ការអនុវត្តអនុស្សារណៈនៃការយោគយល់គ្នា រវាងក្រុមហ៊ុនអ៊ែមភល អាហ្គ្រោប្រដាក់ ឯ.ក និងក្រុមហ៊ុន TRACKINTECH SOLUTIONS SND BHD ម៉ាឡេស៊ី ព្រមទាំងក្រុមហ៊ុនគីរីរម្យ ហ្វ៊ូដ ប្រដាក់សិន ឯ.ក និង ក្រុមហ៊ុន TRACKINTECH SOLUTIONS SDN BHD ម៉ាឡេស៊ី កាលពីថ្ងៃទី២៣ ខែមករា ឆ្នាំ២០២៥ កន្លងទៅ។

ជាមួយគ្នានេះ កាលពីថ្ងៃទី៨ ខែឧសភា ឆ្នាំ ២០២៥ នៅផែរស្ងួត អូលែរ វើលវ៉ាយដ៏ ឡូជីស្ទិក លោកស្រី តោ ពិឡា រដ្ឋលេខាធិការក្រសួងពាណិជ្ជកម្ម ក៏បានដឹកនាំក្រុមការងារនៃក្រសួងពាណិជ្ជកម្ម ចុះពិនិត្យលើការនាំចេញស្វាយចន្ទី និងស្វាយកែវរមៀតសម្ងួត ចេញទៅកាន់ប្រទេសម៉ាឡេស៊ីនេះផងដែរ។

សូមបញ្ជាក់ថា នេះជាសមិទ្ធផលដំបូងសម្រាប់ក្រុមហ៊ុនកម្ពុជាទាំងពីរ ក្នុងការនាំចេញផលិតផលស្វាយចន្ទី នៅក្នុងខែឧសភានេះ។ ការដឹកជញ្ជូនចែកចេញជា ៤ ដំណាក់កាល ក្នុងការបញ្ជាទិញចំនួន ២០០កេស ស្មើនឹង ១០,០០០កញ្ចប់ និងស្វាយកែវរមៀតសម្ងួតចំនួន ២១០កេស ស្មើរនឹង ១០ ៥០០កញ្ចប់ ទៅកាន់ប្រទេសម៉ាឡេស៊ី ហើយនឹងធ្វើការចែកចាយបន្តទៅកាន់ប្រទេសសិង្ហបុរី ឥណ្ឌូណេស៊ី និងប្រ៊ុយណេផងដែរ៕

The post ស្វាយចន្ទី និងស្វាយកែវរមៀតសម្ងួតកម្ពុជា បានកំពុងនាំចេញទៅកាន់ប្រទេសម៉ាឡេស៊ី និងចែកចាយបន្តទៅកាន់ប្រទេស៣ផ្សេងទៀត appeared first on .

ពិធីចុះអនុស្សរណៈនេះធ្វើឡើងកាលពីថ្ងៃទី២៣ ខែមករា ឆ្នាំ២០២៥ រវាងក្រុមហ៊ុនអ៊ែមភល អាហ្គ្រោប្រដាក់ ឯ.ក និងក្រុមហ៊ុន TRACKINTECH SOLUTIONS SND BHD ម៉ាឡេស៊ី និងរវាងក្រុមហ៊ុនគីរីរម្យ ហ្វ៊ូដ ប្រដាក់សិន ឯ.ក និង ក្រុមហ៊ុន TRACKINTECH SOLUTIONS SDN BHD ម៉ាឡេស៊ី ក្រោមអធិបតីភាពលោកស្រី តោ ពិឡា រដ្ឋលេខាធិការក្រសួងពាណិជ្ជកម្ម។

ក្រសួងពាណិជ្ជកម្ម បានបញ្ជាក់ថា ក្រុមហ៊ុន TRACKINTECH SOLUTIONS SND BHD ម៉ាឡេស៊ី នឹងធ្វើការបញ្ជាទិញស្វាយចន្ទីកែច្នៃពីក្រុមហ៊ុនអ៊ែមភល អាហ្គ្រោប្រដាក់ ឯ.ក  និងស្វាយសម្ងួតពីក្រុមហ៊ុនគីរីរម្យ ហ្វ៊ូដ ប្រដាក់សិន ឯ.ក ក្នុងគោលបំណងលើកកម្ពស់ ផលិតផលស្វាយចន្ទី និងស្វាយកែវរមៀតកម្ពុជា បង្កើតលក្ខខណ្ឌដែលអ្នកចែកចាយនឹងមានសិទ្ធិផ្តាច់មុខក្នុងការធ្វើទីផ្សារ និងដាក់លក់ នៅក្នុងប្រទេសម៉ាឡេស៊ី ឥណ្ឌូនេស៊ី សិង្ហបុរី និងប្រ៊ុយណេ។

ក្រុមហ៊ុន គីរីរម្យ ហ្វ៊ូដ ប្រដាក់សិន ក៏បានចាត់ទុកថា ការចុះMoU ទាំងនេះ គឺដើម្បីជំរុញកំណើននៃការនាំចេញស្វាយចន្ទី និងស្វាយរបស់កម្ពុជា ដោយបង្កើតលក្ខខណ្ឌអំណោយផលសម្រាប់អ្នកចែកចាយ ដើម្បីទទួលបានសិទ្ធិទីផ្សារ និងការលក់ផ្តាច់មុខសម្រាប់ផលិតផលទាំងនេះនៅក្នុងទីផ្សារម៉ាឡេស៊ី ឥណ្ឌូនេស៊ី សិង្ហបុរី និងប្រ៊ុយណេ។

