នៅក្នុងបទសម្ភាសមួយ កាលពីថ្ងៃទី១៥ ខែមីនា ប្រធានាធិបតីអាមេរិក លោក ត្រាំ បាននិយាយថា លោករំពឹងថាអឺរ៉ុបនឹងជួយដោះស្រាយស្ថានការណ៍នៅក្នុងច្រកសមុទ្រ Hormuz ដូចដែលសហរដ្ឋអាមេរិកបានគាំទ្រអ៊ុយក្រែនក្នុងសង្គ្រាមជាមួយរុស្ស៊ីដែរ។

ច្រកសមុទ្រ Hormuz ដែលជាផ្លូវដឹកជញ្ជូនប្រេងដ៏សំខាន់មួយរបស់ពិភពលោក ត្រូវបានរារាំងដោយអ៊ីរ៉ង់ចាប់តាំងពីជម្លោះបានផ្ទុះឡើងនៅថ្ងៃទី២៨ ខែកុម្ភៈ ដែលបណ្តាលឲ្យតម្លៃថាមពលសកលកើនឡើងយ៉ាងខ្លាំង។

ប្រធានាធិបតីអាមេរិករូបនេះ​ បាននិយាយទៀតថា ៖”ប្រសិនបើយើងមិនឆ្លើយតប ឬឆ្លើយតបក្នុងលក្ខណៈអវិជ្ជមានទេ ខ្ញុំគិតថាវានឹងកាន់តែអាក្រក់ខ្លាំងណាស់សម្រាប់អនាគតរបស់ NATO”។

មិនតែប៉ុណ្ណោះ លោក ត្រាំ ក៏បានសម្តែងក្តីសង្ឃឹមផងដែរថា ប្រទេសចិននឹងជួយបន្ធូរបន្ថយភាពជាប់គាំងនៅក្នុងច្រកសមុទ្រនេះ មុនពេលដំណើរទស្សនកិច្ចរបស់លោកទៅកាន់ទីក្រុងប៉េកាំងដែលនឹងត្រូវរៀបចំធ្វើឡើងនៅចុងខែ ដើម្បីជួបជាមួយប្រធានាធិបតី លោក ស៊ី ជីនពីង។

លោក ត្រាំ ក៏បានកត់សម្គាល់ថា បើប្រៀបធៀបទៅនឹងសហរដ្ឋអាមេរិក ប្រទេសចិន និងប្រទេសអឺរ៉ុបជាច្រើនពឹងផ្អែកលើប្រេងពីតំបន់ឈូងសមុទ្រច្រើនជាង។ លោកបានសង្កត់ធ្ងន់ទៀតថា វាជារឿងសមហេតុផលណាស់សម្រាប់ប្រទេសដែលទទួលបានអត្ថប្រយោជន៍ពីផ្លូវដឹកជញ្ជូននេះ ក្នុងការចូលរួមកម្លាំងដើម្បីធានាបានថាគ្មានអ្វីកាន់តែអាក្រក់ កើតឡើងនៅទីនោះទៀត៕​

The post លោក ត្រាំ ចង់ឲ្យចិន និងអង្គការណាតូ ជួយសហការបើកច្រកសមុទ្រ Hormuz ឡើងវិញ appeared first on .

នៅក្នុងការផ្តល់បទសម្ភាសមួយនៅប្រព័ន្ធអ៊ីនធើណិត លោក Zelensky បាននិយាយថា ៖”​តាំងពីដើមដំបូងមក បំណងប្រាថ្នារបស់អ៊ុយក្រែនគឺចង់ចូលរួមជាមួយណាតូ ដែលផ្តល់នូវការធានាបានសន្តិសុខពិតប្រាកដ។ ប៉ុន្តែដៃគូមួយចំនួនមកពីសហសរដ្ឋអាមេរិក និងអឺរ៉ុប មិនបានគាំទ្រមាគ៌ានេះឡើយ”។

ជុំវិញបញ្ហានេះ លោក Zelensky បានសង្កត់ធ្ងន់ទៀតថា ការធានាសន្តិសុខពីសហរដ្ឋអាមេរិក អឺរ៉ុប និងដៃគូផ្សេងទៀត អាចជាជម្រើសដ៏សំខាន់មួយ ជំនួសឲ្យការក្លាយជាសមាជិកណាតូ។

