ឯកឧត្តមកិត្តិសង្គហបណ្ឌិត គន់ គីម អគ្គលេខាធិការសមាគមអតីតយុទ្ធជនកម្ពុជា បានចាត់ទុកការឧបត្ថម្ភគាំទ្ររបស់សប្បុរសជនពេលនេះ ជាចលនាមហាសមានចិត្តដឹងគុណបំណាច់ជ្រាលជ្រៅចំពោះអតីតយុទ្ធជន ដែលបានធ្វើពលិកម្មដ៏មហិមាក្នុងបុព្វហេតុជាតិមាតុភូមិ។ ឯកឧត្តមកិត្តិសង្គហបណ្ឌិត បានអំពាវនាវដល់សប្បុរសជនបន្តចូលរួមឧបត្ថម្ភថវិកាគាំទ្រដល់សមាគមអតីតយុទ្ធជនកម្ពុជាបន្ថែមទៀត ដើម្បីរៀបចំមហាសន្និបាតវិសាមញ្ញទូទាំងប្រទេសនេះឱ្យបានកាន់តែមហោឡារិក។

យោងតាមសេចក្តីប្រកាសព័ត៌មានរបស់សមាគមអតីតយុទ្ធជនកម្ពុជា ចុះថ្ងៃទី១៤ ខែកក្កដា ឆ្នាំ២០២៥ បានឱ្យដឹងថា នៅថ្ងៃទី២៦ ខែកក្កដា ឆ្នាំ២០២៥ ខាងមុខនេះ នឹងមានរៀបចំមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស ក្រោមអធិបតីភាពដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ នាយឧត្តមសេនីយ៍ ផុតលេខផ្កាយមាស៥ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា។

សូមជម្រាបជូនថា មហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស នឹងប្រារព្ធឡើងក្នុងគោលបំណង ៣សំខាន់ៗ រួមមាន៖ ទី១-បូកសរុបលទ្ធផលការងាររយៈពេល១០ឆ្នាំ របស់សមាគម, ទី២-កែសម្រួលនិមិត្តសញ្ញាសមាគម និងឈ្មោះសមាគម ដោយផ្លាស់ប្ដូរពីសមាគមអតីតយុទ្ធជនកម្ពុជា ទៅជា សមាគមអតីតយុទ្ធជន និងនិវត្តជនកម្ពុជា និងទី៣-ការធ្វើវិសោធនកម្មលក្ខន្តិកៈសមាគម ដើម្បីបញ្ចូលនិវត្តជន ដែលជាអតីតមន្ត្រីរាជការស៊ីវិលចូលក្នុង សមាគមអតីតយុទ្ធជនកម្ពុជា៕

The post លោកអ្នកឧកញ៉ា ទ្រី ភាព និងអ្នកឧកញ៉ា គៀន ស្រីនាង ឧបត្ថម្ភថវិកា ៥៥០០០ដុល្លារ ដើម្បីរៀបចំមហាសន្និបាត​វិសាមញ្ញទូទាំងប្រទេសតំណាងសមាគមអតីតយុទ្ធជនកម្ពុជា ក្រោមអធិបតីភាពសម្ដេចតេជោ ហ៊ុន សែន appeared first on .

អំណោយរបស់លោកអ្នកឧកញ៉ា ទ្រី ភាព និងលោកជំទាវអ្នកឧកញ៉ា ទាំងនោះរួមមាន អង្ករ មី ត្រីខ ត្រីងៀត ឆៃប៉ូវផ្អែម សាប៊ូដុសខ្លួន តង់ការពារភ្លៀង ថ្នាំពេទ្យ ថ្នាំមូស ក្រមា និងចង្រ្កានហ្គាស ព្រមទាំងថវិកាមួយចំនួនផ្សេងទៀត ដែលសរុបជាទឹកប្រាក់អស់ប្រមាណ ១៨៤ លានរៀល។ ក្នុងដំណើរចុះសួរសុខទុក្ខនេះ ក៏មានការអញ្ជើញចូលរួមពីក្រុមប្រឹក្សាខេត្ដ និងអភិបាលរងខេត្ដ ព្រមទាំងអាជ្ញាធរមូលដ្ឋាន ជាច្រើនរូប។

