នៅក្នុងជំនួបជាមួយលោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍នៅថ្ងៃទី១ ខែធ្នូ ឆ្នាំ២០២៤នាខេត្តសៀមរាប លោក លូ វេយ បានឱ្យដឹងថា៖អាកាសយានដ្ឋានរំពឹងថាទទួលបានចំនួនអ្នកដំណើរដល់ ១,៤ លាននាក់នៅត្រឹមដំណាច់ឆ្នាំ២០២៤និងចំនួន២លាននាក់នៅក្នុងឆ្នាំ២០២៥។

លោកបានលើកឡើងថា៖ក្រុមហ៊ុនបាននិងកំពុងកិច្ចខិតខំផ្សព្វផ្សាយនិងការរៀបចំព្រឹត្តិការណ៍នានា ដើម្បីទាក់ទាញភ្ញៀវទេសចរ ជាពិសេសភ្ញៀវទេសចរចិន។

ប្រធានក្រុមប្រឹក្សាភិបាលនៃអាកាសយានដ្ឋានអន្តរជាតិសៀមរាបអង្គរ បានឱ្យដឹងទៀតថា៖ក្រុមហ៊ុនអភិវឌ្ឍន៍អាកាសយានដ្ឋានអន្តរជាតិអង្គរ Yunnan Investment Group គ្រោងនឹងអភិវឌ្ឍតំបន់នៅជុំវិញអាកាសយានដ្ឋាន ដើម្បីទាក់ទាញការវិនិយោគឧស្សាហកម្មដែលបង្កើតតម្លៃបន្ថែមខ្ពស់។

លោករដ្ឋមន្ត្រីឧស្សាហកម្ម បានលើកឡើងថា៖ “យើងចង់ឱ្យក្រុមហ៊ុនវិនិយោគ ទាំងតូច និងទាំងធំ ទទួលជោគជ័យ។ នៅពេលដែលឧស្សាហកម្មក្នុងស្រុករីកចម្រើន ការដឹកជញ្ជូនតាមផ្លូវអាកាសនឹងកើនឡើង ដែលនឹងជំរុញការអភិវឌ្ឍអាកាសយានដ្ឋាននេះ និងតំបន់ជុំវិញបន្ថែមទៀត។”

អាកាសយានដ្ឋានអន្តរជាតិសៀមរាបថ្មី ដែលមានចំងាយប្រមាណ ៥០ គីឡូម៉ែត្រពីទីក្រុងសៀមរាប ត្រូវបានបើកដំណើរការជាផ្លូវការក្នុងខែតុលា ឆ្នាំ២០២៣។ អាកាសយានដ្ឋាននេះមានសមត្ថភាពទទួលអ្នកដំណើររហូតដល់ ៧ លាននាក់ក្នុងមួយឆ្នាំ ដោយផ្តល់ជាច្រកចេញចូលដ៏ទំនើបមួយទៅកាន់តំបន់បេតិកភណ្ឌពិភពលោករបស់អង្គការយូណេស្កូ រួមមានប្រាង្គប្រាសាទអង្គរវត្តនិងប្រាសាទបុរាណជាច្រើន៕

The post អាកាសយានដ្ឋានអន្តរជាតិសៀមរាបអង្គរ ទទួលបានអ្នកដំណើរចំនួន ១,៣ លាននាក់ក្នុងរយៈពេល១១ខែ នៃឆ្នាំ២០២៤ appeared first on .

