បើតាមការបញ្ជាក់ ពីសណ្ឋាគារសាន់ & មូន រីវើសាយ ពិធីជប់លៀងឆ្លងឆ្នាំ Back to the 20s “Pearl of Asia” និងត្រឡប់ទៅរកអតីតកាលជាមួយគ្នា ដែលមានការរៀបចំអាហារប៊ូរហ្វេដ៏សម្បូរបែប រួមជាមួយនឹងការប្រគុំតន្ត្រី ជាពិសេសលោកអ្នកនឹងមានឱកាសទទួលបានរង្វាន់ពិសេសៗទៀតផង។

សម្រាប់តម្លៃចូលរួមពិធីជប់លៀងដ៏ធំប្រចាំឆ្នាំ ធ្វើតែម្ដងក្នុងមួយឆ្នាំនេះ សម្រាប់លោកអ្នកដែលមានបំណងចូលរួម សណ្ឋាគារគិតចំពោះមនុស្សពេញវ័យ ត្រឹមតែ១៤៨ដុល្លារប៉ុណ្ណោះក្នុងម្នាក់។

ពិធីនេះនឹងធ្វើឡើងនៅថ្ងៃពុធ ទី៣១ ខែធ្នូ ឆ្នាំ២០២៥ ចាប់ពីម៉ោង៦:០០ ល្ងាច ដល់ម៉ោង ០១:០០ យប់ នៅ Bloom Pool Bar ស្ថិតនៅជាន់ទី៦ និងជាន់ទី៧ នៃសណ្ឋាគារសាន់ & មូន រីវើសាយ ។

លោកអ្នកអាចធ្វើការកក់សំបុត្រចាប់ពីថ្ងៃនេះ រហូតដល់ថ្ងៃទី១៥ ខែធ្នូ ឆ្នាំ២០២៥ នឹងទទួលបានការបញ្ចុះតម្លៃ១០%ភ្លាមៗ។ សម្រាប់ការកក់សំបុត្រ អាចកក់តាមរយៈ៖ +855 81 888 580 , តេលេក្រាម៖ https://t.me/SMR_GR1, 𝐇𝐨𝐭𝐥𝐢𝐧𝐞: +855 23 866 668។

សូមជម្រាបថា សណ្ឋាគារលំដាប់ផ្កាយ៥ សាន់ & មូន រីវើសាយ មានភាពបត់បែនងាយស្រួលក្នុងការរៀបចំពិធីអាពាហ៍ពិពាហ៍គ្រប់ទម្រង់ បែបប្រពៃណីបុរាណ បែបសម័យទំនើប និងបែបបស្ចឹមប្រទេសក៏ដូចជាកម្មវិធីថ្នាក់ជាតិ និងអន្តរជាតិផ្សេងៗ។ សណ្ឋាគារលំដាប់ផ្កាយ៥ «សាន់ & មូន រីវើសាយ» (SUN & MOON, Riverside Hotel) បង្កើតដោយកូនខ្មែរសុទ្ធសាធ ចំណាយទុនវិនិយោគប្រមាណ៦០លានដុល្លារ ស្ថិតនៅប្របមាត់ទន្លេបាសាក់ កែងនឹងគល់ស្ពានព្រះមុន្នីវង្ស ក្បាល់ថ្នល់ ក្នុងខណ្ឌច្បារអំពៅ រាជធានីភ្នំពេញ៕

The post ចូលរួមអបអរសាទរឆ្នាំថ្មី ឆ្នាំសកល២០២៦ ជាមួយសណ្ឋាគារសាន់& មូន រីវើសាយ លោកអ្នកនឹងមានឱកាសទទួលបានរង្វាន់ពិសេសៗជាច្រើន appeared first on .

ជាមួយគ្នានេះ អ្វីដែលរួមបញ្ចូលរួមមាន៖

• កន្លែងផ្ញើរវ៉ាលី ដោយឥតគិតថ្លៃរហូតដល់ពេលចេញដំណើរ

• ការហាត់ប្រាណនៅ TODAY. FITNESS ដោយឥតគិតថ្លៃ

•ប្រើប្រាស់បន្ទប់ស្ទីម  សូណា និង អាងត្រាំទឹកក្តៅ/ត្រជាក់ ដោយឥតគិតថ្លៃ

• បញ្ចុះតម្លៃ ៣៥% លើការសេវាកម្មស្ប៉ា ម៉ាស្សា

• បញ្ចុះតម្លៃ ២៥% លើសេវាកម្មសាឡននិងថែរក្សាសម្ផស្ស

• បញ្ចុះតម្លៃ ១៥% លើអាហារ និងភេសជ្ជៈ

ការផ្តល់ជូនឥតគិតថ្លៃសម្រាប់ភ្ញៀវស្នាក់នៅក្នុងសណ្ឋាគារ សាន់ & មូន រីវើសាយ មុនពេលចាកចេញទៅ​អាកាសយានដ្ឋានអន្តរជាតិតេជោ។

សូមកក់ Day Pass របស់អ្នកឥឡូវនេះតាមរយៈ៖

ទូរស័ព្ទ ០៨១ ៨៨៨ ០៧៩ (សម្រាប់ភាសាខ្មែរ)

០៨១ ៨៨៨ ៧២៤  (សម្រាប់ភាសាអង់គ្លេស)

០៨១ ៨៨៨ ៥៨០ – 中文 (សម្រាប់ភាសាចិន)

ឬអាចទំនាក់ទំនងតាមរយៈ Telegram៖ https://t.me/SMR_GR1

ផែនទី៖ https://bit.ly/3QwEYj8

គេហទំព័រ៖ https://sunandmoonhotel.com

ប្រែក្លាយពេលវេលារង់ចាំរបស់អ្នកទៅជាពេលវេលាប្រកបដោយផាសុកភាពនៅសណ្ឋាគារ សាន់ & មូន រីវើសាយ!