សូមបញ្ជាក់ថា ដំណាំស្វាយចន្ទី និងស្វាយកែវរមៀត ​គឺជាដំណាំអាទិភាពក្នុងចំណោមដំណាំអាទិភាពទាំង១២មុខ​ ដែលក្រសួងពាណិជ្ជកម្ម និងស្ថាប័នពាក់ព័ន្ធ បាននឹងកំពុងបន្តលើកកម្ពស់ឧស្សាហកម្មកែច្នៃ តាមរយៈការជំរុញឱ្យមានការវិនិយោគឯកជនលើកសិផលមានសក្តានុពល។ជាក់ស្តែងកាលពីឆ្នាំ២០២៣ គ្រាប់ស្វាយចន្ទីមានប្រមាណ ជាង៤២តោន បាននាំចេញទៅកាន់ទីផ្សារ វៀតណាម ចិន ឥណ្ឌា ថៃ និងជប៉ុន។ រីឯការនាំចេញស្វាយស្រស់ជាង១៦ម៉ឺនតោន និងដំណាប់ស្វាយជាង២ម៉ឺនតោន បាននាំទៅកាន់ទីផ្សារ ចិន ហ្វីលីពីន ថៃ កូរ៉េ និងវៀតណាម។នេះបើតាមការបញ្ជាក់របស់លោកស្រី សុមេធ សុមនា អនុរដ្ឋលេខាធិការនៃក្រសួងពាណិជ្ជកម្ម៕

The post ក្រុមហ៊ុនមួយរបស់ម៉ាឡេស៊ី នឹងបញ្ជាទិញស្វាយចន្ទី និងស្វាយកែវរមៀតពីកម្ពុជា ដាក់លក់ក្នុងប្រទេសខ្លួន និងប្រទេស៣ផ្សេងទៀត appeared first on .

លោក សុទ្ធ សុភា ប្រធានប្រតិបត្តិសមាគមស្វាយកែវរមៀតគិរីរម្យបានឱ្យដឹងថា ស្វាយកែវរមៀតក្នុងរដូវកសិករចាប់ផ្តើមប្រមូលផលចាប់ពីខែមីនារហូតដល់ឧសភាទើបបញ្ចប់ការប្រមូលផល តែតម្លៃស្វាយកែវរមៀតក្នុងរដូវនៅលើទីផ្សារកំពុងដំាក្បាលចុះ ដូចទៅនិងកសិករផុសនៅលើបណ្តាញទំនាក់ទំនងសង្គមហ្វេសប៊ុកបានលើកឡើងថា អត់មានទីផ្សារ តាមរោងចក្រឱ្យគេឱ្យតម្លៃទាប ហើយនៅទីផ្សារខាងក្រៅលក់បានតម្លៃទាបដូចគ្នា។

បើតាមប្រធានប្រតិបត្តិសមាគមស្វាយកែវរមៀតគិរីរម្យ ថាតម្លៃស្វាយកែវរមៀតខុសរដូវកសិករអាចលក់បានថ្លៃ១២០០រៀលក្នុងមួយគីឡូក្រាម តែនៅពេលការប្រមូលផលស្វាយក្នុងរដូវចូលមកដល់ តម្លៃបានធ្លាក់ចុះមកនៅ៨០០រៀល និងបន្តធ្លាក់នៅ៥០០រៀលក្នុងខែមីនា ហើយដល់ខែមេសាអាចបន្តធ្លាក់ចុះនៅសល់៣០០រៀលក្នុងមួយគីឡូក្រាម។

លោកលើកឡើងថា «សមាគមសព្វថ្ងៃនេះ យើងកំពុងធ្វើការជាមួយខាងអង្គការចំនួនពីរ ជួយស្វែងរកទីផ្សារតាមរយៈដាក់ទុនបង្កើតរោងចក្រកែច្នៃក្នុងស្រុក ប៉ុន្តែវានៅជួបប្រឈមដោយសារយើងមិនទាន់រកទីផ្សារមានតម្រូវផលិតផលកែច្នៃពីស្វាយកែវរមៀត។តែទោះជាបែបនេះក្តី អង្គការទំាងពីរនៅមិនទាន់មានការអះអាងជាក់ជាក់ទេ ដែលបច្ចុប្បន្ននេះ បានត្រឹមតែប្រមូលកង្វល់នានារបស់កសិករ ហើយគាត់បានជួយពង្រឹងទៅលើបច្ចេកទេសក្នុងការវេចខ្ចប់និងការថែទំាស្វាយកែវរមៀតសិនដល់កសិករ» ។

លោកបន្តថា តាមរយៈសមាគមធ្វើការជាមួយអង្គការដៃគូនៅក្នុងរយៈពេលខ្លីកសិករអត់អាចទទួលបានលទ្ធផលទេ តែនៅក្នុងរយៈពេល២ឬ៣ឆ្នំាខាងមុខទៀតរំពឹងថាតម្លៃស្វាយកែវរមៀត ឬផលិតផលកែច្នៃពីផ្លែស្វាយអាចនឹងមានភាពប្រសើរដូចទៅនិងកសិផលកែច្នៃផ្សេងទៀត តួយ៉ាងអាចដូចទៅនិងគ្រាប់ស្វាយចន្ទីក្នុងពេលបច្ចុប្បន្ន៕ តាកែវ

The post ស្វាយកែវរមៀតរបស់កសិករអាស្រ័យផលក្នុងរដូវកំពុងជួបបញ្ហានឹងការធ្លាក់ថ្លៃ appeared first on .

