នាយករដ្ឋមន្ត្រីជប៉ុន Sanae Takaichi បានប្រកាសនៅថ្ងៃនេះថា ៖”យើងបានកែសម្រួលគោលការណ៍បីស្តីពីការផ្ទេរបច្ចេកវិទ្យា និងឧបករណ៍ការពារជាតិ រួមទាំងគោលការណ៍ណែនាំសម្រាប់ការអនុវត្ត និងការផ្ទេរឧបករណ៍ការពារជាតិគ្រប់ប្រភេទ”។

គួរឲ្យដឹងថាពីមុន ប្រទេសជប៉ុន ត្រូវបានអនុញ្ញាតឲ្យមានការនាំចេញឧបករណ៍យោធាដែលបែងចែកជាប្រាំប្រភេទប៉ុណ្ណោះ គឺការស្វែងរក និងជួយសង្គ្រោះ ការដឹកជញ្ជូន ការព្រមាន ការឈ្លបយកការណ៍ និងការបោសសម្អាតមីន។

យ៉ាងណាមិញ សម្រាប់ច្បាប់ថ្មីនេះ គឺជាផ្នែកមួយនៃកិច្ចខិតខំប្រឹងប្រែងដើម្បីបន្ធូរបន្ថយបន្តិចម្តងៗនូវការហាមឃាត់ការនាំចេញអាវុធដ៏ទូលំទូលាយដែលបានដាក់ចេញដំបូងក្នុងឆ្នាំ១៩៧៦។

លោកស្រី Takaichi បានបញ្ជាក់ទៀតថា ប្រទេសជប៉ុន នឹងលក់អាវុធទៅឲ្យប្រទេសដែលប្តេជ្ញាប្រើប្រាស់វាតាមរបៀបដែលស្របតាមធម្មនុញ្ញអង្គការសហប្រជាជាតិ។

ទន្ទឹមនឹងនេះ​ លោក Minoru Kihara អគ្គលេខាធិការគណៈរដ្ឋមន្ត្រីជប៉ុន បានលើកឡើងផងដែរថា ការសម្រេចចិត្តទាំងនេះត្រូវបានធ្វើឡើង នៅពេលដែលបរិយាកាសសន្តិសុខជុំវិញប្រទេសកំពុងផ្លាស់ប្តូរក្នុងល្បឿនលឿនជាងមុន៕​

The post ជប៉ុន សម្រេចលុបចោលការរឹតបន្តឹងលើការនាំចេញអាវុធប្រល័យជីវិត appeared first on .

យោងតាមលោក Lorenzo Scarazzato អ្នកជំនាញប្រចាំនៅវិទ្យាស្ថានស្រាវជ្រាវសន្តិភាពអន្តរជាតិស្តុកហូម (SIPRI) ដែលមានមូលដ្ឋាននៅប្រទេសស៊ុយអែត បានឲ្យដឹងនៅថ្ងៃទី៣០ ខែវិច្ឆិកាថា ៖”ការលក់អាវុធជាសកលកាលពីឆ្នាំមុន បានឈានដល់កម្រិតខ្ពស់បំផុតដែលយើងធ្លាប់បានកត់ត្រាទុក ខណៈដែលក្រុមហ៊ុនផលិតអាវុធធំៗបានទាញយកអត្ថប្រយោជន៍នៃតម្រូវការខ្ពស់”។

ទន្ទឺមនឹងនេះ​ ​​SIPRI បានរាយការណ៍ទៀតថា ការលក់របស់ក្រុមហ៊ុនផលិតអាវុធកំពូលទាំង១០០ របស់ពិភពលោកក្នុងឆ្នាំ២០២៤ បានឈានដល់កម្រិតខ្ពស់បំផុតមិនធ្លាប់មាន ៦៧៩ពាន់លានដុល្លារ ពោលគឺកើនឡើង ៥,៩% ពីឆ្នាំ២០២៣។ ប្រាក់ចំណូលរបស់ក្រុមទាំងនេះក៏បានកើនឡើង ២៦% ផងដែរ។

