លោក Albanese បាននិយាយទៀតថា ស្តុកប្រេងឥន្ធនៈ និងទុនបម្រុងដែលនឹងត្រូវពង្រីកនេះ​ អាចផ្ទុកប្រេងសរុបប្រហែល ១ ពាន់លានលីត្រ (២៦៤ លានហ្គាឡុង) នឹងធានាថា អូស្ត្រាលីអាចរក្សាទុកប្រេងឥន្ធនៈយ៉ាងហោចណាស់ ៥០ថ្ងៃ ដើម្បីការពារប្រទេសពីវិបត្តិផ្គត់ផ្គង់នាពេលអនាគត។

គួរឲ្យដឹងថា ប្រទេសអូស្ត្រាលីនាំចូលប្រេងឥន្ធនៈប្រហែល ៨០% នៃប្រេងសរុបរបស់ខ្លួន ហើយបានជួបប្រទះនឹងការខ្វះខាតក្នុងស្រុក ចាប់តាំងពីការចាប់ផ្តើមនៃជម្លោះនៅមជ្ឈិមបូព៌ា។ ទុនបម្រុងបច្ចុប្បន្នរបស់ប្រទេសនេះ មានការផ្គត់ផ្គង់បានប្រហែលត្រឹម ៣០ថ្ងៃប៉ុណ្ណោះ ខណៈភាគច្រើនត្រូវពឹងផ្អែកលើស្តុកដែលរក្សាទុកដោយក្រុមហ៊ុនឯកជន។

ជម្រាបជូនទៀតថា កញ្ចប់ថវិកាចំនួន ១០ពាន់លានដុល្លារអូស្ត្រាលីនេះ នឹងរួមបញ្ចូលថវិកាចំនួន ៣,២ពាន់លានដុល្លារអូស្ត្រាលី សម្រាប់ទុនបម្រុងប្រេងឥន្ធនៈ ដើម្បីបង្កើនការផ្គត់ផ្គង់ និងស្តុកប្រេងម៉ាស៊ូត ក៏ដូចជាប្រេងឥន្ធនៈអាកាសចរណ៍រយៈពេលវែង ផងដែរ៕

The post អូស្រ្តាលី គ្រោងចាយលុយ ៧ពាន់លានដុល្លារ ដើម្បីបង្កើនទុនបម្រុងប្រេងជាតិ appeared first on .

ពាក់ព័ន្ធនឹងការលើកទឹកចិត្តចំពោះការចរចាកិច្ចព្រមព្រៀងព័ត៌មានដែលបានស្នើឡើងនេះ នឹងតម្រូវឲ្យក្រុមហ៊ុនបច្ចេកវិទ្យាធំៗទាំងបី បង់ពន្ធបន្ថែម ២,២៥% លើប្រាក់ចំណូលក្នុងស្រុករបស់ពួកគេ លុះត្រាតែពួកគេអាចសម្រេចបានកិច្ចព្រមព្រៀង ដោយប្រាក់ចំណូលនឹងត្រូវបញ្ជូនទៅកាន់ក្រុមហ៊ុនព័ត៌មាន ដើម្បីជំរុញវិស័យព័ត៌មានអូស្ត្រាលី។

រដ្ឋមន្ត្រីក្រសួងទំនាក់ទំនងអូស្រ្តាលី លោកស្រី Anika Wells បានប្រាប់សន្និសីទសារព័ត៌មានថា ៖”ប្រជាជនកំពុងទទួលបានព័ត៌មានរបស់ពួកគេដោយផ្ទាល់ពីបណ្តាញសង្គម Facebook ពី TikTok និងពី Google ហើយយើងជឿថាវាយុត្តិធម៌ណាស់ដែលវេទិកាឌីជីថលធំៗរួមចំណែកដល់ការខិតខំប្រឹងប្រែងរបស់វិស័យសារព័ត៌មាន ដែលបង្កើនប្រសិទ្ធភាពនៃព័ត៌មានរបស់ពួកគេ និងជំរុញប្រាក់ចំណូលរបស់ពួកគេ”។

