ក្រសួងទេសចរណ៍ នៅរសៀលថ្ថៃទី៣១ ខែមីនា ឆ្នាំ២០២៣ បានប្រកាសថា  “ត្នោតមាស” (Golden Brown) គឺជាពណ៌ចម្បងក្នុងការជ្រើសយកមកប្រើប្រាស់ក្នុងនិមិត្តសញ្ញា នៃយុទ្ធនាការ “ឆ្នាំទស្សនាកម្ពុជា ២០២៣” នេះ ដែលតំណាងឱ្យទិដ្ឋភាព និងទេសភាពធម្មជាតិនាពេលព្រះអាទិត្យចាប់ផ្តើមរះ បរិយាកាសក្តៅល្មមៗ ប្រជាជនពោពេញដោយស្នាមញញឹមកក់ក្តៅ ស្រមោលចាំងពីពន្លឺនៃវប្បធម៌ដ៏រស់រវើកលើដែនដីសុវណ្ណភូមិ នៃព្រះរាជាណាចក្រកម្ពុជា។

ក្រសួងទេសចរណ៍ បានបន្តថា ផ្អែកតាមការសិក្សាស្រាវជ្រាវ ភ្ញៀវទេសចរអន្តរជាតិ ប្រមាណ ៤៩% បានឆ្លើយថាកត្តាដែលទាក់ទាញឱ្យមកកាន់កម្ពុជាគឺ “ប្រាសាទអង្គរវត្ត” និង ៦២% បានឆ្លើយថា “កត្តាមនុស្ស” គឺជាកត្តាវិជ្ជមានរបស់កម្ពុជានៅពេលដែលពួកគេបានមកដល់ និងធ្វើដំណើរទស្សនកិច្ចកម្សាន្តរួចមក។ 

ដូច្នេះ ឈរលើលទ្ធផលនៃការសិក្សារទាំងនេះ ក្រសួងក៏សាកល្បងធ្វើការកំណត់ធាតុសំខាន់ៗ ដើម្បីឈានដល់ការរៀបចំនិមិត្តសញ្ញា ដូចខាងក្រោម៖១. ប្រាសាទអង្គរវត្ត មានក្បាច់ និងចម្លាក់លើជញ្ជាំងប្រាសាទ និងមានបាតុភូតធម្មជាតិព្រះអាទិត្យរះចំកណ្តាលកំពូលប្រាសាទ ឬ បាតុភូតសមរាត្រី (Equinox) ២. ធាតុសំខាន់ៗ ដូចជា “ការរចនាក្បាច់ប្រាសាទ” និង “ពណ៌ត្នោត ដែលតំណាងឱ្យពណ៌របស់ប្រាសាទ” ៣. កត្តាមនុស្ស សំដៅដល់ ប្រជាពលរដ្ឋខ្មែរដែលផ្តល់នូវបដិសណ្ឋារកិច្ចយ៉ាងល្អ និងទទួលស្វាគមន៍ជាមួយស្នាមញញឹមពោរពេញដោយក្តីស្រលាញ់ និងកក់ក្តៅ ៤. ធាតុសំខាន់ៗ ដូចជា “បដិសណ្ឋារកិច្ចល្អ និងភាពកក់ក្តៅ”។

បើតាមក្រសួងទេសចរណ៍ បានអះអាងថាដែរថា ការរៀបចំនូវនិមិត្តសញ្ញារបស់យុទ្ធនាការ “ឆ្នាំទស្សនាកម្ពុជា ២០២៣” គឺដើរស្របតាមខ្លឹមសារ ដូចខាងក្រោម៖១. យុទ្ធនាការផ្សព្វផ្សាយ “កម្ពុជា៖ ព្រះរាជាណាចក្រអច្ឆរិយៈ ២. ផ្តល់ភាពកក់ក្តៅ” ដែលភ្ញៀវទេសចរជាតិ និងអន្តរជាតិបានទទួលស្គាល់ជ្រួតជ្រាបជាសកល​ – សាមញ្ញ ទាក់ទាញ និងងាយស្រួលក្នុងការប្រើប្រាស់បានគ្រប់ពេលវេលា និងគ្រប់ទីកន្លែង (ដែលជាហេតុយើងជ្រើសរើសយកពណ៌តែមួយ ៣. ទីផ្សារគោលដៅ ជាភ្ញៀវទេសចរ ពិសេសទីផ្សារទេសចរណ៍អន្តរជាតិ (ដែលជាហេតុយើងជ្រើសរើសយកពាក្យ និងភាសាអង់គ្លេស “Visit Cambodia 2023 – Every day is a Wonder”) ដែលនឹងជំរុញចិត្តរបស់ភ្ញៀវទេសចរឱ្យមកទស្សនាកម្សាន្តនៅកម្ពុជា៕ អត្ថបទ៖ ពិសី 

