លិខិតនេះធ្វើឡើងក្នុងគោលបំណងឆ្លើយតប និងច្រានចោលការលើកឡើងរបស់លោក Cherdchai Chaivaivid តំណាងអចិន្ត្រៃយ៍ថៃ កាលពីថ្ងៃទី២៨ ខែកញ្ញា ឆ្នាំ២០២៦ ក្នុងកិច្ចពិភាក្សាទូទៅ ដែលបានបំភ្លៃអង្គហេតុប្រវត្តិសាស្ត្រ និងលុបចោលការពិតសំខាន់ៗជុំវិញបញ្ហាព្រំដែន។

នៅក្នុងលិខិតនោះ លោក កែវ ឈា បានរំលេចថា នៅថ្ងៃទី២៤ ខែកក្កដា ឆ្នាំ២០២៥ កងទ័ពថៃបានបើកប្រតិបត្តិការយោធាប្រឆាំងនឹងទីតាំងកម្ពុជាតាមបណ្តោយព្រំដែន ហើយនៅថ្ងៃទី៧ ខែធ្នូ ឆ្នាំ២០២៥ បានពង្រីកជាការវាយប្រហារទ្រង់ទ្រាយធំ ដោយប្រើប្រាស់រថក្រោះ កាំភ្លើងធំ យន្តហោះចម្បាំង F-16 និង Saab JAS Gripen ដ្រូន ព្រមទាំងគ្រាប់បែកចង្កោមចូលក្នុងខេត្តមួយចំនួនរបស់កម្ពុជា។ លើសពីនេះ បើទោះបីជាមានបទឈប់បាញ់កាលពីថ្ងៃទី២៧ ខែធ្នូ ឆ្នាំ២០២៥ ក៏ដោយ ក៏ភាគីថៃនៅតែបន្តការឈ្លានពាន តាមរយៈការដាក់ពង្រាយកងទ័ព សាងសង់លេណដ្ឋាន ដាក់បន្លាលួស កុងតឺន័រ និងពង្រីកតំបន់ព្រំដែនឯកតោភាគីចូលមកក្នុងទឹកដីកម្ពុជា។ ជាមួយគ្នានេះ កម្ពុជាបានច្រានចោលទាំងស្រុងនូវការចោទប្រកាន់រឿង «ការដាក់មីនថ្មី» ដោយបញ្ជាក់ពីការគោរពសន្ធិសញ្ញាហាមប្រាមមីនប្រឆាំងមនុស្ស និងបន្តអំពាវនាវឱ្យមានការស៊ើបអង្កេតរួម ឯករាជ្យ និងមិនលម្អៀង។

ទន្ទឹមនឹងនេះ កម្ពុជាបានបង្ហាញការសោកស្តាយដែលភាគីថៃលើកយកព្រឹត្តិការណ៍កាលពីទសវត្សរ៍មុនមកធ្វើជាលេសដើម្បីបន្តការឈ្លានពាន និងការកាន់កាប់ខុសច្បាប់ ខណៈដែលថៃមិនព្រមទទួលយកការអញ្ជើញរបស់កម្ពុជាក្នុងការបន្តការងារវាស់វែង និងខណ្ឌសីមាព្រំដែននៃគណៈកម្មការព្រំដែនរួម (JBC) ដែលបណ្តាលឱ្យប្រជាពលរដ្ឋស៊ីវិលកម្ពុជាជាង ២០ ០០០ នាក់ នៅតែមិនអាចវិលត្រឡប់ទៅផ្ទះសម្បែងវិញបាន។ ចំពោះការចោទប្រកាន់ថា កម្ពុជាព្យាយាមធ្វើអន្តរជាតូបនីយកម្មជម្លោះ កម្ពុជាបានបញ្ជាក់ថា ការដោះស្រាយតាមធម្មនុញ្ញ អ.ស.ប. គឺជានីតិវិធីដោយសន្តិវិធីតាមច្បាប់អន្តរជាតិ។ ផ្ទុយទៅវិញ គឺភាគីថៃដែលបានសម្រេចលុបចោល MOU ឆ្នាំ២០០១ ស្តីពីដែនសមុទ្រជាឯកតោភាគីកាលពីខែឧសភា រហូតបង្ខំឱ្យកម្ពុជាត្រូវស្វែងរកកិច្ចសម្រុះសម្រួលជាកាតព្វកិច្ចក្រោមអនុសញ្ញា UNCLOS។

ជាចុងក្រោយ ទោះបីជាកម្ពុជាគាំទ្រការបើក «ទំព័រថ្មី» នៃទំនាក់ទំនងទ្វេភាគីក៏ដោយ ប៉ុន្តែទំព័រថ្មីមិនអាចកសាងឡើងដោយផ្អែកលើគោលការណ៍ «អ្នកខ្លាំងជាអ្នកឈ្នះ» ដូចការថ្លែងរបស់លោក Anutin Charnvirakul នាយករដ្ឋមន្ត្រីថៃ កាលពីខែឧសភា ឆ្នាំ២០២៦ នោះឡើយ។ ដើម្បីកសាងទំនុកចិត្តឡើងវិញ ថៃត្រូវតែបញ្ឈប់រាល់សកម្មភាពខុសច្បាប់ ជៀសវាងសកម្មភាពឯកតោភាគី និងចូលរួមកាត់បន្ថយភាពតានតឹង ខណៈដែលកម្ពុជានៅតែប្តេជ្ញាចិត្តយ៉ាងម៉ឺងម៉ាត់ក្នុងការដោះស្រាយរាល់បញ្ហាដែលនៅសេសសល់ដោយសន្តិវិធី ស្របតាមធម្មនុញ្ញ អ.ស.ប. ច្បាប់អន្តរជាតិ និងកិច្ចព្រមព្រៀងទ្វេភាគីជាធរមាន៕