The post សម្រាកលំហែមុនពេលហោះហើរជាមួយ Day Pass តម្លៃជាង១០ដុល្លារប៉ុណ្ណោះ នៅសណ្ឋាគារលំដាប់ផ្កាយ៥ សាន់ & មូន រីវើសាយ ព្រមទាំងមានការបញ្ចុះតម្លៃលើសេវាកម្មជាច្រើនទៀត appeared first on .

លោក Michael B Alfaro បានធ្វើដំណើរមកកម្ពុជា អំឡុងពាក់កណ្តាលខែសីហា ឆ្នាំ២០២៥ ហើយនៅយប់ថ្ងៃទី១៥ ខែសីហា លោកបានអញ្ជើញទៅដល់ទីតាំងជាក់ស្តែងព្រំដែនកម្ពុជា-ថៃ ក្នុងស្រុកអូរជ្រៅ ខេត្តបន្ទាយមានជ័យ ដើម្បីស្វែងយល់ពីការពិតជាក់ស្តែង ផ្សព្វផ្សាយទៅកាន់ពិភពលោក។ ក្នុងថ្ងៃនោះដែរ លោកបានផ្សាយផ្ទាល់ (Live) ទាំងហាលភ្លៀងតាមទំព័រហ្វេសប៊ុកផ្ទាល់ខ្លួនអំពីការឈ្លានពានរបស់ថៃ ដោយរាយបន្លាលួសចូលផ្ទះអ្នកភូមិជោគជ័យ របស់ប្រទេសកម្ពុជា ធ្វើឱ្យមានការចាប់អារម្មណ៍មានអ្នកទស្សនារាប់លាននាក់ទូទាំងពិភពលោកផងដែរ។

យ៉ាងណាមិញ បន្ទាប់ពីត្រឡប់ទៅដល់សហរដ្ឋអាមេរិកវិញ ក្រោយចុះបេសកកម្មនៅកម្ពុជាមួយរយៈពេលខ្លី និងបានចុះទស្សនកិច្ចជាច្រើនកន្លែង លោកក៏បានសរសើរដល់សណ្ឋាគារ សាន់ & មូន។ នៅលើទំព័រហ្វេសប៊ុក កាលថ្ងៃទី៣ ខែកញ្ញា ឆ្នាំ២០២៥ លោក Michael B Alfaro បានសរសេរសារជាភាសាអង់គ្លេស ដែលមានអត្ថន័យជាខ្មែរដូច្នេះថា៖ “ពេលនេះខ្ញុំត្រឡប់មកដល់ផ្ទះវិញហើយ ប៉ុន្តែបេះដូងរបស់ខ្ញុំនៅតែនឹកដល់កម្ពុជា។ សណ្ឋាគារ សាន់ & មូន (ត្រូវបានទទួលស្គាល់ថាជាក្រុមបដិសណ្ឋារកិច្ចឈានមុខគេនៅអាស៊ីអាគ្នេយ៍ ឆ្នាំ២០២៥) គឺពិតជាទីជម្រកដ៏ពិតប្រាកដ បានផ្តល់ដល់រូបខ្ញុំនូវភាពស្រស់ត្រកាល និងការយកចិត្តទុកដាក់ខ្ពស់បំផុត ដែលបានបង្កើតនូវបទពិសោធន៍មិនអាចបំភ្លេចបាន ពិសេសភាពកក់ក្តៅ និងចិត្តសប្បុរសរបស់ប្រជាជន ធ្វើឱ្យទៅកាន់ប្រទេសកម្ពុជា មានអារម្មណ៍ថាដូចនៅផ្ទះខ្លួនឯង”។

លោកបានបន្តថា៖ “ទីនោះគឺជាផ្ទះមួយ ខ្ញុំនឹងចងចាំជារៀងរហូត ទោះបីជាខ្ញុំទៅដល់ទីណាក៏ដោយ។ ខ្ញុំបានណែនាំមិត្តភ័ក្តិរបស់ខ្ញុំនៅអាមេរិក ឱ្យធ្វើដំណើរ និងទៅវិនិយោគនៅទឹកដីអង្គរដែនដីអច្ឆរិយនៃពិភពលោករបស់កម្ពុជា។ អូរ ខ្ញុំភ្លេចប្រាប់ថា សណ្ឋាគារ សាន់ & មូន គឺមានម្ចាស់ជាជនជាតិខ្មែរ ១០០%! សូមទៅស្នាក់នៅបាន! www.sunandmoonhotelgroup.com”។

សូមជម្រាបថា សណ្ឋាគារលំដាប់ផ្កាយ៥ «សាន់ & មូន រីវើសាយ» (SUN & MOON, Riverside Hotel) បង្កើតដោយកូនខ្មែរសុទ្ធសាធ ចំណាយទុនវិនិយោគប្រមាណ ៦០លានដុល្លារអាមេរិក ស្ថិតនៅប្របមាត់ទន្លេបាសាក់ កែងនឹងគល់ស្ពានព្រះមុន្នីវង្ស ក្បាល់ថ្នល់ ក្នុងខណ្ឌច្បារអំពៅ រាជធានីភ្នំពេញ។ សណ្ឋាគារលំដាប់ផ្កាយ៥ សាន់ & មូន រីវើសាយ មានភាពបត់បែនងាយស្រួលក្នុងការរៀបចំពិធីអាពាហ៍ពិពាហ៍គ្រប់ទម្រង់ បែបប្រពៃណីបុរាណ បែបសម័យទំនើប និងបែបបស្ចឹមប្រទេសក៏ដូចជាកម្មវិធីថ្នាក់ជាតិ និងអន្តរជាតិផ្សេងៗផងដែរ៕

The post លោក Michael B Alfaro សរសើរសណ្ឋាគារ SUN & MOON របស់អ្នកឧកញ៉ាបណ្ឌិត ជា រតនា អំឡុងពេលស្នាក់នៅកម្ពុជា appeared first on .