មិនតែប៉ុណ្ណោះ លោកស្រី Wells ក៏បានបន្ថែមទៀតថា វេទិកាទាំងនោះ គួរតែធ្វើកិច្ចព្រមព្រៀងជាមួយអង្គការព័ត៌មាន ហើយប្រសិនបើពួកគេសម្រេចចិត្តមិនធ្វើបែបនេះទេ នោះពួកគេនឹងបញ្ចប់ទៅដោយចំណាយកាន់តែច្រើន៕

The post អូស្ត្រាលី ត្រៀមយកពន្ធក្រុមហ៊ុនបច្ចេកវិទ្យាខ្នាតយក្សធំៗ រាប់លានដុល្លារ បើមិនព្រមអនុវត្តច្បាប់ក្នុងស្រុក appeared first on .

ក្រុមហ៊ុនបច្ចេកវិទ្យាខ្នាតយក្សអាមេរិកមួយនេះ បាននិយាយនៅក្នុងសេចក្តីថ្លែងការណ៍មួយថា ការវិនិយោគរបស់ខ្លួនចុងក្រោយនេះ នឹងជួយពង្រីកហេដ្ឋារចនាសម្ព័ន្ធកុំព្យូទ័រ Azure AI និង Cloud របស់ខ្លួន ដើម្បីពង្រឹងសន្តិសុខតាមអ៊ីនធឺណិត និងជំរុញជំនាញ AI។

លោក Satya Nadella នាយកប្រតិបត្តិក្រុមហ៊ុន Microsoft បាននិយាយនៅក្នុងសេចក្តីថ្លែងការណ៍ដដែលនោះថា ៖”ប្រទេសអូស្ត្រាលីមានឱកាសដ៏ធំសម្បើមក្នុងការបកប្រែ AI ទៅជាកំណើនសេដ្ឋកិច្ចពិតប្រាកដ និងអត្ថប្រយោជន៍សង្គម។ នោះហើយជាមូលហេតុដែលយើងកំពុងធ្វើការវិនិយោគដ៏ធំបំផុតរបស់យើងនៅក្នុងប្រទេសអូស្ត្រាលីរហូតមកដល់បច្ចុប្បន្ន”។

ជម្រាបជូនថា ការផ្លាស់ប្តូរនេះធ្វើឡើង បន្ទាប់ពីមានការវិនិយោគចំនួន ៥ពាន់លានដុល្លារអូស្ត្រាលីរបស់ក្រុមហ៊ុន Microsoft ក្នុងឆ្នាំ២០២៣ ដែលមានគោលបំណងពង្រីកហេដ្ឋារចនាសម្ព័ន្ធកុំព្យូទ័រ Cloud និង AI របស់ខ្លួន នៅក្នុងប្រទេសអូស្ត្រាលី៕​

The post Microsoft បង្កើនការវិនិយោគជិត ១៨ពាន់លានដុល្លារ ជំរុញបញ្ញាសិប្បនិម្មិតនៅអូស្រា្តលី​ appeared first on .

តម្លៃប្រេងសកលបានកើនឡើងយ៉ាងខ្លាំង ខណៈដែលសង្គ្រាមរវាងសហរដ្ឋអាមេរិក អ៊ីស្រាអែល និងអ៊ីរ៉ង់ បានផ្តោតជុំវិញច្រកសមុទ្រ Hormuz ដែលការដឹកជញ្ជូនប្រេង និងឧស្ម័នប្រហែល ២០% របស់ពិភពលោកត្រូវបានឆ្លងកាត់តាមរយៈនោះ។

