ក្នុងសេចក្តីជូនដំណឹង ក្រុមហ៊ុនបានលើកឡើងថា អនុលោមតាមប្រសាសន៍ដ៏ខ្ពង់ខ្ពស់របស់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងសេចក្តីប្រកាសព័ត៌មានរបស់ ក្រសួងរ៉ែ និងថាមពល កាលថ្ងៃទី២២ ខែមិថុនា ឆ្នាំ២០២៥ និងសេចក្តីជូនដំណឹងរបស់ អគ្គនាយកដ្ឋានគយ និងរដ្ឋាករកម្ពុជា កាលថ្ងៃទី១៦ ខែកក្កដា ឆ្នាំ២០២៥ ក្រុមហ៊ុនបានអនុវត្តតាមគោលនយោបាយរបស់រាជរដ្ឋាភិបាល និងសេចក្តីប្រកាសព័ត៌មានយ៉ាងខ្ជាប់ខ្ជួនទៅលើការផ្អាកនាំចូលនូវផលិតផលប្រេងឥន្ធនៈ និងឧស្ម័នឥន្ធនៈគ្រប់ប្រភេទពីប្រទេសថៃ។

ក្រុមហ៊ុន ភីធីធី (ខេមបូឌា) បានអនុវត្តតាមសេចក្តីជូនដំណឹងនេះទាំងស្រុងដោយក្រុមហ៊ុនពុំបាននាំចូលប្រេងឥន្ធនៈ និងឧស្ម័នឥន្ធនៈគ្រប់ប្រភេទដែលមានប្រភពមកពីប្រទេសថៃទៀតនោះទេ។ ក្រុមហ៊ុនបានធ្វើការស្វែងរក និងនាំចូលប្រេងឥន្ធនៈដែលមានស្តង់ដាគុណភាព និងសុវត្ថិភាពមានប្រភពមកពីប្រទេសសិង្ហបុរី ដើម្បីផ្គត់ផ្គង់ជូនអតិថិជនជំនួសវិញ។

គួររំឭកថា កាលថ្ងៃទី២២ ខែមិថុនា ឆ្នាំ២០២៥ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានប្រកាសផ្អាកការនាំចូលប្រេងឥន្ធនៈនិងឧស្ម័នគ្រប់ប្រភេទពីប្រទេសថៃទាំងស្រុង ចាប់ពីម៉ោង១២យប់តទៅ។ ការប្រកាសរបស់សម្តេចនាយករដ្ឋមន្ត្រីនាពេលនោះ គឺបន្ទាប់ពីបក្សប្រឆាំងថៃមួយ បានគំរាមមិនលក់ប្រេងឥន្ទនៈឱ្យកម្ពុជា៕

The post ស្ថានីយ PTT ប្រកាសផ្អាកនាំចូលប្រេងឥន្ធនៈពីប្រទេសថៃទាំងស្រុង ដោយនាំចូលប្រេងគុណភាពខ្ពស់ពីប្រទេសផ្សេងវិញ appeared first on .

ស្ថានីយប្រេងឥន្ធនៈ PTT ​ថ្មី​នេះ ​​នឹង​ក្លាយ​ជា​កន្លែង ដែល​​ផ្តល់​នូវ​ភាព​ងាយស្រួល​ក្នុង​ការ​ទិញ​ទំនិញ និង​ប្រេង​ឥន្ធនៈ​គ្រប់ប្រភេទ ដែល​មាន​គុណភាព​ខ្ពស់។ សេវាកម្ម​ទាំង​នេះ មាន​ដូចជា ហាង​កាហ្វេ Cafe Amazon, ហាង​លក់​ទំនិញ 7 Eleven, ភោជនីយដ្ឋាន Brew Park និង​ហាង​ជា​ច្រើន​ទៀត។ ជា​ពិសេស មាន​កន្លែង​ចត​រថយន្ត​ធំទូលាយ ព្រម​ទាំង​បន្ទប់​ទឹក​ស្អាត ដែល​ជួយ​សម្រួល​ដល់​អតិថិជន អ្នក​ដំណើរ និង​ប្រជាពលរដ្ឋ ដែល​រស់​នៅ​ជុំវិញ​​តំបន់​នោះ ទទួលបាន​បទ​ពិសោធន៍​នៃ​ការ​ចាក់​ប្រេង​ឥន្ធនៈ​ប្រកប​ដោយ​បរិយា​កាស​មាន​ផាសុកភាព។

