ជាមួយគ្នានេះ, ការធ្វើទំនើបកម្មមូលដ្ឋានទ័ពរាម មិនបានធ្វើឱ្យកម្ពុជាបាត់បង់អធិបតេយ្យ ហើយគ្មានអ្នកណាការពារអធិបតេយ្យកម្ពុជា ជំនួសកម្ពុជា នោះទេ ។ ជាងនេះទៅទៀត, គ្មានផ្នែកណាមួយនៃមូលដ្ឋានទ័ពរាមនឹងក្លាយជាកម្មសិទ្ធិរបស់បរទេសណាឡើយ គឺមូលដ្ឋានទ័ពរាមគឺជាកម្មសិទ្ធិរបស់កម្ពុជាតែមួយគត់ ។ មូលដ្ឋានទ័ពរាមនឹងបើកចំហស្វាគមន៍ឱ្យកងទ័ពមកពីគ្រប់បណ្ដាប្រទេសមិត្តចូលចតបានទាំងអស់ ឱ្យតែស្របតាមលក្ខណៈបច្ចេកទេស ហើយកម្ពុជានឹងផ្ដល់ទាំងកន្លែងស្នាក់នៅបន្ថែមទៀត ។ ជាមួយគ្នានេះ, បើប្រជាពលរដ្ឋខ្មែរយើងស្រឡាញ់ជាតិពិតប្រាកដគួរមានមោទនភាពនៅពេលដែលកម្ពុជា អាចធ្វើទំនើបកម្ម និងបង្កើនសមត្ថភាពកងទ័ពរបស់យើង។ 

សម្ដេចបវរធិបតី នាយករដ្ឋមន្ត្រី ក៏បានគូសបញ្ជាក់ថា៖ ការធ្វើទំនើបកម្មមូលដ្ឋានសមុទ្ររាម និងការកសាងមជ្ឈមណ្ឌលភស្តុភារ និងហ្វឹកហ្វឺនរួមគ្នា កម្ពុជា-ចិន ផែរាម  មិនត្រឹមតែបានឆ្លុះបញ្ចាំងពីកិច្ចសហប្រតិបត្តិការប្រកបដោយផ្លែផ្ការវាងកងទ័ពនៃប្រទេសទាំងពីរ កម្ពុជា-ចិន ប៉ុណ្ណោះទេ  គឺថែមទាំងជាការលើកកម្ពស់សមត្ថភាពការពារជាតិរបស់កម្ពុជា ក៏ដូចជា ការគិតគូរដល់ផលប្រយោជន៍ជាតិ, ធានាសន្តិសុខជាតិ, សុវត្ថិភាព និងសណ្តាប់ធ្នាប់សាធារណៈ ស្របតាមបាវចនានៃគោលដៅជាយុទ្ធសាស្រ្តលើវិស័យការពារជាតិរបស់ព្រះរាជាណាចក្រកម្ពុជា គឺ “សន្តិសុខ ការអភិវឌ្ឍ និង កិច្ចសហប្រតិបត្តិការអន្តរជាតិ” ព្រោះ កងទ័ព មិនត្រឹមតែជាកម្លំាងស្នូលក្នុងកិច្ចការពារបូរណភាពទឹកដីប៉ុណ្ណោះទេ គឺថែមទាំងជាកម្លាំងសំខាន់មួយ ដែលរួមចំណែកដល់ការអភិវឌ្ឍប្រ​ទេស​ជាតិ ក៏ដូចជាការរក្សាសន្តិភាព និងសន្តិសុខក្នុងតំបន់ និងអន្តរជាតិផងដែរ។ មុននឹងបញ្ចប់, សម្ដេចបវរធិបតី នាយករដ្ឋមន្ត្រី បានផ្ដល់អនុសាសន៍មួយចំនួន រួមមាន ៖

ទី១. បន្តពង្រឹង និង អភិវឌ្ឍវិស័យការពារជាតិរបស់ព្រះរាជាណាចក្រកម្ពុជា ដោយឈរលើមូលដ្ឋាននៃការគោរពរដ្ឋធម្មនុញ្ញ, ច្បាប់ជាតិ និង អន្តរជាតិ ។ ការពាររឹងមាំ ដាច់ខាតនូវឯករាជ្យ, អធិបតេយ្យ និងបូរណភាពទឹកដី នៃព្រះរាជាណាចក្រកម្ពុជា ។ បន្តពង្រឹងខឿនការពារជាតិកម្ពុជា ដោយយកចិត្តទុកដាក់ធ្វើការអភិវឌ្ឍកងកម្លាំង ឱ្យក្លាយជាកងទ័ពដែលមានវិជ្ជាជីវៈខ្ពស់ មានស្មារតី ឆន្ទៈដាច់ខាតស្មោះត្រង់ ចំពោះជាតិមាតុភូមិ និងប្រជាជន។

