លោក ឡុង ឌីម៉ង អភិបាលរងខេត្តព្រះសីហនុ បានឲ្យដឹងលើទំព័រហ្វេសប៊ុកផ្ទាល់ខ្លួននារសៀលថ្ងៃពុធ ទី២៨ ខែកុម្ភៈនេះ ដោយលោកបានប្រកាសចូលរួមអបអរជាមួយប្រជាពលរដ្ឋអ្នកខេត្តព្រះសីហនុ។ លោកសរសេរក្នុងន័យដើមយ៉ាងដូច្នេះថា «ថ្ងៃនេះទទួលបានការអនុញ្ញាតចុះបញ្ជីវិនិយោគចំនួន ២គម្រោងពីក្រុមប្រឹក្សាអភិវឌ្ឍន៍កម្ពុជា ដែលមួយជាគម្រោងវិនិយោគសាងសង់សណ្ឋាគារ និងមជ្ឈមណ្ឌលពាណិជ្ជកម្មបោះទុនជាង ៥០០លានដុល្លារ និងគម្រោងកសិឧស្សាហកម្ម កែច្នៃផ្លែស្វាយ ខ្នុរ ធុរេន បោះទុនជាង ១៧លានដុល្លារ ដោយប្រមូលផលិតផលក្នុងស្រុកទាំងអស់»។

សូមជម្រាបថា នាពេលថ្មីៗកន្លងទៅ រាជរដ្ឋាភិបាល បានប្រកាសដាក់ឱ្យអនុវត្តជាផ្លូវការ​នូវ «កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ២០២៤» ដើម្បីដោះស្រាយបញ្ហាប្រឈមចំពោះមុខផង និងជំរុញការអភិវឌ្ឍ សម្រាប់រយៈពេលមធ្យម និងវែងផង ខណៈដែលខេត្តព្រះសីហនុប្រឈមនឹងការរីកលូតលាស់យឺត និងមានបញ្ហាអគារជាប់គាំង បន្ទាប់ពីវិបត្តិជំងឺកូវីដ-១៩។

រាជរដ្ឋាភិបាលរំពឹងថា កម្មវិធីពិសេសនេះ នឹងចូលរួមចំណែកប្រែក្លាយមុខមាត់ និង អនាគត ខេត្តព្រះសីហនុ ឱ្យទៅជាប៉ូលសេដ្ឋកិច្ចចម្បង និងគំរូមួយរបស់កម្ពុជា តាមរយៈការដោះស្រាយបញ្ហាដែលមានចំពោះមុខ ក៏ដូចជា ការប្រើប្រាស់នូវសក្តានុពល និងធនធានអំណោយផលដែលមានស្រាប់ ក្នុងខេត្តជាប់តំបន់មាត់សមុទ្រមួយនេះ ប្រកបដោយប្រសិទ្ធភាព ។ ក្នុងស្មារតីនេះ កម្មវិធីពិសេសនេះ ត្រូវបានរចនាឡើងសំដៅដោះស្រាយគម្រោងវិនិយោគជាប់គាំង និងបញ្ហាប្រឈមនានា របស់វិស័យឯកជន ជាមួយនឹងការសម្របសម្រួលនៅនឹងកន្លែង និង ការផ្តល់ការគាំទ្រ ទាំងផ្នែកសារពើពន្ធ និងមិនមែនសារពើពន្ធ ជូនវិនិយោគិន និងធុរជន ព្រមជាមួយនឹងការជំរុញលើកកម្ពស់វិស័យឧស្សាហកម្មនានា ដោយផ្តោតលើការអភិវឌ្ឍតំបន់ឧស្សាហកម្ម និងហេដ្ឋារចនាសម្ព័ន្ធពាក់ព័ន្ធ ក៏ដូចជាការបង្កើនសមត្ថភាពស្ថាប័នអនុវត្ត និង ភាគីពាក់ព័ន្ធ ក្នុងខេត្តព្រះសីហនុ៕

The post លោក ឡុង ឌីម៉ង៖ ខេត្តព្រះសីហនុ ទទួលបានគម្រោងវិនិយោគចំនួន២ ក្នុងទំហំទុនជាង ៥១៧លានដុល្លារ appeared first on .

