មហាសន្និបាតកំណើតដំបូងសហគមន៍កសិកម្មទំនើបនេះធ្វើឡើងក្រោមអធិបតីភាព លោក ស្រី វុឌ្ឍី អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងារទទួលបន្ទុកក្រុងសិរីសោភ័ណ ដោយមានការចូលរួមពីថ្នាក់ដឹកនាំក្រសួង មន្ទីរ អាជ្ញាធរមូលដ្ឋាន មន្ត្រីជំនាញ អ្នកសម្របសម្រួលគម្រោង EMPOWER និងកសិករ សរុប៥៧នាក់ ក្នុងនោះស្ត្រី១៩នាក់ កាលពីថ្ងៃទី១ ខែតុលា ឆ្នាំ២០២៦។

មហាសន្និបាតនេះ ត្រូវបានសម្របសម្រួលដោយនាយកដ្ឋានអភិវឌ្ឍន៍សហគមន៍កសិកម្ម ក្នុងក្របខណ្ឌគម្រោង EMPOWER ក្នុងគោលបំណងបង្កើតមូលដ្ឋានគ្រឹះសម្រាប់កសិកររួមគ្នារៀបចំការផលិត កែច្នៃ និងធ្វើទីផ្សារកសិផលឱ្យកាន់តែមានប្រសិទ្ធភាព ព្រមទាំងពង្រឹងកិច្ចសហការរវាងសមាជិក ដើម្បីបង្កើនអត្ថប្រយោជន៍សេដ្ឋកិច្ច និងលើកកម្ពស់ជីវភាពកសិករ។

អង្គមហាសន្និបាតបានពន្យល់ និងផ្សព្វផ្សាយអំពីអត្ថប្រយោជន៍ និងលក្ខន្តិកៈនៃសហគមន៍កសិកម្មទំនើប ព្រមទាំងបានបោះឆ្នោតជ្រើសរើសក្រុមប្រឹក្សាភិបាលចំនួន ៧រូប ក្នុងនោះស្ត្រី ៣រូប និងគណៈកម្មការត្រួតពិនិត្យចំនួន ៥រូប ក្នុងនោះស្ត្រី ៣រូប។

The post កសិករនៅខេត្តបន្ទាយមានជ័យ នាំគ្នាចូលរួមក្នុង «សហគមន៍កសិកម្មទំនើបសាមគ្គីរីកចម្រើន» រៀបចំការផលិត កែច្នៃ និងធ្វើទីផ្សារកសិផលឱ្យកាន់តែមានប្រសិទ្ធភាព appeared first on .

ក្នុងឱកាសចុះជួបសំណេះសំណាល និងពិនិត្យវឌ្ឍនភាព​ការងារ​អភិវឌ្ឍ ជាមួយថ្នាក់ដឹកនាំសហគមន៍កសិកម្ម ចំនួន៥ ដែលអនុវត្ត​ខ្សែ​ច្រវាក់តម្លៃផលិតកម្មដំណាំពោតក្រហម នៅសហគមន៍កសិកម្មចម្រុះស្ទឹង​កាច់​ជឿនលឿន ស្ថិតនៅភូមិអូរបេង ឃុំស្ទឹងកាច់ ស្រុកសាលាក្រៅ ខេត្តប៉ៃលិន កាលពីថ្ងៃទី៤ ខែកញ្ញា ឆ្នាំ២០២៦ លោក  គី ច័ន្ទរំដួល ក៏បានលើកឡើងថា ការចងក្រង​សហគមន៍​កសិកម្ម​ទៅជាសហគមន៍កសិកម្មទំនើប គឺជាយន្តការសំខាន់មួយ​ក្នុងការកាត់បន្ថយ​ថ្លៃដើមផលិតកម្ម បង្កើនស្ថិរភាពតម្លៃកសិផល ធានាការ​ផ្គត់ផ្គង់​ធាតុ​ចូលក្នុង​តម្លៃ​សមរម្យ និងពង្រឹងសមត្ថភាពប្រកួតប្រជែង​របស់​កសិករ។

