ក្នុងឱកាសដ៏វិសេសវិសាលនោះ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអញ្ជើញមានប្រសាសន៍សំណេះសំណាលប្រកបដោយការនឹករលឹកជាមួយអតីតយុទ្ធជន និងនិវត្តជន ព្រមទាំងអញ្ជើញផ្តល់កិត្តិយសដ៏ខ្ពង់ខ្ពស់កាត់ខ្សែបូសម្ពោធប្រគល់-ទទួលផ្ទះថ្មីចំនួន ១០០ខ្នង និងអណ្ដូងទឹកចំនួន ១២៥អណ្ដូង បន្ថែមទៀត ជូនដល់គ្រួសាអតីតយុទ្ធជន និងនិវត្តជន ស្ថិតនៅភូមិប៊ុនរ៉ានីសែនជ័យដំណាក់ត្រយឹង គឺជាភូមិថ្មីមួយ ដែលទើបចូលរស់នៅនានាពេលថ្មីៗនេះ។ ជាមួយគ្នានោះ សម្ដេចប្រធាន ក៏បានអញ្ជើញចុះទៅពិនិត្យស្ថានភាពជីវភាពរស់នៅប្រចាំថ្ងៃ ការរៀបចំដាំដុះបន្លែបង្កា និងការចិញ្ជឹមសត្វ តាមខ្នងផ្ទះជាក់ស្តែងផងដែរ។

សូមជម្រាបដែរថា ភូមិប៊ុនរ៉ានីសែនជ័យដំណាក់ត្រយឹង គឺជាភូមិថ្មីមួយ ដែលមានផ្ទៃដីសរុប ១ ១៣០ហិកតា ស្ថិតនៅក្នុងឃុំព្រងិល ស្រុកភ្នំក្រវ៉ាញ ខេត្តពោធិ៍សាត់ ដែលត្រូវបានរាជរដ្ឋាភិបាលក្នុងអាណត្តិមុនបង្កើតឡើងក្នុងឆ្នាំ២០២១ ដើម្បីចែកដី និងលំនៅដ្ឋានជូនអតីតយុទ្ធជន និងគ្រួសារអតីតយុទ្ធជន។ បច្ចុប្បន្ននៅក្នុងភូមិប៊ុនរ៉ានីសែនជ័យដំណាក់ត្រយឹង មានខ្នងផ្ទះសរុបចំនួន ៩២០ខ្នងផ្ទះ ហើយរាជរដ្ឋាភិបាលក្នុងនីតិកាលបច្ចុប្បន្ន បាននិងកំពុងបន្តកិច្ចការងារអភិវឌ្ឍន៍ហេដ្ឋារចនាសម្ព័ន្ធនានាដើម្បីបម្រើជូននូវសេវាសាធារណៈចាំបាច់ដូចជា សាលារៀន មន្ទីរពេទ្យ វត្តអារាម ទឹកស្អាត បណ្តាញអគ្គីសនី ដើម្បីឱ្យការរស់នៅរបស់បងប្អូនប្រជាពលរដ្ឋប្រកបដោយវិបុលភាព។

បើតាមលោក ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទខេត្ត បានឱ្យដឹងដែរថា ក្រសួងបាននិងកំពុងចូលរួមអភិវឌ្ឍនៅក្នុងភូមិប៊ុនរ៉ានីសែនជ័យដំណាក់ត្រយឹង តាមរយៈការកសាងហេដ្ឋារចនាសម្ព័ន្ធគមនាគមន៍ជនបទមានប្រវែងសរុប ៥៩,៥០គ.ម. ដោយប្រើប្រាស់ថវិការបស់រាជរដ្ឋាភិបាលកម្ពុជា។ គិតមកដល់បច្ចុប្បន្ន ក្រសួងអភិវឌ្ឍន៍ជនបទបានស្ថាបនារួចនូវផ្លូវប្រវែង ៣២,១គ.ម. លូមូលគ្រប់ប្រភេទចំនួន ៤៥កន្លែង លូប្រអប់ចំនួន ២២កន្លែង និងទំនប់បង្ហៀរទឹក ១កន្លែ ហើយក្នុងឆ្នាំ២០២៦ នេះ ក្រសួងគ្រោងស្ថាបនាផ្លូវ ១កំណាក់ ប្រវែង ៥.១គ.ម. បន្ថែមទៀតផងដែរ។ ដោយឡែកផ្លូវដែលនៅសល់ ក្រសួងគ្រោងនឹងធ្វើការស្ថាបនានៅក្នុងផែនការឆ្នាំបន្តបន្ទាប់ទៀត៕ អត្ថបទ៖ហ្សាលីន