សូមជម្រាបថា កាលថ្ងៃទី០៦ ខែមិថុនា ឆ្នាំ២០២៥ លោកអ្នកឧកញ៉ា ទ្រី ភាព អគ្គនាយកក្រុមហ៊ុន ទ្រី ភាព គ្រុប បេសកជនពិសេស របស់សមេ្តចតេជោ ហ៊ុន សែន ប្រធានព្រឹទ្ធសភា និងលោកជំទាវអ្នកឧកញ៉ា គៀន ស្រីនាង ក៏បានប្រកាសឧបត្ថម្ភថវិកាចំនួន ២០០,០០០ ដុល្លារអាម៉េរិក ជូនដល់កងទ័ពជួរមុខដែលឈរជើងតាមព្រំដែនផងដែរ៕

The post លោកអ្នកឧកញ៉ា ទ្រី ភាព និងលោកជំទាវ ផ្ដល់អំណោយដល់កងទ័ពឈរជើងនៅព្រំដែនកម្ពុជា-ថៃ ក្នុងភូមិសាស្ត្រខេត្តពោធិ៍សាត់ appeared first on .

ការចូលរួមឧបត្ថម្ភថវិកានេះ គឺជាការចូលរួមចំណែកលើកទឹកចិត្ត ដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំ ដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា នៅថ្ងៃទី២៩ ខែឧសភា ឆ្នាំ២០២៥ បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លុងមួយនៃខឿនការពារជាតិរបស់កម្ពុជា។

ឆ្លៀតឱកាសនេះ យើងខ្ញុំសូមបួងសួងដល់ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post លោកអ្នកឧកញ៉ា ទ្រី ភាព និងលោកជំទាវ ប្រកាសឧបត្ថម្ភថវិកាចំនួន ២០ម៉ឺនដុល្លារអាម៉េរិក ជូនកងទ័ពជួរមុខដែលឈរជើងតាមព្រំដែន appeared first on .

ស្ថិតក្នុងឱកាសជួបជាមួយសប្បុរសជនទាំងអស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានពាំនាំនូវព្រះរាជសវណីរបស់ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ព្រះប្រធានកិត្តិយស និងប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ និងថ្លែងអំណរគុណយ៉ាងជ្រាលជ្រៅចំពោះក្រុមហ៊ុន ទ្រី ភាព គ្រុប ដែលតែងតែបានចូលរួមបរិច្ចាគថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត ដែលនេះគឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក និងជាការផ្សារភ្ជាប់រវាងសប្បុរសជនជាមួយអ្នកទទួលផលរបស់កាកបាទក្រហមកម្ពុជា។

ជាមួយគ្នានេះ លោកជំទាវបណ្ឌិត ក៏បានជម្រាបជូនគណៈប្រតិភូ អំពីសកម្មភាពសំខាន់ៗរបស់កាកបាទក្រហមកម្ពុជា ក្នុងការជួយសម្រាលការលំបាកដល់ប្រជាពលរដ្ឋរងគ្រោះ និងងាយរងគ្រោះបំផុត ដូចជាតាមរយៈការឧបត្ថម្ភថវិកា ១លានដុល្លារ ជូនមន្ទីរពេទ្យកុមារគន្ធបុប្ផា ជារៀងរាល់ឆ្នាំ ចាប់តាំងពីឆ្នាំ២០១២រៀងមក, ការឧបត្ថម្ភថវិកា ៥លានដុល្លារ ជូនមន្ទីរពេទ្យហ្លួងម៉ែ, ការឧបត្ថម្ភដល់មន្ទីរពេទ្យកុមារអង្គរ ខេត្តសៀមរាប, ការចុះសួរសុខទុក្ខ និងឧបត្ថម្ភដល់សមាគម អង្គការ មជ្ឈមណ្ឌលនានា ដែលទទួលបន្ទុកខាងផ្នែកកុមារកំព្រា ជនមានពិការភាព ចាស់ឥតទីពឹងជាដើម ។ល។