គួរឲ្យដឹងថា ក្រុមហ៊ុនអាមេរិកចំនួន ៣៩ ស្ថិតក្នុងចំណោមក្រុមហ៊ុនផលិតអាវុធកំពូលទាំង១០០ របស់ពិភពលោក ដែលមានប្រាក់ចំណូលសរុបចំនួន ៣៣៤ពាន់លានដុល្លារ ក្នុងឆ្នាំ២០២៤ និងស្ទើរតែពាក់កណ្តាលនៃការលក់ជាសកល។

ដោយឡែក ក្រុមហ៊ុនចំនួន ២៦ មកពីអឺរ៉ុប ក៏បានបង្ហាញពីការកើនឡើង ១៣% នៃការលក់របស់ខ្លួនផងដែរ ពោលគឺឈានដល់តម្លៃចំនួន ១៥១ពាន់លានដុល្លារ។

ជម្រាបជូនថា សាជីវកម្មរុស្ស៊ីពីរ ក៏ស្ថិតនៅក្នុងបញ្ជីនោះផងដែរ ជាមួយនឹងប្រាក់ចំណូលសរុបចំនួន ៣១,២ពាន់លានដុល្លារ ដែលបានកើនឡើង ២៣%៕

The post ការលក់សព្វាវុធលើសកលលោក ឈានដល់តម្លៃ ៦៧៩ពាន់លានដុល្លារ កាលពីឆ្នាំមុន appeared first on .

ក្រសួងការបរទេសសហរដ្ឋអាមេរិក កាលពីថ្ងៃទី១២ ខែឧសភា បានជូនដំណឹងដល់សភាអំពីកិច្ចព្រមព្រៀងធំៗចំនួនពីរ ដើម្បីលក់យន្តហោះ និងឧបករណ៍យោធាដែលមានតម្លៃជាង ១,៤ពាន់លានដុល្លារទៅឲ្យប្រទេសអារ៉ាប់រួម (UAE) ពោលគឺមុនពេលប្រធានាធិបតី លោក ដូណាល់ ត្រាំ នឹងចាប់ផ្តើមដំណើរទស្សនកិច្ចរយៈពេល ៤ថ្ងៃទៅកាន់តំបន់មជ្ឈិមបូព៌ា។

យោងតាមទីភ្នាក់ងារសហប្រតិបត្តិការសន្តិសុខការពារជាតិអាមេរិក (DSCA) បានបង្ហាញឲ្យដឹងថា សម្រាប់កិច្ចព្រមព្រៀងទី១ មានតម្លៃប្រមាណ ១,៣២ពាន់លានដុល្លារ ដោយក្នុងនោះរួមបញ្ចូលទាំងឧទ្ធម្ភាគចក្រ CH-47F Block II Chinook ចំនួនប្រាំមួយគ្រឿង រួមជាមួយឧបករណ៍ជំនួយជាច្រើនដូចជាម៉ាស៊ីន ប្រព័ន្ធព្រមានមីស៊ីល កាំភ្លើងយន្ត និងឧបករណ៍ចាក់ប្រេងពីលើអាកាស។

ទន្ទឹមនឹងនេះ ចំពោះកិច្ចព្រមព្រៀងទី២ ដែល​មាន​តម្លៃ ១៣០​លាន​ដុល្លារ នឹងរួម​បញ្ចូល​ទាំង​ការ​ថែទាំ និង​គ្រឿងបន្លាស់​សម្រាប់​យន្តហោះ​ចម្បាំង F-16 ផងដែរ។ DSCA បាននិយាយថា កិច្ចព្រមព្រៀងធំៗទាំង២ នេះ នឹងគាំទ្រគោលនយោបាយការបរទេស និងសន្តិសុខជាតិរបស់សហរដ្ឋអាមេរិក ដោយការបង្កើនសមត្ថភាពការពាររបស់អារ៉ាប់រួម ដែលជាដៃគូសំខាន់របស់រដ្ឋាភិបាលទីក្រុងវ៉ាស៊ីនតោន នៅមជ្ឈិមបូព៌ា។

