ក្នុងកិច្ចពិភាក្សា​ថ្ងៃតំបូង​នេះ សម្ដេច ហ៊ុន សែន បាន​លើក​យក​ប្រធានបទ​គម្រោងសាងសង់​ផ្លូវរថភ្លឿងល្បឿនលឿន​ភ្ជាប់ពី​ទីក្រុងភ្នំពេញ ទៅកាន់​ប្រលានយន្តហោះថ្មីនៅ​ក្រុងតាខ្មៅ Techo International Airport។

​ប្រធានបទមួយនេះ​ត្រូវបានជជែក ពេលដែល​អ្នកតំណាង​ក្រុមហ៊ុន​ចិន ៣ គឺ China Road and Bridge Corp (CRBC), Beijing Urban Construction Group Co Ltd (BUCG) និង China Metro Group Ltd បាន​ចូលជួប​សំណេះសំណាល​ជាមួយ​នាយករដ្ឋមន្ត្រី​កម្ពុជា នា​ថ្ងៃទី ០៩ កុម្ភៈ។

បន្ថែមពីនោះ អ្នកតំណាងក្រុមហ៊ុនធំៗទាំង ៣ ក៏បាន​បញ្ជាក់ទៀតថា គម្រោងផ្លូវល្បឿនលឿនភ្នំពេញ-បាវិត នឹងចាប់ផ្ដើម​បើកការសាងសង់​នៅពាក់កណ្ដាលឆ្នាំ ២០២៣ និងគ្រោងបញ្ចប់នៅឆ្នាំ ២០២៧ ក្រោម​ក្រោមភាពជាដៃគូសាធារណៈ និងឯកជន។

ពួកគេក៏បានជម្រាបជូនលោក ហ៊ុន សែន អំពីវឌ្ឍនភាពដែលធ្វើឡើងលើគម្រោងដឹកជញ្ជូនផ្លូវទឹក ​ការបណ្តាក់ទុនប្រព្រឹត្តិកម្មទឹកសំណល់ក្នុងខេត្តព្រះសីហនុ ការសិក្សាលើផ្លូវល្បឿនលឿនភ្នំពេញ-ប៉ោយប៉ែត និងផ្លូវរថភ្លើងល្បឿនលឿនធន់ “ស្រាល” ក្នុងខេត្តសៀមរាប ដែលតភ្ជាប់ទៅអាកាសយានដ្ឋានថ្មីនេះ។

អ្នកតំណាងទាំង ៣ ក៏បានលើកឡើងពីតួនាទីរបស់ខ្លួន ក្នុងការសាងសង់អគារវិទ្យាស្ថានសាធារណការ និងដឹកជញ្ជូនតេជោសែន (TSI) កម្ពស់ ៤ ជាន់ និងមានតម្លៃ ២,៥ លានដុល្លារ ដែលរួមមានការិយាល័យរដ្ឋបាល បន្ទប់រៀន បណ្ណាល័យ និងបន្ទប់ពិសោធន៍ដែលបំពាក់ដោយឧបករណ៍ពិសោធន៍ទំនើបៗផងដែរ៕

The post សម្ដេច ហ៊ុន សែន ជជែកជាមួយក្រុមហ៊ុនចិនធំ ៣ ពីគម្រោងសាងសង់ហេដ្ឋារចនាសម្ព័ននៅកម្ពុជា appeared first on .

យោងតាម​ការចុះផ្សាយពី Chinadaily បាន​បង្ហាញថា គម្រោងការណ៍​ខ្នាតយក្ស​ខាងលើ នឹងរាប់បញ្ចូល​លើ​ការ​សាងសង់​ផ្លូវថ្នល់ ៦៦ ខ្សែ ខណៈ ២២ ខ្សែនឹង​ពន្លឿន​បញ្ចប់​នៅក្នុងឆ្នាំនេះ។​