អ្នកឧកញ៉ាបណ្ឌិត ជា រតនា អគ្គនាយកក្រុមហ៊ុន SUN & MOON GROUP និងជាម្ចាស់សណ្ឋាគារ Sun & Moon, Riverside Hotel បានជូនដំណឹងនៅលើទំព័រហ្វេសប៊ុកថា៖ «ខ្ញុំបាទ និងភរិយា សូមគោរពជម្រាបជូនដំណឹងដល់ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញា ជាសប្បុរសជនទាំងអស់ ដែលបានចូលរួមជួយ “មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា” ព្រមទាំងសប្បុរសជននានា ដើម្បីជួយទ្រងទ្រង់ជនពិការកំបុតដៃទាំងពីរ មេត្តាជ្រាបថា មូលនិធិ នឹងរៀបចំកម្មវិធីជួបជុំបងប្អូនជនពិការកំបុតដៃទាំង២ នៅទូទាំងប្រទេស ឆ្នាំ២០២៤ នាថ្ងៃសៅរ៍ ទី២២ ខែមិថុនា ឆ្នាំ២០២៤ វេលាម៉ោង ៧:៣០នាទីព្រឹក នៅសណ្ឋាគារ សាន់ & មូន រីវើសាយ ជាប់ស្ពានអាកាសក្បាលថ្នល់»។

អ្នកឧកញ៉ាបណ្ឌិត បញ្ជាក់បន្ថែមថា នេះចាត់ទុកជាសេចក្តីជូនដំណឹងដល់ជនពិការកំបុតដៃទាំង២ទាំងអស់ ដើម្បីអញ្ជើញចូលរួមតាមកាលបរិច្ឆេទ និងពេលវេលាខាងលើ។ ហើយក្នុងនាមម្ចាស់មូលនិធិ អ្នកឧកញ៉ា ក៏សូមគោរពថ្លែងអំណរគុណទុកជាមុន ជូនចំពោះ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញា ដែលបានចូលរួមឧបត្ថម្ភគាំទ្រដល់មូលនិធិជាបន្តបន្ទាប់។ 

សូមជម្រាបជូនថា មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ព្រមទាំងសប្បុរសជននានា តែងតែខិតខំកៀរគរថវិកាពីសប្បុរសជននានា ទាំងក្នុង និងក្រៅប្រទេស ដើម្បីជួយទ្រងទ្រង់ និងជួយសម្រាលបន្ទុកដល់ជនពិការកំបុតដៃទាំង២ទូទាំងប្រទេសកម្ពុជា។ កន្លងមក ក្រោមគំនិតផ្ដួចផ្ដើមរបស់ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា មូលនិធិ បានជួយឧបត្ថម្ភជាថវិកា និងសម្ភារៈផ្សេងៗ ដល់ជនពិការកំបុតដៃទាំង២ ជារៀងរាល់ឆ្នាំ ដើម្បីធ្វើជាដើមទុនបង្កើតមុខរបរ ផ្គត់ផ្គង់ការរៀនសូត្រ ពង្រីកចំណេះជំនាញវិជ្ជាជីវៈ សម្រាប់អនាគតពួកគាត់ជាដើម។

គួររំឭកដែរថា កាលពីថ្ងៃទី២៥ ខែឧសភា ឆ្នាំ២០២៣ កន្លងទៅ មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ព្រមទាំងសប្បុរសជននានា ក៏ទើបតែបានជួបជុំបងប្អូនជនពិការកំបុតដៃទាំង២ ទូទាំងប្រទេសកម្ពុជាលើកទី១២ សរុបចំនួន ១៤៩នាក់ ដោយបានជួយឧបត្ថម្ភ ពីថវិកា ក្នុងម្នាក់ ចំនួន ១លានរៀល អាវយឺត១ និងរៀបចំអាហារថ្ងៃត្រង់យ៉ាងយកចិត្តទុកដាក់ ព្រមទាំង រៀបចំពិធីសាសនា រាប់បាត្រ និងនិមន្តព្រះសង្ឃ ១០៨ អង្គ សូត្រមន្តចម្រើនព្រះបរិត្ត អាយុវឌ្ឍនមង្គល ផងដែរ។

អាស្រ័យហេតុនេះ ប្រសិនបើ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញាជាសប្បុរសជនមានបំណងចង់ចូលរួមឧបត្ថម្ភ សូមមេត្តាទាក់ទងតាមប្រព័ន្ធទូរសព្ទដូចខាងក្រោម៖

– 012 699 999 – 095 959 697 

– គណនីធនាគារ ABA 011266828 ឈ្មោះ Lak Chendarith

The post មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា នឹងរៀបចំកម្មវិធីជួបជុំបងប្អូនជនពិការកំបុតដៃទាំង២ទូទាំងប្រទេសនៅសណ្ឋាគារ សាន់ & មូន រីវើសាយ appeared first on .

