នៅថ្ងៃទី១៤ ខែមករា គយចិនបានប្រកាសថា ទាំងការនាំចេញ និងការនាំចូលបានកើនឡើងយ៉ាងខ្លាំង ជាពិេសសនៅក្នុងខែធ្នូ ដោយការនាំចេញបានកើនឡើង ៦,៦% និងការនាំចូលកើនឡើង ៥,៧% ដែលជាចំនួនលើសពីការព្យាករទុក។

ទន្ទឹមនឹងនេះ អតិរេកពាណិជ្ជកម្មសម្រាប់ឆ្នាំ២០២៥ ទាំងមូល ត្រូវបានគេព្យាករថានឹងឈានដល់ចំនួនបំបែកកំណត់ត្រា ១,១៨ទ្រីលានដុល្លារ។ យ៉ាងណាមិញ នៅក្នុងរយៈពេលត្រឹម ១១ ខែដំបូង តួលេខនេះបានកើនឡើងលើសពី ១ទ្រីលានដុល្លារ រួចទៅហើយ។

ជម្រាបជូនផងដែរថា កាលពីឆ្នាមមុន ប្រទេសចិន បានកត់ត្រាអតិរេកពាណិជ្ជកម្មតែជាង ១០០ពាន់លានដុល្លារប៉ុណ្ណោះ សម្រាប់រយៈពេល ៥ខែដំបូង ដោយសារតែប្រាក់យ៉ន់ចុះខ្សោយ។ បន្ថែមពីនោះ ក្រោមសម្ពាធពន្ធនាំចូលរបស់សហរដ្ឋអាមេរិក ក្រុមហ៊ុននាំចេញបានកាត់បន្ថយការពឹងផ្នែកលើទីផ្សារនេះ ដោយផ្លាស់ប្តូរការផ្តោតអារម្មណ៍របស់ពួកគេទៅកាន់អាស៊ីអាគ្នេយ៍ អាហ្រ្វិក និងអាមេរិកឡាទីនជំនួសវិញ។

ប៉ុន្តែទោះជាយ៉ាងណា អ្នកសេដ្ឋកិច្ចព្យាករថា ចិន ដែលជាប្រទេសមានសេដ្ឋកិច្ចធំបំផុតទីពីរលើលោក នឹងបន្តបង្កើនចំណែកទីផ្សាររបស់ខ្លួននៅក្នុងពាណិជ្ជកម្មសកលនៅឆ្នាំនេះ។ អាជីវកម្មនៅក្នុងប្រទេសនេះ បានបង្កើតរោងចក្រផលិតនៅក្នុងប្រទេសដែលមានពន្ធនាំចូលទាបនៅពេលចូលទៅក្នុងសហរដ្ឋអាមេរិក និងសហភាពអឺរ៉ុប (EU)។ ហើយជាមួយគ្នានេះ តម្រូវការសម្រាប់បន្ទះឈីប និងគ្រឿងអេឡិចត្រូនិចកម្រិតទាបក៏រួមចំណែកដល់ការកើនឡើងនៃការនាំចេញរបស់ទីក្រុងប៉េកាំងផងដែរ៕​

​

The post ចិន រំពឹងមានអតិរេកពាណិជ្ជកម្មលើសពី ១ទ្រីលានដុល្លារ ទោះរងសម្ពាធពន្ធពីអាមេរិក appeared first on .

ការិយាល័យបានរាយការណ៍ថា ចំណូលនៃការនាំចេញ នាំចូលសរុបនៃទំនិញមានចំនួន ៥៨៧,៦៨ ពាន់លានដុល្លារ ធ្លាក់ចុះ ៩% ពីមួយឆ្នាំទៅមួយឆ្នាំ ខណៈដែលការនាំចេញថយចុះ ៦,៤% និងការនាំចូលធ្លាក់ចុះ ១១,៧% បើធៀបនឹងរយៈពេលដូចគ្នាកាលពីឆ្នាំមុន។

វិស័យក្នុងស្រុកហាក់បីកំពុងមានឱនភាពពាណិជ្ជកម្មជាង ១៩ ពាន់លានដុល្លារ ហើយវិស័យវិនិយោគបរទេស (រួមទាំងប្រេងឆៅ) បានប្រកាស អតិរេកពាណិជ្ជកម្មចំនួន ៤៣,៤៩ ពាន់លានដុល្លារផងដែរ។ 

ក្នុងនោះ ​នារយៈពេល ១១ ខែដំបូងនៃឆ្នាំ ២០២៣ នេះ ផលិតផលចំនួន ៣៣ មុខបានប្រកាសពីចំណូលនៃការនាំចេញលើសពី ១ ពាន់លានដុល្លារ ឬស្មើនឹង ៩២,៩% នៃចំនួនផលិតផលសរុបរបស់ប្រទេស។ ជាពិសេស ទំនិញចំនួនប្រាំពីរមុខបានកត់ត្រាទំហំនៃការនាំចេញជាង ១០ ពាន់លានដុល្លារ ដែលស្មើនឹង ៦៦,១% ។