ជម្រាបជូនថា ការប្រកាសនេះបានធ្វើឡើងនៅពេលដែលលោក ត្រាំ គ្រោងនឹងចាកចេញទៅកាន់តំបន់មជ្ឈិមបូព៌ា ដែលជាដំណើរទស្សនកិច្ចក្រៅប្រទេសលើកដំបូងរបស់លោក ក្នុងអាណត្តិទីពីរនេះ ដោយនឹងត្រូវចុះសំចតនៅក្នុងប្រទេសអារ៉ាប៊ីសាអូឌីត កាតា និងអារ៉ាប់រួម៕

The post អាមេរិក ព្រមលក់អាវុធតម្លៃ ១,៤ពាន់លានដុល្លារឲ្យអារ៉ាប់រួម មុនដំណើរទស្សនកិច្ចលោក ត្រាំ appeared first on .

សារព័ត៌មាន Reuters បានចុះផ្សាយថា វិធានការដាក់ទណ្ឌកម្មនេះធ្វើឡើងដើម្បីប្រឆាំងទៅនឹងក្រុមហ៊ុន General Atomics Aeronautical Systems ដែលផលិតយន្តហោះគ្មានមនុស្សបើក និងក្រុមហ៊ុនផលិតរថយន្តយោធា General Dynamics Land Systems ។

ក្នុងនោះ ប្រទេសចិនបានលើកឡើងថា ការលក់អាវុធយ៉ាងដូច្នេះគឺជាការលូកដៃចូលជ្រៀតជ្រែកនៅក្នុងកិច្ចការផ្ទៃក្នុងរបស់ខ្លួន ហើយជាទង្វើបំផ្លាញអធិបតេយ្យភាព និងបូរណភាពទឹកដីរបស់ប្រទេសចិន។ ម្យ៉ាងវិញទៀត ការបន្តលក់អាវុធរបស់សហរដ្ឋអាមេរិកទៅឲ្យតៃវ៉ាន់ គឺជាការរំលោភយ៉ាងធ្ងន់ធ្ងរចំពោះគោលនយោបាយចិនតែមួយ និងបទប្បញ្ញត្តិនៃសេចក្តីថ្លែងការណ៍រួមទាំងបីរបស់សហរដ្ឋអាមេរិក និងចិន។

គួរជម្រាបថា កាលពីឆ្នាំមុនប្រទេសចិនក៏ធ្លាប់បានដាក់ទណ្ឌកម្មប្រឆាំងនឹងក្រុមហ៊ុនអាកាសចរណ៍ Northrop Grumman និងក្រុមហ៊ុនការពារជាតិអាមេរិក Lockheed Martin ម្តងរួចមកហើយដែរ ដោយដ្បិតថាក្រុមហ៊ុនទាំងពីរបានផ្គត់ផ្គង់អាវុធទៅឲ្យកោះតៃវ៉ាន់ដូចគ្នា៕

The post ចិនបន្តដាក់ទណ្ឌកម្មលើក្រុមហ៊ុនអាមេរិកពីរទៀត ដែលហ៊ានលក់អាវុធឲ្យតៃវ៉ាន់ appeared first on .

បញ្ហាសង្រ្គាមនៅក្នុងប្រទេសអ៊ុយក្រែន ហាក់បានជំរុញដល់ឧស្សាហកម្មសព្វាវុធរបស់អាល្លឺម៉ង់យ៉ាងខ្លាំង ខណៈដែលប្រទេសនានាផ្សេងទៀត ក៏កំពុងស្វែងរកការទិញចូលអាវុធបន្ថែមផងដែរ ដោយសារតែបានប្រឈមមុខជាមួយនឹងការគំរាមកំហែងកាន់តែខ្លាំងឡើងពីសំណាក់ប្រទេសរុស្ស៊ី និងបានធ្វើឲ្យតម្រូវពីការលក់អាវុធរបស់ក្រុមហ៊ុន Rheinmetall មានការកើនឡើងខ្លាំងកាលពីឆ្នាំមុន។

យ៉ាងណាមិញ​ ជុំវិញផែនការថ្មីក្នុងការសាងសង់រោងចក្រ នៅក្នុងប្រទេសអ៊ុយក្រែន ក្រុមហ៊ុន Rheinmetall បានបញ្ចាក់ថា ទីនោះនឹងក្លាយជាកន្លែងសម្រាប់ផលិតសព្វាវុធធ្វើសង្គ្រាមជាច្រើនប្រភេទ ដូចជាគ្រាប់ផ្លោង យានយន្តយោធា ​រំសេវ​គ្រាប់កាំភ្លើង និងអាវុធប្រឆាំងយន្តហោះ ជាដើម។

