នៅក្នុងបទសម្ភាសជាមួយសារព័ត៌មាន Fox News នៅថ្ងៃទី១២ ខែមីនា ទាក់ទងនឹងភាពតានតឹងនៅក្នុងច្រកសមុទ្រ Hormuz ប្រធានាធិបតីអាមេរិក លោក ត្រាំ បានណែនាំថា កប៉ាល់ពាណិជ្ជកម្មគួរតែបង្ហាញភាពក្លាហាន និងធ្វើដំណើរឆ្លងកាត់ផ្លូវដឹកជញ្ជូនដ៏សំខាន់នេះ។

មិនតែប៉ុណ្ណោះ លោក ត្រាំ ក៏បានចោទប្រកាន់លើអ៊ីរ៉ង់ថា បានបង្វែក្បាលមីស៊ីលរាប់ពាន់គ្រាប់ទៅកាន់ប្រទេសក្នុងតំបន់មជ្ឈិមបូព៌ា ក្នុងរយៈពេលបួនខែកន្លងមកនេះ ដោយមានបំណងចង់គ្រប់គ្រងតំបន់នេះទាំងមូល។ ប៉ុន្តែទោះជាយ៉ាងណា លោក ត្រាំ សង្កត់ធ្ងន់ទៀតថា យោធាអាមេរិកបានបំផ្លាញអ្វីដែលជាការគំរាមកំហែងទាំងនោះអស់ហើយ និងគ្មានអ្វីត្រូវខ្លាចទៀតទេ។

យ៉ាងណាមិញ រដ្ឋមន្ត្រីក្រសួងថាមពលសហរដ្ឋអាមេរិក លោក Chris Wright បានទទួលស្គាល់នៅថ្ងៃទី១២ ខែមីនាថា កងទ័ពជើងទឹកសហរដ្ឋអាមេរិកមិនអាចអមដំណើរនាវាដឹកប្រេងឆ្លងកាត់ច្រកសមុទ្រ Hormuz ភ្លាមៗបានទេ ដោយសារតែខ្វះធនធាន ហើយអាចដាក់ពង្រាយប្រតិបត្តិការនេះ ក្នុងរយៈពេលតែប៉ុន្មានសប្តាហ៍ប៉ុណ្ណោះ។

ជម្រាបជូនផងដែរថា កន្លងមក លោក ត្រាំ ធ្លាប់បានប្រកាសថា កងទ័ពជើងទឹកសហរដ្ឋអាមេរិក នឹងអមដំណើរនាវាដឹកប្រេងឆ្លងកាត់ច្រកសមុទ្រ Hormuz ក្នុងពេលឆាប់ៗនេះ ប៉ុន្តែមិនបានបញ្ជាក់ពេលវេលាជាក់លាក់ណាមួយឡើយ។ ផ្លូវទឹកយុទ្ធសាស្ត្រនេះនៅតែកកស្ទះដោយសារតែការភ័យខ្លាចរបស់ម្ចាស់នាវាថា អ៊ីរ៉ង់នឹងវាយប្រហារនាវារបស់ពួកគេ ដែលរំខានដល់លំហូរប្រេង និងឧស្ម័នពីឈូងសមុទ្រទៅកាន់ពិភពលោកទាំងមូល៕​

The post លោក ត្រាំ ណែនាំឲ្យកប៉ាល់ដឹកទំនិញនានា បង្ហាញភាពក្លាហាន ពេលឆ្លងកាត់ច្រកសមុទ្រ Hormuz appeared first on .

សង្គ្រាមនេះ ដែលបានឈានចូលដល់ថ្ងៃទីប្រាំមួយ គិតនៅត្រឹមថ្ងៃព្រហស្បតិ៍ បានធ្វើឲ្យផ្លូវដឹកជញ្ជូនដ៏សំខាន់ស្ទើរតែបិទទាំងស្រុង ដោយប្រទេសនានាជុំវិញពិភពលោកត្រូវបានកាត់ផ្តាច់ពីការផ្គត់ផ្គង់ប្រេង និងឧស្ម័នធម្មជាតិរាវមួយភាគប្រាំនៃពិភពលោក។

