ថ្លែងក្នុងពិធីបិទសិក្ខាសាលាស្តីពីការផ្ទៀងផ្ទាត់ព័ត៌មានជាវីដេអូ និងការប្រើប្រាស់បញ្ញាសប្បនិម្មិត (AI) ក្នុងប្រព័ន្ធផ្សព្វផ្សាយនារសៀលថ្ងៃទី៣១ ខែតុលា ឆ្នាំ២០២៥ លោក នេត្រ ភក្ត្រា បានលើកឡើងថា៖ «ខ្ញុំជឿថាតាមរយៈបងប្អូនអ្នកសារព័ត៌មាន និងមន្ត្រីដែលចូលរួមក្នុងវគ្គបណ្តុះបណ្តាលនឹងចែករំលែកចំណេះដឹងដែលទទួលបាននេះដល់ក្រុមការងារ ពីរបៀបទប់ស្កាត់ព័ត៌មានក្លែងក្លាយ។ តាមរយៈការបណ្តុះបណ្តាលអ្នកសារព័ត៌មានកាន់តែជ្រួតជ្រាតសម្បូរបែប ពីយុទ្ធសាស្ត្រនៃការប្រយុទ្ធប្រឆាំងនឹងព័ត៌មានក្លែងក្លាយ ខ្ញុំលើកទឹកចិត្តឱ្យប្អូនអ្នកសារព័ត៌មាន បើសិនជាឃើញថាព័ត៌មានហ្នឹងក្លែងក្លាយ រូបភាពក្លែងក្លាយ ត្រូវប្រើប្រាស់ចំណេះដឹងរបស់ខ្លួនដែលទទួលបានចូលរួមប្រយុទ្ធប្រឆាំងព័ត៌មានក្លែងក្លាយជាមួយរដ្ឋាភិបាល និងក្រសួងព័ត៌មាន»។

លោករដ្ឋមន្ត្រី នេត្រ ភក្រ្តា បានបន្ថែមថា ចំពោះការរៀបចំវគ្គបណ្តុំបណ្តាលស្តីពីការផ្ទៀងផ្ទាត់ព័ត៌មានជាវីដេអូ និងការប្រើប្រាស់បញ្ញាសប្បនិម្មិត (AI) ក្នុងប្រព័ន្ធផ្សព្វផ្សាយ ជូនមន្ត្រីក្រសួងព័ត៌មាន និងអ្នកសារព័ត៌មានអាជីពនៅកម្ពុជា អាចចូលរួមចំណែកកាន់តែខ្លាំងបន្ថែមទៀតដល់អ្នកសារព័ត៌មាន ដោយបានបំពាក់នូវចំណេះដឹងថ្មី ជាអាវុធបំពាក់ខ្លួនឯងផង និងបំពាក់នូវចំណេះដឹងថ្មីនៃការងារ គ្រប់គ្រង និងប្រឆាំងព័ត៌មានក្លែងក្លាយ។

ទន្ទឹមនឹងនេះ លោក នេត្រ ភក្រ្ដា បញ្ជាក់ថា «យើងត្រូវរៀនរស់ជាមួយព័ត៌មានក្លែងក្លាយ យើងមិនអាចទប់ស្កាត់ព័ត៌មានក្លែងក្លាយទាំងស្រុងបានទេ ហើយបើចង់ទប់ស្កាត់ព័ត៌មានទាំងនេះបានចាំបាច់ណាស់យើងត្រូវបណ្តុះបណ្តាល។ វិធានការមួយក្នុងការបណ្តុះបណ្តាលដល់អ្នកសារព័ត៌មានជារឿងចាំបាច់បំផុត មួយទៀត គឺការផ្តល់នូវអក្ខរកម្មប្រព័ន្ធផ្សព្វផ្សាយព័ត៌មានដល់ប្រជាពលរដ្ឋ»។

ក្នុងនាមជារដ្ឋមន្រ្ដី ក្រសួងព័ត៌មាន លោក នេត្រ ភក្រ្ដា បានបញ្ជាក់បន្ថែមថា ក្នុងការប្រយុទ្ធប្រឆាំងព័ត៌មានក្លែងក្លាយ គឺយើងត្រូវចូលរួមទាំងអស់គ្នាមិនចាំបាច់តែស្ថាប័នពាក់ព័ន្ធចេញមកបំភ្លឺតែម្នាក់នោះទេ។ បងប្អូនយើងដឹងថាព័ត៌មាននោះក្លែងក្លាយ ហើយអាចចេញមកបញ្ជាក់អ្វីដែលជាការពិតជាក់ស្តែងបាន ដោយយើងអាចចូលរួមជាមួយរដ្ឋាភិបាល ជាមួយក្រសួងព័ត៌មានបាន»៕

The post រដ្ឋមន្រ្តីក្រសួងព័ត៌មាន លើកទឹកចិត្តអ្នកសារព័ត៌មានទាំងអស់ ប្រើប្រាស់ចំណេះដឹងចូលរួមប្រយុទ្ធប្រឆាំងនឹងព័ត៌មានក្លែងក្លាយ appeared first on .