ថ្លែងក្នុងពិធីជួបជុំ និងជប់លៀងជូនបុគ្គលិកប្រចាំឆ្នាំនោះដែរ អ្នកឧកញ៉ាបណ្ឌិត ជា រតនា សូមកោតសរសើរដោយស្មោះ ចំពោះបុគ្គលិកគ្រប់ផ្នែកទាំងអស់ ដែលបានចំណាយទាំងកម្លាំងកាយ កម្លាំងចិត្ត និងពេលវេលាដ៏មានតម្លៃ ខិតខំប្រឹងប្រែងបំពេញការងារនាពេលកន្លងមក ប្រកបដោយលទ្ធផលជាវិជ្ជមាន បើទោះបីស្ថានភាពសេដ្ឋកិច្ចមានលំបាកយ៉ាងណាក៏ដោយ។ ទន្ទឹមនឹងនោះ អ្នកឧកញ៉ាស្ថាបនិកក្រុមហ៊ុន សាន់ & មូន ក៏បានលើកទឹកចិត្តឱ្យបុគ្គលិកទាំងអស់ សូមខិតខំប្រឹងប្រែងជាបន្តទៀត ដើម្បីសម្រេចបាននូវចក្ខុវិស័យរបស់ ក្រុមហ៊ុន ឈានឆ្ពោះរកឧត្តមភាព និងបង្កើនភាពល្បីល្បាញទាំងទីផ្សារក្នុងស្រុក និងការពង្រីកទីផ្សារទៅក្រៅប្រទេស។

លោកស្រី ជា សុភា អគ្គនាយិការង ក្រុមហ៊ុន សាន់ &មូន មានប្រសាសន៍ថា៖ “នាងខ្ញុំ ពិតជាសូមអរគុណដល់បុគ្គលិកគ្រប់ផ្នែកទាំងអស់នៃ ក្រុមហ៊ុន សាន់ &មូន ដែលនៅតែបន្តបង្កើននូវទំនាក់ទំនង បង្កើនកិច្ចសហការ និងសាមគ្គីភាព ធ្វើការជាមួយគ្នាក្នុងស្មារតីភាពជាក្រុមៗ។ ជាពិសេសប្រធានផ្នែកនីមួយៗ សូមបន្តផ្តល់កម្មវិធីបណ្តុះបណ្តាលជំនាញវិជ្ជាជីវៈ ដល់បុគ្គលិកក្រោមឱវាទរបស់ខ្លួនជាប្រចាំ ដោយសហការជាមួយ ផ្នែកធនធានមនុស្ស តាមគម្រោងផែនការប្រចាំខែ ប្រចាំត្រីមាស ប្រចាំឆមាស និងប្រចាំឆ្នាំ។ ខ្ញុំ ជឿជាក់និងសង្ឃឹមថា បុគ្គលិកគ្រប់ផ្នែកទាំងអស់ នឹងចូលរួមជាមួយ សាន់ &មូន ដោយឆន្ទៈ ស្មារតីទទួលខុសត្រូវ និងភាពស្មោះត្រង់បំផុត ដើម្បីសម្រេចបានលទ្ធផលវិជ្ជមានជាមួយគ្នា។”

លោកស្រី ជា សុភា បានគូសបញ្ជាក់បន្ថែមថា គ្រប់បុគ្គលិកទាំងអស់ មិនថាអ្នកស្ថិតក្នុងមុខតំណែងណា គ្រប់គ្នាគឺជាកោសិកាដ៏សំខាន់ និងមិនអាចខ្វះបានរបស់ក្រុមហ៊ុន។ នាឱកាសចូលឆ្នាំថ្មីប្រពៃណីជាតិខ្មែរនេះដែរ ក៏សូមបងប្អូនគ្រួសារក្រុមហ៊ុន សាន់ & មូន គ្រុប ទាំងអស់ ទទួលបាននូវសុខភាពល្អ សុវត្ថិភាពទាំងនៅកន្លែងធ្វើការ និងរាល់ការធ្វើដំណើរ ទាំងអស់គ្នា។

សូមជម្រាបផងដែរថា ក្រុមហ៊ុន សាន់ & មូន គ្រុប ដែលមានដូចជា៖ សណ្ឋាគារផ្កាយ៥ សាន់ & មូន រីវើសាយ (ស្ពានអាកាសក្បាលថ្នល់), សណ្ឋាគារ SUN & MOON, Urban(ផ្សារកណ្ដាល) និងក្រុមហ៊ុនបុត្រសម្ព័ន្ធផ្សេងៗទៀត ក្រោមការដឹកនាំរបស់ អ្នកឧកញ៉ាបណ្ឌិត ជា រតនា ដែលជាមគ្គុទេសឆ្នើម មានបទពិសោធន៍ជាច្រើនឆ្នាំក្នុងវិស័យធុរកិច្ចនានា បាននឹងកំពុងរួមចំណែកដ៏ធំក្នុងការលើកកម្ពស់មុខមាត់នៃវិស័យសណ្ឋាគារ និងបដិសណ្ឋារកិច្ចនៅកម្ពុជា ។ ជាពិសេស ក្រុមហ៊ុន សាន់ & មូន គ្រុប បាននឹងកំពុងផ្ដល់ឱកាសការងារទាំងផ្ទាល់ និងប្រយោល ជូនដល់បុគ្គលិករាប់រយនាក់ថែមទៀតផង៕

The post អ្នកឧកញ៉ាបណ្ឌិត ជា រតនា រៀបចំពិធីជប់លៀងប្រចាំឆ្នាំឈុតធំជូនបុគ្គលិកនៃគ្រួសារក្រុមហ៊ុន សាន់ & មូន គ្រុប appeared first on .

