ក្នុងពេលផ្តល់បទសម្ភាសជូនក្រុមអ្នកសារព័ត៌មានក្រោយបើកដំណើរការកញ្ចប់វិញ្ញាសាប្រឡងជ្រើសរើសមន្ដ្រីកសិកម្មឃុំ ឆ្នាំ២០២៣ នៅសាកលវិទ្យាល័យភូមិន្ទភ្នំពេញ លោក ឌិត ទីណា រដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ បានថ្លែងថា ក្រសួងកសិកម្មរំពឹងថា នឹងបានមន្ដ្រីដែលមានសមត្ថភាពសម្រាប់ទៅបម្រើប្រជាពលរដ្ឋនៅតាមមូលដ្ឋាន ដូច្នេះគោលដៅធំបំផុតនៃការរៀបចំការប្រឡងនេះ គឺដើម្បីទទួលបាននូវមន្ដ្រីដែលមានសមត្ថភាពយ៉ាងពិតប្រាកដ។

នៅថ្ងៃទី១៧ ខែធ្នូ ឆ្នាំ២០២៣នេះ រយៈពេលមួយថ្ងៃពេញ ក្រសួងមុខងារសាធារណៈ និងក្រសួងកសិកម្មរុក្ខាប្រមាញ់ និងនេសាទ បានរៀបចំការប្រឡងជ្រើសរើសមន្ដ្រីកសិកម្មឃុំ ឆ្នាំ២០២៣ ដែលមានបេក្ខជនប្រឡងចំនួន៣,៣៨១នាក់ លើវិញ្ញាសាចំនួន ៣ ប្រភេទ៖ ១៖ វិញ្ញាសាសរសេរជំនាញកសិកម្ម, ២៖ វិញ្ញាសាពហុចម្លើយ, ៣៖ វិញ្ញាសារសរសេរភាសាអង់គ្លេស។

លោក ហ៊ុន ម៉ានី រដ្ឋមន្ដ្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡង បានគូសបញ្ជាក់ថា ការរៀបចំដំណើរការប្រឡងនេះ ដែលបានប្រព្រឹត្តទៅដោយរលូន និងធានាបាននូវតម្លាភាព ភាពត្រឹមត្រូវ យុត្តិធម៌ ហើយអាចទទួលយកបានពីគ្រប់ភាគីទាំងអស់ ទាំងដំណាក់កាលជ្រើសរើសប្រធានវិញ្ញាសា និងដំណាក់កាលប្រឡង។

លោក ហ៊ុន ម៉ានី បានអះអាងថា តាំងពីដំណាក់កាលរៀបចំដំបូង រហូតដល់ពេលចាប់ផ្ដើមប្រឡង គឺបានប្រព្រឹត្តទៅដោយរលូន ខណៈប្រធានវិញ្ញាសាក៏ធានាបានទាំងស្រុងថា មិនបានបែកធ្លាយ ឬដឹងដល់បេក្ខជនប្រឡងនោះទេ ពោលប្រធានវិញ្ញាសាត្រូវបានជ្រើសរើសភ្លាមៗតែម្ដង នៅថ្ងៃប្រឡង។

លោករដ្ឋមន្រ្តីក្រសួងមុខងារសាធារណៈថ្លែងបញ្ជាក់យ៉ាងដូច្នេះថា៖ «ការរៀបចំរបស់យើងគឺមានការហ្មត់ចត់ ផ្ដោតលើអ្វីដែលជាបទពិសោធន៍កន្លងមកយើងធ្វើការផ្សព្វផ្សាយជាសាធារណៈជាបន្ដបន្ទាប់ ដើម្បីឲ្យប្រជាពលរដ្ឋបានដឹងអំពីការវិវឌ្ឍន៍ទៅលើការរៀបចំរបស់យើង […] ដើម្បីធានាកុំឲ្យមានការបែកធ្លាយវិញ្ញាសា គឺយើងធ្វើនៅថ្ងៃនេះតែម្ដង ជ្រើសរើសដោយមានការចូលរួមពីភាគីផ្សេងៗខុសៗគ្នា យើងព្រីនភ្លាមៗ និងដំណើរការប្រឡងតែម្ដង»។

សម្រាប់នីតិវិធី នៃដំណាក់កាលធ្វើអត្រាកំណែវិញ លោក ហ៊ុន ម៉ានី បានឲ្យដឹងថា នឹងចាប់ផ្ដើមនៅថ្ងៃទី១៨ ខែធ្នូនេះតែម្តងដោយផ្ដើមពីការកាត់ក្បាលសន្លឹកកិច្ចការ និងចុះលេខសម្ងាត់ទើបរៀបចំការធ្វើកំណែ។ លោកសង្កត់ធ្ងន់ថា ដើម្បីធានាតម្លាភាពនៅដំណាក់កាលកំណែនេះ អ្នកដែលផ្ដល់ប្រធានវិញ្ញាសា និងអ្នកធ្វើកំណែមិនមែនជាមនុស្សតែមួយនោះទេ ពោលអ្នកដាក់ប្រធានវិញ្ញាសាផ្សេង ហើយអ្នកកែផ្សេង។