គួរ​បញ្ជាក់​ថា PTT នេះ ជា​សាខា​ថ្មី​ទី ១៣៦ របស់ PTT Station ​​ដែល​មាន​នៅ​ក្នុង​ព្រះរាជាណាចក្រកម្ពុជា។ PTT ព្រែកហូរ ៥០ម៉ែត្រ មាន​ឆន្ទៈ​នៅ​ក្នុង​ការ​បំពេញ​តម្រូវ​ការ​របស់​អតិថិជន​ក្នុង​កម្រិត​ថ្មី​មួយ​ទៀត ដែល​អតិថិជន​គ្រប់​គ្នា​នឹង​ពេញ​ចិត្ត ១០០% ទៅ​លើ​សេវាកម្ម​ដែល​នឹង​ផ្តល់​ជូន៕

The post ឧកញ៉ា ឈាង សុវណ្ណរតនៈ បើកសម្ពោធស្ថានីយប្រេងឥន្ធនៈ PTT ព្រែកហូរ ៥០ម៉ែត្រ appeared first on .

ក្នុង​ចំណោម​ទំនិញ​ដែល​ឡើង​ថ្លៃ​ទាំងអស់ ​ប្រេង​ឥន្ធនៈ​មាន​ការ​កើនឡើង​ខ្ពស់​បំផុត ស្របពេល​តម្រូវការ​ក៏​មាន​ច្រើន​ផង បាន​ធ្វើ​ឲ្យ​ក្រុមហ៊ុន​ធំៗ​ដែល​ជួញដូរ​លើ​វិស័យ​មួយ​នេះ សំងំ​កើបលុយ​បាន​ច្រើន​សន្ធឹក​ពី​ឱកាស​ដ៏​កម្រ​បែបនេះ។

ខាងក្រោម​នេះ​គឺ​ជា​របាយការណ៍​ត្រួសៗ​រៀបរាប់​ពី​ប្រាក់ចំណូល​ប្រចាំ​ត្រីមាស​ទី ២ នៃ​ឆ្នាំ ២០២២ របស់​ក្រុមហ៊ុន​ប្រេង​ធំៗ​ទូទាំង​ពិភពលោក​ផ្ដល់​ឲ្យ​ដោយ​សារព័ត៌មាន Capital៖

1/ ក្រុមហ៊ុន Exxon Mobil ទទួល​បាន​ប្រាក់​ចំណេញ​ច្រើន​ជាង ៥០ ពាន់​លាន​ដុល្លារ​នៅ​ត្រីមាស​ទី ២ នៃ​ឆ្នាំ ២០២២។

2/ ក្រុមហ៊ុន Chevron ដែល​ប្រកប​អាជីវកម្ម​នៅ​កម្ពុជា​ក្រោម​ស្លាក​យីហោ CALTEX ទទួល​បាន​ប្រាក់​ចំណេញ​ប្រមាណ ១១,៦ ពាន់​លាន​ដុល្លារ ច្រើនជាង​ឆ្នាំ​ទៅ​ជិត ៤ ដង ពោល​កាលពី​ឆ្នាំ ២០២១ ក្រុមហ៊ុន​ខាងលើ​ទទួល​បាន​ប្រាក់​ចំណេញ​ត្រឹម ៣,១ ពាន់​លាន​ដុល្លារ ក្នុង​រយៈពេលដូចគ្នា។

