នាឱកាសនោះ លោក សុខ លូ បានបង្ហាញពីស្ថានភាពភូមិសាស្រ្តខេត្តបាត់ដំបង សក្ដានុពលនៃវិស័យកសិកម្ម ទេសចរណ៍ សេវាកម្ម និងប្រព័ន្ធធារាស្រ្តយ៉ាងប្រទាក់ក្រឡាដែលអំណោយផលដល់ការវិនិយោគ។ លោក សង្កត់ធ្ងន់ថា ខេត្តបាត់ដំបងមានសក្ដានុពលខ្លាំងលើវិស័យកសិកម្ម ប៉ុន្តែការវិនិយោគលើការកែច្នៃវេចខ្ចប់នៅមានកម្រិត។ក្នុងន័យនេះលោក ស្នើឯកឧត្តមឯកអគ្គរដ្ឋទូតចិនជួយកៀរគរអ្នកវិនិយោគចិនមកបណ្ដាក់ទុនវិនិយោគលើការកែច្នៃកសិផលនិងឈានទៅបង្កើតឱ្យមានតំបន់សេដ្ឋកិច្ចពិសេសចិននៅខេត្តបាត់ដំបង។

ទន្ទឹមគ្នានេះ លោកក៏ស្នើភាគីចិនពិនិត្យលទ្ធភាពរៀបចំឱ្យមានការចងសម្ព័ន្ធមេត្រីភាពរវាងខេត្តបាត់ដំបង និងក្រុង ឬខេត្តណាមួយនៃប្រទេសចិនដើម្បីពង្រឹងកិច្ចសហប្រតិបត្តិការ និងទំនាក់ទំនងឱ្យកាន់តែស៊ីជម្រៅបន្ថែមទៀត។

ជាការឆ្លើយតប លោក វ៉ាង វិនពិន (Wang Wenbin) ក៏បានមើលឃើញច្បាស់ពីសក្ដានុពលខ្ពស់លើវិស័យស្រូវអង្ករ និងកសិផលផ្សេងៗនៅក្នុងខេត្តបាត់ដំបងហើយស្ថានទូតចិនប្រចាំកម្ពុជាបានចាត់ទុកការអភិវឌ្ឍលើច្រករបៀងមច្ឆា និងអង្កររវាងប្រទេសទាំងពីរជាកិច្ចការអាទិភាពដើម្បីជំរុញកិច្ចសហប្រតិបត្តិការលើវិស័យកសិកម្ម ផ្តោតលើការនាំចេញមច្ឆា និងកសិផលរបស់កម្ពុជាទៅកាន់ប្រទេសចិន។

ជុំវិញរឿងនេះ លោក ក៏បានលើកឡើងពីការជំរុញសភាពាណិជ្ជកម្មចិនប្រចាំប្រទេសកម្ពុជាឱ្យបង្កើនកិច្ចសហប្រតិបត្តិការជាមួយរដ្ឋបាលខេត្តបាត់ដំបងព្រមទាំងនាំយកសក្ដានុពលរបស់ខេត្តបាត់ដំបងទៅបង្ហាញដល់អ្នកវិនិយោគចិនដោយឯកឧត្តមចាត់ទុកខេត្តបាត់ដំបងជាខេត្តមួយដ៏សំខាន់ក្នុងការពង្រឹងទំនាក់ទំនង និងកិច្ចសហប្រតិបត្តិការររវាងប្រទេសចិននិងកម្ពុជា។

តាមរយៈជំនួបនេះដែរ ស្ថានទូតចិន ក៏បានអះអាងពីការជំរុញការចងសម្ព័ន្ធមេត្រីភាពរវាងខេត្ត ក្រុង នៃប្រទេសចិន និងរដ្ឋបាលខេត្តបាត់ដំបង ដើម្បីពង្រឹងទំនាក់ទំនង កិច្ចសហប្រតិបត្តិការឱ្យកាន់តែខ្លាំងថែមទៀត៕ អត្ថបទ៖ ហ្សាលីន

The post ចិន សម្លឹងឃើញសក្ដានុពលខ្ពស់លើវិស័យស្រូវអង្ករ និងកសិផលផ្សេងៗ នៅក្នុងខេត្តបាត់ដំបង appeared first on .

ឯកឧត្តម វ៉ាង វិនពីន ឯកអគ្គរដ្ឋទូតចិនប្រចាំកម្ពុជា បានគូសបញ្ជាក់ នាព្រឹកថ្ងៃទី ២ ខែសីហា ឆ្នាំ ២០២៥ នេះថានឹងផ្តល់ជំនួយ ១០ម៉ឺនដុល្លារ ដល់ប្រជាពលរដ្ឋនៅទីតាំងជនភៀសខ្លួន នៅវត្តភ្នំថ្មកំបោរ ភូមិពោធិ៍ចាស់ ឃុំបេង ស្រុកបន្ទាយអំពិល ខេត្តឧត្តរមានជ័យ ដើម្បីជួយកែលំអរជីវភាពរស់នៅ។

ជាមួយគ្នានេះ ស្ថានទូតចិន ក៏សូមជូនពរជនរងគ្រោះដោយសង្រ្គាមអាចត្រឡប់ទៅផ្ទះវិញឱ្យបានឆាប់ផងដែរ។