បើតាមប្រធានគណៈកម្មការរៀបចំការប្រឡងរូបនេះបានអះអាងបន្ថែមថា ចាប់ពីថ្ងៃប្រឡង រហូតដល់ថ្ងៃចេញលទ្ធផល អាចនឹងប្រើប្រាស់រយៈពេលមួយសប្ដាហ៍ ពោលអាចនឹងបញ្ចប់នៅអំឡុងថ្ងៃទី២៤ ខែធ្នូ ឆ្នាំ២០២៣ខាងមុខ ហើយដើម្បីធានាដល់ការប្រព្រឹត្តទៅតាមរយៈពេលដែលបានកំណត់នោះ គឺអាស្រ័យលើល្បឿននេះការធ្វើកំណែ ប៉ុន្ដែទោះជាយ៉ាងណា មិនឲ្យលើសពីមួយសប្ដាហ៍នោះទេ។

សូមជម្រាបជូនថា ការប្រឡង​​ជ្រើស​រើស​មន្ត្រី​កសិកម្ម​ឃុំឆ្នាំ២០២៣ជាលើកតំបូងនេះ​​ ធ្វើ​ឡើង​ស្រប​តាម​កម្មវិធី​នយោបាយ​របស់​រដ្ឋា​ភិបាល​កម្ពុជា​អាណត្តិ​ទី​៧ក្រោមការដឹកនាំដោយសម្តេចធិបតី ហ៊ុន ម៉ាណែត នាយក​រដ្ឋមន្ត្រី​​ ដែលបាន​ឲ្យដឹង​កាលពី​កន្លងមកថា​ រដ្ឋាភិបាល​បាន​តៀម​កញ្ចប់ថវិការួច​រាល់​សម្រាប់​ការ​អភិវឌ្ឍវិស័យ​កសិកម្ម និងការ​ដាក់មន្ត្រី​កសិកម្មនៅតាម​ស្រុក​ និងឃុំ​ នៅ​ទូទាំង​ប្រទេស​។

បើតាមសម្តេចធិបតីនាយករដ្ឋមន្រ្តី​ ​រដ្ឋា​ភិបាលបានត្រៀម​កញ្ចប់​ថវិកា​១០០​លាន​ដុលា្លរ ដើម្បី​ពង្រឹងវិស័យ​កសិកម្ម និង​ការ​ដាក់​មន្រ្តី​កសិ​កម្ម​តាម​ស្រុក ឃុំ​នីមួយៗ ដើម្បី​ជួយ​ទៅ​ដល់​ប្រជា​កសិករ​តាម​តំបន់​មូល​ដ្ឋាន។ ស្របពេល​មានការ​ដាក់​ពង្រាយ​មន្ត្រីកសិកម្មនៅ​តាម​ឃុំ​ រដ្ឋា​ភិបាល​ក៏នឹង ដាក់ចេញ​នូវ យន្ត​ការ​សម្របសម្រួល​កម្មវិធី​ហិរញ្ញប្បទាន​ សំដៅ​លើក​ស្ទួយ​កសិផល​ រកទីផ្សារ​ និង ផ្តល់​អន្តរាគមន៍​ឲ្យ​ទាន់​ពេល​វេលា ក្នុងការ​ធានានូវតម្លៃ​កសិផល​ក្នុង​កម្រិត​ណាមួយ​ដែល​អាច​ធ្វើ​ទៅ​បាន​៕

The post បេក្ខជនប្រឡងជាង៣ពាន់នាក់ ក្រសួងកសិកម្ម រំពឹងថា នឹងបានមន្រ្តីដែលមានសមត្ថភាពសម្រាប់ទៅបម្រើប្រជាពលរដ្ឋនៅតាមមូលដ្ឋាន appeared first on .

ផ្អែកតាមរបាយការណ៍មន្ទីរទេសចរណ៍ខេត្តសៀមរាប បានឲ្យដឹងថា ក្នុងរយៈពេល៣ថ្ងៃ ចាប់ពីថ្ងៃទី១៤ ដល់ថ្ងៃទី១៦ ខែមេសាឆ្នាំ២០២៣ ជាថ្ងៃបុណ្យចូលឆ្នាំថ្មីប្រពៃណីជាតិខ្មែរ និងព្រឹត្តិការណ៍អង្គរសង្ក្រាន្ត មានភ្ញៀវទេសចរជាតិ-អន្តរជាតិដើរកម្សាន្តមានចំនួនប្រមាណ ២.១២០.៣៧៣នាក់ ក្នុងនោះទេសចរជាតិ មានចំនួនប្រមាណ ២.១០៧.០០០ នាក់។