ទី២. ក្រសួងការពារជាតិ ត្រូវយកចិត្តទុកដាក់ដល់ការងារកែទម្រង់កងយោធពលខេមរភូមិន្ទ កសាង និង អភិវឌ្ឍធនធានមនុស្ស សម្ភារៈ និងមធ្យោបាយបម្រើឱ្យវិស័យការពារជាតិ ក្នុងនោះ ត្រូវបន្តពង្រឹងការងារហ្វឹកហ្វឺន, រៀនសូត្រ, បណ្តុះបណ្តាល, កសាងប្រភពកម្លាំង ក្នុងជួរកងទ័ព, ទាំងបរិមាណ និង គុណភាព, ដើម្បីបម្រើឱ្យវិស័យការពារជាតិកាន់តែមានប្រសិទ្ធភាពខ្ពស់​។ ជាពិសេស ចំពោះ កងទ័ពជើងទឹក ត្រូវយកចិត្តទុកដាក់ដល់ការហ្វឹកហ្វឺន និងល្បាតក្នុងដែនទឹក និង តាមបណ្តាកោះ ឆ្នេរ ។

ទី៣. ក្រសួងការពារជាតិ ត្រូវយកចិត្តទុកដាក់ដល់ការប្រើប្រាស់ធនធាន និងទ្រព្យសម្បត្តិរបស់អង្គភាព ក៏ដូចជាជំនួយរបស់ភាគីមិត្តឱ្យបានល្អ, ស្ថិរភាព និងមានប្រសិទ្ធភាព, ពោល គឺ ប្រើប្រាស់ និង គ្រប់គ្រង ថែរក្សាបច្ចេកទេស ទាំងកម្លាំង និង មធ្យោបាយ សម្ភារៈ យោធាបរិក្ខារ និង ស្បៀងអាហារ ឱ្យបានសមស្របទៅនឹងតម្រូវការជាក់ស្តែង និង តាមជំនាញត្រឹមត្រូវ តាមលក្ខណៈ​បច្ចេកទេស ហើយរក្សាបាននូវភាពគង់វង្ស និង គ្រប់គ្រាន់ ឆ្លើយតបទៅតាមសំណូមពរ និង តម្រូវការចាំបាច់ក្នុងវិស័យការពារជាតិ។

ទី៤. ក្រសួងការពារជាតិ ត្រូវបន្តពង្រឹងកិច្ចការពារព្រំដែន (គោក, ទឹក, អាកាស) សហការល្អជាមួយ កងកម្លាំងនគរបាលជាតិ ក៏ដូចជា សមត្ថកិច្ចពាក់ព័ន្ធ និងអាជ្ញាធរដែនដីគ្រប់លំដាប់ថ្នាក់ ។ ទំនាក់ទំនងល្អក្នុងការកសាងមិត្តភាពរឹងមាំជាមួយប្រទេសជិតខាង ដោយប្រើប្រាស់មធ្យោបាយការទូត និងការចរចាដោយសន្តិវិធី ក្នុងគោលដៅ “កសាងព្រំដែនជាតំបន់ព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ” ។

ទី៥. ក្រសួងការពារជាតិ ត្រូវបន្តពង្រឹងកិច្ចសហប្រតិបត្តិការអន្តរជាតិលើវិស័យ យោធាដោយឈរលើមូលដ្ឋានច្បាប់ជាតិ និងអន្តរជាតិ ក្រោមបាវចនា “កែទម្រង់ខាងក្នុង បង្កើនមិត្តខាងក្រៅ ក្នុងស្មារតីឯករាជ្យ” ។ ចំពោះកងទ័ពជើងទឹក ត្រូវបន្តយកចិត្តទុកដាក់ពង្រឹង និងពង្រីកទំនាក់ទំនងការទូតយោធា និងកិច្ចសហប្រតិបត្តិការជាមួយបណ្តាប្រទេស ជាមិត្ត ទាំងក្នុងតំបន់ និងសកលលោក ដោយឈរលើគោលការណ៍ស្មើភាព, គោរពឯករាជ្យ, អធិបតេយ្យ និងផលប្រយោជន៍រួមគ្នាទៅវិញទៅមក ។

The post កម្ពុជា មិនអនុញ្ញាតឱ្យប្រទេសណាមួយមកដាក់មូលដ្ឋានទ័ពនៅកម្ពុជា ហើយកម្ពុជាក៏មិនដាក់មូលដ្ឋានទ័ពរបស់ខ្លួននៅបរទេស គឺធ្វើស្របតាមមាត្រា៥៣ ថ្មី នៃរដ្ឋធម្មនុញ្ញនៃព្រះរាជរាជាណាចក្រកម្ពុជា appeared first on .

សម្ដេច ហ៊ុន ម៉ាណែត បានមានប្រសាសន៍ថា៖ «ខ្ញុំសូមជម្រាបជូនឯកឧត្តមផងដែរថា អត្រាពន្ធនាំចូលខ្ពស់បំផុតដែលកម្ពុជាកំពុងអនុវត្តជាទូទៅ​មានត្រឹមតែ ៣៥% ប៉ុណ្ណោះ។ ក្នុងគោលបំណងបង្ហាញនូវសុឆន្ទៈ និងក្នុងស្មារតីនៃការពង្រឹងទំនាក់ទំនងពាណិជ្ជកម្មទ្វេភាគីរបស់យើង។ កម្ពុជាប្តេជ្ញាចិត្តខ្ពស់ ក្នុងការជំរុញការ-នាំចូលទំនិញពីសហរដ្ឋអាមេរិក ជាមួយនឹងការបន្ថយភ្លាមៗនូវអត្រាពន្ធនាំចូលទំនិញ ១៩ ប្រភេទ ពីអត្រាអតិបរមា ៣៥% មកត្រឹមអត្រា ៥%»។