The post សម្ដេចកិត្តិព្រឹទ្ធបណ្ឌិត ប៊ុន រ៉ានី ប្រគល់ផ្ទះថ្មីចំនួន ១០០ខ្នងជូនដល់គ្រួសាអតីតយុទ្ធជន និងនិវត្តជននៅខេត្តពោធិ៍សាត់ appeared first on .

ការលើកឡើងនេះ បានធ្វើឡើងតាមរយៈសារលិខិតក្នុងឱកាសទិវាឆ្មបជាតិ-អន្តរជាតិ ៥ ឧសភា ២០២៦ ក្រោមប្រធានបទ៖ ពិភពលោកត្រូវការឆ្មបបន្ថែម ១លាននាក់ ដែលផ្សាយនៅថ្ងៃទី៤ ខែឧសភា ឆ្នាំ២០២៦។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានបញ្ជាក់ថា ក្នុងឱកាសទិវាឆ្មបជាតិ-អន្តរជាតិ ៥ ឧសភា ២០២៦ ក្រោមប្រធានបទ “ពិភពលោកត្រូវការឆ្មបបន្ថែម ១លាននាក់ សម្តេចមានក្តីសោមនស្សរីករាយចូលរួមជាមួយរាជរដ្ឋាភិបាលកម្ពុជា និងសហគមន៍អន្តរជាតិ ក្នុងការ លើកតម្កើងនូវតួនាទីដ៏មានសារៈសំខាន់របស់បង-ប្អូនឆ្មប ដែលជាអ្នកគាំពារអាយុជីវិត និងសុខភាពរបស់ស្ត្រី ជាមាតា និងទារក។

ជាមួយគ្នានេះ សម្តេចថា ឆ្មប គឺជាស្នូលដ៏សំខាន់ក្នុងការធានាបាននូវសុវត្ថិភាពមាតា និងទារក ព្រោះថា ឆ្មប គឺជាអ្នកផ្តល់នូវការ ថែទាំសំខាន់ៗក្នុងពេលពរពោះ, ក្នុងការជួយដល់ការសម្រាលដោយសុវត្ថិភាព និងធានាដល់ការថែទាំស្ត្រីជាមាតា និងទារកក្រោយសម្រាល។ ទន្ទឹមនឹងនេះ វិជ្ជាជីវៈឆ្មប គឺជាការងារដ៏ឧត្តុង្គឧត្តម និងជាការជួយសង្គ្រោះអាយុ ជីវិតមនុស្ស និងផ្តល់ក្តីសង្ឃឹមដល់គ្រួសារទាំងឡាយ និងជួយឱ្យកុមារម្នាក់ៗ ចាប់ផ្តើមជីវិតប្រកបដោយ សេចក្តីថ្លៃថ្នូរ និងការថែទាំងយ៉ាងហ្មត់ចត់។ អនាគតរបស់យើង គឺអាស្រ័យទៅលើសុខភាពទារក និងមាតា។

សម្តេច ក៏ស្នើសុំរាជរដ្ឋាភិបាល ជាពិសេសក្រសួងសុខាភិបាល សូមបន្តកិច្ចខិតខំប្រឹងប្រែង ក្នុងការពង្រឹងប្រព័ន្ធសុខាភិបាល និងក្នុងការជំរុញសេវាគ្របដណ្តប់សុខភាពជាសកល។ ទន្ទឹមនឹងនេះដែរ ការវិនិយោគបន្ថែម គឺជារឿងចាំបាច់បំផុត ដើម្បីបង្កើនទាំងបរិមាណ និងគុណភាពនៃមន្ត្រីជំនាញ បុគ្គលិក សុខាភិបាល, គិលានុបដ្ឋាក និងឆ្មប ដើម្បីឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋយើង។