ជម្រាបជូនផងដែរថា នេះ​គឺជា​ការផ្លាស់ប្តូរ​ដ៏សំខាន់​មួយ​នៅក្នុង​ជំហរ​របស់​អ៊ុយក្រែន ក៏ដូចជា​ការបំពេញ​តាមគោលបំណង​មួយ​របស់​រុស្ស៊ី ​ក្នុងការ​ចាប់ផ្តើម​ប្រតិបត្តិការ​ពិសេស។ សេចក្តីថ្លែងការណ៍​នេះ​ត្រូវបាន​ធ្វើឡើង​មុនពេល​ដំណើរ​របស់លោក Zelensky ទៅកាន់​ប្រទេស​អាល្លឺម៉ង់ ដើម្បី​ជួបជាមួយ​ប្រេសិត​អាមេរិក និង​មេដឹកនាំ​អឺរ៉ុប ក្នុង​កិច្ចខិតខំ​ប្រឹងប្រែង​ដើម្បី​បញ្ចប់​ផែនការ​សន្តិភាព​ដែល​បាន​ផ្សព្វផ្សាយ​ដោយ​ប្រធានាធិបតី លោក ដូណាល់ ត្រាំ ៕​

The post លោក Zelensky ថាអ៊ុយក្រែន នឹងបោះចោលមហិច្ឆតារបស់ខ្លួន ក្នុងការចូលរួមជាមួយអង្គការណាតូ​ appeared first on .

ជុំវិញការលើកឡើងបែបនេះ បានកើតឡើងបន្ទាប់សមាជិកព្រឹទ្ធសភាមកពីគណបក្សសាធារណរដ្ឋ លោក Mike Lee ដែលតែងតែរិះគន់ចំៗទៅលើអង្គការណាតូ និងចោទសួរពីសមាជិកភាពរបស់អាមេរិកក្នុងសម្ព័ន្ធភាពនោះ ថ្មីៗនេះបានបង្ហោះសារមួយនៅលើប្រព័ន្ធផ្សព្វផ្សាយសង្គម X ដោយនិយាយថា សហរដ្ឋអាមេរិកគួរតែចាកចេញពីណាតូហើយ ក្នុងពេលឥឡូវនេះ។

ទន្ទឹមនឹងនេះ មហាសេដ្ឋី Elon Musk ដែលជាសម្ព័ន្ធមិត្តដ៏ជិតស្និទ្ធរបស់ប្រធានាធិបតីអាមេរិក លោក ដូណាល់ ត្រាំ បានបង្ហោះសារមួយរបស់ខ្លួនឡើងវិញ កាលពីថ្ងៃទី៩ ខែមីនា ដោយបន្ថែមថា “ត្រូវហើយ យើងពិតជាគួរតែចាកចេញពីណាតូ។ វាជារឿងគួរឲ្យអស់សំណើចខ្លាំងណាស់ដែលសហរដ្ឋអាមេរិកត្រូវចំណាយយ៉ាងច្រើន ដើម្បីការពារអឺរ៉ុប”។

លោក Musk ត្រូវបានគេជឿថាមានឥទ្ធិពលយ៉ាងសំខាន់នៅក្នុងជួររដ្ឋបាលរបស់សហរដ្ឋអាមេរិក។ យោងតាមប្រព័ន្ធផ្សព្វផ្សាយរបស់សហរដ្ឋអាមេរិកជាច្រើន បានបង្ហាញឲ្យដឹងថាការគាំទ្ររបស់លោក Musk ចំពោះសហរដ្ឋអាមេរិក ទៅលើការចាកចេញពីអង្គការណាតូ អាចជាសញ្ញាមួយបង្ហាញថា គំនិតនេះហាក់កំពុងត្រូវបានគេលើកយកមកពិចារណានៅឯសេតវិមាន ផងដែរ។