ក្នុងពិធីអបអរសាទរគម្រប់ខួប១ឆ្នាំនៃការបើកដំណើរការជាផ្លូវការអាកាសយានដ្ឋានអន្តរជាតិសៀមរាបអង្គរ(SAI) កាលពីថ្ងៃទី១៦ ខែតុលា ឆ្នាំ២០២៤ លោក ម៉ៅ ហាវណ្ណាល់  រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល បានឱ្យដឹងថា អាកាសយានដ្ឋានអន្តរជាតិសៀមរាបអង្គរ ជាសមិទ្ធផលមួយ ដែលកើតចេញពី «គំនិតផ្ដួចផ្ដើមខ្សែក្រវ៉ាត់ និងផ្លូវ» ក្រោមកិច្ចសហប្រតិបត្តិការកម្ពុជា-ចិន បានកំពុងលើកកម្ពស់កិច្ចសហប្រតិបត្តិការរវាងប្រទេសទាំងពីរ ជាពិសេសបានពង្រីកយ៉ាងលឿន នូវកិច្ចសហការទៅលើវិស័យសំខាន់ៗ សម្រាប់ជាប្រយោជន៍ ដល់ការកែលម្អការអភិវឌ្ឍសេដ្ឋកិច្ច នៃប្រទេសទាំងពីររួមមានការពង្រឹងផលិតភាពសេដ្ឋកិច្ច, ការបង្កើនពាណិជ្ជកម្មឧស្សាហកម្ម, ទេសចរណ៍, ការវិនិយោគវិស័យកសិកម្ម និងវិស័យដឹកជញ្ជូនទំនាក់ទំនងគ្នាទៅវិញទៅមករវាងប្រជាជន និងប្រជាជន។

ជាមួយគ្នានោះ រដ្ឋលេខាធិការដ្ឋានអាកាសចរណ៍ស៊ីវិល បានឱ្យដឹងថា ចាប់តាំងពីបើកដំណើរការបានជិត ១ឆ្នាំកន្លងមកនេះ  អាកាសយានដ្ឋានអន្តរជាតិសៀមរាបអង្គរ ទទួលបានជើងហោះហើរ ចេញ-ចូល (ទ្វេទិស) មានចំនួនជាង ១៤,៥៥៦ជើង, អ្នកដំណើរ ចេញ-ចូល (ទ្វេទិស) មានចំនួនជាង ១,៣០០,០៤៨នាក់ និងទំនិញតាមផ្លូវអាកាស ចេញ-ចូល (ទ្វេទិស) មានចំនួនជាង ៨២តោន ខណៈរដ្ឋលេខាធិការដ្ឋានអាកាសចរណ៍ស៊ីវិលរំពឹងថា នឹងមានអ្នកដំណើរ (ចេញ-ចូល) កើនដល់១លាន៥០ម៉ឺននាក់ នៅដំណាច់ឆ្នាំ២០២៤ (ប្រភពALAI)។

ដោយឡែកសម្រាប់រយៈពេល ៩ខែ (មករា-កញ្ញា) ឆ្នាំ២០២៤ ស្ថានភាពដឹកជញ្ជូនតាមផ្លូវអាកាសនៅអាកាសយានដ្ឋានអន្តរជាតិសៀមរាបអង្អរ (SAI) មានជើងហោះហើរ ចេញ-ចូល (ទ្វេទិស)  ១០,៩៨៩ ជើង មានការកើនឡើងប្រមាណ ២៤% បើធៀបរយៈពេលទៅនឹងរយៈពេលដូចគ្នា នៅឆ្នាំ២០២៣។

ក្នុងនោះ អ្នកដំណើរ ចេញ-ចូល (ទ្វេទិស) មានចំនួន ៩៧៤,២០៣ នាក់មានការកើនឡើងប្រមាណ ៣១% បើធៀបរយៈពេលទៅនឹងរយៈពេលដូចគ្នា នៅឆ្នាំ២០២៣ និងទំនិញតាមផ្លូវអាកាស ចេញ-ចូល (ទ្វេទិស) មានចំនួនជាង ៧៦តោន (៧៦,០០០គីឡូក្រាម) មានការថយចុះប្រមាណ ៤៦% បើធៀបរយៈពេលទៅនឹងរយៈពេលដូចគ្នា នៅឆ្នាំ២០២៣៕

The post ៩ខែមកនេះ អាកាសយានដ្ឋានអន្តរជាតិសៀមរាបអង្គរ ទទួលបានជើងហោះហើរ ចេញ-ចូល ជាង ១ម៉ឺនជើង កើនឡើងប្រមាណ ២៤% appeared first on .