ជាថ្មីម្តងទៀត សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក៏សូមឱ្យស្មារតីនៃទិវាឆ្មបជាតិ-អន្តរជាតិ ជួយពង្រឹងការប្តេជ្ញាចិត្តរួមគ្នារបស់យើងក្នុងការធានាថា មាតា និងទារកគ្រប់រូបនៅកម្ពុជាទទួលបាននូវការថែទាំប្រកបដោយសុវត្ថិភាព ការគោរព ការផ្តល់តម្លៃ និងការថែទាំ មានគុណភាពខ្ពស់ ព្រមទាំងរួមចំណែកដល់កិច្ចខិតខំប្រឹងប្រែងជាសកលដោះស្រាយបញ្ហាកង្វះឆ្មប ១លាននាក់ និងដើម្បីសម្រេចបានគោលដៅអភិវឌ្ឍន៍ប្រកបដោយចីរភាព៕ អត្ថបទ៖ហ្សាលីន

The post សម្តេចកិត្តិព្រឹទ្ធបណ្ឌិត ប៊ុន រ៉ានី៖ ឆ្មប គឺជាស្នូលដ៏សំខាន់ក្នុងការធានាបាននូវសុវត្ថិភាពមាតា និងទារក appeared first on .

ក្នុងឱកាស​ជួប​សំណេះសំណាល​ជាមួយ​ប្រតិភូ​សមាគមឧកញ៉ាកម្ពុជា ចំនួន​៧៣រូប ដែលដឹកនាំ​ដោយ​ លោក​អ្នកឧកញ៉ា លី យ៉ុងផាត់ ​​កាលពី​ព្រឹក​ថ្ងៃទី២១ ខែមិថុនា ឆ្នាំ២០២៤ សម្តេចកិត្តិព្រឹទ្ធបណ្ឌិត ​​បាន​លើកឡើង​ថា គិតចាប់ពី​ឆ្នាំ១៩៩៩ រហូត​មក​ដល់​បច្ចុប្បន្ន កាកបាទក្រហមកម្ពុជា​ទទួលបាន​ជោគជ័យ​ជា​បន្តបន្ទាប់​មក​នេះ គឺ​មិនអាច​ខ្វះបាន​នូវការចូលរួម​ពី លោកអ្នកឧកញ៉ា អ្នកឧកញ៉ា ឧកញ៉ា យ៉ាងសកម្ម​ក្នុង​សកម្មភាព​មនុស្សធម៌ ដោយ​បាន​បរិច្ចាគ​នូវ​ធនធាន​និង​សម្ភារៈ​ជា​ច្រើន ដើម្បី​ទុក​លទ្ធភាព​ដល់​កាកបាទក្រហម​កម្ពុជា​បំពេញ​តួនាទី​ក្នុង​ការ​ឆ្លើយតប​ទៅ​នឹង​ការ​ខ្វះខាត​ជាក់ស្តែង និង​តម្រូវ​ការ​ចាំបាច់​របស់​ប្រជាពលរដ្ឋ​រងគ្រោះ។

ទន្ទឹមនឹង​នេះ​ សម្តេចក៏បាន​មាន​ប្រសាសន៍​គាំទ្រ​យ៉ាង​ពេញ​ទំហំ​ចំពោះ​ការ​បង្កើត​សមាគម​ឧកញ៉ាកម្ពុជា ដែល​មាន​​ចក្ខុវិស័យ​ បេសកកម្ម និង​រចនាសម្ព័ន្ធ​ដឹកនាំ​ច្បាស់លាស់​ដោយ​មាន សម្តេចតេជោ ហ៊ុន សែន ជាប្រធាន​កិត្តិយស និង​កំពុង​តែ​មាន​ភាព​រីក​ចម្រើន​ជា​លំដាប់ ព្រម​ទាំង​មាន​ការ​ទទួលស្គាល់​ពី​ស្ថាប័ន​មាន​សមត្ថកិច្ច​នានា និង​ថ្នាក់ដឹកនាំ​កំពូលៗ​ជា​ច្រើន។ ជាពិសេស​តាម​រយៈព្រះរាជក្រឹត្យ​ស្តីពីគោរមងារ​ឧកញ៉ា ហើយ​បាន​និង​កំពុង​បំពេញ​តួនាទី​ដ៏​សំខាន់​ក្នុង​ការ​អភិវឌ្ឍ​សេដ្ឋកិច្ច​ជាតិ ដើម្បី​រួម​ចំណែក​ជំរុញ​ឱ្យ​ព្រះរាជាណាចក្រកម្ពុជា កាន់​តែ​រីក​ចម្រើន​ជឿនលឿន។