The post ការស្រាវជ្រាវ៖ ភ្ញៀវទេសចរអន្តរជាតិ ឆ្លើយថា មានកត្តាធំៗ២ ដែលទាក់ទាញពួកគេឱ្យមកកាន់កម្ពុជា appeared first on .

លោក ធឿន វុឌ្ឍី អ្នកជំនាញខាងផ្នែកវប្បធម៌ប្រចាំនៅខេត្តសៀមរាបបានឱ្យដឹងថា ការដើរព្រៃនេះគាត់បានផ្សារភ្ជាប់ខ្លួនគាត់ទៅនិងធម្មជាតិ ទុកពេលវេលាសម្រាប់ខ្លួនឯង មានន័យថាកាត់ផ្តាច់ខ្លួនឯងចេញពីបច្ចេកវិទ្យាដោយសារម្នាក់ៗរវល់ពេកជាមួយនិងកំព្យួរទ័រនិងទូរស័ព្ទដៃ អីចឹងយើងធ្វើកម្មវិធីដើរព្រៃនៅតំបន់អង្គរនេះជួយឱ្យគាត់បានសម្រាកលំហែរខួរក្បាលនិងការគិត។ពិសេសជាងនេះទៅទៀតគាត់បានស្តាប់និងអនុវត្តនៅមេរៀនយុគៈ សមាធិដែលជាមេរៀនមួយយ៉ាងសំខាន់ក្នុងការជួយសម្រួលដល់ផ្លូវចិត្តរបស់ពួកគាត់។

លោក ធឿន វុឌ្ឍី បញ្ជាក់ថា«ថ្វីត្បិតយើងចូលរួមដើរព្រៃនៅតំបន់អង្គរតែមួយព្រឹកប៉ុន្តែយើងទទួលបានចំណេះដឹងធំទូលាយដែលអាចឱ្យយើងយកទៅអនុវត្តប្រចាំថ្ងៃ ។លើសពីនេះគាត់បានសា្តប់អ្នកជំនាញវប្បធម៌រៀបរាប់ពីភាពអស្ចារ្យនៃអាណាចក្រខ្មែរដែលយើងឈរនៅលើទឹកដីអង្គរ ថាខ្មែរយើងពីដើមមានភាពរុងរឿងកម្រិតណា ហើយយើងអាចឆ្លុះបញ្ចំាងនិងរៀនសូត្រពីគំរូវីរៈភាពរបស់មហាក្សត្រខ្មែរដែលបានដឹកនាំប្រទេសប្រកបដោយភាពខ្លាំងក្លាហើយថា តើមហាក្សត្រខ្មែរគាត់ប្រើគោលការណ៍អ្វីខ្លះ? អីចឹងពេលយើងស្តាប់យើងនឹងបានមេរៀនសម្រាប់ជីវិតយើងផងដែរ»។