បន្ថែមទៀតនោះ កម្ពុជាក៏កំពុងអភិវឌ្ឍន៍គម្រោងលើកកម្រិតស្តង់ដាអាកាសយានដ្ឋានអន្តរជាតិចំនួន១ គឺអាកាសយានដ្ឋានអន្តរជាតិខេត្តព្រះសីហនុ។

លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល ក្នុងពិធីសម្ពោធដាក់ឱ្យប្រើប្រាស់ជាផ្លូវការអាកាសយានដ្ឋានអន្តរជាតិសៀមរាបអង្គរ បានឲ្យដឹងថា យើងក៏មានគម្រោងអភិវឌ្ឍអាកាសយានដ្ឋានមណ្ឌលគិរីថ្មី និងអាកាសយានដ្ឋានកោះរុង ក៏ស្ថិតនៅក្នុងរបៀបវារៈផែនការអភិវឌ្ឍរបស់រាជរដ្ឋាភិបាល ក្នុងការរួមចំណែកអភិវឌ្ឍន៍វិស័យទេសចរណ៍។

បើតាមលោកម៉ៅ ហាវណ្ណាល់ កម្ពុជាក៏បានធ្វើទំនើបកម្មលើប្រព័ន្ធគ្រប់គ្រង ត្រួតពិនិត្យ និងបញ្ហាចរាចរណ៍ដែនអាកាសដោយធ្វើការផ្លាស់ប្តូរពីប្រព័ន្ធ AIS (ធម្មតា)ទៅ AIM (ឌីជីថល) ព្រមទាំងសមិទ្ធផលផ្សេងៗជាច្រើនទៀតក្នុងវិស័យអាកាសចរណ៍ស៊ីវិលនៅកម្ពុជា។

សូមជម្រាបថា គម្រោងសាងសង់អាកាស យានដ្ឋានអន្តរជាតិតេជោភ្នំពេញថ្មី បានចាប់ផ្តើមដំណើរការសាងសង់នៅឆ្នាំ២០១៩ ហើយគ្រោងនឹងបញ្ចប់នៅពាក់កណ្តាលឆ្នាំ២០២៤ (ដំណាក់កាលទី១)។ គម្រោងនេះគ្រោងចំណាយថវិកា ប្រមាណ ៦១៧លានដុល្លារ ស្ថិតនៅក្រុងតាខ្មៅ ខេត្តកណ្តាល ត្រូវបានរាជរដ្ឋាភិបាលផ្តល់សិទ្ធិឱ្យក្រុមហ៊ុន CAIC ដែលជាក្រុមហ៊ុនបណ្តាក់ទុនរួម គ្នា រវាងរាជរដ្ឋាភិបាលកម្ពុជា និងក្រុមហ៊ុន OCIC របស់អ្នកឧកញ៉ា ពុង ឃាវសែ។

ដោយឡែក គម្រោងសាងសង់អាកាសយានដ្ឋានអន្តរជាតិតារាសាគរ បានអភិវឌ្ឍន៍ឡើងលើទំហំផ្ទៃដី២១៨ហិកតា និងមានដីបម្រុងទំហំ១ពាន់ហិកតាបន្ថែម ដែលគ្រោងបញ្ចេញថវិកាប្រមាណ២០០លានដុល្លារ ស្ថិតក្នុងខេត្តកោះកុង។ មែនទែនទៅគម្រោងនេះត្រៀមបើកឱ្យដំណើរការនៅពាក់កណ្តាលឆ្នាំ២០២៣នេះ ប៉ុន្តែត្រូវលើកពេលចំនួន២ដងរួចមកហើយ។ គម្រោងនេះសាងសង់ដោយក្រុមហ៊ុនចិន Union Development Group ៕

The post សមិទ្ធផលធំ២ទៀត នឹងលេចរូបរាងឡើងឆាប់ៗខាងមុខបន្ទាប់ពីព្រលានយន្តហោះសៀមរាបអង្គរដាក់ឲ្យប្រើប្រាស់ appeared first on .