សូមជម្រាបជូន​ថា ក្នុង​ពិធី​ជួប​សំណេះសំណាល​នេះ លោកអ្នកឧកញ៉ា លី យ៉ុងផាត់ និងប្រតិភូសមាគម​ឧកញ៉ាកម្ពុជា​ចំនួន​៧៣រូប បាន​នាំយកថវិកា ចំនួន ១.៥៥៥.៥៥៥ ដុល្លារ ប្រគល់ជូន សម្តេចកិត្តិ ព្រឹទ្ធបណ្ឌិត ដែលជាថវិកាបានពីការចូលរួមបរិច្ចាគរបស់សមាជិកចំនួន១០០រូប ក្នុងឱកាសខួបទី១៦១ ទិវាពិភពលោក កាកបាទក្រហម និងអឌ្ឍចន្ទក្រហម ឆ្នាំ២០២៤ ខណៈដែល​ឆ្នាំ២០២៣កន្លងមក លោកអ្នកឧកញ៉ា លី យ៉ុងផាត់ និងប្រតិភូសមាគម​ឧកញ៉ាកម្ពុជា ក៏​បាន​ប្រគល់​ថវិកា​ចំនួន ១.៣៤៣.០០០ដុល្លារ ក្នុង​ឱកាស​ខួប​ទី១៦០ ទិវា​កាកបាទក្រហម និង​អឌ្ឍចន្ទក្រហម​ផងដែរ៕

The post សម្តេចកិត្តិព្រឹទ្ធបណ្ឌិត៖ ភាពជោគជ័យរបស់កាកបាទក្រហមកម្ពុជា មិនអាចខ្វះបាននូវការចូលរួមពី លោកអ្នកឧកញ៉ា អ្នកឧកញ៉ា ឧកញ៉ា appeared first on .

បើតាមសេចក្តីសម្រេចកែសម្រួល និងតែងតាំងសមាសភាពប្រធាន-អនុប្រធានកិត្តិយសនៃសាខាកាកបាទក្រហមកម្ពុជាខេត្តព្រៃវែង ចុះហត្ថលេខាដោយសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន កាលថ្ងៃទី១៦ ខែតុលា ឆ្នាំ២០២៣នេះ បានតែងតាំងសមាសភាពសម្រាប់អាណត្តិទី៥ ចំនួន ៣៧រូប ក្នុងនោះមានរដ្ឋមន្រ្តីចំនួន ២រូប និងសប្បុរសជនមានគោរមងារឧកញ៉ា ៣រូប។

រដ្ឋមន្រ្តី និងឧកញ៉ាទាំំង ៥រូបនោះរួមមាន៖ លោក ស សុខា ឧបនាយករដ្ឋមន្រ្តីក្រសួងមហាផ្ទៃ ជាប្រធានកិត្តិយស, លោក ជា សុមេធី រដ្ឋមន្រ្តីសង្គមកិច្ច អតីតយុទ្ធជន និងយុវនីតិសម្បទា និងជាអតីតអភិបាលខេត្តព្រៃវែង, ឧកញ៉ា ឡេង ហ៊ួរ, ឧកញ៉ា ជួន កុសល និងឧកញ៉ា សា លាង ជាអនុប្រធានកិត្តិយស។

សេចក្តីសម្រេចដដែលក៏បានតែងតាំងលោក គង់ វិបុល រដ្ឋមន្រ្តីប្រតិភូមអមនាយករដ្ឋមន្រ្តី និងជាអគ្គនាយកនៃអគ្គនាយកដ្ឋានពន្ធដារ និងលោក ហ៊ី បាវី ប្រតិភូរាជរដ្ឋាភិបាលទទួលបន្ទុកជាប្រធានអគ្គនាយកកំពង់ផែស្វយ័តភ្នំពេញ ជាអនុប្រធានកិត្តិយសផងដែរ៕

The post សម្តេច ប៊ុន រ៉ានី តែងតាំងរដ្ឋមន្រ្តី និងឧកញ៉ា៥រូបជាប្រធាន-អនុប្រធានកិត្តិយសនៃសាខាកាកបាទក្រហមខេត្តព្រៃវែង appeared first on .