លោកលើកឡើងថា ជាទូទៅពលរដ្ឋខ្មែរភាគច្រើនអត់យល់ឬអត់បានដឹងពីភាពអស្ចារ្យរបស់ដូនតាខ្លួនឯងតែនៅពេលយើងធ្វើការអត្ថាធិបាយប្រាប់គាត់ទៅ ពួកគាត់មានភាពរំភើប រំជួលចិត្តមិននឹកស្ថានថាដូនតាខ្មែរខ្លាំងដល់ម្តឹងនោះទេ ដែលកាលពីមុនៗគាត់មកកម្សាន្តនៅអង្គរមានលក្ខណៈធម្មតាៗ ថតរូបគ្រប់គ្រាន់ហើយត្រឡប់ទៅវិញ។តែនៅពេលគាត់បានស្តាប់ហើយទើបគាត់បានយល់ថាការចូលរួមពិតជាមានតម្លៃបានយល់ពីភាពអស្ចារ្យរបស់ខ្មែរពីដើម។

លោក ធឿន វុឌ្ឍី អ្នកជំនាញខាងវប្បធម៌បន្តថា« អ្នកចូលរួមដើរព្រៃនៅតំបន់អង្ករកន្លងទៅ ភាគច្រើនជាអ្នកធ្វើធុរកិច្ចនៅក្នុងស្រុក ហើយនៅកម្មវិធីដើរព្រៃលើកទី៥នេះរំពឹងថានិងទទួលបានអ្នកធ្វើធុរកិច្ចក្នុងស្រុកច្រើនថែមទៀតនិងអ្នកទេសចរបរទេសមួយចំនួនផ្សេងទៀតផងដែរ»។

លោក វ៉ាត់ សាវឿង ប្រធានសភាយុវពាណិជ្ជករអន្តរជាតិកម្ពុជា ខេត្តសៀមរាប និងជាសហស្ថាបនិកក្រុមហ៊ុនទេសចរណ៍ មរតក អៅដរ ខេត្តសៀមរាបបានឱ្យដឹងថា «វនយាត្រាលើកទី៥» ជាកម្មវិធីសំខាន់ប្រចាំ២០២៣ ហើយធ្វើឡើងមានគោលបំណងសំខាន់ៗ ចំនួន៤៖១)-ផ្សារភ្ជាប់ខ្លួនយើងជាមួយនឹងធម្មជាតិឡើងវិញ តាមរយៈការយល់ដឹងពីសារៈសំខាន់នៃព្រៃឈើនិងជីវិត។២)-អនុវត្តយោគៈ និងបដិបត្តិសមាធិដើម្បីបង្កើនថាមពលផ្លូវកាយនិងផ្លូវចិត្តក្នុងព្រៃនៃទីក្រុងអង្គរបុរាណ។៣)-កម្ចាត់ភាពតប់ប្រមល់ ជំងឺស្ត្រេស ជំងឺបាក់ទឹកចិត្តនិងថប់បារម្ភ តាមរយៈការផ្សារភ្ជាប់ជាមួយធម្មជាតិនិង៤)-លើកកម្ពស់ និងចូលរួមផ្សព្វផ្សាយពីសារៈសំខាន់នៃការដើរព្រៃ ព្រមទាំងសិក្សាឈ្វេងយល់វប្បធម៌ប្រវត្តិសាស្ត្រ អង្គរនៃចក្រភពខ្មែរដ៏រុងរឿងនាអតីតកាល។

បើតាមប្រធានសភាយុវពាណិជ្ជករអន្តរជាតិកម្ពុជាខេត្តសៀមរាប  កម្មវិធីនេះ នឹងមានការចូលរួមពីថ្នាក់ដឹកនាំខេត្ត ថ្នាក់ដឹកនាំអាជ្ញាធរជាតិអប្សរាថ្នាក់ដឹកនាំជាតិ នៃ ចេ ស៊ី អាយ កម្ពុជា ថ្នាក់ដឹកនាំនិងសមាជិក ចេ ស៊ី អាយ កម្ពុជា សៀមរាប ស្ថាប័នពាក់ព័ន្ធ។ ជាពិសេស អ្នកចូលរួមនឹងបានជួបជាមួយអ្នកជំនាញផ្នែកយោគៈ ,សមាធិ ព្រមទាំងអ្នកជំនាញ ផ្នែកវប្បធម៌ ប្រវត្តិសាស្ត្រ លើទឹកដីអង្គរដ៏អស្ចារ្យ។