យ៉ាងណាមិញ​ នៅក្នុងសេចក្តីថ្លែងការណ៍រួមមួយ ប្រទេសអូស្ត្រាលី និងប្រទេសសិង្ហបុរី ដែលត្រូវបានចាត់ទុកថាជាមជ្ឈមណ្ឌលដឹកជញ្ជូនដ៏សំខាន់ បាននិយាយកាលថា ពួកគេបានចែករំលែកការព្រួយបារម្ភយ៉ាងខ្លាំងអំពីស្ថានភាពនៅមជ្ឈិមបូព៌ា និងផលវិបាកចំពោះតំបន់ ដូចជាផលប៉ះពាល់លើខ្សែសង្វាក់ផ្គត់ផ្គង់ថាមពល និងតម្លៃជាដើម។

មិនតែប៉ុណ្ណោះប្រទេសទាំងពីរ បានព្រមព្រៀងគ្នាពង្រឹងសន្តិសុខថាមពល ដើម្បីគាំទ្រដល់លំហូរទំនិញសំខាន់ៗ រួមទាំងប្រេងឥន្ធនៈ ដូចជាប្រេងម៉ាស៊ូត និងឧស្ម័នធម្មជាតិរាវ រវាងគ្នាផងដែរ។

ជម្រាបជូនថា នៅប្រទេសអូស្ត្រាលី តម្លៃប្រេងសាំងបានកើនឡើងយ៉ាងខ្លាំង ហើយមន្ត្រីបានចេញសេចក្តីអំពាវនាវឲ្យប្រជាពលរដ្ឋទិញតែអ្វីដែលពួកគេត្រូវការប៉ុណ្ណោះ ចៀសវាងការធ្វើឲ្យមានភាពចលាចល និងធ្វើឲ្យតម្លៃទំនិញកាន់តែកើនឡើងខ្ពស់៕

The post អូស្រា្តលី ងាកទៅរកសិង្ហបុរីឲ្យជួយផ្គត់ផ្គង់ប្រេង និងឧស្ម័ន ក្រោយវិបត្តិថាមពលដោយសារសង្គ្រាមអ៊ីរ៉ង់ appeared first on .

យោងតាមឯកសារផ្លូវការមួយដែលបានចេញផ្សាយដោយរដ្ឋាភិបាលទាំងពីរ ប្រទេសនីមួយៗនឹងបោះទុនវិនិយោគចំនួន ១ពាន់លានដុល្លាររៀងខ្លួន ក្នុងរយៈពេល ៦ខែខាងមុខ សម្រាប់គម្រោងរ៉ុករករ៉ែ និងដំណើរការ ក៏ដូចជាកំណត់តម្លៃសម្រាប់សារធាតុរ៉ែសំខាន់ៗ។

គួរឲ្យដឹងផងដែរថា ការវិនិយោគនេះ នឹងជួយគាំទ្ររដល់ការកែច្នៃឡើងវិញនៃផលិតកម្មបច្ចេកវិទ្យាខ្ពស់របស់សហរដ្ឋអាមេរិក ខណៈពេលដែលទីក្រុងវ៉ាស៊ីនតោន កំពុងព្យាយាមទប់ទល់នឹងការរឹតបន្តឹងចំពោះការនាំចេញរបស់ប្រទេសចិន និងធានាភាពធន់នៃខ្សែសង្វាក់ផ្គត់ផ្គង់លោកខាងលិច។

ជម្រាបជូនផងដែរថា កិច្ចព្រមព្រៀងអាមេរិក-អូស្ត្រាលី កំពុងត្រូវបានឃ្លាំមើលយ៉ាងដិតដល់ នៅពេលដែលទីក្រុងវ៉ាស៊ីនតោន ស្វែងរកការពង្រីកការផ្គត់ផ្គង់រ៉ែសំខាន់ៗជាសកល ចំពេលមានការទប់ស្កាត់ការនាំចេញរបស់ទីក្រុងប៉េកាំង។ ភាពតានតឹងពាណិជ្ជកម្មរវាងសហរដ្ឋអាមេរិក និងចិនបានកើនឡើងក្នុងពេលប៉ុន្មានសប្តាហ៍ថ្មីៗនេះ បន្ទាប់ពីប្រទេសចិនបានប្រកាសពីការទប់ស្កាត់ជាលើកទីពីររបស់ខ្លួនលើការនាំចេញវត្ថុធាតុកម្រ និងសម្ភារៈពាក់ព័ន្ធនៅឆ្នាំនេះ៕​

The post ក្រោយចិនរឹតបន្តឹង អាមេរិក ងាកទៅចុះកិច្ចព្រមព្រៀងរ៉ែកម្រជាមួយអូស្រ្តាលីជំនួសវិញ​ appeared first on .