ក្នុងឱកាសនោះដែរ លោកអ្នកឧកញ៉ា ទ្រី ភាព អគ្គនាយកក្រុមហ៊ុន ទ្រី ភាព គ្រុប ឯ.ក បានថ្លែងអំណរគុណយ៉ាងជ្រាលជ្រៅចំពោះកាកបាទក្រហមកម្ពុជា ក្រោមការដឹកនាំប្រកបដោយគតិបណ្ឌិតរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ដែលបានអនុញ្ញាតឱ្យក្រុមហ៊ុន និងសប្បុរសជន វិស័យឯកជន បានចូលរួមសកម្មភាពមនុស្សធម៌ជាមួយកាកបាទក្រហមកម្ពុជា។

សូមជម្រាបថា គិតចាប់ពីឆ្នាំ២០០៥ ដល់បច្ចុប្បន្ននេះ ក្រុមហ៊ុន ទ្រីភាព គ្រុប ឯ.ក របស់លោកអ្នកឧកញ៉ា ទ្រី ភាព បានឧបត្ថម្ភដល់កាកបាទក្រហមកម្ពុជា ចំនួន ២២លើក មានថវិកាសរុប ៤.៧៩៥.០០០ ដុល្លារអាម៉េរិក និង២លានរៀល៕

The post លោកអ្នកឧកញ៉ា ទ្រី ភាព នាំយកថវិកាឧបត្ថម្ភកាកបាទក្រហមកម្ពុជា ចំនួន ៣០ម៉ឺនដុល្លារ ជូនលោកជំទាវបណ្ឌិត ពេជ ចន្ទមុន្នី appeared first on .

បើតាមក្រុមហ៊ុន ទ្រី ភាព គ្រុប បានឱ្យដឹងថា ព្រះវិហារថ្មីសន្លាងក្នុងវត្តសុវណ្ណគិរីសាគរ ហៅវត្តចង្ហោន ស្ថិតនៅភូមិចង្ហោន សង្កាត់ព្រែកត្នោត ក្រុងបូកគោនេះ ដែលជាការផ្តួចផ្តើមកសាងឡើងរបស់ លោកអ្នកឧកញ៉ា មហាករុណាធម្មសិរីវិសុទ្ធិមុនី អគ្គមហាឧបាសកពុទ្ធសាសនូបត្ថម្ភក៍ ទ្រី ភាព និងលោកជំទាវ អ្នកឧកញ៉ា មហាករុណាធម្មរតនវិសុទ្ធិ អគ្គមហាឧបាសិកាពុទ្ធសាសនូបត្ថម្ភក៍ គៀន ស្រីនាង ត្រូវបានបញ្ចប់ការសាងសង់ ១០០% ព្រមទាំងបានរៀបចំពិធីបុណ្យបញ្ចុះខណ្ខសីមា និងពុទ្ធាភិសេកនៅព្រឹកថ្ងៃទី ២៦ ខែមីនា ឆ្នំា២០២៥នេះ ក្រោមអធិបតីភាពដ៏ខ្ពង់ខ្ពស់របស់ សម្ដេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ដែលមានការអញ្ជើញចូលរួមពី គណៈប្រតិភូ មន្ត្រីរាជការថ្នាក់ខេត្ត ក្រុង សង្កាត់ និង យាយជី-តាជី លោកគ្រូ-អ្នកគ្រូ ព្រមទាំំងប្រជាពលរដ្ឋសរុបជាង ២ ២០០ នាក់។

ព្រះវិហារថ្មីនេះមានទំហំ ១២ម៉ែត្រ គុណ ២១ម៉ែត្រ ចំណាយថវិកាអស់ ៤៨០.០០០ ដុល្លារអាមេរិក (៤៨ម៉ឺនដុល្លារ) ដែលថវិកាទាំងនោះជាសទ្ធាដ៏ជ្រះថ្លារបស់ លោកអ្នកឧកញ៉ា ទ្រី ភាព និងលោកជំទាវ អ្នកឧកញ៉ា គៀន ស្រីនាង ព្រមទាំងពុទ្ធបរិស័ទចំណុះជើងវត្តជិតឆ្ងាយ។