អ្នកចូលរួមកំណត់ចំនួនត្រឹមតែ២០០នាក់ប៉ុណ្ណោះសម្រាប់តម្លៃនៃការចូលរួមគឺចុះឈ្មោះជាក្រុមចាប់ពី១០នាក់ឡើងទៅនឹងទទួលបានតម្លៃពិសេស ២៥ ដុល្លារក្នុងមួយនាក់ ចុះឈ្មោះមុនគេ បង់ថ្លៃ ៣០ ដុល្លារ ចុះឈ្មោះធម្មតា ត្រូវបង់ថ្លៃ ៣៥ ដុល្លារ ជាមួយគ្នានេះ សភាយុវពាណិជ្ជករអន្តរជាតិកម្ពុជា ខេត្តសៀមរាប នឹងផ្តល់ជូនអាហារពេលព្រឹកនិងថ្ងៃត្រង់ព្រមទាំងភេសជ្ជៈរួមជាមួយនឹងរថយន្តដឹកជញ្ជូនពីសួនច្បារព្រះរាជដំណាក់ក្រុងសៀមរាប ទៅកាន់ទីតាំងរមណីយដ្ឋានអង្គរ៕ អត្ថបទ៖សារេត

The post ការដើរព្រៃនៅតំបន់អង្គរជួយឱ្យអ្នកធ្វើធុរកិច្ចក្នុងស្រុកដឹងកាន់តែច្បាស់ពីវីរៈភាពនៃមហាក្សត្រខ្មែរពីមុនៗ appeared first on .

ដោយសារ​សំណង់​ដ៏​អស្ចារ្យ និង​រក្សាបាន​នូវ​រូបរាង​ដ៏​ស្រស់ស្អាត​បែបនេះហើយ ទើប​អង្គរវត្ត​បាន​ទាក់​ទាញ​ភ្ញៀវទេសចរណ៍​រាប់​លាន​នាក់​ក្នុងមួយឆ្នាំៗ ហើយក្នុងនោះ​ក៏​មាន​តារា​ និង​បុគ្គលល្បីៗ​អន្តរជាតិ​ជាច្រើន​រូប​ទៀតផង។

យោងតាម​ការ​បង្ហោះសារ​លើបណ្ដាញ​សង្គម Twitter របស់​ម្ដាយ​ Elon Musk អ្នកស្រី Maye Musk បាន​ឲ្យដឹងថា ឪពុកម្ដាយ​របស់​លោក​ស្រី​ធ្លាប់​បាន​ធ្វើ​ដំណើរកម្សាន្ត​មក​ប្រទេស​កម្ពុជា និង​បាន​ចូលលេង​ប្រាសាទ​អង្គរវត្ត​ផងដែរ កាលពីឆ្នាំ ១៩៥៤។

សូមជម្រាបដែរថា ជីតារបស់ Elon Musk បានទទួលមរណភាពកាលពីឆ្នាំ ១៩៧៤ ខណៈជីដូនរបស់លោក​ទទួលមរណភាពនាឆ្នាំ ២០១២ ហើយបុគ្គលទាំង ២ ខាងលើ សុទ្ធតែ​មាន​ទេពកោសល្យរៀងៗខ្លួន​ ពោល Elon Musk មានជីតាជាអ្នកសេដ្ឋកិច្ចនយោបាយ អ្នកដឹកនាំអាជីពថ្នាក់ខេត្ត និងជាតិ និងអ្នកកីឡា/អ្នកផ្សងព្រេង​ និងជីដូនជាតារាម៉ូដែល៕

The post ជីដូនជីតា Elon Musk ធ្លាប់មកលេងប្រាសាទអង្គរវត្ត appeared first on .