ប្រទេសចិន ដែលមានទំនាក់ទំនងមិត្តភាពជាមួយអ៊ីរ៉ង់ និងពឹងផ្អែកយ៉ាងខ្លាំងទៅលើការផ្គត់ផ្គង់ប្រេងនៅមជ្ឈិមបូព៌ា មិនសប្បាយចិត្តចំពោះចលនារបស់សាធារណរដ្ឋអ៊ីស្លាមក្នុងការធ្វើឱ្យការដឹកជញ្ជូនឆ្លងកាត់ច្រកសមុទ្រនេះជាប់គាំងនោះឡើយ ហើយកំពុងដាក់សម្ពាធលើទីក្រុងតេអេរ៉ង់ឱ្យអនុញ្ញាតឱ្យនាវាទាំងនោះឆ្លងកាត់ដោយសុវត្ថិភាព។ ចិន ដែលជាប្រទេសមានសេដ្ឋកិច្ចធំជាងគេទីពីររបស់ពិភពលោក ទទួលបានប្រេងប្រហែល ៤៥% របស់ខ្លួនពីច្រកសមុទ្រដ៏សំខាន់នេះ។

គួរឲ្យដឹងថា តម្លៃប្រេងឆៅបានកើនឡើងជាង ១៥% ចាប់តាំងពីជម្លោះបានចាប់ផ្តើម ចំពេលមានការផ្អាកផលិតកម្ម ខណៈដែលទីក្រុងតេអេរ៉ង់ បន្តវាយប្រហាររោងចក្រថាមពលនៅក្នុងតំបន់ឈូងសមុទ្រ ក៏ដូចជាកប៉ាល់ដែលឆ្លងកាត់ច្រកសមុទ្រ Hormuz ផងដែរ។

យោងតាមទិន្នន័យតាមដានកប៉ាល់ Vortexa បានបង្ហាញថា កប៉ាល់ដឹកប្រេងឆៅដែលឆ្លងកាត់ច្រកសមុទ្រ Hormuz នេះ បានធ្លាក់ចុះមកត្រឹមបួនគ្រឿងប៉ុណ្ណោះ គិតនៅត្រឹមថ្ងៃទី១ ខែមីនា ពោលគឺមួយថ្ងៃបន្ទាប់ពីសង្រ្គាមផ្ទុះឡើង ធៀបនឹងកប៉ាល់ជាមធ្យម ២៤ គ្រឿងក្នុងមួយថ្ងៃចាប់តាំងពីខែមករា។ ប្រភពដដែល ក៏បានបង្ហាញឲ្យដឹងទៀតថា កប៉ាល់ដឹកប្រេងប្រហែល ៣០០ គ្រឿងនៅតែបន្តជាប់គាំងនៅច្រកសមុទ្រនោះ៕​

The post ចិន កំពុងចរចាជាមួយអ៊ីរ៉ង់ ដើម្បីអនុញ្ញាតឲ្យនាវាដឹកប្រេងឆ្លងកាត់ច្រកសមុទ្រ Hormuz ដោយសុវត្ថិភាព appeared first on .

ទន្ទឹមគ្នានេះ បន្ទាប់ពីអ៊ឺរ៉ង់បិទច្រកសមុទ្រហ័រមូស ដោយសារតែជម្លោះយោធាពីសំណាក់អាម៉េរិក-អ៊ីស្រាអ៊ែល និងអ៊ឺរ៉ង់ ថាតើប្រទេសណាខ្លះបានរងផលប៉ះពាល់ខ្លាំងជាងគេ?

ថ្ងៃនេះOknha News នឹងលើកឡើងប្រទេសចំនួន៤ដែលរងផលប៉ះពាល់ខ្លាំងបំផុត ពីព្រោះការផ្គត់ផ្គង់ប្រេង និងឧស្ម័នធម្មជាតិរាវ (LNG) ភាគច្រើនរបស់ពួកគេឆ្លងកាត់ច្រកសមុទ្រ Hormuz៖ ១/ប្រទេសចិន ពឹងផ្អែកលើប្រេងឆៅរបស់ប្រទេសឈូងសមុទ្រ ដែលដឹកជញ្ជូនប្រេងរាប់រយលានបារ៉ែលក្នុងមួយខែ។ ២/ប្រទេសឥណ្ឌា នាំចូលប្រេងប្រហែល ៨៥% ដែលភាគច្រើនដឹកមកពីប្រទេសឈូងសមុទ្រតាមរយៈច្រកសមុទ្រ Hormuz។ ៣/ប្រទេសជប៉ុន និង៤/កូរ៉េខាងត្បូង ពឹងផ្អែកខ្លាំងលើឥន្ធនៈហ្វូស៊ីលដែលនាំចូល។