លោក ស្បា បារាំង ជាឈ្មួញនាំចេញផ្លែស្វាយកែវរមៀតទៅកាន់ប្រទេសថៃ បានឱ្យដឹងថា ការនាំចេញស្វាយទៅកាន់ប្រទេសថៃនៅរដូវដើមដៃឆ្នាំនេះ អាចនាំចេញបាន១០០តោន ក្នុងមួយថ្ងៃ មានថ្ងៃខ្លះក៏អាចលើសហ្នឹងទៅតាមស្ថានភាពជាក់ស្តែង ហើយបើគិតរយៈពេល៣ខែ មកនេះ បានប្រមាណ៩០០០តោនមកហើយ។លោក បន្តថា បរិមាណនៃការនាំចេញនេះ មានការធ្លាក់ចុះជាងឆ្នាំមុនៗ  ប៉ុន្តែហាក់មានតម្លៃខ្ពស់។

បើតាមលោក ស្បា បារាំង សម្រាប់ស្វាយកែវរមៀតមានបែងចែកជា២ ប្រភេទ មានប្រភេទស្វាយខ្ចប់និងប្រភេទស្វាយខៀវ ដោយស្វាយខៀវក៏បែងចែកជា២ផងដែរ មានស្វាយខ្ចីនិងស្វាយចាស់ (ស្វាយចាស់តម្រូវការទីផ្សារជាងប្រភេទស្វាយខ្ចី ដែលអាចកែច្នៃបានតិច មានតម្រូវការតិច)។ចំពោះស្វាយខៀវមានតម្លៃជាមធ្យមខ្ទង់១៣០០រៀល ទៅ១៤០០រៀល ក្នុងមួយគីឡូក្រាម តែសម្រាប់ជិតព្រំដែនមានតម្លៃចន្លោះ១៤០០រៀល ទៅ១៥០០រៀល ក្នុងមួយគីឡូ។ចំណែកស្វាយខ្ចប់ មានតម្លៃជាមធ្យម១៦០០ទៅ១៧០០រៀលក្នុងមួយគីឡូក្រាម(តម្លៃក្នុងចំការ)។

លោក បានបន្តទៀត ទីផ្សារតម្រូវការស្វាយធំៗរបស់កម្ពុជាមានដូចជា មានប្រទេសថៃ វៀតណាម ក៏មានសាំងហ្គាពួរដែរ តែតិចតួចបំផុត ប៉ុន្តែភាគច្រើនទៅកាន់ប្រទេសថៃ ឬវៀតណាម។

បើតាមឈ្មួញខាងលើរូបនេះ បានគូសបញ្ជាក់ថា ទាក់ទងការនាំចេញមានចំនួនតិចជាងឆ្នាំមុនៗ ដោយសារវិបត្តិសេដ្ឋកិច្ចផង និងលក់មិនសូវដាច់ជាដើម។កាលណាលក់មិនសូវដាច់ ឈ្មួញក៏យកទៅក្នុងបរិមាណតិចដែរ។ហើយម្យ៉ាងកសិករខ្លះ បេះស្វាយនៅខ្ចី តម្រូវការមិនសូវច្រើនដូចស្វាយចាស់ ទើបឈ្មួញទិញក្នុងតម្លៃថោក ឬក្នុងបរិមាណតិចផងដែរ។

យោងតាមរបាការណ៍របស់អគ្គនាយកដ្ឋានកសិកម្ម រយៈពេល៨ខែក្នុងឆ្នំា២០២៣នេះ ផ្លែស្វាយស្រស់របស់កម្ពុជាបាននាំចេញមានជាង៩,៥ម៉ឺនតោន ពោលធ្លាក់ចុះជាង២១% បើប្រៀបធៀបទៅនិងរយៈពេលដូចគ្នាក្នុងឆ្នំា២០២២។

ពាក់ព័ន្ធនឹងការធ្លាក់ចុះនេះ បើតាមលោក អួន ស៊ីឡុត ប្រធានសមាគមស្វាយចន្ទី និងជាអ្នកស្វែងរកទីផ្សារស្វាយកែវរមៀត បានឱ្យដឹងថា ស្វាយកែវរមៀតនៅដើមរដូវក្នុងខែកក្កដា ខែសីហា ឆ្នាំ២០២៣នេះ តម្លៃស្វាយនាំចេញលេខ១មានតម្លៃ២០០០រៀល ប៉ុន្តែឥឡូវនេះមានការធ្លាក់ថ្លៃមកនៅត្រឹម១០០០រៀល ក្នុងមួយគីឡូក្រាម ចំណែកស្វាយរោងចក្រអាចចុះតម្លៃនេះ។

