ពិធីគោរពវិញ្ញាណក្ខន្ធធ្វើឡើងនៅមណ្ឌបព្រះបរមរូបព្រះបរមរតនកោដ្ឋ ស្ថិតនៅសួនច្បារខាងកើតវិមានឯករាជ្យរាជធានីភ្នំពេញ នាព្រឹកថ្ងៃអាទិត្យ ទី១៥ ខែតុលា ឆ្នាំ២០២៣។

ក្នុងពិធីនោះ ឧកញ៉ា តែ តាំងប៉ ព្រមទាំងសមាជិក សមាជិកាបានបង្អោនកាយ សង្រួមចិត្តគោរពដល់ព្រះវិញ្ញាណក្ខន្ធសម្តេចព្រះបរមរតនកោដ្ឋ ជាទីគោរពសក្ការៈ និងរលឹកនឹកដល់ព្រះគុណូបការគុណ និងស្នាព្រះហស្ថរបស់ព្រះអង្គ ចំពោះជាតិ និងប្រជាជន៕

The post ឧកញ៉ា តែ តាំងប៉ ដឹកនាំសមាជិកក្រុមប្រឹក្សាភិបាលសមាគមមូលនិធិសម្តេចតេជោ SME អញ្ជើញគោរពវិញ្ញាណក្ខន្ធព្រះបរមតនកោដ្ឋ នរោត្តម សីហនុ appeared first on .

បើទោះបីជាព្រះអង្គយាងសោយទិវង្គតក៏នៅ​តែ​ប្រជាពលរដ្ឋខ្មែរទូទាំងប្រទេសចងចាំមិនភ្លេចនូវព្រះរាជស្នាព្រះហស្ថ ដ៏មានតម្លៃបំផុតជាប្រវត្តិសាស្រ្ត របស់ព្រះអង្គចំពោះជាតិមាតុភូមិ គឺព្រះរាជបូជនីយកិច្ចទាមទារឯករាជ្យជូនប្រជាជាតិខ្មែរពីអាណានិគម នៅថ្ងៃទី៩ វិច្ឆិកា ឆ្នាំ១៩៥៣ និងការដឹកនាំប្រទេសជាតិ ឱ្យមានការរីកចម្រើនខ្លាំង ក្នុងសម័យសង្គមរាស្ត្រ​និយម។

នៅឆ្នាំ១៩៦០ ព្រះករុណាព្រះបាទសម្តេច នរោត្តម សុរាម្រិត ទ្រង់សោយព្រះទិវង្គត ពេលនោះព្រះករុណា ព្រះបាទសម្តេច នរោត្តម សីហនុ ត្រូវបានសមាជិកសភាខ្មែរ សម្រេចជាឯកច្ឆន្ទជ្រើសតាំងព្រះអង្គជា ព្រះប្រមុខរដ្ឋ នៃព្រះរាជណាចក្រកម្ពុជា។ ក្នុងព្រះរាជឋានៈព្រះអង្គបន្តការដឹកនាំប្រជារាស្រ្តខ្មែរ ក្នុងព្រះរាជកិច្ច កសាងជាតិមាតុភូមិយ៉ាងសកម្មជាទីបំផុត។