ខណៈប្រទេសផលិតប្រេងធំៗមានដូចជា អារ៉ាប៊ីសាអូឌីត អ៊ីរ៉ាក់ គុយវ៉ែត អារ៉ាប់រួម និងកាតា ក៏ពឹងផ្អែកលើច្រកសមុទ្រ Hormuz សម្រាប់ការនាំចេញប្រេង និងការដឹកជញ្ជូនឧស្ម័នធម្មជាតិរាវ (LNG)ផងដែរ។

ដូចនេះ ការបញ្ឈប់ការផ្គត់ផ្គង់ភ្លាមៗបានរងផលប៉ះពាល់ដោយប្រទេសអាស៊ីដែលពឹងផ្អែកលើថាមពល និងអ្នកនាំចេញប្រេងនៅឈូងសមុទ្រ ប៉ុន្តែការបិទទ្វាររយៈពេលយូរនឹងរាលដាលការជាប់គាំងផ្នែកសេដ្ឋកិច្ចយ៉ាងឆាប់រហ័សនៅទូទាំងទីផ្សារពិភពលោក និងអ្នកប្រើប្រាស់ប្រចាំថ្ងៃ។ ខណៈប្រទេសកម្ពុជាមានសន្និធិប្រេងធានាការផ្គត់ផ្គង់ទីផ្សាររយៈពេលមួយខែ​ ក្នុងករណីមិនអាចនាំចូលប្រេងពីបរទេស។ នេះបើយោងតាមលោក ប៉ែន សុវិជាតិ អ្នកនាំពាក្យក្រសួងពាណិជ្ជកម្ម
បានអះអាង៕

The post ប្រទេសណាខ្លះរងផលប៉ពាល់ខ្លាំងជាងគេ បន្ទាប់ពីអ៊ឺរ៉ង់បិទច្រកផ្លូវសមុទ្រ Hormuz! appeared first on .

ប្រទេសចិន ពឹងផ្នែកទៅលើប្រេង និងឧស្ម័ន LNG របស់ប្រទេសមជ្ឈិមបូព៌ាសម្រាប់មួយផ្នែកធំនៃការនាំចូលថាមពលសរុបដ៏ធំរបស់ខ្លួន។ ប៉ុន្តែទន្ទឹមនឹងនោះ អ៊ីរ៉ង់ក៏បានពឹងផ្នែកយ៉ាងខ្លាំងទៅលើក្រុមហ៊ុនចម្រាញ់ប្រេងរបស់ចិនផងដែរ ដោយក្នុងនោះមានរហូតដល់ប្រមាណ ៨០%។ ហើយការផ្គត់ផ្គង់ទាំងអស់នេះ គឺត្រូវឆ្លងកាត់តាមច្រកសមុទ្រ Hormuz នៅតាមផ្លូវទៅកាន់ប្រទេសចិន ពីកំពង់ផែនានាក្នុងប្រទេសតំបន់ឈូងសមុទ្រ។

យ៉ាងណាមិញ អ៊ីរ៉ង់កាលពីថ្ងៃចន្ទ បានប្រកាសថា ច្រកសមុទ្រ Hormuz នេះ ត្រូវបានបិទ ដោយលោក Ebrahim Jabbari ទីប្រឹក្សាជាន់ខ្ពស់របស់អគ្គមេបញ្ជាការនៃកងឆ្មាំបដិវត្តន៍អ៊ីស្លាម (IRGC) ថែមទាំងបានគំរាមទៀតថា អ៊ីរ៉ង់នឹងវាយប្រហារ និងដុតបំផ្លាញកប៉ាល់ណាមួយដែលព្យាយាមឆ្លងកាត់។

ជុំវិញបញ្ហានេះ រដ្ឋមន្ត្រីការបរទេសចិន លោក Wang Yi បានប្រាប់រដ្ឋមន្ត្រីការបរទេសអ៊ីរ៉ង់ លោក Abbas Araghchi ថា ចិនជឿជាក់ថា ក្រោមស្ថានភាពធ្ងន់ធ្ងរ និងស្មុគស្មាញបច្ចុប្បន្ន អ៊ីរ៉ង់អាចរក្សាស្ថិរភាពសង្គម និងយកចិត្តទុកដាក់ចំពោះការព្រួយបារម្ភសមហេតុផលរបស់ប្រទេសជិតខាងរបស់ខ្លួន។