ក្នុងឱកាសនេះដែរ សម្ដេចកិត្តិសង្គហបណ្ឌិត ក៏បាននាំយកនូវអំណោយដ៏ថ្លៃថ្លារបស់ សម្ដេចអគ្គមហាសេនាបតីតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រគេនព្រះសង្ឃ និងចែកជូនដល់ប្រជាពលរដ្ឋ លោកគ្រូ-អ្នកគ្រូ តាជី-យាយជី ព្រមទាំងស្ថាប័នមួយចំនួនទៀត សរុបជាទឹកប្រាក់អស់ប្រមាណ ៦០០.០០០.០០០ រៀល (ប្រាំមួយរយលានរៀល)៕

The post លោកអ្នកឧកញ៉ា ទ្រី ភាព និងអ្នកឧកញ៉ា គៀន ស្រីនាង រៀបចំពិធីបុណ្យបញ្ចុះខណ្ឌសីមាព្រះវិហារវត្តសុវណ្ណគិរីសាគរ នៅក្រុងបូកគោ តម្លៃ ៤៨ម៉ឺនដុល្លារ appeared first on .

ក្នុងពិធីសម្ពោធដាក់ឱ្យប្រើប្រាស់នេះ មានការអញ្ជើញចូលរួមពី លោកអ្នកឧកញ៉ា ទ្រី ភាព ទីប្រឹក្សាសម្តេចតេជោ ហ៊ុន សែន ប្រធានព្រឹទ្ធសភា និងជាអគ្គនាយកក្រុមហ៊ុនទ្រីភាព អីុមផត អិចផត, អ្នកឧកញ៉ា គៀន ស្រីនាង អគ្គនាយិការងក្រុមហ៊ុន ទ្រី ភាព គ្រុប, លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ, លោក គីម រិទ្ធី អភិបាលខេត្តព្រះវិហារ និងអភិបាលមកបណ្តាខេត្តមួយចំនួនទៀត ព្រមទាំងមន្ត្រីរាជការ កងកម្លាំងប្រដាប់អាវុធខេត្ត បុគ្គលិក កម្មករក្រុមហ៊ុនទ្រីភាពគ្រុប រួមទាំងប្រជាពលរដ្ឋក្នុងស្រុងរវៀង ខេត្តព្រះវិហារ សរុបជាង ៣ពាន់នាក់។

ក្នុងឱកាសដ៏រីករាយជាមួយនឹងសមិទ្ធផលថ្មីនេះ លោកឧបនាយករដ្ឋមន្ត្រី ហ៊ុន ម៉ានី បានសម្តែងការអបអរសាទរជាមួយក្រុមហ៊ុនរបស់លោកអ្នកឧកញ៉ា ទ្រី ភាព ព្រមទាំងថ្នាក់ដឹកនាំ និងបុគ្គលិកក្រុមហ៊ុនទាំងអស់ ចំពោះវឌ្ឍនភាពនៃការដាំដំណាំកៅស៊ូរយៈពេលជាង១០ឆ្នាំ ក៏ដូចជាការបង្កើតបានរោងចក្រសម្រាប់កែច្នៃកៅស៊ូ នៅពេលនេះ។

លោកឧបនាយករដ្ឋមន្ត្រី ហ៊ុន ម៉ានី បានបន្ថែមថា ការបង្កើតរោងចក្រកែច្នៃជ័រកៅស៊ូធម្មជាតិ បានផ្តល់អត្ថប្រយោជន៍ជំរុញកំណើនឧស្សាហកម្ម និងបង្កើនស្ថិរភាពសេដ្ឋកិច្ច។ លើសពីនេះ រោងចក្រនេះ ក៏អនុញ្ញាតឱ្យផលិតនូវផលិតផលដែលមានតម្រូវការខ្ពស់ កាត់បន្ថយការពឹងទីផ្សារតែមួយ និងគាំទ្រការបង្កើតថ្មី ខណៈដែលការលើកកម្ពស់ការអនុវត្តប្រកបដោយនិរន្តរភាព និងរួមចំណែកដល់ការអភិវឌ្ឍហេដ្ឋារចនាសម្ព័ន្ធ។