ទន្ទឹមនឹងនេះ នាយកប្រតិបត្តិក្រុមហ៊ុន Rheinmetall លោក Armin Papperger បាននិយាយនៅក្នុងបទបង្ហាញអំពីលទ្ធផលសរុបក្នុងឆ្នាំ២០២៣ របស់ក្រុមហ៊ុនថា ៖”ឥឡូវនេះអ៊ុយក្រែន គឺជាដៃគូដ៏សំខាន់មួយសម្រាប់យើង ដោយទីនោះយើងបានមើលឃើញពីសក្តានុពលក្នុងការលក់ ចន្លោះពី ២ទៅ៣ពាន់លានអឺរ៉ូ ក្នុងមួយឆ្នាំ” ។

ជម្រាបជូនផងដែរថា ក្រុមផលិតអាវុធដែលមានមូលដ្ឋាននៅទីក្រុង Duesseldorf បានរាយការណ៍ពីប្រាក់ចំណូលសរុបចំនួន ៧,២ពាន់លានអឺរ៉ូកាលពីឆ្នាំមុន ស្របពេលបច្ចុប្បន្នក្រុមហ៊ុន កំពុងដាក់គោលដៅធំដើម្បីឈានដល់ការលក់ឲ្យបានចំនួន ១០ពាន់លានអឺរ៉ូ នៅឆ្នាំ២០២៤ នេះ៕

The post ក្រុមហ៊ុនផលិតអាវុធខ្នាតយក្សអាល្លឺម៉ង់ គ្រោងសង់រោងចក្រថ្មីៗ ៤ នៅអ៊ុយក្រែន appeared first on .

ចាប់តាំងពីការចូលឈ្លានពានរបស់រុស្ស៊ីកាលពីខែកុម្ភៈឆ្នាំ ២០២២ មក ប្រទេសប៉ូឡូញគឺជាសម្ព័ន្ធមិត្តដ៏សំខាន់ ដែលតែងតែជាអ្នកផ្គត់ផ្គង់អាវុធដ៏សំខាន់មួយរបស់ទីក្រុង Kyiv និងក៏ជាប្រទេសដែលធ្លាប់ជួយទទួលជនភៀសខ្លួនអ៊ុយក្រែនប្រមាណជាងមួយលាននាក់ផងដែរ។

ប៉ុន្តែទំនាក់ទំនងរវាងប្រទេសទាំងពីរ​ បានធ្លាក់ចុះក្នុងរយៈពេលប៉ុន្មានថ្ងៃចុងក្រោយនេះ ពោលកាលពីថ្ងៃពុធ នាយករដ្ឋមន្ត្រីប៉ូឡូញ លោក Mateusz Morawiecki បានអំពាវនាវឱ្យបញ្ឈប់រាល់ការផ្គត់ផ្គង់អាវុធរបស់ខ្លួន ទៅកាន់ទីក្រុង Kyiv ទៀត ដោយបានលើកឡើងថា៖ ពួកយើង​លែង​ផ្តល់​អាវុធ​ទៅអោយអ៊ុយក្រែនទៀត​ហើយ ​ព្រោះ​បច្ចុបន្នពួក​យើង​កំពុងផ្តោតលើការ​បំពាក់​អាវុធ​ដល់យោធា​ប៉ូឡូញ​ដែលទំនើប​ជាង​នេះ​។