ក្នុងន័យនេះ លោកក៏បានជំរុញសហគមន៍កសិកម្មត្រូវពង្រឹងការចងក្រងគ្នាឆ្ពោះទៅជា «សហគមន៍​កសិកម្ម​ទំនើប» ដើម្បីកាត់បន្ថយថ្លៃ​ដើម​ផលិតកម្ម ធានាស្ថិរភាពទីផ្សារ និងទទួលបានធាតុចូលក្នុងតម្លៃសមរម្យ ស្របតាមគោលនយោបាយអាទិភាពទី៦ របស់រាជរដ្ឋា​ភិបាល​នីតិកាលទី៧ នៃរដ្ឋសភា​ ដែលដាក់ចេញនូវការដាក់ពង្រាយ​មន្ត្រីកសិកម្ម​ឃុំ និងការកសាងសហគមន៍កសិកម្មទំនើប ទទួលបានកម្ចីទុនអំណោយផល ការទិញធាតុចូលក្នុងតម្លៃដុំ អំណាចចរចា និងកិច្ចសន្យាទិញ-លក់ច្បាស់លាស់ (Contract Farming) ការប្រើប្រាស់បច្ចេកទេស គ្រឿងយន្តទំនើប និងគ្រប់​គ្រង​តាមបែបអាជីវកម្ម។

គួរបញ្ជាក់ថា ថ្នាក់ដឹកនាំសហគមន៍កសិកម្មទាំង៥ ដែលរួមមាន៖ សហគមន៍​កសិកម្មចម្រុះស្ទឹងកាច់ជឿនលឿន សហគមន៍កសិកម្ម​ប៉ៃលិន​ពន្លឺថ្មី សហគមន៍​កសិកម្មសាមគ្គីភូមិថ្មីភ្នំខៀវ សហគមន៍កសិកម្មទួលល្វាសាមគ្គីអមតៈ សហគមន៍កសិកម្មពោតក្រហមទឹកផុសសាមគ្គី បានបង្ហាញការគាំទ្រ និងប្តេជ្ញា​ផ្សព្វផ្សាយអត្ថប្រយោជន៍នៃសហគមន៍កសិកម្មទំនើបដល់សមាជិក ព្រមទាំង​ស្រង់​ឈ្មោះកសិករដែលស្ម័គ្រចិត្តចូលរួម ដើម្បីរួមគ្នាពង្រឹងខ្សែច្រវាក់​តម្លៃផលិតកម្ម និងលើកកម្ពស់ប្រាក់ចំណូលកសិករ។ សហគមន៍ទាំង ៥ នេះ មានផ្ទៃដី​ផលិតកម្មពោតក្រហមសរុប ៧៤៦ ហិកតា និងដំឡូងមី ៥១៧ ហិកតា។ ក្នុងជំនួបនោះ ថ្នាក់ដឹកនាំសហគមន៍ ក៏បាន​លើកឡើងពីបញ្ហាប្រឈមសំខាន់ៗ រួមមាន៖ ថ្លៃដើមផលិតកម្មខ្ពស់ និងការ​ប្រែប្រួលតម្លៃកសិផលនៅលើទីផ្សារ ព្រមទាំងស្នើសុំការសម្របសម្រួល​ក្នុងការចុះកិច្ចសន្យាទិញ-លក់កសិផលជាមួយក្រុមហ៊ុនកែច្នៃចំណីសត្វក្នុង​ស្រុកឱ្យបានច្បាស់លាស់ផងដែរ៕

The post លោក គី ច័ន្ទរំដួល៖ «ការចងក្រងជា សហគមន៍កសិកម្មទំនើប គឺជាគន្លឹះកាត់បន្ថយថ្លៃដើម ធានាតម្លៃធាតុចូល និងស្ថិរភាពទីផ្សារ» appeared first on .