លោក ហ៊ុន​ ម៉ានី ប្រធានសហភាពសហព័ន្ធយុវជនកម្ពុជា កាលព្រឹកថ្ងៃចន្ទ ទី១៧ ខែមេសានេះនៅលើទំព័រហ្វេសប៊ុកផ្ទាល់ខ្លួន បានលើកឡើងថា អង្គរសង្រ្កាន្តរយៈពេល ០៣ថ្ងៃ បានបញ្ចប់ទៅប្រកបដោយជោគជ័យយ៉ាងត្រចះត្រចង់ ដោយបានបន្សល់ទុកនូវស្នាមញញឹមរាប់មិនអស់ពីសំណាជនរួមជាតិខ្មែរ ដែលអញ្ជើញមកពីគ្រប់ទិសទី។ លោកសរសេរយ៉ាងដូច្នេះថា «ក្រលេកទៅមើល ១០ឆ្នាំមុន ធ្វើឱ្យខ្ញុំនឹកដល់ជំហានដំបូងនៃការចាប់ផ្តើមការរៀបចំព្រឹត្តិការណ៍អង្គរសង្រ្កាន្ត។ ១០ឆ្នាំមកនេះ យើងបានបង្កើតចំណងមិត្តភាព ភាតរភាព និងសាមគ្គីភាពយ៉ាងរឹងមាំ ហើយចេញពីអង្គរសង្រ្កាន្ត យើងបានបង្កើតសមិទ្ធផលជាច្រើនផ្សេងទៀតរួមគ្នា»។

លោកបន្តថា ក្នុងនាមក្រុមគ្រួសារសហភាពសហព័ន្ធយុវជនកម្ពុជា លោកសូមគោរពថ្លែងអំណរគុណយ៉ាងខ្ពស់ខ្ពស់បំផុតជូនចំពោះរាជរដ្ឋាភិបាលកម្ពុជា ដែលបានគាំទ្រ និងផ្តល់ភាពកក់ក្តៅដល់ក្រុមការងាររៀបចំ តាមរយៈការផ្តល់កិត្តិយសដ៏ខ្ពង់ខ្ពស់អញ្ជើញជាអធិបតីក្នុងពិធីបើក ក៏ដូចជាចូលរួមទស្សនាតាមកម្មវិធីនានាជាច្រើន។ លោកបន្ថែមទៀតថា «សារជាថ្មីម្តងទៀត ក្នុងនាមជាពលរដ្ឋខ្មែរមួយរូប ខ្ញុំសូមថ្លែងអំណរគុណដល់កិច្ចខិតខំប្រឹងប្រែងរបស់រាជរដ្ឋាភិបាលក្នុងការគ្រប់គ្រងជំងឺឆ្លងរាលដាល កូវីដ-១៩ ប្រកបដោយជោគជ័យទើបយើងអាចមានឱកាសរៀបចំព្រឹត្តិការណ៍អង្គរសង្រ្កាន្តបានដោយជោគជ័យ»។

បន្ថែមពីនេះ លោក ហ៊ុន ម៉ានី ក៏បានថ្លែងអំណរគុណតជូនចំពោះគ្រប់កោសិកាទាំងអស់ ដែលបានធ្វើឱ្យព្រឹត្តិការណ៍អង្គរសង្រ្កាន្ត ខួប ១០ឆ្នាំ អាចកើតមានឡើងបាន ដូចជាក្រសួង ស្ថាប័ន អាជ្ញាធរពាក់ព័ន្ធ រដ្ឋបាលខេត្ត សាស្រ្តាចារ្យ លោកគ្រូ អ្នកគ្រូ សិល្បករ សិល្បការិនីស្ម័គ្រចិត្ត វិស័យឯកជន ដៃគូឧបត្ថម្ភ សហគ្រិន អាជីវករទាំងអស់ដែលបានសហការគាំទ្រ និងជាពិសេស ម្ចាស់អាជីវកម្ម និងប្រជាពលរដ្ឋខេត្តសៀមរាបដែលបានដើរតួនាទីយ៉ាងសំខាន់ក្នុងការទទួលភ្ញៀវទេសចរជាតិ និងអន្តរជាតិ ដែលអញ្ជើញមកលេងអង្គរសង្រ្កាន្ត។

លើសពីនេះ លោកក៏សូមអរគុណដល់ក្រុមគ្រួសារយុវជនស្ម័គ្រចិត្តគ្រប់ក្រុម សមត្ថកិច្ច ក្រុមគ្រូពេទ្យ ក្រុមអ្នកអនាម័យ ក្រុមបច្ចេកទេស ដែលជាអ្នកអនុវត្តផ្ទាល់ក្នុងការងារធានានូវដំណើរការរបស់អង្គរសង្រ្កាន្ត។ ជាមួយគ្នានោះ លោក ហ៊ុន ម៉ានី បានគូសបញ្ជាក់ថា អ្នកទាំងអស់គ្នានេះហើយ គឺជាមូលហេតុនៃស្នាមញញឹមរាប់លានក្នុងរយៈពេល ៣ថ្ងៃនេះ៕

The post ៣ថ្ងៃខេត្តសៀមរាបទទួលបានភ្ញៀវទេសចរជាង ២លាននាក់ លោក ហ៊ុន ម៉ានី ថា ជោគជ័យយ៉ាងត្រចះត្រចង់ appeared first on .