សម្តេចធិបតី ថ្លែងដូច្នេះ តាមរយៈសារលិខិត សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសទិវាសេរីភាពសារព័ត៌មានពិភពលោក លើកទី៣១ ថ្ងៃទី៣ ខែឧសភា ឆ្នាំ២០២៤។

ក្នុងសារលិខិតនោះ សម្តេចធិបតី ហ៊ុន ម៉ាណែត បានលើកឡើងថា៖« ខ្ញុំសូមធ្វើការកត់សម្គាល់ថា លំហសេរីភាពសារព័ត៌មាន នៅកម្ពុជាកាន់តែរីកចម្រើនធំធាត់ប្រកបដោយសុខភាពល្អ និងឆ្ពោះទៅរកការរៀបចំបាននូវសណ្តាប់ ធ្នាប់ល្អប្រសើរ។ ស្ថានភាពសេរីភាពនៃការបញ្ចេញមតិ នៅតែស្ថិតក្នុងបរិយាកាសអំណោយផល ព្រោះថា អ្នកសារព័ត៌មានអាចរាយការណ៍ដោយសេរី ដោយឈរលើមូលដ្ឋានក្រមសីលធម៌ និងវិជ្ជាជីវៈសារព័ត៌មាន»។

សម្តេចធិបតី បន្តថា នៅលើពិភពលោក អ្នកសារព័ត៌មាន បានបំពេញតួនាទីដ៏សំខាន់ក្នុងការចូលរួមកែលម្អចំណុចខ្វះខាតនៅក្នុងសង្គម និងបាននាំយកព័ត៌មានពីរាជរដ្ឋាភិបាល ទៅកាន់ប្រជាពលរដ្ឋ និងនាំមកវិញនូវព័ត៌មានពីប្រជាពលរដ្ឋមករាជរដ្ឋាភិបាល ដើម្បីដោះស្រាយបញ្ហា ឱ្យទាន់ពេលវេលា និងសុខុដុមនីយកម្មក្នុងសង្គម ចូលរួមថែរក្សាសុខសន្តិភាព ការអភិវឌ្ឍ។

សម្តេចធិបតី បានសង្កត់ធ្ងន់ថា៖« អ្នកសារ ព័ត៌មានអាជីព ដែលគោរពវិជ្ជាជីវៈ គឺប្រៀបបានជាកញ្ចក់សម្រាប់ឆ្លុះបញ្ចាំងដ៏មានប្រសិទ្ធភាពអំពីបញ្ហាសង្គម។ ខ្ញុំសូមបងប្អូនសារព័ត៌មានបន្តចូលរួមលើកស្ទួយវិស័យព័ត៌មាន ដោយប្រតិបត្តិឱ្យបាន ខ្ជាប់ខ្ជួននូវវិជ្ជាជីវៈសារព័ត៌មាន និងចូលរួមជាមួយរាជរដ្ឋាភិបាលក្នុងការទប់ស្កាត់ និងលុបបំបាត់ ព័ត៌មានក្លែងក្លាយ បំភ្លៃការពិត មានចរិតបំពុលសង្គម ជេរប្រមាថ និងញុះញង់ បង្កឱ្យកើតមានអរិភាព និងការបែកបាក់សាមគ្គីភាពជាតិ។ ខ្ញុំសូមគាំទ្រចំពោះយុទ្ធនាការប្រឆាំងព័ត៌មានក្លែងក្លាយ ក្រោម ប្រធានបទ «និយាយថាទេ ចំពោះព័ត៌មានក្លែងក្លាយ» ។

គួរបញ្ជាក់ដែរថា ការប្រារព្ធ «ទិវាសេរីភាពសារព័ត៌មានពិភពលោក» លើកទី៣១ ឆ្នាំ២០២៤ នេះ ប្រព្រឹត្តទៅក្រោម ប្រធានបទ «សារព័ត៌មានសម្រាប់ផែនដី៖ សារព័ត៌មានក្នុងស្ថានភាព នៃវិបត្តិបរិស្ថាន» ដែលបង្ហាញ ពីសារៈសំខាន់នៃតួនាទីសារព័ត៌មាន និងសេរីភាពនៃការបញ្ចេញមតិ ក្នុងបរិបទនៃវិបត្តិបរិស្ថានសកល នាពេលបច្ចុប្បន្ន។ ការប្រារព្ធទិវាសេរីភាពសារព័ត៌មាននេះឡើងក្នុងគោលបំណងដើម្បីលើកកម្ពស់សិទ្ធិ សេរីភាពសារព័ត៌មាន និងសេរីភាព នៃការបញ្ចេញមតិ លើកកម្ពស់ឯករាជភាពនៃប្រព័ន្ធផ្សព្វផ្សាយ ព័ត៌មានពហុនិយម និងការការពារនិងផ្តល់សុវត្ថិភាពដល់អ្នកសារព័ត៌មានដែលបំពេញវិជ្ជាជីវៈត្រឹមត្រូវ ស្របតាមច្បាប់ និងក្រមសីលធម៌វិជ្ជាជីវៈ៕ អត្ថបទ៖ រង្សី