គួររំលឹកដែរថា ប៉ុន្មានឆ្នាំចុងក្រោយនេះ ក្រុងស៊ីនជាំង​បាន​សម្រុក​វិនិយោគ​លើ​វិស័យហេដ្ឋារចនាសម្ព័ន្ធ​ជាខ្លាំង តួយ៉ាង​កាលពីឆ្នាំ ២០២២ ក្រុងស៊ីនជាំងចាយលុយច្រើនជាង ៧៤,៨ ពាន់​លានយ៉ន់ លើ​គម្រោងផ្លូវថ្នល់ ដែលជាតួលេខខ្ពស់បំផុតតាំងពីឆ្នាំ ២០១៨។

បន្ថែមពីនោះ បច្ចុប្បន្ន​ផ្លូវល្បឿនលឿន​ក្នុងទីក្រុងស៊ីនជាំង មានប្រវែងសរុបរហូតដល់ ១១ ០០០ គីឡូម៉ែត្រ ហើយគ្រប់តំបន់ និងខេត្តជិត ៩០% នៃផ្ទៃប្រទេសសុទ្ធតែអាច​ធ្វើដំណើរលើ​ផ្លូវល្បឿនលឿន​ទាំងអស់​នៅ​ទីក្រុងមួយនេះ៕

The post ក្រុងស៊ីនជាំងគ្រោងចាយលុយជាង ៨០ ពាន់លានយ៉ន់ អភិវឌ្ឍហេដ្ឋារចនាសម្ព័ន្ធក្នុងស្រុក appeared first on .

ការបង្កើនមូនិធិនេះ គឺជាផ្នែកមួយនៃការគាំទ្រដោយអ្នកបង្កើតគោលនយោបាយ ដើម្បីជំរុញកំណើនសេដ្ឋកិច្ចរបស់ប្រទេសចិនឡើងវិញ តាមរយ:ការលក់ចេញនូវមូលបត្របំណុល ដើម្បីផ្តល់មូលនិធិដល់គម្រោងការងារសាធារណ:ធំៗ ។

បើតាមកាសែត Securities Times បានបង្ហាញថា​មូលនិធិ​ចំនួន ៣០០ ពាន់លានយ៉ន់នេះ នឹងត្រូវផ្តល់ជូនតាមរយ:ធនាគាររដ្ឋបីផ្សេងគ្នា ដោយក្នុងនោះ ធនាគារនាំចេញ-នាំចូលនៃប្រទេសចិន បានផ្តល់ទឹកប្រាក់ចំនួន ៥០ ពាន់លានយ៉ន់ សម្រាប់មូលនិធិទាំងស្រុងលើគម្រោងសំខាន់ៗចំនួន ១០៦។

ទន្ទឹមនឹងនេះ ធនាគារអភិវឌ្ឍន៍កសិកម្មនៃប្រទេសចិន បានផ្តល់ប្រាក់កម្ចីចំនួន ១០០ ពាន់លានយន់ លើគម្រោងចំនួន ៧៣២ ខណ:ធនាគារអភិវឌ្ឍន៍ចិន បានផ្តល់ជូនប្រាក់កម្ចីចំនួន ១៥០ ពាន់លានយ៉ន់ លើគម្រោងចំនួន ៤២១ ។

ប្រភពខាងលើបន្ថែមទៀតថា ​មូលនិធិ​ដែលទទួលបានពីការលក់មូលបត្របំណុល ដោយរដ្ឋាភិបាលក្នុងតំបន់នេះ នឹងត្រូវប្រើប្រាស់សម្រាប់គម្រោងហេដ្ឋារចនាសម្ព័ន្ធ នៅក្នុងត្រីមាសទី ៤ ដោយធានាបាននូវកំណើននៃការវិនិយោគលើហេដ្ឋារចនាសម្ព័ន្ធប្រហែល ១០% សម្រាប់រយ:ពេលពេញមួយឆ្នាំ។

បញ្ជាក់ផងដែរថា ប្រទេសចិនបានទទួលរងនូវការធ្លាក់ចុះនៃសេដ្ឋកិច្ចរបស់ខ្លួនយ៉ាងខ្លាំង ដោយសារតែវិស័យអចនលទ្រព្យនៅក្នុងប្រទេសនេះ នៅតែបន្តធ្លាក់ចូលទៅក្នុងវិបត្តិ រួមទាំងការធ្លាក់ចុះនៃការប្រើប្រាស់ និងមានការរឹតត្បិតខ្លាំងលើកូវីដ-១៩ ផងដែរ ៕

The post ចិន នឹងផ្តល់ប្រាក់កម្ចី ៤២ ពាន់លានដុល្លារ​បន្ថែម សម្រាប់ការចំណាយលើហេដ្ឋារចនាសម្ព័ន្ធ ក្នុងប្រទេស appeared first on .