កម្មវិធីនេះត្រូវបានរៀបចំឡើងក្នុងគោលបំណងប្រកាសជាផ្លូវការអំពីការបង្កើតសហភាពសហគមន៍កសិកម្មទំនើបកម្ពុជា ដែលជាយន្តការថ្មីមួយក្នុងការជំរុញវិស័យកសិកម្មកម្ពុជាឲ្យកាន់តែរីកចម្រើន ប្រកបដោយនិរន្តរភាព និងភាពប្រកួតប្រជែង។ ការបង្កើតសហភាពនេះ ឆ្លុះបញ្ចាំងពីការប្តេជ្ញាចិត្តរបស់រាជរដ្ឋាភិបាល ក្នុងការលើកកម្ពស់ជីវភាពកសិករ និងធានាសន្តិសុខស្បៀងជាតិ តាមរយៈការធ្វើទំនើបកម្មវិស័យកសិកម្ម។

ជាមួយគ្នានោះ លោក ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានធ្វើបទបង្ហាញសេចក្តីសង្ខេបអំពីវឌ្ឍនភាពការងារនៃការបង្កើតសហភាពសហគមន៍កសិកម្មទំនើបកម្ពុជា។ បទបង្ហាញនេះនឹងគូសបញ្ជាក់ពីដំណើរការនៃការបង្កើតសហភាព ចាប់តាំងពីការផ្តួចផ្តើមគំនិត រហូតដល់ការសម្រេចបាននូវការបង្កើតជាផ្លូវការ ក៏ដូចជាបង្ហាញពីចក្ខុវិស័យ និងបេសកកម្មរបស់សហភាព។

បន្ទាប់ពីបទបង្ហាញ លោករដ្ឋមន្ត្រី ឌិត ទីណា បានផ្តល់មតិសំណេះសំណាល និងផ្តល់អនុសាសន៍ណែនាំដ៏មានតម្លៃដល់សហភាពសហគមន៍កសិកម្មទំនើបកម្ពុជា។ អនុសាសន៍ទាំងនេះ នឹងដើរតួជាត្រីវិស័យដ៏សំខាន់សម្រាប់សហភាពក្នុងការអនុវត្តការងាររបស់ខ្លួនឲ្យបានជោគជ័យ និងសម្រេចបាននូវគោលដៅដែលបានកំណត់។

ការបង្កើតសហភាពសហគមន៍កសិកម្មទំនើបកម្ពុជា ត្រូវបានគេរំពឹងថា នឹងក្លាយជាកម្លាំងចលករដ៏សំខាន់មួយ ក្នុងការប្រមូលផ្តុំកសិករឲ្យមានកម្លាំងរួមគ្នា បង្កើនសមត្ថភាពផលិតកម្ម លើកកម្ពស់គុណភាពផលិតផលកសិកម្ម និងពង្រីកទីផ្សារទាំងក្នុង និងក្រៅប្រទេស៕

The post ក្រសួងកសិកម្ម រៀបចំកម្មវិធីប្រកាសសហភាពសហគមន៍កសិកម្មទំនើបកម្ពុជាជាផ្លូវការ appeared first on .

លោករដ្ឋលេខាធិការក្រសួងកសិកម្ម បានគូសបញ្ជាក់ថា ពិធីចុះហត្ថលេខាលើកិច្ច​សន្យា​ផលិតកម្មកសិកម្មនាថ្ងៃនេះ មានចំនួន ១០កិច្ចសន្យា ក្នុងនោះ​កិច្ចសន្យាទិញ-លក់ជ័រកៅស៊ូចំនួន ៧កិច្ចសន្យា ក្នុងបរិមាណជ័រ ១ ០៦០តោន, កិច្ចសន្យាទិញ-លក់ម្រេចខ្មៅសុវត្ថិភាពចំនួន ១កិច្ចសន្យា ក្នុងបរិមាណម្រេច ១០០តោន, កិច្ចសន្យាទិញ-លក់ស្រូវសែន​ក្រអូប​០១​ចំនួន ១កិច្ចសន្យា ក្នុងបរិមាណស្រូវសែនក្រអូប០១ ២៦,៥០តោន និងកិច្ចសន្យាទិញ-លក់ពោតក្រហមចំនួន ១កិច្ចសន្យា ក្នុងបរិមាណ ១៥០តោន សរុបជាទឹកប្រាក់ប្រមាណ ១ ៣៣៩ ១០០ដុល្លារអាមេរិក៕

