សម្តេចតេជោ ហ៊ុន សែន បានបន្តថា ស៊ីហ្គេម គឺជាកាតព្វកិច្ចរបស់រដ្ឋជាសមាជិកអាស៊ាន ដែលត្រូវផ្លាស់ប្តូរវេនគ្នាសម្រាប់រៀបចំព្រឹត្តិការណ៍កីឡានេះ។ ជាមួយគ្នានេះ សម្តេចបន្តថា គិតត្រឹមថ្ងៃទី៣១ ឧសភា នេះ កម្ពុជាសល់តែ៣ ថ្ងៃទៀតតែប៉ុណ្ណោះនឹងត្រូវរៀបចំព្រឹត្តិការណ៍កីឡាអាស៊ានប៉ារ៉ាហ្គេម ឬកីឡាសម្រាប់បងប្អូនជនពិការនៅកម្ពុជា ដែលត្រូវធ្វើជាម្ចាស់ផ្ទះជាបន្តទៀត។

ជាមួយគ្នានេះ សម្តេចតេជោ ហ៊ុន សែន ក៏បានអំពាវនាវដល់បងប្អូនប្រជាពលរដ្ឋខ្មែរទាំងអស់ សូមគាំទ្រ និងលើកទឹកចិត្តបន្ថែមទៀតដល់កីឡាករ-កីឡាការិនី ដែលជាកីឡាជនពិការ។លើសពីនេះ សម្ដេចតេជោ ហ៊ុន សែន ក៏បានណែនាំដល់រដ្ឋមន្រ្ដីក្រសួងទេសចរណ៍ និងក្រុមការងាររៀបចំព្រឹត្តិការកីឡាអាស៊ានប៉ារ៉ាហ្គេម ត្រូវរៀបចំទស្សនីយភាពពិធីបើកព្រឹត្តិការណ៍នេះឱ្យបានល្អ និងបាញ់កាំជ្រួចឱ្យបានច្រើន ខណៈរដ្ឋមន្រ្ដីក្រសួងទេសចរណ៍បញ្ជាក់ថា ការបាញ់កាំជ្រួចក្នុងពេលបើកព្រឹត្តិការណ៍អាស៊ានប៉ារ៉ាហ្គេម គឺមានចំនួនច្រើនជាងព្រឹត្តិការណ៍បើកស៊ីហ្គេមទៅទៀត។

គួរបញ្ជាក់ដែរថា ព្រឹត្តិការណ៍កីឡាអាស៊ានប៉ារ៉ាហ្គេមតែងតែប្រារព្ធធ្វើឡើងបន្ទាប់ពីព្រឹត្តិការណ៍កីឡាស៊ីហ្គេម ដោយមានការចូលរួមប្រកួតពីប្រតិភូអត្តពលិកដែលមានពិការភាពនៃប្រទេសទាំង១១ ក្នុងតំបន់អាស៊ីអាគ្នេយ៍។ ឆ្នាំ២០២៣នេះ ការរៀបចំព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ នឹងរៀបចំនៅទឹកដីកម្ពុជា ដែលនឹងប្រព្រឹត្តទៅចាប់ពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣ ខាងមុខនេះ។

កាលពីឆ្នាំ២០២២ កន្លងទៅ ព្រឹត្តិការណ៍អាស៊ានប៉ារ៉ាហ្គេម លើកទី១១ បានប្រព្រឹត្តទៅនៅប្រទេសឥណ្ឌូនេស៊ី ដែលកម្ពុជាបានបញ្ជូនអត្តពលិកចំនួន១១៥នាក់ ដើម្បីចូលរួមប្រកួតលើ១១ប្រភេទកីឡា។ ឆ្នាំ២០២៣នេះ កម្ពុជាបានត្រៀមខ្លួនរួចជាស្រេចក្នុងនាមជាម្ចាស់ផ្ទះនៃព្រឹត្តការណ៍អាស៊ានប៉ារ៉ាហ្គេម លើកទី១២ ដោយមានកីឡាចំនួន១៤ប្រភេទ និងមានអត្តពលិកចូលរួមប្រមាណ១ ៤០០នាក់ ដែលក្នុងនោះ មានកីឡាករ-កីឡាការិនីកម្ពុជាចំនួន៣១៧នាក់៕

The post ព្រឹត្តិការណ៍បើកអាស៊ានប៉ារ៉ាហ្គេម នឹងមានការបាញ់កាំជ្រួចច្រើនជាង​ព្រឹត្តិការណ៍បើកស៊ីហ្គេមទៅទៀត appeared first on .