ថ្លែង​ក្នុងជំនួប​ជាមួយ​ប្រតិភូវិទ្យុចិន លោក ស៊ុន ចាន់ថុល ​រដ្ឋមន្ត្រីសាធារណការនិងដឹកជញ្ជូនបានគូសបញ្ជាក់ថា មិត្តចិនបាន​ជួយកសាងផ្លូវ ៣៧ ខ្សែ ចម្ងាយ ៣៦៣៦គីឡូម៉ែត្រនៅកម្ពុជា​ ក្នុងនោះ ៣០ខ្សែបានធ្វើរួចរាល់ ខណៈ ៣ ខ្សែទៀតកំពុងសាងសង់ និង ៤ខ្សែទៀត ត្រៀមបើកការដ្ឋានសាងសង់នាពេលខាងមុខ។

លោក​រដ្ឋមន្រ្តី​បាន​បន្ត​ថា ចិនក៏​បាន​ជួយកសាងស្ពាន ចំនួន១២ ហើយក៏ត្រៀមសហការបន្តលើកម្ពស់ផ្លូវជាតិសំខាន់ៗមួយចំនួនទៀត ព្រមទាំង​គម្រោងសាងសង់ផ្លូវល្បឿនលឿនទី២ និង​ផ្លូវរថភ្លើងល្បឿនលឿនផងដែរ។

ទាក់ទង​ការ​ចោទ​ប្រកាន់​ដែលថា «គំនិតផ្តួចផ្តើម ខ្សែក្រវាត់ និងផ្លូវ គឺជាអន្ទាក់បំណុល» លោក​រដ្ឋមន្រ្តី​បាន​បញ្ជាក់​ថា គឺជាចោទប្រកាន់មិនត្រឹមត្រូវទេ ព្រោះថា ប្រទេសនីមួយៗ មានតួនាទីពិនិត្យ និងគ្រប់គ្រងប្រាក់កម្ចីរបស់ខ្លួនដោយខ្លួនឯង ជាពិសេស កម្ចីយកមកអភិវឌ្ឍហេដ្ឋារចនាសម្ព័ន្ធ ដែលផ្តល់ផលប្រយោជន៍ដល់ប្រទេសទាំងនោះ។ បើ​តាម​លោក​រដ្ឋមន្រ្តី គំនិតផ្តួចផ្តើម ខ្សែក្រវាត់ និងផ្លូវ របស់ប្រធានរដ្ឋចិន កំពុងតែផ្តល់ផលប្រយោជន៍ដល់ពិភពលោក តាមរយៈការអភិវឌ្ឍន៍ប្រព័ន្ធហេដ្ឋារចនាសម្ព័ន្ធ តភ្ជាប់កាន់តែល្អប្រសើរ កាត់បន្ថយពេលវេលា និងការចំណាយសម្រាប់ការដឹកញ្ជូន ដែលជាការលើកកម្ពស់សេដ្ឋកិច្ចជាតិ។

ផ្ទុយមកវិញ លោក​ស៊ុន ចាន់ថុល កោតសរសើរគំនិតផ្តួចផ្តើមខ្សែក្រវាត់ និងផ្លូវរបស់ប្រធានរដ្ឋចិន បាន​ចែករំលែកទាំងបទពិសោធន៍ និងធនធាន ដល់ប្រទេសទាំងអស់ ដើម្បីយកមកអនុវត្តលើគម្រោងហេដ្ឋារចនាសម្ព័ន្ធ ដើម្បីឲ្យការដឹកជញ្ជូនលើពិភពលោកលឿនជាងមុនិងថោកជាមុន៕

The post មកដល់ម៉ោងនេះ ចិនជួយកសាងផ្លូវនៅកម្ពុជាចម្ងាយ ៣៦៣៦ គីឡូម៉ែត្រ appeared first on .