សម្តេចធិបតី ហ៊ុន ម៉ាណែត នាយករដ្ឋមន្ត្រីថ្លែងបែបនេះ តាមរយៈពិធីសម្ពោធដាក់ឱ្យប្រើប្រាស់ជាផ្លូវការ «អាកាសយានដ្ឋានអន្តរជាតិ សៀមរាបអង្គរ» កាលព្រឹកថ្ងៃទី១៦ ខែវិច្ឆិកា ឆ្នាំ២០២៣។

នាឱកាសនោះ សម្តេចធិបតី ហ៊ុន ម៉ាណែត បានចាត់ទុកការកសាងអាកាសយានដ្ឋានអន្តរជាតិសៀមរាបអង្គរ ជាការបង្ហាញឱ្យឃើញពីការប្រែក្លាយតំបន់អតីតសមរភូមិសង្គ្រាម ទៅជាតំបន់អភិវឌ្ឍន៍ និងមានសក្តានុពលសេដ្ឋកិច្ច ខណៈសម្តេចឱ្យដឹងថា កន្លងមករាជរដ្ឋាភិបាល បានចំណាយថវិការជាង១៥០លានដុល្លាររួចមកហើយ ដើម្បីកសាងហេដ្ឋារចនាសម្ព័ន្ធនៅខេត្តសៀមរាប។

ជាងនេះទៀត សម្តេចធិបតី បានបន្តថា៖« ទន្ទឹមនឹងការយកចិត្តទុកដាក់របស់រដ្ឋបាលខេត្តផ្ទាល់ បច្ចុប្បន្ន រាជរដ្ឋាភិបាល តាមរយៈក្រសួងទេសចរណ៍ បានកំពុងតែខិតខំបង្កើនឱ្យមានការភ្ជាប់ហោះហើរត្រង់បន្ថែម ខណៈកិច្ចប្រជុំថ្នាក់ដឹកនាំអាស៊ានកាលពីពេលកន្លងទៅ ខ្ញុំបានបើកកិច្ចប្រជុំជាមួយថ្នាក់ដឹកនាំអាស៊ាន ដើម្បីជំរុញការភ្ជាប់ជើងហោះហើរពីតំបន់អាស៊ាន មកកាន់ខេត្តសៀមរាបឱ្យបានច្រើន»។

តាមរយៈពិធីខាងលើ ប្រមុខរាជរដ្ឋាភិបាលកម្ពុជា សម្តេចធិបតី ហ៊ុន ម៉ាណែត ក៏បានថ្លែងបន្ថែមថា  តាមរយៈយុទ្ធសាស្ត្រទាក់ទាញទេសចរក្រោមប្រធានបទ«ទស្សនាកម្ពុ ជាឆ្នាំ២០២៤» ទេសចរចិន នឹងមកលេងកម្សាន្តច្រើននៅកម្ពុជានាឆ្នាំ២០២៤ ខាងមុខនេះ។ កត្តានេះ ទាមទារឱ្យកម្ពុជាត្រូវរៀបចំកែសម្រួល និងត្រៀមគ្រប់ផ្នែកដើម្បីទទួលទេសចរទាំងនោះ។ ហេតុនេះ កម្ពុជា ក៏គ្រោងពង្រីកឱ្យប្រើបណ្ណព្រំដែន ដើម្បីទេសចរងាយចូលមកទ ស្សនាខេត្តសៀមរាប ដោយមិនចាំបាច់ប្រើលិខិតឆ្លងដែន(PASSPORT)នោះទេ។