លោកបន្តថា ការធ្លាក់ទិន្នផលនេះវាមិនមែនជារឿងចម្លែកនោះទេ ព្រោះកសិករមួយចំនួនធំបានកាប់ដើមស្វាយចោល ដោយសារទីផ្សារមិនសូវមានស្ថិរភាព។អ្វីដែលជាការបារម្ភនោះ បើសិនទីផ្សារមិនមានស្ថិរភាពទៀត ប្រជាកសិករបានប្តូរគំនិតពីដាំស្វាយកែវរមៀតទៅដាំដំណាំផ្សេង ប៉ុន្តែសម្រាប់លោកតម្លៃ១០០០រៀលនេះ ក៏ជាតម្លៃមួយល្អដែរ ទោះមិនចំណេញច្រើន តែជាតម្លៃមួយល្អអាចទទួលយកបាន។

បើតាមលោក អួន ស៊ីឡុត «បើសិនជាយើងអាចជួយកសិករឱ្យបានលើសពី១០០០រៀលទៀតនោះ គឺជារឿងមួយដែលយើងគួរតែលើកទឹកចិត្ត ហើយសូមឱ្យខាងកសិករគាត់គួរតែនាំគ្នាបែងចែកថ្នាក់ប្រភេទស្វាយនីមួយៗ និងការផលិតឱ្យច្បាស់លាស់ បើសិនចង់បានតម្លៃខ្ពស់ទាល់តែមានគុណភាពផលិតផលខ្ពស់ដែរ»៕

The post ស្វាយកែវរមៀតនៅរដូវដើមដៃឆ្នាំនេះ ហាក់មានតម្លៃខ្ពស់ ប៉ុន្តែបរិមាណនាំចេញតិចជាងឆ្នាំមុន appeared first on .

ប្រធានសហគមកសិកម្មស្វាយកែវរមៀតគិរីរម្យបានឱ្យដឹងថានៅឆ្នំានេះសមាជិករបស់សមាគមទំាង៥០ចំការអត់ឃើញពួកគាត់ត្អូញត្អែអំពីបញ្ហាដំណាំស្វាយ ខុសពីឆ្នំាកន្លងទៅស្វាយកែវរមៀតរងការខូចខាតដោយសារការប្រែប្រួលពីកាសធាតុ។

លោក យៀប សេងហូ ប្រធានសហគមកសិកម្មស្វាយកែវរមៀតគិរីរម្យមានប្រសាសន៍ថា«នៅឆ្នាំនេះខ្ញុំឃើញថាស្វាយទទួលបានផលល្អហើយតម្លៃស្វាយកែវរមៀតថានឹងលក់បានថ្លៃនៅពេលចិនបើកចំហរប្រទេសឡើងវិញ ។កាលពីរបីឆ្នំាមុនតាមខ្ញុំដឹងស្វាយដែលបេះនៅដើមថ្លៃតែ១.២០០រៀលក្នុងមួយគីឡូក្រាមតែមកដល់ឆ្នំា២០២៣នេះវាអាចឡើងដល់១.៥០០ទៅ១.៦០០រៀលយ៉ាងតិច។ដូចនេះតម្លៃស្វាយនៅឆ្នំានេះវាមានតម្លៃល្អជាងឆ្នាំមុនៗ»។

លោកបន្តថា កាលពីមុនស្វាយកែវរមៀតក្នុងមួយគីឡូក្រាមថ្លៃ១២០០រៀល ហើយជូនកាលធ្លាក់ដល់៧០០ឬ៨០០រៀល។លើសពីនេះកាលពីដើមឆ្នំា២០២២នៅពេលដែលចិនចេញវិធានការរឹតបន្តឹងទៅលើបញ្ហាជំងឺកូវីដ១៩ ឱ្យគេទៅបេះយកគ្មានអ្នកទៅបេះផង ព្រោះលក់មិនរួចថ្លៃជួលគេឱ្យមកបេះ។

លោក សុទ្ធ សុភា នាយកប្រតិបត្តិសហគមកសិកម្មស្វាយកែវរមៀតគិរីរម្យបានឱ្យដឹងនៅមុនពេលកម្ពុជាមិនទាន់ជួបវិបត្តិជំងឺកូវីដ១៩ តម្លៃស្វាយកែវរមៀតនៅល្អគ្រាន់បើ ក្នុងមួយគីឡូក្រាមយើងអាចលក់បានថ្លៃពី១៥០០រៀលទៅ២០០០រៀលប្រភេទស្វាយលេខមួយនិងប្រភេទស្វាយលេខពីរ ធ្វើឱ្យម្ចាស់ចំការស្វាយនីមួយៗនៅមានលទ្ធភាពទទួលបានប្រាក់ចំណេញខ្លះ។តែនៅពេលជំងឺកូវីដ១៩ឆ្លងរីករាលដាលនៅកម្ពុជា ហើយនៅឆ្នំា២០២១និង២០២២ ប្រទេសចិនមានវិធានការសេរ៉ូកូវីដ១៩វាធ្វើឱ្យប៉ះពាល់ទៅដល់ការដឹកជញ្ជូនដោយនៅតាមព្រំដែនចិន-វៀតណាមត្រូវបានបិទមិនឱ្យមានការដឹកជញ្ជូនផលិតផលផ្លែឈើស្រស់ចូលតែបើចង់ដឹកតាមកាប៉ាល់ចូលទៅកំពង់ផែរបស់ចិនក៏មានភាពយឺតយាវក្នុងត្រួតពិនិត្យទំនិញនៅក្នុងកុងតឺន័រ។

លោកនាយកប្រតិបត្តិសង្កត់ធ្ងន់ថា «ទាំងអស់នេះគឺជាកក្តាមួយមិនអាចធ្វើឱ្យផ្លែស្វាយមានហាងឆេងនៅក្នុងស្រុកខ្មែរកាលឆ្នំា២០២១និង២០២២កន្លងទៅទំាងម្ចាស់ចំការស្វាយនិងទំាងអ្នកម៉ៅទិញស្វាយមិនទទួលបានប្រាក់ចំណេញទេ មានតែការខាតបង់ប្រាក់ទៅវិញ លើការចំណាយថ្លៃជីនិងការថែរទាំ»៕ អត្ថបទ៖សារេត

The post កសិករដាំស្វាយកែវរមៀតរំពឹងទទួលទិន្នផលច្រើនហើយលក់បានថ្លៃនៅលើទីផ្សារឆ្នាំនេះ appeared first on .