ច្បាប់ដ៏សំខាន់មួយនេះ ​បាន​ឆ្លង​ផុត​សភា​ជាន់​ទាប​របស់អូស្រ្តាលីហើយកាលពី​ថ្ងៃ​ពុធ ហើយ​ឥឡូវ​ត្រូវ​បាន​បន្តដាក់ជូនទៅកាន់​ព្រឹទ្ធសភា ដើម្បីរង់ចាំការអនុម័តបន្ត ហើយនឹងផ្តល់ពេល ១២ខែ ដើម្បីឲ្យក្រុមហ៊ុនបណ្តាញសង្គមដោះស្រាយ មុនពេលត្រូវចូល​ធរមាន​។

ច្បាប់ថ្មីនេះមានន័យថា បណ្តាញសង្គមធំៗរបស់ពិភពលោក ដូចជា Facebook, Instagram, TikTok និង Snapchat ត្រូវតែចាត់វិធានការជាចាំបាច់ ដើម្បីការពារកុមារពីការបង្កើតគណនី។

ក្រុមហ៊ុនប្រព័ន្ធផ្សព្វផ្សាយសង្គមធំៗ ដែលអាចប្រឈមនឹងការផាកពិន័យរហូតដល់ជាង ៣០លានដុល្លារ ចំពោះការមិនគោរពតាម បាននិយាយថាច្បាប់ថ្មីនេះ ហាក់មិនទាន់មានភាពច្បាស់លាស់ មានបញ្ហាច្រើន និងដាក់ចេញដោយប្រញាប់ប្រញាល់ពេក។

ទន្ទឹមនឹងនេះ នាយករដ្ឋមន្ត្រីអូស្ត្រាលី លោក Anthony Albanese បានប្រាប់សន្និសីទសារព័ត៌មានមួយថា ប្រព័ន្ធផ្សព្វផ្សាយសង្គមកំពុងបង្កគ្រោះថ្នាក់ដល់ក្មេងៗ ហើយលោកកំពុងជំរុញឲ្យទប់ស្កាត់យ៉ាងច្បាប់រហ័សលើបញ្ហានេះ។

ជាមួយគ្នានេះ លោក Albanese បានលើកឡើងពីហានិភ័យចំពោះសុខភាពផ្លូវកាយ និងផ្លូវចិត្តរបស់ក្មេងពីការប្រើប្រាស់ប្រព័ន្ធផ្សព្វផ្សាយសង្គមច្រើនពេក ជាពិសេសហានិភ័យចំពោះក្មេងស្រីៗពីការបង្ហាញរូបភាពរាងកាយដែលអាចបង្កគ្រោះថ្នាក់។

ជម្រាបជូនផងដែរថា បណ្តាញសង្គមមួយចំនួនផ្សេងទៀតដូចជាដូចជា WhatsApp និង YouTube អាចនឹងត្រូវបានលើកលែងជុំវិញដាក់ចេញច្បាប់ថ្មីនេះ ដោយសារតែត្រូវបានចាត់ទុកថាជាកម្មវិធីដែលកុមារអាចប្រើប្រាស់សម្រាប់ការកំសាន្ត ការងារសាលា ឬហេតុផលផ្សេងទៀត៕

The post អូស្ត្រាលី ឈានដល់ការដាក់ចេញច្បាប់ហាមឃាត់ក្មេងអាយុក្រោម ១៦ឆ្នាំ ពីការប្រើប្រាស់បណ្តាញសង្គម appeared first on .