មិនត្រឹមតែប៉ុណ្ណោះ អនុរដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាម លោក Do Thang Hai បានឲ្យដឹងថា ក្រសួងនឹងជំរុញការចរចាចុះហត្ថលេខាលើកិច្ចព្រមព្រៀងថ្មី ក៏ដូចជាការប្តេជ្ញាចិត្តលើកិច្ចព្រមព្រៀងពាណិជ្ជកម្មសេរី និងកិច្ចព្រមព្រៀងពាណិជ្ជកម្មជាមួយដៃគូដែលមានសក្តានុពលបន្ថែមទៀត ដើម្បីធ្វើពិពិធកម្មទីផ្សារ ផលិតផល និងខ្សែសង្វាក់ផ្គត់ផ្គង់៕ 

The post ១១ ខែមកនេះ វៀតណាមទទួលបានអតិរេកពាណិជ្ជកម្មជាង ២៤ ពាន់លានដល្លារ  appeared first on .

អនុប្រធានស្ថិតិឥណ្ឌូនេស៊ី (BPS) លោក Imam Machdi បាននិយាយនៅក្នុងសន្និសីទសារព័ត៌មានមួយកាលពីថ្ងៃទី ១៥ ខែឧសភា កន្លងទៅថា សមតុល្យពាណិជ្ជកម្មរបស់ប្រទេសខ្លួន បានកត់ត្រាអតិរេកពាណិជ្ជកម្មសម្រាប់រយ:ពេល ៣៦ ខែជាប់ៗគ្នារួចមកហើយ ដោយគិតចាប់តាំងពីខែឧសភា ឆ្នាំំ ២០២០ ។

គួរឱ្យដឹងថា តម្លៃនៃការនាំចេញសរុបរបស់ឥណ្ឌូនេស៊ី បានកត់ត្រាក្នុងចំនួន ១៩,២៩ពាន់លានដុល្លារ នៅក្នុងខែមេសា ខណ:ការនាំចូលសរុបវិញ មានចំនួន ១៥,៣៥ពាន់លានដុល្លារ ។

ជម្រាបជូនផងដែរថា ចាប់ពីខែមករា ដល់ខែមេសា ឆ្នាំ ២០២៣ នេះ ការនាំចេញទំនិញមិនមែនប្រេង និងឧស្ម័នរបស់ឥណ្ឌូនេស៊ី ភាគច្រើនត្រូវបានដឹកជញ្ជូនទៅកាន់ប្រទេសចិន សហរដ្ឋអាមេរិក និងប៉ុន ដោយមានចំណែក ៤២,៩%​ នៃការនាំចេញទំនិញសរុប ៕

The post ឥណ្ឌូនេស៊ី បន្តកត់ត្រាអតិរេកពាណិជ្ជកម្មខ្ពស់បំផុត រយ:ពេល ៣៦ ខែជាប់ៗគ្នា appeared first on .

ប្រទេស ដែលមានសេដ្ឋកិច្ចធំជាងគេ នៅក្នុងតំបន់អាស៊ីអាគ្នេយ៍មួយនេះ បានរាយការណ៍អំពីចំនួនលើសនៃពាណិជ្ជកម្ម ដែលបានព្យាករទុក ជារៀងរាល់ខែ ចាប់តាំងពីខែឧសភា ឆ្នាំ ២០២០ មក ជាមួយនឹងការនាំចេញ ត្រូវបានជំរុញដោយការកើនឡើងនៃតម្លៃទំនិញ ។

ហើយយ៉ាងណា ចំពោះអតិរេក នៅខែសីហា គឺជាចំនួនកើនឡើងដ៏ច្រើនបំផុតមួយ ចាប់តាំងពីមេសា ដែលមានចំនួនអតិរេក ៧,៥៦ ពាន់លានដុល្លារ ខណ:ចំនួននេះ ត្រូវបានកត់ត្រាថាជាចំនួនអតិរេកដ៏ធំបំផុត របស់ប្រទេសឥណ្ឌូនេស៊ី ។

គួរឱ្យដឹងថា ការនាំចេញរបស់ឥណ្ឌូនេស៊ី បានកើនឡើង ៣០,១៥% នៅក្នុងខែសីហា ដល់ចំនួន ២៧,៩១ ពាន់លានដុល្លារ ជាមួយនឹងការនាំចេញប្រេង ឧស្ម័ន និងផលិតផលរ៉ែ ដែលបានកើនឡើងខ្លាំង ធៀបនឹងការព្យាករដែលរំពឹងទុក ១៩,១៩% ។ ទន្ទឹមនឹងនោះ សម្រាប់ការនាំចូលវិញ មានតម្លៃ ២២,១៥ ពាន់លានដុល្លារ ពោលគឺបានកើនឡើង ៣២,៨១% បើធៀបនឹងការព្យាករដែលមានកំណើនត្រឹម ៣០,៦០% ៕

The post ឥណ្ឌូនេស៊ី ទទួលបានអតិរេកពាណិជ្ជកម្មជិត ៥ ពាន់លានដុល្លារ នៅក្នុងខែសីហា appeared first on .