រថយន្តគិលានសង្គ្រោះបន្ទាន់ ទាំង ២គ្រឿង នេះ បំពាក់ទៅដោយសម្ភារៈបរិក្ខារពេទ្យសង្គ្រោះកំប្លេ សម្រាប់ចល័តអន្តរាគមន៍សង្គ្រោះបន្ទាន់នានា។ រថយន្តសង្គ្រោះបន្ទាន់ដ៏ទំនើប និងថ្លីសន្លាង គ្រឿងទី៦០ និង៦១ ដែលសម្ដេចទាំងទ្វេ បន្តផ្ដល់ជូន តាមរយៈ អ្នកឧកញ៉ាបណ្ឌិត ជា រតនា និងសប្បុរសជននានា នឹងក្លាយជាប្រយោជនសាធារណៈ ដល់បងប្អូនប្រជាពលរដ្ឋនៅតាមមូលដ្ឋាន ក៏ដូចជាជនរងគ្រោះ ដែលជួបឧប្បវហេតុ ឬមានតម្រូវការចាំបាច់ប្រើប្រាស់។

អ្នកឧកញ៉ាបណ្ឌិត ជា រតនា ថ្លែងថា៖ “ថ្ងៃនេះ រូបខ្ញុំផ្ទាល់ និងសប្បុរសជនទាំងអស់ ពិតជាត្រេកអរ និងមានកិត្តិយសណាស់ ដែលបានប្រគល់រថយន្តគិលានសង្គ្រោះ ជាអំណោយរបស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ដល់ជូនអង្គភាពសេនាតេជោ (វិមាន ឈ្នះ ឈ្នះ) និងមណ្ឌលសុខភាពព្រៃនប់ ដោយផ្ទាល់ដៃ។ ហើយខ្ញុំសង្ឃឹមថា រថយន្តសង្គ្រោះបន្ទាន់គ្រឿងទី៦០ និងទី៦១ ទាំង២ នេះ នឹងបានរួមចំណែកជួយសម្រួលការងារសង្គ្រោះបន្ទាន់នានានៅតាមមូលដ្ឋានបានមួយកម្រិតទៀត និងសូមចូលរួមថែរក្សារថយន្តទាំងនេះ ឱ្យបានល្អទាំងអស់គ្នា ជាពិសេសសូមកុំមានការរើសអើងក្នុងការជួយសង្គ្រោះប្រជាពលរដ្ឋដែលមានទុក្ខលំបាក ឬប្រកាន់និន្នាកានយោបាយណាមួយឱ្យសោះ ស្របតាមអនុសាសន៍របស់ សម្ដេចតេជោ ហ៊ុន សែន។”

គួររំឮកដែរថា កាលពីថ្ងៃទី២៦ ខែឧសភា ឆ្នាំ២០២៣ កន្លងទៅ ឯកឧត្ដមនាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះនៃកងយោធពលខេមរភូមិន្ទ និងជាប្រធានប្រតិបត្តិចាក់វ៉ាក់សាំងការពារជំងឺកូវីដ១៩ ក្រសួងការពារជាតិ រួមទាំង អ្នកឧកញ៉ាបណ្ឌិត ជា រតនា, លោកឧកញ៉ា សុខ វណ្ណា និងនាយទាហានជាន់ខ្ពស់ ក្នុងអគ្គបញ្ជាការដ្ឋានជាច្រើនរូបផ្សេងទៀត ក៏ទើបតែប្រគល់រថយន្តគិលានសង្គ្រោះបន្ទាន់គ្រឿងទី៥៩ ចំនួន ១គ្រឿង របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រគល់ជូនក្រុមគ្រូពេទ្យនៃមជ្ឈមណ្ឌលហ្វឹកហ្វឺន កងកម្លាំងជំនាញការពារព្រំដែន ស្ថិតក្នុងភូមិសាស្ត្រឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ផងដែរ ។

អ្នកឧកញ៉ាបណ្ឌិត ជា រតនា បច្ចុប្បន្ន គឺជាប្រធានក្រុមប្រឹក្សាភិបាលក្រុមហ៊ុន សាន់ & មូន គ្រុប  និងជាម្ចាស់សណ្ឋាគារលំដាប់ផ្កាយ ៥ សាន់ & មូន រីវើសាយ ដែលបាននឹងកំពុងផ្ដល់ការងាររាប់រយកន្លែងដល់បុគ្គលិកខ្មែរ និងបរទេស ។ ក្រៅពីជាអ្នកជំនួញដ៏ចាស់ទុំ និងស្ងប់ស្ងាត់មួយរូប អ្នកឧកញ៉ាបណ្ឌិត ក៏មានតួនាទីជា ទីប្រឹក្សាផ្ទាល់របស់សម្ដេចតេជោ ហ៊ុន សែន និងជាប្រធាន “មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា” ផងដែរ។ ជារៀងរាល់ឆ្នាំ មូលនិធិសប្បុរសធម៌របស់ អ្នកឧកញ៉ាបណ្ឌិត និងអ្នកឧកញ៉ា លីហៀក រតនា រួមទាំងសប្បុរសជននានា តែងតែធ្វើអំណោយសប្បុរធម៌ ចែកទាន ជូនកញ្ចប់ថវិកាមិនដែលខាន ដល់ជនពិកាទុរគត ដែលខ្វះខាតជីវភាពពិតប្រាកដ ៕

The post អ្នកឧកញ៉ាបណ្ឌិត ជា រតនា និងអ្នកឧកញ៉ា សុខ វណ្ណា ប្រគល់រថយន្តសង្គ្រោះបន្ទាន់ ២គ្រឿង ជូនអង្គភាពសេនាតេជោ និងមណ្ឌលសុខភាពព្រៃនប់ appeared first on .