ជម្រាបជូនថា បច្ចុប្បន្ន NATO មានសមាជិកសរុបចំនួន ៣២ ប្រទេស ដោយក្នុងនោះរួមមានសហរដ្ឋអាមេរិក កាណាដា និងប្រទេសអឺរ៉ុបចំនួន ៣០។ ប៉ុន្មានថ្ងៃបន្ទាប់ពីឡើងកាន់តំណែង លោក ត្រាំ បានប្រកាសថា “សហរដ្ឋអាមេរិកកំពុងការពារសមាជិកសម្ព័ន្ធមិត្ត ប៉ុន្តែពួកគេមិនដែលការពារយើងវិញទេ” ។ មិនតែប៉ុណ្ណោះ លោក ត្រាំ បានព្យាយាមជំរុញម្តងហើយម្តងទៀតឲ្យសមាជិកណាតូទាំងអស់ចំណាយ ៥% នៃផលិតផលក្នុងស្រុកសរុបរបស់ពួកគេ សម្រាប់វិស័យការពារជាតិ ដែលបច្ចុប្បន្នមានការចំណាយត្រឹមតែ ២% ប៉ុណ្ណោះ៕

The post មហាសេដ្ឋី Elon Musk បន្តជំរុញឲ្យសហរដ្ឋអាមេរិកដកខ្លួនចេញពីអង្គការណាតូ appeared first on .

ដោយថ្លែងក្នុងសន្និសីទសារព័ត៌មាននៅឯវេទិកាអ៊ុយក្រែនឆ្នាំ២០២៥ ដែលត្រូវបានរៀបចំធ្វើឡើងនៅទីក្រុងគៀវ កាលពីថ្ងៃទី២៣ ខែកុម្ភ:កន្លងទៅ លោក Zelensky បានលើកឡើងថា ៖” ប្រសិនបើខ្ញុំចាំបាច់ត្រូវតែចុះចេញពីតំណែង ដើម្បីផ្តល់សន្តិភាពសម្រាប់អ៊ុយក្រែននោះ ខ្ញុំបានត្រៀមខ្លួនរួចរាល់ហើយ។ ខ្ញុំអាចផ្លាស់ប្តូរមុខតំណែងរបស់ខ្ញុំ ដើម្បីឲ្យអ៊ុយក្រែន អាចចូលជាសមាជិករបស់ណាតូ បានផងដែរ”។

យ៉ាងណាមិញ ការលើកឡើងរបស់លោក Zelensky បែបនេះ ត្រូវបានធ្វើឡើង ចំពេលកំពុងមានការរិះគន់ពីសំណាក់ប្រធានាធិបតីអាមេរិក លោក ដូណាល់ ត្រាំ ដែលបានហៅលើមេដឹកនាំអ៊ុយក្រែនថាជា ជនផ្តាច់ការ ស្របពេលប្រធានាធិបតអាមេរិករូបនេះ ក៏បានស្នើឲ្យមានកិច្ចព្រមព្រៀងដោះដូររ៉ែកម្រដែលតម្លៃប្រមាណ ៥០០ពាន់លានដុល្លារ ជាថ្នូរទៅនឹងការសងត្រលប់មកវិញនូវជំនួយដែលអាមេរិក ផ្តល់ទៅឲ្យអ៊ុយក្រែន នាពេលកន្លងមក ផងដែរ។ ប៉ុន្តែទោះ​យ៉ាង​ណា មេដឹកនាំ​អ៊ុយក្រែន​បាន​បញ្ជាក់​ថា ជំនួយ​យោធា​ទាំងនោះ មិន​មែន​ជា​កម្ចី​នោះទេ។

ក្រៅពីនោះ លោក ត្រាំ កាលពីខែមុន ក៏បានបង្ហាញការរិះគន់ចំៗទៅលើប្រធានាធិបតីអាណត្តិមុន គឺលោក ចូ បៃដិន សម្រាប់ការគាំទ្រសមាជិកភាពរបស់អង្គការណាតូរបស់អ៊ុយក្រែនផងដែរ ដោយលើកឡើងថានេះជាហេតុផលដែលរុស្ស៊ី ឈានដល់ការធ្វើសង្គ្រាមជាមួយប្រទេសជិតខាង។

ជម្រាបជូនផងដែរថា បណ្តាប្រទេសជាជាសមាជិកណាតូ ធ្លាប់បានព្រមព្រៀងគ្នា អំពីលទ្ធភាពដែលអាចឲ្យអ៊ុយក្រែនចូលរួមក្នុងសម្ព័ន្ធមិត្ត ប៉ុន្តែទោះជាយ៉ាងណាក៏ដោយ កាលពីពេលថ្មីៗនេះ សហរដ្ឋអាមេរិក និងអាល្លឺម៉ង់ បានប្រកាសឈប់គាំទ្រសកម្មភាពនេះវិញ ដោយសារតែមានការព្រួយបារម្ភអំពីហានិភ័យដែលអង្គការណាតូ អាចត្រូវបានទាញចូលទៅក្នុងជម្លោះដោយផ្ទាល់ជាមួយរុស្ស៊ី​ និងធ្វើឲ្យសង្គ្រាមកាន់តែរីកធំឡើង៕

The post លោក Zelensky ថាសុខចិត្តអស់តំណែង ឲ្យតែអ៊ុយក្រែនបានចូលជាសមាជិកណាតូ appeared first on .

