តាមរយៈសារបង្ហោះនៅលើបណ្ដាញសង្គមព្រឹកនេះ អាជ្ញាធរជាតិអប្សរា បានភ្ជាប់នូវអារម្មណ៍ពិតរបស់បងប្អូនប្រជាពលរដ្ឋនៅតាមបណ្ដាខេត្ដនានា ក្នុងប្រទេសកម្ពុជា ជាមួយនឹងតួលេខភ្ញៀវទេសចរយ៉ាងច្រើនកុះករស្កាត់មកពីទីជិតឆ្ងាយ ដើម្បីរង់ចាំទស្សនាថ្ងៃរះចំកំពូលកណ្តាលប្រាសាទអង្គរវត្ត។

ព្រះតេជគុណ សុង ពិសិដ្ឋ គង់នៅវត្តដំណាក់ ក្រុងសៀមរាប បានថេរដីកាថា នេះទើបតែជាលើកទីពីរប៉ុណ្ណោះដែលព្រះអង្គបាននិមន្តមកទស្សនាថ្ងៃរះចំកំពូលកណ្តាលប្រាសាទអង្គរវត្ត បើទោះបីប៉ុន្មានថ្ងៃនេះអាកាសធាតុមិនអំណោយផលល្អ តែនេះជាព្រឹត្តិការណ៍ដ៏អស្ចារ្យ អាចទាក់ទាញទេសចរជាតិ និងអន្តរជាតិ រាប់ម៉ឺននាក់ ឱ្យចូលមកទស្សនាប្រាសាទអង្គរវត្ត និងប្រាសាទដទៃក្នុងតំបន់រមណីយដ្ឋានអង្គរ។

ចំណែកលោកយាយ ម៉ម វាត់ អាយុ៧៧ឆ្នាំ ភ្ញៀវទេសចរ រស់នៅក្នុងខេត្តពោធិសាត់ បានឱ្យដឹងថា នេះជាលើកទី៥ហើយ ដែលលោកយាយបានមកទស្សនាព្រឹត្តិការណ៍ថ្ងៃរះចំកំពូលកណ្តាលនៃប្រាសាទអង្គរវត្ត ព្រមទាំងបាននាំបងប្អូនញាតិមិត្តមកទស្សនាថែមទៀត។ លោកយាយថា បើទោះបីឃើញថា អាកាសធាតុមិនអំណោយផលល្អ តែលោកយាយនៅតែចង់មកទស្សនាប្រាសាទអង្គរវត្ត ព្រោះតែកោតសសើរស្នាដៃបុព្វបុរសខ្មែរ ដែលលោកបានកសាងអង្គរវត្ត និងប្រាសាទបុរាណជាច្រើនលើទឹកដីនៃខេត្តសៀមរាប។

សូមបញ្ជាក់ថា រយៈពេល៣ថ្ងៃចាប់ពីថ្ងៃទី២១ ដល់ថ្ងៃទី២៣ ខែកញ្ញា ឆ្នាំ២០២៣នេះ ភ្ញៀវទេសចរជាតិ និងអន្តរជាតិ សរុបជិត ៤ម៉ឺននាក់ បានចូលមកទស្សនាថ្ងៃរះនៅប្រាសាទអង្គរវត្ត៕

ប្រភពរូបភាព៖ អាជ្ញាធរជាតិអប្សរា និងមន្ទីទេសចរណ៍ខេត្ដសៀមរាប

The post រយៈពេល៣ថ្ងៃ ភ្ញៀវទេសចរជាតិ និងអន្តរជាតិ សរុបជិត ៤ម៉ឺននាក់ បានចូលមកទស្សនាថ្ងៃរះនៅប្រាសាទអង្គរវត្ត appeared first on .

ក្រោយពីមានការជជែកតវ៉ា តស៊ូមតិស្នើសុំផ្លូវបេតុងប្រវែងជាង ៣ គីឡូម៉ែត្អស់រយៈពេលជាង២ឆ្នាំ អាជ្ញាធរជាតិអប្សរាបានពិចារណាលើ​ហេតុនិងផល ក៏សម្រេចឲ្យសាងសង់ផ្លូវ២ខ្សែតាមការស្នើសុំតែត្រូវគោរពតាមគោលការណ៍នៃលក្ខខណ្ឌមួយចំនួន។

លោក ឃឹម ហ្វីណង់ អភិបាល​ស្រុក​បន្ទាយស្រី​ជា​មូលដ្ឋាន​ដែល​សាងសង់​ផ្លូវ​នេះ​បាន​ឲ្យ​ដឹង​ថា បន្ទាប់ពីបានទទូចស្នើសុំ និងតស៊ូមតិអស់ជាច្រើនលើកច្រើនសារក្នុងអំឡុងពេលជាង២ឆ្នាំកន្លងមក នេះគឺជាដំណឹងដ៏គួរឱ្យរំភើបរីករាយសម្រាប់លោក​ផ្ទាល់ ក៏ដូចជាសម្រាប់បងប្អូនអ្នកភូមិរាប់ពាន់នាក់ទៀត ដែលនឹងបានទទួលផលប្រយោជន៍ដោយផ្ទាល់ពីផ្លូវបេតុងដែលមានប្រវែងសរុបជាង៣គីឡូម៉ែត្រនេះ។

