កម្មវិធីថ្ងៃចូលរោងការកូនប្រុសពៅសម្ដេច សុខ អាន និងកូនស្រីឧកញ៉ា កែវ មុំ ម្សិលមិញ ស្រស់បំព្រងតែម្ដង!

រ៉េត សុកធា — Thu, 28 Mar 2024 01:40:21 +0000

ថ្ងៃចូលរោងលោក សុខ សង្វារ រដ្ឋលេខាធិការក្រសួងមុខងារសាធារណៈ ត្រូវជាកូនប្រុសពៅរបស់សម្ដេចវិបុលបញ្ញា សុខ អាន ជាមួយកូនក្រមុំនាម អ៊ឹង ឈីវលី ហៅ លីលី ម្ចាស់ក្រុមហ៊ុនផលិតនំស្រួយលីលី និងជាកូនស្រីរបស់លោកស្រីឧកញ៉ា កែវ មុំ មានការតុបតែងយ៉ាងប្រណិត ស័ក្ដិសមនឹងឋានៈបុណ្យស័ក្ដិ មុខមាត់ក្នុងសង្គម។

ងាកទៅមើលកូនកំលោះ-កូនក្រមុំវិញពិតជាសម្អិតសម្អាងយ៉ាងស្រស់ស្អាតទាំងគូ មើលទៅពិតជាសមគ្នាខ្លាំងណាស់។ មិនមែនតែកូនកំលោះ-ក្រមុំឡើយ រៀបចំតុបតែងខ្លួនយ៉ាងស្រស់ស្អាតនោះ ក្រុមគ្រួសារ សាច់ញាតិ និងភ្ញៀវកិត្តិយសទាំងអស់ សុទ្ធតែជ្រើសរើសការឈុតស្លៀកចូលរួមកម្មវិធីជយមង្គលនោះ យ៉ាងផ្ចិតផ្ចង់ផងដែរ។

កម្មវិធីកាលពីល្ងាចមិញនេះ ឃើញមានការចូលរួមពីសំណាក់មន្ត្រីរាជការកំពូលៗជាច្រើន និងអ្នកជំនួញល្បីឈ្មោះលំដាប់ប្រភេទ ព្រមទាំងអ្នកធ្វើការនៅស្ថាប័នឯកជនផ្សេងៗទៀត។ ក្នុងទឹកមុខញញឹមស្រស់ជាប់ជានិច្ចរបស់កូនកំលោះ សុខ សង្វារ និងកូនក្រមុំ អ៊ឹង ឈីវលី ញ៉ាំងឲ្យរូបភាពដែលផ្ដិតចេញមក គួរជាទីចាប់អារម្មណ៍។

កម្មវិធីចូលរោងរបស់កូនប្រុសពៅសម្ដេច សុខ អាន និងកូនស្រីរបស់លោកស្រីឧកញ៉ា កែវ មុំ បានរៀបចំតាំងពីព្រឹកម្សិលមិញ និងមានពិធីប្រពៃណីច្រើនហូរហែ៕

The post កម្មវិធីថ្ងៃចូលរោងការកូនប្រុសពៅសម្ដេច សុខ អាន និងកូនស្រីឧកញ៉ា កែវ មុំ ម្សិលមិញ ស្រស់បំព្រងតែម្ដង! appeared first on .

រូបភាពខ្លះៗថ្ងៃចូលរោងការកូនប្រុសពៅសម្ដេច សុខ អាន ជាមួយកូនស្រីឧកញ៉ា កែវ មុំ

រ៉េត សុកធា — Wed, 27 Mar 2024 08:21:37 +0000

ថ្ងៃចូលរោងមង្គលការរបស់កូនប្រុសពៅសម្ដេច សុខ អាន ជាមួយកូនស្រីឧកញ៉ា កែវ មុំ បាននឹងប្រព្រឹត្តិទៅជាបន្តបន្ទាប់មកហើយ ដោយចាប់ផ្ដើមតាំងពីព្រឹក។

កម្មវិធីសិរីជ័យមង្គលរបស់កូនកំលោះ សុខ សង្វារ និងកូនក្រមុំ អ៊ឹង ឈីវលី ម្ចាស់ក្រុមហ៊ុនផលិតនំស្រួយ លីលី បានរៀបចំយ៉ាងប្រណីត និងមានក្បួនខ្នាតបែបខ្មែរបុរាណតាមលំដាប់លំដោយប្រព្រឹត្តឡើង ២ ថ្ងៃពេញតែម្ដង។ ដើម្បីទទួលភ្ញៀវកិត្តិយសឧកញ៉ា កែវ មុំ បានត្រៀមខ្លួន និងរៀបចំរួចរាល់ហើយសម្រាប់កម្មវិធីសិរីមង្គលកូនប្រុសស្រីទាំង ២។

នៅមុននេះដែរឧកញ៉ា កែវ មុំ បានបង្ហោះវីដេអូរៀបចំពិធីសំអាងកេសាឲ្យកូនកំលោះក្នុងទឹកមុខញញឹមស្រស់បំព្រង។

នៅថ្ងៃ ២៧ និង ២៨ ខែមីនា ឆ្នាំ ២០២៤ នេះ រៀបចំឡើងនៅគេហដ្ឋានសម្ដេច សុខ អាន លើផ្លូវសម្ដេចប៉ាន សម្រាប់ពេលល្ងាចថ្ងៃ ២៨ ទទួលទានភោជនីយាហារគឺធ្វើឡើងនៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ OCIC៕

The post រូបភាពខ្លះៗថ្ងៃចូលរោងការកូនប្រុសពៅសម្ដេច សុខ អាន ជាមួយកូនស្រីឧកញ៉ា កែវ មុំ appeared first on .

សម្ដេច សុខ អាន​

កម្មវិធីថ្ងៃចូលរោងការកូនប្រុសពៅសម្ដេច សុខ អាន និងកូនស្រីឧកញ៉ា កែវ មុំ ម្សិលមិញ ស្រស់បំព្រងតែម្ដង!

រូបភាពខ្លះៗថ្ងៃចូលរោងការកូនប្រុសពៅសម្ដេច សុខ អាន ជាមួយកូនស្រីឧកញ៉ា កែវ មុំ

សម្ដេច សុខ អាន