ឈុតមុខម្ហូបអាហារបែបប្រពៃណីចិន ដែលសណ្ឋាគារ សាន់ & មូន កំពុងត្រៀមផ្ដល់ជូន គឺមានច្រើនជម្រើសដូចជា ឈុត​អាហារសម្រាប់មនុស្ស ២នាក់ តម្លៃ ៤៩ដុល្លារ សម្រាប់មនុស្ស ៥នាក់ តម្លៃ ១២០ដុល្លារ និងសម្រាប់មនុស្ស ១០នាក់ មាន​តម្លៃ ២២០ដុល្លារ។

កាន់តែពិសេស សណ្ឋាគារលំដាប់ផ្កាយមួយនេះ ក៏មានជម្រើសឈុតម្ហូបបែបប្រពៃណី YEE SANG ដូចជា ម្ហូបចាន​តូចតម្លៃ ៣០ដុល្លារ សម្រាប់មនុស្ស ៣នាក់ និងម្ហូបចានធំតម្លៃ ៤០ដុល្លារ សម្រាប់មនុស្ស ៥នាក់ផងដែរ។

បន្ថែមពីនោះ សណ្ឋាគារក៏​បាន​ត្រៀមការផ្ដល់ជូនយ៉ាងពិសេស សម្រាប់គ្រប់អតិថិជន​ គឺជាឈុតមុខម្ហូបបែបចិន Yu Sheng។ សណ្ឋាគារសាន់ & មូន រីវើសាយ មានច្រើនជម្រើសសម្រាប់ឈុតម្ហូបអាហារចិន Yu Sheng ដូចជា តម្លៃចាប់ពី ៣១ដុល្លារ សម្រាប់មនុស្ស ២ ទៅ ៤នាក់ តម្លៃចាប់ពី៥៥ដុល្លារ សម្រាប់មនុស្សពី ៦ ទៅ ៨នាក់ និងតម្លៃចាប់ពី ៨០ដុល្លារ សម្រាប់មនុស្សពី ១០ ទៅ ១២នាក់។

តស់! ទៅសាកម្ហូបបែបចិន នៅសណ្ឋាគារលំដាប់ផ្កាយកណ្ដាលក្រុងភ្នំពេញ សាន់ & មូន អឺបិន ទាំងអស់គ្នា ខណៈការផ្ដល់ជូនមួយនេះ មានរហូតដល់ថ្ងៃទី១២ ខែកុម្ភៈ។ បបួលមិត្តភក្ដិ មនុស្សជាទីស្រលាញ់ និងនាំក្រុមគ្រួសារ ទៅទទួលទានអាហារ​បែបចិន នៅសណ្ឋាគារផ្កាយ៥ គយគន់ទេសភាពតាមមាត់ទន្លេយ៉ាងស្រស់ស្អាត​ទាំងអស់គ្នា។

លោកអ្នកអាចទំនាក់ទំនងកក់តុ តាមរយៈលេខទូរស័ព្ទ៖ 017 544 251 ឬ 081 888 274៕

The post ដើម្បីអបអរពិធីបុណ្យចូលឆ្នាំចិន សណ្ឋាគារ សាន់ & មូន ផ្ដល់ជូនឈុតម្ហូបបែបចិនដ៏ពិសេស appeared first on .

អ្នកឧកញ៉ា ស្ថាបនិកសណ្ឋាគារលំដាប់ផ្កាយ៥ «សាន់ & មូន រីវើសាយ» មានប្រសាសន៍ថា៖ “សូមគោរពអរគុណដល់សម្ដេច ឯកឧត្ដម លោកជំទាវ ភ្ញៀវជ​ាតិ និងអន្តរជាតិទាំងអស់ ដែលបានចំណាយពេលវេលាដ៏មានតម្លៃ បង្កើតអនុស្សាវរីយ៍ថ្ងៃឆ្លងឆ្នាំសកល នៅសណ្ឋាគារ «សាន់ & មូន រីវើសាយ»។”

អ្នកឧកញ៉ា បន្ថែមឱ្យដឹងទៀតថា ក្រៅពីរៀបចំកម្មវិធីជប់លៀងឆ្លងឆ្នាំសកល ជូនអតិថិជនទាំងអស់ រួមជាមួយការផ្ដល់កញ្ចប់ប្រូម៉ូសិនបញ្ចុះតម្លៃដ៏ពិសេស និង Free ទៅលើការញាំអាហារ និងស្នាក់នៅសណ្ឋាគារមួយយប់ បន្ទាប់ពីរាត្រីឆ្លងឆ្នាំសកលកន្លងទៅថ្មីៗនេះ សណ្ឋាគារ សាន់ & មូន រីវើសាយ ក៏មានទទួលរៀបចំកម្មវិធីលក្ខណៈ VIPផ្សេងៗ ដូចជាពិធីខួបកំណើត អាពាហ៍ពិពាហ៍ ជប់លៀង ចូលឆ្នាំខ្មែរ និងកម្មវិធីផ្សេងៗទៀត ដោយធានាថា អតិថិជននឹងទទួលបានបនូវស្តង់ដារនៃការបដិសណ្ឋារកិច្ច ដ៏សមរម្យ និងគួរជាទីចងចាំបំផុតនាឱកាសពិសេសៗ ដែលខាងសណ្ឋាគាររៀបចំជូន។

សណ្ឋាគារលំដាប់ផ្កាយ៥ «សាន់ & មូន រីវើសាយ»(SUN & MOON, Riverside Hotel) មានទីតាំងស្ថិតនៅជិតស្ពានអាកាស ព្រះមុនីវង្ស (ស្ពានអាកាសក្បាលថ្នល់) រាជធានីភ្នំពេញ។ សណ្ឋាគារ SUN & MOON, Riverside Hotel ត្រូវបានផ្ដួចផ្ដើមបង្កើតឡើងដោយស្នាដៃកូនខ្មែរ គឺ អ្នកឧកញ៉ាបណ្ឌិត ជា រតនា ។ សាន់ & មូន រីវើសាយ ជាសណ្ឋាគារលំដាប់ផ្កាយ៥ ក្នុងស្រុកមួយ ដែលទទួលបានការវាយតម្លៃខ្ពស់កម្រិតស្តង់ដារ ដោយស្ថាប័នអន្តរជាតិថា ជាសណ្ឋាគារ មានការឌីហ្សាញ ស្រស់ស្អាតលំដាប់ពិភពលោក World Class Design Hotel រួមទាំងទទួលបានមេដាយ និងពានរង្វាន់ប្រចាំឆ្នាំជាច្រើនពីក្រសួងទេសចរណ៍ថែមទៀតផង ។ 

