យោងតាមគេហទំព័ររបស់ក្រុមហ៊ុនអាកាសចរណ៍ចិន ដែលគ្រប់គ្រងដោយរដ្ឋ បានបង្ហាញឲ្យដឹងថាជើងហោះហើរពីរដ្ឋធានីប៉េកាំង ទៅកាន់ទីក្រុងព្យុងយ៉ាង រដ្ឋធានីរបស់កូរ៉េខាងជើង នឹងដំណើរការរៀងរាល់ថ្ងៃច័ន្ទ រហូតដល់ថ្ងៃទី១៨ ខែឧសភា ហើយនឹងត្រូវកាត់បន្ថយមកនៅត្រឹមតែពីរជើង ក្នុងមួយខែវិញ ចាប់ពីខែមិថុនា។

គួរឲ្យដឹងថា នៅឆ្នាំ២០២០ ជាមួយនឹងការចាប់ផ្តើមនៃជំងឺរាតត្បាតកូវីដ កូរ៉េខាងជើង បានហាមឃាត់អ្នកទេសចរ បញ្ជូនអ្នកការទូតចេញ និងកាត់បន្ថយចរាចរណ៍ព្រំដែនយ៉ាងខ្លាំងក្លា ដែលត្រូវបានចាត់ទុកថាការរឹតបន្តឹងកូវីដដ៏តឹងរ៉ឹងបំផុតមួយរបស់ពិភពលោក។

យ៉ាងណាមិញ នៅពីរឆ្នាំក្រោយមក ទីក្រុងព្យុងយ៉ាង បានចាប់ផ្តើមបន្ធូរបន្ថយការរឹតបន្តឹង និងបើកព្រំដែនរបស់ខ្លួនឡើងវិញបន្តិចម្តងៗ ដោយនៅឆ្នាំ២០២៣ ក្រុមហ៊ុនអាកាសចរណ៍ Air Koryo របស់កូរ៉េខាងជើងបានបន្តជើងហោះហើររវាងរដ្ឋធានីនៃប្រទេសទាំងពីរឡើងវិញ។

នៅខែកុម្ភៈ ឆ្នាំ២០២៤ កូរ៉េខាងជើង ក៏បានទទួលយកអ្នកទេសចររុស្ស៊ីមួយចំនួនសម្រាប់ការទស្សនាកម្សាន្តផងដែរ និងត្រូវបានចាត់ទុកជាជនជាតិបរទេសដំបូងគេដែលបានមកទស្សនាប្រទេសនេះ។ ក្រោយមក កូរ៉េខាងជើង ក៏បានចាប់ផ្តើមស្វាគមន៍អ្នកទេសចរផ្សេងទៀតផងដែរ៕​

The post ក្រុមហ៊ុនអាកាសចរណ៍ចិន នឹងបន្តជើងហោះហើរត្រង់ទៅកាន់ប្រទេសកូរ៉េខាងជើងឡើងវិញ appeared first on .

លោក ធឿន វុឌ្ឍី មគ្គទេសក៍ ទេសចរណ៍នៅខាងខេត្តសៀមរាបយល់ឃើញថា«នេះគឺជាសញ្ញាល្អ និងក្រើនរំលឹកទៅដល់អ្នកប្រកបអាជីវកម្មនៅក្នុងវិស័យទេសចរណ៍ត្រៀមឱ្យបានរួចរាល់ដើម្បីទទួលភ្ញៀវទេសចរដែលបានចូលមកដល់ខេត្តសៀមរាប ហើយខ្ញុំមានក្តីសង្ឃឹមថាវាគឺជាកត្តាជំរុញមួយបន្ថែមទៀតធ្វើឱ្យវិស័យទេសចរណ៍មួយនេះងើបឡើងវិញជាបន្តបន្ទាប់»។

លោក ហូ វណ្ឌី ប្រធានក្រុមប្រឹក្សានៃសមាគមទេសចរណ៍កម្ពុជា មើលឃើញថា(១) ការដាក់សាកល្បងឱ្យមានយន្តហោះ ហោះចូលព្រលានយន្តហោះអន្តរជាតិសៀមរាបអង្គរថ្មីៗនេះវាជាការផ្តល់នូវទំនុកទុកចិត្តមួយទៅដល់ក្រុមហ៊ុនអាកាសចរណ៍ដែលបានវិនិយោគតាមផ្លូវអាកាសទំាងអស់,(២)បង្ហាញឱ្យឃើញនៅការរៀបចំខ្លួនរៀបរយនៅប្រព័ន្ធនៅតាមយន្តហោះរបស់ខ្លួនឯង(៣)ផ្តល់ទំនុកចិត្តទៅដល់ភ្ញៀវទេសចរ ហើយព្រលានមួយដឹកទំនិញផងដែរ។