ក្នុងព្រះរាជក្រឹត្យព្រះករុណា ព្រះមហាក្សត្រ ទ្រង់មានព្រះរាជបន្ទូលបានទ្រង់យល់ ឯកឧត្តម គ្រី ទូច បានបរិច្ចាគកម្លាំងកាយ-ចិត្ត និងទ្រព្យធនប្រកបដោយ សទ្ធាជ្រះថ្លាដ៏ជ្រាលជ្រៅបំផុត បូជាចំពោះសង្គមជាតិ និងបានជួយកសាងសមិទ្ធផលនានា ជួយឧបត្ថម្ភដល់ជនក្រីក្រគ្មានទីពំនឹងទាំងឡាយ ប្រកបដោយមហាសប្បុរសធម៌ មនុស្សធម៌ដ៏ឧត្តុង្គឧត្តមនៅកម្ពុជា។  ឯកឧត្តម គ្រី ទូច ដែលប្រកបដោយសេចក្ដីរាប់អានដ៏ប្រសើរខ្ពង់ខ្ពស់ បានប្រកាន់ខ្ជាប់ក្នុងសេចក្តីស្រឡាញ់ដ៏វិសេស ហ្មត់ហ្មង ឥតមន្ទិល សេចក្តីបរិសុទ្ធក្នុងព្រះធម៌ បូជាចំពោះព្រះពុទ្ធសាសនា ។

បើតាមព្រះរាជក្រឹត្យដដែល ព្រះមហាក្សត្រ បានទ្រង់យល់ ឯកឧត្តម គ្រី ទូច បានចូលរួមការងារបម្រើជាតិ មាតុភូមិ តាមរដ្ឋធម្មនុញ្ញនៃកម្ពុជា ឆ្នាំ១៩៩៣ កសាងបាននូវសន្តិភាពជាតិ ឯកភាពជាតិសេដ្ឋកិច្ចជាតិ ការអភិវឌ្ឍជាតិលើគ្រប់វិស័យ ការពារលទ្ធិប្រជាធិបតេយ្យ និងមានស្ថិរភាព សន្តិសុខសង្គម បានល្អប្រសើរ ព្រមទាំងរក្សា និងការពារបាននូវឯករាជ្យជាតិ និងបូរណភាពទឹកដីក្រោមកិច្ចដឹកនាំដ៏ឆ្នើមឈ្លាសវៃ និងប៉ិនប្រសប់របស់សម្តេចតេជោ ហ៊ុន សែន នាយករដ្ឋមន្ត្រី។

ឯកឧត្តម គ្រី ទូច ជាកូនបង្កើតអ្នកឧកញ៉ា ព្រឹទ្ធមហាឧបាសិកា ធម្មញ្ញាណវិវឌ្ឍនា ប៊ុន ស៊ាងលី។ ឯកឧត្តមជាកូនទី២ ក្នុងចំណោមបងប្អូន៥នាក់ ជាបងបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកបាទក្រហមកម្ពុជា។ 

ឯកឧត្តម គ្រី ទូច ធ្លាប់ជាទី​ប្រឹក្សា​ក្រសួង​មហា​ផ្ទៃ​ ជា​អនុ​ប្រធាន​គណៈ​ពង្រឹង​មូល​ដ្ឋាន​ស្រុក​មុខ​កំពូល និង​ជា​ប្រធាន​គណៈ​ពង្រឹង​មូល​ដ្ឋាន​ឃុំ​សំបួរ​មាស​នៃ​គណ​បក្ស​ប្រជា​ជន​​កម្ពុជា៕

The post ព្រះមហាក្សត្រ ផ្តល់គោរមងារ«អ្នកឧកញ៉ាឧត្តមមង្គលសោភ័ណ្ឌ គ្រី​ ទូច» ដល់បងបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី appeared first on .