ជាមួយមុខងារ ដ៏ប្រណីត និងសម្បូរបែប «សាន់ & មូន រីវើសាយ» បានក្លាយជាគោលដៅបដិសណ្ឋារកិច្ចនៃការរៀបចំកម្មវិធី ដូចជាពិធីខួបកំណើត អាពាហ៍ពិពាហ៍ ជប់លៀងបុគ្គលិកប្រចាំឆ្នាំ ជួបជុំឆ្លងឆ្នាំសកល មើលកាំជ្រួញ និង ព្រឹត្ដិការណ៍តូច ធំ លក្ខណៈ VIP, V VIP គ្រប់ប្រភេទគួរជាទីពេញចិត្ត ជាមួយតម្លៃយ៉ាងសមរម្យទៀតផង។ នៅខាងក្នុងសណ្ឋាគារ តាំងពីជាន់ផ្ទាល់ដី រហូតដល់ជាន់ខាងលើ សុទ្ធតែអាចឆ្លើយតបទៅនឹងតម្រូវការ និងក្ដីប្រាថ្នារបស់អតិថិជន ជាតិ និងអន្ដរជាតិ បានដោយទំនុកចិត្ត។ ក្នុងនោះ មានទាំងហាងកាហ្វេស្តង់ដារដ៏ធំទូលាយដំបូងគេនៅកម្ពុជា សាលប្រជុំ បន្ទប់ការិយាល័យរួម ភោជនីយដ្ឋានលំដាប់ៗចម្រុះជាតិសាសន៍ សាលហាត់ប្រាណ រោងភាពយន្តលក្ខណៈគ្រួសារ កន្លែងស្ប៉ាសុខភាពដ៏ទំនើបថែមទៀតផង។  

ដោយសារតែការច្នៃប្រឌិតខ្ពស់ ប្រកបដោយស្ដង់ដារបស់កូនខ្មែរដ៏ឆ្នើមនេះ ទើបក្នុងរយៈពេលបើកដំណើរការកន្លងមកនេះ បានឆ្លើយតបទៅនឹងតម្រូវការ និងក្ដីប្រាថ្នារបស់អតិថិជនយ៉ាងខ្លាំងទាំងជាតិ និងអន្ដរជាតិ ព្រោះបានស្គាល់នូវបទពិសោធន៍នៃការកេ្របរសជាតិជីវិតតាមយុគសម័យថ្មី ពិសេសសណ្ឋាគារលំដាប់ផ្កាយ៥នេះ បានចូលរួមចំណែកក្នុងការអភិវឌ្ឍវិស័យទេសចរណ៍ ជំរុញសេដ្ឋកិច្ចក្នុងមូលដ្ឋាន និងបង្កើតការងារធ្វើសម្រាប់ពលរដ្ឋកម្ពុជាផងដែរ។

The post អ្នកឧកញ៉ាបណ្ឌិត ជា រតនា៖ សូមគោរពថ្លែងអំណរគុណភ្ញៀវទាំងអស់ ដែលជ្រើសរើសសណ្ឋាគារ «សាន់ & មូន រីវើសាយ» ជាផ្ទះទី២ ថ្ងៃឆ្លងឆ្នាំសកល appeared first on .

សណ្ឋាគារលំដាប់ផ្កាយ ៥  ដែលសាងសង់ប្រកបដោយគំនិតច្នៃប្រឌិត បែបបដិសណ្ឋារកិច្ចនេះ វិនិយោគដោយកូនខ្មែរ ដោយមាន អ្នកឧកញ៉ាបណ្ឌិត ជា រតនា ជាសហគ្រិនឆ្នើមក្នុងវិស័យសណ្ឋាគារ និងបដិសណ្ឋារកិច្ច, និងជាប្រធានក្រុមប្រឹក្សាភិបាល នៃក្រុមហ៊ុន សាន់ & មូន គ្រុប ជាអ្នកផ្ដួចផ្ដើមស្ថាបនា។ 

SUN & MOON, Riverside Hotel តម្លៃប្រមាណ ៦០លានដុល្លារ ដែលកំពុងឈរជើង បង្អួតសម្រស់ ប្របមាត់ទន្លេបាសាក់ កែងនឹងគល់ស្ពានព្រះមុន្នីវង្ស ក្បាល់ថ្នល់ ក្នុងខណ្ឌច្បារអំពៅ ជាសណ្ឋាគារលំដាប់ផ្កាយ ៥ លំដាប់អន្តរជាតិ និងទទួលស្គាល់ដោយ ក្រសួងទេសចរណ៍ កាលពីពេលថ្មីៗកន្លងទៅផងនោះ បាននឹងកំពុងរួមចំណែកលើកកម្ពស់មុខមាត់វិស័យទេសចរ និងបដិសណ្ឋារកិច្ចនៅកម្ពុជាឱ្យកាន់តែលេចធ្លោ មិនចាញ់សណ្ឋាគារនៅបរទេសឡើយ។ 