ផ្លូវបេតុងទាំង២ខ្សែនេះនឹងនាំមកនូវគុណភាពជីវិតថ្មីសម្រាប់អ្នកភូមិ ក៏ដូចជានឹងជួយជំរុញឱ្យមានចរន្តសេដ្ឋកិច្ចនៅក្នុងមូលដ្ឋាន តាមរយៈការលើកកម្ពស់សោភ័ណភាពនៅក្នុងភូមិបុរាណ ដែលនឹងបង្កើតនូវសក្តានុពលជាច្រើនសម្រាប់វិស័យទេសចរណ៍ ព្រមទាំងលើកស្ទួយជីវភាពប្រចាំថ្ងៃរបស់បងប្អូនប្រជាពលរដ្ឋផងដែរ។

លោក​បន្ត​ថា រដ្ឋបាលស្រុកបន្ទាយស្រីនឹងខិតខំប្រឹងប្រែងគ្រប់រូបភាព ដើម្បីអប់រំឱ្យអ្នកភូមិបន្តអភិរក្សថែរក្សាអត្តសញ្ញាណដើមរបស់ខ្លួន និងប្តេជ្ញាមិនឱ្យការអភិវឌ្ឍហេដ្ឋរចនាសម្ព័ន្ធទាំងនេះប៉ះពាល់ទៅដល់ទេសភាពដែលមានស្រាប់នៅតាមដងផ្លូវឡើយ ជាពិសេសការពារមិនឱ្យបាត់បង់ដើមឈើទាំងអស់ដែលមានស្រេចនៅទីនោះ។

លោក​បន្ត​ដោយ​ក្តីសង្ឃឹម​ថា រុក្ខជាតិបៃតងនៅតាមដងផ្លូវ ដែលធ្លាប់តែមានពណ៌ស្រអាប់មិនគួរឱ្យទាក់ទាញនឹងវិលត្រលប់ទៅរកសភាពដើមនៃធម្មជាតិស្រស់បំព្រងរបស់ខ្លួនវិញ ហើយទីធ្លាមុខផ្ទះដែលជាកន្លែងដែលតែងមានដីហុយខ្លាំង និងពិបាកសូម្បីតែដកដង្ហើមនោះ ក៏នឹងប្រែក្លាយទៅជាទីប្រមូលផ្តុំជួបជុំគ្នា មានកូនក្មេងរត់លេង និងមានអ្នកភូមិលក់ដូររបស់របរហូបចុកជាហូរហែរដូចភូមិព្រះដាក់ផងដែរ។

បើ​លោកអភិបាល​ស្រុក ការសាងសង់ផ្លូវនេះនឹងចាប់ផ្ដើមនៅពេលឆាប់ៗនេះ ហើយគ្រោងបញ្ចប់នៅក្នុងឆ្នាំ២០២២នេះតែម្ដង ដោយថវិកាសម្រាប់អភិវឌ្ឍន៍បានមកពីមូលនិធិឃុំ មូលនិធិស្រុក និងមូលនិធិបឹងទន្លេសាបបូកបញ្ចូលគ្នា៕

The post ផ្លូវបេតុង ២ ខ្សែត្រូវបានអាជ្ញាធរជាតិអប្សរាអនុញ្ញាតឲ្យសាងសង់ ក្រោយពីមានការពិចារណាជាង២ឆ្នាំ appeared first on .

ក្នុងបេសកកម្មនេះ លោកស្រី Angelina Jolie បានទៅទស្សនាប្រាសាទអង្គរវត្តផងដែរ។ ការបង្ហាញវត្តមានដ៏សំខាន់ក្នុងបេសកកម្មរបស់ខ្លួននៅពេលនេះ តារាហូលីវូដរូបនេះ ក៏បានជួយផ្សព្វផ្សាយតំបន់រមណីយដ្ឋានអង្គរ ទៅកាន់ពិភពលោកថែមមួយកម្រិតទៀត ពិសេសក្នុងអំឡុងពេលវិបត្តិជំងឺកូវីដ១៩ដើម្បីបញ្ជាក់ថា កម្ពុជាជាគោលដៅទេសចរណ៍ប្រកបដោយសុវត្តិភាព។

សូមជម្រាបថា លោកស្រី Angelina Jolie គឺជាស្ថាបនិកនៃគម្រោង UNESCO-GUERLAIN “Women for bees” ដែលឧបត្ថម្ភដោយក្រុមហ៊ុន GUERLAIN និងជាតារាហូលីវូដដ៏ល្បីលើពិភពលោក។

ក្រៅពីអាជីពជាតារាសម្តែងស្ត្រីលេចធ្លោរូបនេះ ក៏បានចូលរួមចំណែកខ្ពស់ក្នុងវិស័យមនុស្សធម៌ផងដែរ ដោយលោកស្រីបានជួយដល់កិច្ចការ ជាច្រើនក្នុងនោះមានដូចជា៖ អគ្គរដ្ឋទូតសុឆន្ទៈប្រចាំអង្គការ UNHCR, ការអភិរក្សនិងការអភិវឌ្ឍសហគមន៍, អន្តោប្រវេសន៍កុមារ និងការអប់រំ, សិទ្ធមនុស្ស និងសិទ្ធស្ត្រី។ ដោយសារភាពជោគជ័យក្នុងនាមជាតារាសម្តែង និងការងារមនុស្សធម៌ ជម្រុញឱ្យលោកស្រីមានភាពល្បីល្បាញពាសពេញពិភពលោក និងទទួលបានពានរង្វាន់ជាច្រើន បានមកពីស្នាដៃដ៏លេចធ្លោរបស់ស្ត្រីដែលធ្លាប់មានប្រវត្តិជាក្មេងបាតសង្គមរូបនេះ៕

The post មកកម្ពុជាជើងនេះ Angelina Jolie បើកកម្មវិធីចិញ្ចឹមឃ្មុំ ដើម្បីពង្រឹងសមត្ថភាពស្ត្រីក្នុងការរកប្រាក់ចំណូល appeared first on .