ចំពោះមុខទំនិញទាំង១៩ប្រភេទនោះភាគច្រើនជាប្រភេទ សាច់ជ្រូក សាច់គោ សាច់មាន់ ម្សៅប្រូតេអុីន ទឹកដោះគោស្រស់ សណ្ដែកសៀង ដំឡូង ផ្លែឈើស្រស់ គ្រាប់ពូជ គ្រាប់ធញ្ញជាតិ និងយានជំនះមួយចំនួន។ ខាងក្រោមនេះជាតារាងដែលរាយឈ្មោះមុខទំនិញទាំង ១៩ ៖

The post ឈ្មោះមុខទំនិញ១៩ប្រភេទដែលកម្ពុជា នឹងទម្លាក់តម្លៃពន្ធទំនិញអាម៉េរិកពី ៣៥% មក ៥% តើមានទំនិញអ្វីខ្លះ? appeared first on .

យោងតាមទំព័រហ្វេសប៊ុកនៅរសៀលថ្ងៃទី១២ ខែសីហា ឆ្នាំ ២០២៤នេះ សម្តេចធិបតី ហ៊ុន ម៉ាណែត បានលើកឡើងថា៖« សូមអបអរសាទរ និងអរគុណដល់សិល្បៈករកម្ពុជា លោក វណ្ណដា-Vann Da សម្រាប់ការបង្ហាញវត្តមានលើឆាក នៃកម្មវិធីបិទការប្រកួតកីឡាអូឡាំពិករដូវក្តៅ ក្រុងប៉ារីស ប្រទេសបារាំង ឆ្នាំ២០២៤ ដោយបានជួយលើកតម្កើងមុខមាត់ប្រទេសនៅលើឆាកអន្តរជាតិ»។

សូមបញ្ជាក់ដែរថា នៅក្នុងថ្ងៃដដែលនេះដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ក៏បានថ្លែងអបអរសាទរ និងថ្លែងអំណរគុណដល់កីឡាករ កីឡាការីនី និងប្រតិភូកីឡាកម្ពុជា ដែលបានទៅចូលរួមការប្រកួតកីឡាអូឡាពិករដូវក្តៅ នៅទីក្រុងប៉ារីស ប្រទេសបារាំង ឆ្នាំ២០២៤ នេះផងដែរ។

ដោយសម្ដេចធិបតី ក៏បញ្ជាក់ទៀតថា បើទោះបីជាលទ្ធផលមិនគាប់ប្រសើរយ៉ាងណាក៏ដោយ ក៏ក្រុមកីឡាករ និងប្រតិភូកីឡាយើង បានបំពេញតួនាទី និងភារកិច្ចក្នុងការនាំយកទង់ជាតិកម្ពុជា ទៅកាន់ការប្រកួតដ៏អស្ចារ្យលើឆាកអន្តរជាតិ ផ្តល់ជូននូវមោទនភាពជាតិខ្មែរ។

សូមរម្លឹកដែរថា ព្រឹត្តិការណ៍​កីឡាពិភព​លោក អូឡាំពិក ឆ្នាំ​២០២៤ នៅ​ប្រទេស​បារាំង បាន​បិទ​បញ្ចប់​​ជា​ផ្លូវ​ការ​ហើយ បន្ទាប់​ពី​ដំណើរ​ការ​ប្រកួត​តាំង​ពី​ថ្ងៃ​ទី​​២៦ ខែ​កក្កដា រហូត​ដល់​ថ្ងៃ​ទី​១១ ខែ​សីហា។ក្នុង​ពិធី​បិទ​មាន​ការ​សម្តែង​ដ៏​អស្ចារ្យ​​តាម​រយៈ​តារាចម្រៀង​ល្បី​ៗ​ទូទាំង​ពិភព​លោក​​ ការសម្តែង​​ពិសេស (Show) ​ផ្សេងៗ​ជា​ច្រើន​ ​ក្នុង​នោះ​មាន​តារា​ចម្រៀង​កម្ពុជាលោក វណ្ណដា ក៏​បាន​ចូល​រួម​សម្តែង​ដែល​នេះ​ជា​លើក​ដំបូង​មាន​សិល្បករ​​ខ្មែរ​បង្ហាញ​ខ្លួន​សម្តែងក្នុង​ព្រឹត្តិការណ៍​កីឡា​ពិភព​លោក​ដ៏​អស្ចារ្យ​៕ អត្ថបទ៖ រង្សី

The post សម្ដេចធិបតី  អរគុណដល់លោក វណ្ណដា ដែលជួយលើកតម្កើងមុខមាត់​ប្រទេស​នៅលើឆាកអន្តរជាតិ appeared first on .