សូមជម្រាបថា ចំណាត់ការនេះបានធ្វើឡើងបន្ទាប់ពីលោក Zelenskyy បានថ្លែងក្នុងសុន្ទរកថារបស់លោកទៅកាន់មហាសន្និបាតអង្គការសហប្រជាជាតិ ដើម្បីចោទប្រកាន់មនុស្សមួយចំនួននៅអឺរ៉ុបថា បានអនុញ្ញាតឱ្យបញ្ហានៃការនាំចេញគ្រាប់ធញ្ញជាតិ ផ្តល់ផលប្រយោជន៍ដល់ប្រទេសរុស្ស៊ី ពោលគឺកាលពីពេលថ្មីៗនេះ ប្រទេសប៉ូឡូញ និងហុងគ្រី បានហាមឃាត់ការនាំចូលគ្រាប់ធញ្ញជាតិ និងស្បៀងអាហារផ្សេងទៀត​ពីប្រទេសអ៊ុយក្រែន ដើម្បីការពារកសិកររបស់ពួកគេ៕

The post ប៉ូឡូញលែងផ្គត់ផ្គង់អាវុធឲ្យអ៊ុយក្រែន ធ្វើឲ្យទំនាក់ទំនងប្រទេសទាំង២ ល្អក់កករ appeared first on .

ក្នុងនោះដែរ នាយកប្រតិបត្តិរបស់ក្រុមហ៊ុន BAE លោក Woodburn បាននិយាយថា “ការចុះហត្ថលេខាលើកិច្ចព្រមព្រៀង និងការបង្កើតនីតិបុគ្គលនៅអ៊ុយក្រែននេះ គឺដើម្បីកសាងលើការជឿទុកចិត្ត និងការគាំទ្រដែលមានស្រាប់របស់យើង ក៏ដូចជាត្រួសត្រាយផ្លូវដើម្បីធ្វើការរួមគ្នា និងផ្តល់ការគាំទ្រដោយផ្ទាល់បន្ថែមទៀតដល់កងកម្លាំងប្រដាប់អាវុធអ៊ុយក្រែន” ។

ជាមួយគ្នានោះ ប្រធានាធិបតីអ៊ុយក្រែនលោក Volodymyr Zelensky បានសរសេរនៅលើវេទិកាប្រព័ន្ធផ្សព្វផ្សាយសង្គម X ថា “ការអភិវឌ្ឍន៍នៃការផលិតអាវុធផ្ទាល់ខ្លួនរបស់យើង គឺជាអាទិភាពកំពូល” ។

សូមជម្រាបថា ចាប់តាំងពីការចូលឈ្លានពានរបស់រុស្ស៊ីក្នុងខែកុម្ភៈឆ្នាំ 2022 មកទល់នឹងពេលនេះ ចក្រភពអង់គ្លេសបានក្លាយជាអ្នកផ្គត់ផ្គង់អាវុធការពារដ៏សំខាន់មួយរបស់អ៊ុយក្រែន៕

The post ក្រុមហ៊ុនរបស់អង់គ្លេសមួយ នឹងបើករោងចក្រផលិតសព្វាវុធ នៅប្រទេសអ៊ុយក្រែន appeared first on .

ការលើកឡើងបែបនេះកើតឡើង ក្រោយពីសហរដ្ឋអាមេរិកជឿជាក់ថា រដ្ឋមន្ត្រីការពារជាតិរុស្ស៊ី លោក Sergei Shoigu បានព្យាយាមបញ្ចុះបញ្ចូលទីក្រុងព្យុងយ៉ាង ឱ្យលក់គ្រាប់កាំភ្លើងធំទៅអោយទីក្រុងមូស្គូ នៅពេលដែលរូបលោកបាន ធ្វើទស្សនកិច្ចនៅកូរ៉េខាងជើង និងបានជួបជាមួយលោក គីម ជុងអ៊ុន កាលពីខែកក្កដា។

អ្នកនាំពាក្យសន្តិសុខជាតិរបស់សេតវិមាន លោក John Kirby បាននិយាយថា៖ សហរដ្ឋអាមេរិកមានការព្រួយបារម្ភអំពីកិច្ចព្រមព្រៀងអាវុធ ដែលអាចកើតមានរវាងរុស្ស៊ី និងកូរ៉េខាងជើង។

មន្ត្រីរូបនេះដដែលក៏បានបន្ថែមទៀតថា៖ យើងក៏បានជំរុញអោយកូរ៉េខាងជើងបញ្ឈប់រាល់ការចរចាអាវុធរបស់ខ្លួនជាមួយរុស្សី ក៏ដូចជាការគោររពតាមការប្តេជ្ញាចិត្តជាសាធារណៈ​ ដែលទីក្រុងព្យុងយ៉ាងបានធ្វើ ក្នុងការមិនផ្តល់ ឬលក់អាវុធទៅអោយទីក្រុងមូស្គូ។