3/ ក្រុមហ៊ុន Royal Dutch Shell PLC សម្រាប់​ត្រីមាស​ទី ២ នេះ​វិញ​ Shell ទទួល​បាន​ប្រាក់​ចំណេញ​ប្រមាណ ១១,៥ ពាន់​លាន​ដុល្លារ ច្រើន​ជាង​ឆ្នាំទៅ​ទ្វេដង​ និង​កើនឡើង​ពី​ ៩,១ ពាន់លានដុល្លារ​នៅ​ត្រីមាស​ទី ១ នៃ​ឆ្នាំ​ ២០២២។

4/ ក្រុមហ៊ុន TotalEnergies វិញ គឺ​រក​ប្រាក់ចំណេញ​សម្រាប់​ត្រីមាស​ទី ២ នៃ​ឆ្នាំ ២០២២ បាន​ប្រមាណ​ជិត ១០ ពាន់​លាន​ដុល្លារ តិច​ជាង​ក្រុមហ៊ុន​គូប្រជែង​ដទៃ​បន្តិច។

ដោយឡែក សម្រាប់​ក្រុមហ៊ុន​ប្រេង​ជួរ​មុខ​ប្រទេស​ថៃ PTT វិញ​ក៏​បាន​ទម្លាយ​ពី​របាយការណ៍​ចំណូល​ប្រចាំ​ត្រីមាស​របស់​ពួកគេ​ផង​ដែរ ប៉ុន្តែ​មាន​ត្រឹម​ត្រីមាស​ទី ១ នៃ​ឆ្នាំ ២០២២ ប៉ុណ្ណោះ ពោល​រកបាន​ប្រាក់​ចំណេញ​ប្រមាណ ៣ ៨៤៥ លាន​បាត ឬ​ជាង ១០៨ លាន​ដុល្លារ​អាមេរិក៕

The post ក្រុមហ៊ុនឥន្ធនៈធំៗទូទាំងពិភពលោក សំងំកើបលុយរាប់ពាន់លានដុល្លារនៅត្រីមាសទី ២ appeared first on .

នៅក្នុងលិខិតមួយច្បាប់​​របស់​ក្រសួងរ៉ែ និង​ថាមពល បានបញ្ជាក់ថា ស្ថានីយប្រេង​ឥន្ធនៈ​ដែលមានម្ចាស់ឈ្មោះ​ រស់ រដ្ឋា កំពុងសាងសង់មិនសមស្របតាមប្លង់បច្ចេកទេសរៀបចំសុវត្ថិភាពស្ថានីយ ដែលត្រឹមត្រូវតាមសារាចរ របស់ក្រសួងរ៉ែ និងថាមពល។

ក្រសួងរ៉ែ និងថាមពល ណែនាំឱ្យម្ចាស់ស្ថានីយ​ត្រូវ​ធ្វើការសាងសង់ស្ថានីយឱ្យបានសមស្របតាមប្លង់បច្ចេកទេសរៀបចំសុវត្ថិភាពស្ថានីយដែលក្រសួងបានឯកភាព និងកែសម្រួលលក្ខណៈបច្ចេកទេសដែលបាន​សាងសង់​រួចឱ្យបានត្រឹមត្រូវ​តាម​ចំណុច​ខាងក្រោមនេះ៖

*ទី១៖ ទីតាំងពោងកប់ប្រេងឥន្ធនៈ ត្រូវស្ថិតនៅចម្ងាយអប្បបរមា ៦ម៉ែត្រពីលំនៅដ្ឋាន
*ទី២៖ ត្រូវសង់របងជញ្ជាំងបាំងជិតធ្វើពីវត្ថុធាតុមិនងាយឆាបឆេះ និងមានកម្ពស់អប្បបរមា ៣ម៉ែត្រ នៅរបងព្រំដីស្ថានីយដែលជាប់នឹងព្រំដីលំនៅដ្ឋាន (ប៉ែកខាងត្បូង)។

ក្នុងករណីម្ចាស់ស្ថានីយ ធ្វើការកែសម្រួលលក្ខណៈបច្ចេកទេសដូចបានរៀបរាប់ខាងលើ ការរៀបចំលក្ខណៈបច្ចេកទេសសុវត្ថិភាពស្ថានីយនេះ នឹងមានភាពសមស្របតាមសារាចររបស់ក្រសួងរ៉ែ និងថាមពល៕

The post ផ្អាក​ស្ថានីយប្រេង​មួយ​កន្លែង​នៅ​ទួលទំពូង ក្រោយ​សាងសង់​​​មិនស្របតាមប្លង់បច្ចេកទេស appeared first on .

លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានថ្លែងថា ផលិតផលខ្មែរដែលផលិតករ សិប្បកម្មករ កសិករ និងសហគមន៍ បានយកមកដាក់លក់នេះ សុទ្ធតែមានគុណភាព មានការវេចខ្ចប់ត្រឹមត្រូវ មិនចាញ់ផលិតផលបរទេសនោះទេ។ លោកបានសង្កត់ធ្ងន់ថា ផលិតករខ្មែរ យល់ដឹងច្រើនអំពីការជំរុញគុណភាពផលិតផល និងយកចិត្តទុកដាក់លើគោលការណ៍អនាម័យ និងការកែច្នៃវេចខ្ចប់។

ជាមួយគ្នានេះ លោក ណេតតាផុង កែវត្រាកុលផុង អគ្គនាយកក្រុមហ៊ុន PTT បានលើកឡើងថា ក្នុងជំហានដំបូងនេះស្ថានីយប្រេងឥន្ធនៈ PTT នឹងអនុញ្ញាតឱ្យមានការដាក់លក់ផលិតផលខ្មែរចំនួន ៧ទីតាំង សាកល្បងសិន ហើយជំហានបន្ទាប់ពង្រីកតាមបណ្តាស្ថានីយប្រេងឥន្ធនៈ PTT មួយចំនួនទៀត។ ទន្ទឹមនឹងនោះ លោកសង្កេតឃើញថា ផលិតផលខ្មែរដែលបានយកមកលក់នៅទីនេះ សុទ្ធជាផលិតផលមានគុណភាពល្អ និងមានការវេចខ្ចប់យ៉ាងស្អាត។

សូមជម្រាបថា គម្រោងការដាក់ឱ្យមានស្តង់ផលិតផល ក្នុងត្រីមាសទី១ តាមស្ថានីយប្រេងឥន្ធនៈ PTT អាចដាក់លក់តាមបណ្តារាជធានី-ខេត្តចំនួន ០៥ ចាប់ពីចុងខែមករា ឆ្នាំ២០២២នេះតទៅ រួមមាន៖ រាជធានីភ្នំពេញ ចំនួន២ទីតាំងគឺ ច្បារអំពៅ និងព្រែកព្នៅ នៅខេត្តសៀមរាប, ខេត្តកំពង់ឆ្នាំង, ខេត្តកំពង់ចាម និងខេត្តតាកែវ។

ដោយឡែក នៅត្រីមាសទី២ ស្ថានីយ៍ប្រេងឥន្ទនៈ PTT នឹងពង្រីកការដាក់លក់នៅតាមស្ថានីយស្ថិតនៅតាមផ្លូវជាតិលេខ២ លេខ៣ និងលេខ៤។ នៅត្រីមាសទី៣ នឹងបើកលក់នៅតាមបណ្តោយជាតិលេខ៦ និងត្រីមាសទី៤ នឹងមានការបើកលក់នៅតាមបណ្តាស្ថានីយប្រេងឥន្ធនៈ តាមផ្លូវជាតិលេខ៥៕

The post រួសរាន់ឡើង! ក្រុមហ៊ុនប្រេងឥន្ធនៈ PTT បើកឲ្យបងប្អូនប្រជាកសិករដាក់លក់ផលិតផលខ្មែរនៅតាមស្ថានីយ៍ដោយឥតគិតថ្លៃ appeared first on .