លោកបញ្ជាក់ថា« ដូចនេះការដាក់ឱ្យសាកល្បងព្រលានយន្តហោះនេះ ត្រូវតែត្រៀមនិងរៀបចំខ្លួនឱ្យបានរួចរាល់មុនថ្ងៃទី១៦ខែតុលាខាងមុខនេះ»។

លោក ប៊ុន រដ្ឋា ទីប្រឹក្សា រដ្ឋលេខាធិការដ្ឋានអាកាសចរណ៍ស៊ីវិល និងជានាយក អាកាសយាន្ដដ្ឋានអន្ដរជាតិសៀមរាប អង្គរថ្មីៗនេះ មានប្រសាសន៍ថា ជើងហោះហើរចំនួនបីព្រមគ្នាតែម្តងក្នុងរយៈពេលមួយម៉ោង មានក្រុមហ៊ុនអាកាសចរចំនួនបី គឺក្រុមហ៊ុន Sky Angkor Airlines ហោះមកពីអាកាសយានដ្ឋាន អន្តរជាតិភ្នំពេញ, ក្រុមហ៊ុន Cambodia Airways ហោះមកពីអាកាសយានដ្ឋានអន្តរជាតិក្រុងព្រះសីហនុ, និងក្រុមហ៊ុន China Eastern Airlines ហោះមកពីអាកាសយានដ្ឋានអន្តជាតិគុនមីង នៃសាធារណរដ្ឋប្រជាមានិតចិន។

សូមបញ្ជាក់ជូនថា៖ អាកាសយានដ្ឋានអន្តរជាតិសៀមរាបអង្គរ បានវិនិយោគទឹកប្រាក់ចំនួន ១,១០០លាន ដុល្លារអាមេរិក មានចំណតសម្រាប់ចតអាកាសយានចំនួន៣៨ ចំណតមានសមត្ថភាពទទួលអ្នកដំណើរតាមផ្លូវអាកាសបាន៧លាននាក់ក្នុងឆ្នាំ២០២៤ និង១២លាននាក់ក្នុងឆ្នាំ២០៤០ខាងមុខមានសមត្ថភាពផ្ទុកទំនិញតាមផ្លូវអាកាសបានចំនួន១០,០០០តោនក្នុងឆ្នាំ២០២៤ និង២៦,០០០ តោនក្នុងឆ្នាំ២០៤០ខាងមុខ អាចទទួលជើងហោះហើរបានចំនួន ៦៥,៨០០ជើងក្នុងឆ្នាំ២០២៤ និង១១២,៧០០ ជើង ក្នុងឆ្នាំ ២០៤០៕ អត្ថបទ៖សារេត

The post ការដាក់ឱ្យសាកល្បងព្រលានយន្តហោះថ្មីសៀមរាបអង្គរជាសារបញ្ជាក់ប្រាប់ម្ចាស់អាជីវកម្មក្នុងស្រុកឱ្យត្រៀមខ្លួនទទួលភ្ញៀវទេសចរ appeared first on .

លោក Srettha បានមានប្រសាសន៍ថា រដ្ឋាភិបាលថ្មី ដែលដឹកនាំដោយគណបក្សភឿថៃ នឹងបន្តកិច្ចខិតខំប្រឹងប្រែង ដើម្បីជំរុញលើវិស័យទេសចរណ៍ ដែលត្រូវបានចាត់ទុកថាជាផ្នែកដ៏សំខាន់បំផុតមួយនៃសេដ្ឋកិច្ចរបស់ប្រទេស ។

គណបក្សភឿថៃ កំពុងកំណត់គោលដៅក្នុងការសាងសង់ប្រលានយន្តហោះថ្មី នៅឈៀងម៉ៃ និងភូកេត ដែលជាទិសដៅទេសចរណ៍ដ៏សំខាន់បំផុត សម្រាប់អ្នកធ្វើដំណើរទាំងក្នុងស្រុក និងអន្តរជាតិ។ ហើយទន្ទឹមនឹងនោះ អាកាសយានដ្ឋានទាំងអស់នៅទូទាំងប្រទេស ក៏នឹងត្រូវធ្វើការកែលម្អឡើងវិញ ដើម្បីស្វាគមន៍ភ្ញៀវទេសចរមកពីជុំវិញពិភពលោក ផងដែរ។

លោក Srettha បានសង្កត់ធ្ងន់ទៀតថា សម្រាប់គម្រោងសាងសង់អាកាសយានដ្ឋានថ្មីនេះ គួរតែអាចធ្វើឱ្យការមកដល់ និងការចាកចេញរបស់ភ្ញៀវទេសចរ នៅពេលយប់កាន់តែមាន​ផាសុកភាព​ ខណ:បច្ចុប្បន្ននេះ ប្រលានយន្តហោះដែលមានស្រាប់ នៅតែមានកម្រិតនៅឡើយ៕

The post គណបក្សភឿថៃ បង្ហើបពីគម្រោងសង់អាកាសយានដ្ឋានថ្មី លើកកម្ពស់វិស័យទេសចរណ៍ appeared first on .