គ្រឹះស្ថានអង្គរ បានបញ្ជាក់ថា ដើម្បីជំរុញទេសចរណ៍ផ្ទៃក្នុង ក៏ដូចជាផ្តល់ការលើកទឹកចិត្តដល់ជនបរទេសដែលស្នាក់នៅក្នុងកម្ពុជា រាជរដ្ឋាភិបាលបានសម្រេចអនុញ្ញាតផ្តល់ជូនដល់ជនបរទេសទាំងអស់ ដែលបាននិងកំពុងស្នាក់នៅកម្ពុជា ចាប់ពីពីរឆ្នាំឡើងទៅ រួមមាន មន្ត្រីការទូត, វិនិយោគិន, មន្ត្រីធ្វើការនៅអង្គការអន្តរជាតិ, ជនបរទេសធ្វើការនៅក្រុមហ៊ុន និងសហគ្រាសឯកជនគ្រប់ប្រភេទ, អ្នកជំនាញការធ្វើការនៅតាមក្រសួង ស្ថាប័នរដ្ឋ និងឯកជន រួមទាំងក្រុមគ្រួសារដែលបានស្នាក់នៅជាមួយ អាចស្នើសុំបណ្ណចូលទស្សនារមណីយដ្ឋានអង្គរ និងប្រាសាទកោះកែររយៈពេលមួយឆ្នាំម្តង ដោយមិនបង់ថ្លៃចាប់ពីថ្ងៃទី០១ ខែកញ្ញា ឆ្នាំ២០២២ តទៅ។

ចំពោះបែបបទ នៃការស្នើសុំបណ្ណចូលទស្សនារមណីយដ្ឋានអង្គរ និងប្រាសាទកោះកែររយៈពេលមួយឆ្នាំម្តង ដោយមិនបង់ថ្លៃ អាចធ្វើតាមប្រព័ន្ធអនឡាញ (តាមរយៈគេហទំព័រគ្រឹះស្ថានអង្គរ ឬគេហទំព័រ spass.angkorenterprise.gov.kh) ចាប់ពីថ្ងៃទី០៩ ខែកញ្ញា ឆ្នាំ២០២២ ឬមកដាក់ពាក្យដោយផ្ទាល់នៅគ្រឹះស្ថានអង្គរ ក្នុងពេលម៉ោងធ្វើការ និងត្រូវភ្ជាប់មកជាមួយនូវលិខិតឆ្លងដែនច្បាប់ថតចម្លង និងទិដ្ឋាការស្នាក់នៅក្នុងប្រទេសកម្ពុជា រយៈពេលចាប់ពីពីរឆ្នាំឡើងទៅចំនួនមួយច្បាប់ និងរូបថត ៤គុណ៦ រយៈពេល៦ខែចុងក្រោយចំនួនមួយសន្លឹក៕

The post កម្ពុជា អនុញាតិឱ្យមន្ត្រីទូត វិនិយោគិន និងបុគ្គលិកបរទេសនៅកម្ពុជា ធ្វើបណ្ណចូលទស្សនាអង្គរដោយឥតគិតថ្លៃ appeared first on .

សេចក្តីប្រកាសព័ត៌មានរបស់ក្រសួងរៀបចំដែនដី បានដាក់លក្ខខណ្ឌដាច់ណាត់ឱ្យម្ចាស់សំណង់ខុសច្បាប់ទាំងអស់នេះ ត្រូវរុះរើចេញជាបន្ទាន់ដោយផ្ទាល់ខ្លួន។

ទន្ទឹមនឹងនេះ រដ្ឋបាលខេត្តសៀមរាប និងអាជ្ញាធរជាតិអប្សរា ត្រូវបន្តចាត់វិធានការទប់ស្កាត់ការសាងសង់ រុះរើសំណង់ខុសច្បាប់ ហាមឃាត់ការទិញលក់ដីនិងផ្ទះគ្រប់ប្រភេទ និងមិនផ្តល់លិខិតគតិយុត្តផ្សេងៗ នៅក្នុងតំបន់រមណីយដ្ឋានអង្គរ ជាដាច់ខាត។