លោកឡុង ឌីម៉ង់ អភិបាលរងខេត្តព្រះសីហនុមានប្រសាសន៍ថាសេចក្តីព្រាងគោលនយោយគ្រប់គ្រងនិងប្រើប្រាស់ដីធ្លីដើម្បីអភិវឌ្ឍន៍ខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណងឆ្នំា២០២២-២០៣៨នេះវាស្របទៅនិងផែនការមេសម្រាប់អភិវឌ្ឍន៍និងតម្រង់ទិសខេត្តព្រះសីហនុឱ្យទៅជាតំបន់សេដ្ឋកិច្ចពិសេសគំរូបពហុបំណងនេះ បច្ចុប្បន្ននេះក្រសួងសេដ្ឋកិច្ចនិងហិរញ្ញវត្ថុកំពុងតែធ្វើការងារសម្របសម្រួលជាមួយស្ថាប័នទូទៅហើយក្រសួងរៀបចំដែនដីនគរូបនីយកម្មនិងសំណង់ទទួលការងារផ្នែកគ្រប់គ្រងដីធ្លី។អីចឹងវាពិតណាស់ផែនការមេអភិវឌ្ឍន៍ខេត្តព្រះសីហនុពេលធ្វើចប់សព្វគ្រប់នឹងក្លាយជាឯកសារមួយសម្រាប់រកប្រាក់ចំណូលថវិកាជាតិ។

លោកឡុងឌីម៉ង់សង្កត់ធ្ងន់ថា«សេចក្តីព្រាងគោលនយោបាយគ្រប់គ្រងនិងប្រើប្រាស់ដីធ្លីដើម្បីអភិវឌ្ឍន៍ខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណងឆ្នំា២០២២-២០៣៨នេះវា បានចូលរួមការទាក់ទាញនិងបង្កលក្ខណៈផ្តល់ជំនឿទុកចិត្តទៅដល់អ្នកវិនិយោគទៅតាមរយៈគោលនយោបាយទំាងអស់ហ្នឹង»។

យោងតាមសេចក្តីព្រាងគោលនយោបាយគ្រប់គ្រងនិងប្រើប្រាស់ដីធ្លី ដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង ឆ្នាំ២០២២-២០៣៨សេចក្តីព្រាងគោលនយោបាយគ្រប់គ្រងនិងប្រើប្រាស់ដីធ្លី ដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង «គ.ប.ដ.ស.»គឺជាការរៀបចំគោលនយោបាយគ្រប់គ្រងវិស័យដីធ្លី ដែលរួមមានអនុវិស័យរដ្ឋបាលដីធ្លី អនុវិស័យរៀបចំដែនដី អនុវិស័យបែងចែកដីធ្លីនិងលំនៅឋាន ការគ្រប់គ្រងនិងអភិវឌ្ឍវិស័យសំណង់ និងការគ្រប់គ្រងនិងអភិវឌ្ឍតំបន់ឆ្នេរសមុទកម្ពុជាក្នុងខេត្តព្រះសីហនុ ដោយមានការចូលរួមយ៉ាងសកម្មពីវិស័យពាក់ព័ន្ធនឹងការគ្រប់គ្រងនិងការប្រើប្រាស់ដីធ្លីនិងធនធានធម្មជាតិ និងការធ្វើសមាហរណកម្មវិស័យពាក់ព័ន្ធដីធ្លី ផ្អែកលើមូលដ្ឋាននៃគោលនយោបាយដីធ្លី «សៀវភៅសដីធ្លី» និងគោលនយោបាយជាតិស្តីពីការរៀបចំដែនដីនៃព្រះរាជាណាចក្រកម្ពុជា។
សេចក្តីព្រាង គ.ប.ដ.ស. ត្រូវបានរៀបចំឡើងដោយមានចក្ខុវិស័យវែងឆ្ងាយក្នុងការគ្រប់គ្រង
និងប្រើប្រាស់ដី ដើម្បីគាំទ្រដល់ការអភិវឌ្ឍរូបវន្ត សេដ្ឋកិច្ច សង្គមកិច្ច ការការពារបរិស្ថាន និងការ
គ្រប់គ្រងធនធានធម្មជាតិប្រកបដោយចីរភាព ជវភាព សុខភាព និងសុភមង្គលនៅតំបន់ឆ្នេរសមុទ
កម្ពុជា។