The post អ.ស.ប. ផ្សព្វផ្សាយលិខិតរបស់តំណាងអចិន្ត្រៃយ៍កម្ពុជា បំភ្លឺការពិតជុំវិញបញ្ហាព្រំដែនកម្ពុជា-ថៃ និងទាមទារឱ្យថៃបញ្ឈប់សកម្មភាពខុសច្បាប់ appeared first on .

នៅក្នុងសេចក្តីថ្លែងការណ៍ក្នុងកិច្ចពិភាក្សាបើកចំហកម្រិតខ្ពស់របស់ក្រុមប្រឹក្សាសន្តិសុខអង្គការសហប្រជាជាតិស្តីពី “ការពង្រឹងយន្តការសម្រាប់ការដោះស្រាយជម្លោះដោយសន្តិវិធី៖ ការតាមដានសេចក្តីសម្រេចចិត្តរបស់ក្រុមប្រឹក្សាសន្តិសុខលេខ ២៧៨៨ (២០២៥)” កាលពីថ្ងៃទី២៣ ខែកក្កដា ឆ្នាំ ២០២៦ នៅទីក្រុងញូវយ៉ក លោក​ កែវ ឈា បានរំលឹកថា ឯកឧត្តមឧបនាយករដ្ឋមន្ត្រី ប្រាក់ សុខុន បានបញ្ជាក់ជាថ្មីនូវការប្តេជ្ញាចិត្តឥតងាករេរបស់កម្ពុជាចំពោះការដោះស្រាយជម្លោះដោយសន្តិវិធី តាមរយៈការសន្ទនា ការទូត និងការគោរពច្បាប់អន្តរជាតិ ក្នុងសេចក្តីថ្លែងការរបស់ឯកឧត្តមទៅកាន់ក្រុមប្រឹក្សាសន្តិសុខកាលពីខែឧសភា កន្លងទៅ។

លោកឯកអគ្គរដ្ឋទូត បានគូសបញ្ជាក់ពីអាទិភាពចំនួនបួនដូចខាងក្រោម៖ ការពង្រឹងតួនាទីរបស់អ.ស.ប. ក្នុងការបង្ការដោយវិធីសាស្រ្តការទូត; ការធានាថាជម្លោះត្រូវបានដោះស្រាយតាមរយៈមធ្យោបាយសន្តិវិធី និងការអនុលោមតាមសេចក្តីសម្រេចរបស់តុលាការយុត្តិធម៌អន្តរជាតិ; ការពង្រឹងឯកភាព និងភាពមិនលម្អៀងរបស់ក្រុមប្រឹក្សា; និងការដោះស្រាយផលប៉ះពាល់មនុស្សធម៌នៃជម្លោះព្រំដែនរបស់កម្ពុជាដែលកំពុងបន្តកើតមាន ដែលមានជនស៊ីវិលជាង ២ម៉ឺននាក់នៅតែជាជនភៀសសឹក។

ជាទីបញ្ចប់ លោកក៏បានសង្កត់ធ្ងន់ថា ព្រំដែន និងអធិបតេយ្យមិនត្រូវផ្លាស់ប្តូរដោយកម្លាំង ឬតាមរយៈការបង្កើតស្ថានភាពថ្មីនៅលើដីជាក់ស្តែងនោះទេ៕

The post កម្ពុជាទទូចឱ្យអង្គការសហប្រជាជាតិ ចាត់វិធានការឱ្យកាន់តែខ្លាំងលើការដោះស្រាយជម្លោះដោយសន្តិវិធី appeared first on .

ក្នុងជំនួបនោះ អ្នកសម្របសម្រួលអង្គការសហប្រជាជាតិប្រចាំកម្ពុជា បានកោតសរសើរយ៉ាងខ្លាំងចំពោះការអភិវឌ្ឍហេដ្ឋារចនាសម្ព័ន្ធរបស់កម្ពុជា ដែលមានការរីកចម្រើនគួរឲ្យកត់សម្គាល់ បើធៀបនឹងរយៈពេល១០ឆ្នាំមុន។ ទន្ទឹមនឹងនេះ ភាគីអង្គការសហប្រជាជាតិក៏បានលើកឡើងពីដំណើរទស្សនកិច្ចថ្មីៗទៅកាន់ប្រាសាទបន្ទាយឆ្មារ ដោយបានកោតសរសើរថា ប្រាសាទនេះមានសម្រស់ស្រស់ស្អាតល្អប្រណិត និងបង្ហាញពីតម្លៃប្រវត្តិសាស្ត្រដ៏អស្ចារ្យរបស់បេតិកភណ្ឌខ្មែរ។