មិនតែប៉ុណ្ណោះ អ្នកនាំពាក្យក្រសួងការបរទេសចិន លោក Mao Ning ក៏បាននិយាយផងដែរថា ប្រទេសចិនជំរុញឲ្យភាគីពាក់ព័ន្ធបញ្ឈប់ប្រតិបត្តិការយោធាជាបន្ទាន់ ដើម្បីចៀសវាងការកើនឡើងបន្ថែមទៀតនៃស្ថានភាពតានតឹង និងការពារភាពចលាចលក្នុងតំបន់ពីការបង្កការខូចខាតកាន់តែធ្ងន់ធ្ងរដល់កំណើនសេដ្ឋកិច្ចពិភពលោក៕​

The post មហាយក្សចិន ដាក់សម្ពាធលើអ៊ីរ៉ង់បើកច្រកសមុទ្រ Hormuz សម្រាប់លំហូរនាំចេញប្រេង និងឧស្ម័ន appeared first on .

លោក Ebrahim Jabari ទីប្រឹក្សាជាន់ខ្ពស់របស់អគ្គមេបញ្ជាការកងកម្លាំងឆ្មាំបដិវត្តន៍អ៊ីស្លាម (IRGC) បានព្រមាននៅថ្ងៃទី២ ខែមីនាថា ៖”ច្រកសមុទ្រ Hormuz ត្រូវបានបិទ។ ហើយប្រសិនបើនាវាណាមួយព្យាយាមឆ្លងកាត់ នោះកងឆ្មាំបដិវត្តន៍អ៊ីស្លាមអ៊ីរ៉ង់ និងកងទ័ពជើងទឹក នឹងដុតកប៉ាល់ទាំងនោះចោលទាំងអស់។

យ៉ាងណាមិញ បើយោងតាមលោក John Phillips អ្នកជំនាញផ្នែកសន្តិសុខ និងហានិភ័យសកលដែលមានមូលដ្ឋាននៅចក្រភពអង់គ្លេស បាននិយាយថា ការគំរាមកំហែងរបស់អ៊ីរ៉ង់ អាចបិទច្រកសមុទ្រថាមពលនេះទាំងស្រុង ដែលបង្កើតជាសម្ពាធនយោបាយ និងសេដ្ឋកិច្ចយ៉ាងខ្លាំងទៅលើសហរដ្ឋអាមេរិក និងសម្ព័ន្ធមិត្តរបស់ខ្លួននៅមជ្ឈិមបូព៌ា។

គួរឲ្យដឹងថាច្រកសមុទ្រ Hormuz ដែលមានមានព្រំប្រទល់ជាប់ភាគខាងត្បូងប្រទេសអ៊ីរ៉ង់ គឺជាចំណុចសំខាន់មួយក្នុងការជួញដូរប្រេងសកល។ ប្រេងឆៅ និងឧស្ម័នធម្មជាតិរាវប្រមាណ ២០% របស់ពិភពលោកត្រូវបានដឹកជញ្ជូនពីប្រទេសមហាអំណាចប្រេងនៅឈូងសមុទ្រតាមរយៈច្រកសមុទ្រនេះ សម្រាប់នាំចេញទូទាំងពិភពលោក។

ជម្រាបជូនថា អ៊ីរ៉ង់គឺជាប្រទេសផលិតប្រេងធំជាងគេទីបីនៅក្នុងអង្គការប្រទេសនាំចេញប្រេង (OPEC) ដោយផ្គត់ផ្គង់ប្រហែល ៤,៥% នៃការផ្គត់ផ្គង់សកល។ទិន្នផលរបស់ប្រេងរបស់ប្រទេសនេះ មានប្រហែល ៣,៣ លានបារ៉ែលក្នុងមួយថ្ងៃ រួមជាមួយនឹង ១,៣ លានបារ៉ែលនៃប្រេងខាប់ និងឥន្ធនៈរាវផ្សេងទៀត៕​

The post អ៊ីរ៉ង់ គំរាមបាញ់កម្ទេចចោលនាវាណាមួយដែលព្យាយាមឆ្លងកាត់ច្រកសមុទ្រ Hormuz appeared first on .