បច្ចុប្បន្ននេះ មានបញ្ហាមួយចំនួនរវាងម្ចាស់បុរីនិងអតិថិជន​ដែលជាប្រជាពលរដ្ឋ​ត្រូវការ​លំនៅឋាន​រស់នៅ ដោយសារ​តែ​កត្តា​​កូវីដ-១៩ វិបត្តិសេដ្ឋកិច្ច ការ​បង់រំលស់ផ្ទះ​មាន​ការ​យឺតយ៉ាវ ឬ​គ្មានលទ្ធភាពបង់បន្ត ធ្វើឱ្យ​​​ម្ចាស់បុរីមួយចំនួន ក៏មានការ​ជាប់គាំង​​នូវ​លំហូរសាច់ប្រាក់ និង​ទាមទារ​ចាត់វិធាន​ការ​អនុវត្តតាមកិច្ចសន្យា ដោយ​រឹបអូសផ្ទះវិញ ឬ​ទិញចូលវិញ​ពី​អតិថិជនវិញ ក្នុងតម្លៃសមរម្យណាមួយ។

ក្នុងឱកាស​​អញ្ជើញ​ជា​អធិបតីក្នុង​ពិធីសម្ពោធកសិដ្ឋានចិញ្ចឹមគោយកទឹកដោះគិរីសួគ៌ ស្ថិតភូមិឱភាសាំង ឃុំកណ្តឹង ស្រុកបាទី ខេត្តតាកែវ នាព្រឹកថ្ងៃទី១១ ខែមេសា ឆ្នាំ២០២៤នេះ សម្តេចធិបតី បានលើកឡើង​ដូច្នេះថា៖ “រាជរដ្ឋាភិបាល​មិនបានដេកមើលការលំបាករបស់ប្រជាជននោះទេ ក្រសួងរៀបចំដែនដី នគរូបនីយកម្ម និងសំណង់ ដែលមាន​ឧបនាយករដ្ឋមន្ត្រី សាយ សំអាល់ ជារដ្ឋមន្ត្រីក្រសួងនេះ បាននិងកំពុងធ្វើការប្រចាំថ្ងៃជាមួយបុរី ជាមួយប្រជាពលរដ្ឋ​ដែលជាអ្នកទិញ ដើម្បីដោះស្រាយបន្តិចម្ដងៗ ក្នុងនោះមានប្រជាពលរដ្ឋរាប់ម៉ឺននាក់ ដែលបាននិងកំពុង​ដោះស្រាយ​ជាបន្តបន្ទាប់”។

សម្តេចធិបតី បានបន្តថា រាជរដ្ឋាភិបាលមានគោលដៅ​ធ្វើយ៉ាងណា​ឱ្យក្រុមហ៊ុនអភិវឌ្ឍន៍មានលំនឹងក្នុងការបន្តកសាង និង​ប្រគល់ផ្ទះជូនអតិថិជន ដូច្នេះ​សំណូមពរ​ឱ្យពលរដ្ឋ​ជឿទុកចិត្ត​ក្នុងការ​បន្ត​ដោះស្រាយជូន។ សម្តេចបន្ថែមថា៖ “ទោះជា​យ៉ាងណា យើងមិនអាចបំផ្លាញសេដ្ឋកិច្ចក្នុងរយៈពេលលំបាកនេះបានឡើយ សេដ្ឋកិច្ចវាតែងមានឡើងមានចុះ ពេល​លំបាក​យើងត្រូវតែរួមគ្នាដោះស្រាយ នៅពេលជោគជ័យនោះប្រជាពលរដ្ឋយើងនឹងមានជីវភាពឡើងមួយកម្រិតទៀត”។

គួររំឭកថា កាលពីថ្ងៃទី២ ខែមេសា ឆ្នាំ២០២៤ អ្នកឧកញ៉ា លី ហួរ ប្រធាន​សមាគមអ្នកអភិវឌ្ឍន៍លំនៅឋានកម្ពុជា បាន​ដឹកនាំ​អនុប្រធាន និងសមាជិក​នៃ​សមាគម ដែលភាគច្រើន​ជា​ អ្នកឧកញ៉ា ឧកញ៉ា ​ម្ចាស់បុរី​ធំៗ​នៅ​ក្នុង​ប្រទេស​កម្ពុជា រៀបចំ​ពិធីសន្និបាតបូកសរុបលទ្ធផលការងារប្រចាំឆ្នាំ២០២៣ និងលើកទិសដៅការងារឆ្នាំ២០២៤ របស់សមាគម​អ្នកអភិវឌ្ឍន៍លំនៅឋានកម្ពុជា ​ក្រោម​អធិបតីភាព​លោកឧបនាយករដ្ឋមន្ត្រី សាយ សំអាល់។

ក្នុងឱកាសនោះដែរ អ្នកឧកញ៉ា លី ហួរ បាន​លើកឡើង​ថា បញ្ហាសេដ្ឋកិច្ច​ធ្លាក់ចុះ​ជាសកល ​​បាន​ជះឥទ្ធិពលយ៉ាងខ្លាំង​ដល់​សេដ្ឋកិច្ច​កម្ពុជា​ទាំង​មូល ជាពិសេស​លើ​វិស័យ​អចលនទ្រព្យ ​ខណៈ​ដែល​បច្ចុប្បន្ន​នេះ​ គម្រោង​បុរី និងខុនដូ ការលក់​មាន​ការ​ធ្លាក់​ចុះ​យ៉ាង​ខ្លាំង។