ទន្ទឹមគ្នាជាមួយនឹងការបើកជើងហោះហើរឡើង​​វិញនេះ នៅកិច្ចប្រជុំលើកទី២ របស់ក្រុមការងារប្រតិបត្តិដើម្បីវាយតម្លៃ និងគ្រប់គ្រង​គោលដៅ​ទេស​ចរណ៍​សុវត្ថិភាពខេត្តសៀមរាប របស់អន្តរក្រសួង កាលពីសប្តាហ៍កន្លងទៅ ឯក​ឧត្ដម ថោង ខុន រដ្ឋ​មន្រ្តី​ក្រសួងទេសចរណ៍ បានជំរុញឱ្យរដ្ឋបាលខេត្តសៀមរាប ពង្រឹង​លើមូលដ្ឋាន​អាជីវ​កម្ម​ទេស​ចរណ៍ក្នុងខេត្ត ឱ្យបានទទួលឡាបិល បញ្ជាក់ការអនុវត្តបានត្រឹមត្រូវតាម SOP របស់​ក្រសួងទេសចរណ៍ និងជំរុញការចាក់វ៉ាក់សាំងឱ្យបានគ្រប់ដូសជូនប្រជាពលរដ្ឋ​ក្នុងមូលដ្ឋាន។

ឯកឧត្ដម ថោង ខុន បានបញ្ជាក់ទៀតថា ការកំណត់តំបន់ ឬគោលដៅទេសចរណ៍សុវត្ថិភាព ត្រូវផ្អែកលើសូច​នា​ករ​សមិទ្ធកម្មចំនួន៤ ដែលរួមមាន៖ ទី១៖ អត្រានៃការចាក់វ៉ាក់សាំង សំដៅបង្កើតភាពស៊ាំសហគមន៍ ទី២៖ អត្រា​​អ្នកជំងឺកូវីដ-១៩ កម្រិតមធ្យម និងកម្រិតធ្ងន់ និងអត្រាស្លាប់នៃអ្នកជំងឺកូវីដ-១៩ ទី៣៖ សមត្ថភាពឆ្លើយតប និងព្យាបាល និងការគ្រប់​គ្រងហានិភ័យ ដែលអាចកើតមានពីវីរុសបំប្លែងថ្មី និងទី៤៖ ការត្រៀមខ្លួនរបស់ឧស្សាហ​កម្មទេសចរណ៍។

គួរបញ្ជាក់ថា ការបើកជើងហោះហើរទៅមក បាង​កក-សៀម​រាបឡើង​​វិញ នេះ ក្រសួងទេសចរណ៍ ក៏បានអំពាវនាវដល់សមាគមទេសចរណ៍ ប្រតិបត្តិករ​ទេស​ចរណ៍​ និង​សាធារ​ណ​ជនបន្តចូលរួមផ្សព្វផ្សាយ ក៏ដូចជាជំរុញទេសចរអន្តរជាតិមកកាន់​គោ​លដៅ​ទេសចរណ៍ខេត្តសៀមរាប ដែលជាគោលទេសចរណ៍វប្បធម៌ និងប្រវត្តិសាស្រ្តដ៏សំខាន់​បំផុតមួយរបស់កម្ពុជា។

ជាមួយគ្នានេះ នៅកិច្ចប្រជុំលើកទី២ របស់ក្រុមការងារប្រតិបត្តិដើម្បីវាយតម្លៃ និងគ្រប់គ្រង​គោលដៅ​ទេសចរណ៍​សុវត្ថិភាពខេត្តសៀមរាប របស់អន្តរក្រសួង ក៏បានវាយតំលៃ និងទទួល​ស្គាល់ខេត្តសៀមរាប ជាគោលដៅទេសចរណ៍សុវត្ថិភាព និងបានកោត​សរសើរ​ចំពោះរដ្ឋបាល​ខេត្តសៀមរាប ដែលបានចូលរួមអនុវត្តវិធានការនានារបស់​រាជរដ្ឋាភិបាលក្នុងការ​ទប់ស្កាត់​ការរីករាលដាលជំងឺកូវីដ-១៩ ក្នុងខេត្តសៀមរាបនាពេលកន្លងមក ប្រកបដោយប្រ​សិទ្ធភាព និងការទទួលខុសត្រូវខ្ពស់ រហូតឈានដល់ការបើកដំណើរការសកម្មភាពទេសចរណ៍ និងសេដ្ឋកិច្ចនានា ក្នុងគន្លងប្រក្រតីភាពថ្មី៕

The post ក្រុមហ៊ុន​អាកាស​ចរ​ណ៍ Thai Smile នឹងបើកដំ​ណើរ​​ការ​ហោះ​​ហើរ​​​​​បាង​កក-សៀម​រាប ឡើង​​វិញ ចាប់​ពីថ្ងៃទី៣ ​មីនា appeared first on .