ផ្លូវជាតិលេខ៣ ដែល​មានប្រវែងសរុប១៣៤,៧៩៦ គីឡូម៉ែត្រដែលប្រើប្រាស់រយៈពេលសាងសង់ ៤៨ខែ ដោយ​ចំណាយថវិកាសរុបប្រមាណ ២១៩ ៩១១ ០០០ ដុល្លារអាមេរិក ឥឡូវនេះបានរួចរាល់ហើយ។ ផ្លូវជាតិមួយ​ខ្សែនេះ​បែងចែកជា​២​ផ្នែក ដោយ​ផ្នែកទី១ពីរង្វង់មូលចោមចៅទៅបែកគូស ចាប់ពីគីឡូម៉ែត្រ០+០០០ (ចោមចៅ) ដល់គីឡូម៉ែត្រ ៦៩+៩០០ (បែកគូស) មានប្រវែង ៦៩,៩០គីឡូម៉ែត្រ ត្រូវសាងសង់ពង្រីកទទឹងតួផ្លូវ រហូតដល់​២៤,៥ម៉ែត្រ ជាប្រភេទផ្លូវបេតុងកៅស៊ូ (AC) កម្រាស់ ៩សង់ទីម៉ែត្រ ចែកចេញជា៤គន្លង។

ចំណែក​ផ្នែកទី២ពី បែកគូសទៅទីរួមខេត្តកំពត ចាប់ពីគីឡូម៉ែត្រ៦៩+៩០០ (បែកគូស) ដល់គីឡូម៉ែត្រ១៣៤+៧៩៦ (ទីរួមខេត្តកំពត) មាន​ប្រវែង ៦៤,៨៩៦គីឡូម៉ែត្រ សាងសង់ជាផ្លូវប្រភេទបេតុងកៅស៊ូ (AC) កម្រាស់ ៧សង់ទីម៉ែត្រ ពង្រីកទទឹងតួផ្លូវរហូតដល់ ១២ម៉ែត្រ ចែកជា២គន្លង។

ផ្លូវជាតិលេខ៣ ជាផ្លូវជាតិដែលតុបតែងលម្អដោយមាន ដើមរុក្ខជាតិ ផ្កា និងសួនស្មៅនៅចំកណ្តាលទ្រូងផ្លូវ ប្រកបដោយទេសភាពពណ៌បៃតងស្រស់ រួម​ទាំង​ស្ពានអាកាសថ្មើរជើងសម្រាប់ឆ្លងកាត់ថ្នល់ ប្រកបដោយសុវត្ថិភាព ១០០% ចំនួន ២ កន្លែង។ លើ​កំណាត់​ផ្លូវ​ជាតិ​ដែល​ទើប​ស្ថាបនា​ថ្មី​រួច​នេះ មាន​បំពាក់​កាមេរ៉ាចាប់ល្បឿនយានយន្តចំនួន ១៤ កន្លែង រួម​ទាំង​ស្ថានីយថ្លឹងយានយន្ដចំនួន ០២កន្លែង និងមានបំពាក់ប្រព័ន្ធកាមេរ៉ា និងជញ្ជីងស្វ័យស្វ័យប្រវត្ត (AI Camera and High Speed Weigh in Motion Senior) ផងដែរ៕

The post ផ្លូវជាតិលេខ ៣ នឹងសម្ពោធដាក់​ឲ្យប្រើប្រាស់នៅថ្ងៃស្អែកនេះ appeared first on .

១/វិស័យថាមពលចំនួន៩គម្រោងគឺ៖

-គម្រោងពង្រីកសមត្ថភាពផ្គត់ផ្គង់អគ្គិសនីជំហានទី១
-គម្រោងពង្រីកសមត្ថភាពផ្គត់ផ្គង់អគ្គិសនីជំហានទី២
-គម្រោងពង្រីកខ្សែបញ្ជូនអគ្គិសនី ជនបទជំហានទី៨
-គម្រោងពង្រីកប្រព័ន្ធខ្សែបញ្ជូន និងចែកចាយនៅរាជធានីភ្នំពេញជំហានទី២
-គម្រោងពង្រឹងសមត្ថភាពប្រព័ន្ធបណ្តាញបញ្ជូនអគ្គិសនី
-គម្រោងសាងសង់ខ្សែបញ្ជូន ១១៥គីឡូវ៉ុលបារាយណ៍-ស្ទឹងត្រង់
-គម្រោងប្រសិទ្ធភាពថាមពលសម្រាប់ការផ្គត់ផ្គង់ អគ្គិសនីជនបទជំហានទី២ និងកម្មវិធីអភិវឌ្ឍន៍ប្រសិទ្ធភាពវិស័យថាមពល