អ្នកឧកញ៉ា​ប្រធានសមាគម បាន​ឱ្យដឹង​ទៀត​ថា ជាក់ស្តែង​អតិថិជនពន្យាពេលបង់ប្រាក់ រហូតដល់អតិថិជនមួយចំនួន​មិនមានលទ្ធភាព មិនបានបង់ប្រាក់ត្រឡប់មកក្រុមហ៊ុនវិញ ព្រមទាំងទាមទារឱ្យ​ក្រុមហ៊ុនទិញផ្ទះត្រឡប់មកវិញ ធនាគារ​ពាណិជ្ជក៏បានតម្លើងអត្រាការប្រាក់ និងរឹតបន្តឹងការផ្ដល់ឥណទានលំនៅឋានជូនអតិថិជន ផ្អាកផ្តល់ឥណទានលើការ​វិនិយោគ​លើវិស័យសំណង់ ក្រសួងស្ថានប័នរដ្ឋ ដែលពាក់ព័ន្ធមានការយឺតយ៉ាវក្នុងការផ្តល់សេវាកម្ម រឹតបន្តឹងលើការ​អនុវត្តផ្លូវច្បាប់ និងមានការផាកពិន័យជាប្រាក់ដល់ក្រុមហ៊ុនអភិវឌ្ឍន៍ផងដែរ ធ្វើឱ្យ​ក្រុមហ៊ុនមួយចំនួនមាន​វិបត្តិហិរញ្ញវត្ថុ​យ៉ាងធ្ងន់ធ្ងរ ក្រុមហ៊ុនមួយចំនួនផ្អាកការសាងសង់ បិទគម្រោងទាំងមូល និងឈានទៅដល់ក្ស័យធនតែម្ដង៕

The post សម្តេចធិបតី ហ៊ុន ម៉ាណែត៖ រាជរដ្ឋាភិបាលកំពុងជួយដោះស្រាយបញ្ហារវាងម្ចាស់បុរី និងអតិថិជន ជាបន្តបន្ទាប់ហើយ appeared first on .

មេដឹកនាំកំពូលចិន បានជួបជជែកគ្នាជាមួយសម្ដេចបវរធិបតីនាយករដ្ឋមន្ត្រីកម្ពុជា ហ៊ុន ម៉ាណែត នៅទីក្រុងប៉េកាំង និងបានសន្យាជាមួយកម្ពុជា ពង្រឹងលើផ្នែកច្បាប់ និងកិច្ចសហប្រតិបត្តិការសន្តិសុខ ជាពិសេសបង្ក្រាបបទល្មើសតាមតំបន់ព្រំដែន ដូចជា​ល្បែងស៊ីសងតាមអ៊ីនធឺណិត និងការឆបោកតាមបណ្ដាញទូរស័ព្ទជាដើម។

គួររំលឹកដែរថា សម្ដេចធិបតីនាយករដ្ឋមន្ត្រីកម្ពុជា កំពុងបំពេញទស្សនកិច្ចទៅកាន់ប្រទេសចិន តាមការអញ្ជើញពីនាយករដ្ឋមន្ត្រីចិន លោក Li Qiang ដែលបានជួបគ្នាលើកដំបូង នៅក្នុងកិច្ចប្រជុំកំពូលអាស៊ាន លើកទី៤៣ ធ្វើឡើងនៅទីក្រុងហ្សាកាតា ប្រទេសឥណ្ឌូណេស៊ី​កន្លងទៅ៕

The post ប្រធានាធិបតីចិន ស៊ី ជិនពីង សន្យាពង្រឹងទំនាក់ទំនងកាន់តែស្អិតល្មួតជាមួយកម្ពុជា appeared first on .

សម្រាប់ការមកដល់ទឹកដីនៃប្រទេសចិននេះ សង្កេតឃើញមានមន្ត្រីជាន់ខ្ពស់ចិនចំនួន ២រូប ទទួលបដិសណ្ឋារកិច្ច និងស្វាគមន៍យ៉ាងកក់ក្តៅចំពោះសម្ដេចមហាបវរធិបតី ហ៊ុន ម៉ាណែត និងគណៈប្រតិភូ គឺលោក ណុង រ៉ុង អនុរដ្ឋមន្ត្រីការបរទេសចិន និងឯកអគ្គរដ្ឋទូតចិនប្រចាំកម្ពុជា លោក វ៉ាង វិនធាន។

យោងតាមក្រសួងការបរទេសកម្ពុជា បានឱ្យដឹងថា គណៈប្រតិភូដែលអញ្ជើញអមដំណើរសម្តេចធិបតី ហ៊ុន ម៉ា ណែត បំពេញទស្សនកិច្ចផ្លូវការនៅប្រទេសចិននាពេលនេះ រួមមាន៖ ឧបនាយករដ្ឋមន្ត្រី រដ្ឋ មន្ត្រី ព្រមទាំងមន្ត្រីជាន់ខ្ពស់នៃរាជរដ្ឋាភិបាល និងថ្នាក់ដឹកនាំផ្នែកឯកជន ជាច្រើនរូប ផង ដែរ។

ក្នុងដំណើរទស្សនកិច្ចដែលបង្ហាញឱ្យឃើញពីនយោបាយពូនជ្រុំចំណងមិត្តភាពកម្ពុជា-ចិន ឱ្យកាន់តែរឹងមាំថែមទៀត។ សម្តេចធិបតី ហ៊ុន ម៉ាណែត នឹងអញ្ជើញជួបសម្តែងការគួរ សម និងពិភាក្សាការងារជាមួយប្រធានាធិបតីចិន,ប្រធាន សភា តំណាងប្រជាជនចិន។

