សេចក្តីជូនដំណឹងរបស់ក្រសួងកសិកម្ម ស្តីពី នីតិវិធីនៃការដាក់ពាក្យស្នើសុំនាំចេញសំបុកត្រចៀកកាំទៅប្រទេសចិន កាលពីថ្ងៃទី១៦ ខែឧសភា បានប្រកាសដល់ម្ចាស់កន្លែងកែច្នៃបឋមសំបុកត្រចៀកកាំសម្រាប់នាំចេញ និងម្ចាស់ផ្ទះថែរក្សាសត្វត្រចៀកកាំជាលក្ខណៈគ្រួសារ ក្រោយពិធីសារដើម្បីនាំចេញសំបុកត្រចៀកកាំពីកម្ពុជា ត្រូវបានចុះហត្ថលេខាដោយក្រសួងកសិកម្ម រុក្ខាប្រមាញ់ និងនេសាទ កម្ពុជា ជាមួយអគ្គរដ្ឋបាលគយចិន កាលពីថ្ងៃទី១៧ ខែមេសា ឆ្នាំ២០២៥។

ជុំវិញរឿងនេះ លោក ស៊ុយ កុកធាន ប្រធានសមាគមត្រចៀកកាំខ្មែរ បានឱ្យដឹងថា ត្រចៀកកាំខ្មែរមួយរយៈពេលចុងក្រោយនេះមានវឌ្ឍនភាពច្រើនចាប់តាំងពីរាជរដ្ឋាភិបាលកម្ពុជាបានចុះកិច្ចព្រមព្រៀងជាមួយនឹងភាគីចិន ក្នុងការនាំសំបុកត្រចៀកកាំដោយផ្ទាល់ទៅកាន់ប្រទេសចិនទាំងកែច្នៃ និងមិនទាន់កែច្នៃ។

លោកបន្តថា សេចក្តីប្រកាសរបស់ក្រសួងកសិកម្មទាក់ទងនឹងការចុះបញ្ជីទាំងអ្នកកែច្នៃ ទាំងអ្នកនាំចេញ ទាំងអ្នកចិញ្ចឹម ដែលមានបំណងក្នុងការនាំចេញសំបុកត្រចៀកកាំទៅកាន់ទីផ្សារចិនដោយផ្ទាល់ ខាងសមាគមក៏បានជំរុញក្នុងការផ្សព្វផ្សាយបន្ថែមទៅកាន់សមាជិកនៅក្នុងក្រុម ហើយក៏បានលើកទឹកចិត្តឱ្យសមាជិកបានចុះបញ្ជីត្រឹមត្រូវតាមច្បាប់ដើម្បីយើងសិក្សាក្នុងការចុះបញ្ជីនាំចេញទៅប្រទេសចិន។ ជាមួយគ្នានេះ សមាគមបានធ្វើការយ៉ាងជិតស្និទផងដែរជាមួយនឹងនាយកដ្ឋានសុខភាពសត្វ ដើម្បីធ្វើយ៉ាងណាអាចផ្សព្វផ្សាយឱ្យមានភាពទូលំទូលាយ និងផ្តល់វគ្គបណ្តុះបណ្តាលមួយចំនួន បើសិនមានតម្រូវការ ដើម្បីឱ្យអ្នកអភិរក្សត្រចៀកកាំ និងអ្នកកែច្នៃបានយល់ច្បាស់ពីស្តង់ដារតម្រូវរបស់ប្រទេសចិន។

បើតាមលោក ស៊ុយ កុកធាន «តាមរយៈកិច្ចព្រមព្រៀងដែលបានចុះដោយភាគីនៃប្រទេសទាំងពីរ លោកសង្ឈឹមថា សំបុកត្រចៀកកាំកម្ពុជានឹងអាចមានតម្លៃល្អជាងមុន ហើយនឹងអាចនាំចេញដោយរលូន ពីព្រោះមិនឆ្លងកាត់ប្រទេសណាមួយឬឈ្មួញកណ្តាលណាមួយទេ គឺយើងនាំចេញដោយផ្ទាល់»។

ដោយឡែកសម្រាប់ទីផ្សារសំបុកត្រចៀកកាំ លោកហាក់មិនមានការបារម្ភនោះទេ ព្រោះប្រទេសកម្ពុជាផ្គត់ផ្គង់តម្រូវការខេត្តមួយរបស់ចិនមិនគ្រប់ផង ព្រោះនៅចិនគឺមានការប្រើប្រាស់ច្រើនមែនទែន មិនមានប្រទេសណាប្រើប្រាស់ដូចប្រទេសចិននោះទេ។ ដូច្នេះ យើងមិនបារម្ភរឿងទីផ្សារនោះឡើយ នៅពេលណាយើងសម្រមសម្រួលការនាំចេញដោយរលូនហើយគឺមិនពិបាកទេរឿងទីផ្សារមានតែខ្វះផលិតផលក្នុងការផ្គត់ផ្គង់។