បើតាមអាជ្ញាធរជាតិអប្សរា ចំពោះថតផ្សព្វផ្សាយបន្តផ្ទាល់ពីប្រាសាទនានាក្នុងរម្មណីយដ្ឋានអង្គរមានលក្ខណៈផ្សព្វផ្សាយជាសាធារណៈដើម្បីជំរុញវិស័យទេសចរណ៍ គឺមិនតម្រូវឲ្យបង់ប្រាក់នោះទេ លើកលែងតែការស្នើសំថតលក្ខណៈអាជីវកម្មដែលតម្រូវជាចាំបាច់ឲ្យអនុវត្តតាមនីតិវិធី និងគោលការណ៍ដែលបានកំណត់។

ស្ថិតក្នុងអំឡុងពេលរាតត្បាតសកលកូវីដ-១៩ អាជ្ញាធរជាតិអប្សរា បានបើកឲ្យក្រុមហ៊ុន ឬមគ្គុទេសក៍ទេសចរណ៍ដែលមានអាជ្ញាបណ្ណត្រឹមត្រូវពីក្រសួងទេសចរណ៍កម្ពុជា ធ្វើការថតឡាយវីដេអូតាមទូរសព្ទ ដើម្បីបកស្រាយអំពីប្រវត្តិសាស្រ្តប្រាសាទនានាទៅដល់ភ្ញៀវរបស់ខ្លួន ដោយមិនគិតប្រាក់នោះទេ។ នេះបើតាមការបញ្ជាក់ក្នុងលិខិតជូនដំណឹងពីអាជ្ញាធរជាតិអប្សរា នៅថ្ងៃទី២៨ ខែធ្នូ។

ដោយឡែក សម្រាប់ការថតរូបសម្លៀកសំពាក់ប្រពៃណីបុរាណ (Pre-Wedding) ក៏តម្រូវឲ្យដាក់សំណើរថតសម្លៀកសំណាក់ប្រពៃណីបុរាណ មកកាន់អាជ្ញាធរជាតិអប្សរាផងដែរ ដើម្បីពិនិត្យនិងផ្តល់ការអនុញ្ញាតថតដោយឥតបង់ប្រាក់។ ក្នុងន័យនេះ គឺដើម្បីអាចគ្រប់គ្រង និងជៀសវាងនូវភាពអាណាធិបតេយ្យនានាក្នុងតំបន់រម្មណីយដ្ឋានអង្គររបស់កម្ពុជា៕

The post ចង់ថតវីដេអូ និងPre-wedding ក្នុងរម្មណីយដ្ឋានអង្គរ ត្រូវដាក់សំណើរសុំមកអាជ្ញាធរជាតិអប្សរា ជាមុន appeared first on .

បក​ទៅ​មើល​ពី​អតីតកាល​បន្តិច Dr. Kuy គឺ​មាន​ទំនោរ​ស្រលាញ់​ចូលចិត្ត​វិស័យ​វេជ្ជសាស្ត្រ​តាំង​ពី​ក្មេង​ម៉្លេះ តែ​ដោយសារ​កើត​មក​ក្នុង​របប​ប្រល័យពូជសាសន៍​លោកស្រី មិន​ដែល​មាន​ឱកាស​គ្រប់គ្រាន់​ក្នុង​ការ​បង្ហាញ​ទេពកោសល្យ​ខ្លួន​ឡើយ។

មូលហេតុ​នៅ​ពីក្រោយ​ការ​ស្រឡាញ់​ចូលចិត្ត​នេះ​ផងដែរ គឺ​លោកស្រី​បាន​អះអាង​ថា ដោយសារ​គ្រួសារ​លោកស្រី​ធ្លាប់​នៅ​ជំរំ​នៅ​ប្រទេស​ថៃ ហើយ​ម្ដាយ​និង​បងស្រី​មាន​របួស​ដោយសារ​ការ​គប់​គ្រាប់បែក​ពី​ខាង​ទាហាន​ ទើប​តម្រូវ​ឲ្យ​ម្ដាយ​លោកស្រី​ទទួល​បាន​ការ​វះកាត់​ពី​អង្គការ​ស្ម័គ្រចិត្ត​កាកបាទ​ក្រហម ដែល​វា​បាន​បញ្ឆេះ​គំនិត​ក្មេងស្រី​តូច​ច្រមក់​ម្នាក់​នា​ពេលនោះ​ឲ្យ​មាន​ក្ដី​ស្រមៃ​ក្លាយជា​វេជ្ជបណ្ឌិត​វះកាត់​។