សណ្ឋាគារ សាន់ & មូន រីវើសាយ (SUN & MOON, Riverside Hotel) បានប្រកាសសម្ពោធបើកដំណើរការជាផ្លូវការ កាលពីថ្ងៃទី២២ ខែមេសា ឆ្នាំ២០២៣ ក្រោមវត្តមានដ៏ខ្ពង់ខ្ពស់របស់ ឯកឧត្ដមកិត្តិទេសាភិបាលបណ្ឌិត ហ៊ុន ម៉ាណែត និងភ្ញៀវកិត្តយស ដែលជាឥស្សរៈជនជាន់ខ្ពស់ជាច្រើនរូប បានផ្ដល់កិត្តិយសចូលរួមកាត់ខ្សែបូ និងអបអរសាទរ។ សណ្ឋាគារលំដាប់ផ្កាយ ៥ មួយនេះសាងសង់ឡើងលើផ្ទៃដីទំហំ ប្រមាណ ១មុឺនម៉ែត្រការ៉េ ដោយមានអាគារកម្ពស់ ៩៩,៩ម៉ែត្រ និងមានជាង ២០០ បន្ទប់គេង ដែលផ្នែកខាងក្នុងបន្ទប់មានបំពាក់សុទ្ធតែសម្ភារៈ​ ​និងប្រព័ន្ធ​សុវត្ថិភាព ស្តង់ដារអន្តរជាតិ។ 

គួរបញ្ជាក់ថា ក្នុងកម្មវិធីប្រឡងប្រណាំង “អាជីវកម្មទេសចរណ៍ឆ្នើម ក្នុងយុទ្ធនាការឆ្នាំទស្សនាកម្ពុជា ២០២៣”  របស់ក្រសួងទេសចរណ៍ បានការវាយតម្លៃ និងដាក់ចំណាត់ថ្នាក់អាជីវកម្មទេសចរណ៍សរុបចំនួន ៣៦ ទីតាំង ក្នុងនោះ រាជធានីភ្នំពេញមានចំនួន ២៧ទីតាំង និងខេត្តសៀមរាបមានចំនួន ០៩ទីតាំង ៕ 

The post សណ្ឋាគារ  SUN & MOON HOTEL  អ្នកឧកញ៉ាបណ្ឌិត ជា រតនា ជាប់ឈ្មោះជា “អាជីវកម្មទេសចរណ៍ឆ្នើម ក្នុងយុទ្ធនាការឆ្នាំទស្សនាកម្ពុជា ២០២៣” appeared first on .

ក្នុងន័យលើ អ្នកឧកញ៉ាបណ្ឌិត ជា រតនា បានពន្យល់បន្ថែមថា ការជួយឧបត្ថម្ភជាធនធានថវិការបស់ មូលនិធិ អ្នកឧកញ៉ា និងភរិយា និងសប្បុរសជន ជូនបងប្អូនជនពិការកំបុតដៃទាំង២ ក្នុងម្នាក់ៗ ១លានរៀល នាពេលនេះ គ្រាន់តែអាចដោះស្រាយបញ្ហាទុក្ខលំបាករបស់បងប្អូនមួយគ្រាណាមួយប៉ុណ្ណោះ ប៉ុន្តែបើសិនជាបងប្អូនទាំងអស់គ្នា អាចស្វែងរកចំណេះជំនាញណាមួយជាប់ខ្លួន នោះទើបជាការប្រសើរសម្រាប់អនាគតយ៉ាងពិតប្រាកដ។

ក្រៅពីរៀបចំកម្មវិធីប្រគល់ថវិកា និងអំណោយឧបត្ថម្ភផ្សេងៗជូនជនពិការកំបុតដៃទាំង២ ម្នាក់១លានរៀល និងទទួលពួកគាត់ឱ្យពិសារអាហារ នាសណ្ឋាគារ សាន់ & មូន រីវើសាយ ក្នុងថ្ងៃជាមួយគ្នានោះដែរ  អ្នកឧកញ៉ាបណ្ឌិត ជា រតនា និងក្រុមគ្រួសារ ព្រមទាំងសប្បុរសជននានា ក៏បានរៀបចំពិធីសាសនា រាប់បាត្រ និងនិមន្តព្រះសង្ឃ ១០៨ អង្គ សូត្រមន្តចម្រើនព្រះបរិត្ត អាយុវឌ្ឍនមង្គល ផងដែរ។

នាព្រឹកថ្ងៃដដែលនោះ អ្នកឧកញ៉ាបណ្ឌិត ជា រតនា ក៏បានប្រគល់រថយន្តសង្គ្រោះបន្ទាន់ទី៥៨ ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ជូនមន្ទីពេទ្យបង្អែកស្រុកកៀនស្វាយ តាមរយៈអ្នកឧកញ៉ា និងភរិយា រួមទាំងលោក ឧកញ៉ា សុខ វណ្ណា និងភរិយា ថែមទៀតផង។

ក្នុងឱកាសនោះដែរ អ្នកឧកញ៉ាបណ្ឌិត ជា រតនា ក៏សូមគោរពថ្លែងអំណរគុណយ៉ាងជ្រាលជ្រៅជូនចំពោះសប្បុរសជននានា ដែលបានបរិច្ចាគថវិកា និងសម្ភារដល់មូលនិធិអ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀ រតនា ដើម្បីជួយទ្រទ្រង់ដល់ជនពិការកំបុតដៃទាំង២ និងបានចំណាយពេលវេលាដ៏មានតម្លៃអញ្ជើញចូលរួមនៅក្នុងកម្មវិធីជួបជុំជនពិការកំបុតដៃទាំង២ទូទាំងប្រទេសលើកទី១២ នៅសណ្ឋាគារ សាន់ & មូន រីវើសាយ៕

The post អ្នកឧកញ៉ាបណ្ឌិត ជា រតនា ផ្ញើសារយ៉ាងរំជួលចិត្តដល់បងប្អូនជនពិការកំបុតដៃទាំង២ ទូទាំងប្រទេស appeared first on .