ជាមួយគ្នានេះ លោក ហួត ហាក់ រដ្ឋមន្រ្តីក្រសួងទេសចរណ៍ បានវាយតម្លៃខ្ពស់ចំពោះតួនាទីរបស់អង្គការសហប្រជាជាតិ ក្នុងការគាំទ្រកម្ពុជាលើវិស័យសង្គម និងសេដ្ឋកិច្ច ជាពិសេសការចូលរួមលើកកម្ពស់វិស័យទេសចរណ៍ឱ្យមានការអភិវឌ្ឍប្រកបដោយចីរភាព និងភាពរឹងមាំ។ លោកបញ្ជាក់ថាកម្ពុជាមានសុខសន្តិភាព ស្ថិរភាពនយោបាយ និងការរីកចម្រើនសេដ្ឋកិច្ច ដែលជាមូលដ្ឋានសំខាន់សម្រាប់ទាក់ទាញភ្ញៀវទេសចរ និងវិនិយោគិនអន្តរជាតិ ព្រមទាំងបង្កើតឱកាសថ្មីៗសម្រាប់ការអភិវឌ្ឍវិស័យទេសចរណ៍ប្រកបដោយចីរភាព។

គួរបញ្ជាក់ថា ក្នុងកិច្ចពិភាក្សាខាងលើ ភាគីទាំងពីរបានផ្តោតលើការពង្រឹង និងពង្រីកកិច្ចសហប្រតិបត្តិការរវាងកម្ពុជា និងអង្គការសហប្រជាជាតិ ជាពិសេសក្នុងវិស័យទេសចរណ៍ ដោយផ្តោតលើការអភិវឌ្ឍប្រកបដោយចីរភាព តាមរយៈការកែលម្អគោលនយោបាយ និងក្របខណ្ឌអនុវត្ត ការលើកកម្ពស់ស្តង់ដារទេសចរណ៍បៃតង ការពង្រឹងសមត្ថភាពឆ្លើយតបនឹងការប្រែប្រួលអាកាសធាតុនៅតំបន់ទេសចរណ៍ និងការជំរុញទេសចរណ៍ផ្អែកលើសហគមន៍ ព្រមទាំងការលើកកម្ពស់ជីវភាពសហគមន៍ ការលើកទឹកចិត្តការចូលរួមរបស់យុវជន និងស្ត្រី និងការផ្តល់ការគាំទ្រផ្នែកបច្ចេកទេសក្នុងការកសាងសមត្ថភាពធនធានមនុស្ស រួមមានជំនាញបដិសណ្ឋារកិច្ច ជំនាញឌីជីថល និងជំនាញបៃតង ដើម្បីឆ្លើយតបទៅនឹងតម្រូវការទីផ្សារទេសចរណ៍សម័យថ្មី។

ភាគីទាំងពីរក៏បានឯកភាពគ្នាបន្តពង្រឹង និងពង្រីកកិច្ចសហប្រតិបត្តិការលើវិស័យអាទិភាព ដូចជា ការអភិវឌ្ឍទេសចរណ៍ផ្អែកលើសហគមន៍ ការកែលម្អប្រព័ន្ធទិន្នន័យទេសចរណ៍ និងការប្រើប្រាស់បច្ចេកវិទ្យាឌីជីថល ដើម្បីលើកកម្ពស់ប្រសិទ្ធភាពនៃការគ្រប់គ្រងវិស័យទេសចរណ៍ និងពន្លឿនការសម្រេចបាននូវគោលដៅអភិវឌ្ឍន៍ប្រកបដោយចីរភាពនៅកម្ពុជា ព្រមទាំងបន្តគាំទ្រយ៉ាងសកម្មដល់កម្ពុជា ក្នុងការជំរុញវិស័យទេសចរណ៍ឱ្យមានលក្ខណៈបរិយាបន្ន និងនិរន្តរភាព ដើម្បីធានាថាកំណើនវិស័យនេះនាំមកនូវផលប្រយោជន៍ជាក់ស្តែងដល់សហគមន៍មូលដ្ឋាន និងស្របតាមគោលដៅអភិវឌ្ឍន៍សកល។

លើសពីនេះ ភាគីទាំងពីរក៏បានបញ្ជាក់ពីការប្តេជ្ញាចិត្តរួម ក្នុងការបន្តពង្រឹង និងពង្រីកកិច្ចសហប្រតិបត្តិការយ៉ាងជិតស្និទ្ធ ដើម្បីលើកកម្ពស់វិស័យទេសចរណ៍កម្ពុជា ឱ្យមានការអភិវឌ្ឍប្រកបដោយចីរភាព បរិយាបន្ន និងមានភាពប្រកួតប្រជែងខ្ពស់ ស្របតាមទិសដៅអភិវឌ្ឍន៍ជាតិ និងគោលដៅអភិវឌ្ឍន៍ប្រកបដោយចីរភាព របស់អង្គការសហប្រជាជាតិ។