ការប្រកាសផ្តល់ជំនួយរបស់ស្ថានទូតចិន បន្ទាប់ពីលោកប្រមុខការទូតកម្ពុជា ឧបនាយករដ្ឋមន្រ្តី ប្រាក់ សុខុន ដឹកនាំឯកអគ្គរាជទូត-រដ្ឋទូតជាង២០ប្រទេស និងអង្គការអន្តរជាតិចំនួន៤ ចុះពិនិត្យមើលការអនុវត្ត​បទឈប់បាញ់ នៅព្រំដែនកម្ពុជា-ថៃ កាលពីថ្ងៃទី០១ ខែសីហា ឆ្នាំ២០២៥ នៅខេត្តឧត្តរមានជ័យ។

ឧបនាយករដ្ឋមន្ត្រី ប្រាក់ សុខុន ក៏បានដឹកនាំអង្គទូត និងតំណាងអង្គការអន្តរជាតិ ពិនិត្យមើលទីតាំងដែលកងទ័ពថៃប្រើយន្តហោះ F-16 ទម្លាក់គ្រាប់បែកប្រភេទ MK-84 តែមិនទាន់ផ្ទុះ, កងទ័ពថៃប្រើយន្តហោះ F-16 ទម្លាក់គ្រាប់បែកនៅវត្ត, សាលារៀន ដែលរងការខូចខាតយ៉ាងដំណំ។

ជាមួយគ្នានេះ បណ្តាអង្គទូត និងតំណាងអង្គការអន្តរជាតិក៏បានចុះជួបសួរសុខទុក្ខ និងចែកអំណោយមួយចំនួនដល់កងទ័ពជួរមុខកម្ពុជា ដែលឈរជើងនៅសមរភូមិជួរមុខ ក្នុងខេត្តឧត្តរមានជ័យ ព្រមទាំងចុះសួរសុខទុក្ខជនភៀសសឹកផងដែរ៕

The post ស្ថានទូតចិន ប្រកាសផ្តល់ជំនួយ១០ម៉ឺនដុល្លារ ដល់ប្រជាពលរដ្ឋទីតាំងជនភៀសខ្លួន នៅវត្តភ្នំថ្មកំបោរ ខេត្តឧត្តរមានជ័យ appeared first on .

បើតាមស្ថានទូតចិនប្រចាំកម្ពុជា បានឱ្យដឹងថា ក្រុមហ៊ុនដែលបានអនុញ្ញាត និងចុះបញ្ជីនាំចេញផលិតផលជលផលធម្មជាតិ ទៅកាន់ទីផ្សារប្រទេសចិន តាមរយៈក្រុមហ៊ុន KIM CHOU Co., Ltd. Import Export and International Transportation។ផលិតផលជលផលទាំង១២ប្រភេទ នោះរួមមាន៖ បង្គា ត្រី អន្ទង់ និងខ្យងជាដើម។

ជាមួយគ្នានោះ ស្ថានទូតចិនប្រចាំកម្ពុជា បានគូសបញ្ជាក់ថា ផលិតផលជលផលធម្មជាតិ បានក្លាយជាផលិតផលប្រភេទទី២នៃវិស័យកសិកម្មនៅក្នុងប្រទេសកម្ពុជា ដែលត្រូវបានអនុញ្ញាតឱ្យនាំចេញទៅកាន់ប្រទេសចិនក្នុងឆ្នាំ២០២៣នេះ។

គួរឱ្យដឹងផងដែរថា ផលិតផលកម្ពុជាដែលអាចនាំចេញទៅកាន់ប្រទេសចិនកន្លងទៅ រួមមាន គ្រាប់ស្វាយចន្ទី ចេក អង្ករ ដំឡូងមី មៀនប៉ៃលិន ត្រីប្រា ម្រេច ពោតជាដើម៕

The post ផលិតផលជលផល របស់កម្ពុជាទាំង១២ប្រភេទ ទទួលបានការអនុញ្ញាតនាំចេញទៅកាន់ទីផ្សារប្រទេសចិន appeared first on .

លោក ងួន ឡាយ ប្រធានសមាគមម្រេចកំពត យល់ឃើញថា ចិនអនុញ្ញាតឱ្យម្រេចដែលបានដំាដុះនៅតំបន់ផ្សេងអាចនាំចេញទៅទីផ្សារប្រទេសចិន នៅពេលខាងមុខនេះ យើងទុកជាជោគជ័យហើយសម្រាប់កសិករ ដែលកាលពីមុនថា យើងមានទីផ្សារនំាចេញទៅវៀតណាម តែដល់ពេលនេះ ចិនបើកចំហរឱ្យនាំចេញទៅចិនបាន មានន័យថា ជាជោគជ័យមួយរបស់កសិករដំាម្រេច ដូចនៅខេត្តរតនគិរី, មេមត់ កំពង់ចាមជាដើម ។

បើតាមប្រធានសមាគមខាងលើ ក្រៅពីសម្តែងការរីករាយសប្បាយចំពោះប្រជាកសិករដំាម្រេច នៅក្នុងស្រុក មានទីផ្សារនៅប្រទេសចិន កសិករអាចពង្រីកការដំាដុះម្រេចបន្ថែម ព្រោះវាជួយឱ្យជីវភាពកសិករប្រែប្រួលលឿនពេលមានទីផ្សារល្អ ទោះបីតម្លៃម្រេចដាំដុះនៅតំបន់ផ្សេងលក់មិនបានថ្លៃដូចម្រេចកំពតក៏ដោយ។