The post ក្រុមហ៊ុនមួយទិញជ័រកៅស៊ូ ម្រេចខ្មៅ ស្រូវសែន​ក្រអូប​​ ពោតក្រហម ពីសហគមន៍កសិកម្មទំនើប២ ក្នុងខេត្តត្បូងឃ្មុំ និងកំពង់ចាម ក្នុងទឹកប្រាក់ប្រមាណជាង១លាន ៣៣ម៉ឺន​ដុល្លារ appeared first on .

លោក ឃឹម ហ្វីណង់ បានឱ្យដឹងក្នុងឱកាសសហគមន៍កសិកម្មទំនើបដំបូងសម្រាប់ដំណាំមៀនប៉ៃលិនត្រូវបានបង្កើតឡើងជាផ្លូវការនៅក្នុងខេត្តប៉ៃលិន កាលពីថ្ងៃទី១៤ ខែមករាថា ជាមួយគ្នានឹងការបង្កើតជាផ្លូវការសហគមន៍កសិកម្មទំនើបមៀនប៉ៃលិននេះ ក៏មានការចុះកិច្ចសន្យាក្នុងថ្ងៃតែមួយទំហំជាង៥លានដុល្លារជាមួយក្រុមហ៊ុននាំចេញមៀនចំនួន៤ផងដែរ។

ការចុះកិច្ចសន្យា ផ្តោតលើការផលិតនិងផ្គត់ផ្គង់មៀនប៉ៃលិនចំនួន ៧ ៥០០តោន។

សូមបញ្ជាក់ថា សហគមន៍កសិកម្មទំនើបមៀនប៉ៃលិន ដែលបានសម្រេចបង្កើតជាលើកដំបូងផ្លូវការ មានសមាជិក ៨៦គ្រួសារ មានផ្ទៃដីដាំដុះ ៦០០ហិកតា បរិមាណផលសរុបរង្វង់៦០០០តោន ក្នុងមួយឆ្នាំ។ ក្នុងនោះ សម្រាប់រចនាសម្ព័ន្ធគ្រប់គ្រង មានក្រុមប្រឹក្សាភិបាល៥រូប គណៈត្រួតពិនិត្យ៣រូប ចំណែកផ្នែកទីផ្សារ មានផលិតកម្មកសិកម្មតាមកិច្ចសន្យាក្នុងតម្លៃកំណត់ទុកជាមុន។

គួរឱ្យដឹងថា មៀនប៉ៃលិន គឺជាឧត្តមភាពខាងផ្នែកប្រកួតប្រជែងដ៏សំខាន់មួយរបស់ខេត្តប៉ៃលិន ដែលជាប្រភេទកសិផលបាញ់ឆ្ពោះទៅកាន់ទីផ្សារនាំចេញ ជាមួយនឹងភាពកាន់តែច្បាស់លាស់នៃទីផ្សារ៕

The post ដំណាំមៀនប៉ៃលិន បានបង្កើតជាសហគមន៍កសិកម្មទំនើបដំបូង ជាមួយកិច្ចសន្យាក្នុងទំហំជាង៥លានដុល្លារ appeared first on .