គួរបញ្ជាក់ផងដែរថា កម្ពុជាបានចូលជាសមាជិកអង្គការសហប្រជាជាតិ នៅឆ្នាំ១៩៥៥ ហើយអង្គការសហប្រជាជាតិបានចូលរួមជួយគាំទ្រកម្ពុជាសំខាន់មួយនៅឆ្នាំ១៩៩១ តាមរយៈកិច្ចព្រមព្រៀងសន្តិភាពទីក្រុងប៉ារីស ដែលជាគន្លឹះសម្រាប់ការស្តារឡើងវិញនូវសន្តិភាព ស្ថិរភាព និងការអភិវឌ្ឍប្រទេសកម្ពុជា។

The post UN ប្រកាសសហការជាមួយកម្ពុជា ដើម្បីលើកស្ទួយវិស័យទេសចរណ៍ឈានទៅដល់ការសម្រេចគោលដៅអភិវឌ្ឍប្រកបដោយចីរភាព appeared first on .

នាឱកាសនោះ លោកស្រី Rabab Fatima បានកោតសរសើរចំពោះការរីកចម្រើនយ៉ាងឆាប់រហ័សរបស់កម្ពុជា និងវាយតម្លៃខ្ពស់ចំពោះកម្ពុជា ដែលបានដាក់ចេញនូវផែនការអភិវឌ្ឍ និងការអភិរក្សបេតិកភណ្ឌ។លោកស្រី ថា អង្គការសហប្រជាជាតិ ប្ដេជ្ញាបន្តគាំទ្រកម្ពុជាក្នុងដំណើរការចាកចេញពីប្រទេសអភិវឌ្ឍតិចតួច​ ហើយអង្គការសហប្រជាជាតិក៏បានបង្កើតក្រុមការងារចំពោះកិច្ច​ ដើម្បីគាំទ្រដល់ដំណើរការចាកចេញនេះ។

បន្ថែមពីនេះ លោកស្រី ក៏បានគូសបញ្ជាក់ផងដែរថា កម្ពុជាបានសម្រេចតាមលក្ខណៈវិនិច្ឆ័យរួចរាល់សម្រាប់ការចាកចេញពីក្រុមប្រទេសអភិវឌ្ឍន៍តិចតួច (LDC) តាមរយៈការវាយតម្លៃចំនួនពីរលើក កន្លងមក។ ជាមួយគ្នានេះ លោកស្រី ក៏បញ្ជាក់ថា កម្ពុជាស្ថិតក្នុងដំណើរផ្លូវ ដើម្បីឈានចាកចេញពីក្រុមប្រទេសអភិវឌ្ឍន៍តិចតួច នៅឆ្នាំ២០២៩។

ជាការឆ្លើយតប សម្ដេចធិបតី បានស្វាគមន៍ចំពោះការបង្កើតក្រុមការងារចំពោះកិច្ចរបស់អង្គការសហប្រជាជាតិ ដើម្បីគាំទ្រដំណើរការចាកចេញពីក្រុមប្រទេស LDC របស់កម្ពុជា។

សម្ដេចធិបតី ក៏បានសង្កត់ធ្ងន់ថា រាជរដ្ឋាភិបាលបានដាក់ចេញនូវវិធានការជាក់ស្ដែង ដើម្បីកសាងភាពធន់របស់កម្ពុជា តាមរយៈការដាក់ចេញនូវយុទ្ធសាស្ត្របញ្ចកោណ-ដំណាក់កាលទី១ ដែលផ្ដោតលើ ការអភិវឌ្ឍមូលធនមនុស្ស ការដាក់ចេញការកែទម្រង់វិស័យអប់រំ សុខាភិបាល និងការបណ្ដុះបណ្ដាលវិជ្ជាជីវៈ ការពង្រឹងប្រព័ន្ធហិរញ្ញវត្ថុស្របតាមការវិវត្តនៃបច្ចេកវិទ្យារបស់ពិភពលោក និងការជំរុញភាពជាដៃគូជាមួយវិស័យឯកជន ជាដើម។ សម្ដេចធិបតីបានបន្ថែមទៀតថា កម្ពុជានឹងបន្តកិច្ចសហប្រតិបត្តិការយ៉ាងជិតស្និទ្ធជាមួយអង្គការសហប្រជាជាតិ ក្នុងក្របខ័ណ្ឌសន្តិភាព និងក្របខ័ណ្ឌដទៃទៀត៕ អត្ថបបទ៖ហ្សាលីន

The post UN៖ កម្ពុជាស្ថិតលើដំណើរផ្លូវត្រឹមត្រូវ ដើម្បីឈានចាកចេញពីក្រុមប្រទេសអភិវឌ្ឍន៍តិចតួចនៅឆ្នាំ២០២៩ appeared first on .