២/វិស័យធារាសាស្ត្រចំនួន៦គម្រោងគឺ៖

-គម្រោងអភិវឌ្ឍន៍អាងទឹកដងកាំបិតខេត្តកំពង់ធំ
-គម្រោងអភិវឌ្ឍន៍ទំនប់ដូនទ្រីនៅខេត្តបាត់ដំបង (ហិរញ្ញប្បទានបន្ថែម)
-គម្រោងស្តារឡើងវិញស្ទឹងស្វាយចេក
-កម្មវិធីគ្រប់គ្រងធនធានទឹក និងការផ្លាស់ប្តូរវិស័យកសិកម្មជំហានទី២
-គម្រោងជួសជុល និងស្តារផលប៉ះពាល់ទឹកជំនន់ឆ្នាំ២០២០ និងគម្រោងលើកកម្ពស់សមត្ថភាពបន្សំនៅជនបទ

៣/វិស័យហេដ្ឋារចនាសម្ព័ន្ធរូបវន្តចំនួន ៦គម្រោងគឺ៖

-គម្រោងសាងសង់ស្ពានទន្លេមេគង្គ និងផ្លូវតភ្ជាប់ខេត្តក្រចេះ
-គម្រោងពង្រីកកំណាត់ផ្លូវជាតិលេខ៧ (ស្គន់-កំពង់ចាម)
-គម្រោងរៀបចំ ច្រកទ្វារអន្តរជាតិស្ទឹងបត់ និងផ្លូវតភ្ជាប់ផ្លូវជាតិលេខ៥ ជំហានទី២
-គម្រោងធ្វើឱ្យប្រសើរឡើងកំណាត់ផ្លូវជាតិលេខ៥ ពីធ្លាម្អមខេត្តពោធិ៍សាត់ ទៅក្រុងបាត់ដំបង និងក្រុងសិរីសោភ័ណ (កញ្ចប់ឥណទានដំណាក់កាលទី៣)
-គម្រោងកែលម្អបណ្តាញតភ្ជាប់ជនបទដោយចីរភាព
-គម្រោងសាងសង់ស្ពានមិត្តភាពកម្ពុជា-កូរ៉េ

៤/វិស័យសុខាភិបាលចំនួន៣គម្រោងគឺ៖

-គម្រោងធ្វើឱ្យប្រសើរឡើងមន្ទីរពេទ្យបង្អែកខេត្ត
-គម្រោងពង្រឹងវិស័យសុខាភិបាលក្នុងតំបន់សេដ្ឋកិច្ចពិសេស ក្នុងមហាអនុតំបន់មេគង្គ
-គម្រោងលើកកម្ពស់គុណភាព និងសមធម៌សុខាភិបាលជំហានទី២

៥/វិស័យអប់រំ និងបណ្តុះបណ្តាលវិជ្ជាជីវៈចំនួន២គម្រោង៖

-គម្រោងបណ្តុះបណ្តាលជំនាញ សម្រាប់តម្រូវការសេដ្ឋកិច្ចពេលអនាគត
-គម្រោងវិទ្យាសាស្រ្ត និងបច្ចេកវិទ្យានៅមធ្យមសិក្សាទុតិយភូមិ

៦/វិស័យកសិកម្មចំនួន ៤គម្រោងគឺ៖

-កម្មវិធីអភិវឌ្ឍន៍កសិកម្មតំបន់ ពឹងលើទឹកភ្លៀងសម្រាប់ប្រទេសកម្ពុជា
-គម្រោងនេសាទនៅតាមតំបន់ឆ្នេរប្រកបដោយនិរន្តភាព(២គម្រោង)
-គម្រោងផលិតកម្មសត្វឆ្លងដែន និងការជំរុញខ្សែច្រវ៉ាក់ផលិតកម្មមហាអនុតំបន់មេគង្គ