លោក ងួន ឡាយ មានប្រសាសន៍ថា «ការពិតខ្ញុំរីករាយសប្បាយ ដោយសារទីផ្សារប្រទេសចិនទទួលយកម្រេចកម្ពុជា ហើយចិនក៏ជាអ្នកធ្វើពាណិជ្ជកម្មធំនៅលើពិភពលោក ។ដូច្នេះយើងសង្ឃឹមថា យើងនឹងមានទីផ្សារសម្រាប់កសិករដំាដុះម្រេចនៅកម្ពុជា។ ឥលូវនេះភាពជោគជ័យសម្រាប់កសិករដំាម្រេចបានរំកិលមកដល់ ហើយយើងត្រូវតែពង្រឹង និងពង្រីកការដាំដុះ ដើម្បីឆ្លើយតបទៅនិងតម្រូវការទីផ្សារចិន»។

លោក វ៉ន វណ្ណាល់ នាយកប្រតិបត្តិនៃសហព័ន្ធម្រេច និងគ្រឿងទេសកម្ពុជា បានឱ្យដឹងថា ក្នុងនាមសហព័ន្ធដែលតំណាងឱ្យវិស័យម្រេចកម្ពុជា ពិតជាមានសេចក្តីសោមនសរីករាយ ដែលបង្ហាញឱ្យឃើញថា រាជរដ្ឋភិបាល, ក្រសួងកសិកម្ម និងក្រសួងពាណិជ្ជកម្ម ពិតជាមានការប្រឹងប្រែងយ៉ាងខ្លាំង និងប្រឹងប្រែងពិតប្រាកដ ក្នុងការលើកស្ទួយវិស័យម្រេចកម្ពុជា តាមរយៈកិច្ចសម្របសម្រួលពាណិជ្ជកម្មទ្វេភាគី (Bilateral Agreement) រវាងកម្ពុជា-ចិន។ ភាពជោគជ័យនេះ ឆ្លុះបញ្ចាំងឱ្យឃើញពីការយកចិត្តទុកដាក់របស់រាជរដ្ឋាភិបាលកម្ពុជា ក្នុងការលើកស្ទួយជីវភាពប្រជាកសិករ សុខមាលភាពប្រជាជន ព្រមទាំងការអភិវឌ្ឍនសេដ្ឋកិច្ចជាតិ តាមរយៈជម្រុញការនាំចេញផលិតផលម្រេចទៅកាន់ទីផ្សារប្រទេសចិន។

សហព័ន្ធម្រេចកម្ពុជា បានសម្របសម្រួលសមាជិករបស់ខ្លួនរួមមាន ចំការម្រេច និងសហគ្រាសកែច្នៃ ក្នុងនោះរួមមាន ក្រុមហ៊ុនកែច្នៃចំនួន៥ និងកសិដ្ឋានម្រេចចំនួន៨ កន្លែងដែលបានជាប់ក្នុងបញ្ជីកសិដ្ឋាន និងក្រុមហ៊ុនកែច្នៃដែលអាចផ្គត់ផ្គង់ទៅទីផ្សារប្រទេសចិន។

លោកសង្កត់ធ្ងន់ថា «សហព័ន្ធម្រេច ពិតជាមានសុទិដ្ឋិនិយមចំពោះសមិទ្ធិផលនៃកិច្ចសម្របសម្រួលពាណិជ្ជកម្មរបស់រាជរដ្ឋាភិបាលថា ពិតជាធ្វើឱ្យមានកាលានុវត្តភាពទីផ្សារម្រេចកម្ពុជា បានធំទូលាយ ធ្វើឱ្យការជួញដូរម្រេចមានជម្រើសកាន់តែច្រើន។ ភាពជោគជ័យនេះនឹងបង្កើតឱ្យមានភាពប្រាកដប្រជាកាន់តែខ្លាំង រវាងផលិតករ និងក្រុមហ៊ុនកែច្នៃ រវាងក្រុមហ៊ុនកែច្នៃ និងក្រុមហ៊ុននាំចេញ តាមរយៈកិច្ចសន្យាផលិតកម្មកសិកម្ម ឬកិច្ចសន្យាអាជីវកម្មជាដើម»។

លោក លើកឡើងថា សហព័ន្ធម្រេច នឹងបន្តធ្វើការយ៉ាងជិតស្និទ្ធ ជាមួយរាជរដ្ឋាភិបាល ជាពិសេសក្រសួងកសិកម្មដើម្បីបន្តគៀងគរកសិករម្រេច និងសហគ្រាសកែច្នៃ ឱ្យចុះបញ្ជីបានកាន់តែច្រើន ដើម្បីពង្រីកសក្តានុពលទីផ្សារនាំចេញរបស់កម្ពុជា។ លើសពីនេះ គោលនយោបាយលើកទឹកចិត្តដល់វិស័យម្រេច ក៏ជាយុទ្ធសាស្រ្តដែលរដ្ឋាភិបាលបាននឹងកំពុងយកចិត្តទុកដាក់រៀបចំ ដើម្បីជាឧត្តមប្រយោជន៍សម្រាប់ខ្សែសង្វាក់តម្លៃ ដែលមានកសិករម្រេច សហគ្រាសកែច្នៃ ក្រុមហ៊ុននាំចេញ វិនិយោគទុនជាតិ និងអន្តរជាតិ វាក៏ជាកិច្ចការអាទិភាពដែលសហព័ន្ធម្រេចបានកំណត់។

