សេចក្តីសម្រេចរាជរដ្ឋាភិបាលតែងតាំងលោក ហ៊ាន សាហុីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ជាប្រធាន និងអនុប្រធានចំនួន ៣រូបមកពីក្រសួងសេដ្ឋកិច្ច, គណៈកម្មការវិនិយោគកម្ពុជា និងក្រសួងរៀបចំដែនដីនគរូបនីយកម្ម និងសំណង់ ព្រមទាំងសមាជិកចំនួន ២៥រូប មកពីក្រសួងស្ថាប័នពាក់ព័ន្ធ និងមានលេខាធិការដ្ឋានជាសេនាធិការចំនួន ១៥រូប។

ក្រុមការងារជំរុញការវិនិយោគក្នុងខេត្តព្រះសីហនុ ដើរតួនាទីជាច្រកចូលតែមួយ ដែលមានសិទ្ធិពិនិត្យ, សម្រេច, និងផ្តល់លិខិតអនុញ្ញាត ឬអាជ្ញាបណ្ណនានាជាកញ្ចប់ទៅលើគម្រោងវិនិយោគ និងសកម្មភាពធុរកិច្ច។ ជាមួយគ្នានេះ ក៏មានតួនាទីធ្វើការផ្សព្វផ្សាយជាសាធារណៈនូវកម្មវិធីពិសេសឲ្យបានទូលំទូលាយ, ធ្វើការពន្យល់ឲ្យបានច្បាស់លាស់ និងត្រឹមត្រូវ, និងផ្តល់សេវាបដិសណ្ឋារកិច្ច និងកិច្ចសហការល្អដល់វិនិយោគិន នងិធុរជនទាំងក្នុង និងក្រៅប្រទេស។

បន្ថែមពីនេះ ក៏ត្រូវពិនិត្យ, វាយតម្លៃ និងផ្តល់ការអនុម័តរាល់គម្រោងវិនិយោគ និងសកម្មភាពធុរកិច្ចសម្រាប់ទទួលបាននូវការលើកទឹកចិត្ត និងការអនុគ្រោះនានាពីរាជរដ្ឋាភិបាលដែលស្ថិតក្រោមវិសាលភាពនៃកម្មវិធីពិសេស។

សូមជម្រាបជូនថា ការដាក់ចេញកម្មវិធីពិសេសជំរុញការវិនិយោគក្នុងខេត្តព្រះសីហនុ ធ្វើឡើងបន្ទាប់ពីអគារជាច្រើនបាននឹងកំពុងឈរជ្រោងកណ្តាលក្រុងព្រះសីហនុ ក្រោយជួបវិបត្តិកូវីដ១៩ និងបញ្ហាវិបត្តិសេដ្ឋកិច្ចសកលបានធ្វើឲ្យក្រុមវិនិយោគិនដែលបានបោះទុនវិនិយោគក្នុងខេត្តជាប់មាត់សមុត្រមួយបង្វែគោលដៅចាកចេញពីកម្ពុជា ដោយបន្សល់ទុកនៅអគារជាប់គាំងជាច្រើនគម្រោង។

រាជរដ្ឋាភិបាលដើម្បីជំរុញការការងារដោះស្រាយបញ្ហានេះ សម្តេចធិបតី ហ៊ុន ម៉ាណែត នាយករដ្ឋមន្រ្តី នៅថ្ងៃទី៣១ ខេមករា ឆ្នាំ២០២៤ បានរៀបចំវេទិកាជំរុញការវិនិយោគដោយហៅក្រុមអ្នកឧកញ៉ា ឧកញ៉ា អ្នកវិនិយោគជាច្រើនរូបចូលរួមដោះស្រាយបញ្ហាទាំងអស់នោះ៕

The post សម្តេចធិបតី​ ហ៊ុន ម៉ាណែត ចុះហត្ថលេខាបង្កើតក្រុមការងារដោះស្រាយគម្រោងវិនិយោគជាប់គាំងក្នុងខេត្តព្រះសីហនុ appeared first on .