ទោះជាយ៉ាងនេះ ទីផ្សារថ្មីហាក់មិនបានជួយដោះស្រាយទីផ្សារដល់កសិករនោះទេ ក្នុងពេលរដូវប្រមូលផលកសិករនៅតែជួប បញ្ហាទីផ្សារ ដូចការធ្លាក់ចុះតម្លៃ និងសល់ចោលជាដើម។

ជាក់ស្តែង តម្លៃផ្លែស្វាយកែវរមៀតលើទីផ្សារដើមឆ្នាំ២០២២នេះនៅតែបន្តធ្លាក់ថ្លៃដដែរ ដោយតម្លៃស្វាយលក់ចេញឲ្យឈ្មួញ បានត្រឹមតែ ២០០រៀលក្នុងមួយគីឡូ ខណៈមុនវិបត្តិកូវីដ-១៩តម្លៃស្វាយជាមធ្យមបានចំនួន ៥០០រៀលក្នុងមួយគីឡូ។ ការនេះត្រូវបានអ្នកជំនាញក្នុងវិស័យកសិកម្មបង្ហាញការមើលឃើញថា តម្លៃទំនិញនៅលើទីផ្សារឡើងថ្លៃស្ទើរគ្រប់មុខ អភ័ព្វតែស្វាយរមៀតចុះថ្លៃស្ទើរដល់កម្រិតសូន្យទៅហើយ។

ពាណិជ្ជករផ្នែកកសិកម្មល្បីឈ្មោះ អ្នកឧកញ៉ា ម៉ុង ឬទ្ធី បានថ្លែងថា៖ ថ្ងៃ​នេះ​ខ្ញុំ​សុំនិយាយ​ពី​ជីវិត​ពិត​របស់​អ្នក​ប្រកប​អាជីវកម្ម​ដាំស្វាយ​កែវរមៀត​ សម្រាប់​រដូវប្រមូលផល​នៅដេីមឆ្នាំ​២០២២នេះ​ តម្លៃ​ផ្លែស្វាយ​ក្រៅ​​កញ្ចប់​លក់អោយ​ឈ្មួញ​ក្នុងស្រុក​បានតែ២០០រៀលមួយគីឡូ​ទេ​ ពួកគាត់​មកបេះ​ដល់ចំការ​ដឹកយកទៅ​លក់ចែកចាយបន្ត​ នៅតាមទីផ្សារក្នុង​ស្រុក​បាន​តម្លៃ​ជាមធ្យមតែ​​៥០០រៀល​ទេ​ បបេីប្រៀបធៀប​តម្លៃ​កាលពីមុន​វិបត្តិ​កូវិត​១៩​ តម្លៃ​ផ្លែស្វាយ​កែវរមៀត​ក្រៅ​កញ្ចប់​យ៉ាង​ថោកបំផុត​ក៏លក់បាន​១.០០០រៀល​ដែរ។

លោកគូសបញ្ជាក់ថា នៅពេលនេះ​តម្លៃ​ទំនិញឡេីងថ្លៃ​ស្ទេី​តែគ្រប់មុខ​ អភ័ព្វ​អីតែ​តម្លៃ​ផ្លែស្វាយ​កែវរមៀត​ចុះថ្លៃ​ស្ទេីតែ​ដល់​កំរិតសូន​ទៅហេីយ​។ លោកថា ផលផ្លែស្វាយ​ចំការរបស់លោលជា​មធ្យម​មួយរយតោន​ក្នុងមួយឆ្នាំៗ​។

គួររំឭកថា កាលពីឆ្នាំ២០២១ កម្ពុជាបានចេញស្វាយបានប្រមាណជាង២៤ម៉ឺនតោន ក្នុងនោះនាំចេញទៅប្រទេសក្នុងចំនួន៤៧៧១តោន។

បន្ទាប់ពីស្វាយកម្ពុជាបាននាំចេញទៅចិនជាផ្លូវការ បច្ចុប្បន្ននេះក្រុមហ៊ុននាំចេញដែលមានកន្លែងលាងសំអាត វេចខ្ចប់ និងសម្លាប់សមាសភាពចង្រៃ ដែលបានចុះបញ្ជីជាមួយក្រសួងកសិកម្មមានចំនួន៥ ចំណែកកសិដ្ឋានដែលអនុវត្តតាមគោលការណ៍កសិកម្មល្អ ដែលបានចុះបញ្ជីជាមួយក្រសួងកសិកម្ម មានចំនួន៥០ ដែលមានផ្ទៃដីជាង២ម៉ឺនហិកតា ក្នុងចំណោមផ្ទៃដីដាំស្វាយសុរបជាង១០ម៉ឺនហិកតា ៕

The post អ្នកឧកញ៉ា ម៉ុង ឫទ្ធី៖ តម្លៃ​ទំនិញឡេីងថ្លៃ​ស្ទេី​តែគ្រប់មុខ​ អភ័ព្វ​អីតែ​តម្លៃ​ផ្លែស្វាយ​ចុះថ្លៃ​ស្ទេីតែ​ដល់​កំរិតសូន្យ appeared first on .