សេចក្តីព្រាង គ.ប.ដ.ស. មានគោលដៅតម្រង់ទិសនិងកំណត់ការគ្រប់គ្រងដីធ្លីនិងប្រើប្រាស់
ដីធ្លីខេត្តព្រះសីហនុតាមគន្លងគំរូអភិវឌ្ឍថ្មី ដោយផ្អែកលើកត្តាភូមិសាស្ត្រនៃតំបន់ឆ្នេរសមុទ្រកម្ពុជា
កត្តាធនធានធម្មជាតិ បរិស្ថាន វប្បធម៌ និងតម្រូវការនៃការអភិវឌ្ឍសេដ្ឋកិច្ច សង្គម ស្របតាម
គោលនយោបាយ ច្បាប់ និងលិខិតបទដ្ឋានគតិយុត្តជាធរមាន។

សេចក្តីព្រាងគោលនយោបាយនេះមានវិសាលភាពគ្របដណ្តប់លើដែនដីក្នុងព្រំប្រទល់នៃរដ្ឋបាលខេត្តព្រះសីហនុនិងតំបន់ដែលមានលក្ខណៈអំណោយផលនិងការប្រកួតប្រជែងខ្ពស់ ដោយផ្ដល់អាទិភាពខ្ពស់លើតំបន់ឆ្នេរសមុទកម្ពុជា និងតំបន់តាមបណ្តោយផ្លូវល្បឿនលឿនភ្នំពេញ-ព្រះសីហនុ ផ្លូវជាតិលេខ៤ ក្នុងរយៈចម្ងាយ១០០គីឡូម៉ែត្រពីកំពង់ផែស្វយ័តក្រុងព្រះសីហនុ៕

The post លោក ឡុង ឌីម៉ង់៖ សេចក្តីព្រាងគោលនយោបាយគ្រប់គ្រងនិងប្រើប្រាស់ដីធ្លីខេត្តព្រះសីហនុចូលរួមទាក់ទាញអ្នកវិនិយោគបន្ថែមទៀតមកកាន់ខេត្ត appeared first on .

លោក ឡុង ឌីម៉ង់ អភិបាលរងខេត្តព្រះសីហនុ មានប្រសាសន៍ថា សម្រាប់ខេត្តព្រះសីហនុលោករំពឹងថានិងទទួលបានភ្ញៀវទេសចរចិនកើនឡើងវិញ ដោយសារនៅទីនេះទោះបីជួបវិបត្តិជំងឺកូវីដ១៩ បូករួមជាមួយវិបត្តិសេដ្ឋកិច្ច ហើយនៅពេលកន្លងមករាជរដ្ឋាភិបាលបានបិទអនឡាញក៏ពិតមែនធ្វើឱ្យអ្នកវិនិយោគចិនឬអ្នករកស៊ីរបស់ចិនខាងការងារកាស៊ីណូនិងអនឡាញបានដកថយជាគំហុកក្តី។តែយើងឃើញថាវត្តមានអាជីវកម្មរបស់ចិន ក៏ដូចជាកាស៊ីណូនិងសណ្ឋាគារនៅមានចំនួនច្រើនបង្គួរនៅទីនេះ។