ជាកូនប្រុសពៅផង ជាមន្ត្រីជំនួយការផង លោកថា នៅពេលចាប់ផ្ដើមការងារនៅខុទ្ទកាល័យសម្ដេចតេជោមុនដំបូងនោះ លោកធ្លាប់អាក់ខានដល់ទៅ២ដង លើកទី១អាក់ខានអត់បានទៅតែម្ដង លើកទី២ ជិះទៅដល់កម្មវិធីហើយតែអត់ហ៊ានចូល ដូច្នេះលោកត្រូវខ្វែង២ដង ឬកត់ចំណាំកំហុស២ដង។

ពីក្រុងសៀមរាប ក្នុងពិធីផ្សព្វផ្សាយសៀវភៅក្ដីសង្ឃឹម ហ៊ុន ម៉ានី របស់អ្នកនិពន្ធ លាង ដឺលុច នាពេលថ្មីៗកន្លងទៅ លោក ហ៊ុន ម៉ានី បានថ្លែងថា៖ «ពុក គឺជាមនុស្សមានវិន័យ និងទម្លាប់ធ្វើការច្បាស់លាស់ណាស់ គាត់មិនត្រឹមតែប្រើពាក្យច្បាស់លាស់ទេ គាត់ប្រើពាក្យប្រាកដប្រជា ហើយប្រាកដប្រជានេះ ក្នុងនាមជាលេខា ក៏ត្រូវប្រាកដប្រជាដែរ ព្រោះដើម្បីជៀសវាងគាត់ថា យូរម៉េះ! ឬមានការបន្ទោសអ្វីផ្សេង»។

លោកបន្តថា ពេលចូលធ្វើការនៅខុទ្ទកាល័យរបស់សម្ដេចតេជោនាយករដ្ឋមន្ត្រីនាឆ្នាំ២០០៨ តួនាទីរបស់លោកបានតែពីរទេ ទី១ កាន់កាតាបឯកសារជូនសម្ដេចតេជោ និងទី២ ជាអ្នកដាស់សម្ដេចតេជោ។ លោក ហ៊ុន ម៉ានី បានគូសបញ្ជាក់ថា ការកាន់កាតាបជារូបភាពមើលទៅងាយស្រួលទេ ក៏ប៉ុន្តែសម្រាប់កាតាបរបស់នាយករដ្ឋមន្ត្រី ដែលស្ថិតនៅក្នុងកម្រិតខ្ពស់បំផុតនោះ គឺមិនដូចអ្វីដែលគិតនោះឡើយ។ លោកលើកឧទាហរណ៍ថា ពេលទៅប្រជុំក្រៅប្រទេសម្ដងៗ ដូចជាកិច្ចប្រជុំអាស៊ានជាដើម។

លោកបន្ថែមថា កិច្ចប្រជុំអាស៊ាន មិនដែលមានតែកិច្ចប្រជុំតែមួយនោះទេ គឺមានកិច្ចប្រជុំអាស៊ានរួម កិច្ចប្រជុំអាស៊ានជាមួយដៃគូ និងមានកិច្ចប្រជុំទ្វេភាគីក្នុងឱកាសនៃកិច្ចប្រជុំអាស៊ាននោះដែរ។ ដូច្នេះកាតាបតែមួយ គឺមានឯកសារទាំងអស់នៅខាងក្នុង។ ក្នុងនាមជាអ្នកកាន់កាតាប កាន់ឯកសារ អត់អាចមានពេល ៥នាទីក្នុងការស្វែងរកឯកសារនីមួយៗនោះទេ ពោលគឺក្នុងរយៈពេលដ៏ខ្លីបំផុត។

ជំនួយការកាន់ឯកសារនេះ ត្រូវទាញកាតាប បើករួចស្រេចហើយ ត្រូវដឹងថា ឯកសារនោះ នៅត្រង់ណាក្នុងចំណោមឯកសារទាំងឡាយ ហើយថែមទាំងបើកទំព័រឱ្យត្រូវនូវអ្វី ដែលជាការចង់បានរបស់សម្ដេចតេជោនាយករដ្ឋមន្ត្រីក្នុងរយៈពេលដ៏ខ្លីផងដែរ។