អ្នកឧកញ៉ា ម៉ុង ឬទ្ធី អគ្គនាយកក្រុមហ៊ុន ម៉ុង ឬទ្ធី គ្រុប មានប្រសាសន៍ថា កន្លងមកលោកបានកាត់តមែកស្វាយកែវរមៀត ហើយប្តូរទៅពូជស្វាយកែវសាវើយ និងពូជណាំដកម៉ៃ ដែលអាចបំពេញតម្រូវការទីផ្សារក្នុងស្រុក និងនាំចេញក្រៅប្រទេស។ លោកពន្យល់ថា បើកសិករដាំស្វាយកែវរមៀត គឺបានតែនាំចេញទៅក្រៅប្រទេស ហើយនឹងធ្វើសំងួតប៉ុណ្ណោះ ដល់ពេលឥឡូវជួបវិបត្តិជំងឺកូវីដនេះ យើងមិនអាចនាំចេញបានទេនៅប្រភេទស្វាយកែវរមៀត។

លោកថ្លែងថា៖ “ឆ្នាំនេះ ក្រុមហ៊ុន ម៉ុង ឬទ្ធី អាចបន្តពូជបានជាង ៥ ០០០ដើម ឲ្យទៅស្វាយពីរប្រភេទសម្រាប់យកទៅបំពេញតម្រូវការទីផ្សារក្នុងស្រុក ក៏ដូចជាការនាំចេញទៅក្រៅប្រទេសដូចជាប្រភេទស្វាយកែវសាវើយ ដែលជាពូជហូបស្វាយចាស់ និងស្វាយណាំដកម៉ៃ ខ្ចីជូខ្លាំងដល់ពេលទុំផ្អែមខ្លាំង កំពុងមានតម្រូវការខ្លាំងនៅលើទីផ្សារពិភពលោក”។

បើតាមអ្នកជំនាញរូបនេះ ការបន្តពូជ គឺមិនអាចបន្តមួយថ្ងៃមួយខែបាននោះទេ ពោលអាចនឹងប្រើរយៈពេលយូ ពីព្រោះលោកកាត់តប្តូរពូជប្រមាណជាង ៥ ០០០ដើម ខណៈមួយថ្ងៃក្រុមការងារបស់លោកបន្តពូជមិនដល់ ១០០ដើមផង។ ម្យ៉ាង រដូវវស្សាមិនអាចបន្តពូជបានទេ គឺមានទឹកភ្លៀវធ្លាក់ហូចូលអត់ជាប់នោះទេ ហើយការបន្តពូជនេះ គឺធម្មជាតិសុទ្ធសាធ ដោយមិនប្រើគីមី។

សម្រាប់អ្នកឧកញ៉ាដែលមានឈ្មោះល្បីខាងវិស័យកសិកម្ម ការកាត់តដូពូជស្វាយនេះ មិនមែនជារឿងងាយស្រួលនោះទេ ប្តូរពូជបានហើយប្រសិនបើយើងមិនដើរបេះមែកព្រៃចេញទេវានឹងអាចខូច ហើយត្រូវថែទាំវាជាប្រចាំ។ មួយវិញទៀត បញ្ហា សត្វល្អិតមកស៊ីត្រួយស្វាយ ព្រោះសត្វល្អិតចូលចិត្តស៊ីត្រួយស្វាយណាស់ ដូច្នេះយើងត្រូវតែមានថ្នាំបាញ់សម្លាប់សត្វល្អិតផងដែរ។

អ្នកឧកញ៉ាញ្ជាក់ថា៖ “បន្ទាប់ពីកាត់តប្តូរពូជរួចរាល់ហើយ យើងត្រូវម្ជួរត្រឡប់ដីឲ្យវាល្អ និងដាក់ជីជាបន្តបន្ទាប់ ដើម្បីឲ្យស្វាយឆាប់លូតលាស់ល្អ។ ធ្វើដូច្នេះ ពូជស្វាយខ្លះអាយុ ១០ខែ ទៅ ១២ខែអាចនឹងចេញផ្កាខ្លះៗ”។

លោកបានរំលឹកថា ក្រោយក្រុមហ៊ុន ម៉ុង ឬទ្ធី កាត់តប្តូរពូជស្វាយពីកែវរមៀត ទៅស្វាយកែវសាវើយ និងណាំដកម៉ៃរួច ក៏មានជនជាតិកូរ៉េជាច្រើននាក់មកទស្សនកិច្ចនៅចម្ការស្វាយ ហើយភ្ញៀវជនជាតិកូរ៉េនោះ បានលើកឡើងថា មិនដែលបានឃើញនោះទេនៅស្រុកគាត់ ទើបតែឃើញនៅប្រទេសកម្ពុជានៅចម្ការដ៏ធំរបស់លោក។ ជាមួយគ្នានេះ ជនជាតិកូរ៉េទាំងនេះ ពួកគាត់ពិតជាចង់មើលពីរបៀបបន្តពូជរបស់លោក។ អ្នកឧកញ៉ា ម៉ុង ឬទ្ធី ថ្លែងថា លោកស្ទើរតែមិនជឿនោះទេ នៅការលើកឡើងរបស់ជនជាតិកូរ៉េក្នុងឪកាសមកបំពេញទស្សនកិច្ច។