បើតាមប្រធានសមាគមត្រចៀកកាំខ្មែរខាងលើបានបញ្ជក់ថា នាពេលបច្ចុប្បន្ននេះតម្លៃសំបុកត្រចៀកកាំវិញលើទីផ្សារកម្ពុជាមិនទាន់កែច្នៃមានតម្លៃចន្លោះពី ៣០០ទៅ៤៥០ដុល្លារ អាស្រ័យទៅលើគុណភាព ការជ្រើសរើស ការបែងចែកថ្នាក់របស់សំបុក ចំណែកសំបុកដែលកែច្នៃហើយអាចមានតម្លៃចាប់ពី៨០០ រហូតដល់ទៅ១៥០០ដុល្លារ ក្នុងមួយគីឡូ អាស្រ័យលើការច្នៃ៕

The post សំបុកត្រចៀកកាំកម្ពុជាអាចនឹងមានតម្លៃល្អជាងមុន ក្រោយកម្ពុជា-ចិន ចុះកិច្ចព្រមព្រៀងនាំសំបុកត្រចៀកកាំដោយផ្ទាល់ទៅចិន appeared first on .

ក្នុងពិធីបិទ វេទិកាធុរកិច្ចសំបុកត្រចៀកកាំកម្ពុជា និងបើក កម្មវិធីរាត្រីស្រមោសរត្រចៀកកាំកម្ពុជា កាលពីថ្ងៃទី២៥ខែតុលាឆ្នាំ២០២៣ លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម បានជំរុញ និងលើកទឹកចិត្ត ដល់សមាគមអ្នកផលិត អ្នកនាំចេញ និងអ្នកពាក់ព័ន្ធក្នុងវិស័យសំបុកត្រចៀកកាំកម្ពុជា បន្តសហការនិងចាប់ដៃគ្នាជាមួយពាណិជ្ជករផ្គត់ផ្គង់សំបុកត្រចៀកកាំធំៗដូចជា ឥណ្ឌូនេស៊ី ម៉ាឡេស៊ី និងថៃ ដើម្បីបន្តពង្រឹងគុណភាព បង្កើនបរិមាណផលិត ការធានាបាននូវសិ្ថរភាពនៃការផ្តត់ផ្តង់ និងការបំពេញបានតាមលក្ខខណ្ឌ និងនីតិវិធីតម្រូវនានាសម្រាប់ការនាំចេញទៅទីផ្សារអន្តរជាតិ។ 

ប្រធានសមាគមអ្នកផលិត និងនាំចេញសំបុកត្រចៀកកាំកម្ពុជា លោកស្រី វ៉ា សុជិន មានប្រសាសន៍ថា«វេទិកាធុរកិច្ចសំបុកត្រចៀកកាំកម្ពុជាគឺជាវេទិកាលើកដំបូង អាចនិយាយបានថា ជាព្រឹត្តិការណ៍ប្រវត្តិសាស្រ្តមួយសម្រាប់វិស័យត្រចៀកកាំកម្ពុជា ដែលត្រូវបានផ្តួចផ្តើមឡើងដោយសមាជិក សមាជិកានៃសមាគមអ្នកផលិត និងនាំចេញសំបុកត្រចៀកកាំកម្ពុជា ដើម្បីផ្សព្វផ្សាយពីវិស័យសំបុកត្រចៀកកាំកម្ពុជា ឱ្យកាន់តែទូលំទូលាយទៅកាន់ទីផ្សារក្នុងស្រុក និងអន្តរជាតិ, កសាងទំនាក់ទំនងរវាងពាណិជ្ជករក្នុងស្រុក និងអន្តរជាតិ ដើម្បីឈានដល់ការធ្វើពាណិជ្ជកម្មជាមួយគ្នាប្រកបដោយទំនុកចិត្ត បង្កើតឱកាសឱ្យវិស័យពាក់ព័ន្ធចូលរួមគាំទ្រ និងទទួលបានផលប្រយោជន៍ តាមរយៈការបង្ហាញនូវផលិតផល និងសេវាកម្មរបស់ខ្លួន និងស្វែងរកការគាំទ្រពីរាជរដ្ឋាភិបាល និងភាគីពាក់ព័ន្ធ ដើម្បីសម្របសម្រួលក្នុងការនាំចេញ នាំចូលផលិតផលត្រចៀកកាំដោយស្របច្បាប់»។

គួរបញ្ជាក់ផងដែរថា វេទិកានេះមានការចូលរួមពីសមាគមត្រចៀកកាំមកពីប្រទេសកម្ពុជា ថៃ វៀតណាម ម៉ាឡេស៊ី និងចិន ក្នុងគោលបំណងជំរុញការនាំចេញសំបុកត្រចៀកកាំកម្ពុជា ដោយផ្តល់ឱកាសជូនអាជីវករ និងពាណិជ្ជករជាតិ និងអន្តរជាតិក្នុងវិស័យសំបុកត្រចៀកកាំ ដើម្បីពង្រឹងនិងពង្រីកកិច្ចសហប្រតិបត្តិការពាណិជ្ជកម្ម ស្វែងរកដៃគូអាជីវកម្ម និងបង្កើនការនាំចេញសំបុកត្រចៀកកាំកម្ពុជាទៅកាន់ទីផ្សារអន្តរជាតិ តាមរយៈវេទិកាធុរកិច្ចដ៏សំខាន់នេះ៕ អត្ថបទ៖សារេត

The post ៤ប្រទេសមកចូលរួមវេទិកាធុរកិច្ចសំបុកត្រចៀកកាំកម្ពុជា ផ្តល់ឱកាសដល់អ្នករកស៊ីកសាងទំនាក់ទំនងធ្វើពាណិជ្ជកម្មរួមគ្នា appeared first on .