គោរពជូនពរពី ឧកញ៉ា ប៊ុន រតនា ជំនួយការផ្នែកសហគ្រិនវ័យក្មេង នៃយុវជនគណបក្សប្រជាជនកម្ពុជាថ្នាក់កណ្ដាល និងលោកជំទាវ ខៀវ យឺនពុទ្ធារ័ត្ន ព្រមទាំងបុត្រ។

The post ឧកញ៉ា ប៊ុន រតនា និងលោកជំទាវ ផ្ញើសារលិខិតជូនពរសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសចម្រើនជន្មាយុគម្រប់ ៦៧ឆ្នាំ ឈានចូល ៦៨ឆ្នាំ appeared first on .

នៅក្នុងឱកាសខួបទី១៥៨ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២១នេះ កាកបាទក្រហមកម្ពុជា សូមអំពាវនាវ សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន មេត្តាឧបត្ថម្ភគាំទ្រដោយសទ្ធាជ្រះថ្លា ដល់កាកបាទក្រហមកម្ពុជា ដើម្បីបន្តផ្តល់សេវាកម្មមនុស្សធម៌ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ។

សប្បុរសជនមានបំណងបរិច្ចាគមកទីស្នាក់ការកណ្តាល សូមទំនាក់ទំនង៖
១៖ លោកជំទាវ ពុំ ចន្ទីនី 012 921 105
២៖ លោកជំទាវ ម៉ែន នារីសោភ័គ 012 810 854
៣៖ ឯកឧត្តម ឌួង អេលីត 017 248 888

The post សម្ដេចតេជោ ហ៊ុនសែន និងសម្ដេចកិត្ដិព្រឹទ្ធបណ្ឌិត ប៊ុនរ៉ានី ហ៊ុនសែន បានឧបត្ថម្ភថវិកាជូនកាកបាទក្រហមកម្ពុជា appeared first on .

ក្នុងនាមជាមាតាមួយរូប​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ បានសម្តែងនូវការកោតសរសេីរយ៉ាងក្រៃលែងចំពោះ​ ស្ត្រីជាមាតាគ្រប់រូបដែលបានលះបង់គ្រប់បែបយ៉ាង​ ដែលក្នុងស្ថានភាពជាស្ត្រី​ មានភារកិច្ចទទួលខុសត្រូវទ្វេដងលេីស​ពីបុរស​ គឺបំពេញការងារស្នូលក្នុងអង្គភាព-ស្ថាប័ន​ផង​ និងត្រូវចិញ្ចឹមបីបាច់ថែទាំកូនតាំងពីនៅក្នុងផ្ទៃរហូតកេីតមក​ និងបន្តដល់ពេលពេញវ័យផង​ និងមិនដែលបោះបង់កូនទោះស្ថិតក្នុងស្ថានភាពណាក៏ដោយ។ នះបើតាមទំព័រហ្វេសបុកខុទ្ទកាល័យសម្តេចកិត្តិព្រឹទ្ធបណ្ឌិត។

​ នៅថ្ងៃសុក្រ​ ទី​ ១២​ ខែមីនា​ ឆ្នាំ២០២១​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ បានចាត់ឱ្យឯកឧត្តម​ ម៉ុម​ សារឿន​ អភិបាលខេត្តស្ទឹងត្រែង​ ចុះសួរសុខទុក្ខ​ និងនាំយកថវិកា​ ១០លានរៀល​ ផ្តល់ជូនដេីម្បីជាការលេីកទឹកចិត្ត​ និងជួយសម្រាលការលំបាកក្នុងជីវភាពរស់នៅប្រចាំថ្ងៃ។

លោកស្រី​អនុសេនីយ៍​ទោ​ ស៊ីថុង​ សុខា​ បានសម្តែងនូវក្តីរំភេីបរីករាយឥតឧបមា​បន្ទាប់ពីបានដឹងថា​ ករណីរបស់លោកស្រីបានជ្រាបទៅដល់​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ហេីយថែមទាំងទទួលបានការគិតគូរ​ យកចិត្តទុកដាក់យ៉ាងកក់ក្តៅ​ ដែលនេះជាការលេីកទឹកចិត្ត​ និងផ្តល់តម្លៃយ៉ាងធំធេង​ ចំពោះស្ត្រីជាមាតាគ្រប់រូប៕

The post សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ លេីកទឹកចិត្តដល់លោកស្រីអនុសេនីយ៍​ទោ​ ស៊ីថុង​ សុខា appeared first on .