ដោយឡែក សម្រាប់ស្វាយអាយវិន ដែលអ្នកឧកញ៉ាបាននាំពូជពីប្រទេសតៃវ៉ាន់មកដាំចម្ការ ខណៈបច្ចុប្បន្នកំពុងមានទីផ្សារ ប៉ុន្តែលោកថាពិបាកក្នុងការថែទាំ វាត្រូវការបច្ចេកទេសថែទាំខ្លាំង ពីអ្នកជំនាញ។

អ្នកឧកញ៉ា ម៉ុង ឬទ្ធី បន្ថែមទៀតថា កន្លងមកក្រុមហ៊ុនរបស់លោកបាននាំស្វាយចេញទៅសហគមន៍អឺរ៉ុប តាមរយៈយន្តហោះក្នុងមួយជើងបានប្រមាណ ១០តោន។ មូលហេតុដែលដឹកតាមយន្តហោះ ដោយសារក្រុមហ៊ុនយន្តហោះ Qatar បានអនុគ្រោះតម្លៃដឹកជញ្ជូនដែលអាចឲ្យលោកនាំចេញទៅបាន។ ប៉ុន្តែជាអកុសល ដោយសារវិបត្តិកូវីដ-១៩ គឺគ្មានយន្តហោះដឹកទៅទៀតនោះទេ។

ក្នុងរបាយការណ៍ដែលចេញនាពេលថ្មីៗនេះ ដោយក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា ការនាំចេញផ្លែស្វាយស្រស់របស់កម្ពុជាទៅកាន់ទីផ្សារអន្តរជាតិមានការកើនឡើងគួរអោយកត់សម្គាល់ ដែលស្មើនឹង២៥១% ឬ ១៦៣,៨២៨ តោនក្នុងរយៈពេល ៨ ខែដំបូងនៃឆ្នាំនេះ។ ទីផ្សារចម្បងសម្រាប់ផលិតផលស្វាយរបស់កម្ពុជា រួមមានវៀតណាម ថៃ ចិន កូរ៉េ ហុងកុង សិង្ហបុរីគុយវ៉ែត ហ្វីលីពីន ជប៉ុន ចក្រភពអង់គ្លេស សហរដ្ឋអាមេរិក កាហ្សាក់ស្ថាន និងរុស្ស៊ី។

យោងតាមស្ថិតិឆ្នាំ ២០២០ បានបង្ហាញថា ផ្ទៃដីដាំដុះដំណាំស្វាយនៅកម្ពុជា មានចំនួនជាង ១៣ម៉ឺនហិកតា ផ្ទៃដីអាចប្រមូលផលមានចំនួនជាង ៩ម៉ឺនហិកតា និងទិន្នផលជាមធ្យមទទួលបាន ១៥តោនក្នុងមួយហិកតា ដែលកម្ពុជាអាចមានបរិមាណស្វាយស្រស់ប្រមាណ ១,៣លានតោនក្នុងមួយរដូវជាមធ្យម៕

The post សេដ្ឋីកសិកម្ម ម៉ុង ឬទ្ធី ណែនាំកសិករដែលប្រកបអាជីវកម្មដាំស្វាយ ចេះកែប្រែទម្លាប់ បើចង់មានទីផ្សារ appeared first on .

ល្ងាចនេះ​ប្រមូលផល​ផ្លែស្វាយ​កែវរមៀត​យកទៅអោយ​សត្វសុីវិញម្តង​ ដែលកន្លងទៅ​ពេលនេះ​យេីងកំពុងតែ​ប្រមូលផល​នាំចេញទៅ​សហគមន៍​អឺរ៉ុប​ ដោយសារតែ​វិបត្តិ​កូវិដ-​១៩ផ្លែស្វាយ​ធ្លាក់​ចុះ​តម្លៃ​រហូត​ដល់​ពេលនេះ​គ្មាន​អ្នកទិញ​តែម្តង​។ នេះជាការលើកឡើងរបស់ឧកញ៉ា ម៉ុង ឬទ្ធី តាមទំព័រហ្វេសបុក។

លោកបានបន្តថា ចម្ការស្វាយ​របស់​ខ្ញុំ​នៅក្នុង​តំបន់​រមណីយដ្ឋាន​អភិវឌ្ឍន៍​កសិទេសចរណ៍​ម៉ុង​ ឫទ្ធី​សែនជ័យ​មានចំនួន​៥០.០០០ដេីម ​អាច​ប្រមូល​ផល​បាន​ ប្រមាណ​ជា​300Ton(បីរយតោន)ជារាង​រាល់ឆ្នាំ​ សម្រាប់ពេលនេះសត្វ​របស់​ខ្ញុំ​មិនអាចសុីអស់ទេមាន​ចំនួន​​ច្រើន​ខ្លាំង​ណាស់​។

ច្រើនខ្លាំងណាស់មិនអាចធ្វើការកែច្នៃកេីតទេ បេីកែច្នៃបានហេីយក៏មិន រំពឹងថា មានទីផ្សារដែរ។ នេះក្នុងការឆ្លើយឆ្លង comment ជាមួយមហាជន។