នៅ​ក្នុង​ឆ្នាំ ១៩៨១ លោកស្រី​ និង​គ្រួសារ​បាន​ធ្វើការ​ផ្លាស់​ទី​លំនៅ​ពី​ជំរំ​នៅ​ប្រទេស​ថៃ​ ទៅកាន់​ប្រទេស​ហ្វីលីពីន ហើយ​ក៏​បាន​ផ្លាស់​មក​ដល់​តំបន់ Corvallis តាម​រយៈ​ការ​ជួយ​ឧបត្ថម្ភ​ពី​មូលនិធិ​សាសនាគ្រឹស្ត​ និង​បាន​ចាប់​យក​ទីតាំង​នេះ​ជា​លំនៅឋាន​ជាក់លាក់​មួយ​។

​ជីវិត​នៅ​លើ​ទឹកដី​ថ្មី​ពិតជា​មិនស្រួល​ឡើយ បើ​ទោះ​ជា Kuy និង​បងស្រី SreyReath រៀន​ឆាប់​ចេះ​មែន តែ​ឪពុកម្ដាយ​ពួកគេ​មិនទាន់​អាច​រក​ការងារ​បាន​ជាក់លាក់​មួយ​ឡើយ​នាពេលនោះ ដោយ​មុន​សម័យ​ខ្មែរក្រហម ឪពុក​លោកស្រី​ជា​មន្ត្រីរាជការ ខណៈ​ម្ដាយ​ជា​គ្រូបង្រៀន។

តែ​ពេល​មកដល់​ទឹកដី​សហរដ្ឋអាមេរិក ឪពុក​របស់​លោកស្រី​ទទួល​បាន​ការងារ​ជា​អ្នក​បោសសំអាត​នៅ OSU ស្របពេល​ម្ដាយ​គឺ​ជា​ស្ត្រីមេផ្ទះ​បម្រើការ​នៅ​មណ្ឌល​ថែទាំ​សុខភាព។

ដោយសារ​សមត្ថភាព​ដ៏​ពូកែ​​នៅ​វិទ្យាល័យ Crescent Valley High School លោកស្រី​ធ្លាប់​ទទួល​បាន​ឱកាស​កម្រ​គឺ លិខិត​អនុញ្ញាត​ឲ្យ​ចូល​រៀន​នៅ​សាកលវិទ្យាល័យ​កំពូល Harvard តែ​ជា​អកុសល​គ្រា​នោះ​លោកស្រី​បាន​បាត់បង់​ឪពុក​ដោយ​រោគ​កាច​សាហាវ​មហារីក​ក្រពះ ដែល​ធ្វើ​ឲ្យ​លោកស្រី​គិតថា​មិន​ចង់​ចាកចេញ​ឆ្ងាយ​ពី​គ្រួសារ។ ហើយ​ការ​សម្រេច​ចិត្ត​មួយ​នេះ​ផង​ដែរ ជា​ចំណុច​ចាប់ផ្ដើម​នៃ​ភាព​ជោគជ័យ​គ្មាន​ថ្ងៃ​បំភ្លេច​បាន​របស់​លោកស្រី Kuy។

ដោយសារ​បោះបង់​ឱកាស​ចូលរៀន​នៅ Harvard ដូច្នេះ Kuy សម្រេច​ចិត្ត​ចូលរៀន​នៅ OSU វិញ ដោយ​ចាប់​ជំនាញ​ផ្នែក​មីក្រូ​ជីវវិទ្យា​និង​ទស្សន​វិជ្ជា។ Kuy បាន​អះអាង​ថា ស្របពេល​មុខវិជ្ជា​មីក្រូ​ជីវវិទ្យា​អាច​ជួយ​លោកស្រី​យល់ច្បាស់​ពី​បញ្ហាសុខភាព និង​ជំងឺ​ផ្សេងៗ ហើយ​ជាមួយ​គ្នា​នោះ​ការ​សិក្សា​ទស្សនវិជ្ជា​ក៏​បាន​ជួយ​ឲ្យ​អ្នកស្រី​អាច​គិត​បាន​ស៊ី​ជម្រៅ​ទៅ​លើ​បញ្ហា​គោលនយោបាយ​សុខភាព និង​ការ​ប្រាស្រ័យ​ទាក់ទង​គ្នា​។

ស្ថិត​នៅ​ឆ្នាំ​ចុងក្រោយ Kuy បាន​សម្រេច​ចិត្ត​ទៅ​ធ្វើការ​ផ្លាស់ប្ដូរ​បទពិសោធន៍​នៅ​ទីក្រុង Washington, D.C នៅ​ឯ​ការិយាល័យ​ព្រឹទ្ធសភា​អាមេរិក​សម្រាប់​លោក Tom Harkin ដែល​ជា​ប្រធាន​ស្ថាបត្យករ​នៃ​ច្បាប់​ជន​ពិការ​អាមេរិក​ឆ្នាំ ១៩៩០។

​គ្រា​នោះ​ហើយ​ដែល Kuy ចាប់​ផ្ដើម​ត្រួសត្រាយ​ផ្លូវ​មក​កាន់​អាជីព​បច្ចុប្បន្ន​របស់​អ្នកស្រី​សម្រាប់​គោល​នយោបាយ​សុខភាព​ ជាមួយ​សេចក្ដីព្រាងច្បាប់​ស្ដី​ពី​សុខភាព​ស្ត្រី និង​ការ​តស៊ូមតិ​អនុម័ត​ច្បាប់​ការពារ និង​ព្យាបាល​ជំងឺ​មហារីក​សុដន់ និង​មាត់ស្បូន។

