លោក ប៊ុន ណារិន ប្រធានសមាគមអ្នកផលិតអំបិលកំពត-កែបបានឱ្យដឹងថា អស់រយៈពេល១០ឆ្នាំហើយ អំបិលកំពត-កែប មិនដែលមានប្រជាពលរដ្ឋរស់នៅខេត្តបន្ទាយមានជ័យ និងខេត្តប៉ោយប៉ែតបញ្ជាទិញឬសួរនាំទិញអំបិលកំពតទេ។ ប៉ុន្តែសព្វថ្ងៃនេះពួកគាត់បានសម្រុកកំម្ម៉ង់ទិញអំបិលពីខាងសមាគមជាបន្តបន្ទាប់។

លោកគូសបញ្ជាក់ថា “ឥឡូវនេះបងប្អូខ្មែររស់នៅខេត្តបន្ទាយមានជ័យ និងប៉ោយប៉ែតពួកគាត់មានតម្រូវការអំបិលក្នុងស្រុកច្រើន ស្របពេលដែលខាងសមាគមទម្លាក់តម្លៃអំបិលមកទាប ក្នុងន័យខ្មែរជួយខ្មែរដើម្បីឱ្យគាត់យកទៅប្រើប្រាស់ទាន់ពេល ព្រោះអំបិលពីប្រទេសជិតខាងត្រូវបានបិទមិនឱ្យនាំចូល”។

បើតាមប្រធានសមាគម ស្ថិតក្នុងកាលៈទេសៈនេះមិនថាអ្នកផលិតអំបិល ឬអ្នកប្រើប្រាស់នោះទេ ត្រូវមានការយោគយល់គ្នា ហើយក្នុងនាមជាប្រធានសមាគមមានការត្រេកអរជាខ្លាំងនៅពេលប្រជាពលរដ្ឋរស់នៅតំបន់ជាប់ព្រំដែនថៃបានងាកមកធ្វើការបញ្ជាទិញអំបិលកំពត កែប យកទៅប្រើប្រាស់បែបនេះ។ តួយ៉ាងជាង១ខែកន្លងមកនេះ (សីហា) សមាគមអ្នកផលិតអំបិលកំពត កែប បានផ្គត់ផ្គង់ទៅលើទីផ្សារបាន៥តោនទៅ៦តោន ហើយសព្វថ្ងៃនេះពេលខ្លះយើងរៀបចំវេចខ្ចប់ផ្គត់ផ្គង់ជូនពួកគាត់មិនទាន់ថែមទៀតផង ខណៈកាលពីមុនៗតម្រូវការប្រើប្រាស់មានចំនួនតិចតួច។

លោក ប៊ុន ណារិន បានសង្កត់ធ្ងន់ថា “ខ្ញុំគិតថាប្រសិនបើប្រជាពលរដ្ឋខ្មែរ មានជាតិនិយមបានត្រឹមតែ៨០ភាគរយនៃប្រជាពលរដ្ឋសរុបនៅទូទាំងប្រទេសប្រើប្រាស់ផលិតផលក្នុងស្រុក វាធ្វើឱ្យសេដ្ឋកិច្ចកម្ពុជាកើនឡើងខ្ពស់ ហើយក្នុងនាមជាផលិតករអំបិលក្នុងស្រុក យើងក៏មានកម្លាំងចិត្តផលិតអំបិលបន្តទៀតដែរ ព្រោះអ្នកផលិតអំបិលនៅទទួលបានប្រាក់ចំណេញតិចតួចសម្រាប់ទ្រទ្រង់គ្រួសារ”។

បើតាមលោក ប៊ុន ណារិន, ឆ្នាំ២០២៥នេះ សមាគមអ្នកផលិតអំបិលកំពត កែប ផលិតអំបិលបានប្រមាណ២ទៅ៣ម៉ឺនតោន បូករួមជាអំបិលស្តុកពីមុន៤ម៉ឺន សរុបមានប្រមាណ៧ម៉ឺនតោន។ ប៉ុន្តែនៅខែសីហាឆ្នាំ២០២៥នេះសមាគមបានបញ្ចេញអំបិលមានបិរមាណច្រើនទៅលើទីផ្សារក្នុងស្រុក៕

The post អំបិលកំពត-កែប មានតម្រូវការប្រើប្រាស់កើនឡើងខ្ពស់នៅខែសីហា appeared first on .