ក្នុងនោះ អ្នកជំនាញផ្នែកលក់ និងទីផ្សារអចលនទ្រព្យ លោក គង់ គីមសេង បានឱ្យដឹងថា ក្នុងនាមកម្ពុជាធ្វើជាម្ចាស់ផ្ទះនៃព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេមនេះ ជាការលើកមុខមាត់ប្រទេសកម្ពុជាទាំងមូលនៅលើឆាកអន្តរជាតិ ដោយពិភពលោកកំពុងមើលមកកម្ពុជាប្រកបដោយភាពភ្ញាក់ផ្អើល ដែលជាប្រទេសកំពុងមានការអភិវឌ្ឍលឿន រហ័ស ដោយសារមានស្ថេរភាពនយោបាយល្អប្រសើរ ក្រោមការដឹកនាំដ៏ឈ្លៀសវៃរបស់ប្រមុខរាជរដ្ធាភិបាលកម្ពុជា។

ទន្ទឹមនឹងការលើកមុខមាត់កម្ពុជាលើឆាកអន្តរជាតិនោះ លោក ក៏បានកត់សម្គាល់ឃើញថា នៅក្នុងនោះ វិស័យអចលនទ្រព្យកំពុងមានសន្ទុះកើនឡើងផងដែរ ជាពិសេសតំបន់ដែលធ្វើកម្មវិធី SeaGame2023 គឺតំបន់ជ្រោយចង្វារ ផ្លូវ៦អា ពោលជាតំបន់ក្រុងរណបថ្មីនៃរាជធានីភ្នំពេញ។ ដោយ លោក បានមើលឃើញថា មានចំណុចធំៗចំនួន៥ ដែលគួរឱ្យកត់សម្គាល់មុនពេល អំឡុងពេល និងក្រោយពេលដែលកម្ពុជាជាម្ចាស់ផ្ទះ ក្នុងព្រឹត្តការណ៍ខាងលើ រួមមាន៖
ទី១. ការសាងសង់លំនៅឋានមានការកើនឡើង ដើម្បីទទួលភ្ញៀវជាតិ និងអន្តរជាតិ

ទី២. មានការទិញ-លក់៖ មានន័យថា នៅពេលមានការសាងសង់លំនៅឋានច្រើន នោះនឹងមានការទិញឬលក់អចលនទ្រព្យកើនឡើងច្រើន ក្នុងតំបន់នោះ។

ទី៣. អចលនទ្រព្យ មានតម្លៃថ្លៃ៖ នៅពេលមានការទិញ-លក់ច្រើន មានន័យថា ការផ្គត់ផ្គង់តិច តម្រូវការខ្ពស់ នោះជាការធ្វើឱ្យតម្លៃដី ធ្លី ឡើងថ្លៃ

ទី៤. កំណើនប្រជាជនតំបន់នោះមានការកើនឡើង

និងទី៥. នៅមានឱកាសច្រើន សម្រាប់អ្នកវិនិយោគអចនលទ្រព្យ។

ជាមួយគ្នានោះ នាយកផ្នែកទីផ្សារអចលនទ្រព្យ ក្រុមហ៊ុន Making Property Easy Co,.Ltd បានបញ្ជាក់បន្ថែមដែរថា ក្រៅពីមានការលើកមុខមាត់ប្រទេសកម្ពុជាលើឆាកអន្តរជាតិ ធ្វើឱ្យពិភពលោកស្ងប់ស្ងែង ជាពិសេសការកត់សម្គាល់ភាពរីកចម្រើនក្នុងវិស័យអចលនទ្រព្យយ៉ាងនេះក្តី ក៏ឃើញថា ក្នុងវិស័យទេសចរណ៍ បដិសណ្ឋារកិច្ចក៏មានការងើបឡើងវិញ កាន់តែខ្លាំងផងដែរនាពេលអនាគតដ៏ខ្លីខាងមុខ៕

អត្ថបទ៖ ស៊ីណាត

The post អ្នកជំនាញមើលឃើញថា ៥ចំណុច ដែលគួរឱ្យកត់សម្គាល់ ក្នុងវិស័យអចលនទ្រព្យ អំឡុងពេលកម្ពុជាធ្វើជាម្ចាស់ផ្ទះព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម appeared first on .