សូមជម្រាបថា ចាប់តាំងពីឆ្នាំ២០១១ ក្រៅតែពីវិនិយោគការដាំកៅស៊ូលើផ្ទៃដីជិត ៦ពាន់ហិកតា នៅខេត្តព្រះវិហារ លោកអ្នកឧកញ៉ា ទ្រី ភាព បានសម្រេចបន្ថែមទុនវិនិយោគបង្កើតរោងចក្រកែច្នៃជ័រកៅស៊ូ នៅឆ្នាំ២០១៩។ រោងចក្រនេះត្រូវបានសាងសង់លើផ្ទៃដីទំហំ១០ហិកតា ជារោងចក្រស្វ័យប្រវត្តិមួយមានកម្រិតខ្ពស់នៅកម្ពុជា ដែលមានខ្សែច្រវាក់ផលិតកម្ម២ខ្សែ គឺមួយខ្សែសម្រាប់ជ័រទឹក និងមួយខ្សែទៀតសម្រាប់ជ័រចាន ឬជ័របង្កក៕

The post រោងចក្រកែច្នៃជ័រកៅស៊ូ របស់លោកអ្នកឧកញ៉ា ទ្រី ភាព តម្លៃជាង ១១លានដុល្លារ បើកសម្ពោធជាផ្លូវការ appeared first on .

តាមរយៈសារលិខិតជូនពរក្នុងឱកាសពិធីបុណ្យចូលឆ្នាំថ្មី ឆ្នាំសកល គ.ស.២០២៥ លោកជំទាវបណ្ឌិត ពេជ ចន្ទមុនី្ន ហ៊ុន ម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា បានអំពាវនាវឱ្យសប្បុរសជនបន្តចូលរួមបរិច្ចាគជាមួយមូលនិធិគន្ធបុប្ផាកម្ពុជា ដើម្បីនាំភាពញញឹមដល់ទារក និងកុមារដែលជាអនាគតដ៏ភ្លឺស្វាងរបស់កម្ពុជា។ លោកជំទាវបណ្ឌិត បានគូសរំលេចថា ក្នុងមួយឆ្នាំៗមន្ទីរពេទ្យគន្ធបុប្ផា ត្រូវការចំណាយជាមធ្យមជាង ៤០លានដុល្លារអាមេរិក ក្នុងបេសកកម្មសង្គ្រោះជីវិតទារក កុមារ និងស្រ្តីមានផ្ទៃពោះរាប់លាននាក់នៅកម្ពុជា នាពេលកន្លងមក។

គួរបញ្ជាក់ថា លោកអ្នកឧកញ៉ា ទ្រី ភាព ទីប្រឹក្សាសម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងជាអគ្គនាយកក្រុមហ៊ុនទ្រីភាពគ្រុប និងអ្នកឧកញ៉ា គៀន ស្រីនាង ជាឧត្តមភរិយា តែងតែបានចូលរួមសកម្មភាពមនុស្សធម៌នៅក្នុងសង្គម។ សម្រាប់ក្នុងឆ្នាំ២០២៤កន្លងទៅនេះ លោកអ្នកឧកញ៉ា ទ្រី ភាព និងអ្នកឧកញ៉ា គៀន ស្រីនាង បានបរិច្ចាគថវិកាសរុបប្រមាណជាង ១លានដុល្លារអាមេរិក ក្នុងសកម្មភាពមនុស្សធម៌សង្គម រួមមានទាំង ការជួយសាងសង់សមិទ្ធផលនានាតាមទីវត្តអារ៉ាម សាលារៀន ការបរិច្ចាគដល់មូលនិធិកសាងហេដ្ឋារចនាសម្ព័ន្ធតាមព្រំដែន ការឧបត្ថម្ភដល់ទូក ង ការបរិច្ចាគជូនកាកបាទក្រហម និងការបរិច្ចាគដល់មូលនិធិគន្ធបុប្ផាកម្ពុជា៕

The post អ្នកឧកញ៉ា គៀន ស្រីនាង ភរិយាលោកអ្នកឧកញ៉ា ទ្រី ភាព ប្រកាសបរិច្ចាគថវិកា ៣៥ម៉ឺនដុល្លារ ដល់មូលនិធិគន្ធបុប្ផាកម្ពុជា តបតាមការអំពាវរបស់លោកជំទាវបណ្ឌិត ពេជ ចន្ទមុនី្ន appeared first on .