The post សម្តេចធិបតី៖ លំហសេរីភាពសារព័ត៌មាននៅកម្ពុជា កាន់តែរីកចម្រើនធំធាត់ប្រកបដោយសុខភាពល្អ appeared first on .

លោក ពុយ គា ប្រធានអ្នកឆ្លើយឆ្លងឱ្យទីភ្នាក់ងារព័ត៌មានក្យូដូ ដែលបានជាប់ជាប្រធានក្លិបអ្នកសែតកម្ពុជា សម្រាប់អាណត្តិទី៧ បានបញ្ជាក់ថា សម្រាប់អាណត្តិថ្មីទៅ៣ឆ្នាំខាងមុខនេះ ក្លិបអ្នកសែតកម្ពុជា នឹងយកការបណ្តុះបណ្តាល និងការបញ្ច្រៀបក្រមសីលធម៌វិជ្ជាជីវៈ ជាការងារអាទិភាព។
លោក ពុយ គា ក៏បានប្តេជ្ញាចិត្ត ដឹកនាំក្លិបអ្នកកាសែតកម្ពុជា និងខិតខំធ្វើអ្វីដែលជាប្រយោជន៍ដល់អ្នកសារព័ត៌មាន ក្នុងគោលដៅដើម្បីឲ្យវិជ្ជាជីវៈនិងក្រមសីលធម៌ សារព័ត៌មានមានភាពប្រសើរឡើង។ ហើយសម្រាប់ការបណ្តុះបណ្តាល លោក ក៏បានទំនាក់ទំនងក្រសួង ស្ថាប័ន មួយចំនួន ដូចជា ក្រសួងប្រៃសណីយ៍និងទូរគមនាគមន៍ និងអ្នកជំនាញខាងផ្នែកឌីជីថលនានា នឹងមកចែករំលឹកចំណេះដឹង ដល់អ្នកសារព័ត៌មានផងដែរ។

នៅក្នុងឳកាសអញ្ជើញជាអធិបតីក្នុងពិធីបោះឆ្នោតជ្រើសរើសគណៈកម្មាធិការនាយកនេះ ឯកឧត្តម ខៀវ កាញារិទ្ធ រដ្ឋមន្ដ្រីក្រសួងព័ត៌មាន ក៏បានជំរុញដល់អ្នកសារព័ត៌មាន ត្រូវចាំបាច់រក្សាក្រមសីល ធម៌វិជ្ជាជីវៈ ពីព្រោះក្រមសីលធម៌ គឺជាអាវក្រោះរបស់អ្នកកាសែត ហើយក្រសួងក៏ត្រៀមរៀបចំវគ្គ បណ្តុះបណ្តាល សម្រាប់អ្នកសារព័ត៌មានអនឡាញ ដើម្បីពង្រឹងក្រមសីលធម៌វិជ្ជាជីវៈ។
គួរបញ្ជាក់ថា សមាជិកគណៈកម្មាធិការនាកយកក្លិបអ្នកកាសែតកម្ពុជា សម្រាប់អណត្តិទី៧ មានចំនួន ៩រូប រួមមាន ១. លោក ខៀវ កូឡា ស្ថាបនិកក្លិបអ្នកកាសែតកម្ពុជា ២. លោក ជេត សន ស្ថាបនិកក្លិបអ្នកកាសែតកម្ពុជ ៣. លោកស្រី ថុង សុវណ្ណរង្សី អគ្គនាយិកាសារព័ត៌មានកោះសន្តិភាព ៤. លោក ទាវ សារៈមុនី និពន្ធនាយកសារព័ត៌មានរស្មីកម្ពុជា ៥. លោក នៅ សុភ័ស្ស នាយកសារព័ត៌មាន CLICK NEWS CBS ៦. លោក ពុយ គា ប្រធានអ្នកឆ្លើយឆ្លងឱ្យទីភ្នាក់ងារព័ត៌មានក្យូដូ ៧. កញ្ញា យ៉ាន់ លីណា នាយិកាវិទ្យុវាយោ FM ៨លោក លាង ដឺលុច សហស្ថាបនិកសារព័ត៌មានថ្មីៗ និង៩. លោក សៅ ភិរុណ អគ្គនាយករង ស្ថានីយវិទ្យុ និងទូរទ្សន៍ BTV។
ជាលទ្ធផលក្នុងចំណោមសន្លឹកបោះឆ្នោតសរុបចំនួន២៨១ មានសន្លឹកបោះឆ្នោត ២៧៧សន្លឹក បានយល់ព្រមគាំទ្រលើការជ្រើសរើសសមាជិកគណៈ កម្មាធិការ នាយក សម្រាប់ អាណត្តិទី៧ ដែលមានចំនួន ៩រូប រីឯសន្លឹកឆ្នោតមិនបានការ មាន២សន្លឹក និងអនុប្បវាទមាន ២សន្លឹក។
គិតមកដល់ឆ្នាំ២០២៣នេះ ក្លឹបអ្នកកាសែតកម្ពុជា (ក.អ.ក) មានអាយុ២៣ឆ្នាំហើយ បន្ទាប់ពីបង្កើតឡើងនៅឆ្នាំ២០០០ ដែលសមាជិកត្រឹមតែ៣០រូបប៉ុណ្ណោះ។ បច្ចុប្បន្ន ក្លឹបអ្នកកាសែតកម្ពុជា មានសមាជិក៥១៥រូប មកពី១៥៧ សា្ថប័នសារព័ត៌មាននានា។ ការបោះឆ្នោតជ្រើសរើសប្រធានក្លឹប និងគណៈកម្មាធិការនាយក នៃក្លឹបអ្នកការសែតកម្ពុជា តែងធ្វើឡើងរៀងរាល់៣ឆ្នាំម្តង៕