សូមជម្រាបថា ប្រទេសកូរ៉េខាងជើងត្រូវបានស្ថិតនៅក្រោមការដាក់ទណ្ឌកម្មយ៉ាងធ្ងន់ធ្ងររបស់អង្គការសហប្រជាជាតិចំពោះកម្មវិធីនុយក្លេអ៊ែរ និងមីស៊ីលផ្លោងរបស់ខ្លួន ខណៈដែលប្រទេសរុស្ស៊ីក៏ប្រឈមមុខនឹងការដាក់ទណ្ឌកម្មមួយចំនួនរបស់សហរដ្ឋអាមេរិក និងលោកខាងលិចជុំវិញការឈ្លានពានទៅលើអ៊ុយក្រែន កាលពីឆ្នាំមុនផងដែរ៕

The post អាមេរិក ព្រមានកូរ៉េខាងជើង មិនអោយលក់អាវុធទៅអោយរុស្ស៊ី appeared first on .

កន្លងមកការិយាល័យសេដ្ឋកិច្ច និងត្រួតពិនិត្យការនាំចេញ(BAFA) នៃប្រទេសអាឡឺម៉ង់ បានសហការជាមួយក្រុមការងារក្រសួងមហាផ្ទៃ ទទួលការងារប្រឆាំងឧក្រិដ្ឋកម្មឆ្លង​ដែន ក្នុងក្របខណ្ឌអាស៊ាន បានរៀបចំសិក្ខាសាលាបែបនេះ ចំនួន២លើកមកហើយ ដែលសិក្ខាសាលានេះ មានគោលបំណងសិក្សាពីការធ្វើសមាហរណកម្មប្រកប​ដោយប្រសិទ្ធិភាព នៃបទប្បញ្ញាតិ ស្តីពីពាណិជ្ជកម្មអាវុធនៅក្នុងច្បាប់ជាតិ និងការអនុ​វត្តជាសកល ហើយបញ្ហានៃការជូញដូរអាវុធខុសច្បាប់សព្វថ្ងៃនេះ គឺជាបញ្ហាប្រឈម​កំពុងជួបប្រទះ ទាំងក្នុងតំបន់ និងជាសកល។

ឯកឧត្តមឧត្តមសេនីយ៍ មៀច សុផាន់ណា រដ្ឋលេខាធិការក្រសួងមហាផ្ទៃ និងជាប្រធាន​ក្រុមការងារក្រសួងមហាផ្ទៃទទួលការងារប្រឆាំងឧក្រិដ្ឋកម្មឆ្លងដែន មានប្រសាសន៍ថា គ្រប់អាវុធដែលត្រូវបានផលិតទាំងអស់ សុទ្ធតែធ្វើឲ្យអន្តរាយដល់រាង្គកាយ និងអាយុ​ជីវិត ហើយមានជនប្រដាប់អាវុធជាច្រើន នៅលើពិភពលោក បានប្រើប្រាស់​បង្កជា​ជម្លោះ និងបានធ្វើឲ្យមនុស្សរាប់លាននាក់រងរបួស ខ្លះពិការ ខ្លះស្លាប់ បង្កឲ្យមាន​ស្រ្តីមេម៉ាយ ក្មេងកំព្រា ជនភៀសខ្លួន ភាពអត់ឃ្លាន និងគ្មានផ្ទះសម្បែងជាដើម។