ក្រោយ​មក​អ្នកស្រី និង​បងស្រី​បាន​ចាប់ផ្ដើម​សរសេរ​សៀវភៅ​រៀបរាប់​ពី​បទពិសោធន៍​ផ្ទាល់ខ្លួន​ដែល​បាន​ហែល​ឆ្លង​សម័យ​ប្រល័យពូជសាសន៍​កាច​សាហាវ​នៅ​កម្ពុជា ដែល​មាន​ឈ្មោះ​ថា The Heart of a Tiger។

ក្រៅពី​នោះ Kuy ក៏​ធ្លាប់​ចុះផ្សាយ​អត្ថបទ​ជាច្រើន​នៅ​លើ​សារព័ត៌មាន​ល្បីៗ​ដូចជា Huffington Post, Los Angeles Times និង the Washington Post ជាដើម ដែល​ភាគច្រើន​ស្ដី​ពី​បទពិសោធន៍​ទាក់ទង​នឹង​ជីវិត​រស់នៅ​ជា​ជនភៀសខ្លួន និង​ការ​តស៊ូ​ក្នុងនាម​ជា​ស្ត្រី​ភៀសខ្លួន​ជនជាតិ​ខ្មែរ​តំបូង​បង្អស់​ដែល​មាន​អាជីព​ជា​វេជ្ជបណ្ឌិត​ផ្នែក​វះកាត់​នៅ​សហរដ្ឋអាមេរិក។

បើ​និយាយ​ពី​ពានរង្វាន់​ដែល​អ្នកស្រី​ទទួល​បាន​វិញ គឺ​ច្រើន​ស្ទើរ​រាប់​មិនអស់ ទាក់ទង​នឹង​វិស័យ​ការងារ​របស់​លោកស្រី ដូចជា​ធ្លាប់​ទទួល​បានពាន​រង្វាន់​ប្រគល់​ជូន​ដោយ​ផ្ទាល់​ដោយ​អតីត​ប្រធានាធិបតី President George H.W. Bush’s Daily Points of Light Award ជាដើម៕

ប្រភព: បរទេស

The post ភៀស​ខ្លួនពី​សង្រ្គាម​ ស្រ្តី​ខ្មែរ​តស៊ូ​ក្លាយ​ជា​វេជ្ជបណ្ឌិតនៅអាមេរិក​ រហូត​សារព័ត៌មាន​ធំៗ​យក​ទៅ​ចុះផ្សាយ​ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

តើអាជ្ញាធរជាតិអប្សរាជាអ្វី និង មានបេសកកម្មធ្វើអ្វីខ្លះ?

អាជ្ញាធរជាតិអប្សរា ជាគ្រឹះស្ថានសាធារណៈមួយ ប្រកបដោយបុគ្គលភាពគតិយុត្តិ មានស្វ័យភាពរដ្ឋបាល និងហិរញ្ញវត្ថុ ។ អាជ្ញាធរជាតិអប្សរា មានបេសកកម្មគិតគូរ ដឹកនាំការងាររៀបចំ និងអភិវឌ្ឍទេសចរណ៍ នៃតំបន់ចំនួនប្រាំ ដែលកំណត់ក្នុងព្រះរាជក្រឹត្យលេខ ០០១ នស ចុះថ្ងៃទី ២៨ ខែឧសភា ឆ្នាំ១៩៩៤ ស្ដីពីការកំណត់ និង ចាត់ចែងតំបន់សៀមរាបអង្គរ។

១/តំបន់១ រមណីយដ្ឋានមានប្រាសាទៈ គឺតំបន់នានាដែលមានស្ថានីយបុរាណវត្ថុសំខាន់ៗ ហើយត្រូវទទួលកិច្ចការពារកំរិតខ្ពស់បំផុត។ ធម្មតាតំបន់ទាំងអស់នេះមានទំហំតូច តែចំពោះអង្គរវិញ ទោះមានផ្ទៃដ៏ធំធេងនោះក៏ត្រូវចាត់ចែងការពារចូលក្នុងកំរិតខ្ពស់បំផុតនេះដែរដោយតំបន់នេះមានប្រាសាទ និងសំណល់បុរាណវត្ថុច្រើន។

២/តំបន់ទី២ ឧទ្យានបុរាណវត្ថុត្រូវការពារៈ គឺតំបន់ដែលសំបូរសំណល់បុរាណវត្ថុ ដែលត្រូវការពារទប់ទល់នឹងការប្រើប្រាស់ដីធ្លីផ្ដេសផ្ដាសនិងការអភិវឌ្ឍមិនសមស្រប។ ធម្មតាតំបន់ទាំងនេះ ស្ថិតនៅជុំវិញរមណីយដ្ឋានមានប្រាសាទ។ តំបន់ទាំងនេះច្រើនមានបុរាណវត្ថុបង្កប់ក្នុងទីនោះ។ តំបន់នេះមានសារៈសំខាន់ ចម្បងដោយសារ ជាតំបន់ទ្រនាប់សំរាប់ការពាររមណីយដ្ឋានមានប្រាសាទ។