The post ប្រធានក្លឹបអ្នកកាសែតកម្ពុជា៖ ការងារអាទិភាពក្នុងអាណត្តិថ្មី គឺបណ្តុះបណ្តាលនិងបញ្ច្រៀប ក្រមសីលធម៌វិជ្ជាជីវៈដល់អ្នកសារព័ត៌មាន appeared first on .

លោក ប៉ែន ប៉ូណា បានធ្លាប់បានលើកឡើងប្រាប់សារព័ត៌មានក្នុងស្រុកកាលពីពេលកន្លងទៅថា “តម្លៃអ្នកសារព័ត៌មានយើង មិនមែនស្ថិតនៅធ្វើអ្វីដែលខុសឆ្គង ច្រង៉ែងច្រង៉ាងដើម្បីឱ្យគ មកមើលយើងច្រើនទេ។ តម្លៃរបស់យើងគឺមហាជនជឿទុកចិត្ត ប្រភពព័ត៌មានជឿទុកចិត្ត ហើយយើងផ្តល់ព័ត៌មានពិត ដែល មហាជនអាចយកជាការបាន” ។

ជុំវិញរឿងរ៉ាវនេះដែលមានអ្នកលេងបណ្តាញសង្គមហ្វេសប៊ុក និងមន្រ្តីរាជរដ្ឋាភិបាលមួយចំនួនបានចេញមកបង្ហាញយោបល់ ខណៈមួយចំនួនបានវាយតម្លៃដាក់បន្ទុកទៅលើអ្នកសារព័ត៌មានរហូតល្បីផ្អើលដល់នាយករដ្ឋមន្ត្រី។

រដ្ឋលេខាធិការក្រសួងអប់រំយុវជន និងកីឡា ជាកូនប្រុសសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស សុខា បានបញ្ចេញមតិមើលបង្ហាញការគាំទ្រវប្បធម៌ជួយយកអាសាគ្នាទៅវិញទៅមក។ ហើយរឿងជំនាញវាស់វែងរបស់នគរបាលចរាចរណ៍ជារឿងត្រឹមត្រូវ ដែលត្រូវវាស់វែងគូសគំនូសសម្គាល់ទីតាំងយានបង្កនិងយានរងគ្រោះ ដើម្បីកំណត់ថាភាគីណាខុសភាគីណាត្រូវ។

លោកបន្តថា ក្រៅតែពីការវាស់វែងបាញ់គំនូស នៅមានធម្យោបាយច្រើនទៀតដែលអាចប្រមូល និងបង្ហាញភស្ដុតាងបាន ដូចជា កាមេរ៉ាសុវត្ថិភាពនៅកន្លែងកើតហេតុបើសិនជាមាន, ស្លាកស្នាមនៅកន្លែងកើតហេតុ, ចម្លើយរបស់ភាគី, អ្នកឃើញហេតុការណ៍ និងវីដេអូ ដែលអ្នក Live បានទៅដល់មុនគេនោះ…សុទ្ធតែអាចយកធ្វើជាមូលដ្ឋានបាន។