វិស័យអាទិភាពផ្សេងទៀតគឺ៖

-គម្រោងអភិវឌ្ឍន៍ប្រព័ន្ធចម្រុះទឹកកខ្វក់ក្រុងតាខ្មៅ (ឥណទានបន្ថែម)
-កម្មវិធីពង្រឹងការគ្រប់គ្រងហិរញ្ញវត្ថុសាធារណៈ
-គម្រោងគាំទ្រការសិក្សាសមិទ្ធិ លទ្ធកម្ម និងការអនុវត្តគម្រោងកម្មវិធីជំរុញពាណិជ្ជកម្ម និងការប្រកួតប្រជែងគម្រោង គ្រប់គ្រងធនធានធម្មជាតិ
-គម្រោងសេដ្ឋកិច្ចឌីជីថល និងការវិនិយោគលើការប្រកួតប្រជែងនៅកម្ពុជា

The post លម្អិត​គម្រោងធំ​ៗ រដ្ឋាភិបាលគ្រោង​ចាយថវិកាកម្ចីជាង ២០០០ លាន​ដុល្លារ​យកទៅអភិវឌ្ឍ appeared first on .

ក្នុងចំនួនទឹកប្រាក់ទាំងអស់នោះ រាជរដ្ឋាភិបាលបានដកសាច់ប្រាក់ពីដៃគូអភិវឌ្ឍន៍យកមកប្រើប្រាស់ជាក់ស្តែង​សរុបចំនួន ១០,០៥ប៊ីលានដុល្លារអាមេរិក។ នេះបើព្រឹត្តិបត្រស្ថិតិបំណុលសាធារណៈកម្ពុជានៃក្រសួងសេដ្ឋកិច្ច និងហិរញ្ញវត្ថុ ចេញផ្សាយកាលពីខែសីហា ឆ្នាំ២០២១។

ក្នុងចំណោមសាច់ប្រាក់នេះ​ ប្រមាណ៨១ភាគរយ ត្រូវបានប្រើប្រាស់ដើម្បីហិរញ្ញប្បទានលើគម្រោងវិនិយោគសាធារណៈ ក្នុងវិស័យហេដ្ឋារចនាសម្ព័ន្ធរូបវន្ត និងមានប្រមាណ ១៩ភាគរយទៀត ក្នុងវិស័យអាទិភាពចំពោះមុខផ្សេងទៀត។

ប្រភព៖ ព្រឹត្តិបត្រស្ថិតិបំណុលសាធារណៈកម្ពុជានៃក្រសួងសេដ្ឋកិច្ច និងហិរញ្ញវត្ថុ

The post រយៈពេលជិត ៣០ឆ្នាំ រាជរដ្ឋាភិបាលកម្ពុជាចំណាយប្រមាណ ៨ប៊ីលានដុល្លារ​លើការស្ថាបនាវិស័យហេដ្ឋារចនាសម្ព័ន្ធ appeared first on .

ប្រភព​ខាងលើ​បាន​ឲ្យ​ដឹង​ថា ​ការ​សាងសង់​ធ្លាក់​ចុះ​ប្រមាណ ២,៧% និង​អាច​បន្ត​ធ្លាក់​ដល់ ៨,៤% នៅ​ឆ្នាំ ២០២២ ដោយសារ​ជំងឺ​កូវីដ​និង​បញ្ហា​ហិរញ្ញវត្ថុ​។

រដ្ឋាភិបាល​ឥណ្ឌូណេស៊ី គ្រោង​​ជួយ​ដល់​ការ​អភិវឌ្ឍន៍​វិស័យ​ហេដ្ឋារចនាសម្ព័ន្ធ​នានា តែ​ជំនួយ​​ត្រូវ​បាន​ផ្ទេរ​ទៅកាន់​ផ្នែក​សុខាភិបាល​វិញ បន្ទាប់ពី​ឥណ្ឌូណេស៊ី​​ជួប​ប្រទះ​ជាមួយ​ការ​រាតត្បាត​​មេរោគ​​កូវីដ ខណៈ​អត្រា​ឆ្លង​​ប្រចាំថ្ងៃ​កើនឡើង​ហួស ៥០ ០០០ ករណី​។