ក្រៅពីនេះ សម្តេចនាយករដ្ឋមន្រ្តី ក៏បានជំរុញឱ្យអាជ្ញាធរខិតខំធ្វើយ៉ាងណាថែរក្សា សន្តិសុខ សណ្តាប់ធ្នាប់ និងសុវត្ថិភាព ជូនដល់ភ្ញៀវទេសចរណ៍ជាតិ និងអន្តរជាតិឱ្យបានល្អប្រសើរបន្ថែមទៀត ដើម្បីជាការផ្តល់ទំនុកចិត្ដដល់ពួកគេបន្ថែមផងដែរ៕ អត្ថបទ៖ រង្សី

The post នាយករដ្ឋមន្រ្តី៖ រដ្ឋាភិបាល កំពុងបង្កើនឱ្យមានការភ្ជាប់ហោះត្រង់ឱ្យកាន់តែច្រើនមកកាន់ខេត្តសៀមរាប appeared first on .

អ្នកស្រី ខៃ ចិន្តា ទីប្រឹក្សាសមាគមសណ្ឋាគារកម្ពុជាយល់ឃើញថា ការបើកសម្ពោធឱ្យប្រើប្រាស់អាកាសយានដ្ឋានអន្តរជាតិសៀមរាបអង្គរនៅថ្ងៃទី១៦ ខែវិច្ឆិកា ឆ្នាំ២០២៣នេះ នឹងជួយជំរុញវិស័យទេសចរណ៍ឱ្យមានការរីកចម្រើនព្រោះថាអាកាសយានដ្ឋានអន្តរជាតិខ្នាតធំទី១ មាននៅកម្ពុជាដែលផ្តល់លទ្ធភាពដល់ជើងហោះហើរបានច្រើនក្នុងមួយថ្ងៃៗ ហើយយន្តហោះធំៗដែលដឹកអ្នកដំណើរបានច្រើននឹងមកចុះចតនៅក្នុងទឹកដីកម្ពុជា ដោយសារមានយន្តហោះធំៗហោះហើរពីប្រទេសនានាពេញលើពិភពលោកនឹងជំរុញឱ្យកម្ពុជាមានជើងយន្តហោះហើរផ្ទាល់ដោយមិនចាំបាច់់ដូរយន្តហោះនៅប្រទេសជិតខាងទៀតដូចមុនឡើយ។

ម្យ៉ាងវិញទៀតសំបុត្រយន្តហោះផ្ទាល់ពីប្រទេសមួយមកដល់ទិសដៅមួយដោយមិនមានចុះសំចតនៅប្រទេសណាមួយទេនោះសំបុត្រយន្តហោះនឹងមានតម្លៃល្អជាងសំបុត្រយន្តហោះដែលហោះដោយឆ្លងកាត់ចុះចតដូរយន្តហោះនៅប្រទេសផ្សេងទៀត។ការប្រើប្រាស់ព្រលានយន្តហោះធំថ្មីនេះនឹងធ្វើឱ្យកម្ពុជាទទួលបានភ្ញៀវទេសចរណ៍បានច្រើននាពេលខាងមុខ ព្រោះថាភ្ញៀវទេសចរណ៍នឹងមានជម្រើសជើងហោះហើរសម្បូរបែប។ អ្នកស្រីបានបញ្ជាក់បន្ថែម។

លោក ធឿន វុឌ្ឍី មគ្គុទេសក៍ ទេសចរណ៍ប្រចំាខេត្តសៀមរាប មានភាពជឿជាក់ថា នឹងមាន direct flights កាន់តែច្រើនដែលជាឱកាសកាន់តែល្អប្រសើរក្នុងការទាក់ទាញទេសចរ។ យើងជឿជាក់កាន់តែខ្លាំងថាវិស័យមួយនេះនឹងជួយឱ្យសេដ្ឋកិច្ចខេត្តសៀមរាបបានប្រសើរក្នុងពេលដ៏ខ្លី។យើងខ្ញុំគាំទ្រនិងសប្បាយចិត្តយ៉ាងខ្លាំងចំពោះគោលនយោបាយថ្មីៗនេះដែលរដ្ឋបានដាក់ចេញ មានការលើកលែងការតអាជ្ញាប័ណ្ណដល់មគ្គុទ្ទេសក៍ ជាដើម។