វិស័យកសិកម្មរបស់ប្រទេសអូស្រ្តាលី បានបង្ហាញពីការកោតសរសើរយ៉ាងខ្លាំងចំពោះការងាររបស់រដ្ឋាភិបាល លោក Anthony Albanese ក្នុងការជួយដោះស្រាយជាមួយប្រទេសចិន ជុំវិញការរឹតបន្តឹងលើការនាំចេញកសិផលរបស់ប្រទេសអូស្ត្រាលី អស់រយ:ពេលជាច្រើនឆ្នាំកន្លងមកនេះ។

ទន្ទឹមនឹងនេះ រដ្ឋមន្ត្រីក្រសួងកសិកម្ម លោក Murray Watt បានប្រកាសថា ការហាមឃាត់សាច់គោត្រូវបានលុបចោលលើកន្លែងកែច្នៃសាច់ចំនួន ៥ នៅក្នុងរដ្ឋ NSW និង Queensland គិតត្រឹមយប់ថ្ងៃពុធ ដោយនេះបានដកការរឹតបន្តឹងលើការនាំចេញដែលមានតម្លៃប្រហែល ១ពាន់លានដុល្លារក្នុងមួយឆ្នាំ ពីអូស្រ្តាលីទៅកាន់ប្រទេសចិន។

ជម្រាបជូនផងដែរថា ការបន្ធូរបន្ថយចំពោះការរឹតបន្តឹងលើការនាំចេញសាច់គោនេះ បានកើតឡើងបន្ទាប់ពីដំណើរទស្សនកិច្ចទៅកាន់ប្រទេសចិនរបស់នាយករដ្ឋមន្ត្រី លោក Anthony Albanese និងរដ្ឋមន្ត្រីពាណិជ្ជកម្ម លោក Don Farrell កាលពីខែវិច្ឆិកាឆ្នាំមុន ដែលជាដំណើរទស្សនកិច្ចលើកដំបូងរបស់ថ្នាក់ដឹកនាំកំពូលអូស្រ្តាលី ទៅកាន់ប្រទេសចិន គិតចាប់តាំងពីឆ្នាំ២០១៦ មក៕

The post ចិន សម្រេចលុបចោលបម្រាមនាំចូលសាច់គោពីក្រុមហ៊ុនចំនួន៥ នៅក្នុងប្រទេសអូស្រ្តាលី appeared first on .

នាយករដ្ឋមន្ត្រីអូស្ត្រាលីលោក Anthony Albanese បាននិយាយនៅអំឡុងសន្និសីទសារព័ត៌មានតាមទូរទស្សន៍នាថ្ងៃទី១៤ ខែមីនាថា៖ ខ្ញុំទន្ទឹងរង់ចាំជួបលោក Wang Yi នៅពេលដែលគាត់ធ្វើដំណើរទស្សនកិច្ចទៅកាន់ទីក្រុង Canberra នៅសប្តាហ៍ក្រោយ។ វា​ជា​រឿងល្អណាស់​ដែល​លោក Wang Yi នឹងមកបំពេញ​ទស្សនកិច្ច ហើយវាក៏​ជារឿងល្អដែលយើងបានជួបសន្ទនានឹងគ្នា។ វឌ្ឍនភាពដ៏សំខា​ន់ ត្រូវបានធ្វើឡើងក្នុងរយៈពេលប៉ុន្មានខែថ្មីៗនេះ ដើម្បីលុបបំបាត់ឧបសគ្គពាណិជ្ជកម្មជាមួយប្រទេសចិន ដែលជាដៃគូពាណិជ្ជកម្មដ៏ធំបំផុតរបស់អូស្ត្រាលី។