គួររម្លឹកថា លោក ហ៊ុន ម៉ានី ធ្លាប់បានទៅសិក្សានៅប្រទេសបារាំង និងសហរដ្ឋអាមេរិក និងបញ្ចប់អនុបណ្ឌិត​ផ្នែក​ទំនាក់ទំនង​អន្តរជាតិ​នៅ​ទីក្រុង Melbourne ប្រទេស​អូស្ត្រាលី ហើយបានចូលបម្រើការងារនៅខុទ្ទកាល័យសម្ដេចតេជោ ហ៊ុន សែន នាយករដ្ឋមន្ត្រី នៅឆ្នាំ២០០៨។

លោកជា​​​​តំណាង​រាស្ត្រ មណ្ឌលខេត្តកំពង់ស្ពឺ របស់​គណបក្ស​ប្រជាជន​កម្ពុជា និងជាប្រធានសហភាព សហព័ន្ធយុវជនកម្ពុជា (ស.ស.យ.ក) នឹងជា​កូន​ប្រុសពៅ​របស់សម្តេចនាយក​រដ្ឋ​មន្ត្រី​ ហ៊ុន សែន​។ សមាជិករដ្ឋសភាវ័យក្មេងរូបនេះមាន​ចំណាប់​អារម្មណ៍​លើ​នយោបាយ​ជា​ជាង​ជំនួញ​ពាណិជ្ជកម្ម៕

The post លោក ហ៊ុន ម៉ានី ប្រាប់រឿងតួនាទីចម្បង ២ កាលជាជំនួយការសម្តេចនាយរដ្ឋមន្ត្រី appeared first on .

លោកគូសបញ្ជាក់ថា ថ្ងៃអនាគតយើងនឹងរស់នៅ ដោយមិនអាចអវត្តមានបច្ចេកវិទ្យាបាននោះទេ។ បច្ចេកវិទ្យានេះមានការវិវត្តជារៀងរាល់ថ្ងៃ រាល់វិនាទី ដូច្នេះ ចង់ឬមិនចង់ យើងត្រូវតែរៀនសូត្រឲ្យបានច្រើន ដើរតាមឲ្យទាន់សម័យកាលបច្ចេកវិទ្យា និងត្រៀមខ្លួនឲ្យបានរួចរាល់ជានិច្ចក្នុងនាមជាពលរដ្ឋឌីជីថល។

លោកថា បរិបទបដិវត្តន៍ឧស្សាហកម្ម៤.០នេះ យើងគប្បីក្តាប់យកឱកាសផង ហើយត្រៀមខ្លួនរួចជាស្រេចក្នុងករណីមានហានិភ័យផង។

សិក្ខាសាលានេះរៀបចំឡើងដើម្បីឱ្យយុវជន ក៏ដូចជាសាធារណជនទូទៅស្វែងយល់កាន់តែច្បាស់អំពីការធ្វើអាជីវកម្មតាមប្រព័ន្ធ អេឡិចត្រូនិក ក៏ដូចជាការចាប់យកឱកាសក្នុងការចាប់ផ្តើមអាជីវកម្មតាមបែបផែនថ្មី។

សិក្ខាសាលាជាស៊េរីវគ្គទី៥ នេះត្រូវបានរៀបចំឡើងក្នុងគោលបំណងជំរុញ និងលើកទឹកចិត្តដល់យុវជន សិស្ស និស្សិត និងសាធារណៈជនយល់ដឹងពីច្បាប់ បទប្បញ្ញត្តិ និងគោលនយោបាយ នានារបស់រាជរដ្ឋាភិបាលពាក់ព័ន្ធនឹងការធ្វើពាណិជ្ជកម្មតាមប្រព័ន្ធអេឡិចត្រូនិក, នីតិវិធីនៃការចុះបញ្ជីអាជីវកម្មក្នុងប្រព័ន្ធអេឡិចត្រូនិក, ការចាប់ផ្តើមធ្វើអាជីវកម្មតាមប្រព័ន្ធអេឡិចត្រូនិក, ការធ្វើពាណិជ្ជកម្មតាមប្រព័ន្ធអេឡិចត្រូនិកក្នុងយុគសម័យឌីជីថល និងយល់ដឹងអំពីបទពិសោធន៍ បញ្ហាប្រឈម ដំណោះស្រាយ និងភាពជោគជ័យពីការធ្វើពាណិជ្ជកម្មតាមប្រព័ន្ធអេឡិចត្រូនិក៕

The post លោក ហ៊ុន ម៉ានី៖ ថ្ងៃអនាគតយើងនឹងរស់នៅ ដោយមិនអាចអវត្តមានបច្ចេកវិទ្យាបាននោះទេ appeared first on .