យោងតាមស្ថានទូតចិនប្រចំាកម្ពជាកាលថ្មីៗនេះ បានបង្ហាញថា ទីតាំងដាំម្រេចចំនួន២៨កន្លែងនិងរោងចក្រវេចខ្ចប់ចំនួន៧កន្លែង ត្រូវបានចុះបញ្ជី និងទទួលបានការអនុញ្ញាតពីភាគីចិនក្នុងការនាំចេញ។ដើម្បីពន្លឿនការអនុវត្តពិធីសារស្តីពីលក្ខខណ្ឌតម្រូវភូតគាមអនាម័យសម្រាប់ការនាំចេញម្រេចពីកម្ពុជាទៅប្រទេសចិន ដែលបានចុះហត្ថលេខារួមគ្នារវាងភាគីទាំងពីរ ចិននិងកម្ពុជា កាលពីខែវិច្ឆិកាឆ្នាំ២០២២ រដ្ឋបាលគយ ស្ថានទូតចិនប្រចាំកម្ពុជា និងក្រសួងកសិកម្ មរុក្ខាប្រមាញ់ និងនេសាទកម្ពុជា កាលពីថ្ងៃទី១០-១១ខែមេសាថ្មីៗនេះ បានធ្វើការពិនិត្យទីតាំងដាំម្រេច និងរោងចក្រវេចខ្ចប់ម្រេច ដោយតាមរយៈVideo Conference។

គួរឱ្យដឹងផងដែរថា ដំណាំម្រេចគឺជាកសិផលដំបូងគេរបស់កម្ពុជា ដែលត្រូវបានអនុញ្ញាតឱ្យនាំចេញទៅប្រទេសចិន ក្នុងឆ្នាំ២០២៣នេះ ហើយក៏ជាដំណាំគ្រឿងទេសដំបូងគេ ដែលត្រូវបានអនុញ្ញាតឱ្យនាំចេញទៅកាន់ទីផ្សារចិនផងដែរ៕

អត្ថបទ៖សារេត

The post កសិករដំាម្រេចនៅតាមតំបន់ ក្រៅពីខេត្តកំពត ចាប់ផ្តើមទទួលបានជោគជ័យ សម្រាប់ទីផ្សារប្រទេសចិន appeared first on .

“ដំណើរភាពយន្តចល័តចិន-កម្ពុជាដ៏ឆ្នើមលើកទី៦” នឹងចាប់ផ្តើមនៅចុងខែធ្នូ ហើយនឹងធ្វើដំណើរទៅកាន់ខេត្តកំពង់ឆ្នាំង ពោធិ៍សាត់ និងបាត់ដំបងក្នុងប្រទេសកម្ពុជា ដើម្បីចាក់បញ្ចាំងភាពយន្តដ៏ឆ្នើម ដែលបានថតផលិតនៅក្នុងប្រទេសកម្ពុជានិងចិន ក្នុងរយៈពេលប៉ុន្មានឆ្នាំចុងក្រោយនេះ ក្នុងនោះ រួមមានរឿង”ដំណើរនៃប្រាក់” រឿង”ឆ្លងកាត់ទន្លេយ៉ាលូ” រឿង”មួយគីឡូម៉ែត្រចុងក្រោយ” និងភាពយន្តខ្មែររឿងលោកប្តី និងរឿងទីងមោងជាដើម៕

ឯកឧត្ដមWang Wentian ឯកអគ្គរដ្ឋទូតចិនប្រចាំនៅកម្ពុជា ឯកឧត្ដម ឯក សំអុល ប្រធានសមាគមមិត្ត ភាពកម្ពុជា-ចិន ឯកឧត្ដម ខៀវ កាញារីទ្ធ រដ្ឋមន្ត្រីក្រសួង ព័ត៌មាន តំណាងក្រសួងអប់រំ យុវជន និងកីឡា ឯកឧត្ដម ហាប់ ទូច រដ្ឋលេខាធិការក្រសួងវប្បធម៌ និងវិចិត្រសិល្បៈ ជាដើមបានអញ្ជើញចូលរួម ពិធីសម្ពោធបើកព្រឹត្តិការណ៍នេះ។

ឯកឧត្ដមWang Wentian ឯកអគ្គរដ្ឋទូតចិន បានថ្លែងសុន្ទរកថានៅក្នុងពិធីសម្ពោធបើកថា ចាប់តាំងពីឆ្នាំ២០១៦ មក ព្រឹត្តិការណ៍ដំណើរភាព យន្តចល័តចិន-កម្ពុជាដ៏ឆ្នើម ត្រូវបានប្រារព្ធធ្វើឡើងដោយជោគជ័យជាច្រើនលើក ហើយទទួលបានការនិយមចូលចិត្តពីប្រជាជនកម្ពុជា និងបានក្លាយទៅជានិមិត្តសញ្ញាដ៏សំខាន់នៃការផ្សារភ្ជាប់បេះដូងរវាងប្រជាជននៃប្រទេសទាំង ពីរ។ របាយការណ៍នៃសមាជបក្សកុម្មុយនីស្តចិនលើកទី ២០បានលើកឡើងពី“ការធ្វើឱ្យស៊ីជម្រៅនូវការផ្លាស់ប្តូរអរិយធម៌និងការរៀនពីគ្នាទៅវិញទៅមក ជំរុញឱ្យវប្បធម៌ចិនឆ្ពោះទៅកាន់ពិភពលោកកាន់តែប្រសើរឡើង”។ពួកយើងស្ម័គ្រចិត្តសហការជាមួយភាគីកម្ពុជា លើកតម្កើងមិត្តភាពជាប្រពៃណី ធ្វើឱ្យទំនាក់ទំនងវប្បធម៌និងការប្រាស្រ័យទាក់ ទងរវាងប្រជាជនមានភាពកាន់តែស្អិតល្មួត ជំរុញឱ្យទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយកម្ពុជាចិនបន្តទទួលបានសមិទ្ធផលថ្មីៗជាបន្តបន្ទាប់ទៀត។