កិច្ចសន្យាបន្ថែមទំហំជិត៧លានដុល្លារ ត្រូវបានធ្វើឡើងរវាងក្រុមហ៊ុនបៃតងនិងសហគមន៍កសិកម្មទំនើបចំនួន២ផ្សេងទៀតនៅខេត្តកំពង់ធំ ក្រោមអធិបតីភាព លោក ឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ។

បើតាម លោក ឃឹម ហ្វីណង់ កិច្ចសន្យានេះគឺ សម្រាប់ការផ្គត់ផ្គង់ស្រូវសែនក្រអូបនិងស្រូវស្រង៉ែស្រាលនៅលើផ្ទៃដីប្រមាណ៦០០០ហិកតា ដែលធ្វើឱ្យបរិមាណស្រូវសរុបដែលបានចុះកិច្ចសន្យាជាមួយក្រុមហ៊ុនបៃតងកើនដល់ជាង៤ម៉ឺនតោន ស្មើនឹង៩,២លានដុល្លារ។

គូសបញ្ជាក់ថា រហូតមកដល់ពេលនេះ ក្រសួងកសិកម្មបានបញ្ចប់ការតភ្ជាប់ទីផ្សារទាំងស្រុងជូនដល់សហគមន៍កសិកម្មទំនើបដំណាំស្រូវទាំងអស់នៅក្នុងរដូវកាលនេះ ជាមួយនឹងការធានាតម្លៃសមរម្យទុកជាមុន ព្រមទាំងបានសម្របសម្រួលឱ្យកសិករជាសមាជិកប្រមាណ២០០០គ្រួសារ ទទួលបានកម្ចីដើមទុនដែលមានការប្រាក់ទាប សម្រាប់ការធ្វើផលិតកម្មស្រូវលើផ្ទៃដីជិត១៥០០០ហិកតា នៅក្នុងខេត្តបាត់ដំបង បន្ទាយមានជ័យ សៀមរាប កំពង់ធំ និងកំពង់ឆ្នាំង៕

The post កិច្ចសន្យាបន្ថែមទំហំជិត៧លានដុល្លារ រវាងក្រុមហ៊ុនបៃតងនិងសហគមន៍កសិកម្មទំនើបចំនួន២ នៅខេត្តកំពង់ធំ appeared first on .

ការចុះហត្ថលេខានេះ ដោយ លោក ឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជានាយកគម្រោង CASDP ជាមួយតំណាងសហគមន៍កសិកម្មទំនើបទាំង៩ កាលពីថ្ងៃទី៣០ ខែធ្នូ ឆ្នាំ២០២៥ នៅសណ្ឋាគារបុរីអង្គរ ខេត្តសៀមរាប។

សូមបញ្ជាក់ថា សហគមន៍កសិកម្មទំនើបទាំង៩ រួមមាន៖ សហគមន៍កសិកម្មទំនើបដំណាំស្រូវបារាយណ៍តាំងគោក (ខេត្តកំពង់ធំ) សហគមន៍កសិកម្មទំនើបស្រូវអង្ករសុវត្ថិភាពស្រុកឯកភ្នំ (ខេត្តបាត់ដំបង) សហគមន៍កសិកម្មទំនើបស្រូវនាងអំ (ខេត្តសៀមរាប) សហគមន៍កសិកម្មទំនើបស្រូវស្រុកបាណន់ (ខេត្តបាត់ដំបង)  សហគមន៍កសិកម្មទំនើបស្រូវប្រព័ន្ធធារាសាស្រ្តកង្ហត (ខេត្តបាត់ដំបង) សហគមន៍កសិកម្មទំនើបស្រូវរូងជ្រៃមានជ័យ (ខេត្តបាត់ដំបង) សហគមន៍កសិកម្មទំនើបស្រូវអង្ករគុណភាពមោងឬស្សី (ខេត្តបាត់ដំបង) សហគមន៍កសិកម្មទំនើបអភិវឌ្ឍន៍ដំណាំស្រូវកំពង់ធំ (ខេត្តកំពង់ធំ) និងសហគមន៍កសិកម្មទំនើបព្រះនេត្រព្រះ (ខេត្តបន្ទាយមានជ័យ)៕

The post សហគមន៍កសិកម្មទំនើបចំនួន៩ ចុះហត្ថលេខាលើកិច្ចព្រមព្រៀងហិរញ្ញប្បទានឥតសំណងបំពេញបន្ថែមទុនវិនិយោគ ៤០% ជាមួយគម្រោងពិពិធកម្មកសិកម្មកម្ពុជា appeared first on .