ហេតុផលចម្បងដែលច្រកសមុទ្រហ័រមូសមានសារៈសំខាន់គឺដោយសារវាមានតួនាទីក្នុងការដឹកជញ្ជូនប្រេងសកល។ ប្រហែល ១/៥ នៃការផ្គត់ផ្គង់ប្រេងរបស់ពិភពលោកឆ្លងកាត់ច្រកសមុទ្រនេះជារៀងរាល់ថ្ងៃ។ ប្រទេសផលិតប្រេងធំៗដូចជា អារ៉ាប៊ីសាអូឌីត អ៊ីរ៉ាក់ គុយវ៉ែត អារ៉ាប់រួម និងកាតា ក៏នាំចេញប្រេងរបស់ពួកគេតាមរយៈផ្លូវមួយនេះដែរ។ ដោយសារតែប្រទេសជាច្រើនពឹងផ្អែកលើប្រេងសម្រាប់ការដឹកជញ្ជូន អគ្គិសនី និងឧស្សាហកម្ម ដូច្នេះការវាយប្រហាររវាងអាម៉េរិក-អ៊ីស្រាអ៊ែល និងអ៉ឺរ៉ង់ បានបង្កហានិភ័យនៅច្រកសមុទ្រ។

ប្រសិនបើច្រកសមុទ្រហ័រមូសត្រូវបានរងការវាយប្រហារដោយសារតែភាពតានតឹងផ្នែកនយោបាយ ឬជម្លោះយោធា ពីសំណាក់អាម៉េរិក-អ៊ីស្រាអ៊ែល និងអ៉ឺរ៉ង់ នោះតម្លៃប្រេង និងឧស្ម័ននឹងកើនឡើងយ៉ាងខ្លាំង។

យ៉ាងណាក៏ដោយ យោងតាមប្រភពពីវិស័យពាណិជ្ជកម្មបានឱ្យដឹងថា ម្ចាស់នាវាដឹកប្រេង ក្រុមហ៊ុនប្រេងធំៗ និងក្រុមហ៊ុនជួញដូរភាគច្រើន បានផ្អាកការដឹកជញ្ជូនប្រេងឆៅ, ឥន្ធនៈ និងឧស្ម័នធម្មជាតិរាវ(LNG) តាមរយៈច្រកសមុទ្រ Hormuz រួចទៅហើយ បន្ទាប់ពីទីក្រុងតេអេរ៉ង់ បានព្រមានដល់កប៉ាល់នានាកុំឱ្យធ្វើចរាចរណ៍កាត់តាមផ្លូវទឹកមួយនេះ។

បន្ថែមពីនោះ កាលពីថ្ងៃទី១ ខែមីនាយ៉ាងហោចណាស់មាននាវាដឹកប្រេងចំនួន ៣គ្រឿងបានរងការខូចខាត ហើយនាវិកម្នាក់បានបាត់បង់ជីវិត ខណៈដែលការសងសឹករបស់អ៊ីរ៉ង់ ចំពោះការវាយប្រហាររបស់សហរដ្ឋអាមេរិក និងអ៊ីស្រាអែល បានធ្វើឱ្យកប៉ាល់នានាប្រឈមនឹងការខូចខាតដោយប្រយោល។

ខណៈនៅថ្ងៃទី២មីនានេះ តម្លៃប្រេងឆៅ Brent បានហក់ឡើងដល់ចំណុចខ្ពស់បំផុតគឺ ៨២.៣៧ដុល្លារ ក្នុងមួយបារ៉ែល ហើយបានស្ថិតក្នុងតម្លៃ ៧៩.៣៤ដុល្លារ ពោលគឺកើនឡើង ៦.៤៧ដុល្លារ ឬស្មើនឹង ៨.៨៨ភាគរយ។ ចំណែកឯតម្លៃប្រេងឆៅរបស់អាម៉េរិក បានហក់ឡើង ៥.៣៦ដុល្លារ ឬ ៨ភាគរយ ដល់តម្លៃ ៧២.៣៨ដុល្លារ ក្នុងមួយបារ៉ែល។

សរុបមក ច្រកសមុទ្រហ័រមូសដើរតួនាទីយ៉ាងសំខាន់ក្នុងការរក្សាស្ថិរភាពសេដ្ឋកិច្ចពិភពលោក។ ក្នុងនាមជាចំណុចឆ្លងកាត់ដ៏សំខាន់សម្រាប់ការផ្គត់ផ្គង់ថាមពលរបស់ពិភពលោក វាមានឥទ្ធិពលដោយផ្ទាល់ទៅលើតម្លៃប្រេង ពាណិជ្ជកម្ម និងកំណើនសេដ្ឋកិច្ច៕

The post ហេតុអ្វី ពិភពលោកព្រួយបារម្ភច្រកសមុទ្រ Hormuz ខ្លាំងម្លេះ ក្នុងជម្លោះនៅមជ្ឈិមបូព៌ា! appeared first on .