ខ្ញុំគិតថាយ៉ាងហោចណាស់វាហេដ្ឋារចនាសម្ព័ន្ធមួយផ្នែកដែលជួយទ្រទ្រង់ឬបម្រើទៅដល់ភ្ញៀវទេសចរចិន។ លោកមានប្រសាសន៍ថា«ដូចនេះយើងសង្ឃឹមថានឹងអាចទទួលបានភ្ញៀវទេសចរចិនកើនឡើង ប៉ុន្តែរឿងជាក់ស្តែងជើងហោះហើរពីចិនមកកាន់ខេត្តព្រះសីហនុមិនទាន់បានដំណើរនៅឡើយនោះទេ។តែបើសិនមានការចាប់ផ្តើមភ្ជាប់ជើងហោះហើរមកត្រង់មកខេត្តព្រះសីហនុដូចកាលពីមុនខ្ញុំជឿថារឹតតែមានឱកាសច្រើនជាងពេលមុនទៅទៀត»។

លោកលើកឡើងថា ដូចយើងបានដឹងហើយថាប្រទេសចិនទើបបានបញ្ចប់គោលនយោបាយកូវីដ១៩សេរ៉ូរបស់គាត់កាលថ្ងៃទី៨មករាឆ្នំា២០២៣នេះទើបតែបានប៉ុន្មានថ្ងៃមិនទាន់អាចនិយាយបាន។តែប្រសិនបើការអនុញ្ញាតឱ្យមកបែបនោះមែន។

លោកបន្តថា «ខ្ញុំជឿថាគោលដៅទំាងអ្នកទេសចរនិងអ្នកវិនិយោគចិននឹងចូលមកទស្សនានៅក្នុងប្រទេសកម្ពុជាឡើងវិញ ហើយការធ្វើអាជីវកម្មរបស់ចិនវាអាចមានការខុសប្លែកជាងពីមុនដែលផ្តោតទៅលើការងារហ្គាមអនឡាញនេះច្រើន។ដូចនេះខ្ញុំនៅតែជឿថាវានឹងមានភាពសំបូរបែបច្រើនដែលអាចទទួលភ្ញៀវទេសចរនិងអ្នកវិនិយោគចិនច្រើននៅឆ្នាំ២០២៣នេះ»។

ទាក់ទងនិងខេត្តព្រះសីហនុក៏ដូចជាភ្ញៀវទេសចរនេះដែរនៅថ្ងៃទី៩ ខែមករា ឆ្នាំ២០២៣ ភ្ញៀវទេសចរជាតិ និង អន្តរជាតិ បានមកដល់អាកាសយានដ្ឋានអន្តរជាតិខេត្តព្រះសីហនុ តាមជើងហោះហើរនៅក្នុងប្រទេស ទី២ លេខK៦១៣១ មកពីសៀមរាប បានមកដល់នៅវេលាម៉ោង១២:១២នាទី ភ្ញៀវមានចំនួន ៦៥នាក់ក្នុងនោះស្រី ៣៣នាក់។  ជើងហោះហើរក្រៅប្រទេសទី១ លេខK៦៨៣៩ មកពីហូជីមិញ ប្រទេស វៀតណាម បានមកដល់នៅវេលាម៉ោង០៩:១៤នាទី ភ្ញៀវមានចំនួន ៣១នាក់ក្នុងនោះស្រី ២០នាក់៕ អត្ថបទ៖ ឧកញ៉ា សារេត

The post មន្ត្រីជាន់ខ្ពស់ខេត្តព្រះសីហនុមានសុទិដ្ឋិនិយមថា ភ្ញៀវទេសចរចិននឹងមកកម្សាន្តកើនឡើងច្រើនដូចពីមុន appeared first on .

