ឯកឧត្តម ចម ប្រសិទ្ធ ថ្លែងកម្មវិធីសន្និបាត បូកសរុបលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ របស់សម្ព័ន្ធសមាគមសហគ្រាស ធុនតូច និងមធ្យមកម្ពុជា កាលពីពេលថ្មីៗនេះ បានឱ្យដឹងថា ពិតណាស់ចំពោះសហគ្រាសធុនតូចនិងមធ្យមនៅកម្ពុជា បានដើរតួនាទីយ៉ាងសំខាន់ក្នុងការចូលរួម អភិវឌ្ឍន៍កំណើនសេដ្ឋកិច្ច និងសង្គម។

ក្នុងនោះឯកឧត្តមថា តាមស្ថិតិសរុបផ្នែកកម្មន្តសាលមានសហគ្រាសជាង ៤ម៉ឺន មូលដ្ឋាន បានរួមចំណែកជាមួយរាជរដ្ឋាភិបាលតាមរយៈការធ្វើសមាហរណកម្មទៅនឹងខ្សែចង្វាក់តម្លៃក្នុងតំបន់ និងសកលលោក ដោយប្រើប្រាស់ឱ្យអស់លទ្ធភាពនៃសក្តានុពលធនធានក្នុងស្រុក និងការទទួលយកនូវការផ្ទេរបច្ចេកវិទ្យាថ្មីៗ។

គួរបញ្ជាក់ដែរថា កាលពីខែកក្កដា ឆ្នាំ២០២២ កន្លងទៅ សហគ្រាសទាំងនោះ ក៏បានចូលរួមជាមួយ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានរៀបចំពិធីអបអរសាទរ ទិវាសហគ្រាសធុនមីក្រូ តូច និងមធ្យម ដែលកម្ពុជាប្រារព្ធជាលើក ដំបូងក្នុងឆ្នាំ២០២១ និងបានចូលរួមជាមួយគណៈកម្មការសម្របសម្រួលសហគ្រាសធុនតូច និងមធ្យម អាស៊ាន (ACCMSME) ដាក់ឱ្យដំណើរការជាផ្លូវការនូវគេហទំព័រព័ត៌មានអាជីវកម្មក្នុងតំបន់អាស៊ាន មាន ឈ្មោះថា ASEAN Access និងគេហទំព័រព័ត៌មានសម្រាប់សហគ្រាសធុនតូច និងមធ្យមកម្ពុជា មានឈ្មោះថា “KhmerSME”។

គេហទំព័រព័ត៌មានទាំងពីរខាងលើនេះ គឺជាយន្តការផ្ដល់ព័ត៌មានដ៏សំខាន់សម្រាប់សហគ្រាសធុនមីក្រូ តូច និងមធ្យម អំពីច្បាប់ និងបទប្បញ្ញត្តិអាជីវកម្ម គោលនយោបាយ និងកម្មវិធីគាំទ្រ និងការបណ្ដុះបណ្ដាលបច្ចេកទេសផ្សេងៗ ដែល គម្រោងនេះនឹងបន្តអនុវត្តន៍រយៈពេល០៣ឆ្នាំបន្តទៀត។

លើសពីនេះ ក្រសួងបានបង្កើតកម្មវិធីគាំទ្រដល់ការ ភ្ញាស់អាជីវកម្មថ្មី (Cambodia Business Incubation) និងកម្មវិធី Startup នានា ដែលជាឱកាសដល់ សិស្សនិស្សិត សហគ្រិនស្ត្រីក្នុងការចាប់ផ្ដើមអាជីវកម្មដំបូងផងដែរ៕

The post ជាង៤ម៉ឺនសហគ្រាស បានរួមចំណែកជាមួយរដ្ឋាភិបាលធ្វើសមាហរណកម្មខ្សែចង្វាក់តម្លៃក្នុងតំបន់ appeared first on .

សិក្ខាសាលានេះ ដើម្បីពង្រឹងសមត្ថភាពបន្ថែមក្នុងការត្រៀមខ្លួនសម្រាប់ការនាំចេញប្រកបដោយការប្រកួតប្រជែងខ្ពស់ តាមរយៈផ្សារពាណិជ្ជកម្មបែបអេឡិចត្រូនិកឆ្លងកាត់ព្រំដែន ជាពិសេសការធ្វើប្រតិបត្តិការជាមួយផ្សារខេមបូឌាត្រេដ ក្នុងការនាំចេញផលិតផលខ្មែរទៅកាន់ទីផ្សារអន្តរជាតិ។

ថ្លែងពិធីក្នុងសិក្ខាសាលានេះដែរ រដ្ឋលេខាធិការ ក្រសួងពាណិជ្ជកម្ម លោកស្រី តឹករ៉េត កំរង បានលើកឡើងបង្ហាញពីយុទ្ធសាស្ត្រគោលនយោបាយរបស់រាជរដ្ឋាភិបាលក្នុងការចាប់យកសេដ្ឋកិច្ចឌីជីថល ដូចជា យុទ្ធសាស្រ្តក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥ និងក្របខណ្ឌយុទ្ធសាស្រ្ត និងកម្មវិធីសម្រាប់ការងើបឡើងវិញសេដ្ឋកិច្ចក្នុងបរិបទនៃការរស់នៅជាមួយកូវីដ-១៩ ឆ្លើយតបទៅនឹងបរិបទឧស្សាហកម្ម៤.០ និងកំណើនសន្ទុះដ៏ខ្លាំងខ្លានៃបច្ចេកវិទ្យាឌីជីថលក្នុងបរិបទកូវីដ-១៩នេះ។

ក្នុងនេះផងដែរ លោកស្រីក៏បានបញ្ជាក់ពីសមិទ្ធិផលសំខាន់ៗរបស់ ក្រសួងពាណិជ្ជកម្ម ក្នុងការអនុវត្តច្បាប់គតិយុទ្ធ និងយុទ្ធសាស្ត្រជម្រុញសេដ្ឋកិច្ចឌីជីថល ស្របតាមក្របខណ្ឌគោលនយោបាយរាជរដ្ឋាភិបាល រួមមាន ច្បាប់ស្តីអំពីពាណិជ្ជកម្មតាមប្រព័ន្ធអេឡិចត្រូនិក ការរៀបចំយុទ្ធសាស្ត្រសមាហរកម្មពាណិជ្ជកម្ម យុទ្ធសាស្ត្រពាណិជ្ជកម្មតាមប្រព័ន្ធអេឡិចត្រូនិក និងក្របខណ្ឌគោលនយោបាយផ្សេងៗទៀត។

លោកស្រី តឹករ៉េត កំរង រដ្ឋលេខាធិការក្រសួងពាណិជ្ជកម្ម បានគូសបញ្ជាក់បន្ថែមថា សិក្ខាសាលាបណ្តុះបណ្តាលនេះធ្វើឡើងសម្រាប់សហគ្រាសធុនតូចនិងមធ្យម ក្នុងការលើកកម្ពស់ការយល់ដឹង ការត្រៀមខ្លួនសម្រាប់ការនាំចេញ និងការទាញយកអត្ថប្រយោជន៍ ពីវិស័យពាណិជ្ជកម្មតាមប្រព័ន្ធអេឡិចត្រូនិក និងសេដ្ឋកិច្ចឌីជីថល៕

The post សហគ្រាសធុនតូច និងមធ្យមជាង ១០០ មករៀនត្រៀមខ្លួននាំចេញ និងធ្វើពាណិជ្ជកម្មបែបប្រព័ន្ធអេឡិចត្រូនិក appeared first on .