កញ្ញា អប់ លីគន្ធ ប្រធានដឹកនាំការដេញថ្លៃ បានបញ្ជាក់ថា មហាសន្និបាតនេះ នឹងនាំមកនូវប្រតិភូអន្តរជាតិ ដែលសុទ្ធសឹងជា វិនិយោគិន ពីជាង៦០ប្រទេស ប្រមាណ៣ពាន់នាក់ ចូលមកប្រជុំនៅខេត្តសៀមរាប រយៈពេល ៣យប់ ៤ថ្ងៃ។ បើតាមកញ្ញា កម្ពុជា បានខកខានក្នុងការធ្វើជាម្ចាស់ផ្ទះនេះម្តងរួចមកហើយ កាលពីឆ្នាំ២០២០កន្លងទៅនេះ ដោយសារវិបត្តិកូវីដ១៩ផ្ទុះឡើង។ ហើយក៏ជាការគួរឲ្យសោកស្តាយបំផុត ដែលពេលនោះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា លោកក៏បានផ្តល់នូវមហាកិត្តិយសដ៏ខ្ពង់ខ្ពស់ ចូលរួមជាអធិបតីក្នុងកម្មវិធីបើកមហាសន្និបាតទៀតផង។

ទន្ទឹមនឹងនោះ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានបញ្ជាក់នូវការគាំទ្រជាគោលការណ៍ចំពោះកិច្ចខិតខំប្រឹងប្រែង របស់ក្រុមប្រឹក្សាភិបាល នៃគណៈកម្មការរៀបចំមហាសន្និបាតអាស៊ីប៉ាស៊ីភិច នៃសភាយុវពាណិជ្ជករអន្តរជាតិកម្ពុជា (JCI Cambodia ASPAC Board Committee) ក្នុងការយកឲ្យបាននូវភាពជាម្ចាស់ផ្ទះនេះ។

លោកថ្លែងថា ក្នុងករណីយើងទទួលជោគជ័យជាផ្លូវការ នោះ ស.ស.យ.ក នឹងស្វាគមន៍ជានិច្ច ក្នុងការបង្កើតក្រុមការងារពិភាក្សាលម្អិត ពីកិច្ចសហប្រតិបត្តិការរវាងស្ថាប័នទាំង២ ដើម្បីធានាឲ្យបាន នូវគុណភាព ព្រមទាំងភាពរលូននៃបដិសណ្ឋារកិច្ច ចំពោះប្រតិភូអន្តរជាតិទាំងអស់ ដែលចូលមកកាន់ទឹកដីខេត្តសៀមរាប នៃព្រះរាជាណាចក្រកម្ពុជាយើង។

លោកក៏បានសង្កត់ធ្ងន់ផងដែរនូវទិដ្ឋភាពជារួម ដែលកម្ពុជា ហាក់ត្រៀមខ្លួនរួចជាស្រេច ក្នុងការទទួលរៀបចំព្រឹទ្ធិការណ៍ធំៗ ដោយសារការអភិវឌ្ឍន៍ធនធានមនុស្ស មានសមត្ថភាពកាន់តែសម្បូរណ៍បែប និងការបំផុសនូវស្មារតី “ខ្មែរធ្វើបាន” ដែលជម្រុញឲ្យយុវជនកម្ពុជា មានភាពសកម្មក្នុងការលើកស្ទួយមុខមាត់ប្រទេសជាតិ។

The post ឧកញ៉ា គួច ផេង ប្តេជ្ញាដេញថ្លៃយកឲ្យបាននូវភាពជា «ម្ចាស់ផ្ទះ រៀបចំមហាសន្និបាតអាស៊ីប៉ាស៊ីភិច ឆ្នាំ២០២៤» appeared first on .

វណ្ណកម្មបែបប្រវត្តិសាស្ត្រ រឿងភាគនេះ កំពុងដំណើរការផលិត ដែលបានរៀបចំពិធីក្រុងពាលីថតកាលពីថ្ងៃទី១៣ ខែធ្នូ ឆ្នាំ២០២១កន្លងទៅ ក្រោមវត្តមាចូលរួមផ្តល់កិត្តិយសពីសំណាក់សម្តេច ហ៊ុន សែន ផ្ទាល់ ព្រមទាំងកូនប្រុសស្រីចំនួន ៤រូបរបស់សម្តេច រួមទាំងថ្នាក់ដឹកនាំផ្សេងទៀត និងអ្នកឧកញ៉ា ឧកញ៉ា ជាច្រើនរូបផងដែរ។