៣/តំបន់៣ ទេសភាពវប្បធម៌ត្រូវការពារៈ គឺតំបន់ដែលមានលក្ខណៈជាទេសភាពត្រូវការពារ ដោយហេតុថា តំបន់នេះមានទិដ្ឋភាពបរមបុរាណ។ លើសពីនេះទៅទៀតបែបបទប្រើប្រាស់ដីធ្លី សំណង់លំនៅឋាន អាគារប្រវត្តិសាស្ត្រនៅទីនោះដែលជាកេរដំណែលដ៏យូរលង់ ផ្តល់តំលៃវប្បធម៌ខ្ពស់ ឆ្លុះបញ្ចាំងអោយឃើញជីវភាពរស់នៅពីអតីតកាល។ ទេសភាពវប្បធម៌នេះ ជាមធ្យោបាយរក្សាទស្សនវិស័យ ព្រមទាំងទំនាក់ទំនងរវាងទិដ្ឋភាពលេខធ្លោនានា ។ ទេសភាពវប្បធម៌ត្រូវការពារនេះ ត្រូវមានការគ្រប់គ្រងដោយច្បាប់ទំលាប់ទប់ទល់នឹងសកម្មភាពបំផ្លិចបំផ្លាញ បង្ហិនបង្ហោច។

៤/តំបន់៤ ចំណុចមានសារៈ សំខាន់ផ្នែកបុរាណវត្ថុវិទ្យា នរវិទ្យា ឬ ប្រវត្តវិទ្យាៈ គឺតំបន់ផ្សេងៗទៀត ដែលមានសារប្រយោជន៍ខាងបុរាណវត្ថុវិទ្យា តែមានសារៈសំខាន់កំរិតទាបជាងរមណីយដ្ឋានមានប្រាសាទ។ តំបន់នេះត្រូវរក្សាការពារដើម្បីជាប្រយោជន៍ដល់ការស្រាវជ្រាវ ការអប់រំ ឬ ទេសចរណ៍ ។ កិច្ចការពារនិងច្បាប់ទំលាប់គ្រប់គ្រង់ត្រូវមានកំរិតដូចគ្នា និងឧទ្យានបុរាណវត្ថុដែរ។

៥/តំបន់៥ បរិវេណវឌ្ឍសង្គមសេដ្ឋកិច្ច និងវប្បធម៌នៃតំបន់សៀមរាបអង្គរៈ បរិវេណនេះគ្រប់ដណ្ដប់ខេត្តសៀមរាបទាំងមូល។ ក្នុងគោលដៅថែរក្សាបេតិកភណ្ឌវប្បធម៌ និង ធម្មជាតិ ត្រូវចាត់ចែងវិធានការដើម្បីជំរុញការអភិវឌ្ឍស្ថិតស្ថេរមួយ និង​ វិធានការគណនាផលប៉ះពាល់លើបរិដ្ឋាន។

តើអាជ្ញាធរជាតិអប្សរាមានរចនាសម្ព័ន្ធយ៉ាងដូចម្ដេច?

អគ្គនាយកដ្ឋាននៃអាជ្ញាធរជាតិអប្សរា ជាគ្រឹះស្ថានសាធារណៈរដ្ឋបាល មានរចនាសម្ព័ន្ធដូចតទៅ៖

-នាយកដ្ឋាន​អភិរក្ស​ប្រាសាទ​ក្នុង​ឧទ្យាន​អង្គរ និង​បុរាណ​វិទ្យាបង្ការ
-នាយកដ្ឋាន​អភិវឌ្ឍន៍​ទេសចរណ៍​អង្គរ
-នាយកដ្ឋាន​រៀបចំ​ដែនដី​ និង​គ្រប់​គ្រង​លំនៅ​ដ្ឋានក្នុង​ឧទ្យាន​អង្គរ
-នាយកដ្ឋាន​អភិវឌ្ឍន៍កសិកម្ម និង​សហគមន៍
-នាយកដ្ឋាន​គ្រប់​គ្រង​ទឹក
-នាយកដ្ឋាន​គ្រប់​គ្រង​ព្រៃ​ឈើ ទេសភាព​វប្បធម៌ និងបរិស្ថាន
-នាយកដ្ឋាន​សណ្តាប់ធ្នាប់​ និងសហប្រតិបត្តិការ
-នាយកដ្ឋាន​អភិវឌ្ឍន៍​វប្បធម៌ សារមន្ទីរ​​ និងបទ​ដ្ឋាន​បេតិកភណ្ឌ
-នាយកដ្ឋាន​អភិវឌ្ឍន៍​បេតិកភណ្ឌ​ក្រុងក្នុង​តំបន់​សៀមរាប
-នាយកដ្ឋាន​អភិរក្ស​ប្រាសាទ​ក្រៅ​ឧទ្យាន​អង្គរ
-នាយកដ្ឋាន​រដ្ឋបាល បុគ្គលិក និងសម្ភារៈ
-នាយកដ្ឋាន​ហិរញ្ញកិច្ច​ និងគណនេយ្យ
-នាយកដ្ឋានផ្សព្វផ្សាយ
-នាយកដ្ឋាន​ទ្រទ្រង់បចេ្ចកទេស​ និង​គម្រោង​អន្តរវិស័យ
-ក្រុមការងារអនុវត្តផែនការគ្រប់គ្រងទេសចរណ៍
-មជ្ឈមណ្ឌលអន្តរជាតិស្រាវជ្រាវ និងតម្កល់ឯកសារអង្គរ
-មជ្ឈមណ្ឌលសេវាកម្មនៃអាជ្ញាធរជាតិអប្សរា
-ក្រុមការងារសហគមន៍