​គម្រោង​សាងសង់​បានផ្អាក ខណៈ​គម្រោង​សាងសង់​ច្រើនជាង ៥០% គឺ​គ្រប់គ្រង​ដោយ​រដ្ឋាភិបាល​ឥណ្ឌូណេស៊ី មាន​ដូចជាកំពង់ផែទឹកជ្រៅ​នៅ​ខាងលិច​កោះជ្វា និង​ប្រព័ន្ធ​ដឹកជញ្ជូន​ខ្នាត​យក្ស​នៅ​ទីក្រុង​ហ្សាកាតា​ជាដើម។

បើ​ទោះ​ជា​គម្រោង​ហេដ្ឋារចនាសម្ព័ន្ធ​ខ្នាត​យក្ស​ទាំង​នេះ អាច​ធ្វើ​ឲ្យ​សេដ្ឋកិច្ច​ឥណ្ឌូណេស៊ី​មាន​ការ​កើនឡើង​នា​ថ្ងៃ​អនាគត​ក្ដី តែការ​​ជាប់​បំណុល​លើសលប់ ​ប្រឈម​នឹង​វិបត្តិ​ហិរញ្ញវត្ថុ​ធ្ងន់ធ្ងរ ដែល​អាច​បណ្ដាល​ឲ្យ​មាន​ការ​ពន្យារពេល ឬ​រាំងស្ទះ​លំហូរ​សាច់ប្រាក់​ផង​ដែរ៕

ប្រភព: globalconstructionreview

The post កូវីដធ្វើ​ឲ្យ​គម្រោង​សាងសង់ធំៗ​ចំនួន​ពីរ​ ​នៅ​​ឥណ្ឌូណេស៊ី​គាំងស្ដូក​ appeared first on .

លោក​រដ្ឋមន្រ្តី​ស៊ុន ចាន់ថុល បាន​ប្រាប់​ទីភ្នាក់ងារ​ JICA របស់​ជប៉ុន​ពី​ការ​បញ្ចប់ការ​សិក្សា​ផ្លូវជាតិ​​ពីរ​ខ្សែ ដោយ​មួយ​ខ្សែ​ភ្ជាប់ពីខេត្តកំពង់ឆ្នាំងទៅខេត្តកំពង់ធំ និងមួយ​ខ្សែ​ទៀត​ពី​ខេត្តបាត់ដំបងទៅកាន់ខេត្តសៀមរាប។

លោក​រដ្ឋមន្រ្តី​បាន​បញ្ជាក់ថា ផ្លូវជាតិ​ទាំង​ពីរខ្សែ​ជា​ផ្លូវ​ប្រវត្តិសាស្រ្ត​កាត់​ពី​ខេត្ត​មួយ​ទៅ​ខេត្តមួយ​​ ចំណេញរាប់​រយគីឡូម៉ែត្រ។

ផ្លូវ​ជាតិ​ថ្មី​ដែល​គ្រោង​សាងសង់​ពី​សៀមរាប​ទៅ​បាត់​ដំបង មានប្រវែង​តែ​ជាង ៧០ គីឡូម៉ែត្រ ជិត​ជាង​ផ្លូវ​ចាស់​ជាង ១០០ គីឡូម៉ែត្រ។ ចំណែក​ផ្លូវ​ជាតិ​ភ្ជាប់ពីផ្លូវជាតិ​លេខ ៦ ក្នុង​ខេត្តកំពង់ធំ ទៅដល់​ស្រុកកំពង់លែង​ខេត្តកំពង់ឆ្នាំង ជាផ្លូវប្រវត្តិសាស្ត្រមិនធ្លាប់មានឆ្លងកាត់កណ្តាលប្រទេសកម្ពុជា។