ជាមួយគ្នានោះ សម្តេចធិបតី ហ៊ុន ម៉ាណែត ក៏នឹងជួបពិភាក្សាទ្វេភាគីជាមួយលោក លី ឈាង នាយករដ្ឋ មន្ត្រី ចិន ហើយនាយករដ្ឋមន្ត្រី ទាំង ពីរ ក៏នឹងអញ្ជើញធ្វើជាអធិបតី ក្នុងពិធីចុះហត្ថលេខាលើឯកសារ សហប្រតិបត្តិ ការ មួយ ចំនួន ផងដែរ។

ក្រៅតែពីការបំពេញទស្សនកិច្ចជាផ្លូវការហើយនោះ សម្តេចមហាបវរធិបតីនាយករដ្ឋមន្រ្តីក៏ នឹងអញ្ជើញចូលរួមពិព័រណ៍អាស៊ាន-ចិន លើកទី២០ ពីថ្ងៃទី១៦ ដល់១៧ ខែកញ្ញា នៅ ទីក្រុង ណាននីង តំបន់ស្វយ័តក្វាងស៊ីផងដែរ៕

The post មន្ត្រីជាន់ខ្ពស់ចិនរូបណាអញ្ជើញទទួលបដិសណ្ឋារកិច្ចសម្ដេចធិបតី ហ៊ុន ម៉ាណែត នៅប្រលានយន្តហោះក្រុងប៉េកាំង appeared first on .

យោងតាមការបង្ហោះសារនៅលើបណ្ដាញសង្គម Facebook ផ្លូវការរបស់សម្ដេចធិបតី នាយករដ្ឋមន្ត្រីនៃព្រះរាជាណាចក្រកម្ពុជាបានបង្ហាញថា ថ្នាក់ដឹកនាំទាំង២ បានគូសបញ្ជាក់ពី​គោលបំណងចង់បង្កើត និងបង្កើនឧត្ដមប្រយោជន៍បន្ថែម សម្រាប់ប្រជាជាតិទាំងពីរ តាមរយៈយន្តការនៃការពង្រឹង និង ពង្រីកកិច្ចសហប្រតិបត្តិការ រវាងគ្នា ដោយឈរលើចំណងមិត្តភាពដ៏រឹងមាំ និងស្អិតរមួត ។

ជាមួយគ្នានេះ ថ្នាក់ដឹកនាំទាំងពីររំពឹងថា នឹងបន្តកិច្ចពិភាក្សាជាមួយគ្នាបន្ថែមទៀត នៅក្នុងដំណើរទស្សនកិច្ចរបស់សម្ដេចធិបតី ទៅកាន់ប្រទេសចិននាពេលខាងមុខដ៏ខ្លីនេះ។

បន្ថែមពីនោះ នាយករដ្ឋមន្ត្រីចិន Li Qiang ក៏បានសម្តែងនូវការអបអរសាទរយ៉ាងកក់ក្ដៅចំពោះ សម្ដេចធិបតី ដែលត្រូវបានជ្រើសតាំងជានាយករដ្ឋមន្ត្រី នៃព្រះរាជាណាចក្រកម្ពុជា សម្រាប់នីតិកាលទី ៧ នៃរដ្ឋសភា និង បានផ្តាំផ្ញើនូវការសួរសុខទុក្ខ និងក្ដីនឹករលឹកពីសំណាក់ ឯកឧត្តម ប្រធានាធិបតី ស៊ី ជីនពីង និង រូប ឯកឧត្តម ផ្ទាល់ ជូនចំពោះ សម្តេចតេជោ ប្រធានឧត្តមក្រុមប្រឹក្សាផ្ទាល់ព្រះមហាក្សត្រ ។

ជាមួយនឹងការថ្លែងអំណរគុណចំពោះការអបអរសាទរ សម្តេចធិបតី ក៏សូមពាំនាំនូវការផ្តាំផ្ញើការសួរសុខទុក្ខ និង នឹករលឹកពីសំណាក់សម្ដេចតេជោ ជូនចំពោះ ឯកឧត្តមប្រធានាធិបតី ស៊ី ជីនពីង និង ប្រជាជនចិន ដែលជាមិត្តល្អរបស់ប្រជាជន និង ប្រទេសកម្ពុជា៕

The post សម្ដេចធិបតី ហ៊ុន ម៉ាណែត និងនាយករដ្ឋមន្ត្រីចិន ប្ដេជ្ញាបង្កើនផលប្រយោជន៍ ជូនប្រជាជាតិទាំង២ appeared first on .