លោក ឡុង ឌីម៉ង់ អភិបាលរងខេត្តព្រះសីហនុ មានប្រសាសន៍ថា ពាក់ព័ន្ធនិងកិច្ចការងារទៅនិងការជាប់គាំងនៃអគារមួយចំនួននៅខេត្តព្រះសីហនុ ខ្ញុំមិនទាន់អាចជឿថា១០០ភាគរយវានឹងអាចដោះស្រាយបាននៅអគារជាប់គំាងទំាងអស់នៅក្នុងពេលនេះបានទេ។ពីព្រោះយើងឃើញថាបញ្ហាកន្លងមកវានៅមានបញ្ហាស្មុគស្មាញច្រើន បញ្ហាខ្លះស្ថិតនៅក្នុងដោះស្រាយក្នុងប្រព័ន្ធតុលាការនិងខ្លះទៀតកំពុងដោះស្រាយនៅក្រៅប្រព័ន្ធតុលាការជាដើម។

លោកសង្កត់ធ្ងន់ថា «នៅមានកិច្ចការច្រើនណាស់ដែលត្រូវដោះស្រាយទាមទារឱ្យមានគោលនយោបាយលើកទឹកចិត្តជាកញ្ចប់មួយដូចដែលក្រសួងសេដ្ឋកិច្ចនិងហិរញ្ញវត្ថុ ពិសេសគណកម្មការចំម្រុះសម្រាប់ដោះស្រាយបញ្ហាគម្រោងវិនិយោគជាប់គំាងនៅក្នុងខេត្តព្រះសីហនុនេះមកធ្វើការរួមគ្នា ពិភាក្សារួមគ្នារកគោលការណ៍ ហើយកិច្ចប្រជុំនេះគ្រោងធ្វើឡើងនៅថ្ងៃទី១៩ខែមករាខាងមុខនេះហើយ។ អ៊ីចឹងខ្ញុំនៅតែជឿជាក់ថាគោលនយោបាយដែលកើតចេញពីការកំណត់របស់គណកម្មការដោះស្រាយការវិនិយោគជាប់គំាងនៅខេត្តព្រះសីហនុនេះហើយ វាអាចចូលរួមចំណែកជួយបញ្ហាអគារជាប់គំាងនេះ ។បើសិនគ្រាន់តែថាមានភ្ញៀវទេសចរចិនចាប់ផ្តើមចូលមកទស្សនាកម្ពុជាមិនអាចដោះស្រាយបានទាំងអស់នោះទេ»។

ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា លោក សន សៀប បានឱ្យដឹងថា ទីក្រុងព្រះសីហនុបន្ទាប់ពីចាប់ផ្តើមសម្ពោធឱ្យដំណើរការល្បឿនលឿនពីភ្នំពេញទៅខេត្តព្រះសីហនុយើងឃើញមិននៅត្រឹមចុងសប្តាហ៍ឬនៅថ្ងៃបុណ្យផ្សេងៗនោះទេ ក្រុងព្រះសីហនុគឺមានភាពមមាញឹកខ្លំាងមែនទែនដែលទទួលបានភ្ញៀវទៅកម្សាន្ត ពិសេសទៀតនោះកន្លែងកម្សាន្តនៅតាមសណ្ឋាគារ ភោជនីយដ្ឋាននានាបានដំណើរការឡើងវិញ ។

លោកបន្តថា «ខ្ញុំឃើញថាសណ្ឋាគារដែលបានសាងសង់មិនទាន់រួចរាល់កាលពីមុននោះ ក៏បានបើកដំណើរការទៅជាសណ្ឋាគារ ផ្ទះសំណាក់និងភោជនីយដ្ឋាន។ដូច្នេះជាការកត់សម្គាល់ទោះបីមិនទាន់មានភ្ញៀវទេសចរចិនចូលមកទស្សនានៅក្រុងព្រះសីហនុក៏ដូចជាអ្នកវិនិយោគចិនត្រឡប់មកបន្តអាជីវកម្មរបស់គាត់នៅក្រុងព្រះសីហនុ ក៏យើងឃើញថាមានកំណើនមួយចំណែកហើយដែរ។លើសពីនេះផ្គួបផ្សំជាមួយនិងការបន្ធូរបន្ថយនៃការរឹតបណ្តឹងពីរដ្ឋាភិបាលចិន ដែលបើកចំហរឡើងវិញឱ្យប្រជាជនធ្វើដំណើរឡើងវិញទំាងនៅក្នុងស្រុកក៏ដូចចេញទៅក្រៅស្រុកនេះ វាជួយបន្ថែមទៀតសម្រាប់ទីក្រុងព្រះសីហនុក្នុងការដោះស្រាយ ដូចជាចូលរួមអភិវឌ្ឍន៍បន្តនៅអគារដែលបានជាប់គំាំងមួយចំនួននៅខាងខេត្តព្រះសីហនុ»។

ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជាសង្កត់ធ្ងន់ថា « ខ្ញុំជឿថានៅក្រុងព្រះសីហនុពេលមានសកម្មភាពកាន់តែមមាញឹក នោះវាធ្វើឱ្យតម្រូវការក៏មានកាន់តែច្រើនហើយអ្នករកស៊ីក៏មមាញឹកទៅតាមនោះដែរ។ដូចនេះខ្ញុំសង្ឃឹមថានៅក្នុងឆ្នំា២០២៣នេះនឹងមានការរីកចម្រើននិងកែលម្អឡើងវិញច្រើនសម្រាប់អគារដែលបាននិងកំពុងជាប់គាំងកាលពីឆ្នំាមុន»៕ អត្ថបទ៖ ឧកញ៉ា សារេត

The post លោក ឡុង ឌីម៉ង់៖ អគារជាង១ពាន់ជាប់គា​ំងនៅខេត្តព្រះសីហនុទាមទារឱ្យមានគោលនយោបាយលើកទឹកចិត្តជាកញ្ចប់សម្រាប់ដោះស្រាយ appeared first on .

តាមរយៈទំព័រហ្វេសប៊ុករបស់លោកទូតផ្ទាល់ ស្ថានទូតកម្ពុជាកំពុងសហការជាមួយ Korea Aerospace Industries ដែលជាឧស្សាហកម្មថ្នាក់ជាតិផលិតយន្តហោះ ឧទ្ធម្ភាគចក្រ និងឧបករណ៍អវកាសរបស់កូរ៉េ។ ឧស្សាហកម្មនេះ មានទាំងគុណភាព និងបច្ចេកវិទ្យាទំនើប ហើយក៏បានទទួលពលករខ្មែរធ្វើការតាមនៅតាមរោងចក្រសហគ្រាសដែលផលិតគ្រឿងបង្គុំនិងបន្លាស់ហើយផ្គត់ផ្គង់ឲ្យ KAI នេះផងដែរ។

ដូចនេះហើយ ស្ថានទូតកម្ពុជាកំពុងសិក្សាលើលទ្ធភាពរៀបចំកម្មវិធីទស្សនកិច្ចសិក្សាឲ្យសមាគមនិស្សិតខ្មែរប្រចាំសាធារណរដ្ឋកូរ៉េ ទៅពិនិត្យរោងចក្រផលិតយន្តហោះ ឧទ្ធម្ភាគចក្រ និងឧបករណ៍អវកាសរបស់កូរ៉េ នាពេលខាងមុខដ៏ខ្លី ដែលនឹងផ្តល់បទពិសោធន៍ដ៏ល្អថ្លៃថ្លាសម្រាប់និស្សិតខ្មែរនៅកូរ៉េ ជាពិសេសក្នុងការទាញយកសម្រាប់ទៅប្រើប្រាស់នៅពេលដែលពួកគាត់បានបញ្ចប់ការសិក្សា និងទៅបម្រើការតាមស្ថាប័ននានានៅក្នុងប្រទេសកម្ពុជាវិញ។

បន្ថែមពីនេះ KAI នឹងធ្វើកិច្ចសហប្រតិបត្តិការជាមួយរាជរដ្ឋាភិបាលកម្ពុជាក្នុងវិស័យការពារ និងដឹកជញ្ជូនផ្នែកអាកាស ក្នុងពេលដ៏ឆាប់ខាងមុខ។

ប្រភព៖ លោក ឡុង ឌីម៉ង់

The post ក្រុមហ៊ុនផលិតយន្ដហោះធំមួយរបស់កូរ៉េ ផ្ដល់ការងារដល់ពលរដ្ឋខ្មែរ appeared first on .