ឯកឧត្តមទេសរដ្ឋមន្ត្រីក៏លើកពី​ការ​​ពង្រីកប្រព័ន្ធ​ដឹក​ជញ្ជូន​តាម​ផ្លូវដែក ដោយសារ​ទំហំនៃការដឹកជញ្ជូនទំនិញតាមផ្លូវដែកមានការកើនឡើងគួរឱ្យកត់សម្គាល់ក្នុងរយៈពេលប៉ុន្មានឆ្នាំចុងក្រោយនេះ។ ឯកឧត្តមទេសរដ្ឋមន្ត្រី ចង់ឃើញការដឹកជញ្ជូនទំនិញតាមផ្លូវដែកនៅកម្ពុជាមានទំហំកាន់តែធំឡើងដើម្បី កាត់បន្ថយការខូចខាតផ្លូវថ្នល់ ខណៈ​ដែល​ក្រសួងកំពុងរៀបចំបញ្ចប់យុទ្ធសាស្ត្រ អភិវឌ្ឍន៍ផ្លូវដែកនៅកម្ពុជា ហើយគ្រោងដាក់ជូនប្រមុខរាជរដ្ឋាភិបាលសុំការឯកភាពនាពេលខាងមុខនេះ៕

The post គម្រោង​ផ្លូវ​ជាតិ​ពីរ​ខ្សែ​សិក្សា​ចប់ហើយ​ រង់ចាំ​តែ​ថ្ងៃ​បើក​ការដ្ឋាន​ប៉ុណ្ណោះ appeared first on .

ខាងក្រោម​ជា​ទិដ្ឋភាព​ចរាចរកាត់ស្ពាន​កំពុងសាងសង់ ខណៈ​ផ្លូវ​ ៣​ ខ្សែ​ក្នុង​គម្រោង​ស្ពាន​អាកាស​ចោមចៅ​បាន​ដាក់​ឲ្យប្រើប្រាស់​បណ្តើរៗជាបណ្តោះអាសន្ន ដើម្បី​សម្រួល​ការធ្វើ​ដំណើររបស់ប្រជាពលរដ្ឋ។

គួរ​បញ្ជាក់ថា​ គម្រោង​ស្ពាន​អាកាស​ចោមចៅ គ្រោង​បញ្ចប់​ទាំងស្រុង​នៅ​ខែ​មីនា ឆ្នាំ​២០២២ ប៉ុន្តែ​បច្ចុប្បន្ន​ផ្នែក​ខ្លះ​នៃ​ផ្លូវ​ក្រោម​ដី បាន​ដាក់​ឲ្យប្រើប្រាស់​បណ្តោះអាសន្ន​ក្នុង​នោះ​ខ្សែ​ទី​មួយ​ជា​ផ្លូវក្រោមដីភ្ជាប់ចរាចរពីផ្លូវជាតិលេខ៤ មកមហាវិថីសហព័ន្ធរុស្ស៊ី មានប្រវែងសរុប ៤៧០ម៉ែត្រ ទទឹង៨,៥ម៉ែត្រ ជា​ផ្លូវ​ឯក​ទិសមានពីរគន្លងរថយន្ត និងមួយគន្លងទោចក្រយានយន្ត។

ខ្សែ​ទីពីរ​ភ្ជាប់ចរាចរឯកទិស ពីផ្លូវជាតិលេខ ៤ ឆ្ពោះទៅមហាវិថី ចោមចៅ ជាផ្លូវក្រោមដី មានប្រវែង ៤៥៨ម៉ែត្រ ទទឹង ៨.៥ម៉ែត្រ។

ខ្សែទីបី​ជា​ផ្លូវ​ឯកទិសភ្ជាប់​ចរាចរណ៍​ពីផ្លូវជាតិលេខ ៤ បត់ស្តាំឆ្ពោះទៅផ្លូវជាតិលេខ ៣ ជាផ្លូវក្រោមដីមានប្រវែង ១១៦​ម៉ែត្រ ទទឹង ៥.៥ម៉ែត្រ៕

The post ទិដ្ឋភាព​ចរាចរកាត់ស្ពាន​អាកាស​ចោមចៅ​​យ៉ាងមមាញឹក ខណៈគម្រោ​ងសម្រេច​បានជាង ៨០% appeared first on .