ឯកឧត្ដម ឯក សំអុល ប្រធានសមាគមមិត្តភាពកម្ពុជា-ចិន បានមានប្រសាសន៍ក្នុងពិធី សម្ពោធបើកថា ចំណងមិត្ត ភាពជាប្រពៃណីរវាងកម្ពុជានិងចិនមានប្រវត្តិជាយូរលង់មកហើយ។ប្រទេសចិនទើប បានបញ្ចប់សមាជលើកទី២០ នៃបក្សកុម្មុយនីស្តចិនដោយជោគជ័យ ដោយបានចង្អុល បង្ហាញពីទិសដៅអភិវឌ្ឍទៅមុខនៅក្នុងដំណើរថ្មីដើម្បីសម្រេចបានគោលដៅតស៊ូ ១០០ឆ្នាំទី២។ក្នុងដំណាក់ កាលដ៏គន្លឹះនេះ ក្នុងនាមជាប្រទេសជិតខាងល្អ បងប្អូនល្អនិងជាដៃគូល្អ ប្រទេសកម្ពុជារីករាយពួតដៃជាមួយប្រទេសចិនរីកចម្រើនទៅមុខជាមួយ គ្នាក្នុងក្របខណ្ឌសហគមន៍ជោគវាសនារួម។

ប្រទេសកម្ពុជានឹងប្រឹងប្រែងក្នុងការ ជំរុញកិច្ចសហប្រតិបត្តិការនិងការផ្លាស់ប្តូរគ្នាឱ្យកាន់តែស៊ី ជម្រៅជាមួយប្រទេសចិនក្នុងវិស័យនានាក្នុងនោះរួមទាំង វិស័យវប្បធម៌និងសិល្បៈផងដែរ បន្តជំរុញការផ្លាស់ប្តូរវប្បធម៌និងព័ត៌មានរវាងប្រជាជននៃប្រទេសទាំងពីរតាមរយៈព្រឹត្តិការណ៍ “ដំណើរភាពយន្តចល័តចិន-កម្ពុជាដ៏ឆ្នើម” ដ៏មានគុណភាពខ្ពស់ជាដើម។

The post “ដំណើរភាពយន្តចល័តចិន-កម្ពុជាដ៏ឆ្នើមលើកទី៦” នឹងចាក់បញ្ចាំងនៅខេត្តចំនួន ៣ ក្នុងប្រទេសកម្ពុជា appeared first on .

ការមកដល់របស់ ក្រុមអ្នកជំនាញវេជ្ជសាស្រ្តបុរាណចិនដើម្បីទប់ស្កាត់ជំងឺកូវីដ នាពេលនេះ ត្រូវបានទទួលស្វាគមន៍ពីលោក អឿន បូរារ័ត្នន៍ រដ្ឋលេខាធិការក្រសួងសុខាភិបាលកម្ពុជា លោក Wu Guoquan ទីប្រឹក្សាសេដ្ឋកិច្ចនិងពាណិជ្ជកម្មនៃស្ថានទូតចិនប្រចាំកម្ពុជា អ្នកតំណាងសភាពាណិជ្ជកម្មចិននៅកម្ពុជា និងសមាគមសម្ព័ន្ធខ្មែរចិននៅកម្ពុជានៅអាកាសយានដ្ឋានអន្តរជាតិរាជធានីភ្នំពេញ។

បើតាមស្ថានទូតចិន ក្រុមអ្នកជំនាញវេជ្ជសាស្រ្តមានសមាជិកចំនួន១២រូប ដែលត្រូវបានជ្រើសរើសដោយបណ្ឌិត្យសភាវិទ្យាសាស្ត្រវេជ្ជសាស្ត្របុរាណចិននៃប្រទេសចិន គឺជាក្រុមវេជ្ជសាស្ត្រថា្នក់ជាតិដំបូងគេលើសកលលោកដែលភាគីចិនបានចាត់បញ្ជូនមកកាន់ក្រៅប្រទេសដើម្បីចូលរួមប្រយុទ្ធប្រឆាំងនឹងជំងឺកូវីដ ក្នុងនោះមានអ្នកជំនាញផ្នែកជំងឺសួត ផ្នែកសរសៃឈាមបេះដូង ការចាក់ម្ជុលវិទ្យាសាស្ត្រជាដើម។

យ៉ាងណាម៉ិញ ស្ថានទូតចិនបានបញ្ជាក់ថា ក្នុងអំឡុងពេលបំពេញបេសកកម្មក្នុងប្រទេសកម្ពុជា ពួកគេនឹងរៀបចំធ្វើរោគវិនិច្ឆ័យ ព្យាបាល និងបណ្ដុះបណ្ដាលផ្នែកទប់ស្កាត់ជំងឺវីរុសនៅក្នុងមន្ទីរពេទ្យមិត្តភាពកម្ពុជា-ចិនព្រះកុសុមៈរយៈពេល៦០ថ្ងៃដោយផ្អែកលើខ្លឹមសារដែលបានព្រមព្រៀងដោយរដ្ឋាភិបាលចិននិងកម្ពុជា ដើម្បីសហការជាមួយកម្ពុជាប្រយុទ្ធប្រឆាំងជំងឺកូវីដ១៩មួយនេះ៕

The post ចិន បញ្ជូនក្រុមវេជ្ជសាស្ត្រថា្នក់ជាតិដំបូងគេលើលោកមកកាន់កម្ពុជាដើម្បីប្រយុទ្ធប្រឆាំងជំងឺកូវីដ-១៩ appeared first on .