ប្រធានាធិបតីអាមេរិក លោក ដូណាល់ ត្រាំ បានថ្លែងទៅក្នុងសន្តិសីទសារព័ត៌មានមួយនៅថ្ងៃទី២០ ខែមករា នៅឯសេតវិមានថា ៖” អង្គការសហប្រជាជាតិពិតជាមិនបានជួយអ្វីច្រើននោះទេ។ ខ្ញុំពេញចិត្តទៅនឹងសក្តានុពលរបស់ស្ថាប័ននេះ ប៉ុន្តែពួកគេហាក់មិនអាចសម្រេចអ្វីបាននូវសក្តានុពលទាំងនោះឡើយ”។

យ៉ាងណាមិញ នៅពេលត្រូវបានអ្នកសារព័ត៌មានម្នាក់សួរនាំថា តើក្រុមប្រឹក្សាសន្តិភាពដែលលោក ត្រាំ ទើបតែប្រកាសថានឹងរៀបចំឡើង ដើម្បីកសាងឡើងវិញនៃតំបន់ហ្កាហ្សា អាចជំនួសអង្គការសហប្រជាជាតិបានឬអត់ ប្រធានាធិបតីអាមេរិករូបនេះ បានឆ្លើយតបវិញថា ប្រហែលជាអាច។

គួរឲ្យដឹងថា ក្រុមប្រឹក្សាសន្តិភាព ដូចដែលលោក ត្រាំ បានគ្រោងទុកដំបូង គឺជាក្រុមតូចមួយនៃមេដឹកនាំពិភពលោក ដែលទទួលខុសត្រូវក្នុងការត្រួតពិនិត្យផែនការសន្តិភាពតំបន់ហ្គាហ្សា។ តែទោះជាយ៉ាងណាក៏ដោយ ទំហំរបស់ស្ថាប័ននេះបានពង្រីក ដោយលោកបានផ្ញើលិខិតអញ្ជើញទៅកាន់ប្រទេសប្រហែល ៦០ និងបានបង្ហើបថា ក្រុមប្រឹក្សានេះនឹងសម្របសម្រួលជម្លោះសកលក្នុងពេលឆាប់ៗនេះ ដូចជា “ក្រុមប្រឹក្សាសន្តិសុខអង្គការសហប្រជាជាតិខ្នាតតូច” មួយអ៊ីចឹង។

ជម្រាបជូនថា ក្រុមប្រឹក្សាប្រតិបត្តិរបស់ក្រុមប្រឹក្សាសន្តិភាពនេះ រួមមានកូនប្រសាររបស់លោក ត្រាំ គឺលោក Jared Kushner រដ្ឋមន្ត្រីការបរទេស លោក Marco Rubio បេសកជនពិសេស លោក Steve Witkoff និងអតីតនាយករដ្ឋមន្ត្រីអង់គ្លេស លោក Tony Blair​៕

The post លោក ត្រាំ ថាក្រុមប្រឹក្សាសន្តិភាពរបស់លោក អាចនឹងជំនួសអង្គការសហប្រជាជាតិ appeared first on .

នៅក្នុងឱកាសអបអរសាទរខួប ៧០ឆ្នាំ ដែលកម្ពុជាចូលជាសមាជិកអង្គការសហប្រជាជាតិ (UN) សម្ដេចតេជោ ហ៊ុន សែន បានលើកឡើងថា « នៅថ្ងៃទី១៤ ខែធ្នូ ឆ្នាំ២០២៥ នេះ ជាខួប៧០ឆ្នាំហើយ ដែលកម្ពុជាបានចូលជាសមាជិកអង្គការសហប្រជាជាតិ (UN) (១៤ ធ្នូ ១៩៥៥-១៤ធ្នូ ២០២៥) ។ អង្គការសហប្រជាជាតិ អ.ស.ប (United Nations-UN)គឺជាអង្គការអន្តរជាតិដែលធំជាងគេបំផុតក្នុងពិភពលោក ត្រូវបានបង្កើតឡើងតាំងពីថ្ងៃទី២៤ ខែតុលា ឆ្នាំ១៩៤៥ ក្រោយសង្គ្រាមលោកលើកទី២ត្រូវបានបញ្ចប់ (១៩៣៩-១៩៤៥)។

គោលបំណង UN គឺការថែរក្សាសន្តិភាព និងសន្តិសុខអន្តរជាតិ លើកស្ទួយសហប្រតិបត្តិការអន្តរជាតិក្រោមច្បាប់អន្តរជាតិ អភិវឌ្ឍផ្នែកសេដ្ឋកិច្ច ចូលរួមអន្តរាគមន៍ដោះស្រាយជម្លោះរវាងរដ្ឋជាសមាជិក និងបញ្ចៀសមិនអោយមានសង្គ្រាមលោក»។

សម្ដេចតេជោ ហ៊ុន សែន បានបញ្ជាក់ថា កម្ពុជាបានចូលរួមយ៉ាងសកម្មនៅក្នុងសកម្មភាពថែរក្សាសន្តិភាព ស្ថិរភាព ដែលក្នុងរយៈពេល ជាង១០ឆ្នាំកន្លងទៅនេះ កម្ពុជារបស់យើងបានបញ្ជូនកងទ័ពមួកខៀវ ទៅក្រៅប្រទេសជាច្រើននាក់ផងដែរ ក្នុងនោះកងទ័ពជាស្ត្រី ទាំងទ័ពបុរស ទៅកាន់ប្រទេសមួយចំនួនដូចជា ស៊ូដង់ ស៊ូដង់ខាងត្បូង លីបង់ អាហ្វ្រិកកណ្តាល ស៉ីរី សាយប្រឹស ម៉ាលី។ល។ កងកម្លាំងទ័ពមួកខៀវកម្ពុជា ជាកម្លាំងជំនាញ ផ្នែកវិស្វកម្ម កម្លាំងពេទ្យកម្រិត២ កម្លាំងបោសសម្អាតមីន កម្លាំងអាវុធហត្ថ និងកម្លាំងកម្ទេចយុទ្ធភ័ណ្ឌមិនទាន់ផ្ទុះ ហើយកាលពីពេលថ្មីៗនេះ កម្ពុជាបានជាប់ជាប្រទេសនាំមុខគេដែលផ្តល់ឱកាសឲ្យនារីកងទ័ពមួកខៀវទៅចូលរួមបេសកកម្មជាលក្ខណៈអន្តរជាតិក្នុងក្របខ័ណ្ឌអង្គការសហប្រជាជាតិ៕