ឯកឧត្តមទីប្រឹក្សា ពៅ សុខ ដែលជាអ្នកនិពន្ធស្នាដៃ “ទឹកចិត្តអ្នកជួយ​សង្រ្គោះ” បានប្រាប់អ្នកសារព័ត៌មាន នៅថ្ងៃទី ៥ ខែមករា ឆ្នាំ២០២១ ថា សៀវភៅនេះមានកម្រាស់ជាង ៤០០ ទំព័របានចាប់ផ្តើមសរសេរកាលពីចុងឆ្នាំ ២០១៣ និងបញ្ចប់សព្វគ្រប់ ការរៀបរៀងនៅពាក់កណ្តាលឆ្នាំ ២០២០ ដោយបានដាក់ចំណងជើងដំបូងជាភាសាបាលី គឺ ទឹកចិត្តសង្គហជន ដែលមានន័យ​ថា ទឹកចិត្តអ្នក​ជួយ​សង្រ្គោះ ដូចគ្នា។

ឯកឧត្តមបញ្ជាក់ទៀតថា សៀវភៅនេះរៀបរាប់ពីដំណើរជីវិត ដ៏ជូរ​ចត់​របស់សម្តេចព្រឹទ្ធបណ្ឌិត និងប្រជាជនខ្មែរក្នុងសម័យសង្រ្គាមបង្ហូរឈាមរវាងខ្មែរ និងខ្មែរ និងយុគសម័យដ៏​មហារន្ធត់វេទនា នៃការកាប់សម្លាប់ បង្អត់អាហារ ធ្វើការហួសកម្លាំង ៣ ឆ្នាំ ៨ ខែ ២០ ថ្ងៃ ដែលដឹកនាំដោយ​ពួក​ខ្មែរក្រហម ប៉ុល ពត។

ឯកឧត្តមរៀបរាប់ថា ក្នុងអំឡុងឆ្នាំ ១៩៧៧ ក្រោយពេលសម្តេចតេជោ ហ៊ុន សែន រត់ភៀសខ្លួនទៅកាន់ប្រ​ទេស​វៀតណាម ដើម្បីស្វែងរកជំនួយមកជួយរំដោះប្រទេស និងប្រជាជនកម្ពុជា ចេញពីរបបដ៏ឃោរឃៅនោះ។ សម្តេចកិត្តិ​ព្រឹទ្ធបណ្ឌិតប្រៀបទៅនឹងព្រះនាងជ័យរាជទេវី ដូច្នោះដែរ ដែលព្រះនាងត្រូវបែកពីព្រះស្វាមីព្រះបាទជ័យវរ្ម័ន ទី៧។ ព្រះបាទជ័យវរ័្មន បានរត់ភៀសព្រះកាយទៅសម្ងំបង្កើតកងទ័ពរយៈពេលចន្លោះពី១៥ ទៅ១៩ឆ្នាំ ដើម្បីរំដោះ​ព្រះនគររបស់ព្រះអង្គ ធ្វើឱ្យព្រះនាងជ័យរាជទេវី រង់ចាំព្រះអង្គរហូតសោយទិវង្គត។

ចំណែកសម្តេចតេជោ ហ៊ុន សែន បានរត់ភៀសខ្លួនទៅកាន់ប្រទេសវៀតណាម និងចំណាយពេលជិត៣ឆ្នាំ បង្កើតកងទ័ព និងរួមកម្លាំងជាមួយចលនាខ្មែរដទៃទៀតរួមមានសម្តេច ជា ស៊ីម សម្តេចហេង សំរិន សម្តេច សាយ ឈុំ សម្តេចពិជ័យសេនា ទៀ បាញ់  ដើម្បីរំដោះប្រទេសចេញពីរបបខ្មែរក្រហម។ ចលនារបស់សម្តេចតេជោហ៊ុន សែន និងថ្នាក់ដឹកនាំគណបក្សប្រជាជនដទៃទៀត ជាអ្នកប្រោះជីវិតប្រជាជនកម្ពុជា ប្រោះប្រទេសកម្ពុជា ប្រស់សេរីភាពប្រជាធិបតេយ្យ ប្រស់​របប​រាជានិយម និងប្រស់​អ្វីៗគ្រប់យ៉ាងឱ្យរស់ឡើងវិញ។