លោក Wang Wentian ឯកអគ្គរដ្ឋទូតចិនប្រចាំកម្ពុជា មានប្រសាសន៍ថា “ចិននិងកម្ពុជាពុះពាររាល់បញ្ហាប្រឈមនៃជំងឺវីរុសកូវីដ១៩ បានចាប់ផ្តើមកិច្ចចរចាស្តីអំពីការនាំចេញផ្លែមៀនកម្ពុជាទៅកាន់ប្រទេសចិន។ ភាគីកម្ពុជា កំពុងរៀបចំផែនការនិងវិធានការការពារចំពោះហានិភ័យសត្វល្អិតដែលអាចកើតទៅតាមតម្រូវការ “។

លោកឯកអគ្គរដ្ឋទូតរូបនេះ រំពឹងទុកថា ផ្លែមៀនកម្ពុជា នឹងក្លាយជាផ្លែឈើស្រស់ប្រភេទទី ៣ ដែលទទួលបានការអនុញ្ញាតនាំចេញទៅកាន់ប្រទេសចិន បន្ទាប់ពីផ្លែចេក និងស្វាយ។

គួររម្លឹកជូនថា ក្នុងជំនួបជាមួយទីប្រឹក្សារដ្ឋ និងរដ្ឋមន្រ្តីកាបរទេសចិន លោក វ៉ាង យី នៅថ្ងៃអាទិត្យកន្លងទៅ នាយករដ្ឋមន្រ្តីនៃកម្ពុជា សម្តេចតេជោ ហ៊ុន សែន បានលើកបញ្ហាការនាំកសិផលកម្ពុជាត្រង់ទៅកាន់ប្រទេសចិន ដែលក្នុងនោះដូចជាមៀនប៉ៃលិនជាដើម។ បើតាមសម្តេចតេជោ ចិនកំពុងបើកទូលាយទីផ្សារ ហើយ នៅពេលដែលកិច្ចព្រមព្រៀងពាណិជ្ជកម្មកម្ពុជា-ចិន ដែលនឹងចូលជាធរមាននៅពេលខាងមុខ យើងនឹងអាចប្រើប្រាស់ទីផ្សាររបស់ចិន និងទទួលបានផលប្រយោជន៍ពីទីផ្សាររបស់ចិន។ រាជរដ្ឋាភិបាលកម្ពុជា នឹងប្រឹងប្រែងឱ្យអស់លទ្ធភាព ជាមួយនឹងការប្តេជ្ញាជួយពីមិត្តចិន។

ជាការឆ្លើយតបនឹងការលើកឡើងនេះ លោក វ៉ាង យី បានអះអាងថា ចិននឹងនាំចូលផលិតផលកសិកម្មរបស់កម្ពុជា ទៅកាន់ទីផ្សារចិនឱ្យបានកើនតែច្រើន ដើម្បីប្រយោជន៍សម្រាប់កសិករខ្មែរ។ លោកបន្តថា ការលំបាករបស់ប្រជាជនកម្ពុជា គឺជាការលំបាករបស់ប្រជាជនចិន យើងនឹងពួតដៃគ្នាជាមួយប្រទេសកម្ពុជា ដើម្បីជួយកម្ពុជាឱ្យបានកាន់តែច្រើន។ លោក អះអាងថា ចិននឹងគាំទ្រវិស័យកសិកម្មនៅកម្ពុជា។ 

បន្ថែមលើនេះ លោក វ៉ាង យី បញ្ជាក់ថា មិត្តភាពចិននិងកម្ពុជា មិនត្រឹមតែផ្តល់អត្ថប្រយោជន៍ជូនដល់ប្រជាជនទាំងពីរប៉ុណ្ណោះទេ ថែមទាំងផ្តល់ជាគំរូសម្រាប់ការកសាងទំនាក់ទំនងអន្តរជាតិប្រភេទថ្មី និងការកសាងសហគមន៍វាសនារួមសម្រាប់មនុស្សជាតិ។

លោកបន្ថែមទៀតថា យើងរីករាយសហការជាមួយប្រជាជនកម្ពុជាដែលជាបងប្អូនរបស់ចិន ជំរុញកិច្ចសហប្រតិបត្តិការនៃភាគីទាំងពីរលើគ្រប់វិស័យ ធ្វើឱ្យចំណងមិត្តភាពចិននិងកម្ពុជារឹងជាងដែក មាំជាងថែប រួមចំណែកកាន់តែធំធេងសម្រាប់ការអភិវឌ្ឍន៍រីកចម្រើនរបស់ប្រទេសរៀងៗខ្លួន៕

The post ដំណឹងល្អ! ចិនពុះពាររាល់បញ្ហាប្រឈមដោយចាប់ផ្តើមកិច្ចចរចាស្តីអំពីការនាំចេញផ្លែមៀនកម្ពុជាទៅកាន់ទីផ្សារចិន appeared first on .

រាជរដ្ឋាភិបាលកម្ពុជា ក៏បានបញ្ជាក់ពីសារសំខាន់នៃកិច្ចព្រមព្រៀងពាណិជ្ជកម្មសេរីជាមួយប្រទេសចិន ថា នឹងធ្វើសេរីភាវូបនីយកម្ម និងសម្រួលពាណិជ្ជកម្មទំនិញរវាងភាគីទំាងពីរតាមរយៈការកាត់បន្ថយ និងលុបបំបាត់ពន្ធគយ និងរបាំងមិនមែនពន្ធគយ ដោយធានាថា ស្ដង់ដារបទប្បញ្ញត្តិបច្ចេកទេស និងនីតិវិធីវាយតម្លៃអនុលោមភាព មិនបង្កជាឧបសគ្គដល់ការធ្វើពាណិជ្ជកម្ម ។