ជាមួយគ្នានោះ រដ្ឋមន្ត្រីការបរទេសអូស្ត្រាលីលោកស្រី Penny Wong ត្រូវបានគេរំពឹងថានឹងលើកឡើងពីបញ្ហាកុងស៊ុល ឧបសគ្គពាណិជ្ជកម្ម សិទ្ធិមនុស្ស ការការពារជម្លោះ និងសន្តិសុខក្នុងតំបន់។ មិនត្រឹមតែប៉ុណ្ណោះលោកស្រី Wong ក៏បានលើកឡើងនៅក្នុងសេចក្តីថ្លែងការណ៍មួយដែរថា៖ វាជាទស្សនៈរបស់ប្រទេសអូស្ត្រាលី ដែលចង់ឲ្យទំនាក់ទំនងទ្វេភាគីមានស្ថិរភាព នឹងអាចឱ្យប្រទេសទាំងពីរស្វែងរកផលប្រយោជន៍ជាតិរៀងៗខ្លួន។

គួរជម្រាបថា ទំនាក់ទំនងការទូតរវាងអូស្ត្រាលី ជាមួយប្រទេសចិន បានជួបប្រទះភាពតានតឹងយ៉ាងខ្លាំងចាប់តាំងពីឆ្នាំ២០១៨ មក ពោលកាលពីពេលនោះ រដ្ឋាភិបាលអភិរក្សនិយមបានធ្វើការហាមឃាត់ក្រុមហ៊ុន Huawei ពីការផ្តល់ឧបករណ៍ក្នុងអំឡុងពេលដាក់ឲ្យដំណើរការបណ្តាញ 5G របស់ខ្លួន។ មិនត្រឹមតែប៉ុណ្ណោះ វាកាន់តែតានតឹងជាងនេះទៅទៀត បន្ទាប់ពីទីក្រុង Canberra អំពាវនាវឲ្យមានការស៊ើបអង្កេតទៅលើប្រភពដើម នៃការរីករាលដាលជំងឺកូវីឌ១៩ ។ ជាការឆ្លើយតបចិនបានដាក់ពន្ធជាទម្ងន់លើទំនិញអូស្ត្រាលីមួយចំនួន ហើយបានលុបចោលប្លុកពាណិជ្ជកម្មជាច្រើនផងដែរ៕

The post ប្រមុខការទូតចិន នឹងទៅបំពេញទស្សនកិច្ចនៅប្រទេសអូស្ត្រាលី នាសប្តាហ៍ក្រោយ appeared first on .

បើតាមសម្តីរបស់នាយករដ្ឋមន្ត្រីម៉ាឡេស៊ី លោក Anwar Ibrahim បានប្រាប់អ្នកយកព័ត៌មានក្នុងអំឡុងដំណើរទស្សនកិច្ចទៅកាន់ប្រទេសអូស្ត្រាលី ក្នុងសប្តាហ៍នេះ ថា ក្រុមហ៊ុនគ្រប់គ្រងទិន្នន័យរបស់អូស្រ្តាលី AirTrunk នឹងបោះទុនប្រហែល ១១ពាន់លានរីងហ្គីត ស្របពេលក្រុមហ៊ុន NextDC ក៏គ្រោងមកបោះទុនចំនួន ៣ពាន់លានរីងហ្គីត ផងដែរ ដើម្បីវិនិយោគនៅក្នុងប្រទេសម៉ាឡេស៊ី ។

ទន្ទឹមនឹងនេះ ក្រុមហ៊ុនរុករករ៉ែ Lynas Rare Earths របស់អូស្ត្រាលី ក៏មានបំណងចង់ពង្រីកការវិនិយោគរបស់ខ្លួនបន្ថែមទៀត នៅក្នុងប្រទេសម៉ាឡេស៊ីផងដែរ ស្របពេលព័ត៌មានជាក់លាក់នៃវេលា និងចំនួនទឹកប្រាក់វិនិយោគ នៅមិនទាន់ត្រូវបានបង្ហាញច្បាស់លាស់នៅឡើយនោះទេ។