បើតាមក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី២៣ ខែកុម្ភៈ បានឲ្យដឹង ចាប់ពីដើមខែកុម្ភៈ តម្លៃស្វាយកំពុងមានបញ្ហាធ្លាក់ចុះ ដោយសារជារដូវប្រមូលផលផ្លែស្វាយនៅកម្ពុជា ក៏ដូចជាប្រទេសផ្សេងៗទើបធ្វើឲ្យបរិមាណស្វាយលើសតម្រូវការទីផ្សារ គួមផ្សំនឹងការរីករាលដាលជាសាកលនៃជំងឺកូវីដ-១៩។ ដើម្បីរក្សាបាននូវស្ថិរភាពតម្លៃសមស្រប និងមានទីផ្សារក្រសួងកសិកម្ម អំពាវនាវឲ្យអ្នកដាំដុះស្វាយទាំងអស់ចុះបញ្ជីកសិដ្ឋានដាំស្វាយសម្រាប់ការនាំចេញ ងាយស្រួលទទួលបានព័ត៌មានទីផ្សារ សេវាបណ្ដុះបណ្ដាលបច្ចេកទេស ក្នុងការបង្កើនផលិតភាព និងគុណភាពផ្លែស្វាយស្របតាមស្ដង់ដារ៕

The post ឧកញ៉ា ម៉ុង ឬទ្ធី៖ ច្រើនខ្លាំងណាស់មិនអាចធ្វើការកែច្នៃកើតទេ បើកែច្នៃបានហើយក៍មិនរំពឹងថា មានទីផ្សារដែរ appeared first on .

លោកឧកញ៉ា ម៉ុង ឬទ្ធី បានឲ្យដឹងបន្តថា ផ្លែស្វាយកែវរមៀត ដែលនឹងនាំចេញទៅ​កាន់ប្រទេសបារាំងនេះ គឺជាជើងទី១៧ និងប្រទេសរុស្សីជាជើងទី ១០ ក្នុងឆ្នាំ២០១៩​-២០២០។ លោក​ឧកញ៉ាបន្តថា  ទំនិញទាំងអស់នេះ នឹងត្រូវបញ្ជូនតាមជើងយន្តហោះ QATAR ឆ្ពោះទៅកាន់ប្រទេសរុស្ស៊ី មានចំនួន ២,០៤៧គីឡូក្រាម  និងប្រទេសបារាំង មានចំនួន ២,៦១៣.៩៦គីឡូ ផ្លែស្វាយដែលបាននាំចេញសរុប មានចំនួន ២៧ជើង ស្មើរនិងជាង៧៣ម៉ឺនគីឡូក្រាម(៧៣,២០០.៣៤ គីឡូក្រាម)។

ជាមួយគ្នានេះដែរ លោកឧកញ៉ា ម៉ុង ឬទ្ធី ក៏បានបញ្ជាក់ថា ប្រសិនបើ បងប្អូនកសិករ​យើង មានផ្លែស្វាយកែវរមៀតដែលចង់វេចខ្ចប់ រឺក៏បានវេចខ្ចប់ហើយ មានបំណងចង់​លក់សូមទំនាក់ទំនងលេខទូរសព្ទ័  ០៩៨​ ៨៨៨ ៧២៧ និង​ ០៩៨ ៨៨៨ ២៦៤។

ពាក់ព័ន្ធនឹងផ្លែស្វាយនេះដែរ សម្តេចតេជោ ហ៊ុន សែន មានប្រសាសន៍កាលពី​ពេលថ្មីៗនេះថា «ផ្លែស្វាយកម្ពុជា មិនអន់ជាងផ្លែស្វាយរបស់ប្រទេសអាស៊ានទេ អីចឹងប្រភពទីផ្សារ​ដែលយើងនាំមកកូរ៉េ វាក៏ជាផ្នែកមួយនៃ​ការជំរុញការដាំដុះ​នៅប្រទេស​កម្ពុជា ហើយយើងកំពុងស្វែងរកឱកាស ក្នុងការនាំចេញនូវមុខ​ទំ​និញផ្សេងៗថែមទៀត»។

សូមជម្រាបថា កម្ពុជាអាចប្រមូល បានផ្លែស្វាយប្រមាណជា៤លានតោន ក្នុងមួយឆ្នាំ​លើផ្ទៃដាំដុះប្រមាណជា១០ម៉ឺនហិកតា។

របាយការណ៍របស់ក្រសួងកសិកម្ម បានបញ្ជាក់ថា នៅឆ្នាំ២០១៩ កម្ពុជាបាននាំ​ចេញ​ផ្លែស្វាយស្រស់ជិត៦ម៉ឺនតោន ទៅកាន់ប្រទេសវៀតណាម ថៃ សិង្ហបុរី បារាំង រុស្ស៊ី និងចិន៕ អត្ថបទ៖ សិរីការ

The post ឧកញ៉ា ​ម៉ុង ​ឬទ្ធី៖ ផ្លែ​ស្វា​យ​កែវ​រ​មៀ​​ត​ជាង​៧​៣ម៉ឺនគីឡូក្រាម ត្រៀ​ម​នាំចេញទៅ​​កា​ន់ទីផ្សារ​បា​រាំង និងរុស្សី appeared first on .