The post សម្ដេចតេជោ៖ គោលបំណង អង្គការសហប្រជាជាតិ គឺការថែរក្សាសន្តិភាព និងសន្តិសុខអន្តរជាតិ ចូលរួមដោះស្រាយជម្លោះ appeared first on .

នេះបើយោងតាមប្រសាសន៍របស់លោក លោក António Guterres អគ្គលេខាធិការអង្គការសហប្រជាជាតិ ថ្លែងក្នុងជំនួបពិភាក្សាជាមួយសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅប្រទេសចិន នាថ្ងៃទី១ ខែកញ្ញា ឆ្នាំ២០២៥។

នាឱកាសនោះ ឯកឧត្តម António Guterres អគ្គលេខាធិការអង្គការសហប្រជាជាតិ បានវាយតម្លៃខ្ពស់ចំពោះកម្ពុជា ដែលបានចូលរួមយ៉ាងសកម្មក្នុងនាមជាសមាជិកនៃអង្គការពិភពលោក ក្នុងកិច្ចការជាច្រើន។

ពាក់ព័ន្ធនឹងជម្លោះព្រំដែនរវាងកម្ពុជានិងថៃ លោកអគ្គលេខាធិការ បានបញ្ជាក់ថា លោកផ្ទាល់ បាននិងកំពុងតាមដានយ៉ាងយកចិត្តទុកដាក់លើករណីនេះ។ លោក ក៏បានសម្តែងការស្វាគមន៍ចំពោះបទឈប់បាញ់រវាងកងទ័ពកម្ពុជានិងថៃ និងបន្តជំរុញអោយស្ថានការអាចវិលត្រលប់ទៅរកប្រក្រតីភាពនាពេលឆាប់ៗខាងមុខនៃទំនាក់ទំនងរវាងប្រទេសទាំងពីរ។

ទន្ទឹមគ្នានេះ លោកអគ្គលេខាធិការអង្គការសហប្រជាជាតិរូបនេះ ក៏បានទទួលយកសំណើ ក្នុងការជំរុញអោយភាគីទាំងពីរជៀសវាងការប្រើប្រាស់កម្លាំងយោធាដើម្បីដោះស្រាយបញ្ហាព្រំដែនដែលមិនទាន់ដាច់ស្រេច ជាពិសេសនៅតំបន់ដែលមានប្រជាពលរដ្ឋរស់នៅ។

ជាថ្មីម្តងទៀត លោក ក៏សូមអោយដោះស្រាយបញ្ហាព្រំដែន ដោយសន្តិវិធី តាមរយៈការប្រើប្រាស់យន្តការព្រំដែនដែលមានស្រាប់ (គឺគណៈកម្មការចម្រុះព្រំដែនកម្ពុជា-ថៃ JBC) ដោយផ្អែកលើមូលដ្ឋាននៃកិច្ចព្រមព្រៀងរវាងកម្ពុជានិងថៃដែលមានជាធរមាន សន្ធិសញ្ញាពាក់ព័ន្ធ និងច្បាប់អន្តរជាតិផងដែរ៕ អត្ថបទ៖ ហ្សាលីន  

The post UN ទទួលយកសំណើរដែលជំរុញកម្ពុជា-ថៃ ជៀសវាងប្រើប្រាស់កម្លាំងយោធា នៅតំបន់ដែលមានពលរដ្ឋរស់នៅ appeared first on .

បើតាមលោក Farhan Haq អ្នកនាំពាក្យរងរបស់ប្រធានអង្គការសហប្រជាជាតិ បាននិយាយនៅក្នុងសេចក្តីថ្លែងការណ៍មួយថា លោក Guterres ជំរុញឲ្យភាគីទាំងពីរយល់ព្រមជាបន្ទាន់ចំពោះបទឈប់បាញ់ និងដោះស្រាយបញ្ហាណាមួយតាមរយៈការសន្ទនា ក្នុងគោលបំណងស្វែងរកដំណោះស្រាយយូរអង្វែងចំពោះជម្លោះដែលកំពុងផ្ទុះឡើងនាពេលបច្ចុប្បន្ន។