សម្តេចធិបតី មានប្រសាន៍ថា ការប្រកាសគោលនយោបាយថ្មីមួយទៀត បន្ទាប់ពីការដាក់គោលនយោបាយជំរុញទេសចរខេត្តសៀមរាបមក គឺការប្រកាសដាក់គោលនយោបាយជំរុញការវិនិយោគនៅខេត្តព្រះសីហនុ នៅថ្ងៃទី២៥ ខែមករា ឆ្នាំ២០២៤ខាងមុខនេះ ដើម្បីដោះស្រាយបញ្ហាជាប់គាំងរឿងសំណង់មួយចំនួន ហើយលើកទឹកចិត្តបងប្អូនមួយចំនួនក្នុងការជំរុញឡើងវិញ។

សូមបញ្ជាក់ថា ទិន្នន័យដែលបានធ្វើបច្ចុប្បន្នភាពនាខែកញ្ញា ឆ្នាំ២០២៣ គម្រោងសាងសង់នៅខេត្តព្រះសីហនុសរុបមានជាង៩០០គម្រោង ស្មើជាង១ពាន់អគារ មានទុនវិនិយោគសរុបប្រមាណ ជាង៤ពាន់លានដុល្លារ។ក្នុងនោះ គម្រោងផ្អាកការសាងសង់៣៤១ ស្មើនឹង ៣៦៤អគារ គម្រោងកំពុងដំណើរការសាងសង់២៩ ស្មើនឹង ៥៣អគារ គម្រោងសាងសង់រួចពុំទាន់ដំណើរការ១៦១ ស្មើនឹង ១៧៧អគារ គម្រោងសាងសង់រួច និងកំពុងប្រកបអាជីវកម្មមាន៤៣៤ ស្មើនឹង ៤៧៥អគារ។បញ្ហាការជាប់គាំងអគារទាំងនោះ ក្រសួង ស្ថាប័នពាក់ព័ន្ធ និងអាជ្ញាធរ ក៏និងកំពុងយកចិត្តទុកដាក់ ខិតខំដោះស្រាយជាបន្តបន្ទាប់ផងដែរ៕

The post សម្តេចធិបតី ហ៊ុន ម៉ាណែត នឹងប្រកាសដាក់ចេញកម្មវិធីនយោបាយដោះស្រាយបញ្ហាអគារជាប់គាំងនៅខេត្តព្រះសីហនុ នៅថ្ងៃទី២៥នេះ appeared first on .

ក្នុងសន្និសីទសារព័ត៌មានស្ដីពីភាពជោគជ័យរយៈពេល៥ឆ្នាំកន្លងមករបស់រដ្ឋបាលខេត្តព្រះសីហនុ កាលពីថ្ងៃទី ១៥ ខែកុម្ភៈ ឆ្នាំ២០២៣ លោក គួច ចំរើន អភិបាលខេត្តព្រះសីហនុសំណង់ បានបញ្ជាក់ថា ក្នុងចំណោម ៣៥៦អគារ មានអគារបានដំណើរការសាងសង់ឡើងវិញមាន ៨៩អគារ ហើយអគារដែលបានសាងសង់រួចហើយកំពុងដំណើរការដែលបានផ្ដល់ការងារឱ្យប្រជាពលរដ្ឋ និងយុវជន ដល់ពេលបច្ចុប្បន្នមាន៣០៣អគារ។
លោក បានលើកឡើងបន្តថា ក្រោមការចង្អុលបង្ហាញរបស់ប្រមុខរាជរដ្ឋាភិបាល សម្ដេច តេជោ ហ៊ុន សែន គឺបាននឹងកំពុងដោះស្រាយ គិតគូរចំពោះបញ្ហាជាប់គាំងនៃសំណង់អគារទាំងនេះផងដែរ ដោយបង្កើតនៅក្រុមការងារមួយដើម្បីរៀបចំនៅគោលនយោបាយដោះស្រាយសំណង់ជាប់គាំងនេះ។ លោកបន្តថា បច្ចុប្បន្តនេះ ក្រុមការងារបានដោះស្រាយជាបណ្ដើរៗហើយ ព្រមទាំងលើកទឹកចិត្តដល់ការកសាងនិងជំរុញដល់ការសាងសង់អគារដែលជាប់គាំងទាំងអស់នេះជាបន្ត។
លោក គួច ចំរើន ក៏បានគូសបញ្ជាក់ថា ការរីកចម្រើនគ្រប់វិស័យរបស់ខេត្តព្រះសីហនុ និងតំបន់សក្ដានុពលនានា រួមមាន កន្លែងកម្សាន្ត ភោជនីយដ្ឋាន និងតំបន់ទេសចរផ្សេងៗទៀតនេះហើយ បានទាក់ទាញភ្ញៀវជាតិនិងអន្តរជាតិពីគ្រប់ទិសទី ចូលមកលេងខេត្តព្រះសីហនុ៕

The post ក្នុងចំណោមអគារជាប់គាំងជាង៣០០អគារនៅព្រះសីហនុ បានដំណើរការសាងសង់ឡើងវិញ ៨៩អគារ appeared first on .