លោក Anwar ក៏បានសង្កត់ធ្ងន់ទៀតផងដែរថា ចំពោះការវិនិយោគដ៏មានសក្តានុពលរបស់ក្រុមហ៊ុនធំៗខាងលើនេះ អាចនឹងបង្កើតការងារសម្រាប់កម្មករជំនាញរហូតដល់ទៅ ១ ២០០ នាក់ នៅក្នុងប្រទេសម៉ាឡេស៊ី។

ដោយឡែក រដ្ឋមន្ត្រីពាណិជ្ជកម្ម និងឧស្សាហកម្មអន្តរជាតិរបស់ម៉ាឡេស៊ី លោក Tengku Zafrul Aziz បានអះអាងទៀតផងដែរថា មន្ត្រីរដ្ឋាភិបាលប្រទេសរបស់ខ្លួន បានជួបជាមួយតំណាងក្រុមហ៊ុនអូស្ត្រាលីចំនួន ២០ ក្នុងអំឡុងពេលដំណើរទស្សនកិច្ចនេះ ដោយក្នុងនោះក្រុមហ៊ុនចំនួន ៨ បានសន្យាចូលមកបោះទុនក្នុងចំនួនទឹកប្រាក់ ៣,៣៨ពាន់លានដុល្លារ គិតរហូតមកដល់ពេលនេះ៕

The post ម៉ាឡេស៊ី រំពឹងទទួលបានការវិនិយោគទឹកប្រាក់ជាង ៥ពាន់លានដុល្លារ ពីក្រុមហ៊ុនអូស្រ្តាលី appeared first on .

មូលនិធិថ្មីនេះ ត្រូវបានប្រកាសជាផ្លូវការដោយនាយករដ្ឋមន្ត្រីអូស្រ្តាលី លោក Anthony Albanese ក្នុងអំឡុងកិច្ចប្រជុំកំពូលពិសេសរយ:ពេល ៣ថ្ងៃ ដើម្បីរំលឹកខួបលើកទី៥០ នៃទំនាក់ទំនងអាស៊ាន-អូស្រ្តាលី នៅក្នុងទីក្រុងមែលប៊ន។

ជុំវិញមូលនិធិដែលត្រូវបានប្រកាសនេះ ក៏នឹងត្រូវផ្តោតសំខាន់លើថាមពលស្អាត រួមទាំងហេដ្ឋារចនាសម្ព័ន្ធ ក៏ដូចជាការផ្តល់ប្រាក់កម្ចី ការធានា សមធម៌ និងការធានារ៉ាប់រងផងដែរ។ ហើយស្របពេលជាមួយគ្នានោះ អូស្ត្រាលីក៏នឹងផ្តល់ជំនួយបន្ថែមចំនួន ១៤០លានដុល្លារអូស្រ្តាលី (៩១,១៨លានដុល្លារអាមេរិក) ដើម្បីបន្តកម្មវិធីដែលមានស្រាប់របស់ខ្លួន នៅក្នុងតំបន់អាស៊ានផងដែរ។

ជម្រាបជូនផងដែរថា ក្រៅតែពីដៃគូពាណិជ្ជកម្មដ៏សំខាន់របស់ប្រទេសចិន អូស្រ្តាលី បាននិងកំពុងសម្លឹងរកមើលការកសាងទំនាក់ទំនងសេដ្ឋកិច្ចជាមួយប្រទេសជាដៃគូផ្សេងទៀត ជាពិសេសនៅក្នុងតំបន់អាស៊ានផ្ទាល់តែម្តង ដោយសារតែមើលឃើញពីកំណើនប្រជាជនយ៉ាងឆាប់រហ័ស ក៏ដូចជានិរន្តរភាពយូរអង្វែង ដូច្នេះហើយទើបអាស៊ានត្រូវបានចាត់ទុកថាជាតំបន់មហាសេដ្ឋកិច្ចដែលកំពុងមានភាពរីកចម្រើនបំផុតមួយ៕

The post អូស្រ្តាលី គ្រោងបង្កើនកញ្ចប់ហិរញ្ញប្បទានជាង ១ពាន់លានដុល្លារ ក្នុងតំបន់អាស៊ាន appeared first on .