ឧទ្យានអង្គរ ឬរមណីយដ្ឋាន​អង្គរ​ មិនមែនសំដៅតែទៅលើប្រាសាទអង្គរវត្តតែមួយនោះទេ តែសំដៅលើ​រមណីយដ្ឋានអង្គរទាំងមូល ក្នុងនោះ រួមបញ្ចូលទាំងប្រាសាទ បុរាណដ្ឋាន ស្ថានីយ​បុរាណវិទ្យា បរិស្ថាន និងសហគមន៍មនុស្សផងដែរ ដែលមានផ្ទៃក្រឡា សរុប ៤០១គីឡូម៉ែត្រក្រឡា។ ប្រាសាទអង្គរ គ្រាន់តែជាផ្នែកមួយ ក្នុងចំណោមប្រាសាទ​ជិត ១០០ផ្សេងទៀត ដែលត្រូវបានចុះក្នុងបញ្ជីប៉ុណ្ណោះ។

ប្រាសាទអង្គរ ត្រូវបានចុះបញ្ចូលក្នុងបញ្ជីសម្បត្តិបេតិកភ័ណ្ឌពិភពលោក​របស់អង្គការយូណេស្កូ នៅថ្ងៃទី១៤ ខែធ្នូ ឆ្នាំ១៩៩២។

តំបន់ឧទ្យាន​អង្គរ ត្រូវ​បានបែងចែកជាបីតំបន់ធំៗគឺ៖

ទី១៖ តំបន់កណ្តាល (ផ្ទៃដីសរុប ៣៥១០០ហិកតា)៖ មានប្រាសាទច្រើន ដូចជាប្រាសាទអង្គរវត្ត បាយ័ន តាព្រហ្ម នាគព័ន្ធជាដើម។

ទី២៖ តំបន់ខាងជើង (ផ្ទៃដីសរុប ២០០០ហិកតា)៖ មានប្រាសាទបន្ទាយស្រី។

ទី៣៖ តំបន់ខាងត្បូង ឬហៅថា តំបន់រលួស (ផ្ទៃដីសរុប ៣០០០ហិកតា)៖ មានប្រាសាទបាគង ព្រះគោ លលៃជាដើម។

ក្នុងឧទ្យានអង្គរទាំងមូលមានរបស់៣ដែលជាសម្បត្តិបេតិកភណ្ឌពិភពលោក មិនអាចកាត់ផ្តាច់ពីគ្នាបានគឺ៖ ១).ប្រាសាទ ២).បរិស្ថាន និង៣).សហគមន៍មនុស្ស ឬហៅម្យ៉ាងទៀតថា វប្បធម៌ ទេសភាព និងប្រជាជន។

នៅ​ក្នុង​បរិវេណ​រមណីយដ្ឋាន​អង្គរ​មាន​សំណង់​ប្រាសាទ​បុរាណ​ជិត ១០០ ដែលនៅ​សល់​​រូបរាង​យ៉ាង​ល្អ និង​​ស្ថិត​នៅ​ក្រោម​ការ​គ្រប់គ្រង​របស់​អាជ្ញាធរ​អប្សរា។

ដោយ​ចែក​ចេញ​ជា ៥ តំបន់ ​នៅ​ក្នុង​តំបន់ ១ និង​តំបន់ ២ ​ជា​តំបន់​ដែល​មាន​ស្ថានីយ​បុរាណ​វត្ថុ​សំខាន់ៗ​មាន​ប្រាសាទ និង​សំណល់បុរាណវត្ថុច្រើន ហើយ​ដែល​ត្រូវ​ទទួល​បាន​កិច្ច​ការពារ​កំរិត​ខ្ពស់បំផុត។

The post តើអាជ្ញាធរជាតិអប្សរា បង្កើតឡើងនៅឆ្នាំណា? appeared first on .

ក្រុមជំនាញព្រៃឈើសង្កេតឃើញថា ដើមឈើទាំងនោះ ខ្លះដុះក្បែររចនាសម្ព័ន្ធប្រាសាទ និងខ្លះតាមបរិវេណផ្លូវទស្សនារបស់ភ្ញៀវទេសចរផង។ គោលបំណងសំខាន់នៃការងារនេះ គឺដើម្បីបញ្ជៀសហានិភ័យនានា ដែលអាចកើតជាយថាហេតុចំពោះមនុស្ស និងប្រាសាទ។

សូមបញ្ជាក់ថា ដើមឈើដែលកំពុងដកហូតនោះរួមមាន ដើមពុទ្រា១ដើម ស្វាយព្រៃ១ដើម ឈើទាល១ដើម ពង្រ១ដើម ស្ពង់១ដើម និងពពូល២ដើម ដែលស្ថានភាពដើមឈើទាំងនេះបានងាប់ទាំងស្រុង ដុះជាប់កំពែងប្រាសាទជិតស្រះទឹក និងទ្រេតខ្លាំងទៅលើខ្លោងទ្វារខាងជើងប្រាសាទភិមានអាកាស ព្រមទាំងនៅជាប់ផ្លូវទស្សនាផង។ រីឯដើមឈើដែលកំពុងកាត់ក្រីមានចំនួន៦ដើមមាន ចាមរី១ដើម ព្រីង១ដើម អង្កោល១ដើម ឈើទាល១ដើម ស្ពង់១ដើម និងទ្រៀក១ដើម ដែលស្ថានភាពដើមឈើទាំងនេះនៅរស់ ត្រូវកាត់ក្រី១១មែកចេញ ដើម្បីជួយសម្រាលតួដើមកុំឲ្យដួលរលំ៕

The post ដើមឈើហានិភ័យចំនួន១៣ដើម អាជ្ញាធរជាតិអប្សរា កំពុងអុតដៃអុតជើងកាត់ក្រី និងដកហូត appeared first on .