មិនតែប៉ុណ្ណោះ លោក Guterres ក៏បានបង្ហាញពី​ការ​ព្រួយ​បារម្ភ​យ៉ាង​ខ្លាំង​ចំពោះ​ការ​បន្ត​ការ​ប៉ះ​ទង្គិច​ប្រដាប់​អាវុធ​ នៅ​តាម​ព្រំដែន​រវាង​កម្ពុជា និង​ថៃ គិតចាប់​តាំង​ពី​ថ្ងៃ​ទី២៤ ខែ​កក្កដា មក។

អគ្គលេខាធិការអង្គការសហប្រជាជាតិ បានធ្វើការថ្កោលទោសចំពោះសោកនាដកម្ម និងការបាត់បង់ជីវិត ក៏ដូចជាការទទួលរបួសរបស់ជនស៊ីវិល ការខូចខាតផ្ទះសម្បែង និងហេដ្ឋារចនាសម្ព័ន្ធទាំងសងខាង ដែលបង្កឡើងដោយជម្លោះនេះ។ លោក Guterres ក៏បានសង្កត់ធ្ងន់ថា លោកនៅតែមានលទ្ធភាពជួយក្នុងកិច្ចខិតខំប្រឹងប្រែងណាមួយ ដើម្បីឆ្ពោះទៅរកដំណោះស្រាយជម្លោះដោយសន្តិវិធី”។

ជម្រាបជូនផងដែរថា​ នៅលើប្រព័ន្ធផ្សព្វផ្សាយសង្គម Truth Social កាលពីយប់ថ្ងៃសៅរ៍ ប្រធានាធិបតីអាមេរិក លោក​ ដូណាល់ ត្រាំ ក៏បាននិយាយផងដែរថា លោកបានពិភាក្សាជាមួយនាយករដ្ឋមន្រ្តីកម្ពុជា និងនាយករដ្ឋមន្រ្តីស្តីទីនៃប្រទេសថៃ ដើម្បីស្នើសុំបទឈប់បាញ់ជាបន្ទាន់មួយ រវាងប្រទេសទាំងពីរ៕

The post ប្រមុខអង្គការសហប្រជាជាតិ ជំរុញឲ្យមានបទឈប់បាញ់ជាបន្ទាន់ ក្នុងជម្លោះកម្ពុជា-ថៃ appeared first on .

សេចក្តីថ្លែងការណ៍បានឱ្យដឹងថា៖ដើម្បីឆ្លើយតបនឹងការព្រួយបារម្ភចំពោះកំណើនយ៉ាងឆាប់រហ័សនៃវិស័យមីក្រូហិរញ្ញវត្ថុនៅកម្ពុជា និងភាពប្រទាក់ក្រឡាគ្នាជាមួយបញ្ហាប្រឈមផ្សេងទៀត ដូចជាការជំពាក់បំណុលលើសលប់ជាដើមនោះ ការផ្តួចផ្តើមឱ្យមានដំណើរការពិគ្រោះយោបល់បានចាប់ផ្តើមកាលពីខែវិច្ឆិកា ឆ្នាំ២០២៣ ក្នុងគោលបំណង សម្របសម្រួលឱ្យមានការចូលរួមពិភាក្សាពីភាគីពាក់ព័ន្ធក្នុងន័យស្ថាបនា បង្កើតឱ្យមានការយល់ដឹងរួមគ្នា អំពីបញ្ហាប្រឈមនានា និងកំណត់សកម្មភាពអាទិភាព និងការប្តេជ្ញាចិត្តជាក់លាក់ ដែលអាចជួយគាំទ្រ ដល់ភាគីពាក់ព័ន្ធទាំងអស់ ក្នុងការដោះស្រាយបញ្ហាប្រឈម និងចាប់យកកាលានុវត្តភាពក្នុងការពង្រឹង វិស័យធនាគារនិងហិរញ្ញវត្ថុ។

កិច្ចសន្ទនាតាមក្រុមនីមួយៗ និងកិច្ចប្រជុំបច្ចេកទេសជាមួយពហុភាគីពាក់ព័ន្ធ ត្រូវបានរៀបចំឡើងជាបន្តបន្ទាប់ ដោយមានការចូលរួមពិគ្រោះយោបល់ពីតំណាងក្រុម និងស្ថាប័នចំនួន ជាង ១០០ ផ្សេងគ្នា រួមមាន៖ តំណាងមកពីរាជរដ្ឋាភិបាល និយ័តករ ស្ថាប័ននិងសមាគមវិជ្ជាជីវៈធនាគារ និងហិរញ្ញវត្ថុ វិនិយោគិន សង្គមស៊ីវិល អង្គការមិនមែនរដ្ឋាភិបាល និងដៃគូអភិវឌ្ឍន៍ ព្រមទាំងទីភ្នាក់ងារអង្គការ សហប្រជាជាតិ និងស្ថាប័នហិរញ្ញវត្ថុអន្តរជាតិ។