តាមលទ្ធផលបណ្តោះអាសន្ន នៃការប្រកួតប្រណាំងទូក “គូពិសេស” រយៈពេល២ថ្ងៃ នៅថ្ងៃទី១៤-១៥ ខែវិច្ឆិកា ឆ្នាំ២០២៤ កន្លងមកនេះ ឃើញថា ទូកឈ្មោះ “សារាយតេជោសែនជ័យ” មកពីខេត្តកណ្តាល របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត កំពុងឈរលេខ១ កំពូលតារាង តាមពីក្រោយដោយទូកឈ្មោះ “តេជោកែវវិជ័យបារមីចៅសែន” មកពីខេត្តពោធិ៍សាត់ របស់ឯកឧត្តម កែវ រតនៈ និងឯកឧត្តម ខូយ រីដា។

រីឯចំណាត់ថ្នាក់លេខ៣ បានទៅលើទូកឈ្មោះ “សារ៉ាតសែនជ័យបារមីអន្លង់ស” មកពីខេត្តព្រៃវែង របស់ឯកឧត្តម ស្បោង សារ៉ាត និងចំណាត់ថ្នាក់លេខ៤ បានទៅលើទូកឈ្មោះ “នរិន្ទរង្សីពិជ័យចិត្របុត្រ” មកពីខេត្តបាត់ដំបង របស់សម្តេចក្រឡាហោម ស ខេង។ ចំណែកឯទូកឈ្មោះ “រាំងទិលសាគរសែនមានជ័យបារមីវត្តកញ្ជរខាងត្បូង” មកពីខេត្តពោធិ៍សាត់ របស់លោកអ្នកឧកញ៉ា ទ្រី ភាព និងលោកជំទាវអ្នកឧកញ៉ា គៀន ស្រីនាង ទទួលបានចំណាត់ថ្នាក់លេខ៥ ក្នុងចំណោមចំណាត់ថ្នាក់ទូកសរុប ១២៦។

សូមជម្រាបថា ក្នុងពិធីបុណ្យអុំទូក បណ្តែតប្រទីប និងសំពះព្រះខែអកអំបុក ឆ្នាំ២០២៤នេះ ទូកដែលឧបត្ថម្ភដោយ លោកអ្នកឧកញ៉ា ទ្រី ភាព និងលោកជំទាវអ្នកឧកញ៉ា គៀន ស្រីនាង មានចំនួន ៣គ្រឿង បានមកចូលរួមប្រណាំងនៅថ្នាក់ជាតិ ក្នុងរាជធានីភ្នំពេញ។ ក្នុងនោះទូកពីរទៀតឈ្មោះ “ទ្រីភាពឧត្តមសែនជ័យបារមីទេពី” មកពីខេត្តកំពង់ឆ្នាំង កំពុងឈរលេខ ១៤ និងទូកឈ្មោះ “ទ្រីភាពសែនជ័យបារមីតេជោ” មកពីខេត្តកណ្តាល កំពុងឈរចំណាត់ថ្នាក់លេខ ៦៩ បណ្តោះអាសន្នផងដែរ៕

The post ឆ្លងការប្រកួត២ថ្ងៃ! ទូកលោកអ្នកឧកញ៉ា ទ្រី ភាព ជាប់ចំណាត់ថ្នាក់ Top5 តាមប្រកៀកនឹងទូក «នរិន្ទរង្សីពិជ័យចិត្របុត្រ» appeared first on .