យ៉ាងណា សម្រាប់អ្នក Live បើតាមលោក ស សុខាគប្បីប្រកាន់យកតួនាទី ក្រមសីលធម៌វិជ្ជាជីវៈក្នុងនាមអ្នកសារព័ត៌មានអាជីពស្របច្បាប់។ ពោលគឺ ផ្ដល់ព័ត៌មានពិតទាន់ហេតុការណ៍ និងតាមព្រឹត្តិការណ៍ជាក់ស្ដែង ដោយពុំអាចដើរតួជាសមត្ថកិច្ច ឬឈ្លោះប្រកែកវែកញែកតឹងសរសៃកដាក់ជាមួយនរណាម្នាក់នោះឡើយ។ ក្នុងនោះ ក្នុងនាមអ្នកសារព័ត៌មាន មានតួនាទីផ្ដល់ព័ត៌មានគ្រប់ជ្រុងជ្រោយឱ្យអ្នកទស្សនាបានដឹង និងថ្លឹងថ្លែងតាមរយៈការអត្ថាធិប្បាយហេតុការណ៍ដែលខ្លួនឃើញពិត, សម្ភាសភាគីទាំងសងខាង, សម្ភាសអ្នកឃើញហេតុការណ៍, សម្ភាសសមត្ថកិច្ច, សម្ភាសបងប្រុសដែលស្ទុះទៅលើកម៉ូតូដួលនោះ…។ ម្យ៉ាងវិញទៀត បើយើងចង់ផ្ញើសារជូនមហាជនថា ការលើកយានករណីបែបនេះ បណ្ដាលឱ្យប៉ះពាល់ដល់ជំនាញ ឬបាត់ដានក្នុងការរកអ្នកខុសអ្នកត្រូវ គប្បីបង្វែរសំណួរទៅសួរសមត្ថកិច្ចជំនាញដែលមានវត្តមាននៅទីនោះឱ្យលោកពន្យល់វិញ។

ទន្ទឹមនឹងនេះ លោកសង្កត់ធ្ងន់ឱ្យលើកកម្ពស់ឬបំផុសវប្បធម៌ជួយគ្នា។ ក្នុងករណីដែលការជួយណាមួយដោយស្មោះ តែខុសពីជំនាញរបស់សមត្ថកិច្ច៕

The post លោក ប៉ែន បូណា៖ បើគាំទ្រវិជ្ជាជីវៈសារព័ត៌មាន សូមកុំចូលមើលអ្នកគ្មានវិជ្ជាជីវៈ appeared first on .

នាឱកាសនោះសម្តេចតេជោ ហ៊ុន សែន នាយករដ្ឋមន្រ្តីកម្ពុជា បានឱ្យដឹងថា នាជំនួបរវាងសម្តេច ជាមួយអ្នកសារព័ត៌មានលើកទី៥ ឆ្នាំ២០២៣ នឹងមានអ្នកសារព័ត៌មាន ចូលរួមប្រមាណជាង ៤ពាន់នាក់ ដែលបានបង្ហាញឱ្យឃើញពីការគិតគូរ និងជាការបង្កើនទំនាក់ ទំនងរវាង អ្នកសារព័ត៌មាននិងអ្នកនាំពាក្យមកពីគ្រប់ក្រសួងស្ថាប័ន អភិបាលរាជធានី។

ទន្ទឹមគ្នានេះ សម្តេចតេជោ បានឱ្យដឹងដូច្នេះថា៖ «នៅក្នុងឱកាសកិច្ចប្រជុំត្រៀមជំនួបនោះនាពេលឆាប់ៗនេះ ខ្ញុំនឹងទុកឱកាសឱ្យអ្នកសារព័ត៌មានសួរសំនួរផ្សេងៗទៅកាន់ខ្ញុំ ដើម្បីឈ្វេងយល់ពីបញ្ហា និងឆ្លើយឆ្លងគ្នាបាន»។

សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានឱ្យដឹងថា ជំនួបជាមួយនឹងអ្នកសារព័ត៌មានលើកទី៥ នៅឆ្នាំ២០២៣ គឺបានធ្វើឡើងបន្ទាប់ពីអាក់ខានអស់រយៈពេលពេល២ ឆ្នាំមកហើយ ដោយសារការឆ្លងរីករាលដាលជំងឺកូវីដ-១៩។

គួរបញ្ជាក់ដែរថា កាលពីពេលថ្មីៗនេះ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន ធ្លាម់មានប្រសាសន៍លើកឡើងថា ជំនួបរវាងសម្តេចតេជោនាយករដ្ឋមន្រ្តីនិងអ្នកសារព័ត៌មាន គឺមានសារសំខាន់ណាស់ ដើម្បីជំរុញការលើកកម្ពស់វិស័យព័ត៌មានឱ្យកាន់តែរីកចម្រើនតាមរយៈការបង្កើនទំនាក់ ទំនងរវាង អ្នកសារព័ត៌មាននិងអ្នកនាំពាក្យមកពីគ្រប់ក្រសួង ស្ថាប័ន អភិបាលរាជធានី ខេត្ដ និងអ្នកនាំពាក្យតាមមន្ទីររាជធានី ខេត្ដ ដែលអាចធ្វើការផ្ទៀងផ្ទាត់ ឬពិភាក្សាពាក់ព័ន្ធនឹងវិស័យព័ត៌មាន ដើម្បីធ្វើឱ្យព័ត៌មានកាន់តែមានភាពសុក្រឹត្យ ព័ត៌មានពិត និងជាព័ត៌មានផ្ដល់ប្រយោជន៍ដល់សង្គម៕ អត្ថបទ៖ រង្សី