លោកស្រី វ៉ា សុជិន មានប្រសាសន៍ថា ផលិតផលសំបុកត្រចៀកកំាកម្ពុជាកន្លងមកយើងលក់ទៅឱ្យប្រទេសជិតខាង តែយើងសង្ឃឹមថានៅពេលយើងមានMOUជាមួយចិនហើយ យើងនិងជំរុញការនាំចេញឱ្យបានច្រើនដើម្បីបង្កើតកម្លាំងពលកម្មនៅក្នុងស្រុកឱ្យបានច្រើនដើម្បីបង្កើនតម្លៃបន្ថែមតាមរយៈការកែច្នៃ។

ផ្អែកលើក្រសួងពាក់ព័ន្ធមួយចំនួនកំពុងជំរុញ ខ្ញុំគិតថានៅឆ្នំាក្រោយ អាចនាំចេញផលិតផលសំបុកត្រចៀកកំាកម្ពុជាទៅប្រទេសចិនបាន ហើយដល់ពេលនោះខ្ញុំនឹងជំរុញបន្ថែមទៀតផ្នែកបច្ចេកទេសដល់អ្នកផលិតសំបុកត្រចៀកកំានៅក្នុងស្រុក មានស្តង់ដារកាន់តែប្រសើរ។

លោកស្រី គូសបញ្ជាក់ថា« ឱ្យតែយើងមានអាជ្ញាប័ណអាចនាំចេញផលិតផលសំបុកត្រចៀកកំាបាន ប្រាកដណាស់ភាគីចិននឹងទទួលស្គាល់ផលិតផលរបស់កម្ពុជា ព្រោះយើងមានចំណងមិត្តភាពជាមួយប្រទេសចិនស៊ីជម្រៅ។ដូចនេះបើកម្ពុជាអាចនាំចេញសំបុកត្រចៀកកំាទៅចិនបាន ខ្ញុំអត់បារម្ភថាខ្វះទីផ្សារនោះទេ ព្រោះប្រទេសចិនមានពលរដ្ឋច្រើនណាស់ មិនមានអ្វីគួរភ័យព្រួយនោះទេ សំខាន់ឱ្យតែយើងផលិតមានគុណភាពខ្ពស់ និងស្តង់ដារល្អ»។

ពាក់ព័ន្ធនឹងផលិតផលសំបុកត្រចៀកកំា បើតាមលោកស្រី វ៉ា សុជិន បច្ចុប្បន្នមាននៅទូទំាងប្រទេសមានប្រមាណ៥ពាន់ផ្ទះហើយអ្នកខ្លះទៀតកំពុងសាងសង់ផ្ទះត្រចៀកកំាបន្ថែម ខណៈផលិតផលដែលផ្តល់អត្ថប្រយោជន៍ដល់សុខភាពមនុស្សលោកមួយនេះក្នុង១ខែលក់ទៅឱ្យប្រទេសជិតខាងបានជិត១០តោន ដោយក្នុង១គីឡូក្រាមថ្លៃជាមធ្យម៦០០ដុល្លារអាមេរិក។

លើសពីនេះដើម្បីជំរុញការផ្សព្វផ្សាយអំពីផលិតផលសំបុកត្រចៀកកំាកម្ពុជានេះ នៅថ្ងៃទី៧ខែកក្កដាខាងមុខនេះលោកស្រីនឹងធ្វើដំណើរទៅប្រទេសចិនដើម្បីចូលរួមកម្មវិធីបវរកញ្ញាត្រចៀកកំាដែលមានប្រទេស៥រួមទំាងកម្ពុជា(ថៃ ឥណ្ឌូនេស៊ី ម៉ាឡេស៊ី វៀតណាម)ដើម្បីបង្ហាញពីវប្បធម៌ខ្មែរឱ្យគេស្គាល់ឱ្យបានកាន់តែច្រើន ពិសេសឱ្យគេដឹងថាកម្ពុជាមានត្រចៀកកំានឹងមានលក់នៅប្រទេសចិន៕

អត្ថបទ៖សារេត

The post កម្ពុជាត្រៀមខ្លួនរួចរាល់ ចាប់យកទីផ្សារប្រទេសចិនសម្រាប់ធ្វើការនាំចេញ​ផលិតផលសំបុកត្រចៀកកំា appeared first on .