ព្រឹត្តិការណ៍ដ៏ធំ​អស្ចារ្យ ដែលមាន​សិល្បករ សិល្បការិនី និង​អ្នកចូលរួម​រាប់ពាន់នាក់ ​ក៏​មាន​វត្តមាន លោក​អ្នកឧកញ៉ា អ្នកឧកញ៉ា និង​ឧកញ៉ាៗ​មួយ​ចំនួន បាន​អញ្ជើញ​ចូលរួម​ផងដែរ។ ក្នុងនោះ​គេ​ឃើញ​មាន​វត្តមាន លោក​អ្នកឧកញ៉ា លាង ឃុន, លោកជំទាវ​អ្នកឧកញ៉ា គៀន ស្រីនាង ភរិយា​លោកអ្នកឧកញ៉ា ទ្រី ភាព, លោកជំទាវ​អ្នកឧកញ៉ា ម៉ៅ ចំណាន ប្រធានសមាគម​សិល្បករខ្មែរ និង​ជា​អ្នក​ផ្តួចផ្តើម​កម្មវិធី, ឧកញ៉ា ខេមរៈ សិរីមន្ត, ឧកញ៉ា ឡោក ដារិទ្ធ និងភរិយា អ្នកស្រី សុខ រស្មី, លោកស្រីឧកញ៉ា ឆេង ស្រីរ័ត្ន ដែលមហាជន​ភាគ​ច្រើន​ហៅថា មាំមី Love Riya។

រីឯនៅរសៀល​ថ្ងៃទី២៩ ខែតុលា ព្រឹត្តិការណ៍ “ស្នាមញញឹមនៃកម្ពុជា” បាន​បន្ត​របៀបវារៈពិធីដង្ហែក្បួនព្រះ​មហាក្សត្រ​សម័យ​អង្គរដ៏អស្ចារ្យ នៅប្រាសាទអង្គរវត្ត។ ការដង្ហែព្រះបាទជ័យវរ្ម័នក្នុងព្រឹត្តិការណ៍នេះ គឺដើម្បី​រំលឹកអំពីវីរភាពរបស់ព្រះអង្គ ដែលបានបន្សល់ទុកឱ្យកូនខ្មែរជំនាន់ក្រោយចងចាំ ហើយព្រឹត្តិការណ៍នេះក៏រំឭក​ដល់សិល្បៈ និងវប្បធម៌ដ៏ថ្កុំថ្កើង នាសម័យនោះ។

ក្នុងពិធីដង្ហែរនេះ លោកឧកញ៉ា ខេមរៈ សិរីមន្ត សម្តែងជាតួអង្គ ព្រះបាទ ជ័យវរ្ម័នទី៧ និងលោកជំទាវ​អ្នកឧកញ៉ា ម៉ៅ ចំណាន ដើរតួសម្ដែងជា ព្រះនាងឥន្ទ្រទេវី ដែលជាវីរក្សត្រីយ៍ខ្មែរមួយអង្គនាសម័យអង្គរ ដែលមិនត្រឹមតែមានព្រះរូបឆោមលោមពណ៌ល្អឥតមាននរណាផ្ទឹមបានប៉ុណ្ណោះទេ ព្រះនាងថែមទាំងមានវិជ្ជា​សម្បត្ដិខ្ពង់ខ្ពស់​ឈ្លាសវៃក្នុងការសិក្សា ហើយនិងចេះដឹងនូវក្បួនច្បាប់ទាំងឡាយយ៉ាងជ្រៅជ្រះទៀតផង។

គួរបញ្ជាក់ថា កម្មវិធី «ស្នាមញញឹមនៃកម្ពុជា» ជាមធ្យោបាយមួយក្នុងការពង្រឹងស្មារតី​នៃកម្ពុជាដែលគួរឱ្យ​ស្រលាញ់​ដែលស្វាគមន៍ភ្ញៀវជាតិ និងអន្តរជាតិ។ ព្រឹត្តការណ៍នេះមិនត្រឹមតែមានន័យជាការអបអរសាទរ​នៅលើការ​សម្ដែងស្នាមញញឹមនោះទេ ប៉ុន្តែក៏ជាការបង្កើនភាពរួបរួម និងការប្តេជ្ញាក្នុងការអភិវឌ្ឍសហគមន៍​ជាមួយគ្នា។ ព្រឹត្តិការណ៍នេះ ក៏ជាសកម្មភាពសង្គម ដែលបង្កើតឡើងដើម្បីលើកកម្ពស់វិស័យទេសចរណ៍ តាមរយៈ​ការចែករំលែកនូវទំនៀមទម្លាប់ និងមេរៀននៃស្នាមញញឹម ដែលបង្ហាញពីមិត្តភាពរបស់ប្រជាជន​កម្ពុជាផងដែរ៕