តទៅនេះគឺជាបញ្ជីឈ្មោះ និងអាយុរបស់មេដឹកនាំ និងសមាជិកអាស៊ាន ដែលបានចូលរួមកិច្ចប្រជុំកំពូលអាស៊ានលើកទី៤៣ នៅប្រទេសឥណ្ឌូណេស៊ី ដែលមានដូចជា ព្រះចៅស៊ុលតង់ ហាជី ហាលសាណាល់ បុលគីយ៉ាស់ មុយអ៊ីហ្សាឌីន វ៉ាឌូឡាហ៍ ព្រះមហាក្សត្រ ព្រុយណេដារូហ្សាឡឹម មានអាយុ ៧៧ឆ្នាំ នាយករដ្ឋមន្ត្រីទីម័រខាងកើត លោក Xanana Gusmao អាយុ ៧៧ឆ្នាំ នាយករដ្ឋមន្ត្រីម៉ាឡេស៊ី លោក Anwar Ibrahim អាយុ ៧៦ឆ្នាំ នាយករដ្ឋមន្ត្រីសិង្ហបុរី លី សៀនលូង មានអាយុ ៧១ឆ្នាំ ប្រធានាធិបតីហ្វីលីពីន ហ្វឺឌីណាន់ ម៉ាកូស ជេអរ មានអាយុ ៦៦ឆ្នាំ នាយករដ្ឋមន្ត្រីវៀតណាម ផាម មិញជិញ មានអាយុ ៦៣ឆ្នាំ ប្រធានាធិបតីឥណ្ឌូណេស៊ី ចូកូ វីដូដូ មានអាយុ ៦២ឆ្នាំ ប្រធានគណៈប្រតិភូព្រះរាជាណាចក្រថៃ លោក Sarun Charoensuwan មានអាយុ ៥៨ឆ្នាំ នាយករដ្ឋមន្ត្រីឡាវ Sonexay Siphandone មានអាយុ ៥៧ឆ្នាំ និងនាយករដ្ឋមន្ត្រីកម្ពុជា សម្ដេចបវរមហាធិបតី ហ៊ុន ម៉ាណែត មានអាយុ ៤៥ឆ្នាំ។

ដោយឡែក សម្រាប់បញ្ជីឈ្មោះនៃមេដឹកនាំអាស៊ានបូក វិញមានដូចជា រដ្ឋមន្ត្រីការបរទេសរុស្ស៊ី Sergei Lavrov មានអាយុ ៧៣ឆ្នាំ នាយករដ្ឋមន្ត្រីឥណ្ឌា Narendra Modi មានអាយុ ៧២ឆ្នាំ នាយករដ្ឋមន្ត្រីជប៉ុន Fumio Kishida មានអាយុ ៦៦ឆ្នាំ នាយករដ្ឋមន្ត្រីចិន Li Qiang មានអាយុ ៦៤ឆ្នាំ ប្រធានាធិបតីកូរ៉េខាងត្បូង Yoon Suk-yeol មានអាយុ ៦២ឆ្នាំ នាយករដ្ឋមន្ត្រីអូស្ត្រាលី Anthony Albanese មានអាយុ ៦០ឆ្នាំ អនុប្រធានាធិបតីអាមេរិក លោកស្រី Kamala Harris អាយុ ៥៨ឆ្នាំ នាយករដ្ឋមន្ត្រីកាណាដា Justin Trudeau មានអាយុ ៥១ឆ្នាំ និងភ្ញៀវកិត្តិយសអគ្គលេខាធិការអង្គការសហប្រជាជាតិ Antonio Guterres មានអាយុ ៧៤ឆ្នាំ៕

The post តើមេដឹកនាំអាស៊ានរូបណាមានវ័យចំណាស់ជាងគេ ខណៈសម្ដេចធិបតី ហ៊ុន ម៉ាណែត ក្មេងជាងគេបង្អស់? appeared first on .

ជំនួបនេះ ជាលើកដំបូងដែលសម្ដេចធិបតី បានដឹកនាំគណៈប្រតិភូបំពេញបេសកកម្មនៅក្រៅប្រទេស ហើយជំនួបជាមួយលោក កៅ គឹមហួន ជាជំនួបលើកដំបូង នៅក្រៅប្រទេសរបស់សម្ដេចក្នុងឋានៈជានាយករដ្ឋមន្ត្រី។

ក្នុងឱកាសនោះលោក កៅ គឹមហួន បានជម្រាបសម្តេចធិបតី ហ៊ុន ម៉ាណែត ពីចក្ខុវិស័យរបស់អាស៊ានសម្រាប់២០៤៥ ត្រូវបានអនុម័តដោយក្រុមប្រឹក្សាសហគមន៍សន្ដិសុខនយោបាយ អាស៊ាន ដែលជាចក្ខុវិស័យរយៈពេលវែង រហូតដល់២៥ឆ្នាំ ដែលមិនធ្លាប់មាននៅក្នុងប្រវត្តិសាស្ត្ររបស់អាស៊ាន។ ក៏ប៉ុន្តែ អ្វីដែលជាកិច្ចការអាស៊ានដែលលោកមកបំពេញពេលនេះ គឺចាប់អារម្មណ៍ជាងគេនៅក្នុងសសរស្ដម្ភទាំងបីរបស់ អាស៊ាន គឺអាស៊ានប្រមូលផ្ដុំលើសហគមន៍សេដ្ឋកិច្ចអាស៊ានដែលកំពុងតែលេចធ្លោរនៅក្នុងកិច្ចការរបស់អាស៊ានដោយទទួលបាននូវការផ្តល់ថវិកាជាអាទិភាពជាច្រើនសម្រាប់ឱ្យសហគមន៍សេដ្ឋកិច្ចអាស៊ានដំណើរការប្រកបដោយប្រសិទ្ធភាព។