កាលពីថ្ងៃទី១៩ ខែវិច្ឆិកា ឆ្នាំ២០២៥ លោក ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមជាអធិបតីក្នុងពិធីមហាសន្និបាតកំណើតដំបូងសហគមន៍កសិកម្មទំនើបព្រះស្ដេច នៅស្រុកព្រះស្ដេច ខេត្តព្រៃវែង ដោយមានការចូលរួមពី លោក ហ៊ី បាវី ប្រតិភូរាជរដ្ឋាភិបាលទទួលបន្ទុកជាប្រធានអគ្គនាយកកំពង់ផែស្វយ័តភ្នំពេញ លោកប្រធានមន្ទីរកសិកម្មខេត្ត  មន្ត្រីជំនាញនៃនាយកដ្ឋានអភិវឌ្ឍន៍សហគមន៍កសិកម្ម អភិបាលរងស្រុក អាជ្ញាធរមូលដ្ឋាន មន្ត្រីកសិកម្មឃុំ និងប្រជាកសិករប្រមាណ១៣៥ នាក់។

ក្នុងឱកាសនោះ លោកអនុរដ្ឋលេខាធិការ បានសម្ដែងការអបអរសាទរ និងក្ដីរីករាយយ៉ាងខ្លាំងជាមួយបងប្អូនប្រជាកសិករដែលបានមើលឃើញពីអត្ថប្រយោជន៍ និងរួមគ្នាចងក្រងជាសហគមន៍កសិកម្មទំនើបសម្រាប់ដំណាំបន្លែនាពេលនេះ ដើម្បីទទួលបានការធានាថ្លៃទីផ្សារទុកជាមុន កាត់បន្ថយចំណាយថ្លៃដើមផលិត និងមានលទ្ធភាពទទួលបានការគាំទ្រខាងផ្នែកដើមទុន និងបច្ចេកទេស។

លោកបានបញ្ជាក់ថា សហគមន៍កសិកម្មទំនើបព្រះស្ដេច ដែលត្រូវបានបង្កើតឡើងនៅថ្ងៃនេះ មានសមាជិកចូលរួមចំនួន ១៧១ គ្រួសារ ដែលមានផ្ទះសំណាញ់ចំនួន ២៥១ ខ្នង លើទំហំផ្ទៃដី១០ ហិកតា សម្រាប់ដាំដុះដំណាំបន្លែ ហើយទៅថ្ងៃអនាគតសហគមន៍នេះ មានគម្រោងពង្រីកផលិតកម្មរបស់ខ្លួនបន្ថែមទៀត ដោយការចិញ្ចឹមគោ និងបង្កបង្កើនផលដំណាំស្រូវ។

ជាមួយគ្នានោះ លោកក៏បានសំណូមពរ និងផ្ដាំផ្ញើដល់បងប្អូនប្រជាកសិករជាសមាជិកសហគមន៍ត្រូវយកចិត្តទុកដាក់ឱ្យបានខ្ពស់ក្នុងការដាំដុះ ថែរក្សាបន្លែឱ្យបានល្អ ដោយផ្តោតលើបរិមាណ និងគុណភាព សម្រាប់ផ្គត់ផ្គង់តម្រូវការទីផ្សារ និងត្រូវអនុវត្តឱ្យបានខ្ជាប់ខ្ជួននូវគោលការណ៍ និងស្ដង់ដារផលិតកម្មរបស់សហគមន៍៕

The post កសិករជិត២០០គ្រួសារ នៅស្រុកព្រះសេ្តច រួមគ្នាចងក្រងជាសហគមន៍កសិកម្មទំនើប លើដំណាំបន្លែ appeared first on .