The post អ្នកសារព័ត៌មាន នឹងមានឱកាសសួរសំណួរទៅសម្តេចតេ ជោ នាជំនួបប្រចាំឆ្នាំថ្ងៃទី១៤ ខែមករា appeared first on .

តាមរយៈរបាយការណ៍របស់ អគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន បានអោយដឹងថា ពិធីជួបជុំរវាង សម្ដេចតេជោ ហ៊ុន សែន ជាមួយនឹងអ្នកសារព័ត៌មានឆ្នាំនេះ នឹងមានអ្នកសារព័ត៌មាន ចូលរួមប្រមាណជាង ៤ ពាន់នាក់។ ក្នុងនោះរួមមាន អង្គការ សមាគម ចំនួន១៣ អង្គភាព, ទីភ្នាក់ងារបរទេស និងការិយាល័យតំណាង ចំនួន ០១ អង្គភាព ស្មើ នឹង ២ រូប , គេហទំព័រ និង TV ONLINE ចំនួន ៣២៨ អង្គភាព, កាសែត ទស្សនាវដ្ដី ចំនួន ៥៤ អង្គភាព, វិទ្យុ និង ទូរ ទស្សន៍៖ វិទ្យុ ១៧ ស្ថានីយ ទូរទស្សន៍ ១៥ ស្ថានីយ, អ្នកនាំពាក្យ និងថ្នាក់ដឹកនាំ ក្រសួង ស្ថាប័ន ចំនួន ៦៣ រូប ។

ក្រៅពីនេះ ក៏មានការចុះឈ្មោះចូលរួមពីមន្ត្រីផ្នែកព័ត៌មាន រដ្ឋបាលខណ្ឌនៃរដ្ឋបាលរាជធានីភ្នំពេញ , ក្រុមការងារគេហទំព័រ គណបក្សប្រជាជនកម្ពុជា , ក្រុមការងារព័ត៌មានយុវជននៅសហរដ្ឋអាមេរិក , នាយកដ្ឋានព័ត៌មាន និងទំនាក់ទំនង​សា​ធារ​​ណៈ​គ.ជ.ប , និស្សិត DMC ,ក្រុម ហ្វេសប៊ុក ព្រំ សាន , សម្ព័ន្ធយុវជនស្ម័គ្រចិត្ត , សម្ព័ន្ធយុវជនស្រឡាញ់សន្តិភាព , ថ្នាក់​ដឹក​នាំ និងអគ្គនាយកដ្ឋានទាំង ៥ ចំណុះក្រសួងព័ត៌មាន ។ 

ក្នុងកិច្ចប្រជុំត្រៀមសម្រាប់កម្មវិធីជំនួបរវាងនាយករដ្ឋមន្ត្រីនិងអ្នកសារព័ត៌មាន នៅព្រឹកថ្ងៃទី០២ ខែមករា  លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន លើកឡើងថា ជំនួបរវាងសម្តេចតេជោ និងអ្នកសារព័ត៌មាន គឺមានសារសំខាន់ណាស់ ដើម្បីជំរុញការលើកកម្ពស់វិស័យព័ត៌​មាន​​ឱ្យកាន់តែរីកចម្រើនតាមរយៈការបង្កើនទំនាក់ ទំនងរវាង អ្នកសារព័ត៌មាន​និងអ្នកនាំពាក្យមកពីគ្រប់ក្រសួង ស្ថាប័ន អភិបាលរាជធានី ខេត្ដ អ្នកនាំពាក្យរាជធានី ខេត្ដ និងអ្នកនាំពាក្យតាម​មន្ទីរ​រាជធានី ខេត្ដ ដែលអាចធ្វើការផ្ទៀងផ្ទាត់ ឬពិភាក្សាពាក់ព័ន្ធនឹងវិស័យព័ត៌មាន ដើម្បីធ្វើឱ្យព័ត៌មាន​កាន់តែ​មានភាព​សុក្រឹត្យ  ព័ត៌មានពិត និងជាព័ត៌មានផ្ដល់ប្រយោជន៍ដល់សង្គម។

