដុល្លារនៅពេលខាងមុខ។

ពាក់ព័ន្ធវិស័យរ៉ែនេះ សម្តេចធិបតី ហ៊ុន ម៉ាណែត ក៏បានបញ្ជាក់ផងដែរថា ការទាញយករ៉ែនៅក្នុងស្រុក ដើម្បីអភិវឌ្ឍន៍ប្រទេសគឺជារឿងត្រឹមត្រូវ កាត់បន្ថយតម្លៃជាងការនាំចូល។ ក្នុងនោះ ការយករ៉ែនៅក្នុងស្រុក ជួយសួយសាអាករដល់រដ្ឋ ប្រមាណជិត១០០លានដុល្លារក្នុងឆ្នាំ២០២៤៕

The post ក្នុងឆ្នាំ២០២៤ ក្រសួងរ៉ែ ប្រមូលចំណូលមិនមែនសារពើពន្ធពីវិស័យរ៉ែជូនរដ្ឋបានជិត១០០លានដុល្លារ កើនឡើងជាង៧០% appeared first on .

យោងតាមក្រសួងរ៉ែ និងថាមពល បានបង្ហាញកម្រងវីដេអូអំពីសមិទ្ធផលធំៗនៃការអភិវឌ្ឍវិស័យថាមពល រ៉ែ និងប្រេងកាត របស់ព្រះរាជាណាចក្រកម្ពុជា ក្នុងនោះចំពោះវិស័យរ៉ែកំពុងមានការរីកចម្រើនយ៉ាងខ្លាំង ដោយវិស័យនេះបានចូលរួមយ៉ាងសំខាន់ក្នុងការចូលរួម អភិវឌ្ឍន៍ប្រទេស ដែលធានាបានទាំងស្រុងនៃការផ្គត់ផ្គង់រ៉ែសំណង់ សម្រាប់ការសាងសង់ហេដ្ឋារចនាសម្ព័នផ្សេងៗ។តួយ៉ាងផលិតផលស៊ីម៉ង់ត៍បានប្រមាណ ៩ លានតោនក្នុងមួយឆ្នាំ និងរ៉ែមាសបានចំនួន ៩,៥ តោន គិតត្រឹមបំណាច់ឆ្នាំ ២០២៣ ។

ក្រៅពីនេះការធ្វើប្រតិបត្តិការរ៉ែសំណង់ និងរ៉ែឧស្សាហកម្មផ្សេងៗ បានផ្តល់ឱកាសដល់កម្ពុជា អាចនាំធនធានរ៉ែខ្សាច់ ផលិតផលពាក់កណ្តាល់សម្រេចថ្មអារ រ៉ែដែក និងដុំមាសចេញទៅក្រៅប្រទេស។ ជុំវិញប្រតិបត្តិការនៃអាជីវកម្មខាងលើនេះវា បានធ្វើឱ្យកម្ពុជាទទួលបានចំណូលមិនមែនសារពើរពន្ធ ដែលទទួលបានប្រចាំឆ្នាំ មានការកើនឡើងជារៀងរាល់ឆ្នាំ គិតចាប់ពី ២ លានដុល្លារ នៅក្នុងឆ្នាំ ២០១៣ កើនដល់ប្រមាណ ៥០ លានដុល្លារ ក្នុងឆ្នាំ ២០២៣។

ជាមួយការគ្រប់គ្រង និងអភិវឌ្ឍន៍នេះ ចក្ខុវិស័យវិស័យរបស់រាជរដ្ឋាភិបាលកម្ពុជាចំពោះវិស័យរ៉ែ គឺអភិវឌ្ឍន៍ធនធានរ៉ែ ដើម្បីផលប្រយោជន៍សេដ្ឋកិច្ច និងសង្គម ប្រកបដោយអភិបាលកិច្ចល្អ និងទទួលខុសត្រូវខ្ពស់លើផ្នែកបរិស្ថាន៕តាកែវ

The post កម្ពុជាប្រមូលចំណូលពីវិស័យរ៉ែបាន៥០លានដុល្លារអាមេរិក ក្នុងឆ្នាំ២០២៣ appeared first on .