ម្ចាស់ផលិតកម្ម Galaxy Navatra អ្នកឧកញ៉ា ឡេង ណាវ៉ាត្រា លើបណ្តាញសង្គមហ្វេសប៊ុកនៅថ្ងៃទី២៤ ខែមីនានេះ បានបង្ហោះវីដេអូសកម្មភាពកំពុងតែថត MV និងសរសេរយ៉ាងដូច្នេះថា៖ «យើងខ្ញុំទាំងអស់គ្នាបានរួបរួមផលិតបទ “ស្រឡាញ់អ្វីដែលខ្មែរមាន” ដើម្បីបង្ហាញពីភាពរីកចម្រើនរុងរឿងរបស់កម្ពុជា»។

អ្នកឧកញ៉ា បានគូសបញ្ជាក់រំលេចថា សិល្បៈរស់នៅក្នុងសម័យសន្តិភាព ការសាមគ្គី និងការបង្រួបបង្រួម ជាធ្លុងមួយសម្រាប់ការអភិវឌ្ឍន៍គ្រប់វិស័យ រួមទាំងវិស័យសិល្បៈក៏មានការអភិវឌ្ឍន៍រីកចម្រើន។ រូបភាពនេះ គឺជាភស្តុតាង សម្រាប់ទៅអនាគត ដែលបង្ហាញពីរូបភាពរីកចម្រើន អភិវឌ្ឍន៍ក្នុងពេលបច្ចុប្បន្ននេះ។ លើសពីនេះ អ្នកឧកញ៉ា ក៏បង្ហាញឆន្ទៈ និងចក្ខុវិស័យរបស់ផលិតកម្ម Galaxy navatra ក្នុងការចូលរួមបង្វែរផ្នត់គំនិតថ្មីដែលមិនមានបទចម្លងពីបរទេស និងបង្កើតបទ original song រហូតដល់ជិត ១ពាន់បទ ពេលកន្លងទៅ។

អ្នកឧកញ៉ា ឡេង ណាវ៉ាត្រា ថ្លែងបញ្ជាក់បន្ថែមថា៖ «ហើយសមិទ្ធផលទាំងអស់នេះ មិនមែនជារបស់ខ្ញុំម្នាក់ឯងឡើយ គឺជាសមិទ្ធផលរបស់ជាតិ ដែលអភិវឌ្ឍន៍សិល្បៈជ្រកក្រោមម្លប់សន្តិភាព​ និងការអភិវឌ្ឍន៍គ្រប់វិស័យ។ ក្រោមការដឹកនាំរបស់ សម្ដេចតេជោ និងសម្ដេចគតិព្រឹទ្ធបណ្ឌិត បានធ្វើអោយសិល្បៈរស់ឡើងវិញ និងអាចឈានជើងទៅប្រកួតប្រជែងនៅលើទីផ្សារអន្តរជាតិបាន»។

សូមជម្រាបជូនថា នៅក្នុងវីដេអូ អ្នកឧកញ៉ា ឡេង ណាវ៉ាត្រា បានបង្ហោះនោះ គេឃើញមានវត្តមានកំពូលតារាចម្រៀងប្រចាំផលិតកម្ម Galaxy Navatra  គឺកំពូលតារាចម្រៀង ឧកញ៉ា ព្រាប សុវត្ថិ, កំពូលតារាចម្រៀង ឧកញ៉ា ខេមរៈ សិរីមន្ត, កំពូលតារាចម្រៀង តន់ ច័ន្ទសីម៉ា និងកំពូលតារាចម្រៀង ខេម អមដោយនារីវ័យក្មេងជិតមួយ១ពាន់នាក់រាំនៅក្នុង MV បទចម្រៀង “ស្រឡាញ់អ្វីដែលខ្មែរមាន”៕

The post នារីវ័យក្មេងជិត ១ពាន់នាក់ រាំអមកំពូលតារាចម្រៀង ៤ដួង ក្នុងបទ MV សម្រាប់ព្រឹត្តិការណ៍សុីហ្គេម appeared first on .