នៅថ្ងៃព្រហស្បតិ៍ ទី២៧ ខែមករាម្សិលមិញ លោក ហ៊ុន ម៉ានី កូនប្រុសម្នាក់ក្នុងចំណោមកូនទាំង៥របស់សម្តេច ហ៊ុន សែន និងជាប្រធានសហភាពសព័ន្ធយុវជនកម្ពុជា បានចុះផ្ទាល់ដល់កន្លែងថតរឿង និងជួបជាមួយគណៈកម្មការផលិតភាពយន្ត «កូនប្រុសក្រោមពន្លឺព្រះច័ន្ទពេញបូណ៍មី» និងបានស្តាប់នូវបទបង្ហាញអំពីគម្រោងនៃដំណើរការផលិតភាពយន្តភាគនេះ ដែលមានលក្ខណៈប្រវត្តិសាស្ត្រផ្អែកទៅលើដំណើររឿងពិតនៃថ្នាក់ដឹកនាំដ៏ឆ្នើមរបស់កម្ពុជាគឺសម្តេច ហ៊ុន សែន។

លោក ហ៊ុន ម៉ានី បានគូសបញ្ជាក់ថា តាមរយៈភាពយន្តដែលនឹងត្រូវផលិតឡើងនេះ នឹងផ្តល់ជាភាពងាយស្រួលសម្រាប់សាធារណជនជាទស្សនិកជនទាំងក្នុង និងក្រៅប្រទេស ក្នុងការទស្សនា និងស្វែងយល់ដឹងកាន់តែស៊ីជម្រៅអំពីដំណើរពលិកម្មរបស់ឥស្សរជនជំនាន់មុនដែលជាប្រមុខថ្នាក់ដឹកនាំកម្ពុជាបច្ចុប្បន្ន ក្នុងការស្វែករកសុខសន្តិភាពជូនប្រទេសជាតិ ដោយការដាក់ជីវិត ជាដើមទុន។

យ៉ាងណា បើទោះបីជាដំណើររឿង «កូនប្រុសក្រោមពន្លឺព្រះច័ន្ទពេញបូណ៍មី» មានលក្ខណៈជាសាច់រឿងប្រវត្តិសាស្ត្ររបស់រដ្ឋបុរសជាតិក៏ដោយ ប៉ុន្តែខ្សែភាពយន្តនេះ ត្រូវបានផលិតឡើងដោយក្រុមហ៊ុនឯកជនសុទ្ធសាធ មានន័យថា រាល់ការទទួលខុសត្រូវក្នុងការចំណាយដើមទុន គឺជាម្ចាស់ផលិតកម្ម ហើយខ្សែភាពយន្តភាគនេះ ក៏ជាកម្មសិទ្ធផ្តាច់មុខរបស់ផលិតកម្មឯកជននោះផងដែរ។

គួររម្លឹកថា កន្លងមករឿងនេះត្រូវបានតាក់តែងនិពន្ធជាល្ខោននិយាយ និងចាក់ផ្សាយនៅតាមប្រព័ន្ធផ្សព្វផ្សាយនានានៅកម្ពុជា ដោយទទួលបានការគាំទ្រយ៉ាងខ្លាំងពីសំណាក់ប្រិយមិត្តអ្នកស្ដាប់ទូទាំងប្រទេស ជាខ្សែរឿងដែលមានប្រជាប្រិយភាពបំផុត៕

The post លោក ហ៊ុន ម៉ានី ចុះផ្ទាល់ដល់ទីតាំងថតរឿងដែលនិយាយពីសំណើរជីវិតតស៊ូរបស់សម្តេច ហ៊ុន សែន appeared first on .

កីឡដ្ឋានបាល់ទាត់លក្ខណៈស្ដង់ដារនេះ ស្ថិតនៅតាមបណ្ដោយផ្លូវជាតិលេខ៤៤ ចម្ងាយប្រមាណ៤គីឡូម៉ែត្រ ពីផ្លូវជាតិលេខ៤ ក្រុងច្បារមន ខេត្តកំពង់ស្ពឺ ដែលសាងសង់លើផ្ទៃដីជាង៤ហិកតា។

ការ​សងសង់​កីឡដ្ឋានខេត្តកំពង់ស្ពឺនេះ ជាគំនិតផ្ដួចផ្ដើមរបស់លោក ហ៊ុន ម៉ានី និងថ្នាក់ដឹកនាំខេត្តកំពង់ស្ពឺ ហើយទទួលបានការគាំទ្រ​ពី​ក្រុមហ៊ុន​ណាហ្គាវើល។

បើ​តាម​ក្រុម​បច្ចេកទេស​សាងសង់ កីឡដ្ឋាននេះមិនត្រឹមតែជាទីតាំងប្រកួតកីឡាបាល់ទាត់សម្រាប់ខេត្តកំពង់ស្ពឺនោះទេ អាច​ប្រើប្រាស់​សម្រាប់​ការ​ប្រកួតថ្នាក់ជាតិ និងអន្ដរជាតិបានផងដែរ។