កិច្ចព្រមព្រៀងពាណិជ្ជកម្មសេរីកម្ពុជា ចិន ដែលទើបតែត្រូវបានរដ្ឋសភាអនុម័ត ខណៈដែលដំណឹងពីក្រសួងការបរទេស មកថា កម្ពុជា និងសាធារណកូរ៉េ នឹងឈានដល់ការចុះហត្ថលេខាលើកិច្ចព្រមព្រៀងពាណិជ្ជកម្មសេរីជាមួយគ្នានៅដើមខែតុលាខាងមុខផងដែរ។​ កិច្ចព្រមព្រៀង​ពាណិជ្ជកម្មសេរី​ រវាងប្រទេសកម្ពុជា​ និងចិន (FTA) នឹងរួមចំណែកយ៉ាងសំខាន់ ជួយជំរុញ​​សេដ្ឋកិច្ច​កម្ពុជាឱ្យកាន់តែរីកចម្រើន ​ខណៈដែលកម្ពុជា ខ្លួនឯងក៏​កំពុងត្រៀម​លក្ខណៈស្តារ​សេដ្ឋកិច្ច​របស់ខ្លួន​ឡើងវិញ ​ក្រោយវិបត្តិ​កូវីដ-១៩​ ផងដែរ៕  ​

The post ក្រោយព្រះមហាក្សត្រទ្រង់ឡាយព្រហស្ថលេខាលើ “កិច្ចព្រមព្រៀង​ពាណិជ្ជកម្មសេរី​កម្ពុជា-ចិន” កម្ពុជានឹងចំណេញលើរឿងទាំងអស់នេះ appeared first on .

ឯកឧត្តម ឯកអគ្គរដ្ឋទូតចិនប្រចាំកម្ពុជា បានបញ្ជាក់ផងដែរថា៖ ឱសថបុរាណចិនខាងលើទទួលបានការណែនាំជំរុញក្នុងខ្លឹមសារ＂ផែនការព្យាបាលជំងឺរលាកសួតកូវីដ-១៩＂ដែលចេញផ្សាយរួមគ្នាដោយគណៈកម្មាធិការសុខាភិបាលចិននិងអាជ្ញាធរជាតិឱសថបុរាណចិន ដែលឱសថខាងលើនេះមានគុណសម្បត្តិអាចរារាំងការកកើតវីរុសកូវីដក្នុងខ្លួន អាចជួយអ្នកជំងឺមានអាការៈធូរស្បើយ។

ឱសថបុរាណចិន LIANHUA QINGWEN ចំនួន ៨.៨ ម៉ឺនប្រអប់ដែលជាអំណោយរបស់ភាគីចិននាថ្ងៃនេះ មានតម្លៃសរុប ២០ ម៉ឺនដុល្លារសហរដ្ឋអាមេរិកដែលជាថវិកាសប្បុរសធម៌របស់សហគ្រាសជាសមាជិកនៃសភាពាណិជ្ជកម្មចិននៅកម្ពុជា។

ឱសថបុរាណចិន LIANHUA QINGWEN ដែលជាឱសថមានតម្រូវការជាបន្ទាន់ក្នុងការព្យាលបាលអ្នកជំងឺកូវីដ និងជាឱសថផ្តល់ជូនដោយស្ថានទូតចិនប្រចាំកម្ពុជានិងសភាពាណិជ្ជកម្មចិននៅកម្ពុជា អាចជួយលើកកម្ពស់សមត្ថភាពនិងជំនឿចិត្តក្នុងការទប់ស្កាត់នឹងជំងឺមួយនេះនៅក្នុងប្រទេស។

ពិធីប្រគល់ និងទទួលឱសថបុរាណចិន LIANHUA QINGWEN ពីសភាពាណិជ្ជកម្មចិននៅកម្ពុជានេះ មានការអញ្ជើញចូលរួមពីសំណាក់៖

ឯកឧត្តមWang Wentian ឯកអគ្គរដ្ឋទូតចិនប្រចាំនៅកម្ពុជា

ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្ដ្រីក្រសួងសុខាភិបាលកម្ពុជា

លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាលកម្ពុជា

លោក Wu Guoquan ទីប្រឹក្សាសេដ្ឋកិច្ចនិងពាណិជ្ជកម្មនៃស្ថានទូតចិនប្រចាំកម្ពុជា

លោក Jing Jun ប្រធានសភាពាណិជ្ជកម្មចិននៅកម្ពុជា

លោក Zhao Jinhui អនុប្រធានអចិន្ត្រៃយ៍និងជាអគ្គលេខាធិការនៃសភាពាណិជ្ជកម្មចិននៅកម្ពុជា

ភាគីកម្ពុជាសូមថ្លែងអំណរគុណសាជាថ្មីម្តងទៀតជូនដល់ជំនួយដ៏សន្ធឹកសន្ធាប់របស់សភាពាណិជ្ជកម្មចិននៅកម្ពុជានិងសមាជិកសហគ្រាសចិននៅកម្ពុជា ជឿជាក់ថាឱសថទាំងនេះអាចដើរតួនាទីយ៉ាងសំខាន់ក្នុងការធ្វើឱ្យរោគសញ្ញារបស់អ្នកជំងឺកូវីដមានភាពធូរស្រាល៕

The post ឯកអគ្គរដ្ឋទូតចិននៅកម្ពុជា៖＂ឱសថបុរាណចិន LIANHUA QINGWEN អាចរារាំងការកកើតវីរុសកូវីដក្នុងខ្លួនអ្នកជំងឺបាន＂ appeared first on .