The post លោកអ្នកឧកញ៉ា អ្នកឧកញ៉ា និងឧកញ៉ាៗរូបណាខ្លះ ចូលរួមពិធីបើកព្រឹត្តិការណ៍ “ស្នាមញញឹមនៃកម្ពុជា”? appeared first on .

ជាកិច្ចចាប់ផ្ដើមពិធីសូត្រមន្តកាន់បិណ្ឌវេនទី១០នេះ លោកអ្នកឧកញ៉ា បណ្ឌិត ទ្រី ភាព និងលោកជំទាវ អ្នកឧកញ៉ា គៀន ស្រីនាង បានអញ្ជើញអុជទានធូប បូជាផ្កាភ្ញី ថ្វាយ និងបួងសួងរំលឹកដល់គុណព្រះពុទ្ធ ព្រះធម៌ និងព្រះសង្ឃ មុននឹងចាប់ផ្ដើមនមស្សការព្រះរតនត្រៃ។

នៅក្នុងបរិយាកាសប្រកបដោយសទ្ធា និងសេចក្ដីជ្រះថ្លានេះ សម្តេចព្រះពុទ្ធជ័យមុនីបណ្ឌិត ឃឹម សន ព្រះគ្រូ​សូធ្យស្តាំ ព្រះចរណវិជ្ជា ចេម ធីរៈ ព្រះគ្រូសូធ្យឆ្វេង នៃវត្តបទុមវតីរាជវរារាម ព្រមទាំងព្រះសង្ឃ​បានធ្វើ​ពិធីសូត្រ​មន្តចម្រើនព្រះបរិត្ត និងពុទ្ធជ័យមង្គល។

បន្ទាប់ពីបញ្ចប់កិច្ចនៃពិធីសូត្រមន្តចម្រើន​ព្រះបរិត្ត លោកអ្នកឧកញ៉ា បណ្ឌិត ទ្រី ភាព និងលោកជំទាវ អ្នកឧកញ៉ា គៀន ស្រីនាង ព្រមទាំងពុទ្ធបរិស័ទរួមកាន់បិណ្ឌវេនទី១០ បានបន្តស្ដាប់ព្រះធម្មវិសេសទេសនា សម្ដែងដោយ​ព្រះវិបុលវេទី បណ្ឌិត ពេញ វិបុល មន្ត្រីសង្ឃក្នុងវត្តខាងលើ។

គួរបញ្ជាក់ថា ក្នុងឱកាសនៃរដូវកាលភ្ជុំបិណ្ឌ ដែលជាពិធីបុណ្យប្រពៃណីចម្បងមួយរបស់ជាតិ ប្រជាពលរដ្ឋ​ជាពុទ្ធបរិស័ទកម្ពុជាជាច្រើន មានចិត្តអំណរសាទរយ៉ាងស្រុះស្រួល និងសាមគ្គីគ្នាធ្វើបុណ្យធ្វើទាន​ដោយសេចក្តី​ជ្រះថ្លាក្នុងការកាន់បិណ្ឌ-ភ្ជុំបិណ្ឌ នៅតាមទីវត្តអារាមនានា ដើម្បីទទួលយកនូវកុសលផលបុណ្យរៀងៗខ្លួន និងជាការរួមចំណែកលើកស្ទួយ ក៏ដូចជាតម្កើងវិស័យព្រះពុទ្ធសាសនាឱ្យកាន់តែរីកចម្រើនសុះសាយផងដែរ៕

The post លោកអ្នកឧកញ៉ា ទ្រី ភាព ចូលរួមក្នុងពិធីសូត្រមន្តកាន់បិណ្ឌវេនទី១០ នៅវត្តបទុមវតី appeared first on .