លោក ខៀវ កាញារីទ្ធ ក៏ជំរុញដល់ក្រុមការងារក្រសួងព័ត៌មានត្រូវបន្តរួមសហការសាមគ្គីគ្នា​ព្រោះក្រសួង​មានបទ​​ពិ​សោ​ធន៍​​​​ច្បាស់លាស់កាលធ្វើរយៈពេល ៤ លើករួចមកហើយ ។ សម្រាប់ឱកាសកិច្ចប្រជុំនាពេលនេះ គឺដើម្បី​ធ្វើ​​យ៉ាង​ណា​អោយ​ការងារសម្របសម្រួល រៀបចំអោយកម្មវិធី ជួបជុំរវាង សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ជាមួយអ្នកសារព័ត៌មានលើកទី៥ អោយដំណើរទៅដោយរលូន និងជោគជ័យ ៕

The post អ្នកសារព័ត៌មានជាង៤ពាន់នាក់ បាន​ចុះឈ្មោះ​​ចូលរួ​ម​ក្នុង​ជំនួប​​​រវាងនាយករដ្ឋមន្ត្រីនិងអ្នកសារព័ត៌មាន appeared first on .

ជាមួយគ្នានេះ សម្តេច ហ៊ុន សែន បានវាយតម្លៃខ្ពស់ដល់អ្នកសារព័ត៌មាន និងស្ថាប័នសារព័ត៌មានដែលបានចូលរួមចំណែកយ៉ាងសកម្មក្នុងការប្រយុទ្ធប្រឆាំងព័ត៌មានមិនពិត និងព័ត៌មានក្លែងក្លាយដែលបង្កឡើងដោយជនឪកាសនិយមមួយចំនួន ធ្វើការវាយប្រហារមកលើរដ្ឋាភិបាលកម្ពុជា បំភ្លៃសភាពការណ៍ពិតធ្វើឲ្យមានការភាន់ច្រឡំនិងបំផុសមិនឲ្យប្រជាពលរដ្ឋទៅទទួលថ្នាំបង្ការកូវីដ១៩ជាដើម។

តាមរយៈកិច្ចសហការដ៏ល្អនេះ ត្រូវបានរដ្ឋាភិបាលប្តេជ្ញាចិត្តក្នុងការលើកកម្ពស់ភាពជាដៃគូរវាងរដ្ឋាភិបាលជាមួយស្ថាប័នព័ត៌មាន ដើម្បីរក្សាសុខសន្តិភាពនិងការអភិវឌ្ឍនប្រទេសជាតិ។

បើ​តាម​ក្រ​សួង​ព័ត៌មាន ក្នុង​ប្រទេស​កម្ពុជាបច្ចុប្បន្ន​​មាន​សាប័ន​ផ្សព្វផ្សាយ​ចំនួន ​១ ៣៦៥​ស្ថាប័ន។ ក្នុង​ចំណោម​នោះ ​មាន​ស្ថាប័ន​បោះ​ពុម្ពផ្សាយចំនួន​៤៥០  ស្ថាប័ន​អនឡាញចំនួន​៦៦៩  ​​ស្ថានីយ​វិទ្យុចំនួន២២០​  និង​២៦​ផ្សេង​ទៀត​ជា​ស្ថានីយ​ទូរទស្សន៍​៕

The post សម្តេច ហ៊ុន សែន ស្នើដល់ថ្នាក់ដឹកនាំស្ថាប័ននិងអ្នកសារព័ត៌មាន ប្រកាន់ខ្ជាប់នូវក្រមសីលធម៌វិជ្ជាជីវៈ កុំគិតប្រយោជន៍ផ្ទាល់ខ្លួន appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

តាមរយៈសាលិខិត ក្នុងទិវាសេរីភាពសារព័ត៌មានសកលលោក លើកទី២៨ នេះ សម្តេចតេជោ ហ៊ុន សែន បានរំលេចលើកយកនៅប្រធានបទស្តីពី «ផលប្រយោជន៍ព័ត៌មានចំពោះសាធារណៈជន» គឺពិតជាមានសារៈសំខាន់ណាស់ ស្របទៅនឹងស្ថានភាពជាក់ស្តែងដែលមនុស្សលើសកលលោកបានចាត់ថា ព័ត៌មានគឺជាចំណីអាហារប្រចាំថ្ងៃរបស់ពួកគេដែលមិនអាចខ្វះបាន។ ជាពិសេសនៅក្នុងកាលៈទេសៈដែលសកលលោកបាននិងកំពុងរងនូវមហន្តរាយ និងសោកនាដកម្មការឆ្លងរាតត្បាតសកសនៃជំងឺកូវីដ១៩ ដែលបានឆក់យកអាយុជីវិតមនុស្សលើសកលលោកជិត ៣លាននាក់។