ក្នុងពិធីប្រគល់ និងទទួលថ្នាំបាញ់ចំនួន២០ធុង និង​ឧបករណ៍៤០គ្រឿង សម្រាប់បាញ់​សម្លាប់មេរោគលើយន្តហោះ ជូនរដ្ឋលេខាធិការដ្ឋាន​អាកាសចរណ៍ស៊ីវិលនេះ ឯកឧត្ដម​នា​យឧត្តមសេនីយ៍ ម៉ៅ ហាវណ្ណាល់ រដ្ឋលេខាធិការដ្ឋានអាកាស​ចរណ៍ស៊ីវិល​បានមាន​ប្រសាសន៍ថា ថ្នាំបាញ់ចំនួន២០ធុង និងឧបករណ៍៤០គ្រឿង គឺពិតជា​មានសារៈ​សំខាន់​ណាស់ សម្រាប់បាញ់លើយន្តហោះពិសេស ( VVIP Flight) ជាព្រះ​ទីនាំងនៃ ព្រះ​ករុណា​ ព្រះ​បាទ​ សម្ដេច​ព្រះ​បរម​នាថ​ នរោត្តម​សីហមុនី​ ព្រះ​មហាក្សត្រ​នៃ​ព្រះ​រាជាណា​ចក្រ​កម្ពុជា​ និង​សម្ដេច​ព្រះ​មហាក្សត្រី​ នរោត្តម​ មុនិនាថ​ សីហនុ​ ព្រះ​វររាជ​មា​តា​ជាតិ​ខ្មែរ សម្តេច​អគ្គមហាសេនាបតីតេជោ ហ៊ុន សែន នាយក​រដ្ឋមន្ត្រីនៃ​ព្រះរាជាណាចក្រកម្ពុជា និង​ថ្នាក់ដឹកនាំកំពូលៗនៃរាជរដ្ឋាភិបាលកម្ពុជា សម្រាប់​បាញ់លើ​ក្រុមហ៊ុនអាកាស​ចរណ៍កម្ពុជា ​ដែលត្រូវការ​ចាំបាច់។

ជាមួយគ្នានេះ ឯកឧត្ដម បានថ្លែងអំណរគុណដល់ ឯកឧត្តម Wang Wentian ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជា​មានិត​ចិន ប្រចាំព្រះរាជាណាចក្រកម្ពុជា ដែលបានផ្តល់នូវឧបករណ៍ សម្ភារ និង ថ្នាំសម្លាប់​មេរោគនេះ ។

ឯកឧត្ដម បានគូសបញ្ជាក់ថា នេះជានិមិត្តរូបនៃកិច្ចសហប្រតិបត្តិការគ្រប់វិស័យ ក្រោមពាក្យស្លោក «មិត្តភាពដែកថែប កម្ពុជា-ចិន» ដើម្បីទប់ស្កាត់ និងការពារ​ការរីរាលដាល​​មេរោគCOVID-19។ ឯកឧត្ដមបានលើកឡើងថា ការទប់​ស្កាត់មេ​រោគCOVID-19នេះ រដ្ឋ​លេខា​ធិការដ្ឋានអាកាសចរណ៍ស៊ីវិល កំពុងអនុវត្តន៍នូវវិធានការ វាស់កំដៅយ៉ាងតឹងរឹង​គ្រប់មន្ត្រីថ្នាក់​ដឹក​នាំ និងភ្ញៀវជាតិ អន្តរជាតិ ទាំងអស់ពេល​ចូលបំពេញការងារ និងបានបាញ់ថ្នាំ​សម្លាប់​មេរោគ ក្នុងបរិវេណ អគារធ្វើការ និងគ្រប់​នាយកដ្ឋាន ព្រមទាំងការិយាល័យធ្វើការទាំងអស់ ក្នុងគោលបំណងទប់ស្កាត់ និងការ​ពារការរាលដាលមេរោគCOVID-19 ដែលជាសត្រូវមើល​មិនឃើញ។

ទន្ទឹមនឹងនេះ ចំពោះមន្ត្រីដែលបញ្ចប់បេសកម្មក្រៅប្រទេស ពេលមក​ដល់​កម្ពុជាវិញ នឹង​តម្រូវឱ្យនៅដាច់ដោយឡែក ដោយស្នាក់នៅផ្ទះចំនួន១៤ ថ្ងៃសិនមុនចាប់ផ្តើមធ្វើការ។

សូមបញ្ជាក់ថា ការផ្តល់សម្ភាររបស់ស្ថានទូតចិនជូនដល់រដ្ឋ​លេខា​ធិការដ្ឋាន​អា​កាសចរ​ណ៍ស៊ីវិលនេះ គឺជាការឆ្លើយតបតាម​ការសន្យារបស់ លោកស្រី Zuo Wenxing អនុ​ប្រធានស្ថានបេសកកម្ម និងជាទីប្រឹក្សា នយោបាយ  ប្រចាំស្ថានទូតចិននៅកម្ពុជា ដែលបានសន្យាផ្តល់ នូវឧបករណ៍ សម្ភារ និងថ្នាំសម្លាប់មេរោគ ក្នុងឱកាស​ជំនួប​ពិភាក្សារការងារជាមួយ ឯកឧត្ដម នាយឧត្តមសេនីយ៍ ម៉ៅ ហាវណ្ណាល់ កាល​ពីថ្ងៃទី ១១ ខែមីនា ឆ្នាំ២០២០ កន្លងទៅ៕

The post ស្ថានទូតចិ​ន ​ប្រគ​ល់​ថ្នាំបាញ់​ស​ម្លាប់​​មេរោគ​លើ​យន្តហោះ​កម្ពុជា appeared first on .