លើកឡើងក្នុងពេលចុះវាស់វែង កំណត់និយាមកាក្បាលដី និងអត្តសញ្ញាណអ្នកកាន់កាប់ដីនិងសំណង់ខុសច្បាប់ក្នុងតំបន់រមណីយដ្ឋានអង្គរ និងតំបន់ដទៃទៀតស្ថិតក្រោមការគ្រប់គ្រងរបស់អាជ្ញាធរជាតិអប្សរា ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ បានឱ្យដឹងថា ក្នុងឧទ្យានជាតិអង្គរសព្វថ្ងៃមានសំណង់ខុសច្បាប់ជាង ៨ពាន់ករណី។ លោកថា រយៈពេល៣ខែចុងក្រោយនេះ សំណង់ខុសច្បាប់ថ្មីកើតឡើងសរុប ៣៩៨ករណី ក្នុងនោះបានរុះរើចេញចំនួន ជាង ២០០ករណី។

ជាមួយគ្នានេះដែរ លោក ជា សុផារ៉ា ក៏បានព្រមានចាត់វិធានការច្បាប់ ចំពោះអ្នកចេញតវ៉ាការពារសំណង់ខុសច្បាប់ទាំងនេះផងដែរ។

The post រដ្ឋមន្ត្រី ជា សុផារ៉ា៖ ក្នុងឧទ្យានជាតិអង្គរសព្វថ្ងៃមានសំណង់ខុសច្បាប់ជាង ៨ពាន់ករណី appeared first on .

ដោយឡែក គិតក្នុង ខែមីនា ឆ្នាំ២០២២នេះ គ្រឹះស្ថានអង្គរ រកចំណូលបាន ៣៣៧,៤៩៩ដុល្លារ ពីការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរចំនួន ៨,១៧៧នាក់។

ក្នុងសេចក្ដីប្រកាសព័ត៌មាន ស្តីពីស្ថិតិភ្ញៀវទេសចរបរទេស និងចំណូល របស់គ្រឹះស្ថានអង្គរ ដដែល ក៏បានបង្ហាញថា ចំណូលឧបត្ថម្ភមូលនិធិ មន្ទីរពេទ្យគន្ធបុប្ផាកម្ពុជា រយៈពេល៣ខែ ឆ្នាំ២០២២នេះ មានចំនួនសរុប ៣៩,៦៨០ដុល្លារ ដែលបានពីចំណែកនៃការលក់បណ្ណ ជូនភ្ញៀវទេសចរបរទេស ចូលទស្សនារមណីយដ្ឋានអង្គរ ដើម្បីជួយសង្គ្រោះជីវិតកុមារកម្ពុជា ៕

The post ៣ខែ កម្ពុជាទទួលចំណូលពីការលក់សំបុត្រចូលទស្សនា “រមណីយដ្ឋានអង្គរ” បានជាង ៨១ម៉ឺនដុល្លារ appeared first on .

បើតាមអាជ្ញាធរជាតិអប្សរា ចំពោះថតផ្សព្វផ្សាយបន្តផ្ទាល់ពីប្រាសាទនានាក្នុងរម្មណីយដ្ឋានអង្គរមានលក្ខណៈផ្សព្វផ្សាយជាសាធារណៈដើម្បីជំរុញវិស័យទេសចរណ៍ គឺមិនតម្រូវឲ្យបង់ប្រាក់នោះទេ លើកលែងតែការស្នើសំថតលក្ខណៈអាជីវកម្មដែលតម្រូវជាចាំបាច់ឲ្យអនុវត្តតាមនីតិវិធី និងគោលការណ៍ដែលបានកំណត់។

ស្ថិតក្នុងអំឡុងពេលរាតត្បាតសកលកូវីដ-១៩ អាជ្ញាធរជាតិអប្សរា បានបើកឲ្យក្រុមហ៊ុន ឬមគ្គុទេសក៍ទេសចរណ៍ដែលមានអាជ្ញាបណ្ណត្រឹមត្រូវពីក្រសួងទេសចរណ៍កម្ពុជា ធ្វើការថតឡាយវីដេអូតាមទូរសព្ទ ដើម្បីបកស្រាយអំពីប្រវត្តិសាស្រ្តប្រាសាទនានាទៅដល់ភ្ញៀវរបស់ខ្លួន ដោយមិនគិតប្រាក់នោះទេ។ នេះបើតាមការបញ្ជាក់ក្នុងលិខិតជូនដំណឹងពីអាជ្ញាធរជាតិអប្សរា នៅថ្ងៃទី២៨ ខែធ្នូ។