សម្តេចតេជោ ហ៊ុន សែន ក៏បានស្នើឲ្យអ្នកសារព័ត៌មានទាំងអស់បន្តការខិតខំប្រឹងប្រែងក្នុងការផ្តល់ព័ត៌មានពិតទៅកាន់ប្រជាពលរដ្ឋ ជាពិសេសផ្សព្វផ្សាយពន្យល់សារអប់រំ និងវិធានការបង្ការជំងឺកូវីដ១៩ របស់ក្រសួងសុខាភិបាល ៣កុំ ៣ការពារ ព្រមទាំងវិធានការរបស់រាជរដ្ឋាភិបាលស្តីពីវិធានការបិទទ្ទប់ប្រជាពលរដ្ឋមិនឲ្យចេញពីផ្ទះនៅក្នុងតំបន់ហាមឃាត់ ដើម្បីការពារអាយុជីវិតប្រជាពលរដ្ឋ និងកាត់ផ្តាច់ការឆ្លងរាលដាលជំងឺកូវីដ១៩ ចូលក្នុងសហគមន៍ ដើម្បីឈានទៅបញ្ចប់ព្រឹត្តិការណ៍សហគមន៍ ២០កុម្ភៈឲ្យបានឆាប់ក្នុងពេលដ៏ខ្លីខាងមុខ។

សម្តេចតេជោបានបញ្ជាក់ថា ការខិតខំប្រឹងប្រែងរបស់រាជរដ្ឋាភិបាលតែម្នាក់ឯងពិតជាមិនអាចទទួលបានជោគជ័យដោយគ្មានការចូលរួមពីស្ថាប័នសារព័ត៌មាន និងប្រជាពលរដ្ឋនោះទេ។

សជាមួយគ្នានោះ សម្តេចតេជោ សូមអំពាវនាវដល់ថ្នាក់ដឹកនាំស្ថាប័នសារព័ត៌មានទាំងអស់បង្កើនការយកចិត្តទុកដាក់សហការជាមួយក្រសួង ស្ថាប័នពាក់ព័ន្ធធ្វើបណ្តុះបណ្តាលវិជ្ជាជីវៈ និងជំនាញបច្ចេកទេស ព្រមទាំងសីលធម៌ដល់បងប្អូនអ្នកសារព័ត៌មានឲ្យមានការអភិវឌ្ឍន៍ដើរទាន់ការរីកចម្រើនបច្ចេកវិទ្យាប្រព័ន្ធផ្សព្វផ្សាយឌីជីថលដើម្បីសម្រួលដល់ការបំពេញភារកិច្ចឲ្យមានប្រសិទ្ធភាព៕

The post ភាពជោគជ័យរបស់រាជរដ្ឋាភិបាលពិតជាមិនអាចខ្វះបានដោយគ្មានការចូលរួមពីស្ថាប័នសារព័ត៌មាននិងប្រជាពលរដ្ឋនោះទេ appeared first on .

ក្រសួងព័ត៌មានឲ្យបានដឹងថា ការសម្រេចលុបចោលនេះ ក៏ដោយសារក្រសួងចាត់ទុកថា គេហទំព័រទាំង៥នេះ បានផ្សព្វផ្សាយព័ត៌មានបំភ្លៃការពិត បង្កភាពច្របូកច្របល់ និងចលាចលនៅក្នុងសង្គម ដែលជាការបំពានយ៉ាងធ្ងន់ធ្ងរលើវិជ្ជាជីវៈ និងកិច្ចសន្យាអាជីវកម្មដែលសាមីខ្លួណបានតម្កល់ទុកនៅក្រសួងព័ត៌មាន។

កាសែត គេហទំព័រសារព័ត៌មានទាំង ៥នោះរួមមាន៖

១ គេហទំព័រ live-daily.com របស់លោក ទេព វីរៈ នៅថ្ងៃទី១២ ខែមីនា ឆ្នាំ២០២១

២ សារព័ត៌មាន samprum-news.com របស់លោកស្រី ស៊ី សុភ័ក្រ្ត នៅថ្ងៃទី១២ ខែមីនា ឆ្នាំ២០២១

៣ គេហទំព័រ www.Pheng Vannak News របស់លោក ផែង វណ្ណៈ ថ្ងៃទី១៨ ខែមីនា ឆ្នាំ២០២១

៤.គេហទំព័រ ស្ទឹងច្រាលប៉ុស្តិ៍ របស់លោកស្រី សេង ស្រីពៅ នៅថ្ងៃទី២៦ ខែមីនា ឆ្នាំ២០២១

៥ កាសែត យុវជនតេជោ របស់លោក បៀង រដ្ឋា នៅថ្ងៃទី២៦ ខែមីនា ឆ្នាំ២០២១

The post ត្រឹមរយៈពេល ២៦ថ្ងៃ ក្រសួងព័ត៌មាន សម្រេចលុបអាជ្ញាបណ្ណសារព័ត៌មានចំនួន ៥ បន្ទាប់ពីផ្សព្វផ្សាយព័ត៌មានបំភ្លៃការពិត appeared first on .