អគារនេះត្រូវបានសាងសង់ដោយក្រុមហ៊ុន​ Green Angkor Culture PLC., មានបន្ទប់ស្រី​ចំនួន៨ បុរសចំនួន៦ បង្គន់នោមបុរសចំនួន៦ និងបង្គន់សម្រាប់ជនពិការចំនួន២​ (ស្រី១ប្រុស១) សម្រាប់ឱ្យភ្ញៀវទេសចរជាតិ​ អន្តរជាតិ និងបងប្អូនប្រជាពលរដ្ឋអាចប្រើប្រាស់​ ក្នុងគោលបំណងលើកកម្ពស់សោភ័ណភាព​ បរិស្ថាន និងអនាម័យ នៅតំបន់រមណីយដ្ឋានអង្គរ​ បេតិកភណ្ឌពិភពលោក​។

បន្ទប់ទឹកអនាម័យនេះនឹងស្ថិតក្រោមការថែទាំរបស់គ្រឹះស្ថានអង្គរ​ ដើម្បីចូលរួមចំណែកយ៉ាងសំខាន់ក្នុងការលេីកកម្ពស់ការផ្តល់សេវាកម្មទេសចរណ៍​ក្នុងរមណីយដ្ឋាន​អង្គរ៕

ប្រភព៖ អាជ្ញាធរជាតិអប្សរា

The post បន្ទប់ទឹកសាធារណៈកម្រិតស្តង់ដារអន្តរជាតិនឹងដាក់ឱ្យដំណើរការនៅបរិវេណមុខប្រាសាទអង្គរវត្ត appeared first on .

ដើម្បីជាប្រយោជន៍ដល់កិច្ចការអភិរក្សប្រាសាទ ទឹកស្អាតនិងស្រោចស្រពកសិកម្មរបស់ប្រជាពលរដ្ឋ អ្នកជំនាញផ្នែកគ្រប់គ្រងទឹកនៃអាជ្ញាធរជាតិអប្សរាបានធ្វើការចាត់ចែង និងប្រមូលទឹកភ្លៀងទាំងនោះតាមប្រព័ន្ធផ្លូវទឹកបុរាណដើម្បីបញ្ចូនទៅរក្សាក្នុងបារាយណ៍ខាងជើង បារាយណ៍លលៃ កសិន្ធុអង្គរវត្ត កសិន្ធុក្រុងអង្គរធំ បារាយណ៍ខាងលិច កសិន្ធុប្រាសាទចៅស្រីវិបុលនិង អាងស្តុកផ្សេងៗទៀត។
សូមទស្សនារូបភាពមុននិងក្រោយការបញ្ចូលទឹកនៅបារាយណ៍ខាងជើង និងបារាយណ៍ខាងលិច។ សូមអរគុណ

ប្រភព៖ អាជ្ញាធរជាតិអប្សរា

The post ទឹកភ្លៀងជាច្រើនសន្ធឹកសន្ធាប់ ត្រូវបានបង្វែរចូលក្នុងបារាយណ៍ ដើម្បីរក្សាទុក appeared first on .

ការយោងបំណែកព្រះពុទ្ធបដិមាទាំងអស់ចេញពីរណ្តៅកំណាយ គឺដើម្បីសិក្សាផ្គុំរូបរាង ជួស​ជុល​អភិរក្ស និងលើកតម្លៃវត្ថុបុរាណ ព្រមទាំងទុកលទ្ធភាពឱ្យអ្នកជំនាញកំណាយស្រាវជ្រាវបុរាណវិទ្យាបញ្ចប់ការងារកំណាយ។

តាមការបញ្ជាក់របស់ឯកឧត្តមអគ្គនាយក បដិមា១អង្គដែលមានរូបរាងពេញលេញជាង​គេ នឹងត្រូវជួសជុលសម្អាត ហើយដាក់សំណើសុំអនុសាសន៍ពីគណៈកម្មការអាយស៊ីស៊ី-អង្គរ ដើម្បីយកទៅដាក់នៅទីតាំងដើម​ ព្រោះគេបានស្គាល់ច្បាស់ថាបំណែកព្រះពុទ្ធបដិមាទាំងអស់ មានប្រភពនៅថែវព្រះរយព្រះពាន់ ដែលមានកាលបរិច្ឆេទប្រហែលស្ថិតក្នុងសម័យកណ្តាល។

បំណែកព្រះពុទ្ធបដិមាដែលបានរកឃើញមានចំនួន១០៥ ក្នុងនោះពុទ្ធបដិមាមានរូបមិនពេញលេញមាន៣៥អង្គ និង១អង្គមានរូបរាងពេញលេញជាងគេ សន្លឹកសីមា១ រួមនឹងបំណែកតូចៗចំនួន១៨០ផងដែរ៕

អត្ថបទ៖ កញ្ញា ហ៊ីង ស្រីរ័ត្
ន​រូបភាព៖ លោក យី សុថា
ប្រភព៖ អាជ្ញាធរជាតិអប្សរា

The post អាជ្ញាធរជាតិអប្សរាប្រារព្ធពិធីយោងបំណែកព្រះពុទ្ធបដិមាចេញពីរណ្តៅ appeared first on .