លោក ប៊ុន ណារិន ប្រធានសមាគមខាងលើបានឱ្យដឹងថា «យើងចាប់ផ្តើមប្រមូលផលអំបិលចាប់តំាងពីចុងខែធ្នូឆ្នាំ២០២៣ ខណៈរាល់ឆ្នំាយើងប្រមូលផលអំបិលនៅក្នុងខែមករា។ដូចនេះគិតថ្ងៃទី៣០ខែមករានេះ ការប្រមូលផលអំបិលតាមការប៉ាន់ប្រមាណរបស់ខ្ញុំបានលើសពី៥០០០តោន ទៅជិត១ម៉ឺនតោន ហើយនៅឆ្នាំ២០២៤នេះយើងអាចផលិតអំមិលបានពី៨ម៉ឺនតោនទៅ១០ម៉ឺនតោន បើសិនជាអាកាសធាតុអំណោយផលបន្តទៅទៅទៀត ដោយពុំចាំបាច់ឱ្យមានការនាំចូលអំបិលពីបរទេស ផ្គត់ផ្គង់តម្រូវការក្នុងស្រុកនោះទេ»។

ទាក់ទងនិងការផលិតអំបិលរបស់ខេត្តកំពត-កែបថ្មីៗនេះ លោកស្រី ស៊ឹម ណារី ប្រធានស្តីទីមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តកំពតបានឱ្យដឹងថាខេត្តកំពតមានកសិដ្ឋានផលិតអំបិលសរុបទំហំ ៣.៤៨៩ ហិកតា, មានឃ្លាំង ស្តុកអំបិលចំនួន៥៦០កន្លែង ដែលផ្តល់ការងារដល់ប្រជាពលរដ្ឋចំនួន ១.៤៧៤ នាក់ ហើយ កសិដ្ឋាន ផលិតអំបិលក្នុងខេត្តដំណើរការបានរយៈពេល ៤ ទៅ ៦ ខែក្នុងមួយឆ្នាំ អាស្រ័យលើអាកាស ធាតុ និងផ្តល់ទិន្នផលអំបិលប្រមាណ ១០០.០០០ តោនក្នុងមួយឆ្នាំ៕ តាកែវ

The post កម្ពុជាប្រមូលផលអំបិលបានជាង៥ពាន់តោន ក្នុងខែមករានេះ appeared first on .

លោក ប៊ុន ណារិន ប្រធានសមាគមអ្នកផលិតអំបិលកំពត-កែប បានឱ្យដឹងថា ការផលិតអំបិលនៅខេត្តកំពត-កែប បានបញ្ចប់ការផលិតនិងប្រមូលផលអំបិលកំពត-កែប តំាងពីខែកក្កដា ឆ្នំា២០២៣ ហើយយើងផលិតអំបិលបានជាង៧ម៉ឺនតោន កើនឡើងជាង១០០% បើប្រៀបធៀបទៅនិងឆ្នំាមុនយើងធ្វើបានតែជាង៣ម៉ឹនតោន។

លោកបញ្ជាក់ថា«សម្រាប់ខ្ញុំគិតថាបរិមាណអំបិលដែលយើងផលិតបានជាង៧ម៉ឹនតោន នៅឆ្នំា២០២៣នេះ គឺអាចផ្គត់ផ្គង់តម្រូវការនៅក្នុងប្រទេសបានគ្រប់គ្រាន់ រួមផ្សំជាមួយនិងការនាំចូលក្រៅផ្លូវការនៅតាមច្រករបៀងក្នុងខេត្តជាប់ព្រំដែនថៃ និងវៀតណាម តែក្នុងករណីការប្រមូលផលត្រីប្រហុកនៅដើមឆ្នំាក្រោយ បើសិនបានច្រើនវាអាចខ្វះខាតតិចតួចប៉ុណ្ណោះ»។

តាមប្រធានសមាគម ថាមកដល់សព្វថ្ងៃនេះតម្លៃអំបិលកំពត-កែប ដែលមានគុណភាពល្អក្នុង១បាវទម្ងន់៥០គីឡូក្រាម អាចលក់បានថ្លៃជាង២ម៉ឺនរៀល ប្រហាក់ប្រហែលនិងឆ្នំាមុន ហើយសន្ទុះនៃការគំាំទ្ររបស់ប្រជាពលរដ្ឋនៅក្នុងស្រុកមានកម្រិត ដោយសារអំបិលផលិតតាមបែបធម្មជាតិមានលក្ខណៈពណ៌ស្រគំាំតិចតួច​ មិនសស្អាតដូចទៅនិងអំបិលនាំចូលពីខាងក្រៅ ទើបធ្វើឱ្យអ្នកប្រើប្រាស់នៅមានចិត្តស្ទាក់ស្ទើរ តែធាតុពិតទៅអំបិលធម្មជាតិគឺមានគុណភាពល្អសម្រាប់អ្នកបរិភោគ។

លោក ប៊ុន ណារិន ប្រធានសមាគមអ្នកផលិតអំបិលកំពត-កែបគូស បញ្ជាក់ថា« មកដល់បច្ចុប្បន្នមានផ្ទៃដីការផលិតអំបិលក្នុងខេត្តកំពត កែប មានជាង៣ពាន់ហិកតា និងមានក្រុមអ្នកផលិតអំបិលប្រមាណ១៣៩ក្រុម»៕

អត្ថបទ៖សារេត

The post កម្ពុជាផលិតអំបិលបានជាង៧ម៉ឺនតោន អាចផ្គត់ផ្គង់តម្រូវការក្នុងស្រុកបានដោយពុំចំាបាច់នាំចូលពីខាងក្រៅ appeared first on .