នៅក្នុងឆ្នាំ១៩៦៦ ព្រះករុណា ព្រះបាទសម្តេច នរោត្តម សីហនុ ក្នុងសម័យសង្គមរាស្រ្ត ខ្មែរបានថ្វាយព្រះនាមព្រះអង្គថាជា ព្រះបិតាឯករាជ្យជាតិ ព្រះបិតាសិក្សាធិការជាតិ ព្រះបិតាសុខាភិបាលជាតិ ព្រះបិតាកីឡាជាតិ ព្រះបិតាស្ថាបនាជាតិ ហើយសមិទ្ធផលនានា ជាច្រើនបានត្រូវកសាងឡើងសម្រាប់ប្រជារាស្រ្តប្រើប្រាស់នៅតាមបណ្តាខេត្ត ក្រុងនានា ជាពិសេសមានសមិទ្ធផលធំៗមានដូចជា៖
វិមានឯករាជ្យ, ​វិមានរដ្ឋចំការមន, ចំណតអាកាសយានដ្ឋាន​អន្តរជាតិពោធិចិនតុង, ចំណតអាកាសយានដ្ឋាន​សៀមរាប, ចំណតអាកាសយានដ្ឋានបែកចាន ខេត្តបាត់ដំបង, ​ផ្លូវជាតិលេខ៤ ភ្នំពេញ ក្រុងព្រះសីហនុ, កំពង់ផែអន្តរជាតិ កក្រុងព្រះសីហនុ, សណ្ឋាគារឯករាជ្យ ក្រុងព្រះសីហនុ​, សាលមហោស្រពជាតិ ព្រះសុរាម្រិត ភ្នំពេញ, សាលសន្និសីទចតុម្មុខ, ពហុកីឡដ្ឋានជាតិអូឡំាពិក ភ្នំពេញ, ស្ពានព្រះមុនីវង្សទី២​, ស្ពានសង្គមរាស្រ្តនិយមឆ្លងកាត់ទន្លេសាប​, សាកលវិទ្យាល័យសង្គមរាស្រ្ននិយម ភ្នំពេញ, សាកលវិទ្យាល័យភូមិន្ទបច្ចេកទេស, សាកលវិទ្យាល័យភូមិន្ទរដ្ឋបាល មហាវិទ្យាល័យនីតិសាស្រ្ត និង វិទ្យាសាស្រ្តសេដ្ឋកិច្ច មហាវិទ្យាល័យគរុកោសល្យ, ពុទ្ធិកសាលវិទ្យាល័យព្រះសីហនុរាជ មហាវិទ្យាល័យសិល្បៈស្ថាបនា​ មហាវិទ្យាល័យសិល្បៈ និងមុខរបរ, ពុទ្ធិកសាលវិទ្យាល័យភូមិន្ទវិចិត្រសិល្បៈ, សាកលវិទ្យាល័យភូមិន្ទក្សេត្រសាស្រ្ត, សាកលវិទ្យាល័យភូមិន្ទកំពង់ចាម​, សាកលវិទ្យាល័យភូមិន្ទបាត់ដំបង​, សាកលវិទ្យាល័យភូមិន្ទ តាកែវ កំពត​, រោងភាពយន្តរដ្ឋ​, ស្ថានីយទូរទស្សន៍ខេមរភូមិន្ទ​, មន្ទីរពេទ្យមិត្តភាពខ្មែរសូវៀត, រោងចក្រចម្រាញ់ប្រេងកាត ក្រុងព្រះសីហនុ, រោងចក្រស្រាបៀរ ក្រុងព្រះសីហនុ, រោងចក្រ នរោត្តម ដំឡើងត្រាក់ទ័រ និងរថយន្តធំ ក្រុងព្រះសីហនុ​, រោងចក្រស្ករស កំពង់ត្រាំ ខេត្តកំពង់ស្ពឺ, រោងចក្រវាយភ័ណ្ឌ ខេត្តបាត់ដំបង, រោងចក្របាវក្រចៅ ដូនទាវ ខេត្តបាត់ដំបង​, រោងចក្រស៊ីម៉ង់ត៍ចក្រីទីង ខេត្តកំពត​, រោងចក្រកែវជើងឯក រាជធានីភ្នំពេញ​, រោងចក្រក្តារបន្ទះដីឥដ្ឋ ខេត្តកណ្តាល, រោងចក្រក្រដាសឆ្លូង ខេត្តក្រចេះ​, រោងចក្រជីហ្វូសស្វាតទូកមាស ខេត្តកំពត​, រោងចក្រកង់ឡានតាខ្មៅ ខេត្តកណ្តាល, រោងចក្រត្រីខប្រអប់ ខេត្តកោះកុង, រោងចក្រផលិតជ័រកៅស៊ូជប់ ខេត្តកំពង់ចាម, រោងចក្រវារីអគ្គិសនីគីរីរម្យ ខេត្តកំពង់ស្ពឺ និងសមិទ្ធផលនានាជាច្រើនទៀតនៅតាម​បណ្តាស្រុក ខេត្ត ក្រុង ដូចជាសាលារៀន មន្ទីរ ពេទ្យ ទំនប់ទឹក ស្រះទឹក ប្រឡាយផ្លូវ ថ្នល់ស្ពានជាដើម។ល៕

The post បង្ហាញព្រះរាជស្នាដៃលេចធ្លោក្នុងសម័យសង្គមរាស្ត្រនិយម របស់សម្តេច នរោត្តម សីហនុ appeared first on .