កាលពីថ្ងៃទី២៩ ខែតុលា ឆ្នាំ២០២៥ លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានជួបសំណេះសំណាលជាមួយកសិករជាសមាជិកសហគមន៍កសិកម្មទំនើបដំណាំស្រូវ-អង្ករគុណភាព នៅស្រុកមោងឬស្សី ខេត្តបាត់ដំបង ដែលទើបចាប់ផ្តើមធ្វើផលិតកម្មស្រូវស្រងែស្រាលតាមកិច្ចសន្យាក្នុងតម្លៃ៩៥០៛ ក្នុងមួយគីឡូក្រាម។

លោកបានលើកឡើងថា តម្លៃនេះ គឺសម្រេចបានដោយសារការចងក្រងជាសហគមន៍កសិកម្មទំនើប ដែលផ្តល់អានុភាពឱ្យក្រុមប្រជាកសិករជាសមាជិក ធ្វើការចរចាកិច្ចសន្យាផលិតកម្មទុកមុនជាមួយអ្នកទិញលើតម្លៃ គុណភាព និងបរិមាណ ហើយមិនមែនដោយសារការកំណត់តម្លៃដោយរដ្ឋទេ។

ចំណែកកាលនៅថ្ងៃទី៣០ ខែតុលានេះដែរ លោក ឌិត ទីណា ក៏បានបន្តចុះជួបសំណេះសំណាលជាមួយប្រជាកសិករជាសមាជិកនៃសហគមន៍កសិកម្មទំនើបស្រូវប្រព័ន្ធធារាសាស្ត្រកង្ហត នៅស្រុកសង្កែ ខេត្តបាត់ដំបង ដែលកំពុងត្រៀមចាប់ផ្ដើមផលិតកម្មស្រូវស្រងែតាមកិច្ចសន្យាក្នុងតម្លៃ៩៥០៛ ក្នុងមួយគីឡូក្រាម ដូចគ្នា។

លោករដ្ឋមន្រ្តីបានលើកទឹកចិត្តដល់កសិករដែលមិនទាន់ចូលជាសហគមន៍កសិកម្មទំនើប ពិចារណាចូលរួមចងក្រងដើម្បីធ្វើការស្ដារមកវិញ និងទទួលបានអត្ថប្រយោជន៍ជាច្រើន ជាពិសេសការធានាទីផ្សារតម្លៃសមរម្យតាមការចុះកិច្ចសន្យាទុកមុន ការកាត់បន្ថយថ្លៃដើមផលិតកម្ម ការទទួលទុនកម្ចីការប្រាក់ទាប និងការផ្ដល់ជំនួយបច្ចេកទេស។

សូមបញ្ជាក់ដែរថា ក្រសួងកសិកម្មនឹងបន្តគាំទ្រការចងក្រងសហគមន៍កសិកម្មទំនើប ដើម្បីជួយឱ្យប្រជាកសិករធ្វើការស្ដារមកវិញតាមរយៈការធានាតម្លៃនិងទីផ្សារដោយចុះកិច្ចសន្យាទុកមុន ការកាត់បន្ថយថ្លៃដើមផលិតកម្ម និងការផ្ដល់ជំនួយបច្ចេកទេស។ នេះបើតាមការបញ្ជាក់បន្ថែមពី លោក ឌិត ទីណា។

The post សហគមន៍កសិកម្មទំនើប២ នៅខេត្តបាត់ដំបង ចាប់ផ្តើមធ្វើផលិតកម្មស្រូវស្រងែស្រាលតាមកិច្ចសន្យាក្នុងតម្លៃ៩៥០រៀល ក្នុងមួយគីឡូក្រាម appeared first on .