លោកលើកឡើងថា អាស៊ានបានធ្វើការបើកសេដ្ឋកិច្ចឌីជីថលឈានទៅដល់២០២៥ ដែលតាមការវាយតម្លៃគឺអាចបំពេញបន្ថែមថវិការហូតដល់២ទ្រីលានដុល្លារ នៅឆ្នាំ២០៣០ ហើយផលិតផលក្នុងស្រុកសរុប របស់អាស៊ាន អាចនឹងកើតដល់២ទ្រីលានដុល្លារ នៅឆ្នាំ ២០៣០ ។ ចំពោះសហគមន៍សេដ្ឋកិច្ចអាស៊ានមាន ឯកសារច្រើនជាងគេ ដែលត្រូវអនុម័តបន្ទាប់មកគឺការ អនុម័តលើឯកសារនៃសហគមន៍សង្គម វប្បមធម៌អាស៊ាន ។

សម្ដេចធិបតី បានកោតសរសើ និងវាយតម្លៃខ្ពស់ចំពោះការរួមចំណែក របស់អគ្គលេខាធិការអាស៊ាន អគ្គលេខាធិការដ្ឋានអាស៊ាន ចំពោះការខិតខំប្រឹងប្រែង និងគំនិតផ្ដួចផ្ដើមនានា ក្នុងការជំរុញដំណើរកសាងសហគមន៍អាស៊ាន។ សម្ដេចធិបតី ក៏បានឯកភាពចំពោះអាស៊ាន ដែលផ្ដោតទៅលើសហគមន៍សេដ្ឋកិច្ចអាស៊ាន ដែលបានធ្វើសមាហរណកម្មនៅក្នុងតំបន់អាស៊ាន ដោយផ្ដោតសក្ដានុពលជំរុញសេដ្ឋកិច្ចអាស៊ាន ពិសេស ជំរុញកិច្ចព្រមព្រៀងភាពជាដៃគូសេដ្ឋកិច្ចតំបន់គ្រប់ជ្រុងជ្រោយ (RCEP) ។

ជាមួយគ្នានោះ សម្ដេចធិបតី បានលើកអំពីបញ្ហាសន្ដិសុខ ដែលជាបញ្ហាចម្បង អាស៊ានដែលទាមទារឱ្យអាស៊ាន ខិតខំធ្វើការ សម្របសម្រួល សំដៅធ្វើការកាត់បន្ថយជម្លោះ ដើម្បីថែរក្សាសន្ដិភាព ស្ថិរភាព ធានាឱ្យមាន វិបុលភាពដែលជាមូលដ្ឋានសំខាន់នៃការអភិវឌ្ឍសេដ្ឋកិច្ច ។

សម្ដេចធិបតី មានប្រសាសន៍បន្តថា អគ្គលេខាធិការអាស៊ានយល់ច្បាស់ណាស់អំពីតម្លៃ នៃសន្ដិភាព ហើយប្រសិនបើនៅក្នុងតំបន់មានអស្ថិរភាព និងមានការលំបាក នោះនឹងធ្វើឱ្យ ប៉ះពាល់ដល់សេដ្ឋកិច្ចអាស៊ានទាំងមូល ។ ដូច្នេះ អាស៊ានត្រូវដើរតួនាទីយ៉ាងសំខាន់ក្នុងការពង្រឹង ថែរក្សា សន្ដិភាព ស្ថិរភាព ហើយក៏ជាកិច្ចដ៏សំខាន់ដោះស្រាយបញ្ហាផ្ទៃក្នុង របស់សមាជិកអាស៊ាន ដែលត្រូវតែខិតខំរកដំណោះស្រាយរួមគ្នា ជាពិសេសលើបញ្ហា នៅប្រទេសមីយ៉ាន់ម៉ា។ សម្ដេចធិបតី បាន លើកឡើងថា អាស៊ានដើរតួនាទីសំខាន់ក្នុង ការជួយគាំទ្រដល់មីយ៉ាន់ម៉ា និងលើកទឹកចិត្តដល់អគ្គលេខាធិការអាស៊ាន ក្នុងការជួយស្វែងរកជំនួយមនុស្សធម៌ ជូន ប្រជាជនភូមា។

ក្នុងឱកាសនោះដែរ សម្ដេចធិបតី បានគាំទ្រ ចក្ខុវិស័យអាស៊ាន ២០៤៥ ហើយចាត់ទុកថាការមានចក្ខុវិស័យសម្រាប់រយ:ពេលវែង តែត្រូវមានការអនុវត្តចែកជាដំណាក់កាល។ សម្ដេច ក៏ជំរុញឱ្យអាស៊ាន ជួយពន្លឿនការបើកផ្លូវឱ្យសាធារណរដ្ឋទីម័រខាងកើតក្លាយជាសមាជិកពេញសិទ្ធិអាស៊ាន៕

The post ជំនួបដំបូងក្នុងបេសកកម្មក្រៅប្រទេស តើសម្តេចធិបតី ហ៊ុន ម៉ាណែត ជជែកអ្វីខ្លះជាមួយអគ្គលេខាធិការអាស៊ាន? appeared first on .