ក្នុងចំណោមសកម្មភាពអាទិភាពចំនួន២២ សកម្មភាពអាទិភាពចំនួន៤ ត្រូវបានអនុវត្តបាន ទាំងស្រុង សកម្មភាពអាទិភាពចំនួន១៥ កំពុងត្រូវបានអនុវត្ត និងសកម្មភាពអាទិភាពចំនួន៣ កំពុងត្រូវបានចាប់ផ្តើមអនុវត្ត។ ចំណុចសំខាន់ៗពាក់ព័ន្ធនឹងការអនុវត្តសកម្មភាពអាទិភាពមានដូចជាការពង្រឹងការផ្តល់ឥណទានប្រកបដោយទំនួលខុសត្រូវ ការធ្វើឱ្យប្រសើរឡើងនូវគោលការណ៍លើកទឹកចិត្តរបស់គ្រឹះស្ថានធនាគារនិងហិរញ្ញវត្ថុ  និងការរៀបចំឥណទានឡើងវិញ ជាដើម។

The post ធនាគារជាតិនៃកម្ពុជា និង អង្គការសហប្រជាជាតិ ចេញសេចក្តីថ្លែងការណ៍រួម ឆ្លើយតបនឹងការព្រួយបារម្ភចំពោះកំណើនយ៉ាងឆាប់រហ័សនៃវិស័យមីក្រូហិរញ្ញវត្ថុនៅកម្ពុជា appeared first on .

ក្នុងជំនួបនោះ លោកអគ្គលេខាធិការរង បានចាត់ទុកកម្ពុជា ជាប្រទេសគំរូដែលបានប្រែក្លាយពីប្រទេសដែលធ្លាប់ទទួលកងកម្លាំងរក្សាសន្តិភាពរបស់អង្គការសហប្រជាជាតិ ទៅជាប្រទេសដែលបានចូលរួមចំណែកក្នុងការបញ្ជូនកងកម្លាំងរក្សាសន្តិភាព ទៅកាន់បណ្ដាប្រទេសជាច្រើន ក្រោមឆ័ត្រអង្គការសហប្រជាជាតិ ដើម្បីចូលរួមថែរក្សាសន្តិភាព បោសសម្អាតមីន និងកសាងហេដ្ឋារចនាសម្ព័ន្ធនានា។

លោកបានបន្តថា កម្ពុជាបានផ្ដល់នូវការបណ្ដុះបណ្ដាលផ្នែកបោសសម្អាតមីន ដល់បណ្ដាប្រទេសមួយចំនួន និងមានមជ្ឈមណ្ឌលតំបន់អាស៊ានសម្រាប់សកម្មភាពមីន ខណៈលោកបានគាំទ្រចំពោះកម្ពុជា ដែលនឹងធ្វើជាម្ចាស់ផ្ទះនៃកិច្ចប្រជុំត្រួតពិនិត្យឡើងវិញលើកទី៥ នៃអនុសញ្ញាស្តីពី ការហាមការប្រើប្រាស់មីនប្រឆាំងមនុស្ស (អនុសញ្ញាអូតាវ៉ា) នៅខែវិច្ឆិកា ឆ្នាំ២០២៤។ លើសពីនេះ លោកក៏បានកោតសរសើរការអភិវឌ្ឍដ៏ឆាប់រហ័សរបស់កម្ពុជា​ និងបាន​អបអរសាទរកម្ពុជា ដែលនឹងចាកចេញពីក្រុមប្រទេសអភិវឌ្ឍន៍តិចតួច ក្នុងពេលអនាគតដ៏ខ្លីផងដែរ។

ជាការឆ្លើយតប សម្ដេចធិបតី បានអរគុណ UN ដែលបានរួមចំណែកកសាងនិងអភិវឌ្ឍសង្គម-សេដ្ឋកិច្ចកម្ពុជា ក៏ដូចជាបានគាំទ្រ និងបន្តគាំទ្រកងកម្លាំងរក្សាសន្តិភាពរបស់កម្ពុជា ក្រោមឆ័ត្រអង្គការសហប្រជាជាតិ ។ សម្ដេចធិបតី បានថា រាជរដ្ឋាភិបាលកម្ពុជា បន្តប្ដេជ្ញាចិត្ត និងត្រៀមខ្លួនរួចជាស្រេចក្នុងការបន្តបញ្ជូនកងកម្លាំងរក្សាសន្តិភាពរបស់កម្ពុជា ដើម្បីចូលរួមជាមួយអង្គការសហប្រជាជាតិក្នុងការថែរក្សាសន្តិភាព និងបោសសម្អាតមីនមនុស្សធម៌ថែមទៀត។

ក្នុងជំនួបនោះដែរ សម្តេចធិបតី ក៏បានសង្កត់ធ្ងន់ថា កម្ពុជាបានត្រៀមខ្លួនរួចជាស្រេចក្នុងការរៀបចំធ្វើជាម្ចាស់ផ្ទះនៃកម្មវិធីភាពជាដៃគូត្រីភាគីអង្គការសហប្រជាជាតិ-សាធារណរដ្ឋកូរ៉េ-កម្ពុជា ក្នុងចុងឆ្នាំ២០២៤ និងកម្មវិធីភាពជាដៃគូត្រីភាគីអង្គការសហប្រជាជាតិ-ជប៉ុន-កម្ពុជា នៅដើមឆ្នាំ២០២៥៕

The post UN ចាត់ទុកកម្ពុជា ជាប្រទេសគំរូ ដែលបានរួមចំណែកបញ្ជូនកងកម្លាំងរក្សាសន្តិភាព ទៅកាន់បណ្ដាប្រទេសជាច្រើន appeared first on .