ឯកឧត្តមទីប្រឹក្សាបញ្ជាក់ថា សម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែន មានដំណើរជីវិតប្រៀបដូចព្រះ​នាងជ័យ​រាជទេវី ប៉ុន្តែរឹងមាំជាងព្រះនាង គឺក្រោយពេលសម្តេចតេជោហ៊ុន សែន ដឹកនាំយុទ្ធដ៏ស្មោះត្រង់របស់សម្តេច ចេក​ចេញ​ពីកម្ពុជា នៅថ្ងៃទី២០ ខែមិថុនា ឆ្នាំ១៩៧៧ សម្តេចប៊ុន រ៉ានី ត្រូវរស់នៅយ៉ាងវេទនា ជាមួយប្រជា​ជន​ខ្មែរទូទាំងប្រទេស រង់ចាំស្វាមីត្រឡប់​មករំដោះប្រទេសវិញ។ ដោងរំពឹង និងជឿជាក់យ៉ាងមុតមាំថា នៅថ្ងៃណា​មួយ​ស្វាមីនឹងត្រឡប់មករំដោះប្រទេស និងប្រជាជនខ្មែរពីមហាទុក្ខវេទនា​ជាមិន​ខាន។ សម្តេចប៊ុន រ៉ានី មានភាពរឹងមាំជាងព្រះនាងជ័យរាជទេវី ត្រង់ថា សម្តេចមិនបណ្តោយឱ្យការទន្ទឹងរង់ចាំ​ក្លាយ​ជាទម្ងន់ ក្លាយជាអម្រែកលើផ្លូវចិត្ត និងរាងកាយរបស់សម្តេចឡើយ ដោយសម្តេចបានពង្រឹង​ខ្លួនឯង​យ៉ាងរឹងមាំ មិនទន់ជ្រាយ ប្រៀបបាននឹងដែកថែប ដែលត្រូវបានគេលត់ដំម្តងហើយម្តងទៀត ក្នុងជំរំការងារ ដ៏គួរ​ឱ្យ​ភ័យរន្ធត់​តក់​ស្លុត និងទីបំផុត។ សម្តេចកិត្តិព្រឹទ្ធបណ្ឌិតបានជួប សម្តេចហ៊ុន សែន វិញ នៅថ្ងៃទី២០ ខែកុម្ភៈ ឆ្នាំ​១៩៨០ ក្រោយពីប្រទេស និងប្រជាជនកម្ពុជាត្រូវបានរំដោះចេញពីរបបដ៏ឃោរឃៅបានមួយឆ្នាំ។

ឯកឧត្តមអះអាងថា សៀវភៅ “ទឹកចិត្តអ្នកជួយសង្រ្គោះ” នេះ ក៏បានរៀបរាប់ផងដែរអំពីទឹកចិត្តជាអ្នកជួយសង្រ្គោះ របស់សម្តេចកិត្តិព្រឹទ្ធបណ្ឌិត តាំងពីកុមារភាព យុវភាព និងបច្ចុប្បន្ន ដែលសម្តេចបង្កើតឱ្យមណ្ឌលកុមារកំព្រា មជ្ឈ​មណ្ឌលបណ្តុះបណ្តាលវិជ្ជាជីវៈ រួមទាំងការបង្កើឱ្យមានមូលនិធិកូនភ្លោះ៣ ផ្ទះទេវតា និងក្រុមគ្រូពេទ្យយុវជនស្ម័គ្រ​ចិត្តសម្តេចតេជោ របស់សម្តេច​កិត្តិ​ព្រឹបណ្ឌិត សម្តេចតេជោហ៊ុន សែន និងកូនចៅរបស់សម្តេច៕

The post ថ្ងៃខួបអាពាហ៍ពិពាហ៍៤៥ឆ្នាំសៀវភៅស្តីពីដំណើរជីវិត សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុន សែន ត្រូវបានចេញផ្សាយ appeared first on .