មេដឹកនាំហ្វាំងឡង់អះអាងថា បច្ចុប្បន្នរុស្ស៊ីកំពុងពឹងផ្អែកខ្លាំងលើប្រទេសចិន ដូច្នេះហើយបើសិនជាចិនចង់ជួយដោះស្រាយបញ្ហាសង្គ្រាមនេះមែន ពួកគេអាចបញ្ចប់វាបានដោយស្រួលបំផុត ក៏ប៉ុន្តែពួកគេបែរជាមិនរវីរវល់ទៅវិញ។

គួររំលឹកបន្តិចថា កន្លងមកប្រទេសចិន ក៏ធ្លាប់បានប្រកាសពីសំណើសន្តិភាព ១២ចំណុច ដែលអាចបញ្ចប់សង្គ្រាមរវាងរុស្ស៊ី និងអ៊ុយក្រែនផងដែរ ក៏ប៉ុន្តែសំណើមួយនោះ មិនត្រូវបានឯកភាពពីមហាអំណាចលោកខាងលិច ក្រោមហេតុផលថា រុស្ស៊ីទទួលបានផលប្រយោជន៍ច្រើនជាងអ៊ុយក្រែន បើសិនជាអនុវត្តតាមលក្ខខណ្ឌសំណើនោះ។

ជម្រាបបន្ថែមថា តាំងពីសង្គ្រាមរវាងរុស្ស៊ី និងអ៊ុយក្រែនបានផ្ទុះឡើងកាលពីខែកុម្ភៈ ឆ្នាំ២០២២ មហាអំណាចលោកខាងលិច បានព្យាយាមអូសទាញប្រទេសចិន ចូលរួមដោះស្រាយបញ្ហាមួយនេះ តាមរយៈការដាក់ទណ្ឌកម្មសេដ្ឋកិច្ចលើប្រទេសរុស្ស៊ី ក៏ប៉ុន្តែចិនប្រកាន់ជំហរនៅកណ្ដាល មិនលូកដៃក្នុងបញ្ហាមួយនេះឡើយ៕

The post សមាជិកណាតូ៖ ចិនអាចបញ្ចប់សង្គ្រាមនៅអ៊ុយក្រែន ដោយគ្រាន់តែតេទូរស័ព្ទមួយភ្លែត appeared first on .

មហាសន្និបាតមួយធ្វើឡើងដោយប្រទេសតួកគី ដែលស្ថិតនៅក្រោមការគ្រប់គ្រងដោយគណបក្សកាន់អំណាច របស់ប្រធានាធិបតី លោក Tayyip Erdogan បានធ្វើការអនុម័តទៅលើពាក្យស្នើសុំចូលជាសមាជិករបស់អង្គការណាតូដែលប្រទេសស៊ុយអែត បានធ្វើឡើងជាលើកដំបូង ក្នុងឆ្នាំ២០២២ ដើម្បីពង្រឹងសន្តិសុខរបស់ខ្លួន ក៏ដូចជាឆ្លើយតបទៅនឹងការឈ្លានពានរបស់រុស្ស៊ី ទៅលើអ៊ុយក្រែន ផងដែរ។

ទន្ទឹមនឹងនេះ លោក Fuat Oktay ប្រធានគណៈកម្មការកិច្ចការបរទេសរបស់សភាតួកគី និងជាសមាជិកមួយរបស់បក្ស AK ដែលកំពុងកាន់អំណាច បាននិយាយថា ៖”យើងគាំទ្រចំពោះការពង្រីកសមាជិករបស់អង្គការណាតូដើម្បីកែលម្អកិច្ចខិតខំប្រឹងប្រែងរបស់សម្ព័ន្ធភាព ដោយសង្ឃឹមថាការចូលរួមប្រយុទ្ធប្រឆាំងទៅនឹងអំពើភេរវកម្មរបស់ស៊ុយអែត គឺជាគំរូដ៏ល្អមួយ សម្រាប់សម្ព័ន្ធមិត្តផ្សេងទៀតរបស់យើង” ។