ដោយឡែក សម្រាប់ការថតរូបសម្លៀកសំពាក់ប្រពៃណីបុរាណ (Pre-Wedding) ក៏តម្រូវឲ្យដាក់សំណើរថតសម្លៀកសំណាក់ប្រពៃណីបុរាណ មកកាន់អាជ្ញាធរជាតិអប្សរាផងដែរ ដើម្បីពិនិត្យនិងផ្តល់ការអនុញ្ញាតថតដោយឥតបង់ប្រាក់។ ក្នុងន័យនេះ គឺដើម្បីអាចគ្រប់គ្រង និងជៀសវាងនូវភាពអាណាធិបតេយ្យនានាក្នុងតំបន់រម្មណីយដ្ឋានអង្គររបស់កម្ពុជា៕

The post ចង់ថតវីដេអូ និងPre-wedding ក្នុងរម្មណីយដ្ឋានអង្គរ ត្រូវដាក់សំណើរសុំមកអាជ្ញាធរជាតិអប្សរា ជាមុន appeared first on .

ស្ថិតនៅក្នុងកម្មវិធីបួងសួងនោះ លោកជំទាវឧកញ៉ា សៀង ចាន់ហេង អគ្គនាយិកាក្រុមហ៊ុន ហេង អភិវឌ្ឍន៍ បានលើកឡើងថា ពិធីបួងសួងនេះ បានប្រព្រឹត្តទៅតាមទំនៀមទំលាប់បែបសាសនា ដោយមានការបូជាទៀនធូបផ្កាភ្ញី ក្នុងគោលបំណង ដើម្បីរំលឹកនឹកដល់គុណបុណ្យមហាវីរ:ដូនតា ដែលជាបុព្វបុរសបានបន្សល់នៅសម្បត្តិបិតិកភណ្ឌពិភពលោកដ៏ល្បីល្បាញកន្លងមក ហើយ។

លោកជំទាវបន្តថា ការប្រារព្ធពិធីនេះឡើងបាន ដោយសារតែប្រទេសជាតិមានសុខសន្តិភាព ជាពិសេស បង្ហាញពីគតិបណ្ឌិតរបស់ប្រមុខរាជរដ្ឋាភិបាលកម្ពុជា ដែលមានសម្តេច ហ៊ុន សែន និងសម្តេច ប៊ុន រ៉ានី បានគោរពស្រឡាញ់ប្រណិបត្តិ ព្រះពុទ្ធសាសនា ជាសាសនារបស់រដ្ឋ ដើម្បីថែរក្សាការពារវិស័យព្រះពុទ្ធសាសនា ឱ្យកាន់តែមានភាពរុងរឿងនឹងរីកចំរើនជារៀងរហូត។

ទន្ទឹមនឹងនោះ នៅថ្ងៃអង្គារស្អែកនេះ ក៏មានពិធីបួងសួងនៅមុខអង្គរវត្ត សម្រាប់ព្រឹត្តិការណ៍រំលឹកគុណអង្គរផងដែរ ដែលមានកម្មវិធីសាសនា កម្មវិធីសម្តែងសិល្ប:ជាច្រើនទម្រង់ និងកម្មវិធីកំសាន្តជាច្រើនទៀត រហូតដល់ថ្ងៃទី១៦ ខែធ្នូ ឆ្នាំ២០២១៕

The post អាជ្ញាធរជាតិអប្សរា សហការជាមួយឧកញ៉ា សៀង ចាន់ហេង រៀបចំពិធីបុណ្យដឹងគុណមហាវីរៈដូនតា នៅតំបន់អង្គរ appeared first on .