លោកធឿន វុឌ្ឍី បានសំណូមពរថា ប្រតិបត្តិករ ទេសចរណ៍ ទាំងក្រុមហ៊ុន ទាំងបងប្អូនមគ្គុទ្ទេសក៍, អ្នកបើកបរមន្ត្រីអន្តោប្រវេសន៍ ពង្រឹងបន្ថែមនូវក្រមសីលធម៌វិជ្ជា បង្កើនស្នាមញញឹមដល់ភ្ញៀវទេសចរ។ក្នុងដំណាក់កាលនេះ រដ្ឋគួរបន្ថយតម្លៃសំបុត្រទស្សនាប្រាសាទ, លើកលែងទិដ្ឋាការ, បន្ថយពន្ធលើព្រលានយន្តហោះ។

លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១នៃក្រុមប្រឹក្សាអភិវឌ្ឍន៍កម្ពុជាលើកឡើងនៅក្នុងហ្វេសប៊ុករបស់លោកថា ផ្លូវអាកាស គឺជាអាទិភាពគន្លឹះទី២ “មនុស្ស ផ្លូវ ទឹក ភ្លើង និងបច្ចេកវិទ្យា” នៃយុទ្ធសាស្ត្របញ្ចកោណដំណាក់កាលទី១ ហើយក៏ជាកិច្ចការអាទិភាពទី២ នៃបញ្ចកោណទី២ ដោយផ្តោតលើការលើកកម្ពស់ការតភ្ជាប់ និងការបង្កើនប្រសិទ្ធភាពនៃវិស័យដឹកជញ្ជូន និងឡូជីស្ទិក ដែលមានគោលដៅយុទ្ធសាស្ត្រផ្តោតលើការបង្កើនប្រសិទ្ធភាពហេដ្ឋារចនាសម្ព័ន្ធគាំទ្រ ការកសាង និងការអភិវឌ្ឍហេដ្ឋារចនាសម្ព័ន្ធថ្មីៗ។ កម្ពុជាបើកចំហរទទួលការវិនិយោគលើគ្រប់វិស័យ សម្រាប់វិនិយោគិនទាំងនៅក្នុងស្រុក និងបរទេស។

សូមបញ្ជាក់ជូនថា អាកាសយានដ្ឋានអន្តរជាតិសៀមរាបអង្គរ បានវិនិយោគទឹកប្រាក់ចំនួន ១,១០០លាន ដុល្លារអាមេរិក មានចំណតសម្រាប់ចតអាកាសយានចំនួន៣៨ ចំណតមានសមត្ថភាពទទួលអ្នកដំណើរតាមផ្លូវអាកាសបាន៧លាននាក់ក្នុងឆ្នាំ២០២៤ និង១២លាននាក់ក្នុងឆ្នាំ២០៤០ខាងមុខមានសមត្ថភាពផ្ទុកទំនិញតាមផ្លូវអាកាសបានចំនួន១០ ០០០តោនក្នុងឆ្នាំ២០២៤ និង២៦ ០០០ តោនក្នុងឆ្នាំ២០៤០ខាងមុខ អាចទទួលជើងហោះហើរបានចំនួន ៦៥ ៨០០ជើងក្នុងឆ្នាំ២០២៤ និង១១២ ៧០០ ជើង ក្នុងឆ្នាំ ២០៤០៕ អត្ថបទ៖ សារេត

The post វិស័យឯកជនមានសេចក្តីសង្ឃឹមកាន់ខ្ពស់ ទៅលើការដាក់ឱ្យដំណើរអាកាសយាដ្ឋានលំដាប់អន្តរជាតិថ្ងៃនេះ appeared first on .