ឯកឧត្តម មៀច សុផាន់ណា បានរំលឹកពីប្រវត្តិសាស្រ្តកម្ពុជាថា កម្ពុជា ធ្លាប់ឆ្លងកាត់ និងទទួលបទពិសោធដ៏ជូរចត់ជាច្រើនទសវត្សមកហើយដូចជា សង្គ្រាមទ័ពព្រៃ សង្គ្រាមស៊ីវិល ការលុកលុយ និងភាពក្រីក្រ ដែលបានសម្លាប់ប្រជាជនកម្ពុជា អស់ជា​ច្រើនលាននាក់ និងបានបំផ្លាញហេដ្ឋារចនាសម្ព័ន្ធទាំងស្រុងនៅក្នុងប្រទេស។ ឯកឧត្តម គូសបញ្ជាក់ថា នៅពេលនោះ កម្ពុជាមិនមែនជាប្រទេសផលិតអាវុធទេ ហើយក៏មិ​ន​មែនជាអ្នកជួញដូរអាវុធដែរ តែជាប្រទេសដែលរងគ្រោះដោយសារអាវុធ។ ទោះយ៉ាងណា ឯកឧត្តម មៀច សុផាន់ណា លើកឡើងថា សន្តិភាពដែលបានវិល​ត្រឡប់​មកព្រះរាជាណាចក្រកម្ពុជាវិញទាំងស្រុង ក្រោមគោលនយោបាយឈ្នះឈ្នះ ដោយផ្អែកលើស្មារតីសាមគ្គីភាព និងឯកភាពជាតិរបស់រដ្ឋាភិបាលសព្វថ្ងៃ ដែលដឹកនាំដោយ សម្តេចតេជោនាយករដ្ឋមន្រ្តី។

ឯកឧត្តមបន្តថា ជាការពិតណាស់ សន្ធិសញ្ញាពាណិជ្ជកម្មអាវុធនេះ បង្ហាញពីឱ​កាស​សម្រាប់សមាជិកសហគមន៍អាស៊ាន ដើម្បីឆ្លុះបញ្ចាំងពីការតាំងចិត្តរួមគ្នា ការផ្សា​ភ្ជាប់គ្នាទៅវិញទៅមករវាងការអភិវឌ្ឍ សន្តិសុខជាតិ និងដើម្បីបង្កើតកាតព្វកិច្ច ដែលប្រឆាំងការផ្ទេរអាវុធ ដែលអាចបំផ្លាញដល់សន្តិសុខស៊ីវិល និងសន្តិសុខ​មនុស្សធម៌នៅក្នុងតំបន់។

ជាមួយគ្នានេះ​ លោក Sascha Reebs លេខាទី១ នៃស្ថានទូតអាឡឺម៉ង់ប្រចាំកម្ពុជា សម្តែងក្តីសោមនស្ស ដែលមើលឃើញកម្ពុជា បានរៀបចំឯកសារ​ផែនទីតម្រង់ទិស​សម្រាប់គ្រប់គ្រងអាវុធស្របច្បាប់ ហើយលោកសង្ឃឹមថា នឹងបន្តធ្វើការរួមគ្នា ដើម្បីទទួលបានភាពជោគជ័យ។

សូមបញ្ជាក់ថា ព្រះរាជាណាចក្រកម្ពុជា គឺជាប្រទេសហត្ថលេខីលើសន្ធិសញ្ញា​ពាណិ​ជ្ជកម្ម(ATT)រួចមកហើយតាំងពីថ្ងៃទី ១៨ ខែតុលា ឆ្នាំ ២០១៣ ដោយអគ្គរា​ជទូត​ព្រះរាជាណាចក្រកម្ពុជា ប្រចាំអង្គការសហប្រជាជាតិ ប៉ុន្តែនៅមិនទាន់​បានបំពេញ​បែបបទសព្វគ្រប់សម្រាប់ផ្តល់សច្ចាប័ននៅឡើយ។ ដូច្នេះហើយ ទើបប្រមុខ​រាជ​រដ្ឋាភិបាលកម្ពុជា ដែលមានសម្តេចតេជោហ៊ុន សែន នាយករដ្ឋមន្រ្តី បានអ​នុញ្ញាតឲ្យមានការរៀបចំសិក្ខាសាលានេះឡើង ដើម្បីបន្តកិច្ចការងារពាក់ព័ន្ធខាងលើ៕

The post កម្ពុជា អាឡឺ​ម៉ង់ បន្ត​ជ​ជែក​ពី​​គ​ម្រោ​ង​ផ្សព្វផ្សាយ​សន្ធិស​ញ្ញា​ពា​ណិជ្ជកម្មអាវុធលើកទី៣ appeared first on .