នេះគឺជាការរំឭកស្មារតីកូនខ្មែរគ្រប់រូបឲ្យចេះស្រឡាញ់ និងចូលរួមថែរក្សាបេតិកភណ្ឌ ជាពិសេសគឺសម្តែងនូវការដឹងគុណដ៏ជ្រាលជ្រៅដល់បុព្វបុរសខ្មែរ ដែលបានពលិកម្មដើម្បីបុព្វហេតុអារ្យធម៌ដ៏រុងរឿងរបស់ខ្មែរនាសម័យអតីតកាល និងការតស៊ូជាបន្តបន្ទាប់របស់ថ្នាក់ដឹកនាំប្រទេសក្នុងការជម្នះរាល់ឧបសគ្គទាំងឡាយ ការពារឲ្យបាននូវសម្បត្តិបេតិកភណ្ឌដ៏មានតម្លៃរបស់ជាតិ និងពិភពលោកទាំងមូល ។

បច្ចុប្បន្នអង្គរវត្ត ក៏ដូចជា តំបន់រមណីយដ្ឋានអង្គរទាំងមូល បានក្លាយជាគោលដៅទេសចរណ៍ដ៏អស្ចារ្យបំផុតលេខ១ លើពិភពលោក ដោយបានទាក់ទាញភ្ញៀវទេសចរជាតិ-អន្តរជាតិរាប់លាននាក់ មកទស្សនា និងបានស្គាល់ពីសម្បតិ្តវប្បធម៌ប្រទេសកម្ពុជាយើង។

រដ្ឋាភិបាលកម្ពុជាបានប្តេជ្ញាចិត្តយ៉ាងមុតមំាក្នុងការអភិរក្សបេតិកភណ្ឌមួយដ៏អស្ចារ្យនេះ ។ បច្ចុប្បន្នអង្គរវត្តបានក្លាយជាគោលដៅទេសចរណ៍លេខ១នៅលើពិភពលោក ដោយបានទាក់ទាញភ្ញៀវទេសចរអន្តរជាតិរាប់លាននាក់ មកទស្សនា និងបានស្គាល់ពីសម្បតិ្តវប្បធម៌ប្រទេសកម្ពុជា ។ កិច្ចការពារសម្បត្តិបេតិកភណ្ឌវប្បធម៌ ជាភារកិច្ចរបស់កូនខ្មែរគ្រប់ៗរូប៕

The post ខួបលើកទី ២៨ឆ្នាំ នៃការដាក់បញ្ចូលតំបន់រមណីយដ្ឋានអង្គរ ក្នុងបញ្ជីបេតិកភណ្ឌពិភពលោក appeared first on .

អគារនេះត្រូវបានសាងសង់ដោយក្រុមហ៊ុន​ Green Angkor Culture PLC., មានបន្ទប់ស្រី​ចំនួន៨ បុរសចំនួន៦ បង្គន់នោមបុរសចំនួន៦ និងបង្គន់សម្រាប់ជនពិការចំនួន២​ (ស្រី១ប្រុស១) សម្រាប់ឱ្យភ្ញៀវទេសចរជាតិ​ អន្តរជាតិ និងបងប្អូនប្រជាពលរដ្ឋអាចប្រើប្រាស់​ ក្នុងគោលបំណងលើកកម្ពស់សោភ័ណភាព​ បរិស្ថាន និងអនាម័យ នៅតំបន់រមណីយដ្ឋានអង្គរ​ បេតិកភណ្ឌពិភពលោក​។

បន្ទប់ទឹកអនាម័យនេះនឹងស្ថិតក្រោមការថែទាំរបស់គ្រឹះស្ថានអង្គរ​ ដើម្បីចូលរួមចំណែកយ៉ាងសំខាន់ក្នុងការលេីកកម្ពស់ការផ្តល់សេវាកម្មទេសចរណ៍​ក្នុងរមណីយដ្ឋាន​អង្គរ៕

ប្រភព៖ អាជ្ញាធរជាតិអប្សរា

The post បន្ទប់ទឹកសាធារណៈកម្រិតស្តង់ដារអន្តរជាតិនឹងដាក់ឱ្យដំណើរការនៅបរិវេណមុខប្រាសាទអង្គរវត្ត appeared first on .