ការសាងសង់កីឡដ្ឋានបាល់ទាត់នេះបែងចែក ជា២ដំណាក់កាល ដែលដំណាក់កាលទី១ គឺជាការសាងសង់ ក្លោងទ្វារធំចំនួន២ របងជុំវិញ សួនកុមារ និងទីលានរត់ កន្លែងអង្គុយ VIP ៣,០០០កៅអី ទីលានបាល់ទាត់ ដែលបំពាក់ដោយភ្លើងបំភ្លឺទីលាន រួមជាមួយការរៀបចំបរិវេណជុំវិញ និងដំណាក់កាលទី២ សាងសង់កន្លែងអ្នកទស្សនាកើនដល់ ៦,០០០នាក់​។ ក្រុមការងារសាងសង់​គ្រោង​ចំណាយពេលវេលា យ៉ាងតិច១៥ខែ អាច​រួចរាល់មុនចូលឆ្នាំ២០២២៕

The post កីឡដ្ឋាន​បាល់ទាត់ស្តង់ដាអន្តជាតិ​តម្លៃ ៣ លាន​ដុល្លារ​ ផ្តើម​បុក​គ្រឹះសាងសង់​នៅ​ខេត្តកំពង់ស្ពឺ appeared first on .

យុទ្ធនាការនេះ ក្នុងបុព្វហេតុលើកកម្ពស់ការយល់ដឹងឲ្យកាន់តែស៊ីជម្រៅ អំពីបច្ចុប្បន្នភាពនៃ «ពាក្យស្អាត» ក្នុងបរិបទកូវីដ១៩ សម្រាប់ដំណើរការប្រព្រឹត្តទៅ នៃយុទ្ធនាការភ្នំពេញស្អាតឆ្នាំ២០២០នេះ។

ទំព័រហ្វេសបុក ភ្នំពេញស្អាត Phnom Penh Saat បានឲ្យដឹងថា ដើម្បីជាការចូលរួមចំណែកជាមួយអង្គការសុខភាពពិភពលោក និងក្រសួងសុខាភិបាល, យុទ្ធនាការភ្នំពេញស្អាតក្រោមទិសស្លោកថ្មីប្រចាំឆ្នាំ «ស្អាត ជាទម្លាប់ថ្មី» នឹងចូលរួមលើកទឹកចិត្តឱ្យមនុស្សសម័យថ្មីប្រតិបត្តិនូវគោលការណ៍អនាម័យស្អាត និងវិធានការសុវត្ថិភាពស្ដីពីការបង្ការ និងទប់ស្កាត់ការរីករាលដាលនៃជំងឺកូវីដ ១៩ ។

បន្ថែមពីលើនេះ «ភាពស្អាត ដែលជាទម្លាប់ថ្មីនេះ» បានផ្សារភ្ជាប់ខ្លួនយ៉ាងពិតប្រាកដជាមួយនឹង «ការទុកដាក់ និងគ្រប់គ្រងសំរាមឱ្យបានត្រឹមត្រូវ» ដែលជាបេសកកម្មចម្បង នៃយុទ្ធនាការភ្នំពេញស្អាតចាប់តាំងពីការបង្ហាញខ្លួនជាលើកដំបូងនៅឆ្នាំ២០១៧។

ក្នុងនោះដោយឈរលើស្មារតីច្នៃប្រឌិត គំនិតជឿនលឿន ក៏ដូចជានវានុវត្តន៍ក្នុងបរិបទបដិវត្តន៍ឧស្សាហកម្ម៤.០ ដើម្បីឈានទៅរក «អនាម័យស្អាត» «មេត្រីភាពបរិស្ថាន» ក៏ដូចជាការទុកដាក់ និងគ្រប់គ្រងសំរាមឱ្យបានត្រឹមត្រូវ ដោយមានភាពម្ចាស់ការលើខ្លួនឯង ក្នុងការបំពេញកាតព្វកិច្ចជាពលរដ្ឋគំរូ។

សូមបញ្ជាក់ថា «យុទ្ធនាការភ្នំពេញស្អាត» ត្រូវបានបង្កើតឡើងដោយសហស្ថាបនិកចំនួន៦រូប ក្នុងនោះមាន ឯកឧត្តម ហ៊ុន ម៉ានី លោកស្រី ទេព កូលាប លោក ជី សិលា លោកស្រី ជា សុផល្លា លោក ហៃ ភិរម្យ និងលោកស្រី ហេង ធីតា ដែលបានផ្តួចផ្តើមគំនិតនៅក្នុងការបង្កើតគម្រោងនេះឡើង។

The post បុគ្គលល្បីឈ្មោះ៦រូប ផ្តួចផ្តើមគម្រោងភ្នំពេញស្អាត ឥឡូវត្រឡប់មកវិញនូវពាក្យស្លោកគន្លឹះ «ស្អាតជាទម្លាប់ថ្មី» appeared first on .