ជាមួយគ្នានេះដែរ ឯកអគ្គរដ្ឋទូតសហរដ្ឋអាមេរិកប្រចាំនៅប្រទេសតួកគី លោក Jeff Flake បាននិយាយនៅក្នុងសេចក្តីថ្លែងការណ៍ជាលាយលក្ខណ៍អក្សរកាលពីថ្ងៃអង្គារថា ៖”ខ្ញុំសូមកោតសរសើរយ៉ាងខ្លាំងចំពោះការសម្រេចចិត្តរបស់សភាតួកគី ក្នុងការអនុម័តចំពោះពាក្យស្នើសុំចូលរួមជាសមាជិករបស់ប្រទេសស៊ុយអែត ក្នុងអង្គការណាតូនៅថ្ងៃនេះ” ។

ជម្រាបជូនផងដែរថា ប្រធានាធិតបីតួកគី លោក Erdogan ត្រូវបានគេរំពឹងថានឹងចុះហត្ថលេខាលើច្បាប់នៃការស្នើសុំចូលរួមជាសមាជិកនេះ ក្នុងរយៈពេលប៉ុន្មានថ្ងៃខាងមុខ ដោយនេះមានន័យថាប្រទេសហុងគ្រី ជារដ្ឋសមាជិកតែមួយគត់ ដែលមិនទាន់មានការយល់ព្រមចំពោះការស្នើសុំចូលជាសមាជិករបស់ស៊ុយអែត នៅក្នុងអង្គការណាតូ ៕

The post ស៊ុយអែត ដកបន្លាធំចេញពីទ្រូង ក្រោយតួកគីអនុម័តលិខិតស្នើចូលជាសមាជិកណាតូ appeared first on .

ទន្ទឹមនឹងនោះ មន្ត្រីអឺរ៉ុប២រូប សុំមិនបញ្ចេញឈ្មោះបានប្រាប់ Politico ថា លោក Mark គឺជាបេក្ខភាពដ៏មានឥទ្ធិពលបំផុត ក្នុងចំណោមបេក្ខភាព៣រូប ក្នុងការប្រជែងតំណែងជា​ប្រធាន​អង្គការណាតូ បន្ទាប់ពីលោក Jens Stoltenberg គ្រោងចុះចេញពីតំណែងនាឆ្នាំក្រោយ។

គួររំលឹកបន្តិចថា លោក Mark ទទួលបានការគាំទ្រខ្លាំងពីប្រទេសបារាំង ពោលប្រធានាធិបតី Emmanuel Macron គឺបានបង្ហាញឥតលាក់លៀមពីការគាំទ្រ ដល់នាយករដ្ឋមន្ត្រីហូឡង់ ក្នុងការឡើងកាន់តំណែងកំពូលនៃអង្គការណាតូ។

ប៉ុន្តែជាមួយគ្នា សភាអាមេរិកមួយចំនួនបានបង្ហាញការមិនពេញចិត្តចំពោះលោក Mark បន្ទាប់ពីហូឡង់បរាជ័យ ក្នុងការអនុវត្តតាមគោលការណ៍របស់អង្គការណាតូ ដែលតម្រូវឲ្យសមាជិក ត្រូវចំណាយលើការការពារជាតិ យ៉ាងតិចស្មើ ២% នៃ GDP សរុបរបស់​ប្រទេសនីមួយៗ៕

The post ទោះប្រឈមបាត់បង់ងារនាយករដ្ឋមន្ត្រីហូឡង់ តែលោក Mark Rutte កំពុងតាមចាប់តំណែងធំមួយ appeared first on .