កម្មវិធីនេះ គឺមានការចូលរួមពីតំណាងយុវជនជាង៧០រូបដែលមកពីសារព័ត៌មានក្នុងស្រុក សិស្សនិស្សិត អង្គការមិនមែនរដ្ឋាភិបាល និងតារាល្បីក្នុងបណ្ដាញសង្គមជាច្រើន។

ឯកឧត្តម Wang Wentian ឯកអគ្គរដ្ឋទូតចិនប្រចាំកម្ពុជា បានស្វាគមន៍ចំពោះយុវជនកម្ពុជាដែលបានអញ្ជើញចូលរួមកម្មវិធីរម្លឹកខួបអនុស្សាវរីយ៍លើកទី១០០នៃការប្រសូតរបស់សម្ដេច«ព្រះបរមរតនកោដ្ឋ»និងព្រមទាំងបានអបអរសាទរជាមួយមន្ត្រីការទូតនៃស្ថានទូតចិនក្នុងឱកាសខួបអនុស្សាវរីយ៍លើកទី៧៣នៃការបង្កើតសាធារណរដ្ឋប្រជាមានិតចិន។

ជាមួយគ្នានេះ ឯកឧត្តម ក៏បានរំឭកនិងវាយតម្លៃខ្ពស់ចំពោះព្រះរាជសកម្មភាពជាប្រវត្តិសាស្ត្ររបស់ព្រះអង្គក្នុងការលើកកម្ពស់ទំនាក់ទំនងមិត្តភាពរវាងចិន-កម្ពុជា។ ឯកឧត្ដមបានសង្កត់ធ្ងន់ថា ចាប់តាំងពីបង្កើតសាធារណរដ្ឋប្រជាមានិតចិនមក ទំនាក់ទំនងមិត្តភាពជាប្រពៃណីរវាងចិននិងកម្ពុជាបានឈានចូលដល់ប្រវត្តិសាស្ត្រថ្មីមួយទៀត។

ជាងនេះទៀត ឯកឧត្តមបន្តថា នាឆ្នាំ២០២៣ខាងមុខនះ គឺជាខួបអនុស្សាវរីយ៍លើកទី៦៥នៃការបង្កើតទំនាក់ទំនងការទូតរវាងចិននិងកម្ពុជា ភាគីចិនរីករាយចាប់យកឱកាសនេះជាមួយភាគីកម្ពុជា ដើម្បីបន្តដំណើរទៅមុខ បោះជំហានឆ្ពោះទៅអនាគត ជំរុញការកសាងសហគមន៍វាសនារួមរវាងចិននិងកម្ពុជាឱ្យកាន់តែស៊ីជម្រៅ។

គួរបញ្ជាក់ដែរថា នៅក្នុងពិធីខាងលើ ក៏មានចាក់បញ្ចាំងវីឌីអូឯកសារជាភាសាចិនខ្មែរដែលផលិតឡើងយ៉ាងយកចិត្តទុកដាក់ដោយស្ថានទូតចិន ដោយបង្ហាញអំពីព្រះជីវប្រវត្តិនិងសមិទ្ធផលផ្លែផ្កាដ៏អស្ចារ្យរបស់សម្ដេច«ព្រះបរមរតនកោដ្ឋ», ប្រវត្តិដ៏យូរលង់នៃការប្រាស្រ័យទាក់ទងចំណងមិត្តភាពរវាងប្រទេសទាំងពីរ និងចក្ខុវិស័យដ៏ត្រចះត្រចង់នៃទំនាក់ទំនងទ្វេភាគីនាពេលអនាគតថែមទៀត៕

The post ចិន រៀបចំពិធីរម្លឹកខួបអនុស្សាវរីយ៍ នៃការប្រសូតរបស់ព្រះមហាវីរក្សត្រខ្មែរ សម្តេច នរោត្តម សីហនុ appeared first on .