លោក ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់និងនេសាទ បានឱ្យដឹងថា បើតាមលទ្ធផលនៃការពិភាក្សាដែលបានឯកភាពគ្នាជាបឋម ផែនការធ្វើពិពិធកម្មចេញពីផ្ទៃដីដាំដុះដំឡូងមីប្រមាណ១០០ហិកតានេះ នឹងត្រូវបានរៀបចំឡើងជា២ជំហាន ដោយរដូវកាលទីមួយមានចំនួន៥០% និងបញ្ចប់ការដាំដុះដំឡូងមីទាំងស្រុងនៅក្នុងឆ្នាំបន្ទាប់។ សហគមន៍គ្រោងនឹងដាំដុះឈើហូបផ្លែដែលមានតម្លៃបន្ថែមខ្ពស់និងមានទីផ្សារស្រាប់ ដូចជាសាវម៉ាវ មង្ឃុត ប័រ និងផាស្យុង។

លោកលើកឡើងថា “ដើម្បីធានាឱ្យបានថាបងប្អូនកសិករជាសមាជិកមានប្រាក់ចំណូលគ្រប់គ្រាន់និងអាចទ្រង់ទ្រង់ជីវភាពប្រចាំថ្ងៃ ក្នុងអំឡុងពេលផ្លាស់ប្តូរពីដំណាំរដូវកាលទៅដំណាំរយះពេលវែង ក្រសួងកសិកម្មនឹងជួយបង្កើតមុខរបរថ្មី២ទៀតសម្រាប់សហគមន៍ ដោយរៀបចំផលិតកម្មបន្លែនិងមាន់ស្រែរួមគ្នានៅលើទីតាំងរួម ដែលមានប្រព័ន្ធស្រោចស្រពពេញលេញ ហើយយ៉ាងហោចណាស់មួយគ្រួសារនឹងមានផ្ទះសំណាញ់មួយខ្នងនិងទ្រង់មាន់មួយទៅតាមលទ្ធភាព”។

បើតាមលោក ឃឹម ហ្វីណង់ ដើម្បីទទួលបានចំណូលបន្ថែមដែរ សហគមន៍ក៏នឹងដាំដំណាំរយះពេលខ្លីមួយចំនួននៅចន្លោះឈើហូបផ្លែទាំងនោះ ដូចជាល្មៀត ស្លឹកគ្រៃ សណ្តែកសៀង និងចេកជាដើម។ ក្រសួងកសិកម្មនឹងផ្តល់ការគាំទ្រទាំងស្រុងទាំងលើដើមទុន បច្ចេកទេស និងទីផ្សារ ជូនដល់សហគមន៍របស់យើង ដើម្បីអនុវត្តផែនការពិពិធកម្មនេះប្រកបដោយជោគជ័យ។

យោងតាមរបាយការណ៍របស់អគ្គនាយកដ្ឋានកសិកម្ម ស្តីពីស្ថានភាពនៃការនាំចេញផលិតផលដំណាំក្នុងឆមាសទី១ឆ្នាំ២០២៥ បានបង្ហាញថា ដំឡូងមីស្រស់បាននាំចេញនៅក្នុងឆមាសទី១បានប្រមាណ១,៥លានតោន ថយចុះជាង៥ភាគរយ, ចំណិតដំឡូងមីក្រៀមបាននាំចេញបានប្រមាណ១,២លានតោន កើនឡើងជាង៥៧ភាគរយបើប្រៀបធៀបនិងរយៈពេលដូចគ្នាឆ្នាំ២០២៤។

របាយការណ៍ខាងលើគូសបញ្ជាក់ថា ការនាំចេញដំឡូងមីស្រស់ថយចុះដោយសារប្រជាកសិករបំប្លែងពីដំឡូងមីស្រស់ទៅក្រៀម និងកែច្នៃជាម្សៅដើម្បីអាចរក្សាទុកបានយូរ និងមានតម្លៃខ្ពស់។ជាក់ស្តែងការនាំចេញដំឡូងមីក្រៀមបានកើនឡើងជាង៥៧ភាគរយ និងម្សៅដំឡូងមីកើនឡើងជាង៥៣ភាគរយ បើប្រៀបធៀបនិងរយៈពេលដូចគ្នាឆ្នាំ២០២៤។

The post ប្រជាកសិករដាំដំឡូងមីនៅស្រុកវាលវែង ស្ម័គ្រចិត្តចងក្រងជាសហគមន៍កសិកម្មទំនើប ដើម្បីចៀសវាងពីបញ្ហាប្រឈម appeared first on .