លោក Hayashi បានប្រាប់ទៅកាន់លោកប្រធានាធិបតីអ៊ុយក្រែនថា ប្រទេសជប៉ុនត្រៀមខ្លួនរួចជាស្រេចហើយ ដើម្បីចាប់ផ្តើមការចរចារស្តីពីកិច្ចសហប្រតិបត្តិការសន្តិសុខ ដោយផ្អែកលើកិច្ចព្រមព្រៀង រវាងក្រុមប្រទេស G7 និងអ៊ុយក្រែន ដែលបានធ្វើឡើងអំឡុងកិច្ចប្រជុំកំពូលអង្គការ NATO កាលពីក្នុងខែកក្កដា។

លោកបន្តថា ជប៉ុនមានការប្តេជ្ញាចិត្តយ៉ាងមុតមាំចំពោះប្រទេសអ៊ុយក្រែន លើការស្តារសេដ្ឋកិច្ច និងកសាងប្រទេសឡើងវិញ ក៏ដូចជាបន្តឆន្ទៈក្នុងការដាក់ទណ្ឌកម្មយ៉ាងតឹងរ៉ឹងទៅលើរុស្ស៊ីផងដែរ។

ក្នុងនោះ លោក Zelenskyy ក៏បានថ្លែងអំណរគុណចំពោះជំនួយហិរញ្ញវត្ថុ និងមនុស្សធម៌ របស់ជប៉ុន មកលើប្រទេសខ្លួន ក៏ដូចជាជំនះបញ្ហាក្នុងការផ្គត់ផ្គង់ថាមពល ដោយសារតែការវាយប្រហាររបស់រុស្ស៊ីកន្លងមក។ នេះបើយោងតាមការចុះផ្សាយដោយសារព័ត៌មាន AP ។

សូមជម្រាបថា ចាប់តាំងពីផ្ទុះសង្គ្រាមរវាងរុស្ស៊ីនិងអ៊ុយក្រែនមក ប្រទេសជប៉ុនបានបរិច្ចាគទឹកប្រាក់ច្រើនជាង ៧ពាន់លានដុល្លាររួចទៅហើយ ដែលភាគច្រើនជាជំនួយមនុស្សធម៌ និងជំនួយឧបករណ៍យោធាដែលមិនមានគ្រោះថ្នាក់៕

The post រដ្ឋមន្ត្រីការបរទេសជប៉ុន សច្ចាគាំទ្រគោលជំហរអ៊ុយក្រែន និងចាប់ផ្តើមកិច្ចចរចាសហប្រតិបត្តិការសន្តិសុខរវាងប្រទេសទាំងពីរ appeared first on .

ដោយឡែកបើតាមការចុះផ្សាយពីគេហទំព័រ Aljazeera បានបង្ហាញថា ក្រោយបិទបញ្ចប់កិច្ចប្រជុំណាតូ កាលពីថ្ងៃអង្គារ អនុលេខាក្រុមប្រឹក្សាសន្តិសុខរុស្ស៊ីខាងលើបានសង្កត់ធ្ងន់ថា ការសន្យាផ្ដល់ជំនួយសព្វាវុធពី លោកខាងលិច ទៅឲ្យ អ៊ុយក្រែន មិនបានធ្វើឲ្យរុស្ស៊ីញញើតឡើយ ផ្ទុយទៅវិញវាប្រៀបដូចជា យកសាំងមកចាក់លើភ្លើង ហើយរដ្ឋាភិបាល ក្រុងមូស្គូ មិនមានបំណងបញ្ចប់សង្គ្រាមនេះឆាប់ៗឡើយ។

លោក Medvedev បាននិយាយថា៖ លោកខាងលិច គ្មាន មធ្យោបាយអ្វីផ្សេង ក្រៅពីធ្វើរឿង អត់ប្រយោជន៍ ហើយវា នឹងធ្វើឲ្យបញ្ហាកាន់តែធំទៅៗ។ សង្គ្រាមលោកលើកទី៣ កំពុង ខិតកាន់តែកៀកមែនទែនហើយ។

ទន្ទឹមនឹងនោះ រដ្ឋមន្ត្រីការបរទេសរុស្ស៊ី លោក Sergei Lavrov ក៏បានបញ្ជាក់ដែរថា សង្គ្រាមនៅអ៊ុយក្រែន នឹងមិនបញ្ចប់ឡើយ ដរាបណាលោកខាងលិច ព្យាយាមប្រើប្រាស់អ៊ុយក្រែនដើម្បីបង្កបញ្ហានិងព្យាយាមកំទេចរុស្ស៊ី៕

The post អតីតប្រធានាធិបតីរុស្ស៊ី៖ ជំនួយពីណាតូសម្រាប់អ៊ុយក្រែន កំពុងបង្កឲ្យមានហានិភ័យសង្គ្រាមលោកលើកទី ៣ appeared first on .